Akrura's Vision and Hymn in the Yamuna

Verse 1 (vishnu.5.18.1)

चिन्तयन्निति गोविन्दमुपागम्य स यादवः। अक्रूरोऽस्मीति चरणौ ननाम शिरसा हरेः

cintayanniti govindamupāgamya sa yādavaḥ akrūro'smīti caraṇau nanāma śirasā hareḥ

Thinking thus, that Yadava approached Govinda and, saying 'I am Akrura,' bowed his head to Hari's feet.

Verse 2 (vishnu.5.18.2)

सोऽप्येनं ध्वजवज्राब्जकृतचिह्नेन पाणिना। संस्पृश्याकृष्य च प्रीत्या सुगाढं परिषस्वजे

so'pyenaṁ dhvajavajrābjakṛtacihnena pāṇinā saṁspṛśyākṛṣya ca prītyā sugāḍhaṁ pariṣasvaje

He too, with a hand marked with the signs of the banner, thunderbolt, and lotus, touched him, drew him close, and embraced him tightly with affection.

Verse 3 (vishnu.5.18.3)

कृतसंवादनौ तेन यथावद्बलकेशवौ। ततः प्रविष्टौ संहृष्टौ तमादायात्ममन्दिरम्

kṛtasaṁvādanau tena yathāvadbalakeśavau tataḥ praviṣṭau saṁhṛṣṭau tamādāyātmamandiram

Having thus duly exchanged greetings with Bala and Keshava, they, filled with joy, took him along into their own dwelling.

Verse 4 (vishnu.5.18.4)

सह ताभ्यां तदाक्रूरः कृतसंवादनादिकः। भुक्तभोज्यो यथान्यायमाचचक्षे ततस्तयोः

saha tābhyāṁ tadākrūraḥ kṛtasaṁvādanādikaḥ bhuktabhojyo yathānyāyamācacakṣe tatastayoḥ

Seated with the two of them, having exchanged the courtesies, and after the meal was taken, Akrura then related to them, in due order —

Verse 5 (vishnu.5.18.5)

यथा निर्भर्त्स्यते तेन कंसेनानकदुन्दुभिः। यथा च देवकी देवी दानवेन दुरात्मना

yathā nirbhartsyate tena kaṁsenānakadundubhiḥ yathā ca devakī devī dānavena durātmanā

how Anakadundubhi was reviled by Kamsa, and how the goddess Devaki too was reviled by that wicked demon,

Verse 6 (vishnu.5.18.6)

उग्रसेने यथा कंसः सुदुरात्मा च वर्त्तते। यं चैवार्थं समुद्दिश्य स कंसेन विसर्जितः

ugrasene yathā kaṁsaḥ sudurātmā ca varttate yaṁ caivārthaṁ samuddiśya sa kaṁsena visarjitaḥ

and how utterly evil was Kamsa's conduct toward Ugrasena, and the very purpose for which Kamsa had sent him — all of this he related.

Verse 7 (vishnu.5.18.7)

तत् सर्व्वं विस्तराच्छ्रुत्वा भगवान् केशिसूदनः। उवाचाखिलमप्येतज्ज्ञातं दानपते मया

tat sarvvaṁ vistarācchrutvā bhagavān keśisūdanaḥ uvācākhilamapyetajjñātaṁ dānapate mayā

Having heard all this in full detail, the Blessed Lord, slayer of Keshi, said: 'O most generous one, all this was already known to me.'

Verse 8 (vishnu.5.18.8)

करिष्ये च महाभाग यदत्रौपयिकं मतम्। विचिन्त्यं नान्यथैतत् ते विद्धि कंसं हतं मया

kariṣye ca mahābhāga yadatraupayikaṁ matam vicintyaṁ nānyathaitat te viddhi kaṁsaṁ hataṁ mayā

'O illustrious one, whatever course seems fitting here, that I shall do; there is no need to ponder otherwise — know that Kamsa is already as good as slain by me.'

Verse 9 (vishnu.5.18.9)

अहं रामश्च मथुरां श्वो यास्यावः समं त्वया। गोपवृद्धाश्च यास्यन्ति आदायोपायनं बहु

ahaṁ rāmaśca mathurāṁ śvo yāsyāvaḥ samaṁ tvayā gopavṛddhāśca yāsyanti ādāyopāyanaṁ bahu

'Tomorrow Rama and I shall go to Mathura together with you, and the elders among the cowherds too will go, bringing much tribute.'

Verse 10 (vishnu.5.18.10)

निशेयं नीयतां वीर न चिन्तां कर्त्तुमर्हसि। त्रिरात्राभ्यन्तरे कंसं हनिष्यामि सहानुगम्

niśeyaṁ nīyatāṁ vīra na cintāṁ karttumarhasi trirātrābhyantare kaṁsaṁ haniṣyāmi sahānugam

'O hero, let this night pass here; you have no need to worry. Within three nights I shall slay Kamsa along with his followers.'

Verse 11 (vishnu.5.18.11)

समादिश्य ततो गोपानक्रूरोऽपि सकेशवः। सुष्वाप बलभद्रश्च नन्दगोपगृहे सुखम्

samādiśya tato gopānakrūro'pi sakeśavaḥ suṣvāpa balabhadraśca nandagopagṛhe sukham

Having thus instructed the cowherds, Akrura, together with Keshava, and Balabhadra too, slept happily that night in the house of Nanda the cowherd.

Verse 12 (vishnu.5.18.12)

ततः प्रभाते विमले कृष्णरामौ महामती। अक्रूरेण समं गन्तुमुद्यतौ मथुरां प्रति

tataḥ prabhāte vimale kṛṣṇarāmau mahāmatī akrūreṇa samaṁ gantumudyatau mathurāṁ prati

Then, when the clear dawn had come, the wise Krishna and Rama made ready to depart for Mathura together with Akrura.

Verse 13 (vishnu.5.18.13)

दृष्ट्वा गोपीजनः साश्रुः श्लथद्वलयबाहुकः। निःश्वस्य चातिदुःखार्त्तः प्राह चेदं परस्परम्

dṛṣṭvā gopījanaḥ sāśruḥ ślathadvalayabāhukaḥ niḥśvasya cātiduḥkhārttaḥ prāha cedaṁ parasparam

Seeing this, the gopis, their eyes filled with tears and the bangles slipping loose on their arms, sighing in the depths of their grief, said to one another —

Verse 14 (vishnu.5.18.14)

मथुरां प्राप्य गोविन्दः कथं गोकुलमेष्यति। नागरस्त्रीकलालापमधु श्रोत्रेण पास्यति

mathurāṁ prāpya govindaḥ kathaṁ gokulameṣyati nāgarastrīkalālāpamadhu śrotreṇa pāsyati

'Once Govinda reaches Mathura, how will he ever return to Gokula? His ears will drink in the sweet, clever chatter of the city women there.'

Verse 15 (vishnu.5.18.15)

विलासिवाक्यपानेषु नागरीणां कृतास्पदम्। चित्तमस्य कथं भूयो ग्राम्यगोपीषु यास्यति

vilāsivākyapāneṣu nāgarīṇāṁ kṛtāspadam cittamasya kathaṁ bhūyo grāmyagopīṣu yāsyati

'Once his mind takes root among those city women, absorbed in drinking their playful, seductive words, how could it ever turn back again to us, mere village cowherd-girls?'

Verse 16 (vishnu.5.18.16)

सारं समस्तगोष्ठस्य विधिना हरता हरिम्। प्रहृतं गोपयोषित्सु निर्घृणेन दुरात्मना

sāraṁ samastagoṣṭhasya vidhinā haratā harim prahṛtaṁ gopayoṣitsu nirghṛṇena durātmanā

'By fate's own decree, Hari — the very essence of this whole cow-settlement — is being carried away; this is a blow struck against us cowherd women by that pitiless, evil-souled one.'

Verse 17 (vishnu.5.18.17)

भावगर्भस्मितं वाक्यं विलासललिता गतिः। नागरीणामतीवैतत् कटाक्षैक्षितमेव च

bhāvagarbhasmitaṁ vākyaṁ vilāsalalitā gatiḥ nāgarīṇāmatīvaitat kaṭākṣaikṣitameva ca

'That smile brimming with feeling, that sweet playful speech, that graceful, alluring gait — all this will now be seen only through the sidelong glances of city women.'

Verse 18 (vishnu.5.18.18)

ग्राम्यो हरिरयं तासां विलासनिगडैर्युतः। भवतीनां पुनः पार्श्वं कया युक्त्या समेष्यति

grāmyo harirayaṁ tāsāṁ vilāsanigaḍairyutaḥ bhavatīnāṁ punaḥ pārśvaṁ kayā yuktyā sameṣyati

'This rustic Hari of ours, now bound in the fetters of their allurements — by what stratagem will he ever come back again to your side?'

Verse 19 (vishnu.5.18.19)

एष एष रथमारुह्य मथुरां याति केशवः। क्रूरेणाक्रूरकेणात्र निराशेन प्रतारितः

eṣa eṣa rathamāruhya mathurāṁ yāti keśavaḥ krūreṇākrūrakeṇātra nirāśena pratāritaḥ

'Look, look — Keshava, mounting his chariot, is going to Mathura, deceived by this cruel, hope-destroying Akrura here.'

Verse 20 (vishnu.5.18.20)

किं न वेत्ति नृशंसोऽयमनुरागपरं जनम्। येनेममक्ष्णोराह्लादं नयत्यन्यत्र नो हरिम्

kiṁ na vetti nṛśaṁso'yamanurāgaparaṁ janam yenemamakṣṇorāhlādaṁ nayatyanyatra no harim

'Does this merciless man not know that we are people utterly given over to love, that he is taking away this very delight of our eyes elsewhere?'

Verse 21 (vishnu.5.18.21)

एष रामेण सहितः प्रयात्यत्यन्तनिर्घृणः। रथमारुह्य गोविन्दस्त्वर्यतामस्य वारणे

eṣa rāmeṇa sahitaḥ prayātyatyantanirghṛṇaḥ rathamāruhya govindastvaryatāmasya vāraṇe

'Look, this utterly pitiless Govinda, together with Rama, mounted upon his chariot, is going — hasten now to hold him back!'

Verse 22 (vishnu.5.18.22)

गुरूणामग्रतो वक्तुं किं ब्रवीषि न नः क्षमम्। गुरवः किं करिष्यन्ति दग्धानां विरहाग्निना

gurūṇāmagrato vaktuṁ kiṁ bravīṣi na naḥ kṣamam guravaḥ kiṁ kariṣyanti dagdhānāṁ virahāgninā

'Is it not fitting for us to speak before our elders? But what indeed can our elders do for us, consumed as we already are by the fire of separation?'

Verse 23 (vishnu.5.18.23)

नन्दगोपमुखा गोपा गन्तुमेते समुद्यताः। नोद्यमं कुरुते कश्चिद्गोविन्दविनिवर्तने

nandagopamukhā gopā gantumete samudyatāḥ nodyamaṁ kurute kaścidgovindavinivartane

'Even the cowherds, led by Nanda, are themselves getting ready to go along; yet no one at all is making any effort to turn Govinda back.'

Verse 24 (vishnu.5.18.24)

सुप्रभाताद्य रजनी मथुरावासियोषिताम्। पास्यन्त्यच्युतवक्त्राब्जां यासां नेत्रालिपङ्क्तयः

suprabhātādya rajanī mathurāvāsiyoṣitām pāsyantyacyutavaktrābjāṁ yāsāṁ netrālipaṅktayaḥ

'Today the night will dawn most auspiciously for the women dwelling in Mathura, whose very rows of glances shall drink in Achyuta's lotus-face.'

Verse 25 (vishnu.5.18.25)

धन्यास्ते पथि ये कृष्णमितो यान्त्यनिवारिताः। उद्वहिष्यन्ति पश्यन्तः स्वदेहं पुलकाञ्चितम्

dhanyāste pathi ye kṛṣṇamito yāntyanivāritāḥ udvahiṣyanti paśyantaḥ svadehaṁ pulakāñcitam

'Blessed indeed are those who, unhindered, shall go this road with Krishna — seeing their own bodies thrilled with rapture, they shall count themselves fortunate.'

Verse 26 (vishnu.5.18.26)

मथुरानगरीपौरनयनानां महोत्सवः। गोविन्दावयवैर्दृष्टैरतीवाद्य भविष्यति

mathurānagarīpauranayanānāṁ mahotsavaḥ govindāvayavairdṛṣṭairatīvādya bhaviṣyati

'For the eyes of the citizens of Mathura city, a great festival is about to take place today, at the very sight of Govinda's limbs.'

Verse 27 (vishnu.5.18.27)

को नु स्वप्नः सुभाग्याभिर्दृष्टस्ताभिरधोक्षजम्। विस्तारिकान्तिनयना या द्रक्ष्यन्त्यनिवारितम्

ko nu svapnaḥ subhāgyābhirdṛṣṭastābhiradhokṣajam vistārikāntinayanā yā drakṣyantyanivāritam

'What dream indeed was it, by which those most fortunate women beheld Adhokshaja — those wide, lustrous-eyed women who shall now see him without hindrance?'

Verse 28 (vishnu.5.18.28)

अहो गोपीजनस्यास्य दर्शयित्वा महानिधिम्। उद्धृतान्यत्र नेत्राणि विधात्राकरुणात्मना

aho gopījanasyāsya darśayitvā mahānidhim uddhṛtānyatra netrāṇi vidhātrākaruṇātmanā

'Alas! Having first shown this multitude of gopis so great a treasure, the merciless Ordainer has, as it were, plucked out our very eyes here on the spot.'

Verse 29 (vishnu.5.18.29)

अनुरागेण शैथिल्यमस्मासु व्रजता हरेः  शैथिल्यमुपयान्त्याशु करेषु वलयान्यपि

anurāgeṇa śaithilyamasmāsu vrajatā hareḥ śaithilyamupayāntyāśu kareṣu valayānyapi

As Hari departs from us, the very slackness that love has brought upon us is, even now, swiftly overtaking the bangles upon his own hands as well.

Verse 30 (vishnu.5.18.30)

अक्रूरः क्रूरहृदयः शीघ्रं प्रेरयते हयान्। एवमार्त्तासु योषित्सु घृणा कस्य न जायते

akrūraḥ krūrahṛdayaḥ śīghraṁ prerayate hayān evamārttāsu yoṣitsu ghṛṇā kasya na jāyate

That cruel-hearted Akrura drives the horses on with all speed; who indeed would not feel pity, seeing women so afflicted as these?

Verse 31 (vishnu.5.18.31)

हा हा कृष्णरथस्योच्चैश्च चक्ररेणुर्निरीक्ष्यताम्। दूरीकृतो हरिर्येन सोऽपि रेणुर्न लक्ष्यते

hā hā kṛṣṇarathasyoccaiśca cakrareṇurnirīkṣyatām dūrīkṛto hariryena so'pi reṇurna lakṣyate

'Alas, alas! Look now only at the high-risen dust from Krishna's chariot-wheel — the very one on account of which Hari has become distant; even that dust itself can no longer be seen.'

Verse 32 (vishnu.5.18.32)

इत्येवमतिहार्देन गोपीजननिरीक्षितः। तत्याज व्रजभूभागं सह रामेण केशवः

ityevamatihārdena gopījananirīkṣitaḥ tatyāja vrajabhūbhāgaṁ saha rāmeṇa keśavaḥ

Thus, gazed upon with the deepest tenderness by the multitude of gopis, Keshava, together with Rama, left the land of Vraja behind.

Verse 33 (vishnu.5.18.33)

गच्छन्तो जविताश्वेन रथेन यमुनातटम्। प्राप्ता मध्याह्नसमये रामाक्रूरजनार्दनाः

gacchanto javitāśvena rathena yamunātaṭam prāptā madhyāhnasamaye rāmākrūrajanārdanāḥ

Journeying on with a chariot of swift horses, Rama, Akrura, and Janardana reached the bank of the Yamuna at the hour of midday.

Verse 34 (vishnu.5.18.34)

अथाह कृष्णमक्रूरो भवद्भ्यां तावदास्यताम्। यावत् करोमि कालिन्द्यामाह्निकार्हणमम्भसि

athāha kṛṣṇamakrūro bhavadbhyāṁ tāvadāsyatām yāvat karomi kālindyāmāhnikārhaṇamambhasi

Then Akrura said to Krishna: 'Let the two of you wait here a while, until I complete my daily rites in the waters of the Kalindi.'

Verse 35 (vishnu.5.18.35)

तथेत्युक्तस्ततः स्नातः स्वाचान्तः स महामतिः। दध्यौ ब्रह्म परं विप्र प्रविश्य यमुनाजले

tathetyuktastataḥ snātaḥ svācāntaḥ sa mahāmatiḥ dadhyau brahma paraṁ vipra praviśya yamunājale

'So be it,' was said; then that wise Akrura, having bathed and rinsed his mouth, entered the waters of the Yamuna and, O brahmin, began to meditate upon the supreme Brahman.

Verse 36 (vishnu.5.18.36)

फणासहस्रमालाढ्यं बलभद्रं ददर्श सः। कुन्दमालाङ्गमुन्निद्रपद्मपत्रारुणेक्षणम्

phaṇāsahasramālāḍhyaṁ balabhadraṁ dadarśa saḥ kundamālāṅgamunnidrapadmapatrāruṇekṣaṇam

There he beheld Balabhadra, resplendent with a garland of a thousand serpent-hoods, his limbs adorned with a garland of kunda flowers, his eyes as ruddy as the petals of a fully-blossomed lotus,

Verse 37 (vishnu.5.18.37)

वृतं वासुकिरम्भाद्यैर्महद्भिः पवनाशिभिः। संस्तूयमानं गन्धर्वैर्वनमालाविभूषितम्

vṛtaṁ vāsukirambhādyairmahadbhiḥ pavanāśibhiḥ saṁstūyamānaṁ gandharvairvanamālāvibhūṣitam

encircled by the great air-feeding serpents headed by Vasuki and the rest, praised by gandharvas, adorned with a garland of forest flowers —

Verse 38 (vishnu.5.18.38)

दधानमसिते वस्त्रे चारुपद्मावतंसकम्। चारुकुण्डलिनं भान्तमन्तर्जलतले स्थितम्

dadhānamasite vastre cārupadmāvataṁsakam cārukuṇḍalinaṁ bhāntamantarjalatale sthitam

clad in dark-blue garments, wearing a lovely lotus for an ear-ornament, adorned with beautiful earrings, radiant, seated at the bottom of the water, absorbed in bliss —

Verse 39 (vishnu.5.18.39)

तस्योत्सङ्गे घनश्याममाताम्रायतलोचनम्। चतुर्बाहुमुदाराङ्गं चक्राद्यायुधभूषणम्

tasyotsaṅge ghanaśyāmamātāmrāyatalocanam caturbāhumudārāṅgaṁ cakrādyāyudhabhūṣaṇam

and in his lap, one of deep dark hue, with large coppery-red eyes, four-armed, of noble limbs, adorned with the discus and other weapons —

Verse 40 (vishnu.5.18.40)

पीते वसानं वसने चित्रमाल्यविभूषणम्। शक्रचापतडिन्मालाविचित्रमिव तोयदम्

pīte vasānaṁ vasane citramālyavibhūṣaṇam śakracāpataḍinmālāvicitramiva toyadam

wearing a yellow garment, adorned with varied garlands of flowers, like a rain-cloud streaked with the rainbow and a garland of lightning —

Verse 41 (vishnu.5.18.41)

श्रीवत्सवक्षसं चारुकेयूरमुकुटोज्ज्वलम्। ददर्श कृष्णमक्लिष्टपुण्डरीकावतंसकम्

śrīvatsavakṣasaṁ cārukeyūramukuṭojjvalam dadarśa kṛṣṇamakliṣṭapuṇḍarīkāvataṁsakam

his chest marked with Shrivatsa, gleaming with lovely armlets and crown, wearing a spotless lotus for an ear-ornament — Krishna, whom he beheld thus,

Verse 42 (vishnu.5.18.42)

सनन्दनाद्यैर्मुनिभिः सिद्धयोगैरकल्मषैः। विचिन्त्यमानं तत्रस्थैर्नासाग्रन्यस्तलोचनैः

sanandanādyairmunibhiḥ siddhayogairakalmaṣaiḥ vicintyamānaṁ tatrasthairnāsāgranyastalocanaiḥ

upon whom the sinless sages headed by Sanandana, present there, and the perfected yogis, their eyes fixed upon the tip of the nose, were meditating.

Verse 43 (vishnu.5.18.43)

बलकृष्णौ तथाक्रूरः प्रत्यभिज्ञाय विस्मितः। सोऽचिन्तयद्रथाच्छीघ्रं कथमत्रागताविति

balakṛṣṇau tathākrūraḥ pratyabhijñāya vismitaḥ so'cintayadrathācchīghraṁ kathamatrāgatāviti

Recognizing both Bala and Krishna, Akrura was astonished, and thought: 'How have these two, so swiftly, come here into the water?'

Verse 44 (vishnu.5.18.44)

विवक्षोः स्तम्भयामास वाचं तस्य जनार्दनः। ततो निष्क्रम्य सलिलाद्रथमभ्यागतः पुनः

vivakṣoḥ stambhayāmāsa vācaṁ tasya janārdanaḥ tato niṣkramya salilādrathamabhyāgataḥ punaḥ

Just as he was about to speak, Janardana checked his voice; then, coming forth from the water, he returned once more to the chariot.

Verse 45 (vishnu.5.18.45)

ददर्श तत्र चैवोभौ रथस्योपर्यधिष्ठितौ। रामकृष्णौ यथापूर्वं मनुष्यवपुषान्वितौ

dadarśa tatra caivobhau rathasyoparyadhiṣṭhitau rāmakṛṣṇau yathāpūrvaṁ manuṣyavapuṣānvitau

There he saw both Rama and Krishna seated upon the chariot, once again clothed in their human bodies, just as before.

Verse 46 (vishnu.5.18.46)

निमग्नश्च ततस्तोये स ददर्श तथैव तौ। संस्तूयमानौ गन्धर्वमुनिसिद्धमहोरगैः

nimagnaśca tatastoye sa dadarśa tathaiva tau saṁstūyamānau gandharvamunisiddhamahoragaiḥ

Then, plunging again into the water, he saw the two of them there just as before, praised by gandharvas, sages, siddhas, and the great serpents.

Verse 47 (vishnu.5.18.47)

ततो विज्ञातसद्भावः स तु दानपतिस्तदा। तुष्टाव सर्वविज्ञानमयमच्युतमीश्वरम्

tato vijñātasadbhāvaḥ sa tu dānapatistadā tuṣṭāva sarvavijñānamayamacyutamīśvaram

Then, having thus understood the true nature of things, that most generous Akrura praised the all-knowing, unfallen Lord —

Verse 48 (vishnu.5.18.48)

सन्मात्ररूपिणेऽचिन्त्यमहिम्ने परमात्मने। व्यापिने नैकरूपैकस्वरूपाय नमो नमः

sanmātrarūpiṇe'cintyamahimne paramātmane vyāpine naikarūpaikasvarūpāya namo namaḥ

'To you, whose very form is pure existence, of inconceivable glory, the Supreme Self, all-pervading, one in essence though present in countless forms — homage, homage.'

Verse 49 (vishnu.5.18.49)

सत्त्वरूपाय तेऽचिन्त्यहविर्भूताय ते नमः। नमोऽविज्ञातपाराय पराय प्रकृतेः प्रभो

sattvarūpāya te'cintyahavirbhūtāya te namaḥ namo'vijñātapārāya parāya prakṛteḥ prabho

'To you, whose form is goodness itself, inconceivable, whose very self is the sacrificial offering — homage; homage to you whose limit is unknown, who are beyond primal nature itself, O Lord.'

Verse 50 (vishnu.5.18.50)

भूतात्मा चेन्द्रियात्मा च प्रधानात्मा तथा भवान्। आत्मा च परमात्मा च त्वमेकः पञ्चधा स्थितः

bhūtātmā cendriyātmā ca pradhānātmā tathā bhavān ātmā ca paramātmā ca tvamekaḥ pañcadhā sthitaḥ

'You are the Self of the elements, the Self of the senses, and the Self of primal matter; you are the individual Self and the Supreme Self — one alone, yet abiding in five forms.'

Verse 51 (vishnu.5.18.51)

प्रसीद सर्व सर्वात्मन् क्षराक्षरमयेश्वर। ब्रह्मविष्णुशिवाद्याभिः कल्पनाभिरुदीरितः

prasīda sarva sarvātman kṣarākṣaramayeśvara brahmaviṣṇuśivādyābhiḥ kalpanābhirudīritaḥ

'Be gracious, O All, O Self of all, O Lord composed of the perishable and imperishable — you who are named through the concepts of Brahma, Vishnu, Shiva, and the rest.'

Verse 52 (vishnu.5.18.52)

अनाख्येयस्वरूपात्मन् अनाख्येयप्रयोजन। अनाख्येयाभिधानं त्वां नतोऽस्मि परमेश्वर

anākhyeyasvarūpātman anākhyeyaprayojana anākhyeyābhidhānaṁ tvāṁ nato'smi parameśvara

'O Self whose true form cannot be named! O you whose purpose cannot be named! To you, whose very name cannot be named, I bow, O Supreme Lord!'

Verse 53 (vishnu.5.18.53)

न यत्र नाथ विद्यन्ते नामजात्यादिकल्पनाः। तद् ब्रह्म परमं नित्यमविकारि भवानजः

na yatra nātha vidyante nāmajātyādikalpanāḥ tad brahma paramaṁ nityamavikāri bhavānajaḥ

'O Lord, where no concept of name, class, or the like exists at all — that eternal, changeless, supreme Brahman is you yourself, O unborn one!'

Verse 54 (vishnu.5.18.54)

न कल्पनामृतेऽर्थस्य सर्व्वस्याधिगमो यतः। ततः कृष्णाच्युतानन्तविष्णुसंज्ञाभिरीड्यसे

na kalpanāmṛte'rthasya sarvvasyādhigamo yataḥ tataḥ kṛṣṇācyutānantaviṣṇusaṁjñābhirīḍyase

'Since without some conceptual name the understanding of anything at all is impossible, it is for this reason that you are praised under the names Krishna, Achyuta, Ananta, and Vishnu.'

Verse 55 (vishnu.5.18.55)

सर्वार्थस्त्वमज विकल्पनाभिरेतद्देवाद्यं जगदखिलं त्वमेव विश्वम्। विश्वात्मंस्त्वमिति विकारभावहीनः सर्वस्मिन् न हि भवतोऽस्ति किञ्चिदन्यत्

sarvārthastvamaja vikalpanābhiretaddevādyaṁ jagadakhilaṁ tvameva viśvam viśvātmaṁstvamiti vikārabhāvahīnaḥ sarvasmin na hi bhavato'sti kiñcidanyat

'O unborn one, you yourself are the very meaning of all things; through these very concepts this entire universe, beginning with the gods, exists — you yourself are this whole universe manifest. O Self of the universe, thus are you free of all change — in this entire creation there is nothing whatsoever apart from you.'

Verse 56 (vishnu.5.18.56)

त्वं ब्रह्मा पशुपतिरर्यमा विधाता धाता त्वं त्रिदशपतिः समीरणोऽग्निः। तोयेशो धनपतिरन्तकस्त्वमेको भिन्नार्थैर्जगदपि पासि शक्तिभेदैः

tvaṁ brahmā paśupatiraryamā vidhātā dhātā tvaṁ tridaśapatiḥ samīraṇo'gniḥ toyeśo dhanapatirantakastvameko bhinnārthairjagadapi pāsi śaktibhedaiḥ

'You are Brahma, Pashupati, Aryaman, Vidhatri, Dhatri, the Lord of the thirty gods, the wind, and fire; you are the lord of the waters, the lord of wealth, and the ender of all — one alone, yet through your differing powers you sustain this entire universe.'

Verse 57 (vishnu.5.18.57)

विश्वं भवान् सृजति सूर्यगभस्तिरूपो विश्वं च ते गुणमयोऽयमज प्रपञ्चः। रूपं परं सदितिवाचकमक्षरं यज्ज्ञानात्मने सदसते प्रणतोऽस्मि तस्मै

viśvaṁ bhavān sṛjati sūryagabhastirūpo viśvaṁ ca te guṇamayo'yamaja prapañcaḥ rūpaṁ paraṁ saditivācakamakṣaraṁ yajjñānātmane sadasate praṇato'smi tasmai

'In the form of the sun's rays you yourself create this universe, and this entire manifold world of qualities is likewise your own form, O unborn one; that supreme, imperishable form called "Being" — to you, whose very nature is knowledge, who are both the existent and non-existent, I bow.'

Verse 58 (vishnu.5.18.58)

ॐ नमो वासुदेवाय नमः सङ्कर्षणाय ते। प्रद्युम्नाय नमस्तुभ्यमनिरुद्धाय ते नमः

oṁ namo vāsudevāya namaḥ saṅkarṣaṇāya te pradyumnāya namastubhyamaniruddhāya te namaḥ

Om — homage to Vasudeva, homage to you as Sankarshana, homage to you as Pradyumna, homage to you as Aniruddha.