The Purana's Fruit and the Final Hymn to Vishnu

Verse 1 (vishnu.6.8.1)

पराशर उवाच । इत्येष कथितः सम्यक् तृतीयः प्रतिसंचरः । आत्यन्तिको विमुक्तिर् या लयो ब्रह्मणि शाश्वते

parāśara uvāca ity eṣa kathitaḥ samyak tṛtīyaḥ pratisaṁcaraḥ ātyantiko vimuktir yā layo brahmaṇi śāśvate

Parashara said: "Thus has this third dissolution been fully declared — the absolute dissolution, which is itself liberation, dissolution into the eternal Brahman.

Verse 2 (vishnu.6.8.2)

सर्गश् च प्रतिसर्गश् च वंशो मन्वन्तराणि च । वंशानुचरितं चैव भवतो गदितं मया

sargaś ca pratisargaś ca vaṁśo manvantarāṇi ca vaṁśānucaritaṁ caiva bhavato gaditaṁ mayā

Creation and re-creation, the dynasties, the Manvantaras, and likewise the history of those dynasties — all of this has been told to you by me.

Verse 3 (vishnu.6.8.3)

पुराणं वैष्णवं त्वेतत् सर्वकिल्बिषनाशनम् । विशिष्टं सर्वशास्त्रेभ्यः पुरुषार्थोपपादकम्

purāṇaṁ vaiṣṇavaṁ tv etat sarvakilbiṣanāśanam viśiṣṭaṁ sarvaśāstrebhyaḥ puruṣārthopapādakam

This Vaishnava Purana destroys every sin; it stands distinguished above all other scriptures, and it establishes the true goals of human life.

Verse 4 (vishnu.6.8.4)

तुभ्यं यथावन् मैत्रेय प्रोक्तं शुश्रूषवेऽव्ययम् । यदन्यदपि वक्तव्यं तत् पृच्छाद्य वदामि ते

tubhyaṁ yathāvan maitreya proktaṁ śuśrūṣave 'vyayam yad anyad api vaktavyaṁ tat pṛcchādya vadāmi te

Maitreya, to you, eager to hear it, this imperishable Purana has been declared exactly as it should be; if there is anything more to be said, ask it now, and I shall tell you."

Verse 5 (vishnu.6.8.5)

मैत्रेय उवाच । भगवन् कथितं सर्वं यत् पृष्टोऽसि मया मुने । श्रुतं चैतन् मया भक्त्या नान्यत् प्रष्टव्यमस्ति मे

maitreya uvāca bhagavan kathitaṁ sarvaṁ yat pṛṣṭo 'si mayā mune śrutaṁ caitan mayā bhaktyā nānyat praṣṭavyam asti me

Maitreya said: "Lord, O sage, everything I asked you has been told; and I have heard it all with devotion. There is nothing more for me to ask.

Verse 6 (vishnu.6.8.6)

विच्छिन्नाः सर्वसंदेहा वैमल्यं मनसः कृतम् । त्वत्प्रसादान् मया ज्ञाता उत्पत्तिस्थितिसंयमाः

vicchinnāḥ sarvasaṁdehā vaimalyaṁ manasaḥ kṛtam tvatprasādān mayā jñātā utpattisthitisaṁyamāḥ

All my doubts have been severed, and my mind has been made spotless; by your grace I have come to know the origin, the continuance, and the withdrawal of all things.

Verse 7 (vishnu.6.8.7)

ज्ञातश् चतुर्विधो राशिः शक्तिश् च त्रिविधा गुरो । विज्ञाता चापि कार्त्स्न्येन त्रिविधा भावभावना

jñātaś caturvidho rāśiḥ śaktiś ca trividhā guro vijñātā cāpi kārtsnyena trividhā bhāvabhāvanā

O teacher, I have come to know the fourfold aggregate and the threefold power; and I have also come to understand fully the threefold contemplation of being.

Verse 8 (vishnu.6.8.8)

त्वत्प्रसादान् मया ज्ञातं ज्ञेयैरन्यैरलं द्विज । यथैतदखिलं विष्णोर् जगन् न व्यतिरिच्यते

tvatprasādān mayā jñātaṁ jñeyair anyair alaṁ dvija yathaitad akhilaṁ viṣṇor jagan na vyatiricyate

By your grace, O twice-born, I have come to know that this whole universe is nothing apart from Vishnu — enough now of anything else that remains to be known!

Verse 9 (vishnu.6.8.9)

कृतार्थोऽस्म्यपसंदेहस् त्वत्प्रसादान् महामुने । वर्णधर्मादयो धर्मा विदिता यदशेषतः

kṛtārtho 'smy apasaṁdehas tvatprasādān mahāmune varṇadharmādayo dharmā viditā yad aśeṣataḥ

I am fulfilled, great sage, and free of every doubt, by your grace, since the duties of the varnas and the other dharmas have all been made known to me in their entirety.

Verse 10 (vishnu.6.8.10)

प्रवृत्तं च निवृत्तं च ज्ञातं कर्म मयाखिलम् । प्रसीद विप्रप्रवर नान्यत् प्रष्टव्यमस्ति मे

pravṛttaṁ ca nivṛttaṁ ca jñātaṁ karma mayākhilam prasīda viprapravara nānyat praṣṭavyam asti me

I have come to know all action, both of engagement and of renunciation; be gracious to me, O foremost of brahmins — there is nothing else left for me to ask."

Verse 11 (vishnu.6.8.11)

यदस्य कथनायासैर् योजितोऽसि मया गुरो । तत् क्षम्यतां विशेषोऽस्ति न सतां पुत्रशिष्ययोः

yad asya kathanāyāsair yojito 'si mayā guro tat kṣamyatāṁ viśeṣo 'sti na satāṁ putraśiṣyayoḥ

O teacher, if I have burdened you with the labor of relating all this, may that be forgiven me; for among the good, there is no real difference between a son and a disciple."

Verse 12 (vishnu.6.8.12)

पराशर उवाच । एतत् ते यन् मयाख्यातं पुराणं वेदसंमितम् । श्रुतेऽस्मिन् सर्वदोषोत्थः पापराशिः प्रणश्यति

parāśara uvāca etat te yan mayākhyātaṁ purāṇaṁ vedasaṁmitam śrute 'smin sarvadoṣotthaḥ pāparāśiḥ praṇaśyati

Parashara said: "This Purana that I have declared to you, equal in authority to the Veda — when it is heard, the whole mass of sin arising from every fault is utterly destroyed.

Verse 13 (vishnu.6.8.13)

सर्गश् च प्रतिसर्गश् च वंशो मन्वन्तराणि च । वंशानुचरितं कृत्स्नं मयात्र तव कीर्तितम्

sargaś ca pratisargaś ca vaṁśo manvantarāṇi ca vaṁśānucaritaṁ kṛtsnaṁ mayātra tava kīrtitam

Creation and re-creation, the dynasties, the Manvantaras, and the whole history of those dynasties have here been declared by me to you.

Verse 14 (vishnu.6.8.14)

अत्र देवास् तथा दैत्या गन्धर्वोरगराक्षसाः । यक्षा विद्याधराः सिद्धाः कथ्यन्तेऽप्सरसस् तथा

atra devās tathā daityā gandharvoragarākṣasāḥ yakṣā vidyādharāḥ siddhāḥ kathyante 'psarasas tathā

Here the gods and the Daityas, the Gandharvas, the serpents, the Rakshasas, the Yakshas, the Vidyadharas, the Siddhas, and likewise the Apsarases, are all described.

Verse 15 (vishnu.6.8.15)

मुनयो भावितात्मानः कथ्यन्ते तपसान्विताः । चातुर्वर्ण्यं तथा पुंसां विशिष्टचरिता नराः

munayo bhāvitātmānaḥ kathyante tapasānvitāḥ cāturvarṇyaṁ tathā puṁsāṁ viśiṣṭacaritā narāḥ

The sages, their souls purified, endowed with austerity, are described here; and likewise the fourfold order of men, and men of distinguished character.

Verse 16 (vishnu.6.8.16)

पुण्याः प्रदेशा मेदिन्याः पुण्या नद्योऽथ सागराः । पर्वताश् च महापुण्याश् चरितानि च धीमताम्

puṇyāḥ pradeśā medinyāḥ puṇyā nadyo 'tha sāgarāḥ parvatāś ca mahāpuṇyāś caritāni ca dhīmatām

The sacred regions of the earth, the sacred rivers, the oceans, the mountains of great holiness, and the deeds of the wise —

Verse 17 (vishnu.6.8.17)

वर्णधर्मादयो धर्मा वेदशाखाश् च कृत्स्नशः । येषां संश्रवणात् सद्यः सर्वपापैः प्रमुच्यते

varṇadharmādayo dharmā vedaśākhāś ca kṛtsnaśaḥ yeṣāṁ saṁśravaṇāt sadyaḥ sarvapāpaiḥ pramucyate

— the duties of the varnas and the other dharmas, and the branches of the Veda in their entirety — by hearing all of these, one is at once freed from every sin.

Verse 18 (vishnu.6.8.18)

उत्पत्तिस्थितिनाशानां हेतुर् यो जगतोऽव्ययः । स सर्वभूतः सर्वात्मा कथ्यते भगवान् हरिः

utpattisthitināśānāṁ hetur yo jagato 'vyayaḥ sa sarvabhūtaḥ sarvātmā kathyate bhagavān hariḥ

He who is the imperishable cause of the world's origin, its persistence, and its destruction, who is all beings and the Self of all — he is spoken of as the Lord Hari.

Verse 19 (vishnu.6.8.19)

अवशेनापि यन् नाम्नि कीर्तिते सर्वपातकैः । पुमान् विमुच्यते सद्यः सिंहत्रस्तैर् मृगैरिव

avaśenāpi yan nāmni kīrtite sarvapātakaiḥ pumān vimucyate sadyaḥ siṁhatrastair mṛgair iva

When his name is uttered, even unintentionally, a man is instantly freed from every sin — even as deer, terrified by a lion, flee at once.

Verse 20 (vishnu.6.8.20)

यन् नामकीर्तनं भक्त्या विलायनमनुत्तमम् । मैत्रेयाशेषपापानां धातूनामिव पावकः

yan nāmakīrtanaṁ bhaktyā vilāyanam anuttamam maitreyāśeṣapāpānāṁ dhātūnām iva pāvakaḥ

Maitreya, the devoted chanting of his name is the supreme means of dissolving every sin, just as fire dissolves the ores of metal.

Verse 21 (vishnu.6.8.21)

कलिकल्मषमत्युग्रं नरकार्तिप्रदं नृणाम् । प्रयाति विलयं सद्यः सकृद् यत्र च संस्मृते

kalikalmaṣam atyugraṁ narakārtipradaṁ nṛṇām prayāti vilayaṁ sadyaḥ sakṛd yatra ca saṁsmṛte

Even the most terrible sin of the Kali age, which brings men to the torment of hell, is dissolved at once, the very moment he is called to mind, even a single time.

Verse 22 (vishnu.6.8.22)

हिरण्यगर्भदेवेन्द्ररुद्रादित्याश्विवायुभिः । पावकैर् वसुभिः साध्यैर् विश्वेदेवादिभिः सुरैः

hiraṇyagarbhadevendrarudrādityāśvivāyubhiḥ pāvakair vasubhiḥ sādhyair viśvedevādibhiḥ suraiḥ

By Hiranyagarbha, by Indra the lord of the gods, by Rudra, the Adityas, the Ashvins, the wind-gods, the fire-gods, the Vasus, the Sadhyas, the Vishvedevas, and the other divinities,

Verse 23 (vishnu.6.8.23)

यक्षरक्षोरगैः सिद्धैर् दैत्यगन्धर्वदानवैः । अप्सरोभिस् तथा तारानक्षत्रैः सकलैर् ग्रहैः

yakṣarakṣoragaiḥ siddhair daityagandharvadānavaiḥ apsarobhis tathā tārānakṣatraiḥ sakalair grahaiḥ

by the Yakshas, the Rakshasas, the serpents, the Siddhas, the Daityas, the Gandharvas, the Danavas, the Apsarases, and likewise by the stars, the constellations, and all the planets,

Verse 24 (vishnu.6.8.24)

सप्तर्षिभिस् तथा धिष्ण्यैर् धिष्ण्याधिपतिभिस् तथा । ब्राह्मणाद्यैर् मनुष्यैश् च तथैव पशुभिर् मृगैः

saptarṣibhis tathā dhiṣṇyair dhiṣṇyādhipatibhis tathā brāhmaṇādyair manuṣyaiś ca tathaiva paśubhir mṛgaiḥ

and by the Seven Sages, by the celestial spheres and the lords presiding over them, and likewise by men beginning with the brahmins, and by domestic and wild animals as well,

Verse 25 (vishnu.6.8.25)

सरीसृपैर् विहंगैश् च पलाशाद्यैर् महीरुहैः । वनाद्रिसागरसरित्पातालैः सधरादिभिः

sarīsṛpair vihaṁgaiś ca palāśādyair mahīruhaiḥ vanādrisāgarasaritpātālaiḥ sadharādibhiḥ

by reptiles and birds, by trees such as the palasha and the rest, by the forests, mountains, oceans, rivers, and netherworlds, together with the earth and all such things,

Verse 26 (vishnu.6.8.26)

शब्दादिभिश् च सहितं ब्रह्माण्डमखिलं द्विज । मेरोरिवाणुर् यस्यैतद् यन्मयं च द्विजोत्तम

śabdādibhiś ca sahitaṁ brahmāṇḍam akhilaṁ dvija meror ivāṇur yasyaitad yanmayaṁ ca dvijottama

O twice-born, and together with sound and the other elements — this entire cosmic egg is, beside him, no more than a speck beside Mount Meru, O best of the twice-born, and consists wholly of him —

Verse 27 (vishnu.6.8.27)

स सर्वः सर्ववित् सर्वस्वरूपो रूपवर्जितः । भगवान् कीर्तितो विष्णुरत्र पापप्रणाशनः

sa sarvaḥ sarvavit sarvasvarūpo rūpavarjitaḥ bhagavān kīrtito viṣṇur atra pāpapraṇāśanaḥ

— that Lord Vishnu, who is all things, who knows all things, whose nature is all form and yet who is free of form, is celebrated here, in this Purana, as the destroyer of sin.

Verse 28 (vishnu.6.8.28)

यदश्वमेधावभृथे स्नातः प्राप्नोति वै फलम् । सकलं तदवाप्नोति श्रुत्वैतन् मुनिसत्तम

yad aśvamedhāvabhṛthe snātaḥ prāpnoti vai phalam sakalaṁ tad avāpnoti śrutvaitan munisattama

O foremost of sages, whatever merit a man gains by bathing in the concluding avabhritha rite of a horse-sacrifice, he gains that same merit entirely, merely by hearing this Purana.

Verse 29 (vishnu.6.8.29)

प्रयागे पुष्करे चैव कुरुक्षेत्रे तथार्बुदे । कृतोपवासः प्राप्नोति तदस्य श्रवणान् नरः

prayāge puṣkare caiva kurukṣetre tathārbude kṛtopavāsaḥ prāpnoti tad asya śravaṇān naraḥ

Whatever a man obtains by observing a fast at Prayaga, at Pushkara, at Kurukshetra, and at Arbuda, he obtains that same merit merely by hearing this.

Verse 30 (vishnu.6.8.30)

यदग्निहोत्रे सुहुते वर्षेणाप्नोति वै फलम् । महापुण्यमयं विप्र तदस्य श्रवणात् सकृत्

yad agnihotre suhute varṣeṇāpnoti vai phalam mahāpuṇyamayaṁ vipra tad asya śravaṇāt sakṛt

O brahmin, whatever great and meritorious fruit a man obtains through a year of duly performed fire-offerings, he obtains that very fruit by hearing this even a single time.

Verse 31 (vishnu.6.8.31)

यज् ज्येष्ठशुक्लद्वादश्यां स्नात्वा वै यमुनाजले । मथुरायां हरिं दृष्ट्वा प्राप्नोति परमां गतिम्

yaj jyeṣṭhaśukladvādaśyāṁ snātvā vai yamunājale mathurāyāṁ hariṁ dṛṣṭvā prāpnoti paramāṁ gatim

Whatever supreme goal a man attains by bathing in the waters of the Yamuna on the twelfth day of the bright fortnight of Jyeshtha, and beholding Hari at Mathura —

Verse 32 (vishnu.6.8.32)

तदाप्नोति फलं सम्यक् समाधानेन कीर्तनात् । पुराणस्यास्य विप्रर्षे केशवार्पितमानसः

tad āpnoti phalaṁ samyak samādhānena kīrtanāt purāṇasyāsya viprarṣe keśavārpitamānasaḥ

— that same fruit, O sage among brahmins, he obtains in full through the recitation of this Purana with concentrated mind, his heart offered up to Keshava.

Verse 33 (vishnu.6.8.33)

यमुनासलिले स्नातः पुरुषो मुनिसत्तम । ज्येष्ठामूलेऽमले पक्षे द्वादश्यामुपवासकृत्

yamunāsalile snātaḥ puruṣo munisattama jyeṣṭhāmūle 'male pakṣe dvādaśyām upavāsakṛt

O foremost of sages, a man who has bathed in the waters of the Yamuna, and who has kept a fast on the twelfth day of the pure fortnight, under the Jyeshtha asterism,

Verse 34 (vishnu.6.8.34)

समभ्यर्च्याच्युतं सम्यङ् मथुरायां समाहितः । अश्वमेधस्य यज्ञस्य प्राप्नोत्यविकलं फलम्

samabhyarcyācyutaṁ samyaṅ mathurāyāṁ samāhitaḥ aśvamedhasya yajñasya prāpnoty avikalaṁ phalam

and who, with a concentrated mind, has duly worshipped the imperishable Lord at Mathura, obtains the complete and unimpaired fruit of the horse-sacrifice.

Verse 35 (vishnu.6.8.35)

आलोक्यर्द्धिमथान्येषामुन्नीतानां स्ववंशजैः । एतत् किलोचुरन्येषाम् पितरः सपितामहाः

ālokyarddhim athānyeṣām unnītānāṁ svavaṁśajaiḥ etat kilocur anyeṣām pitaraḥ sapitāmahāḥ

Seeing the prosperity of others, raised up by their own descendants' merit, the fathers and grandfathers of other lineages are said to have spoken thus of these others:

Verse 36 (vishnu.6.8.36)

कच्चिदस्मत्कुले जातः कालिन्दीसलिलाप्लुतः । अर्चयिष्यति गोविन्दं मथुरायामुपोषितः

kaccid asmatkule jātaḥ kālindīsalilāplutaḥ arcayiṣyati govindaṁ mathurāyām upoṣitaḥ

"Will there ever be one born in our own family who will bathe in the waters of the Kalindi, and, having observed a fast, worship Govinda at Mathura,

Verse 37 (vishnu.6.8.37)

ज्येष्ठामूले सिते पक्षे येनैवं वयमप्युत । परामृद्धिमवाप्स्यामस् तारिताः स्वकुलोद्भवैः

jyeṣṭhāmūle site pakṣe yenaivaṁ vayam apy uta parām ṛddhim avāpsyāmas tāritāḥ svakulodbhavaiḥ

under the Jyeshtha asterism, in the bright fortnight — so that we too, delivered by one sprung from our own family, might attain that supreme prosperity?"

Verse 38 (vishnu.6.8.38)

ज्येष्ठामूले सिते पक्षे समभ्यर्च्य जनार्दनम् । धन्यानां कुलजः पिण्डान् यमुनायां प्रदास्यति

jyeṣṭhāmūle site pakṣe samabhyarcya janārdanam dhanyānāṁ kulajaḥ piṇḍān yamunāyāṁ pradāsyati

"Will one born among the fortunate, having duly worshipped Janardana under the Jyeshtha asterism, in the bright fortnight, offer the funeral rice-balls to us upon the Yamuna,

Verse 39 (vishnu.6.8.39)

तस्मिन् काले समभ्यर्च्य तत्र कृष्णं समाहितः । दत्त्वा पिण्डं पितृभ्यश् च यमुनासलिलाप्लुतः

tasmin kāle samabhyarcya tatra kṛṣṇaṁ samāhitaḥ dattvā piṇḍaṁ pitṛbhyaś ca yamunāsalilāplutaḥ

worshipping Krishna there at that time with a concentrated mind, and, having bathed in the waters of the Yamuna, offering the funeral rice-ball to his ancestors —

Verse 40 (vishnu.6.8.40)

यदाप्नोति नरः पुण्यं तारयन् स्वपितामहान् । श्रुत्वाध्यायं तदाप्नोति पुराणस्यास्य भक्तिमान्

yad āpnoti naraḥ puṇyaṁ tārayan svapitāmahān śrutvādhyāyaṁ tad āpnoti purāṇasyāsya bhaktimān

— whatever merit a man gains thereby, delivering his own forefathers, a devoted man obtains that same merit simply by hearing this chapter of this Purana."

Verse 41 (vishnu.6.8.41)

एतत् संसारभीरूणां परित्राणमनुत्तमम् । दुःस्वप्ननाशनं नॄणां सर्वदुष्टनिबर्हणम्

etat saṁsārabhīrūṇāṁ paritrāṇam anuttamam duḥsvapnanāśanaṁ nṝṇāṁ sarvaduṣṭanibarhaṇam

This is the supreme refuge for those who fear worldly existence, the destroyer of bad dreams for men, the eradicator of every evil thing.

Verse 42 (vishnu.6.8.42)

इदमार्षं पुरा प्राह ऋभवे कमलोद्भवः । ऋभुः प्रियव्रतायाह स च भागुरयेऽब्रवीत्

idam ārṣaṁ purā prāha ṛbhave kamalodbhavaḥ ṛbhuḥ priyavratāyāha sa ca bhāguraye 'bravīt

Long ago, the lotus-born Brahma declared this ancient teaching to Ribhu; Ribhu told it to Priyavrata; and he in turn told it to Bhaguri.

Verse 43 (vishnu.6.8.43)

भागुरिः स्तम्भमित्राय दधीचाय स चोक्तवान् । सारस्वताय तेनोक्तं भृगुः सारस्वतादपि

bhāguriḥ stambhamitrāya dadhīcāya sa coktavān sārasvatāya tenoktaṁ bhṛguḥ sārasvatād api

Bhaguri told it to Stambhamitra; he told it to Dadhichi; by him it was told to Sarasvata; and Bhrigu received it from Sarasvata as well.

Verse 44 (vishnu.6.8.44)

भृगुणा पुरुकुत्साय नर्मदायै स चोक्तवान् । नर्मदा धृतराष्ट्राय नागायापूरणाय च

bhṛguṇā purukutsāya narmadāyai sa coktavān narmadā dhṛtarāṣṭrāya nāgāyāpūraṇāya ca

By Bhrigu it was told to Purukutsa; he told it to Narmada; Narmada told it to the serpent Dhritarashtra, and to Apurana.

Verse 45 (vishnu.6.8.45)

ताभ्यां च नागराजाय प्रोक्तं वासुकये द्विज । वासुकिः प्राह वत्साय वत्सश् चाश्वतराय वै

tābhyāṁ ca nāgarājāya proktaṁ vāsukaye dvija vāsukiḥ prāha vatsāya vatsaś cāśvatarāya vai

O twice-born, by those two it was declared to Vasuki, king of the serpents; Vasuki told it to Vatsa; and Vatsa told it to Ashvatara.

Verse 46 (vishnu.6.8.46)

कम्बलाय च तेनोक्तमेलापत्राय तेन वै

kambalāya ca tenoktam elāpatrāya tena vai

And by him it was told to Kambala, and by him, in turn, to Elapatra.

Verse 47 (vishnu.6.8.47)

पातालं समनुप्राप्तस् ततो वेदशिरा मुनिः । प्राप्तवानेतदखिलं स वै प्रमतये ददौ

pātālaṁ samanuprāptas tato vedaśirā muniḥ prāptavān etad akhilaṁ sa vai pramataye dadau

Then the sage Vedashiras, having journeyed to the netherworld, obtained this teaching in its entirety, and he gave it over to Pramati.

Verse 48 (vishnu.6.8.48)

दत्तं प्रमतिना चैव जातूकर्णाय धीमते । जातूकर्णेन चैवोक्तमन्येषां पुण्यशालिनाम्

dattaṁ pramatinā caiva jātūkarṇāya dhīmate jātūkarṇena caivoktam anyeṣāṁ puṇyaśālinām

And it was given by Pramati to the wise Jatukarna; and by Jatukarna it was declared to other men blessed with merit.

Verse 49 (vishnu.6.8.49)

पुलस्त्यवरदानेन ममाप्येतत् स्मृतिं गतम् । मयापि तुभ्यं मैत्रेय यथावत् कथितं त्विदम्

pulastyavaradānena mamāpy etat smṛtiṁ gatam mayāpi tubhyaṁ maitreya yathāvat kathitaṁ tv idam

By the boon of Pulastya, this teaching came to be held in my own memory as well; and by me too, Maitreya, it has now been declared to you exactly as it stands.

Verse 50 (vishnu.6.8.50)

त्वमप्येतच् छिनीकाय कलेरन्ते वदिष्यसि

tvam apy etac chinīkāya kaler ante vadiṣyasi

And you, too, shall declare this teaching to Shinika, at the end of the Kali age.

Verse 51 (vishnu.6.8.51)

इत्येतत् परमं गुह्यं कलिकल्मषनाशनम् । यः शृणोति नरः पापैः स सर्वैर् द्विज मुच्यते

ity etat paramaṁ guhyaṁ kalikalmaṣanāśanam yaḥ śṛṇoti naraḥ pāpaiḥ sa sarvair dvija mucyate

Thus, O twice-born, this is a supreme secret, the destroyer of the sin of the Kali age; whatever man hears it is freed from every sin whatsoever.

Verse 52 (vishnu.6.8.52)

पितृयक्षमनुष्येभ्यः समस्तामरसंस्तुतिः । कृता तेन भवेदेतद् यः शृणोति दिने दिने

pitṛyakṣamanuṣyebhyaḥ samastāmarasaṁstutiḥ kṛtā tena bhaved etad yaḥ śṛṇoti dine dine

By the man who hears it day after day, praise is understood to have been offered to the ancestors, to the Yakshas, to men, and to all the immortal gods.

Verse 53 (vishnu.6.8.53)

कपिलादानजनितं पुण्यमत्यन्तदुर्लभम् । श्रुत्वा त्वस्य दशाध्यायानवाप्नोति न संशयः

kapilādānajanitaṁ puṇyam atyantadurlabham śrutvā tv asya daśādhyāyān avāpnoti na saṁśayaḥ

By hearing ten chapters of this Purana, without any doubt, one obtains the merit — exceedingly difficult to attain — that is born of the gift of a Kapila cow.

Verse 54 (vishnu.6.8.54)

यस् त्वैतत् सकलं शृणोति पुरुषः कृत्वा मनस्यच्युतं सर्वं सर्वमयं समस्तजगतामाधारमात्माश्रयम् । ज्ञानं ज्ञेयमनन्तमादिरहितं सर्वामराणां हितं स प्राप्नोति न संशयोऽस्त्यविकलं यद् वाजिमेधे फलम्

yas tvaitat sakalaṁ śṛṇoti puruṣaḥ kṛtvā manasy acyutaṁ sarvaṁ sarvamayaṁ samastajagatām ādhāram ātmāśrayam jñānaṁ jñeyam anantam ādirahitaṁ sarvāmarāṇāṁ hitaṁ sa prāpnoti na saṁśayo 'sty avikalaṁ yad vājimedhe phalam

But whatever man hears this entire Purana, holding fixed in his mind the imperishable Lord — who is all things, made of all things, the support of all the worlds, his own sole refuge, knowledge itself, the object of knowledge, infinite, without beginning, the well-being of all the immortal gods — that man obtains, without any doubt, the complete and unbroken fruit that is won in the horse-sacrifice.

Verse 55 (vishnu.6.8.55)

यत्रादौ भगवांश् चराचरगुरुर् मध्ये तथान्ते च स ब्रह्मज्ञानमयोऽच्युतोऽखिलजगन्मध्यान्तसर्गप्रभुः । तच् छृण्वन् पुरुषः पवित्रपरमं भक्त्या पठन् धारयन् प्राप्नोत्यस्ति न तत् समस्तभुवनेष्वेकान्तसिद्धिर् हरिः

yatrādau bhagavāṁś carācaragurur madhye tathānte ca sa brahmajñānamayo 'cyuto 'khilajaganmadhyāntasargaprabhuḥ tac chṛṇvan puruṣaḥ pavitraparamaṁ bhaktyā paṭhan dhārayan prāpnoty asti na tat samastabhuvaneṣv ekāntasiddhir hariḥ

He, the Lord, present at the beginning, the teacher of all moving and unmoving things, present likewise at the middle and at the end, consisting of the knowledge of Brahman, imperishable, the master of the beginning, middle, and dissolution of the entire universe — the man who hears this most sacred Purana, recites it with devotion, and holds it fast in memory, attains that very Hari; there is nothing among all the worlds left for him to attain, for this alone is the perfection reached through single-minded devotion to him.

Verse 56 (vishnu.6.8.56)

यस्मिन् न्यस्तमतिर् न याति नरकं स्वर्गोऽपि यच् चिन्तने विघ्नो यत्र निवेशितात्ममनसो ब्राह्मोऽपि लोकोऽल्पकः । मुक्तिं चेतसि यः स्थितोऽमलधियां पुंसां ददात्यव्ययः किं चित्रं यदघं प्रयाति विलयं तत्राच्युते कीर्तिते

yasmin nyastamatir na yāti narakaṁ svargo 'pi yac cintane vighno yatra niveśitātmamanaso brāhmo 'pi loko 'lpakaḥ muktiṁ cetasi yaḥ sthito 'maladhiyāṁ puṁsāṁ dadāty avyayaḥ kiṁ citraṁ yad aghaṁ prayāti vilayaṁ tatrācyute kīrtite

He on whom, once the mind is fixed, one no longer goes to hell; in contemplating whom even heaven becomes an obstacle; for whose sake, in one whose self and mind are surrendered to him, even the world of Brahma seems a small thing; that imperishable Lord, dwelling in the hearts of men of stainless understanding, grants them liberation — what wonder is it, then, that sin should pass into utter dissolution the very instant Achyuta is spoken of?

Verse 57 (vishnu.6.8.57)

यज्ञैर् यज्ञविदो यजन्ति सततं यज्ञेश्वरं कर्मिणो यं यं ब्रह्ममयं परापरपरं ध्यायन्ति च ज्ञानिनः । यं संप्राप्य न जायते न म्रियते नो वर्धते हीयते नैवासन् न च सद् भवत्यति ततः किं वा हरेः श्रूयताम्

yajñair yajñavido yajanti satataṁ yajñeśvaraṁ karmiṇo yaṁ yaṁ brahmamayaṁ parāparaparaṁ dhyāyanti ca jñāninaḥ yaṁ saṁprāpya na jāyate na mriyate no vardhate hīyate naivāsan na ca sad bhavaty ati tataḥ kiṁ vā hareḥ śrūyatām

He whom sacrificers, knowing the rites, ceaselessly worship as the Lord of sacrifice through their offerings; whom the wise, knowers of Brahman, meditate upon as the highest beyond the high; attaining whom, one is neither born nor dies, neither increases nor decreases, is neither unreal nor becomes real — what more, then, is there to hear concerning Hari?

Verse 58 (vishnu.6.8.58)

कव्यं यः पितृरूपधृग् विधिहुतं हव्यं च भुङ्क्ते विभुर् देवत्वे भगवाननादिनिधनः स्वाहास्वधासंज्ञितः । यस्मिन् ब्रह्मणि सर्वशक्तिनिलये मानानि नो मानिनां निष्ठायै प्रभवन्ति हन्ति कलुषं श्रोत्रं स यातो हरिः

kavyaṁ yaḥ pitṛrūpadhṛg vidhihutaṁ havyaṁ ca bhuṅkte vibhur devatve bhagavān anādinidhanaḥ svāhāsvadhāsaṁjñitaḥ yasmin brahmaṇi sarvaśaktinilaye mānāni no mānināṁ niṣṭhāyai prabhavanti hanti kaluṣaṁ śrotraṁ sa yāto hariḥ

He who, taking the form of the ancestors, partakes of the offering called "kavya," and who, in his own divine nature, the all-pervading Lord without beginning or end, known under the names Svaha and Svadha, partakes as well of the duly offered "havya" — that Brahman, the abode of every power, in whom the pride of the proud can accomplish nothing toward their own true establishment — that very Hari, the instant he reaches the ear, destroys all its impurity.

Verse 59 (vishnu.6.8.59)

नान्तोऽस्ति यस्य न च यस्य समुद्भवोऽस्ति वृद्धिर् न यस्य परिणामविवर्जितस्य । नापक्षयं च समुपैत्यविकल्पवस्तु यस् तं नतोऽस्मि पुरुषोत्तममीशमीड्यम्

nānto 'sti yasya na ca yasya samudbhavo 'sti vṛddhir na yasya pariṇāmavivarjitasya nāpakṣayaṁ ca samupaity avikalpavastu yas taṁ nato 'smi puruṣottamam īśam īḍyam

To him who has neither end nor origin, who, being beyond all change, undergoes neither growth nor decline, that undivided reality — to him, the Supreme Person, the Lord worthy of all praise, I bow down.

Verse 60 (vishnu.6.8.60)

तस्यैव योऽनुगुणभुग् बहुधैक एव शुद्धोऽप्यशुद्ध इव मूर्तिविभागभेदैः । ज्ञानान्वितः सकलतत्त्वविभूतिकर्ता तस्मै नतोऽस्मि पुरुषाय सदाव्ययाय

tasyaiva yo 'nuguṇabhug bahudhaika eva śuddho 'py aśuddha iva mūrtivibhāgabhedaiḥ jñānānvitaḥ sakalatattvavibhūtikartā tasmai nato 'smi puruṣāya sadāvyayāya

To him — who, though one alone, partakes in many ways of the qualities he assumes, who, pure in himself, appears as though impure through the divisions of his differing forms, who, possessed of knowledge, is the maker of the manifold glory of all things — to that ever-imperishable Person, I bow.

Verse 61 (vishnu.6.8.61)

ज्ञानप्रवृत्तिनियमैक्यमयाय पुंसो भोगप्रदानपटवे त्रिगुणात्मकाय । अव्याकृताय भवभावनकारणाय वन्दे स्वरूपभवनाय सदाजराय

jñānapravṛttiniyamaikyamayāya puṁso bhogapradānapaṭave triguṇātmakāya avyākṛtāya bhavabhāvanakāraṇāya vande svarūpabhavanāya sadājarāya

I praise him who is the very union of knowledge, activity, and the restraint governing them, skilled in bestowing enjoyment upon the Supreme Person, of the nature of the three gunas, undifferentiated, the cause from which worldly existence arises, the very abode of his own true nature, ever ageless.

Verse 62 (vishnu.6.8.62)

व्योमानिलाग्निजलभूरचनामयाय शब्दादिभोग्यविषयोपनयक्षमाय । पुंसः समस्तकरणैरुपकारकाय व्यक्ताय सूक्ष्मविमलाय सदा नतोऽस्मि

vyomānilāgnijalabhūracanāmayāya śabdādibhogyaviṣayopanayakṣamāya puṁsaḥ samastakaraṇair upakārakāya vyaktāya sūkṣmavimalāya sadā nato 'smi

I bow ever to him who consists in the fashioning of ether, wind, fire, water, and earth, who is capable of bringing within reach the objects of enjoyment — sound and the rest — who, through all the instruments of perception, renders service to the Supreme Person, who is manifest, subtle, and stainless.

Verse 63 (vishnu.6.8.63)

इति विविधमजस्य यस्य रूपं प्रकृतिपरात्ममयं सनातनस्य । प्रदिशतु भगवानशेषपुंसां हरिरपजन्मजरादिकां स सिद्धिम्

iti vividham ajasya yasya rūpaṁ prakṛtiparātmamayaṁ sanātanasya pradiśatu bhagavān aśeṣapuṁsāṁ harir apajanmajarādikāṁ sa siddhim

Thus have I described the manifold form of that unborn, eternal one, whose nature consists of Prakriti and the Supreme Self alike — may the Lord Hari bestow upon all men that perfection which frees them from birth, old age, and all such things.