The Slaying of Dvivida

Verse 1 (vishnu.5.36.1)

पराशर उवाच । मैत्रेय श्रूयतां तस्य बलस्य बलशालिनः । कृतं यद् अन्यत् तेनाभूत् तद् अपि श्रूयतां त्वया

parāśara uvāca maitreya śrūyatāṁ tasya balasya balaśālinaḥ kṛtaṁ yad anyat tenābhūt tad api śrūyatāṁ tvayā

Parashara said: Listen, O Maitreya; let this other deed performed by that mighty Bala also be heard by you.

Verse 2 (vishnu.5.36.2)

नरकस्यासुरेन्द्रस्य देवपक्षविरोधिनः । सखाभवन् महावीर्यो द्विविदो नाम वानरः

narakasyāsurendrasya devapakṣavirodhinaḥ sakhābhavan mahāvīryo dvivido nāma vānaraḥ

There was a friend of Naraka, lord of the asuras and foe of the gods' party — a mighty ape named Dvivida.

Verse 3 (vishnu.5.36.3)

वैरानुबन्धं बलवान् स चकार सुरान् प्रति । नरकं हतवान् कृष्णो देवराजेन चोदितः

vairānubandhaṁ balavān sa cakāra surān prati narakaṁ hatavān kṛṣṇo devarājena coditaḥ

That powerful ape formed a lasting enmity toward the gods, because Krishna, urged on by their king, had slain Naraka.

Verse 4 (vishnu.5.36.4)

करिष्ये सर्वदेवानां तस्माद् एष प्रतिक्रियाम् । यज्ञविध्वंसनं कुर्वन् मर्त्यलोकक्षयं तथा

kariṣye sarvadevānāṁ tasmād eṣa pratikriyām yajñavidhvaṁsanaṁ kurvan martyalokakṣayaṁ tathā

'Therefore I shall take revenge on all the gods for this' — so thinking, he set about destroying sacrifices and ruining the mortal world as well.

Verse 5 (vishnu.5.36.5)

ततो विध्वंसयाम् आस यज्ञान् अज्ञानमोहितः । बिभेद साधुमर्यादां क्षयं चक्रे च देहिनाम्

tato vidhvaṁsayām āsa yajñān ajñānamohitaḥ bibheda sādhumaryādāṁ kṣayaṁ cakre ca dehinām

Then, deluded by ignorance, he destroyed sacrifices, broke down the bounds set by the virtuous, and brought ruin upon living beings.

Verse 6 (vishnu.5.36.6)

ददाह चपलो देशान् पुरग्रामान्तराणि च । क्वचिच्च पर्वताक्षेपैर्ग्रामादीन् समचूर्णयत्

dadāha capalo deśān puragrāmāntarāṇi ca kvacicca parvatākṣepairgrāmādīn samacūrṇayat

That fickle creature burned countries, cities, and villages alike; and in some places he crushed villages and the like by hurling mountains at them.

Verse 7 (vishnu.5.36.7)

शैलान् उत्पाट्य तोयेषु मुमोचाम्बुनिधौ तथा । पुनश्चार्णवमध्यस्थः क्षोभयाम् आस सागरम्

śailān utpāṭya toyeṣu mumocāmbunidhau tathā punaścārṇavamadhyasthaḥ kṣobhayām āsa sāgaram

He tore up mountains and hurled them into the waters, into the ocean; and again, standing in the midst of the sea, he churned it into turmoil.

Verse 8 (vishnu.5.36.8)

तेन विक्षोभितश्चाब्धिरुद्वेलो द्विज जायते । प्लावयंस्तीरजान् ग्रामान् पुरादीन् अतिवेगवान्

tena vikṣobhitaścābdhirudvelo dvija jāyate plāvayaṁstīrajān grāmān purādīn ativegavān

Thus stirred up, O twice-born, the ocean overflowed its banks and, with tremendous force, flooded the coastal villages, towns, and other settlements.

Verse 9 (vishnu.5.36.9)

कामरूपी महारूपं कृत्वा सस्यान्य् अशेषतः । लुठन् भ्रमणसंमर्दैः संचूर्णयति वानरः

kāmarūpī mahārūpaṁ kṛtvā sasyāny aśeṣataḥ luṭhan bhramaṇasaṁmardaiḥ saṁcūrṇayati vānaraḥ

That ape, able to take any form at will, assuming a vast body, rolling and thrashing about, would grind every last crop to dust beneath him.

Verse 10 (vishnu.5.36.10)

तेन विप्रकृतं सर्वं जगद् एतद् दुरात्मना । निःस्वाध्यायवषट्कारं मैत्रेयासीत् सुदुःखितम्

tena viprakṛtaṁ sarvaṁ jagad etad durātmanā niḥsvādhyāyavaṣaṭkāraṁ maitreyāsīt suduḥkhitam

By that evil-souled creature this entire world was thrown into disorder, O Maitreya — deprived of Vedic recitation and sacrificial offerings, and reduced to utter misery.

Verse 11 (vishnu.5.36.11)

एकदा रैवतोद्याने पपौ पानं हलायुधः । रेवती च महाभागा तथैवान्या वरस्त्रियः

ekadā raivatodyāne papau pānaṁ halāyudhaḥ revatī ca mahābhāgā tathaivānyā varastriyaḥ

One day, in the Raivata garden, Halayudha drank wine together with the most blessed Revati and other excellent women.

Verse 12 (vishnu.5.36.12)

उपगीयमानो विलसल्ललनामौलिमध्यगः । रेमे यदुवरश्रेष्ठः कुबेर इव मन्दरे

upagīyamāno vilasallalanāmaulimadhyagaḥ reme yaduvaraśreṣṭhaḥ kubera iva mandare

As songs were sung to him, surrounded by radiant, lovely women, that foremost of the Yadu heroes made merry, like Kubera at play on Mount Mandara.

Verse 13 (vishnu.5.36.13)

ततः स वानरोऽभ्येत्य गृहीत्वा सीरिणो हलम् । मुसलं च चकारास्य संमुखं सविडम्बनम्

tataḥ sa vānaro'bhyetya gṛhītvā sīriṇo halam musalaṁ ca cakārāsya saṁmukhaṁ saviḍambanam

Then that ape came near, seized the plow-bearer's plow and pestle-mace, and made a mockery of him right before his face.

Verse 14 (vishnu.5.36.14)

तथैव योषितां तासां जहासाभिमुखं कपिः । पानपूर्णांश्च करकाञ् चिक्षेपाहत्य वै पदा

tathaiva yoṣitāṁ tāsāṁ jahāsābhimukhaṁ kapiḥ pānapūrṇāṁśca karakāñ cikṣepāhatya vai padā

In the same way, the ape jeered mockingly right in the faces of those women, and, kicking them with his foot, flung down the wine-filled vessels.

Verse 15 (vishnu.5.36.15)

ततः कोपपरीतात्मा भर्त्सयाम् आस तं बलः । तथापि तम् अवज्ञाय चक्रे किलकिलाध्वनिम्

tataḥ kopaparītātmā bhartsayām āsa taṁ balaḥ tathāpi tam avajñāya cakre kilakilādhvanim

Then Bala, overcome with anger, rebuked him sharply; but the ape, paying him no heed, only chattered on mockingly.

Verse 16 (vishnu.5.36.16)

ततः समुत्थाय बलो जगृहे मुसलं रुषा । सोऽपि शैलशिलां भीमां जग्राह प्लवगोत्तमः

tataḥ samutthāya balo jagṛhe musalaṁ ruṣā so'pi śailaśilāṁ bhīmāṁ jagrāha plavagottamaḥ

Then Bala rose up in fury and seized his pestle-mace; and that foremost of apes in turn seized a fearsome boulder from the mountain.

Verse 17 (vishnu.5.36.17)

चिक्षेप च स तां क्षिप्तां मुसलेन सहस्रधा । बिभेद यादवश्रेष्ठः सा पपात महीतले

cikṣepa ca sa tāṁ kṣiptāṁ musalena sahasradhā bibheda yādavaśreṣṭhaḥ sā papāta mahītale

He hurled it, and that foremost of the Yadavas shattered the flying boulder into a thousand pieces with his pestle-mace; it fell crashing to the ground.

Verse 18 (vishnu.5.36.18)

आपतन् मुसलं चासौ समुल्लङ्घ्य प्लवंगमः । वेगेनागम्य रोषेण तलेनोरस्य् अताडयत्

āpatan musalaṁ cāsau samullaṅghya plavaṁgamaḥ vegenāgamya roṣeṇa talenorasy atāḍayat

And that leaping creature, vaulting over the oncoming pestle-mace, rushing forward in a fury, struck Bala on the chest with the flat of his hand.

Verse 19 (vishnu.5.36.19)

ततो बलेन कोपेन मुष्टिना मूर्ध्नि ताडितः । पपात रुधिरोद्गारी द्विविदः क्षीणजीवितः

tato balena kopena muṣṭinā mūrdhni tāḍitaḥ papāta rudhirodgārī dvividaḥ kṣīṇajīvitaḥ

Then, struck on the head by Bala's furious fist, Dvivida fell to the ground, spewing blood, his life fast draining away.

Verse 20 (vishnu.5.36.20)

पतता तच्छरीरेण गिरेः शृङ्गम् अशीर्यत । मैत्रेय शतधा वज्रिवज्रेणेव हि ताडितम्

patatā taccharīreṇa gireḥ śṛṅgam aśīryata maitreya śatadhā vajrivajreṇeva hi tāḍitam

As that body fell, O Maitreya, the mountain peak shattered into a hundred pieces, as though struck by Indra's own thunderbolt.

Verse 21 (vishnu.5.36.21)

पुष्पवृष्टिं ततो देवा रामस्योपरि चिक्षिपुः । प्रशशंसुस्तथाभ्येत्य साध्व् एतत् ते महत् कृतम्

puṣpavṛṣṭiṁ tato devā rāmasyopari cikṣipuḥ praśaśaṁsustathābhyetya sādhv etat te mahat kṛtam

Then the gods showered flowers down upon Rama, and, drawing near, praised him: 'This great deed of yours is excellent!'

Verse 22 (vishnu.5.36.22)

अनेन दुष्टकपिना दैत्यपक्षोपकारिणा । जगन् निराकृतं वीर दिष्ट्या स क्षयम् आगतः

anena duṣṭakapinā daityapakṣopakāriṇā jagan nirākṛtaṁ vīra diṣṭyā sa kṣayam āgataḥ

'This wicked ape, a friend to the daitya faction, had afflicted the whole world, O hero; by good fortune, he has now met his destruction.'

Verse 23 (vishnu.5.36.23)

पराशर उवाच । एवंविधान्य् अनेकानि बलदेवस्य धीमतः । कर्माण्य् अपरिमेयानि शेषस्य धरणीभृतः

parāśara uvāca evaṁvidhāny anekāni baladevasya dhīmataḥ karmāṇy aparimeyāni śeṣasya dharaṇībhṛtaḥ

Parashara said: Many such deeds, beyond measure, were performed by the wise Baladeva, Shesha, the bearer of the earth.