Vali's Funeral

Shloka 1 (kishkindha.25.1)

स सुग्रीवं च तारां च साङ्गदां सहलक्ष्मणः । समानशोकः काकुत्स्थः सान्त्वयन्निदमब्रवीत् ॥ 25.1 ॥

sa sugrīvaṃ ca tārāṃ ca sāṅgadāṃ sahalakṣmaṇaḥ | samānaśokaḥ kākutsthaḥ sāntvayannidamabravīt || 25.1 ||

That Kakutstha, together with Lakshmana, sharing the very same grief, spoke these consoling words to Sugriva, to Tara, and to Angada.

Shloka 2 (kishkindha.25.2)

न शोकपरितापेन श्रेयसा युज्यते मृतः । यदत्रानन्तरं कार्यं तत् समाधातुमर्हथ ॥ 25.2 ॥

na śokaparitāpena śreyasā yujyate mṛtaḥ | yadatrānantaraṃ kāryaṃ tat samādhātumarhatha || 25.2 ||

The departed gains no benefit through the sorrow of mourning; you should now attend to whatever task properly follows in this matter.

Shloka 3 (kishkindha.25.3)

लोकवृत्तमनुष्ठेयं कृतं वो बाष्पमोक्षणम् । न कालादुत्तरं किंचित् कर्मशक्यमुपासितुम् ॥ 25.3 ॥

lokavṛttamanuṣṭheyaṃ kṛtaṃ vo bāṣpamokṣaṇam | na kālāduttaraṃ kiṃcit karmaśakyamupāsitum || 25.3 ||

Worldly custom must be observed, and your shedding of tears has already fulfilled it; but once the time for it has passed, nothing further can be accomplished by any such act.

Shloka 4 (kishkindha.25.4)

नियतिः कारणं लोके नियतिः कर्मसाधनम् । नियतिः सर्वभूतानां नियोगेष्विह कारणम् ॥ 25.4 ॥

niyatiḥ kāraṇaṃ loke niyatiḥ karmasādhanam | niyatiḥ sarvabhūtānāṃ niyogeṣviha kāraṇam || 25.4 ||

Destiny is the cause in this world, destiny is the instrument of action; destiny alone is the cause behind the tasks assigned here to all beings.

Shloka 5 (kishkindha.25.5)

न कर्ता कस्यचित् कश्चिन्नियोगे नापि चेश्वरः । स्वभावे वर्तते लोकस्तस्य कालः परायणम् ॥ 25.5 ॥

na kartā kasyacit kaścinniyoge nāpi ceśvaraḥ | svabhāve vartate lokastasya kālaḥ parāyaṇam || 25.5 ||

No one is truly the doer of another's task, nor is there any lord who appoints another; the world proceeds according to its own nature, and Time is its ultimate resort.

Shloka 6 (kishkindha.25.6)

न कालः कालमत्येति न कालः परिहीयते । स्वभावं च समासाद्य न कश्चिदतिवर्तते ॥ 25.6 ॥

na kālaḥ kālamatyeti na kālaḥ parihīyate | svabhāvaṃ ca samāsādya na kaścidativartate || 25.6 ||

Time does not overtake Time, nor does Time fall short of itself; and having attained one's own nature, no one transgresses it.

Shloka 7 (kishkindha.25.7)

न कालस्यास्ति बन्धुत्वं न हेतुर्न पराक्रमः । न मित्रज्ञातिसम्बन्धः कारणं नात्मनो वशः ॥ 25.7 ॥

na kālasyāsti bandhutvaṃ na heturna parākramaḥ | na mitrajñātisambandhaḥ kāraṇaṃ nātmano vaśaḥ || 25.7 ||

Time has no kinship with anyone, no cause, and no counter-force against it; neither the bond of friend or kinsman nor one's own power is any cause that can prevail over it.

Shloka 8 (kishkindha.25.8)

किं तु कालपरीणामो द्रष्टव्यः साधु पश्यता । धर्मश्चार्थश्च कामश्च कालक्रमसमाहिताः ॥ 25.8 ॥

kiṃ tu kālaparīṇāmo draṣṭavyaḥ sādhu paśyatā | dharmaścārthaśca kāmaśca kālakramasamāhitāḥ || 25.8 ||

But whoever sees rightly must observe the transformation wrought by Time; righteousness, wealth, and desire are all attained only in the due course of Time.

Shloka 9 (kishkindha.25.9)

इतः स्वां प्रकृतिं वाली गतः प्राप्तः क्रियाफलम् । सामदानार्थसंयोगैः पवित्रं प्लवगेश्वरः ॥ 25.9 ॥

itaḥ svāṃ prakṛtiṃ vālī gataḥ prāptaḥ kriyāphalam | sāmadānārthasaṃyogaiḥ pavitraṃ plavageśvaraḥ || 25.9 ||

Vali has now gone from here to his own true nature, having attained the fruit of his deeds; that lord of monkeys was made pure through his practice of conciliation, generosity, and rightful conduct.

Shloka 10 (kishkindha.25.10)

स्वधर्मस्य च संयोगाज्जितस्तेन महात्मना । स्वर्गः परिगृहीतश्च प्राणानपरिरक्षता ॥ 25.10 ॥

svadharmasya ca saṃyogājjitastena mahātmanā | svargaḥ parigṛhītaśca prāṇānaparirakṣatā || 25.10 ||

Through his adherence to his own righteous duty, and with no regard for the preservation of his own life, that great soul triumphed and attained heaven.

Shloka 11 (kishkindha.25.11)

एषा वै नियतिः श्रेष्ठा यां गतो हरियूथपः । तदलं परितापेन प्राप्तकालमुपास्यताम् ॥ 25.11 ॥

eṣā vai niyatiḥ śreṣṭhā yāṃ gato hariyūthapaḥ | tadalaṃ paritāpena prāptakālamupāsyatām || 25.11 ||

This indeed is the noblest destiny to which that lord of monkeys has gone; therefore, enough of this anguish - let what is now timely be duly attended to.

Shloka 12 (kishkindha.25.12)

वचनान्ते तु रामस्य लक्ष्मणः परवीरहा । अवदत् प्रश्रितं वाक्यं सुग्रीवं गतचेतसम् ॥ 25.12 ॥

vacanānte tu rāmasya lakṣmaṇaḥ paravīrahā | avadat praśritaṃ vākyaṃ sugrīvaṃ gatacetasam || 25.12 ||

When Rama's speech had ended, Lakshmana, the slayer of enemy heroes, spoke a courteous word to the grief-stricken Sugriva.

Shloka 13 (kishkindha.25.13)

कुरु त्वमस्य सुग्रीव प्रेतकार्यमनन्तरम् । ताराङ्गदाभ्यां सहितो वालिनो दहनं प्रति ॥ 25.13 ॥

kuru tvamasya sugrīva pretakāryamanantaram | tārāṅgadābhyāṃ sahito vālino dahanaṃ prati || 25.13 ||

Sugriva, together with Tara and Angada, you should now, without delay, perform his funeral rites and see to the cremation of Vali.

Shloka 14 (kishkindha.25.14)

समाज्ञापय काष्ठानि शुष्काणि च बहूनि च । चन्दनानि च दिव्यानि वालिसंस्कारकारणात् ॥ 25.14 ॥

samājñāpaya kāṣṭhāni śuṣkāṇi ca bahūni ca | candanāni ca divyāni vālisaṃskārakāraṇāt || 25.14 ||

Order that plentiful dry firewood and divine sandalwood be gathered, for the purpose of Vali's funeral rites.

Shloka 15 (kishkindha.25.15)

समाश्वासय दीनं त्वमङ्गदं दीनचेतसम् । मा भूर्बालिशबुद्धिस्त्वं त्वदधीनमिदं पुरम् ॥ 25.15 ॥

samāśvāsaya dīnaṃ tvamaṅgadaṃ dīnacetasam | mā bhūrbāliśabuddhistvaṃ tvadadhīnamidaṃ puram || 25.15 ||

Console this wretched, downcast Angada; and do not let your own judgment become foolish, for this city now depends upon you.

Shloka 16 (kishkindha.25.16)

अङ्गदस्त्वानयेन्माल्यं वस्त्राणि विविधानि च । घृतं तैलमथो गन्धान् यच्चात्र समनन्तरम् ॥ 25.16 ॥

aṅgadastvānayenmālyaṃ vastrāṇi vividhāni ca | ghṛtaṃ tailamatho gandhān yaccātra samanantaram || 25.16 ||

Let Angada bring garlands and various cloths, ghee, oil, and fragrances - whatever else is needed at once for this occasion.

Shloka 17 (kishkindha.25.17)

त्वं तार शिबिकां शीघ्रमादायागच्छ सम्भ्रमात् । त्वरा गुणवती युक्ता ह्यस्मिन् काले विशेषतः ॥ 25.17 ॥

tvaṃ tāra śibikāṃ śīghramādāyāgaccha sambhramāt | tvarā guṇavatī yuktā hyasmin kāle viśeṣataḥ || 25.17 ||

And you, minister Tara, go quickly and hurriedly bring back a palanquin; for haste is especially fitting and beneficial at this time.

Shloka 18 (kishkindha.25.18)

सज्जीभवन्तु प्लवगाः शिबिकावाहनोचिताः । समर्था बलिनश्चैव निर्हरिष्यन्ति वालिनम् ॥ 25.18 ॥

sajjībhavantu plavagāḥ śibikāvāhanocitāḥ | samarthā balinaścaiva nirhariṣyanti vālinam || 25.18 ||

Let those monkeys fit to bear the palanquin, capable and strong, make themselves ready; they shall carry Vali forth.

Shloka 19 (kishkindha.25.19)

एवमुक्त्वा तु सुग्रीवं सुमित्रानन्दवर्धनः । तस्थौ भ्रातृसमीपस्थो लक्ष्मणः परवीरहा ॥ 25.19 ॥

evamuktvā tu sugrīvaṃ sumitrānandavardhanaḥ | tasthau bhrātṛsamīpastho lakṣmaṇaḥ paravīrahā || 25.19 ||

Having spoken thus to Sugriva, Lakshmana, the increaser of Sumitra's joy and the slayer of enemy heroes, remained standing close beside his brother.

Shloka 20 (kishkindha.25.20)

लक्ष्मणस्य वचः श्रुत्वा तारः सम्भ्रान्तमानसः । प्रविवेश गुहां शीघ्रं शिबिकासक्तमानसः ॥ 25.20 ॥

lakṣmaṇasya vacaḥ śrutvā tāraḥ sambhrāntamānasaḥ | praviveśa guhāṃ śīghraṃ śibikāsaktamānasaḥ || 25.20 ||

Having heard Lakshmana's words, the minister Tara, his mind hurried and intent upon fetching the palanquin, swiftly entered the mountain-city.

Shloka 21 (kishkindha.25.21)

आदाय शिबिकां तारः स तु पर्यापतत् पुनः । वानरैरुह्यमानां तां शूरैरुद्वहनोचितैः ॥ 25.21 ॥

ādāya śibikāṃ tāraḥ sa tu paryāpatat punaḥ | vānarairuhyamānāṃ tāṃ śūrairudvahanocitaiḥ || 25.21 ||

Having secured the palanquin, that minister Tara quickly returned once more, it being borne by valiant monkeys fit for carrying such a burden.

Shloka 22 (kishkindha.25.22)

दिव्यां भद्रासनयुतां शिबिकां स्यन्दनोपमाम् । पक्षिकर्मभिराचित्रां द्रुमकर्मविभूषिताम् ॥ 25.22 ॥

divyāṃ bhadrāsanayutāṃ śibikāṃ syandanopamām | pakṣikarmabhirācitrāṃ drumakarmavibhūṣitām || 25.22 ||

That divine palanquin, fitted with an auspicious seat and resembling a chariot, was adorned with figures of birds in relief and decorated with tree-work,

Shloka 23 (kishkindha.25.23)

आचितां चित्रपत्तीभिः सुनिविष्टां समन्ततः । विमानमिव सिद्धानां जालवातायनायुताम् ॥ 25.23 ॥

ācitāṃ citrapattībhiḥ suniviṣṭāṃ samantataḥ | vimānamiva siddhānāṃ jālavātāyanāyutām || 25.23 ||

crowded all around with striking figures of foot-soldiers, well fitted together, and furnished with lattice-windows, like the aerial cars of the Siddhas;

Shloka 24 (kishkindha.25.24)

सुनियुक्तां विशालां च सुकृतां शिल्पिभिः कृताम् । दारुपर्वतकोपेतां चारुकर्मपरिष्कृताम् ॥ 25.24 ॥

suniyuktāṃ viśālāṃ ca sukṛtāṃ śilpibhiḥ kṛtām | dāruparvatakopetāṃ cārukarmapariṣkṛtām || 25.24 ||

well fitted together and spacious, expertly made by craftsmen, furnished with wooden hillock-figures, and finished with fine artistic work;

Shloka 25 (kishkindha.25.25)

वराभरणहारैश्च चित्रमाल्योपशोभिताम् । गुहागहनसंछन्नां रक्तचन्दनभूषिताम् ॥ 25.25 ॥

varābharaṇahāraiśca citramālyopaśobhitām | guhāgahanasaṃchannāṃ raktacandanabhūṣitām || 25.25 ||

it was graced with excellent ornaments and strings of pearls, adorned with beautiful garlands, its cave-like cabin-roof covered over, and decorated with red sandalwood;

Shloka 26 (kishkindha.25.26)

पुष्पौघैः समभिच्छन्नां पद्ममालाभिरेव च । तरुणादित्यवर्णाभिर्भ्राजमानाभिरावृताम् ॥ 25.26 ॥

puṣpaughaiḥ samabhicchannāṃ padmamālābhireva ca | taruṇādityavarṇābhirbhrājamānābhirāvṛtām || 25.26 ||

it was covered over with masses of flowers and with garlands of lotuses, enveloped in a shining radiance the colour of the rising sun - such was the palanquin that Tara brought.

Shloka 27 (kishkindha.25.27)

ईदृशीं शिबिकां दृष्ट्वा रामो लक्ष्मणमब्रवीत् । क्षिप्रं विनीयतां वाली प्रेतकार्यं विधीयताम् ॥ 25.27 ॥

īdṛśīṃ śibikāṃ dṛṣṭvā rāmo lakṣmaṇamabravīt | kṣipraṃ vinīyatāṃ vālī pretakāryaṃ vidhīyatām || 25.27 ||

Seeing such a palanquin, Rama said to Lakshmana, "Let Vali be borne away quickly, and let the funeral rites be performed."

Shloka 28 (kishkindha.25.28)

ततो वालिनमुद्यम्य सुग्रीवः शिबिकां तदा । आरोपयत विक्रोशन्नङ्गदेन सहैव तु ॥ 25.28 ॥

tato vālinamudyamya sugrīvaḥ śibikāṃ tadā | āropayata vikrośannaṅgadena sahaiva tu || 25.28 ||

Then Sugriva, lifting up Vali, wailing loudly, together with Angada, placed him upon that palanquin.

Shloka 29 (kishkindha.25.29)

आरोप्य शिबिकां चैव वालिनं गतजीवितम् । अलंकारैश्च विविधैर्माल्यैर्वस्त्रैश्च भूषितम् ॥ 25.29 ॥

āropya śibikāṃ caiva vālinaṃ gatajīvitam | alaṃkāraiśca vividhairmālyairvastraiśca bhūṣitam || 25.29 ||

Having thus placed the lifeless Vali, adorned with various ornaments, garlands, and cloths, upon that palanquin -

Shloka 30 (kishkindha.25.30)

आज्ञापयत् तदा राजा सुग्रीवः प्लवगेश्वरः । और्ध्वदेहिकमार्यस्य क्रियतामनुकूलतः ॥ 25.30 ॥

ājñāpayat tadā rājā sugrīvaḥ plavageśvaraḥ | aurdhvadehikamāryasya kriyatāmanukūlataḥ || 25.30 ||

- king Sugriva, the lord of monkeys, then commanded: "Let the funeral rites of this noble one be performed befittingly.

Shloka 31 (kishkindha.25.31)

विश्राणयन्तो रत्नानि विविधानि बहूनि च । अग्रतः प्लवगा यान्तु शिबिका तदनन्तरम् ॥ 25.31 ॥

viśrāṇayanto ratnāni vividhāni bahūni ca | agrataḥ plavagā yāntu śibikā tadanantaram || 25.31 ||

Let the monkeys go ahead, scattering many kinds of jewels in profusion, and let the palanquin follow next behind them.

Shloka 32 (kishkindha.25.32)

राज्ञामृद्धिविशेषा हि दृश्यन्ते भुवि यादृशाः । तादृशैरिह कुर्वन्तु वानरा भर्तृसत्क्रियाम् ॥ 25.32 ॥

rājñāmṛddhiviśeṣā hi dṛśyante bhuvi yādṛśāḥ | tādṛśairiha kurvantu vānarā bhartṛsatkriyām || 25.32 ||

Just as the special splendour befitting kings is shown upon this earth, let the monkeys perform this last honour for their lord in that same manner."

Shloka 33 (kishkindha.25.33)

तादृशं वालिनः क्षिप्रं प्राकुर्वन्नौर्ध्वदेहिकम् । अङ्गदं परिरभ्याशु तारप्रभृतयस्तदा ॥ 25.33 ॥

tādṛśaṃ vālinaḥ kṣipraṃ prākurvannaurdhvadehikam | aṅgadaṃ parirabhyāśu tāraprabhṛtayastadā || 25.33 ||

They swiftly performed just such a funeral rite for Vali; and then Tara and the other women promptly embraced Angada.

Shloka 34 (kishkindha.25.34)

क्रोशन्तः प्रययुः सर्वे वानरा हतबान्धवाः । ततः प्रणिहिताः सर्वा वानर्योऽस्य वशानुगाः ॥ 25.34 ॥

krośantaḥ prayayuḥ sarve vānarā hatabāndhavāḥ | tataḥ praṇihitāḥ sarvā vānaryo'sya vaśānugāḥ || 25.34 ||

All the monkeys, having lost their kinsman, went forth wailing; then all the monkey-women, devoted and obedient to him, were likewise sent along in that procession.

Shloka 35 (kishkindha.25.35)

चुक्रुशुर्वीरवीरेति भूयः क्रोशन्ति ताः प्रियम् । ताराप्रभृतयः सर्वा वानर्यो हतबान्धवाः ॥ 25.35 ॥

cukruśurvīravīreti bhūyaḥ krośanti tāḥ priyam | tārāprabhṛtayaḥ sarvā vānaryo hatabāndhavāḥ || 25.35 ||

They cried out again and again, "O hero, O hero!" - all those monkey-women, led by Tara, who had lost their kinsman, lamenting thus for their beloved.

Shloka 36 (kishkindha.25.36)

अनुजग्मुश्च भर्तारं क्रोशन्त्यः करुणस्वनाः । तासां रुदितशब्देन वानरीणां वनान्तरे ॥ 25.36 ॥

anujagmuśca bhartāraṃ krośantyaḥ karuṇasvanāḥ | tāsāṃ ruditaśabdena vānarīṇāṃ vanāntare || 25.36 ||

Wailing in piteous tones, they followed their lord; and with the sound of the weeping of those monkey-women within the forest -

Shloka 37 (kishkindha.25.37)

वनानि गिरयश्चैव विक्रोशन्तीव सर्वतः । पुलिने गिरिनद्यास्तु विविक्ते जलसंवृते ॥ 25.37 ॥

vanāni girayaścaiva vikrośantīva sarvataḥ | puline girinadyāstu vivikte jalasaṃvṛte || 25.37 ||

- the forests and the mountains themselves seemed to cry out on every side. On a secluded, water-girt sandbank of a mountain stream -

Shloka 38 (kishkindha.25.38)

चितां चक्रुः सुबहवो वानरा वनचारिणः । अवरोप्य ततः स्कन्धाच्छिबिकां वानरोत्तमाः ॥ 25.38 ॥

citāṃ cakruḥ subahavo vānarā vanacāriṇaḥ | avaropya tataḥ skandhācchibikāṃ vānarottamāḥ || 25.38 ||

- many forest-roaming monkeys built the funeral pyre; and then those best of monkeys lowered the palanquin from their shoulders.

Shloka 39 (kishkindha.25.39)

तस्थुरेकान्तमाश्रित्य सर्वे शोकपरायणाः । ततस्तारा पतिं दृष्ट्वा शिबिकातलशायिनम् ॥ 25.39 ॥

tasthurekāntamāśritya sarve śokaparāyaṇāḥ | tatastārā patiṃ dṛṣṭvā śibikātalaśāyinam || 25.39 ||

All of them, given over to grief, stood apart in a solitary place; then Tara, seeing her husband lying upon the floor of the palanquin -

Shloka 40 (kishkindha.25.40)

आरोप्याङ्के शिरस्तस्य विललाप सुदुःखिता । हा वानरमहाराज हा नाथ मम वत्सल ॥ 25.40 ॥

āropyāṅke śirastasya vilalāpa suduḥkhitā | hā vānaramahārāja hā nātha mama vatsala || 25.40 ||

- placed his head upon her lap and, deeply grieved, began to lament: "O great king of the monkeys! O my affectionate lord!

Shloka 41 (kishkindha.25.41)

हा महार्ह महाबाहो हा मम प्रिय पश्य माम् । जनं न पश्यसीमं त्वं कस्माच्छोकाभिपीडितम् ॥ 25.41 ॥

hā mahārha mahābāho hā mama priya paśya mām | janaṃ na paśyasīmaṃ tvaṃ kasmācchokābhipīḍitam || 25.41 ||

O most worthy one! O mighty-armed one! O my beloved, look at me! Why do you not look upon this person of yours, so overwhelmed with grief?

Shloka 42 (kishkindha.25.42)

प्रहृष्टमिह ते वक्त्रं गतासोरपि मानद । अस्तार्कसमवर्णं च दृश्यते जीवतो यथा ॥ 25.42 ॥

prahṛṣṭamiha te vaktraṃ gatāsorapi mānada | astārkasamavarṇaṃ ca dṛśyate jīvato yathā || 25.42 ||

O giver of honour, even now that your breath has departed, your face here appears joyful, its hue like the setting sun, as though you were still alive.

Shloka 43 (kishkindha.25.43)

एष त्वां रामरूपेण कालः कर्षति वानर । येन स्म विधवाः सर्वाः कृता एकेषुणा रणे ॥ 25.43 ॥

eṣa tvāṃ rāmarūpeṇa kālaḥ karṣati vānara | yena sma vidhavāḥ sarvāḥ kṛtā ekeṣuṇā raṇe || 25.43 ||

O monkey, it is this very Time, in the guise of Rama, that has dragged you away - he by whose single arrow all of us were made widows in that battle.

Shloka 44 (kishkindha.25.44)

इमास्तास्तव राजेन्द्र वानर्योऽप्लवगास्तव । पादैर्विकृष्टमध्वानमागताः किं न बुध्यसे ॥ 25.44 ॥

imāstāstava rājendra vānaryo'plavagāstava | pādairvikṛṣṭamadhvānamāgatāḥ kiṃ na budhyase || 25.44 ||

O lord of kings, here are these your monkey-wives, no longer leaping as before, who have come this long road trudging step by step; why do you not perceive them?

Shloka 45 (kishkindha.25.45)

तवेष्टा ननु चैवेमा भार्याश्चन्द्रनिभाननाः । इदानीं नेक्षसे कस्मात् सुग्रीवं प्लवगेश्वर ॥ 25.45 ॥

taveṣṭā nanu caivemā bhāryāścandranibhānanāḥ | idānīṃ nekṣase kasmāt sugrīvaṃ plavageśvara || 25.45 ||

These, surely, are your own beloved wives, with faces like the moon; why, O lord of monkeys, do you not now even look upon Sugriva?

Shloka 46 (kishkindha.25.46)

एते हि सचिवा राजंस्तारप्रभृतयस्तव । पुरवासिजनश्चायं परिवार्य विषीदति ॥ 25.46 ॥

ete hi sacivā rājaṃstāraprabhṛtayastava | puravāsijanaścāyaṃ parivārya viṣīdati || 25.46 ||

O king, here are your own ministers, Tara and the rest; and this crowd of the city's people too, gathered all around, sinks in sorrow.

Shloka 47 (kishkindha.25.47)

विसर्जयैनान् सचिवान् यथापुरमरिंदम । ततः क्रीडामहे सर्वा वनेषु मदनोत्कटाः ॥ 25.47 ॥

visarjayainān sacivān yathāpuramariṃdama | tataḥ krīḍāmahe sarvā vaneṣu madanotkaṭāḥ || 25.47 ||

O subduer of foes, dismiss these ministers as before, so that we may all again sport in the forests, overcome with passion."

Shloka 48 (kishkindha.25.48)

एवं विलपतीं तारां पतिशोकपरीवृताम् । उत्थापयन्ति स्म तदा वानर्यः शोककर्शिताः ॥ 25.48 ॥

evaṃ vilapatīṃ tārāṃ patiśokaparīvṛtām | utthāpayanti sma tadā vānaryaḥ śokakarśitāḥ || 25.48 ||

While Tara, thus enwrapped in grief for her husband, lamented in this manner, the monkey-women, themselves wasted with sorrow, then raised her up.

Shloka 49 (kishkindha.25.49)

सुग्रीवेण ततः सार्धं सोऽङ्गदः पितरं रुदन् । चितामारोपयामास शोकेनाभिप्लुतेन्द्रियः ॥ 25.49 ॥

sugrīveṇa tataḥ sārdhaṃ so'ṅgadaḥ pitaraṃ rudan | citāmāropayāmāsa śokenābhiplutendriyaḥ || 25.49 ||

Then Angada, weeping, his senses overwhelmed by grief, together with Sugriva, placed his father upon the funeral pyre.

Shloka 50 (kishkindha.25.50)

ततोऽग्निं विधिवद् दत्त्वा सोऽपसव्यं चकार ह । पितरं दीर्घमध्वानं प्रस्थितं व्याकुलेन्द्रियः ॥ 25.50 ॥

tato'gniṃ vidhivad dattvā so'pasavyaṃ cakāra ha | pitaraṃ dīrghamadhvānaṃ prasthitaṃ vyākulendriyaḥ || 25.50 ||

Then, having duly set the fire, he, his senses distraught, circumambulated in the reversed, funerary manner around his father, who had set out upon that long, distant road.

Shloka 51 (kishkindha.25.51)

संस्कृत्य वालिनं तं तु विधिवत् प्लवगर्षभाः । आजग्मुरुदकं कर्तुं नदीं शुभजलां शिवाम् ॥ 25.51 ॥

saṃskṛtya vālinaṃ taṃ tu vidhivat plavagarṣabhāḥ | ājagmurudakaṃ kartuṃ nadīṃ śubhajalāṃ śivām || 25.51 ||

Having duly performed the funeral rites for Vali, those bulls among monkeys then came to a river of pure and auspicious waters, to offer the water rites.

Shloka 52 (kishkindha.25.52)

ततस्ते सहितास्तत्र ह्यङ्गदं स्थाप्य चाग्रतः । सुग्रीवतारासहिताः सिषिचुर्वालिने जलम् ॥ 25.52 ॥

tataste sahitāstatra hyaṅgadaṃ sthāpya cāgrataḥ | sugrīvatārāsahitāḥ siṣicurvāline jalam || 25.52 ||

There, all gathered together, placing Angada in front, and joined by Sugriva and Tara, they offered water to the departed soul of Vali.

Shloka 53 (kishkindha.25.53)

सुग्रीवेणैव दीनेन दीनो भूत्वा महाबलः । समानशोकः काकुत्स्थः प्रेतकार्याण्यकारयत् ॥ 25.53 ॥

sugrīveṇaiva dīnena dīno bhūtvā mahābalaḥ | samānaśokaḥ kākutsthaḥ pretakāryāṇyakārayat || 25.53 ||

That mighty Kakutstha, sharing the very same sorrow and becoming as downcast as the grief-stricken Sugriva himself, saw to the completion of the funeral rites.

Shloka 54 (kishkindha.25.54)

ततोऽथ तं वालिनमग्र्यपौरुषं प्रकाशमिक्ष्वाकुवरेषुणा हतम् । प्रदीप्य दीप्ताग्निसमौजसं तदा सलक्ष्मणं राममुपेयिवान् हरिः ॥ 25.54 ॥

tato'tha taṃ vālinamagryapauruṣaṃ prakāśamikṣvākuvareṣuṇā hatam | pradīpya dīptāgnisamaujasaṃ tadā salakṣmaṇaṃ rāmamupeyivān hariḥ || 25.54 ||

Then, having thus cremated that Vali, foremost in valour and openly slain by the arrow of the best of the Ikshvakus, that monkey, now blazing with a splendour like kindled fire, approached Rama, who stood there with Lakshmana.