At Mount Prasravana

Shloka 1 (kishkindha.27.1)

अभिषिक्ते तु सुग्रीवे प्रविष्टे वानरे गुहाम् । आजगाम सह भ्रात्रा रामः प्रस्रवणं गिरिम् ॥ 27.1 ॥

abhiṣikte tu sugrīve praviṣṭe vānare guhām | ājagāma saha bhrātrā rāmaḥ prasravaṇaṃ girim || 27.1 ||

When Sugriva, thus anointed, had entered the cave-city, Rama went with his brother to Mount Prasravana.

Shloka 2 (kishkindha.27.2)

शार्दूलमृगसंघुष्टं सिंहैर्भीमरवैर्वृतम् । नानागुल्मलतागूढं बहुपादपसंकुलम् ॥ 27.2 ॥

śārdūlamṛgasaṃghuṣṭaṃ siṃhairbhīmaravairvṛtam | nānāgulmalatāgūḍhaṃ bahupādapasaṃkulam || 27.2 ||

That mountain resounded with the growls of tigers and wild beasts, was pervaded by fearsomely roaring lions, dense with diverse shrubs and creepers, and crowded with many trees;

Shloka 3 (kishkindha.27.3)

ऋक्षवानरगोपुच्छैर्मार्जारैश्च निषेवितम् । मेघराशिनिभं शैलं नित्यं शुचिकरं शिवम् ॥ 27.3 ॥

ṛkṣavānaragopucchairmārjāraiśca niṣevitam | megharāśinibhaṃ śailaṃ nityaṃ śucikaraṃ śivam || 27.3 ||

frequented by bears, monkeys, langurs, and wildcats, and resembling a mass of clouds, that mountain was ever pure and auspicious.

Shloka 4 (kishkindha.27.4)

तस्य शैलस्य शिखरे महतीमायतां गुहाम् । प्रत्यगृह्णीत वासार्थं रामः सौमित्रिणा सह ॥ 27.4 ॥

tasya śailasya śikhare mahatīmāyatāṃ guhām | pratyagṛhṇīta vāsārthaṃ rāmaḥ saumitriṇā saha || 27.4 ||

On the summit of that mountain Rama, together with Saumitri, took up a spacious and ample cave for their dwelling.

Shloka 5 (kishkindha.27.5)

कृत्वा च समयं रामः सुग्रीवेण सहानघः । कालयुक्तं महद्वाक्यमुवाच रघुनन्दनः ॥ 27.5 ॥

kṛtvā ca samayaṃ rāmaḥ sugrīveṇa sahānaghaḥ | kālayuktaṃ mahadvākyamuvāca raghunandanaḥ || 27.5 ||

Having made a covenant with Sugriva, the sinless Rama, delight of the Raghus, spoke these grave words befitting the season -

Shloka 6 (kishkindha.27.6)

विनीतं भ्रातरं भ्राता लक्ष्मणं लक्ष्मिवर्धनम् । इयं गिरिगुहा रम्या विशाला युक्तमारुता ॥ 27.6 ॥

vinītaṃ bhrātaraṃ bhrātā lakṣmaṇaṃ lakṣmivardhanam | iyaṃ giriguhā ramyā viśālā yuktamārutā || 27.6 ||

to his humble brother Lakshmana, increaser of good fortune: "This mountain cave is delightful, spacious, and blessed with pleasant breezes.

Shloka 7 (kishkindha.27.7)

अस्यां वत्स्याम सौमित्रे वर्षरात्रमरिंदम । गिरिशृङ्गमिदं रम्यमुत्तमं पार्थिवात्मज ॥ 27.7 ॥

asyāṃ vatsyāma saumitre varṣarātramariṃdama | giriśṛṅgamidaṃ ramyamuttamaṃ pārthivātmaja || 27.7 ||

Here, O foe-tamer Saumitri, we shall dwell through the nights of the rains. This mountain peak, O prince, is delightful and excellent,

Shloka 8 (kishkindha.27.8)

श्वेताभिः कृष्णताम्राभिः शिलाभिरुपशोभितम् । नानाधातुसमाकीर्णं नदीदर्दुरसंयुतम् ॥ 27.8 ॥

śvetābhiḥ kṛṣṇatāmrābhiḥ śilābhirupaśobhitam | nānādhātusamākīrṇaṃ nadīdardurasaṃyutam || 27.8 ||

adorned with rock-faces white, black and copper-hued, overspread with manifold ores, and abounding in rivers and frogs,

Shloka 9 (kishkindha.27.9)

विविधैर्वृक्षषण्डैश्च चारुचित्रलतायुतम् । नानाविहगसंघुष्टं मयूरवरनादितम् ॥ 27.9 ॥

vividhairvṛkṣaṣaṇḍaiśca cārucitralatāyutam | nānāvihagasaṃghuṣṭaṃ mayūravaranāditam || 27.9 ||

joined with clumps of various trees and beautiful, wondrous creepers, echoing with diverse birds and filled with the cries of splendid peacocks,

Shloka 10 (kishkindha.27.10)

मालतीकुन्दगुल्मैश्च सिन्दुवारैः शिरीषकैः । कदम्बार्जुनसर्जैश्च पुष्पितैरुपशोभितम् ॥ 27.10 ॥

mālatīkundagulmaiśca sinduvāraiḥ śirīṣakaiḥ | kadambārjunasarjaiśca puṣpitairupaśobhitam || 27.10 ||

bright with clusters of malati and jasmine, with sinduvara and shirisha trees, and with kadamba, arjuna, and sarja trees in bloom.

Shloka 11 (kishkindha.27.11)

इयं च नलिनी रम्या फुल्लपङ्कजमण्डिता । नातिदूरे गुहाया नौ भविष्यति नृपात्मज ॥ 27.11 ॥

iyaṃ ca nalinī ramyā phullapaṅkajamaṇḍitā | nātidūre guhāyā nau bhaviṣyati nṛpātmaja || 27.11 ||

This lovely lotus-pool, adorned with blooming lotuses, will not be very far, O prince, from our cave.

Shloka 12 (kishkindha.27.12)

प्रागुदक्प्रवणे देशे गुहा साधु भविष्यति । पश्चाच्चैवोन्नता सौम्य निवातेयं भविष्यति ॥ 27.12 ॥

prāgudakpravaṇe deśe guhā sādhu bhaviṣyati | paścāccaivonnatā saumya nivāteyaṃ bhaviṣyati || 27.12 ||

In this spot sloping to the east and north the cave will be a fine one; and, gentle one, being raised toward the west, it will also be sheltered from the gusts.

Shloka 13 (kishkindha.27.13)

गुहाद्वारे च सौमित्रे शिला समतला शिवा । कृष्णा चैवायता चैव भिन्नाञ्जनचयोपमा ॥ 27.13 ॥

guhādvāre ca saumitre śilā samatalā śivā | kṛṣṇā caivāyatā caiva bhinnāñjanacayopamā || 27.13 ||

At the cave's mouth, O Saumitri, is a level and auspicious rock, black and broad, like a heap of shattered collyrium.

Shloka 14 (kishkindha.27.14)

गिरिशृङ्गमिदं तात पश्य चोत्तरतः शुभम् । भिन्नाञ्जनचयाकारमम्भोधरमिवोदितम् ॥ 27.14 ॥

giriśṛṅgamidaṃ tāta paśya cottarataḥ śubham | bhinnāñjanacayākāramambhodharamivoditam || 27.14 ||

See, dear one, this fair mountain-peak to the north, rising up like a black cloud, shaped as a heap of shattered collyrium.

Shloka 15 (kishkindha.27.15)

दक्षिणस्यामपि दिशि स्थितं श्वेतमिवाम्बरम् । कैलासशिखरप्रख्यं नानाधातुविराजितम् ॥ 27.15 ॥

dakṣiṇasyāmapi diśi sthitaṃ śvetamivāmbaram | kailāsaśikharaprakhyaṃ nānādhātuvirājitam || 27.15 ||

And see too, standing in the southern quarter, another peak, white as a garment spread across the sky, rivalling the summit of Kailasa, resplendent with many ores.

Shloka 16 (kishkindha.27.16)

प्राचीनवाहिनीं चैव नदीं भृशमकर्दमाम् । गुहायाः परतः पश्य त्रिकूटे जाह्नवीमिव ॥ 27.16 ॥

prācīnavāhinīṃ caiva nadīṃ bhṛśamakardamām | guhāyāḥ parataḥ paśya trikūṭe jāhnavīmiva || 27.16 ||

And see, beyond the cave, this river flowing eastward, quite free of mud, as though the Ganga were flowing at Trikuta,

Shloka 17 (kishkindha.27.17)

चन्दनैस्तिलकैः सालैस्तमालैरतिमुक्तकैः । पद्मकैः सरलैश्चैव अशोकैश्चैव शोभिताम् ॥ 27.17 ॥

candanaistilakaiḥ sālaistamālairatimuktakaiḥ | padmakaiḥ saralaiścaiva aśokaiścaiva śobhitām || 27.17 ||

adorned with sandalwood, tilaka, sala, tamala, atimuktaka, padmaka, sarala, and ashoka trees.

Shloka 18 (kishkindha.27.18)

वानीरैस्तिमिदैश्चैव बकुलैः केतकैरपि । हिन्तालैस्तिनिशैर्नीपैर्वेतसैः कृतमालकैः ॥ 27.18 ॥

vānīraistimidaiścaiva bakulaiḥ ketakairapi | hintālaistiniśairnīpairvetasaiḥ kṛtamālakaiḥ || 27.18 ||

With vanira, timida, bakula, and ketaka trees, and with hintala, tinisha, nipa, vetasa, and kritamalaka trees,

Shloka 19 (kishkindha.27.19)

तीरजैः शोभिता भाति नानारूपैस्ततस्ततः । वसनाभरणोपेता प्रमदेवाभ्यलंकृता ॥ 27.19 ॥

tīrajaiḥ śobhitā bhāti nānārūpaistatastataḥ | vasanābharaṇopetā pramadevābhyalaṃkṛtā || 27.19 ||

brightened here and there by the trees of manifold forms growing on its banks, that river shines forth as if a young woman finely adorned with raiment and ornaments.

Shloka 20 (kishkindha.27.20)

शतशः पक्षिसङ्घैश्च नानानादविनादिता । एकैकमनुरक्तैश्च चक्रवाकैरलंकृता ॥ 27.20 ॥

śataśaḥ pakṣisaṅghaiśca nānānādavināditā | ekaikamanuraktaiśca cakravākairalaṃkṛtā || 27.20 ||

Resounding with the diverse cries of hundreds of flocks of birds, adorned with ruddy geese devoted to one another,

Shloka 21 (kishkindha.27.21)

पुलिनैरतिरम्यैश्च हंससारससेविता । प्रहसन्त्येव भात्येषा नारी रत्नविभूषिता ॥ 27.21 ॥

pulinairatiramyaiśca haṃsasārasasevitā | prahasantyeva bhātyeṣā nārī ratnavibhūṣitā || 27.21 ||

and served by swans and cranes upon her most delightful sandbanks, this river shines as if smiling -- a woman adorned with jewels.

Shloka 22 (kishkindha.27.22)

क्वचिन्नीलोत्पलैश्छन्ना भातिरक्तोत्पलैः क्वचित् । क्वचिदाभाति शुक्लैश्च दिव्यैः कुमुदकुड्मलैः ॥ 27.22 ॥

kvacinnīlotpalaiśchannā bhātiraktotpalaiḥ kvacit | kvacidābhāti śuklaiśca divyaiḥ kumudakuḍmalaiḥ || 27.22 ||

Somewhere covered with blue lotuses she shines, elsewhere with red lotuses; and elsewhere she gleams with the divine buds of white water-lilies.

Shloka 23 (kishkindha.27.23)

पारिप्लवशतैर्जुष्टा बर्हिक्रौञ्चविनादिता । रमणीया नदी सौम्य मुनिसङ्घनिषेविता ॥ 27.23 ॥

pāriplavaśatairjuṣṭā barhikrauñcavināditā | ramaṇīyā nadī saumya munisaṅghaniṣevitā || 27.23 ||

Frequented by hundreds of waterfowl, resounding with peacocks and curlews, this gracious river, gentle one, is served by throngs of sages.

Shloka 24 (kishkindha.27.24)

पश्य चन्दनवृक्षाणां पङ्क्तिः सुरुचिरा इव । ककुभानां च दृश्यन्ते मनसैवोदिताः समम् ॥ 27.24 ॥

paśya candanavṛkṣāṇāṃ paṅktiḥ surucirā iva | kakubhānāṃ ca dṛśyante manasaivoditāḥ samam || 27.24 ||

See how these rows of sandalwood trees appear so captivating, as if they had sprung up all at once by mere will; and the rows of Kakubha trees too appear likewise.

Shloka 25 (kishkindha.27.25)

अहो सुरमणीयोऽयं देशः शत्रुनिषूदन । दृढं रंस्याव सौमित्रे साध्वत्र निवसावहे ॥ 27.25 ॥

aho suramaṇīyo'yaṃ deśaḥ śatruniṣūdana | dṛḍhaṃ raṃsyāva saumitre sādhvatra nivasāvahe || 27.25 ||

Ah, how truly delightful is this place, O destroyer of foes! Surely we shall find joy here, Saumitri; let us dwell happily in this very spot."

Shloka 26 (kishkindha.27.26)

इतश्च नातिदूरे सा किष्किन्धा चित्रकानना । सुग्रीवस्य पुरी रम्या भविष्यति नृपात्मज ॥ 27.26 ॥

itaśca nātidūre sā kiṣkindhā citrakānanā | sugrīvasya purī ramyā bhaviṣyati nṛpātmaja || 27.26 ||

And not far from here, O prince, lies Kishkindha of the wondrous groves, the fair city of Sugriva.

Shloka 27 (kishkindha.27.27)

गीतवादित्रनिर्घोषः श्रूयते जयतां वर । नदतां वानराणां च मृदङ्गाडम्बरैः सह ॥ 27.27 ॥

gītavāditranirghoṣaḥ śrūyate jayatāṃ vara | nadatāṃ vānarāṇāṃ ca mṛdaṅgāḍambaraiḥ saha || 27.27 ||

The sound of song and music can be heard from here, O best of the triumphant, along with the roars of monkeys and the din of their drums."

Shloka 28 (kishkindha.27.28)

लब्ध्वा भार्यां कपिवरः प्राप्य राज्यं सुहृद्वृतः । ध्रुवं नन्दति सुग्रीवः सम्प्राप्य महतीं श्रियम् ॥ 27.28 ॥

labdhvā bhāryāṃ kapivaraḥ prāpya rājyaṃ suhṛdvṛtaḥ | dhruvaṃ nandati sugrīvaḥ samprāpya mahatīṃ śriyam || 27.28 ||

"Having won back his wife, having gained his kingdom, and surrounded by his friends, Sugriva, best of monkeys, must surely be rejoicing, having attained such great prosperity."

Shloka 29 (kishkindha.27.29)

इत्युक्त्वा न्यवसत् तत्र राघवः सहलक्ष्मणः । बहुदृश्यदरीकुञ्जे तस्मिन् प्रस्रवणे गिरौ ॥ 27.29 ॥

ityuktvā nyavasat tatra rāghavaḥ sahalakṣmaṇaḥ | bahudṛśyadarīkuñje tasmin prasravaṇe girau || 27.29 ||

Having spoken thus, Raghava dwelt there with Lakshmana on that Mount Prasravana, amid its many lovely caves and thickets.

Shloka 30 (kishkindha.27.30)

सुसुखे हि बहुद्रव्ये तस्मिन् हि धरणीधरे । वसतस्तस्य रामस्य रतिरल्पापि नाभवत् ॥ 27.30 ॥

susukhe hi bahudravye tasmin hi dharaṇīdhare | vasatastasya rāmasya ratiralpāpi nābhavat || 27.30 ||

Though that mountain was most comfortable and rich with every resource, yet, dwelling there, Rama felt not the least delight,

Shloka 31 (kishkindha.27.31)

हृतां हि भार्यां स्मरतः प्राणेभ्योऽपि गरीयसीम् । उदयाभ्युदितं दृष्ट्वा शशाङ्कं च विशेषतः ॥ 27.31 ॥

hṛtāṃ hi bhāryāṃ smarataḥ prāṇebhyo'pi garīyasīm | udayābhyuditaṃ dṛṣṭvā śaśāṅkaṃ ca viśeṣataḥ || 27.31 ||

as he remembered his wife, who had been carried off, dearer to him than his own life, especially on seeing the moon just risen from the eastern peak.

Shloka 32 (kishkindha.27.32)

आविवेश न तं निद्रा निशासु शयनं गतम् । तत्समुत्थेन शोकेन बाष्पोपहतचेतनम् ॥ 27.32 ॥

āviveśa na taṃ nidrā niśāsu śayanaṃ gatam | tatsamutthena śokena bāṣpopahatacetanam || 27.32 ||

Sleep would not come to him at night when he lay down to rest, his mind overwhelmed by tears springing from that same grief.

Shloka 33 (kishkindha.27.33)

तं शोचमानं काकुत्स्थं नित्यं शोकपरायणम् । तुल्यदुःखोऽब्रवीद्भ्राता लक्ष्मणोऽनुनयं वचः ॥ 27.33 ॥

taṃ śocamānaṃ kākutsthaṃ nityaṃ śokaparāyaṇam | tulyaduḥkho'bravīdbhrātā lakṣmaṇo'nunayaṃ vacaḥ || 27.33 ||

To that Kakutstha who grieved thus, ever given over to sorrow, his brother Lakshmana, sharing equally in his pain, spoke these consoling words -

Shloka 34 (kishkindha.27.34)

अलं वीर व्यथां गत्वा न त्वं शोचितुमर्हसि । शोचतो ह्यवसीदन्ति सर्वार्था विदितं हि ते ॥ 27.34 ॥

alaṃ vīra vyathāṃ gatvā na tvaṃ śocitumarhasi | śocato hyavasīdanti sarvārthā viditaṃ hi te || 27.34 ||

"Enough, O hero, of yielding to this anguish; it is not fitting for you to grieve. You know well that for one who grieves, all his purposes come to ruin.

Shloka 35 (kishkindha.27.35)

भवान् क्रियापरो लोके भवान् देवपरायणः । आस्तिको धर्मशीलश्च व्यवसायी च राघव ॥ 27.35 ॥

bhavān kriyāparo loke bhavān devaparāyaṇaḥ | āstiko dharmaśīlaśca vyavasāyī ca rāghava || 27.35 ||

You are one devoted to right action in this world, devoted to the gods; you are a believer, righteous in conduct, and resolute, O Raghava.

Shloka 36 (kishkindha.27.36)

न ह्यव्यवसितः शत्रुं राक्षसं तं विशेषतः । समर्थस्त्वं रणे हन्तुं विक्रमे जिह्मकारिणम् ॥ 27.36 ॥

na hyavyavasitaḥ śatruṃ rākṣasaṃ taṃ viśeṣataḥ | samarthastvaṃ raṇe hantuṃ vikrame jihmakāriṇam || 27.36 ||

If you become lackadaisical, you will surely not be able to slay in battle that especially cunning demon-enemy through your valour.

Shloka 37 (kishkindha.27.37)

समुन्मूलय शोकं त्वं व्यवसायं स्थिरीकुरु । ततः सपरिवारं तं राक्षसं हन्तुमर्हसि ॥ 27.37 ॥

samunmūlaya śokaṃ tvaṃ vyavasāyaṃ sthirīkuru | tataḥ saparivāraṃ taṃ rākṣasaṃ hantumarhasi || 27.37 ||

Uproot this grief, and make firm your resolve; then you will be able to slay that demon together with all his kin.

Shloka 38 (kishkindha.27.38)

पृथिवीमपि काकुत्स्थ ससागरवनाचलाम् । परिवर्तयितुं शक्तः किं पुनस्तं हि रावणम् ॥ 27.38 ॥

pṛthivīmapi kākutstha sasāgaravanācalām | parivartayituṃ śaktaḥ kiṃ punastaṃ hi rāvaṇam || 27.38 ||

O Kakutstha, you who are capable of overturning even the earth with its oceans, forests, and mountains -- what then of Ravana?

Shloka 39 (kishkindha.27.39)

शरत्कालं प्रतीक्षस्व प्रावृट्कालोऽयमागतः । ततः सराष्ट्रं सगणं रावणं तं वधिष्यसि ॥ 27.39 ॥

śaratkālaṃ pratīkṣasva prāvṛṭkālo'yamāgataḥ | tataḥ sarāṣṭraṃ sagaṇaṃ rāvaṇaṃ taṃ vadhiṣyasi || 27.39 ||

Wait for the autumn; this season that has come is one of heavy rains. Thereafter you shall slay that Ravana together with his realm and his hosts."

Shloka 40 (kishkindha.27.40)

अहं तु खलु ते वीर्यं प्रसुप्तं प्रतिबोधये । दीप्तैराहुतिभिः काले भस्मच्छन्नमिवानलम् ॥ 27.40 ॥

ahaṃ tu khalu te vīryaṃ prasuptaṃ pratibodhaye | dīptairāhutibhiḥ kāle bhasmacchannamivānalam || 27.40 ||

"I am but awakening your slumbering valour, as one rekindles with blazing oblations a fire that lies concealed beneath its ashes."

Shloka 41 (kishkindha.27.41)

लक्ष्मणस्य हि तद् वाक्यं प्रतिपूज्य हितं शुभम् । राघवः सुहृदं स्निग्धमिदं वचनमब्रवीत् ॥ 27.41 ॥

lakṣmaṇasya hi tad vākyaṃ pratipūjya hitaṃ śubham | rāghavaḥ suhṛdaṃ snigdhamidaṃ vacanamabravīt || 27.41 ||

Honouring that beneficial and auspicious speech of Lakshmana, Raghava spoke this affectionate word to his good-hearted friend -

Shloka 42 (kishkindha.27.42)

वाच्यं यदनुरक्तेन स्निग्धेन च हितेन च । सत्यविक्रमयुक्तेन तदुक्तं लक्ष्मण त्वया ॥ 27.42 ॥

vācyaṃ yadanuraktena snigdhena ca hitena ca | satyavikramayuktena taduktaṃ lakṣmaṇa tvayā || 27.42 ||

"What ought to be said by one who is affectionate, amiable, well-wishing, and possessed of true courage -- that, Lakshmana, you have said.

Shloka 43 (kishkindha.27.43)

एष शोकः परित्यक्तः सर्वकार्यावसादकः । विक्रमेष्वप्रतिहतं तेजः प्रोत्साहयाम्यहम् ॥ 27.43 ॥

eṣa śokaḥ parityaktaḥ sarvakāryāvasādakaḥ | vikrameṣvapratihataṃ tejaḥ protsāhayāmyaham || 27.43 ||

This grief, which undermines all endeavour, I have now cast aside; I am rousing anew my unconquerable vigour for feats of valour.

Shloka 44 (kishkindha.27.44)

शरत्कालं प्रतीक्षिष्ये स्थितोऽस्मि वचने तव । सुग्रीवस्य नदीनां च प्रसादमनुपालयन् ॥ 27.44 ॥

śaratkālaṃ pratīkṣiṣye sthito'smi vacane tava | sugrīvasya nadīnāṃ ca prasādamanupālayan || 27.44 ||

I shall wait for the autumn, abiding by your word, biding my time in deference to Sugriva's kindness, and to the rivers'.

Shloka 45 (kishkindha.27.45)

उपकारेण वीरस्तु प्रतिकारेण युज्यते । अकृतज्ञोऽप्रतिकृतो हन्ति सत्त्ववतां मनः ॥ 27.45 ॥

upakāreṇa vīrastu pratikāreṇa yujyate | akṛtajño'pratikṛto hanti sattvavatāṃ manaḥ || 27.45 ||

A valiant one, when helped, is bound to make requital; but one who is ungrateful and fails to requite wounds the hearts of the noble-spirited."

Shloka 46 (kishkindha.27.46)

तदेव युक्तं प्रणिधाय लक्ष्मणः । कृताञ्जलिस्तत् प्रतिपूज्य भाषितम् । उवाच रामं स्वभिरामदर्शनं । प्रदर्शयन् दर्शनमात्मनः शुभम् ॥ 27.46 ॥

tadeva yuktaṃ praṇidhāya lakṣmaṇaḥ | kṛtāñjalistat pratipūjya bhāṣitam | uvāca rāmaṃ svabhirāmadarśanaṃ | pradarśayan darśanamātmanaḥ śubham || 27.46 ||

Considering that resolve alone to be right, Lakshmana, with joined palms, honouring that speech and revealing his own auspicious view, spoke thus to Rama, whose very sight was delightful -

Shloka 47 (kishkindha.27.47)

यथोक्तमेतत् तव सर्वमीप्सितं । नरेन्द्र कर्ता नचिरात् तु वानरः । शरत्प्रतीक्षः क्षमतामिमं भवान् । जलप्रपातं रिपुनिग्रहे धृतः ॥ 27.47 ॥

yathoktametat tava sarvamīpsitaṃ | narendra kartā nacirāt tu vānaraḥ | śaratpratīkṣaḥ kṣamatāmimaṃ bhavān | jalaprapātaṃ ripunigrahe dhṛtaḥ || 27.47 ||

"All this is as you have said, and all that you desire, O lord of men, the monkey will soon accomplish. Resolved as you are on subduing the enemy, please bear with this downpour while awaiting the autumn.

Shloka 48 (kishkindha.27.48)

नियम्य कोपं परिपाल्यतां शरत् । क्षमस्व मासांश्चतुरो मया सह । वसाचलेऽस्मिन् मृगराजसेविते । संवर्तयन् शत्रुवधे समर्थः ॥ 27.48 ॥

niyamya kopaṃ paripālyatāṃ śarat | kṣamasva māsāṃścaturo mayā saha | vasācale'smin mṛgarājasevite | saṃvartayan śatruvadhe samarthaḥ || 27.48 ||

Restrain your anger and let the autumn be awaited; bear with me these four months, dwelling on this mountain frequented by the king of beasts, though you are capable, even now, of accomplishing the enemy's destruction."