The Parijata Tree

Verse 1 (vishnu.5.30.1)

पराशर उवाच । गरुडो वारुणं छत्रं तथैव मणिपर्वतम् । सभार्यं च हृषीकेशं लीलयैव वहन् ययौ

parāśara uvāca garuḍo vāruṇaṁ chatraṁ tathaiva maṇiparvatam sabhāryaṁ ca hṛṣīkeśaṁ līlayaiva vahan yayau

Parashara said: Garuda, bearing Varuna's umbrella, the jeweled mountain-peak, and Hrishikesha together with his wife, all as if in mere sport, flew onward.

Verse 2 (vishnu.5.30.2)

ततः शङ्खम् उपाध्मासीत् स्वर्गद्वारगतो हरिः । उपतस्थुस्ततो देवाः सार्घ्यपात्रा जनार्दनम्

tataḥ śaṅkham upādhmāsīt svargadvāragato hariḥ upatasthustato devāḥ sārghyapātrā janārdanam

Then, having reached the gate of heaven, Hari blew his conch; and the gods came forward to receive Janardana, bearing vessels of offering.

Verse 3 (vishnu.5.30.3)

स देवैरर्चितः कृष्णो देवमातुर्निवेशनम् । सिताभ्रशिखराकारं प्रविश्य ददृशेऽदितिम्

sa devairarcitaḥ kṛṣṇo devamāturniveśanam sitābhraśikharākāraṁ praviśya dadṛśe'ditim

Honored by the gods, Krishna entered the dwelling of the mother of the gods, resembling in form a peak of white cloud, and there beheld Aditi.

Verse 4 (vishnu.5.30.4)

स तां प्रणम्य शक्रेण सह ते कुण्डलोत्तमे । ददौ नरकनाशं च शशंसास्यै जनार्दनः

sa tāṁ praṇamya śakreṇa saha te kuṇḍalottame dadau narakanāśaṁ ca śaśaṁsāsyai janārdanaḥ

Bowing to her, together with Shakra, he presented her with those excellent earrings, and Janardana related to her the destruction of Naraka.

Verse 5 (vishnu.5.30.5)

ततः प्रीता जगन्माता धातारं जगतां हरिम् । तुष्टावादितिरव्यग्रा कृत्वा तत्प्रवणं मनः

tataḥ prītā jaganmātā dhātāraṁ jagatāṁ harim tuṣṭāvāditiravyagrā kṛtvā tatpravaṇaṁ manaḥ

Then the mother of the world, Aditi, was pleased, and, undisturbed, her mind wholly given over to him, she praised Hari, the sustainer of the worlds.

Verse 6 (vishnu.5.30.6)

अदितिरुवाच । नमस्ते पुण्डरीकाक्ष भक्तानाम् अभयंकर । सनातनात्मन् सर्वात्मन् भूतात्मन् भूतभावन

aditiruvāca namaste puṇḍarīkākṣa bhaktānām abhayaṁkara sanātanātman sarvātman bhūtātman bhūtabhāvana

Aditi said: Salutations to you, O lotus-eyed one, giver of fearlessness to your devotees — O eternal self, self of all, self within all beings, source of all beings.

Verse 7 (vishnu.5.30.7)

प्रणेता मनसो बुद्धेरिन्द्रियाणां गुणात्मक । त्रिगुणातीत निर्द्वन्द्व शुद्ध सर्वहृदिस्थित

praṇetā manaso buddherindriyāṇāṁ guṇātmaka triguṇātīta nirdvandva śuddha sarvahṛdisthita

O guide of the mind, the intellect, and the senses, embodiment of the qualities — beyond the three gunas, free of all dualities, pure, dwelling within every heart.

Verse 8 (vishnu.5.30.8)

सितदीर्घादिनिःशेषकल्पनापरिवर्जित । जन्मादिभिरसंस्पृष्ट स्वप्नादिपरिवर्जित

sitadīrghādiniḥśeṣakalpanāparivarjita janmādibhirasaṁspṛṣṭa svapnādiparivarjita

Free of every notion whatsoever — such as 'white' or 'long'; untouched by birth and its train of changes; beyond sleep and the other states of being.

Verse 9 (vishnu.5.30.9)

संध्या रात्रिरहो भूमिर्गगनं वायुरम्बु च । हुताशनो मनो बुद्धिर्भूतादिस्त्वं तथाच्युत

saṁdhyā rātriraho bhūmirgaganaṁ vāyurambu ca hutāśano mano buddhirbhūtādistvaṁ tathācyuta

You are the twilight, the night, the day; the earth, the sky, the wind, and the water; the fire, the mind, the intellect, and the very origin of the elements, O Achyuta.

Verse 10 (vishnu.5.30.10)

सृष्टिस्थितिविनाशानां कर्ता कर्तृपतिर्भवान् । ब्रह्मविष्णुशिवाख्याभिरात्ममूर्तिभिरीश्वर

sṛṣṭisthitivināśānāṁ kartā kartṛpatirbhavān brahmaviṣṇuśivākhyābhirātmamūrtibhirīśvara

You are the doer, and the lord of all doers, of creation, preservation, and destruction, O Lord — through your own forms called Brahma, Vishnu, and Shiva.

Verse 11 (vishnu.5.30.11)

देवा यक्षास्तथा दैत्या राक्षसाः सिद्धपन्नगाः । कूष्माण्डाश्च पिशाचाश्च गन्धर्वा मनुजास्तथा

devā yakṣāstathā daityā rākṣasāḥ siddhapannagāḥ kūṣmāṇḍāśca piśācāśca gandharvā manujāstathā

Gods, yakshas, and daityas; rakshasas, siddhas, and serpents; kushmandas, pishachas, gandharvas, and men as well —

Verse 12 (vishnu.5.30.12)

पशवो मृगाः पतंगाश्च तथैव च सरीसृपाः । वृक्षगुल्मलतावल्लीसमस्ततृणजातयः

paśavo mṛgāḥ pataṁgāśca tathaiva ca sarīsṛpāḥ vṛkṣagulmalatāvallīsamastatṛṇajātayaḥ

cattle, wild beasts, birds, and creeping things as well; trees, shrubs, creepers, vines, and every species of grass —

Verse 13 (vishnu.5.30.13)

स्थूला मध्यास्तथा सूक्ष्माः सूक्ष्मात् सूक्ष्मतराश्च ये । देहभेदा भवान् सर्वे ये केचित् पुद्गलाश्रयाः

sthūlā madhyāstathā sūkṣmāḥ sūkṣmāt sūkṣmatarāśca ye dehabhedā bhavān sarve ye kecit pudgalāśrayāḥ

gross, middling, and subtle, and whatever is subtler still than the subtle — you yourself are all these differentiated bodies, whatever rests upon an individual soul.

Verse 14 (vishnu.5.30.14)

माया तवेयम् अज्ञातपरमार्थातिमोहिनी । अनात्मन्य् आत्मविज्ञानं यया मूढो निरुध्यते

māyā taveyam ajñātaparamārthātimohinī anātmany ātmavijñānaṁ yayā mūḍho nirudhyate

This is your maya — deeply bewildering, keeping the highest truth unknown — by which the deluded man remains bound, mistaking the self for what is not the self.

Verse 15 (vishnu.5.30.15)

अहं ममेति भावोऽत्र यत् पुंसाम् अभिजायते । संसारमातुर्मायायास्तवैतन् नाथ चेष्टितम्

ahaṁ mameti bhāvo'tra yat puṁsām abhijāyate saṁsāramāturmāyāyāstavaitan nātha ceṣṭitam

That sense of 'I' and 'mine' which arises in men — this, O Lord, is nothing but the working of your maya, the very mother of worldly bondage.

Verse 16 (vishnu.5.30.16)

यैः स्वधर्मपरैर्नाथ नरैराराधितो भवान् । ते तरन्त्य् अखिलाम् एतां मायाम् आत्मविमुक्तये

yaiḥ svadharmaparairnātha narairārādhito bhavān te taranty akhilām etāṁ māyām ātmavimuktaye

Those men, O Lord, devoted to their own proper duty, by whom you are worshipped — they cross over this entire maya, unto the liberation of the self.

Verse 17 (vishnu.5.30.17)

ब्रह्माद्याः सकला देवा मनुष्याः पशवस्तथा । विष्णुमायामहावर्तमोहान्धतमसा वृताः

brahmādyāḥ sakalā devā manuṣyāḥ paśavastathā viṣṇumāyāmahāvartamohāndhatamasā vṛtāḥ

Brahma and all the other gods, men, and cattle as well — all are enveloped in the blinding darkness of delusion, the great whirlpool of Vishnu's maya.

Verse 18 (vishnu.5.30.18)

आराध्य त्वाम् अभीप्सन्ते कामान् आत्मभवक्षयम् । यद् एते पुरुषा माया सैवेयं भगवंस्तव

ārādhya tvām abhīpsante kāmān ātmabhavakṣayam yad ete puruṣā māyā saiveyaṁ bhagavaṁstava

In worshipping you, these men seek after worldly desires rather than the destruction of their own cycle of rebirth — and that they do so, O Blessed Lord, is itself nothing but this very maya of yours.

Verse 19 (vishnu.5.30.19)

मया त्वं पुत्रकामिन्या वैरिपक्षक्षयाय च । आराधितो न मोक्षाय मायाविलसितं हि तत्

mayā tvaṁ putrakāminyā vairipakṣakṣayāya ca ārādhito na mokṣāya māyāvilasitaṁ hi tat

Desiring a son, and for the destruction of my enemies' party, I worshipped you — not for liberation. That too was indeed the play of maya.

Verse 20 (vishnu.5.30.20)

कौपीनाच्छादनप्राया वाञ्छा कल्पद्रुमाद् अपि । जायते यद् अपुण्यानां सोऽपराधः स्वदोषजः

kaupīnācchādanaprāyā vāñchā kalpadrumād api jāyate yad apuṇyānāṁ so'parādhaḥ svadoṣajaḥ

To wish for no more than a loincloth's covering even from the wish-fulfilling tree — that such a paltry desire should arise in the unmeritorious is a fault born purely of their own defect.

Verse 21 (vishnu.5.30.21)

तत् प्रसीदाखिलजगन्मायामोहकराव्यय । अज्ञानं ज्ञानसद्भावभूतं भूतेश नाशय

tat prasīdākhilajaganmāyāmohakarāvyaya ajñānaṁ jñānasadbhāvabhūtaṁ bhūteśa nāśaya

Therefore be gracious, O imperishable one, who works delusion upon the whole world through maya; destroy my ignorance, O lord of beings, through the true reality of knowledge.

Verse 22 (vishnu.5.30.22)

नमस्ते चक्रहस्ताय शार्ङ्गहस्ताय ते नमः । गदाहस्ताय ते विष्णो शङ्खहस्ताय ते नमः

namaste cakrahastāya śārṅgahastāya te namaḥ gadāhastāya te viṣṇo śaṅkhahastāya te namaḥ

Salutation to you, discus in hand; salutation to you, the bow Sharnga in hand; salutation to you, O Vishnu, mace in hand; salutation to you, conch in hand.

Verse 23 (vishnu.5.30.23)

एतत् पश्यामि ते रूपं स्थूलचिह्नोपलक्षितम् । न जानामि परं यत् ते प्रसीद परमेश्वर

etat paśyāmi te rūpaṁ sthūlacihnopalakṣitam na jānāmi paraṁ yat te prasīda parameśvara

This form of yours I behold, marked only by its outward, gross signs; your supreme form I do not know. Be gracious, O Supreme Lord.

Verse 24 (vishnu.5.30.24)

पराशर उवाच । अदित्यैवं स्तुतो विष्णुः प्रहस्याह सुरारणिम् । माता देवि त्वम् अस्माकं प्रसीद वरदा भव

parāśara uvāca adityaivaṁ stuto viṣṇuḥ prahasyāha surāraṇim mātā devi tvam asmākaṁ prasīda varadā bhava

Parashara said: Thus praised by Aditi, Vishnu smiled and said to the mother of the gods: 'O goddess, you are our mother; be gracious, and grant your blessing.'

Verse 25 (vishnu.5.30.25)

अदितिरुवाच । एवम् अस्तु यथेच्छा ते त्वम् अशेषैः सुरासुरैः । अजेयः पुरुषव्याघ्र मर्त्यलोके भविष्यसि

aditiruvāca evam astu yathecchā te tvam aśeṣaiḥ surāsuraiḥ ajeyaḥ puruṣavyāghra martyaloke bhaviṣyasi

Aditi said: 'So be it, as you wish. O tiger among men, in the world of mortals you shall be unconquerable by all gods and asuras alike.'

Verse 26 (vishnu.5.30.26)

पराशर उवाच । ततोऽनन्तरम् एवास्य शक्राणीसहितादितिम् । सत्यभामा प्रणम्याह प्रसीदेति पुनः पुनः

parāśara uvāca tato'nantaram evāsya śakrāṇīsahitāditim satyabhāmā praṇamyāha prasīdeti punaḥ punaḥ

Parashara said: Then, immediately after, Satyabhama bowed to Aditi, together with Shachi, Indra's wife, and said again and again, 'Be gracious to me.'

Verse 27 (vishnu.5.30.27)

अदितिरुवाच । मत्प्रसादान् न ते सुभ्रु जरा वैरूप्यम् एव च । भविष्यत्य् अनवद्याङ्गी सर्वकालं भविष्यसि

aditiruvāca matprasādān na te subhru jarā vairūpyam eva ca bhaviṣyaty anavadyāṅgī sarvakālaṁ bhaviṣyasi

Aditi said: 'By my grace, O fair-browed one, neither old age nor disfigurement shall ever touch you; you shall remain flawless of limb for all time.'

Verse 28 (vishnu.5.30.28)

पराशर उवाच । अदित्या तु कृतानुज्ञो देवराजो जनार्दनम् । यथावत् पूजयाम् आस बहुमानपुरःसरम्

parāśara uvāca adityā tu kṛtānujño devarājo janārdanam yathāvat pūjayām āsa bahumānapuraḥsaram

Parashara said: Having received Aditi's leave, the king of the gods duly honored Janardana, showing him the highest reverence.

Verse 29 (vishnu.5.30.29)

ततो ददर्श कृष्णोऽपि सत्यभामासहायवान् । देवोद्यानानि हृद्यानि नन्दनादीनि सत्तम

tato dadarśa kṛṣṇo'pi satyabhāmāsahāyavān devodyānāni hṛdyāni nandanādīni sattama

Then, O worthy one, Krishna, with Satyabhama at his side, beheld the lovely gardens of the gods — Nandana and the rest.

Verse 30 (vishnu.5.30.30)

ददर्श च सुगन्धाढ्यं मञ्जरीपुष्पधारिणम् । शैत्याह्लादकरं ताम्रबालपल्लवशोभितम्

dadarśa ca sugandhāḍhyaṁ mañjarīpuṣpadhāriṇam śaityāhlādakaraṁ tāmrabālapallavaśobhitam

And he beheld a tree rich with fragrance, laden with clustered blossoms, delightfully cool, resplendent with tender, copper-red shoots —

Verse 31 (vishnu.5.30.31)

मथ्यमानेऽमृते जातं जातरूपोपमत्वचम् । पारिजातं जगन्नाथः केशवः केशिसूदनः

mathyamāne'mṛte jātaṁ jātarūpopamatvacam pārijātaṁ jagannāthaḥ keśavaḥ keśisūdanaḥ

— born at the churning of the nectar of immortality, its bark gleaming like gold: the Parijata tree, beheld there by Keshava, Lord of the world, slayer of Keshi.

Verse 32 (vishnu.5.30.32)

तं दृष्ट्वा प्राह गोविन्दं सत्यभामा द्विजोत्तम । कस्मान् न द्वारकाम् एष नीयते कृष्ण पादपः

taṁ dṛṣṭvā prāha govindaṁ satyabhāmā dvijottama kasmān na dvārakām eṣa nīyate kṛṣṇa pādapaḥ

Seeing it, O foremost of the twice-born, Satyabhama said to Govinda: 'Krishna, why should this tree not be taken to Dvaraka?'

Verse 33 (vishnu.5.30.33)

यदि ते तद् वचः सत्यं सत्यात्यर्थं प्रियेति मे । मद्गेहनिष्कुटार्थाय तद् अयं नीयतां तरुः

yadi te tad vacaḥ satyaṁ satyātyarthaṁ priyeti me madgehaniṣkuṭārthāya tad ayaṁ nīyatāṁ taruḥ

'If that word of yours is true — that I, Satya, am exceedingly dear to you — then let this tree be carried off for the garden of my own house.'

Verse 34 (vishnu.5.30.34)

न मे जाम्बवती तादृग् अभीष्टा न च रुक्मिणी । सत्ये यथा त्वम् इत्य् उक्तं त्वया कृष्णासकृत् प्रियम्

na me jāmbavatī tādṛg abhīṣṭā na ca rukmiṇī satye yathā tvam ity uktaṁ tvayā kṛṣṇāsakṛt priyam

'Neither Jambavati nor Rukmini is as dear to me as you, Satya' — this you, Krishna, have told me lovingly, again and again.

Verse 35 (vishnu.5.30.35)

सत्यं तद् यदि गोविन्द नोपचारकृतं तव । तद् अस्तु पारिजातोऽयं मम गेहविभूषणम्

satyaṁ tad yadi govinda nopacārakṛtaṁ tava tad astu pārijāto'yaṁ mama gehavibhūṣaṇam

'If that is true, Govinda, and not merely a courteous flattery, then let this Parijata become an ornament for my own home.'

Verse 36 (vishnu.5.30.36)

बिभ्रती पारिजातस्य केशपक्षेण मञ्जरीम् । सपत्नीनाम् अहं मध्ये शोभेयम् इति कामये

bibhratī pārijātasya keśapakṣeṇa mañjarīm sapatnīnām ahaṁ madhye śobheyam iti kāmaye

'Wearing a spray of Parijata blossoms in my hair, I long to outshine my rival co-wives.'

Verse 37 (vishnu.5.30.37)

पराशर उवाच । इत्य् उक्तः स प्रहस्यैनां पारिजातं गरुत्मति । आरोपयाम् आस हरिस्तम् ऊचुर्वनरक्षिणः

parāśara uvāca ity uktaḥ sa prahasyaināṁ pārijātaṁ garutmati āropayām āsa haristam ūcurvanarakṣiṇaḥ

Parashara said: Thus addressed, Hari laughed and had the Parijata loaded onto Garuda; but the guardians of the grove said to him:

Verse 38 (vishnu.5.30.38)

भो शची देवराजस्य महिषी तत्परिग्रहम् । पारिजातं न गोविन्द हर्तुम् अर्हसि पादपम्

bho śacī devarājasya mahiṣī tatparigraham pārijātaṁ na govinda hartum arhasi pādapam

'O Govinda, this Parijata tree belongs to Shachi, chief queen of the king of the gods — it is not fitting for you to carry it off.'

Verse 39 (vishnu.5.30.39)

शचीविभूषणार्थाय देवैरमृतमन्थने । उत्पादितोऽयं न क्षेमी गृहीत्वैनं गमिष्यसि

śacīvibhūṣaṇārthāya devairamṛtamanthane utpādito'yaṁ na kṣemī gṛhītvainaṁ gamiṣyasi

'It was raised up by the gods at the churning of the nectar for Shachi's own adornment; you shall not go away safely, taking it with you.'

Verse 40 (vishnu.5.30.40)

देवराजो मुखप्रेक्षो यस्यास्तस्याः परिग्रहम् । मौढ्यात् प्रार्थयसे क्षेमी गृहीत्वैनं हि को व्रजेत्

devarājo mukhaprekṣo yasyāstasyāḥ parigraham mauḍhyāt prārthayase kṣemī gṛhītvainaṁ hi ko vrajet

'You are foolishly seeking to take what belongs to her, on whom the king of the gods himself dotes; who indeed could carry it off and go unharmed?'

Verse 41 (vishnu.5.30.41)

अवश्यम् अस्य देवेन्द्रो निष्कृतिं कृष्ण यास्यति । वज्रोद्यतकरं शक्रम् अनुयास्यन्ति चामराः

avaśyam asya devendro niṣkṛtiṁ kṛṣṇa yāsyati vajrodyatakaraṁ śakram anuyāsyanti cāmarāḥ

'The king of the gods will certainly take retribution for this, O Krishna; the immortals will follow Shakra with his thunderbolt raised.'

Verse 42 (vishnu.5.30.42)

तद् अलं सकलैर्देवैर्विग्रहेण तवाच्युत । विपाककटु यत् कर्म तन् न शंसन्ति पण्डिताः

tad alaṁ sakalairdevairvigraheṇa tavācyuta vipākakaṭu yat karma tan na śaṁsanti paṇḍitāḥ

'So enough, Achyuta, of this quarrel with all the gods together; the wise do not approve an act whose fruit turns out bitter.'

Verse 43 (vishnu.5.30.43)

पराशर उवाच । इत्य् उक्ते तैरुवाचैतान् सत्यभामातिकोपिनी । का शची पारिजातस्य को वा शक्रः सुराधिपः

parāśara uvāca ity ukte tairuvācaitān satyabhāmātikopinī kā śacī pārijātasya ko vā śakraḥ surādhipaḥ

Parashara said: When this was said, Satyabhama, now greatly angered, said to them: 'What claim has Shachi on the Parijata? And who, indeed, is Shakra, lord of the gods?'

Verse 44 (vishnu.5.30.44)

सामान्यः सर्वलोकानां यद्य् एषोऽमृतमन्थने । समुत्पन्नः सुराः कस्माद् एको गृह्णाति वासवः

sāmānyaḥ sarvalokānāṁ yady eṣo'mṛtamanthane samutpannaḥ surāḥ kasmād eko gṛhṇāti vāsavaḥ

'If this tree, born at the churning of the nectar, belongs equally to all the worlds, O gods, why should Vasava alone lay claim to it?'

Verse 45 (vishnu.5.30.45)

यथा सुधा यथैवेन्दुर्यथा श्रीर्वनरक्षिणः । सामान्यः सर्वलोकस्य पारिजातस्तथा द्रुमः

yathā sudhā yathaivenduryathā śrīrvanarakṣiṇaḥ sāmānyaḥ sarvalokasya pārijātastathā drumaḥ

'O guardians of the grove — just as the nectar of immortality, just as the moon, and just as the goddess Shri, so too this Parijata tree belongs equally to every world.'

Verse 46 (vishnu.5.30.46)

भर्तृबाहुमहागर्वाद् रुणद्ध्य् एनम् अथो शची । तत् कथ्यताम् अलं क्षान्त्या सत्या हारयति द्रुमम्

bhartṛbāhumahāgarvād ruṇaddhy enam atho śacī tat kathyatām alaṁ kṣāntyā satyā hārayati drumam

'Out of sheer pride in her husband's arm, Shachi tries to obstruct this — so tell her plainly: enough of restraint. Satya herself is carrying this tree away.'

Verse 47 (vishnu.5.30.47)

कथ्यतां च द्रुतं गत्वा पौलोम्या वचनं मम । सत्यभामा वदत्य् एतद् इति गर्वोद्धताक्षरम्

kathyatāṁ ca drutaṁ gatvā paulomyā vacanaṁ mama satyabhāmā vadaty etad iti garvoddhatākṣaram

'And go quickly, and tell Shachi, Puloman's daughter, this word of mine, in these proud, ringing terms — that it is Satyabhama who says this.'

Verse 48 (vishnu.5.30.48)

यदि त्वं दयिता भर्तुर्यदि वश्यः पतिस्तव । मद्भर्तुर्हरतो वृक्षं तत् कारय निवारणम्

yadi tvaṁ dayitā bharturyadi vaśyaḥ patistava madbharturharato vṛkṣaṁ tat kāraya nivāraṇam

'If you are truly your husband's beloved, if your husband is truly under your sway, then have him stop my own husband, who is carrying off this tree.'

Verse 49 (vishnu.5.30.49)

जानामि ते पतिं शक्रं जानामि त्रिदशेश्वरम् । पारिजातं तथाप्य् एनं मानुषी हारयामि ते

jānāmi te patiṁ śakraṁ jānāmi tridaśeśvaram pārijātaṁ tathāpy enaṁ mānuṣī hārayāmi te

'I know your husband is Shakra; I know he is lord of the thirty gods. Even so, I, a mere mortal woman, am carrying off this Parijata of yours.'

Verse 50 (vishnu.5.30.50)

पराशर उवाच । इत्य् उक्ता रक्षिणो गत्वा शच्या ऊचुर्यथोदितम् । शची चोत्साहयाम् आस त्रिदशाधिपतिं पतिम्

parāśara uvāca ity uktā rakṣiṇo gatvā śacyā ūcuryathoditam śacī cotsāhayām āsa tridaśādhipatiṁ patim

Parashara said: Thus instructed, the guardians went and reported the matter to Shachi exactly as it had been said; and Shachi in turn incited her husband, the lord of the thirty gods.

Verse 51 (vishnu.5.30.51)

ततः समस्तदेवानां सैन्यैः परिवृतो हरिम् । प्रययौ पारिजातार्थम् इन्द्रो योधयितुं द्विज

tataḥ samastadevānāṁ sainyaiḥ parivṛto harim prayayau pārijātārtham indro yodhayituṁ dvija

Then, O twice-born, surrounded by the armies of all the gods, Indra set out to do battle with Hari over the Parijata.

Verse 52 (vishnu.5.30.52)

ततः परिघनिस्त्रिंशगदाशूलवरायुधाः । बभूवुस्त्रिदशाः सज्जाः शक्रे वज्रकरे स्थिते

tataḥ parighanistriṁśagadāśūlavarāyudhāḥ babhūvustridaśāḥ sajjāḥ śakre vajrakare sthite

Then, armed with iron clubs, swords, maces, spears, and other fine weapons, the thirty gods stood ready as Shakra took his place, thunderbolt in hand.

Verse 53 (vishnu.5.30.53)

ततो निरीक्ष्य गोविन्दो नागराजोपरि स्थितम् । शक्रं देवपरीवारं युद्धाय समुपस्थितम्

tato nirīkṣya govindo nāgarājopari sthitam śakraṁ devaparīvāraṁ yuddhāya samupasthitam

Then Govinda, seeing Shakra stationed atop the king of elephants, surrounded by the gods and arrayed for battle —

Verse 54 (vishnu.5.30.54)

चकार शङ्खनिर्घोषं दिशः शब्देन पूरयन् । मुमोच च शरव्रातं सहस्रायुतसंमितम्

cakāra śaṅkhanirghoṣaṁ diśaḥ śabdena pūrayan mumoca ca śaravrātaṁ sahasrāyutasaṁmitam

— blew his conch, filling every direction with the sound, and loosed a torrent of arrows numbering in the thousands upon thousands.

Verse 55 (vishnu.5.30.55)

ततो दिशो नभश्चैव दृष्ट्वा शरशताचितम् । मुमुचुस्त्रिदशाः सर्वे अस्त्रशस्त्राण्य् अनेकशः

tato diśo nabhaścaiva dṛṣṭvā śaraśatācitam mumucustridaśāḥ sarve astraśastrāṇy anekaśaḥ

Then, seeing the sky and every quarter filled with hundreds of arrows, all the thirty gods in turn released their weapons and missiles in great numbers.

Verse 56 (vishnu.5.30.56)

एकैकं शस्त्रम् अस्त्रं च देवैर्मुक्तं सहस्रधा । चिच्छेद लीलयैवेशो जगतां मधुसूदनः

ekaikaṁ śastram astraṁ ca devairmuktaṁ sahasradhā ciccheda līlayaiveśo jagatāṁ madhusūdanaḥ

Each single weapon and missile the gods released, Madhusudana, Lord of the worlds, cut into a thousand pieces, as if in mere sport.

Verse 57 (vishnu.5.30.57)

पाशं सलिलराजस्य समाकृष्योरगाशनः । चकार खण्डशश्चञ्च्वा बालपन्नगदेहवत्

pāśaṁ salilarājasya samākṛṣyoragāśanaḥ cakāra khaṇḍaśaścañcvā bālapannagadehavat

Garuda, devourer of serpents, seized the noose of Varuna, lord of the waters, and tore it to pieces with his beak, as easily as the body of a young snake.

Verse 58 (vishnu.5.30.58)

यमेन प्रहितं दण्डं गदाविक्षेपखण्डितम् । पृथिव्यां पातयाम् आस भगवान् देवकीसुतः

yamena prahitaṁ daṇḍaṁ gadāvikṣepakhaṇḍitam pṛthivyāṁ pātayām āsa bhagavān devakīsutaḥ

The Blessed Lord, son of Devaki, shattered with a blow of his mace the staff hurled by Yama, and cast it down to the earth.

Verse 59 (vishnu.5.30.59)

शिबिकां च धनेशस्य चक्रेण तिलशो विभुः । चकार शौरिरर्कं च दृष्टिदृष्टं हतौजसम्

śibikāṁ ca dhaneśasya cakreṇa tilaśo vibhuḥ cakāra śaurirarkaṁ ca dṛṣṭidṛṣṭaṁ hataujasam

The mighty Shauri also shattered Kubera's palanquin into fragments with his discus, and, with a mere glance, robbed the sun of its power.

Verse 60 (vishnu.5.30.60)

नीतोऽग्निः शतशो बाणैर्द्राविता वसवो दिशः । चक्रविच्छिन्नशूलाग्रा रुद्रा भुवि निपातिताः

nīto'gniḥ śataśo bāṇairdrāvitā vasavo diśaḥ cakravicchinnaśūlāgrā rudrā bhuvi nipātitāḥ

Agni was driven off by a hundred arrows; the Vasus were scattered to the four quarters; the Rudras, their spear-points shorn away by the discus, were struck down to the ground.

Verse 61 (vishnu.5.30.61)

साध्या विश्वे च मरुतो गन्धर्वाश्चैव सायकैः । शार्ङ्गेण प्रेरितैरस्ता व्योम्नि शाल्मलितूलवत्

sādhyā viśve ca maruto gandharvāścaiva sāyakaiḥ śārṅgeṇa preritairastā vyomni śālmalitūlavat

The Sadhyas, the Vishvedevas, the Maruts, and the Gandharvas as well, struck by arrows loosed from the Sharnga bow, were scattered across the sky like tufts of silk-cotton down.

Verse 62 (vishnu.5.30.62)

गरुत्मान् अपि वक्त्रेण पक्षाभ्यां नखराङ्कुरैः । भक्षयंस्ताडयन् देवान् दारयंश्च चचार वै

garutmān api vaktreṇa pakṣābhyāṁ nakharāṅkuraiḥ bhakṣayaṁstāḍayan devān dārayaṁśca cacāra vai

Garutman too ranged through the gods, biting them with his beak, striking them with his wings, and tearing at them with the tips of his talons.

Verse 63 (vishnu.5.30.63)

ततः शरसहस्रेण देवेन्द्रमधुसूदनौ । परस्परं ववर्षाते धाराभिरिव तोयदौ

tataḥ śarasahasreṇa devendramadhusūdanau parasparaṁ vavarṣāte dhārābhiriva toyadau

Then the king of the gods and Madhusudana rained thousands of arrows upon each other, like two storm-clouds pouring down their torrents.

Verse 64 (vishnu.5.30.64)

ऐरावतेन गरुडो युयुधे तत्र संकुले । देवैः समस्तैर्युयुधे शक्रेण च जनार्दनः

airāvatena garuḍo yuyudhe tatra saṁkule devaiḥ samastairyuyudhe śakreṇa ca janārdanaḥ

In that chaos of battle, Garuda fought with Airavata, while Janardana fought against all the gods together, and against Shakra himself.

Verse 65 (vishnu.5.30.65)

छिन्नेष्व् अशेषबाणेषु शस्त्रेष्व् अस्त्रेषु च त्वरन् । जग्राह वासवो वज्रं कृष्णश्चक्रं सुदर्शनम्

chinneṣv aśeṣabāṇeṣu śastreṣv astreṣu ca tvaran jagrāha vāsavo vajraṁ kṛṣṇaścakraṁ sudarśanam

When all their arrows, weapons, and missiles had been cut to pieces, Vasava swiftly seized his thunderbolt, and Krishna his discus Sudarshana.

Verse 66 (vishnu.5.30.66)

ततो हाहाकृतं सर्वं त्रैलोक्यं द्विजसत्तम । वज्रचक्रधरौ दृष्ट्वा देवराजजनार्दनौ

tato hāhākṛtaṁ sarvaṁ trailokyaṁ dvijasattama vajracakradharau dṛṣṭvā devarājajanārdanau

Then, O best of the twice-born, the entire threefold world cried out in dismay, seeing the king of the gods and Janardana, thunderbolt and discus raised.

Verse 67 (vishnu.5.30.67)

क्षिप्तं वज्रम् अथेन्द्रेण जग्राह भगवान् हरिः । न मुमोच तथा चक्रं शक्रं तिष्ठेति चाब्रवीत्

kṣiptaṁ vajram athendreṇa jagrāha bhagavān hariḥ na mumoca tathā cakraṁ śakraṁ tiṣṭheti cābravīt

Then, when Indra hurled his thunderbolt, the Blessed Hari caught it in his hand, yet did not release his own discus in turn, and said to Shakra, 'Stand still!'

Verse 68 (vishnu.5.30.68)

प्रणष्टवज्रं देवेन्द्रं गरुडक्षतवाहनम् । सत्यभामाब्रवीद् वीरं पलायनपरायणम्

praṇaṣṭavajraṁ devendraṁ garuḍakṣatavāhanam satyabhāmābravīd vīraṁ palāyanaparāyaṇam

To that hero — the king of the gods, his thunderbolt now lost, his mount wounded by Garuda, and now bent on flight — Satyabhama said:

Verse 69 (vishnu.5.30.69)

त्रैलोक्येश्वर नो युक्तं शचीभर्तुः पलायनम् । पारिजातस्रगाभोगा त्वाम् उपस्थास्यते शची

trailokyeśvara no yuktaṁ śacībhartuḥ palāyanam pārijātasragābhogā tvām upasthāsyate śacī

'O lord of the three worlds, flight ill becomes Shachi's husband. Shachi, decked in a full garland of Parijata blossoms even so, will still come to attend upon you.'

Verse 70 (vishnu.5.30.70)

कीदृशं देवराज्यं ते पारिजातस्रगुज्ज्वलाम् । अपश्यतो यथा पूर्वं प्रणयाभ्यागतां शचीम्

kīdṛśaṁ devarājyaṁ te pārijātasragujjvalām apaśyato yathā pūrvaṁ praṇayābhyāgatāṁ śacīm

'What kind of kingship over the gods is yours, if you can no longer even behold Shachi, radiant with her Parijata garland, coming to you in love as she always has?'

Verse 71 (vishnu.5.30.71)

अलं शक्र प्रयातेन न व्रीडां गन्तुम् अर्हसि । नीयतां पारिजातोऽयं देवाः सन्तु गतव्यथाः

alaṁ śakra prayātena na vrīḍāṁ gantum arhasi nīyatāṁ pārijāto'yaṁ devāḥ santu gatavyathāḥ

'Enough of retreating, Shakra — you need feel no shame. Let this Parijata be carried off; let the gods be free of their distress.'

Verse 72 (vishnu.5.30.72)

पतिगर्वावलेपेन बहुमानपुरःसरम् । न ददर्श गृहायाताम् उपचारेण मां शची

patigarvāvalepena bahumānapuraḥsaram na dadarśa gṛhāyātām upacāreṇa māṁ śacī

'Out of sheer pride and arrogance in her husband's greatness, Shachi did not receive me with due honor and courtesy when I came to her house.'

Verse 73 (vishnu.5.30.73)

स्त्रीत्वाद् अगुरुचित्ताहं स्वभर्तृश्लाघनापरा । ततः कृतवती शक्र भवता सह विग्रहम्

strītvād agurucittāhaṁ svabhartṛślāghanāparā tataḥ kṛtavatī śakra bhavatā saha vigraham

'Being a woman, my mind not naturally so grave, and intent only on my own husband's glory, it was I, O Shakra, who brought about this quarrel with you.'

Verse 74 (vishnu.5.30.74)

तद् अलं पारिजातेन परस्वेन हृतेन नः । रूपेण गर्विता सा तु भर्त्रा स्त्री का न गर्विता

tad alaṁ pārijātena parasvena hṛtena naḥ rūpeṇa garvitā sā tu bhartrā strī kā na garvitā

'So enough, then, of the Parijata — another's property, seized by us. She is proud of her beauty and her husband — but then, what woman is not proud of her own husband?'

Verse 75 (vishnu.5.30.75)

पराशर उवाच । इत्य् उक्तो वै निववृते देवराजस्तया द्विज । प्राह चैनाम् अलं चण्डि सखि खेदातिविस्तरैः

parāśara uvāca ity ukto vai nivavṛte devarājastayā dvija prāha cainām alaṁ caṇḍi sakhi khedātivistaraiḥ

Parashara said: Thus addressed, O twice-born, the king of the gods, pacified by her, turned back, and said to her: 'Enough now, fierce one, my friend — no need for such excessive distress.'

Verse 76 (vishnu.5.30.76)

न चापि सर्गसंहारस्थितिकर्ताखिलस्य यः । जितस्य तेन मे व्रीडा जायते विश्वरूपिणा

na cāpi sargasaṁhārasthitikartākhilasya yaḥ jitasya tena me vrīḍā jāyate viśvarūpiṇā

'Nor is there any shame for me in being defeated by him who is the very maker of creation, dissolution, and preservation for all things — he of universal form.'

Verse 77 (vishnu.5.30.77)

यस्मिञ् जगत् सकलम् एतद् अनादिमध्ये यस्माद् यतश्च न भविष्यति सर्वभूतात् । तेनोद्भवप्रलयपालनकारणेन व्रीडा कथं भवति देवि निराकृतस्य

yasmiñ jagat sakalam etad anādimadhye yasmād yataśca na bhaviṣyati sarvabhūtāt tenodbhavapralayapālanakāraṇena vrīḍā kathaṁ bhavati devi nirākṛtasya

'He in whom this entire beginningless world abides, from whom it arises and into whom it shall one day dissolve, out of all beings — being defeated by him, the very cause of origination, dissolution, and preservation, how, O goddess, can there be any shame in that?'

Verse 78 (vishnu.5.30.78)

सकलभुवनसूतिर्मूर्तिरस्याणुसूक्ष्मा विदितसकलवेद्यैर्ज्ञायते यस्य नान्यैः । तम् अजम् अकृतम् ईशं शाश्वतं स्वेच्छयैनं जगदुपकृतिमर्त्यं को विजेतुं समर्थः

sakalabhuvanasūtirmūrtirasyāṇusūkṣmā viditasakalavedyairjñāyate yasya nānyaiḥ tam ajam akṛtam īśaṁ śāśvataṁ svecchayainaṁ jagadupakṛtimartyaṁ ko vijetuṁ samarthaḥ

'His form, the very source of all the worlds, subtler than the atom, is known only to those who have known all there is to know — and by no others. That unborn, uncreated, eternal Lord, who by his own will has assumed this mortal form for the world's benefit — who could possibly be capable of conquering him?'