Rama's Lament for Autumn

Shloka 1 (kishkindha.30.1)

गृहं प्रविष्टे सुग्रीवे विमुक्ते गगने घनैः । वर्षरात्रे स्थितो रामः कामशोकाभिपीडितः ॥ 30.1 ॥

gṛhaṃ praviṣṭe sugrīve vimukte gagane ghanaiḥ | varṣarātre sthito rāmaḥ kāmaśokābhipīḍitaḥ || 30.1 ||

When Sugriva had entered his dwelling and the sky was freed of clouds, Rama, who had spent the rainy nights afflicted by longing and grief,

Shloka 2 (kishkindha.30.2)

पाण्डुरं गगनं दृष्ट्वा विमलं चन्द्रमण्डलम् । शारदीं रजनीं चैव दृष्ट्वा ज्योत्स्नानुलेपनाम् ॥ 30.2 ॥

pāṇḍuraṃ gaganaṃ dṛṣṭvā vimalaṃ candramaṇḍalam | śāradīṃ rajanīṃ caiva dṛṣṭvā jyotsnānulepanām || 30.2 ||

having beheld the pale sky and the spotless orb of the moon, and having seen the autumn night enamelled with moonlight,

Shloka 3 (kishkindha.30.3)

कामवृत्तं च सुग्रीवं नष्टां च जनकात्मजाम् । दृष्ट्वा कालमतीतं च मुमोह परमातुरः ॥ 30.3 ॥

kāmavṛttaṃ ca sugrīvaṃ naṣṭāṃ ca janakātmajām | dṛṣṭvā kālamatītaṃ ca mumoha paramāturaḥ || 30.3 ||

and having observed Sugriva engrossed in lust, and Janaka's daughter lost to him, and the time slipping away, swooned in his extreme distress.

Shloka 4 (kishkindha.30.4)

स तु संज्ञामुपागम्य मुहूर्तान्मतिमान् नृपः । मनःस्थामपि वैदेहीं चिन्तयामास राघवः ॥ 30.4 ॥

sa tu saṃjñāmupāgamya muhūrtānmatimān nṛpaḥ | manaḥsthāmapi vaidehīṃ cintayāmāsa rāghavaḥ || 30.4 ||

But that thoughtful king, Raghava, regaining his senses in a moment, began to think of Vaidehi, who dwelt only in his heart.

Shloka 5 (kishkindha.30.5)

दृष्ट्वा च विमलं व्योम गतविद्युद्बलाहकम् । सारसारावसंघुष्टं विललापार्तया गिरा ॥ 30.5 ॥

dṛṣṭvā ca vimalaṃ vyoma gatavidyudbalāhakam | sārasārāvasaṃghuṣṭaṃ vilalāpārtayā girā || 30.5 ||

And beholding the sky, spotless, its lightning and dark clouds gone, resounding with the calls of cranes, he lamented in a voice full of pain.

Shloka 6 (kishkindha.30.6)

आसीनः पर्वतस्याग्रे हेमधातुविभूषिते । शारदं गगनं दृष्ट्वा जगाम मनसा प्रियाम् ॥ 30.6 ॥

āsīnaḥ parvatasyāgre hemadhātuvibhūṣite | śāradaṃ gaganaṃ dṛṣṭvā jagāma manasā priyām || 30.6 ||

Seated on the summit of a mountain adorned with gold and other ores, beholding the autumnal sky, his mind journeyed to his beloved:

Shloka 7 (kishkindha.30.7)

सारसारावसंनादैः सारसारावनादिनी । याऽऽश्रमे रमते बाला साद्य मे रमते कथम् ॥ 30.7 ॥

sārasārāvasaṃnādaiḥ sārasārāvanādinī | yā''śrame ramate bālā sādya me ramate katham || 30.7 ||

"That young one, whose voice resembles the calls of the sarasa birds, used to delight in the resonance of their cries in our hermitage; how, today, can she delight in them without me?

Shloka 8 (kishkindha.30.8)

पुष्पितांश्चासनान् दृष्ट्वा काञ्चनानिव निर्मलान् । कथं सा रमते बाला पश्यन्ती मामपश्यती ॥ 30.8 ॥

puṣpitāṃścāsanān dṛṣṭvā kāñcanāniva nirmalān | kathaṃ sā ramate bālā paśyantī māmapaśyatī || 30.8 ||

On seeing the flawless asana trees flowered as if with gold, seeking me with her eyes but not finding me, how can that young one be happy?

Shloka 9 (kishkindha.30.9)

या पुरा कलहंसानां कलेन कलभाषिणी । बुध्यते चारुसर्वाङ्गी साद्य मे रमते कथम् ॥ 30.9 ॥

yā purā kalahaṃsānāṃ kalena kalabhāṣiṇī | budhyate cārusarvāṅgī sādya me ramate katham || 30.9 ||

She, of every enchanting limb, who once used to awaken to the melodious calling of the clucking swans -- how does that beloved of mine now amuse herself?

Shloka 10 (kishkindha.30.10)

निःस्वनं चक्रवाकानां निशम्य सहचारिणाम् । पुण्डरीकविशालाक्षी कथमेषा भविष्यति ॥ 30.10 ॥

niḥsvanaṃ cakravākānāṃ niśamya sahacāriṇām | puṇḍarīkaviśālākṣī kathameṣā bhaviṣyati || 30.10 ||

On hearing the sharp cries of the ruddy geese, who always move in pairs, what will become of her, that broad-eyed one whose eyes are like white lotuses?

Shloka 11 (kishkindha.30.11)

सरांसि सरितो वापीः काननानि वनानि च । तां विना मृगशावाक्षीं चरन्नाद्य सुखं लभे ॥ 30.11 ॥

sarāṃsi sarito vāpīḥ kānanāni vanāni ca | tāṃ vinā mṛgaśāvākṣīṃ carannādya sukhaṃ labhe || 30.11 ||

Wandering now among lakes, rivers, pools, groves, and forests, I find no joy today without that fawn-eyed one.

Shloka 12 (kishkindha.30.12)

अपि तां मद्वियोगाच्च सौकुमार्याच्च भामिनीम् । सुदूरं पीडयेत् कामः शरद्गुणनिरन्तरः ॥ 30.12 ॥

api tāṃ madviyogācca saukumāryācca bhāminīm | sudūraṃ pīḍayet kāmaḥ śaradguṇanirantaraḥ || 30.12 ||

Surely the god of love, with the plethora of autumn's provocations, must be tormenting that frail and lovely one, separated from me as she is - must he not?"

Shloka 13 (kishkindha.30.13)

एवमादि नरश्रेष्ठो विललाप नृपात्मजः । विहंग इव सारङ्गः सलिलं त्रिदशेश्वरात् ॥ 30.13 ॥

evamādi naraśreṣṭho vilalāpa nṛpātmajaḥ | vihaṃga iva sāraṅgaḥ salilaṃ tridaśeśvarāt || 30.13 ||

So, and more besides, that best of men, the king's son, lamented, like a rain-cuckoo pining for water from the lord of the thirty gods.

Shloka 14 (kishkindha.30.14)

ततश्चञ्चूर्य रम्येषु फलार्थी गिरिसानुषु । ददर्श पर्युपावृत्तो लक्ष्मीवाँल्लक्ष्मणोऽग्रजम् ॥ 30.14 ॥

tataścañcūrya ramyeṣu phalārthī girisānuṣu | dadarśa paryupāvṛtto lakṣmīvā~llakṣmaṇo'grajam || 30.14 ||

Then Lakshmana, blessed with fortune, who had been roaming the pleasant mountain-terraces in search of fruit, returned and saw his elder brother.

Shloka 15 (kishkindha.30.15)

स चिन्तया दुस्सहया परीतं । विसंज्ञमेकं विजने मनस्वी । भ्रातुर्विषादात् त्वरितोऽतिदीनः । समीक्ष्य सौमित्रिरुवाच दीनम् ॥ 30.15 ॥

sa cintayā dussahayā parītaṃ | visaṃjñamekaṃ vijane manasvī | bhrāturviṣādāt tvarito'tidīnaḥ | samīkṣya saumitriruvāca dīnam || 30.15 ||

That noble-hearted Saumitri, seeing him alone in that lonely place, beset with unbearable anguish and utterly bewildered, and made wretched himself by his brother's despair, spoke to him hastily -

Shloka 16 (kishkindha.30.16)

किमार्य कामस्य वशंगतेन । किमात्मपौरुष्यपराभवेन । अयं ह्रिया संह्रियते समाधिः । किमत्र योगेन निवर्तते न ॥ 30.16 ॥

kimārya kāmasya vaśaṃgatena | kimātmapauruṣyaparābhavena | ayaṃ hriyā saṃhriyate samādhiḥ | kimatra yogena nivartate na || 30.16 ||

"What use, noble one, in falling under the sway of passion? What use in this trouncing of your own manly resolve? This despondency is stealing away your self-command; what is to be gained now by retreating from your purpose?

Shloka 17 (kishkindha.30.17)

क्रियाभियोगं मनसः प्रसादं । समाधियोगानुगतं च कालम् । सहायसामर्थ्यमदीनसत्त्वः । स्वकर्महेतुं च कुरुष्व तात ॥ 30.17 ॥

kriyābhiyogaṃ manasaḥ prasādaṃ | samādhiyogānugataṃ ca kālam | sahāyasāmarthyamadīnasattvaḥ | svakarmahetuṃ ca kuruṣva tāta || 30.17 ||

Engage yourself in action, dear brother, with undaunted spirit; restore your mind's composure, bring time under your own steadfast control, muster the strength of your allies, and let your own effort be the very means to your end.

Shloka 18 (kishkindha.30.18)

न जानकी मानववंशनाथ । त्वया सनाथा सुलभा परेण । न चाग्निचूडां ज्वलितामुपेत्य । न दह्यते वीर वरार्ह कश्चित् ॥ 30.18 ॥

na jānakī mānavavaṃśanātha | tvayā sanāthā sulabhā pareṇa | na cāgnicūḍāṃ jvalitāmupetya | na dahyate vīra varārha kaścit || 30.18 ||

Janaki is not one easily won by another while you, lord of the race of men, remain her protector; nor, brave and most worthy one, is anyone left unburned who nears a blazing tongue of fire."

Shloka 19 (kishkindha.30.19)

सलक्षणं लक्ष्मणमप्रधृष्यं । स्वभावजं वाक्यमुवाच रामः । हितं च पथ्यं च नयप्रसक्तं । ससामधर्मार्थसमाहितं च ॥ 30.19 ॥

salakṣaṇaṃ lakṣmaṇamapradhṛṣyaṃ | svabhāvajaṃ vākyamuvāca rāmaḥ | hitaṃ ca pathyaṃ ca nayaprasaktaṃ | sasāmadharmārthasamāhitaṃ ca || 30.19 ||

With these seemly, unshakeable words that sprang from his very nature, expedient, wholesome, abiding in righteousness, full of friendliness and meaning, Lakshmana spoke; and Rama replied to him.

Shloka 20 (kishkindha.30.20)

निस्संशयं कार्यमवेक्षितव्यं । क्रियाविशेषोऽप्यनुवर्तितव्यः । न तु प्रवृद्धस्य दुरासदस्य । कुमार वीर्यस्य फलं च चिन्त्यम् ॥ 30.20 ॥

nissaṃśayaṃ kāryamavekṣitavyaṃ | kriyāviśeṣo'pyanuvartitavyaḥ | na tu pravṛddhasya durāsadasya | kumāra vīryasya phalaṃ ca cintyam || 30.20 ||

"Doubtless the accomplishment of the task must be kept ever in view, and every particular factor bearing on it must be attended to; but the fruit of an undertaking that has grown so unwieldy and so hard to attain must also be weighed, dear boy."

Shloka 21 (kishkindha.30.21)

अथ पद्मपलाशाक्षीं मैथिलीमनुचिन्तयन् । उवाच लक्ष्मणं रामो मुखेन परिशुष्यता ॥ 30.21 ॥

atha padmapalāśākṣīṃ maithilīmanucintayan | uvāca lakṣmaṇaṃ rāmo mukhena pariśuṣyatā || 30.21 ||

Then, thinking still of Maithili, whose eyes were like lotus-petals, Rama spoke to Lakshmana, his face parched with grief:

Shloka 22 (kishkindha.30.22)

तर्पयित्वा सहस्राक्षः सलिलेन वसुंधराम् । निर्वर्तयित्वा सस्यानि कृतकर्मा व्यवस्थितः ॥ 30.22 ॥

tarpayitvā sahasrākṣaḥ salilena vasuṃdharām | nirvartayitvā sasyāni kṛtakarmā vyavasthitaḥ || 30.22 ||

"Having satisfied the earth with water and having brought the crops to fruition, the Thousand-eyed Indra, his task complete, now rests content -- but mine has not even begun.

Shloka 23 (kishkindha.30.23)

दीर्घगम्भीरनिर्घोषाः शैलद्रुमपुरोगमाः । विसृज्य सलिलं मेघाः परिशान्ता नृपात्मज ॥ 30.23 ॥

dīrghagambhīranirghoṣāḥ śailadrumapurogamāḥ | visṛjya salilaṃ meghāḥ pariśāntā nṛpātmaja || 30.23 ||

The clouds, roving with their long, profound peals over mountains and trees, having let loose their waters, are now at rest, O prince; but no rest comes to me.

Shloka 24 (kishkindha.30.24)

नीलोत्पलदलश्यामाः श्यामीकृत्वा दिशो दश । विमदा इव मातङ्गाः शान्तवेगाः पयोधराः ॥ 30.24 ॥

nīlotpaladalaśyāmāḥ śyāmīkṛtvā diśo daśa | vimadā iva mātaṅgāḥ śāntavegāḥ payodharāḥ || 30.24 ||

The rain-clouds, dark as petals of blue lotus, having blackened the ten quarters, have now grown quiet in their swiftness, like elephants whose rut has passed.

Shloka 25 (kishkindha.30.25)

जलगर्भा महावेगाः कुटजार्जुनगन्धिनः । चरित्वा विरताः सौम्य वृष्टिवाताः समुद्यताः ॥ 30.25 ॥

jalagarbhā mahāvegāḥ kuṭajārjunagandhinaḥ | caritvā viratāḥ saumya vṛṣṭivātāḥ samudyatāḥ || 30.25 ||

Those swift, water-laden winds, fragrant with kutaja and arjuna blossoms, having wandered their course, are now stilled, gentle one.

Shloka 26 (kishkindha.30.26)

घनानां वारणानां च मयूराणां च लक्ष्मण । नादः प्रस्रवणानां च प्रशान्तः सहसानघ ॥ 30.26 ॥

ghanānāṃ vāraṇānāṃ ca mayūrāṇāṃ ca lakṣmaṇa | nādaḥ prasravaṇānāṃ ca praśāntaḥ sahasānagha || 30.26 ||

The rumbling of the clouds, of the elephants, of the peacocks, and of the mountain-streams too, O Lakshmana, blameless one, has all at once fallen silent.

Shloka 27 (kishkindha.30.27)

अभिवृष्टा महामेघैर्निर्मलाश्चित्रसानवः । अनुलिप्ता इवाभान्ति गिरयश्चन्द्ररश्मिभिः ॥ 30.27 ॥

abhivṛṣṭā mahāmeghairnirmalāścitrasānavaḥ | anuliptā ivābhānti girayaścandraraśmibhiḥ || 30.27 ||

Scoured clean by the great rain-clouds, the spotless and richly variegated mountain-terraces shine forth as though enamelled with the moon's own rays.

Shloka 28 (kishkindha.30.28)

शाखासु सप्तच्छदपादपानां । प्रभासु तारार्कनिशाकराणाम् । लीलासु चैवोत्तमवारणानां । श्रियं विभज्याद्य शरत्प्रवृत्ता ॥ 30.28 ॥

śākhāsu saptacchadapādapānāṃ | prabhāsu tārārkaniśākarāṇām | līlāsu caivottamavāraṇānāṃ | śriyaṃ vibhajyādya śaratpravṛttā || 30.28 ||

Dividing its glory today upon the boughs of the seven-leaved plantain, upon the brilliance of stars, sun, and moon, and upon the sportiveness of the finest elephants, autumn has come forth.

Shloka 29 (kishkindha.30.29)

सम्प्रत्यनेकाश्रयचित्रशोभा । लक्ष्मीः शरत्कालगुणोपपन्ना । सूर्याग्रहस्तप्रतिबोधितेषु । पद्माकरेष्वभ्यधिकं विभाति ॥ 30.29 ॥

sampratyanekāśrayacitraśobhā | lakṣmīḥ śaratkālaguṇopapannā | sūryāgrahastapratibodhiteṣu | padmākareṣvabhyadhikaṃ vibhāti || 30.29 ||

That glistening, many-splendoured grandeur, born of the qualities of the autumn season, now shines most splendidly in the lotus-pools awakened by the touch of the sun's early rays.

Shloka 30 (kishkindha.30.30)

सप्तच्छदानां कुसुमोपगन्धी । षट्पादवृन्दैरनुगीयमानः । मत्तद्विपानां पवनानुसारी । दर्पं विनेष्यन्नधिकं विभाति ॥ 30.30 ॥

saptacchadānāṃ kusumopagandhī | ṣaṭpādavṛndairanugīyamānaḥ | mattadvipānāṃ pavanānusārī | darpaṃ vineṣyannadhikaṃ vibhāti || 30.30 ||

Redolent with the flowers of the seven-leaved plantain, accompanied by the singing of swarms of bees, and pursuing the rutting elephants like a following breeze, autumn shines forth with an ever-increasing pride.

Shloka 31 (kishkindha.30.31)

अभ्यागतैश्चारुविशालपक्षैः । स्मरप्रियैः पद्मरजोऽवकीर्णैः । महानदीनां पुलिनोपयातैः । क्रीडन्ति हंसाः सह चक्रवाकैः ॥ 30.31 ॥

abhyāgataiścāruviśālapakṣaiḥ | smarapriyaiḥ padmarajo'vakīrṇaiḥ | mahānadīnāṃ pulinopayātaiḥ | krīḍanti haṃsāḥ saha cakravākaiḥ || 30.31 ||

With their broad and lovely wings, fond of the lakes, strewn with lotus-pollen, come to the sand-dunes of the great rivers, the swans now sport there together with the ruddy geese.

Shloka 32 (kishkindha.30.32)

मदप्रगल्भेषु च वारणेषु । गवां समूहेषु च दर्पितेषु । प्रसन्नतोयासु च निम्नगासु । विभाति लक्ष्मीर्बहुधा विभक्ता ॥ 30.32 ॥

madapragalbheṣu ca vāraṇeṣu | gavāṃ samūheṣu ca darpiteṣu | prasannatoyāsu ca nimnagāsu | vibhāti lakṣmīrbahudhā vibhaktā || 30.32 ||

Among the elephants bold with rut, among the proud herds of bulls, and among the clear-flowing streams, the glory of autumn shines forth, manifold and divided.

Shloka 33 (kishkindha.30.33)

नभः समीक्ष्याम्बुधरैर्विमुक्तं । विमुक्तबर्हाभरणा वनेषु । प्रियास्वरक्ता विनिवृत्तशोभा । गतोत्सवा ध्यानपरा मयूराः ॥ 30.33 ॥

nabhaḥ samīkṣyāmbudharairvimuktaṃ | vimuktabarhābharaṇā vaneṣu | priyāsvaraktā vinivṛttaśobhā | gatotsavā dhyānaparā mayūrāḥ || 30.33 ||

Beholding the sky now freed of the rain-clouds, the peacocks of the forest have shed their plumaged ornaments; grown indifferent to their mates, their splendour departed, their festivity gone, they now sit lost in brooding.

Shloka 34 (kishkindha.30.34)

मनोज्ञगन्धैः प्रियकैरनल्पैः । पुष्पातिभारावनताग्रशाखैः । सुवर्णगौरैर्नयनाभिरामैरुद्योतितानीव वनान्तराणि ॥ 30.34 ॥

manojñagandhaiḥ priyakairanalpaiḥ | puṣpātibhārāvanatāgraśākhaiḥ | suvarṇagaurairnayanābhirāmairudyotitānīva vanāntarāṇi || 30.34 ||

With their sweetly fragrant, abundant priyaka-blossoms whose weight has bent down the tips of the boughs, golden-yellow and delightful to the eye, the interiors of the forest seem lit up as though illumined by lamps.

Shloka 35 (kishkindha.30.35)

प्रियान्वितानां नलिनीप्रियाणां । वने प्रियाणां कुसुमोद्गतानाम् । मदोत्कटानां मदलालसानां । गजोत्तमानां गतयोऽद्य मन्दाः ॥ 30.35 ॥

priyānvitānāṃ nalinīpriyāṇāṃ | vane priyāṇāṃ kusumodgatānām | madotkaṭānāṃ madalālasānāṃ | gajottamānāṃ gatayo'dya mandāḥ || 30.35 ||

Fond of their mates, fond of the lotus-lakes and the forest, excited by the fragrance of flowers, intoxicated and languorous with rut, the finest of elephants now move with slackened pace.

Shloka 36 (kishkindha.30.36)

व्यक्तं नभः शस्त्रविधौतवर्णं । कृशप्रवाहानि नदीजलानि । कह्लारशीताः पवनाः प्रवान्ति । तमो विमुक्ताश्च दिशः प्रकाशाः ॥ 30.36 ॥

vyaktaṃ nabhaḥ śastravidhautavarṇaṃ | kṛśapravāhāni nadījalāni | kahlāraśītāḥ pavanāḥ pravānti | tamo vimuktāśca diśaḥ prakāśāḥ || 30.36 ||

Clear is the sky, its hue as if scoured like a burnished weapon; thinned are the flows of the rivers; breezes cool as red lotuses are blowing; and the quarters, freed from darkness, have grown bright.

Shloka 37 (kishkindha.30.37)

सूर्यातपक्रामणनष्टपङ्का । भूमिश्चिरोद्घाटितसान्द्ररेणुः । अन्योन्यवैरेण समायुतानामुद्योगकालोऽद्य नराधिपानाम् ॥ 30.37 ॥

sūryātapakrāmaṇanaṣṭapaṅkā | bhūmiścirodghāṭitasāndrareṇuḥ | anyonyavaireṇa samāyutānāmudyogakālo'dya narādhipānām || 30.37 ||

The mud, dried away by the heat of the sun, the earth thick with dust long confined -- now, for kings bound to one another by mutual enmity, has come the time to bestir themselves.

Shloka 38 (kishkindha.30.38)

शरद्गुणाप्यायितरूपशोभाः । प्रहर्षिताः पांसुसमुत्थिताङ्गाः । मदोत्कटाः सम्प्रति युद्धलुब्धा । वृषा गवां मध्यगता नदन्ति ॥ 30.38 ॥

śaradguṇāpyāyitarūpaśobhāḥ | praharṣitāḥ pāṃsusamutthitāṅgāḥ | madotkaṭāḥ samprati yuddhalubdhā | vṛṣā gavāṃ madhyagatā nadanti || 30.38 ||

Their handsomeness enhanced by autumn's own virtue, their bodies gladly covered in dust, intoxicated and now eager for combat, the bulls bellow, standing amid the cows.

Shloka 39 (kishkindha.30.39)

समन्मथा तीव्रतरानुरागा । कुलान्विता मन्दगतिः करेणुः । मदान्वितं सम्परिवार्य यान्तं । वनेषु भर्तारमनुप्रयाति ॥ 30.39 ॥

samanmathā tīvratarānurāgā | kulānvitā mandagatiḥ kareṇuḥ | madānvitaṃ samparivārya yāntaṃ | vaneṣu bhartāramanuprayāti || 30.39 ||

Passionate, her attachment ever more intense, the slow-paced she-elephant, together with her kind, follows close behind her ruttish mate as he moves through the forest.

Shloka 40 (kishkindha.30.40)

त्यक्त्वा वराण्यात्मविभूषितानि । बर्हाणि तीरोपगता नदीनाम् । निर्भर्त्स्यमाना इव सारसौघैः । प्रयान्ति दीना विमना मयूराः ॥ 30.40 ॥

tyaktvā varāṇyātmavibhūṣitāni | barhāṇi tīropagatā nadīnām | nirbhartsyamānā iva sārasaughaiḥ | prayānti dīnā vimanā mayūrāḥ || 30.40 ||

Casting off their splendid plumaged tails, which are their own ornament, the peacocks, arriving near the riverbanks, go about dispirited and despondent, as though intimidated by the flocks of sarasa birds.

Shloka 41 (kishkindha.30.41)

वित्रास्य कारण्डवचक्रवाकान् । महारवैर्भिन्नकटा गजेन्द्राः । सरस्सुबद्धाम्बुजभूषणेषु । विक्षोभ्य विक्षोभ्य जलं पिबन्ति ॥ 30.41 ॥

vitrāsya kāraṇḍavacakravākān | mahāravairbhinnakaṭā gajendrāḥ | sarassubaddhāmbujabhūṣaṇeṣu | vikṣobhya vikṣobhya jalaṃ pibanti || 30.41 ||

Startling the karandava and cakravaka birds with their mighty trumpeting, the lordly elephants with their temples in rut churn and churn again the waters of the lakes adorned with tightly-clustered lotuses, and drink.

Shloka 42 (kishkindha.30.42)

व्यपेतपङ्कासु सवालुकासु । प्रसन्नतोयासु सगोकुलासु । ससारसारावविनादितासु । नदीषु हंसा निपतन्ति हृष्टाः ॥ 30.42 ॥

vyapetapaṅkāsu savālukāsu | prasannatoyāsu sagokulāsu | sasārasārāvavināditāsu | nadīṣu haṃsā nipatanti hṛṣṭāḥ || 30.42 ||

Freed of their silt, sandy-banked, their waters clear, thronged with herds of cattle, resounding with the calls of sarasa birds, the joyful swans now dive deep into such rivers.

Shloka 43 (kishkindha.30.43)

नदीघनप्रस्रवणोदकानामतिप्रवृद्धानिलबर्हिणानाम् । प्लवंगमानां च गतोत्सवानां । ध्रुवं रवाः सम्प्रति सम्प्रणष्टाः ॥ 30.43 ॥

nadīghanaprasravaṇodakānāmatipravṛddhānilabarhiṇānām | plavaṃgamānāṃ ca gatotsavānāṃ | dhruvaṃ ravāḥ samprati sampraṇaṣṭāḥ || 30.43 ||

The noises of rivers, of clouds, of mountain-cascades, and the once-swollen gusts of wind, and the screaming of peacocks together with the croaking of frogs -- all these, surely, have now completely died away.

Shloka 44 (kishkindha.30.44)

अनेकवर्णाः सुविनष्टकाया । नवोदितेष्वम्बुधरेषु नष्टाः । क्षुधार्दिता घोरविषा बिलेभ्यश्चिरोषिता विप्रसरन्ति सर्पाः ॥ 30.44 ॥

anekavarṇāḥ suvinaṣṭakāyā | navoditeṣvambudhareṣu naṣṭāḥ | kṣudhārditā ghoraviṣā bilebhyaściroṣitā viprasaranti sarpāḥ || 30.44 ||

Their bodies wasted, of many hues, hidden away when the new rain-clouds first arose, tormented by hunger, those dreadfully venomous serpents, long confined, now come slithering forth.

Shloka 45 (kishkindha.30.45)

चञ्चच्चन्द्रकरस्पर्शहर्षोन्मीलिततारका । अहो रागवती संध्या जहाति स्वयमम्बरम् ॥ 30.45 ॥

cañcaccandrakarasparśaharṣonmīlitatārakā | aho rāgavatī saṃdhyā jahāti svayamambaram || 30.45 ||

Ah, see how the twilight, a damsel in love, unfolding her stars in delight at the touch of the shimmering moonbeam, herself releases her rosy hue from the sky!

Shloka 46 (kishkindha.30.46)

रात्रिः शशाङ्कोदितसौम्यवक्त्रा । तारागणोन्मीलितचारुनेत्रा । ज्योत्स्नांशुकप्रावरणा विभाति । नारीव शुक्लांशुकसंवृताङ्गी ॥ 30.46 ॥

rātriḥ śaśāṅkoditasaumyavaktrā | tārāgaṇonmīlitacārunetrā | jyotsnāṃśukaprāvaraṇā vibhāti | nārīva śuklāṃśukasaṃvṛtāṅgī || 30.46 ||

Night, with the risen moon as her gentle face, myriad stars as her lovely twinkling eyes, and veiled in a robe of moonbeams, shines forth like a woman wrapped about in garments of white.

Shloka 47 (kishkindha.30.47)

विपक्वशालिप्रसवानि भुक्त्वा । प्रहर्षिता सारसचारुपङ्क्तिः । नभः समाक्रामति शीघ्रवेगा । वातावधूता ग्रथितेव माला ॥ 30.47 ॥

vipakvaśāliprasavāni bhuktvā | praharṣitā sārasacārupaṅktiḥ | nabhaḥ samākrāmati śīghravegā | vātāvadhūtā grathiteva mālā || 30.47 ||

Having fed on the fully-ripened grain of the rice-fields, the delighted and lovely rows of sarasa birds now sweep swiftly across the sky, like a garland strung together and shaken loose by the wind.

Shloka 48 (kishkindha.30.48)

सुप्तैकहंसं कुमुदैरुपेतं । महाह्रदस्थं सलिलं विभाति । घनैर्विमुक्तं निशि पूर्णचन्द्रं । तारागणाकीर्णमिवान्तरिक्षम् ॥ 30.48 ॥

suptaikahaṃsaṃ kumudairupetaṃ | mahāhradasthaṃ salilaṃ vibhāti | ghanairvimuktaṃ niśi pūrṇacandraṃ | tārāgaṇākīrṇamivāntarikṣam || 30.48 ||

The water of a great lake, thick with white lotuses, with a single swan asleep upon it, shines like the night sky released from its clouds, star-strewn, and bearing the full moon.

Shloka 49 (kishkindha.30.49)

प्रकीर्णहंसाकुलमेखलानां । प्रबुद्धपद्मोत्पलमालिनीनाम् । वाप्युत्तमानामधिकाद्य लक्ष्मीर्वराङ्गनानामिव भूषितानाम् ॥ 30.49 ॥

prakīrṇahaṃsākulamekhalānāṃ | prabuddhapadmotpalamālinīnām | vāpyuttamānāmadhikādya lakṣmīrvarāṅganānāmiva bhūṣitānām || 30.49 ||

With swans scattered about like a swaying girdle, and garlanded with fully-blossomed red and blue lotuses, the splendour of the finest of ponds today is heightened, like that of fine women adorned with ornaments.

Shloka 50 (kishkindha.30.50)

वेणुस्वरव्यञ्जिततूर्यमिश्रः । प्रत्यूषकालेऽनिलसम्प्रवृत्तः । सम्मूर्छितो गर्गरगोवृषाणामन्योन्यमापूरयतीव शब्दः ॥ 30.50 ॥

veṇusvaravyañjitatūryamiśraḥ | pratyūṣakāle'nilasampravṛttaḥ | sammūrchito gargaragovṛṣāṇāmanyonyamāpūrayatīva śabdaḥ || 30.50 ||

Mingled with the notes of flutes, arising with the breeze at the hour of dawn, the swelling sound of cowbells and lowing cattle seems to fill the air, each note surpassing the other.

Shloka 51 (kishkindha.30.51)

नवैर्नदीनां कुसुमप्रहासैर्व्याधूयमानैर्मृदुमारुतेन । धौतामलक्षौमपटप्रकाशैः । कूलानि काशैरुपशोभितानि ॥ 30.51 ॥

navairnadīnāṃ kusumaprahāsairvyādhūyamānairmṛdumārutena | dhautāmalakṣaumapaṭaprakāśaiḥ | kūlāni kāśairupaśobhitāni || 30.51 ||

Adorned with fresh reed-flowers, like smiles, swaying in the soft breeze, and shining like a washed and spotless silken cloth, the riverbanks are graced with new beds of reeds.

Shloka 52 (kishkindha.30.52)

वनप्रचण्डा मधुपानशौण्डाः । प्रियान्विताः षट्चरणाः प्रहृष्टाः । वनेषु मत्ताः पवनानुयात्रां । कुर्वन्ति पद्मासनरेणुगौराः ॥ 30.52 ॥

vanapracaṇḍā madhupānaśauṇḍāḥ | priyānvitāḥ ṣaṭcaraṇāḥ prahṛṣṭāḥ | vaneṣu mattāḥ pavanānuyātrāṃ | kurvanti padmāsanareṇugaurāḥ || 30.52 ||

Rampant in the forest, roguish with drinking nectar, joyful, yellowed with the pollen of lotus and asana flowers, the honeybees now journey along with their mates, borne upon the breeze.

Shloka 53 (kishkindha.30.53)

जलं प्रसन्नं कुसुमप्रहासं । क्रौञ्चस्वनं शालिवनं विपक्वम् । मृदुश्च वायुर्विमलश्च चन्द्रः । शंसन्ति वर्षव्यपनीतकालम् ॥ 30.53 ॥

jalaṃ prasannaṃ kusumaprahāsaṃ | krauñcasvanaṃ śālivanaṃ vipakvam | mṛduśca vāyurvimalaśca candraḥ | śaṃsanti varṣavyapanītakālam || 30.53 ||

Clear waters, flowers smiling open, the calling of the kraunca birds, the rice-fields ripened, the breeze grown gentle, the moon grown bright -- all these proclaim that the season of rains has passed away.

Shloka 54 (kishkindha.30.54)

मीनोपसंदर्शितमेखलानां । नदीवधूनां गतयोऽद्य मन्दाः । कान्तोपभुक्तालसगामिनीनां । प्रभातकालेष्विव कामिनीनाम् ॥ 30.54 ॥

mīnopasaṃdarśitamekhalānāṃ | nadīvadhūnāṃ gatayo'dya mandāḥ | kāntopabhuktālasagāminīnāṃ | prabhātakāleṣviva kāminīnām || 30.54 ||

Their girdles now shown forth by the fish within them, the river-brides today move slowly, like languorous women, tired from their lovers' embrace, sauntering at the hour of dawn.

Shloka 55 (kishkindha.30.55)

सचक्रवाकानि सशैवलानि । काशैर्दुकूलैरिव संवृतानि । सपत्ररेखाणि सरोचनानि । वधूमुखानीव नदीमुखानि ॥ 30.55 ॥

sacakravākāni saśaivalāni | kāśairdukūlairiva saṃvṛtāni | sapatrarekhāṇi sarocanāni | vadhūmukhānīva nadīmukhāni || 30.55 ||

With the ruddy geese and the river-weeds upon them, and half-veiled as if in silken cloth by the reed-beds, streaked as with lines of leaf-painting and touched with a glow, the river-mouths are like the faces of young brides.

Shloka 56 (kishkindha.30.56)

प्रफुल्लबाणासनचित्रितेषु । प्रहृष्टषट्पादनिकूजितेषु । गृहीतचापोद्यतदण्डचण्डः । प्रचण्डचापोऽद्य वनेषु कामः ॥ 30.56 ॥

praphullabāṇāsanacitriteṣu | prahṛṣṭaṣaṭpādanikūjiteṣu | gṛhītacāpodyatadaṇḍacaṇḍaḥ | pracaṇḍacāpo'dya vaneṣu kāmaḥ || 30.56 ||

In these forests, painted with flowering bana and asana trees, and murmurous with the delighted humming of bees, the god of love now roams unimpeded, his bow raised, ready to strike.

Shloka 57 (kishkindha.30.57)

लोकं सुवृष्ट्या परितोषयित्वा । नदीस्तटाकानि च पूरयित्वा । निष्पन्नसस्यां वसुधां च कृत्वा । त्यक्त्वा नभस्तोयधराः प्रणष्टाः ॥ 30.57 ॥

lokaṃ suvṛṣṭyā paritoṣayitvā | nadīstaṭākāni ca pūrayitvā | niṣpannasasyāṃ vasudhāṃ ca kṛtvā | tyaktvā nabhastoyadharāḥ praṇaṣṭāḥ || 30.57 ||

Having gladdened the world with abundant rain, having filled the rivers and the tanks, and having brought the earth to yield its harvest, the water-bearing clouds have forsaken the sky and vanished.

Shloka 58 (kishkindha.30.58)

दर्शयन्ति शरन्नद्यः पुलिनानि शनैः शनैः । नवसंगमसव्रीडा जघनानीव योषितः ॥ 30.58 ॥

darśayanti śarannadyaḥ pulināni śanaiḥ śanaiḥ | navasaṃgamasavrīḍā jaghanānīva yoṣitaḥ || 30.58 ||

Slowly, slowly, the autumnal rivers now reveal their sandbanks, like shy young brides slowly revealing their hips at a new tryst.

Shloka 59 (kishkindha.30.59)

प्रसन्नसलिलाः सौम्य कुरराभिविनादिताः । चक्रवाकगणाकीर्णा विभान्ति सलिलाशयाः ॥ 30.59 ॥

prasannasalilāḥ saumya kurarābhivināditāḥ | cakravākagaṇākīrṇā vibhānti salilāśayāḥ || 30.59 ||

Their waters clear, gentle one, resounding with the cries of fish-hawks, and teeming with flocks of ruddy geese, the lakes now shine forth.

Shloka 60 (kishkindha.30.60)

अन्योन्यबद्धवैराणां जिगीषूणां नृपात्मज । उद्योगसमयः सौम्य पार्थिवानामुपस्थितः ॥ 30.60 ॥

anyonyabaddhavairāṇāṃ jigīṣūṇāṃ nṛpātmaja | udyogasamayaḥ saumya pārthivānāmupasthitaḥ || 30.60 ||

For kings bound to one another by mutual hostility, each desirous of victory over the other, gentle one, the time for military endeavour has now come, O prince.

Shloka 61 (kishkindha.30.61)

इयं सा प्रथमा यात्रा पार्थिवानां नृपात्मज । न च पश्यामि सुग्रीवमुद्योगं च तथाविधम् ॥ 30.61 ॥

iyaṃ sā prathamā yātrā pārthivānāṃ nṛpātmaja | na ca paśyāmi sugrīvamudyogaṃ ca tathāvidham || 30.61 ||

This, O prince, is the very season in which kings first set forth on campaign; and yet I see no such striving, no such endeavour, in Sugriva.

Shloka 62 (kishkindha.30.62)

असनाः सप्तपर्णाश्च कोविदाराश्च पुष्पिताः । दृश्यन्ते बन्धुजीवाश्च श्यामाश्च गिरिसानुषु ॥ 30.62 ॥

asanāḥ saptaparṇāśca kovidārāśca puṣpitāḥ | dṛśyante bandhujīvāśca śyāmāśca girisānuṣu || 30.62 ||

Asana trees, seven-leaved plantains, and kovidara trees, all in bloom, and bandhujiva trees and dark shyama creepers too, are seen upon the mountain-terraces.

Shloka 63 (kishkindha.30.63)

हंससारसचक्राह्वैः कुररैश्च समन्ततः । पुलिनान्यवकीर्णानि नदीनां पश्य लक्ष्मण ॥ 30.63 ॥

haṃsasārasacakrāhvaiḥ kuraraiśca samantataḥ | pulinānyavakīrṇāni nadīnāṃ paśya lakṣmaṇa || 30.63 ||

See, Lakshmana, how the sand-dunes of the rivers are strewn all over with swans, sarasa birds, cakravakas, and kraunca birds as well.

Shloka 64 (kishkindha.30.64)

चत्वारो वार्षिका मासा गता वर्षशतोपमाः । मम शोकाभितप्तस्य तथा सीतामपश्यतः ॥ 30.64 ॥

catvāro vārṣikā māsā gatā varṣaśatopamāḥ | mama śokābhitaptasya tathā sītāmapaśyataḥ || 30.64 ||

Four months of the rainy season have gone by, and to me, seething in grief and unable to see Sita, they seemed like a hundred years.

Shloka 65 (kishkindha.30.65)

चक्रवाकीव भर्तारं पृष्ठतोऽनुगता वनम् । विषमं दण्डकारण्यमुद्यानमिव चाङ्गना ॥ 30.65 ॥

cakravākīva bhartāraṃ pṛṣṭhato'nugatā vanam | viṣamaṃ daṇḍakāraṇyamudyānamiva cāṅganā || 30.65 ||

Like a female ruddy-goose that follows behind her mate, she followed me, her husband, into the forest -- into the perilous Dandaka wilderness, as though it were a pleasure-garden.

Shloka 66 (kishkindha.30.66)

प्रियाविहीने दुःखार्ते हृतराज्ये विवासिते । कृपां न कुरुते राजा सुग्रीवो मयि लक्ष्मण ॥ 30.66 ॥

priyāvihīne duḥkhārte hṛtarājye vivāsite | kṛpāṃ na kurute rājā sugrīvo mayi lakṣmaṇa || 30.66 ||

Bereft of my beloved, tormented by grief, my kingdom seized, and driven into exile, king Sugriva, Lakshmana, shows me no compassion.

Shloka 67 (kishkindha.30.67)

अनाथो हृतराज्योऽयं रावणेन च धर्षितः । दीनो दूरगृहः कामी मां चैव शरणं गतः ॥ 30.67 ॥

anātho hṛtarājyo'yaṃ rāvaṇena ca dharṣitaḥ | dīno dūragṛhaḥ kāmī māṃ caiva śaraṇaṃ gataḥ || 30.67 ||

'He is helpless, his kingdom seized, oppressed by Ravana, wretched, come from a distant home, lovesick, and has taken refuge in me alone' -- so, perhaps, Sugriva thinks of me.

Shloka 68 (kishkindha.30.68)

इत्येतैः कारणैः सौम्य सुग्रीवस्य दुरात्मनः । अहं वानरराजस्य परिभूतः परंतपः ॥ 30.68 ॥

ityetaiḥ kāraṇaiḥ saumya sugrīvasya durātmanaḥ | ahaṃ vānararājasya paribhūtaḥ paraṃtapaḥ || 30.68 ||

For these reasons, gentle Lakshmana, scorcher of foes, I have, it seems, been slighted by that base-minded king of monkeys, Sugriva.

Shloka 69 (kishkindha.30.69)

स कालं परिसंख्याय सीतायाः परिमार्गणे । कृतार्थः समयं कृत्वा दुर्मतिर्नाववुध्यते ॥ 30.69 ॥

sa kālaṃ parisaṃkhyāya sītāyāḥ parimārgaṇe | kṛtārthaḥ samayaṃ kṛtvā durmatirnāvavudhyate || 30.69 ||

He calculated well the time set for the search of Sita, and having made that covenant, yet, once his own end was achieved, that base-minded one is now heedless of it.

Shloka 70 (kishkindha.30.70)

स किष्किन्धां प्रविश्य त्वं ब्रूहि वानरपुङ्गवम् । मूर्खं ग्राम्यसुखे सक्तं सुग्रीवं वचनान्मम ॥ 30.70 ॥

sa kiṣkindhāṃ praviśya tvaṃ brūhi vānarapuṅgavam | mūrkhaṃ grāmyasukhe saktaṃ sugrīvaṃ vacanānmama || 30.70 ||

Go, then, into Kishkindha, and speak, in my very words, to that arch-monkey Sugriva, that fool tangled up in coarse pleasures:

Shloka 71 (kishkindha.30.71)

अर्थिनामुपपन्नानां पूर्वं चाप्युपकारिणाम् । आशां संश्रुत्य यो हन्ति स लोके पुरुषाधमः ॥ 30.71 ॥

arthināmupapannānāṃ pūrvaṃ cāpyupakāriṇām | āśāṃ saṃśrutya yo hanti sa loke puruṣādhamaḥ || 30.71 ||

'"He who breaks the hope of those who came to him for shelter, and even of those who once helped him -- he is the vilest of men in this world.

Shloka 72 (kishkindha.30.72)

शुभं वा यदि वा पापं यो हि वाक्यमुदीरितम् । सत्येन परिगृह्णाति स वीरः पुरुषोत्तमः ॥ 30.72 ॥

śubhaṃ vā yadi vā pāpaṃ yo hi vākyamudīritam | satyena parigṛhṇāti sa vīraḥ puruṣottamaḥ || 30.72 ||

He who, whether the word spoken be for good or ill, truly makes it good by his own action -- he indeed is the champion, the foremost among men.

Shloka 73 (kishkindha.30.73)

कृतार्था ह्यकृतार्थानां मित्राणां न भवन्ति ये । तान् मृतानपि क्रव्यादाः कृतघ्नान् नोपभुञ्जते ॥ 30.73 ॥

kṛtārthā hyakṛtārthānāṃ mitrāṇāṃ na bhavanti ye | tān mṛtānapi kravyādāḥ kṛtaghnān nopabhuñjate || 30.73 ||

Those who, having achieved their own ends through friends, do not stand by those same friends while their ends remain unachieved -- even carrion-eating creatures will not feed upon the flesh of such ingrates when they are dead.

Shloka 74 (kishkindha.30.74)

नूनं काञ्चनपृष्ठस्य विकृष्टस्य मया रणे । द्रष्टुमिच्छसि चापस्य रूपं विद्युद्गणोपमम् ॥ 30.74 ॥

nūnaṃ kāñcanapṛṣṭhasya vikṛṣṭasya mayā raṇe | draṣṭumicchasi cāpasya rūpaṃ vidyudgaṇopamam || 30.74 ||

Surely you now wish to see, in this very battle, the aspect of my gold-backed bow, drawn taut, resembling a cluster of lightning-flashes.

Shloka 75 (kishkindha.30.75)

घोरं ज्यातलनिर्घोषं क्रुद्धस्य मम संयुगे । निर्घोषमिव वज्रस्य पुनः संश्रोतुमिच्छसि ॥ 30.75 ॥

ghoraṃ jyātalanirghoṣaṃ kruddhasya mama saṃyuge | nirghoṣamiva vajrasya punaḥ saṃśrotumicchasi || 30.75 ||

Once more you wish to hear that dreadful twang of my bowstring, resounding like the crash of the thunderbolt, when in fury I clang it in battle.

Shloka 76 (kishkindha.30.76)

काममेवंगतेऽप्यस्य परिज्ञाते पराक्रमे । त्वत्सहायस्य मे वीर न चिन्ता स्यान्नृपात्मज ॥ 30.76 ॥

kāmamevaṃgate'pyasya parijñāte parākrame | tvatsahāyasya me vīra na cintā syānnṛpātmaja || 30.76 ||

Be that as it may, even though he knows full well what my valour is, O prince, O hero, having you as my companion I have no cause for alarm.

Shloka 77 (kishkindha.30.77)

यदर्थमयमारम्भः कृतः परपुरंजय । समयं नाभिजानाति कृतार्थः प्लवगेश्वरः ॥ 30.77 ॥

yadarthamayamārambhaḥ kṛtaḥ parapuraṃjaya | samayaṃ nābhijānāti kṛtārthaḥ plavageśvaraḥ || 30.77 ||

That lord of the leaping tribes, O conqueror of hostile cities, having achieved his own end, no longer even recognises the very purpose for which this whole undertaking was begun.

Shloka 78 (kishkindha.30.78)

वर्षाः समयकालं तु प्रतिज्ञाय हरीश्वरः । व्यतीतांश्चतुरो मासान् विहरन् नावबुध्यते ॥ 30.78 ॥

varṣāḥ samayakālaṃ tu pratijñāya harīśvaraḥ | vyatītāṃścaturo māsān viharan nāvabudhyate || 30.78 ||

Having promised to act once the rains were over, that lord of monkeys, absorbed in his pleasures, remains oblivious that the four months have already slipped away.

Shloka 79 (kishkindha.30.79)

सामात्यपरिषत्क्रीडन् पानमेवोपसेवते । शोकदीनेषु नास्मासु सुग्रीवः कुरुते दयाम् ॥ 30.79 ॥

sāmātyapariṣatkrīḍan pānamevopasevate | śokadīneṣu nāsmāsu sugrīvaḥ kurute dayām || 30.79 ||

Sporting with the assembly of his ministers, he devotes himself only to drink, and shows no compassion at all to us, who are wretched with grief.

Shloka 80 (kishkindha.30.80)

उच्यतां गच्छ सुग्रीवस्त्वया वीर महाबल । मम रोषस्य यद्रूपं ब्रूयाश्चैनमिदं वचः ॥ 30.80 ॥

ucyatāṃ gaccha sugrīvastvayā vīra mahābala | mama roṣasya yadrūpaṃ brūyāścainamidaṃ vacaḥ || 30.80 ||

Go, O hero of great might, and let Sugriva be told through you the very shape my fury has now taken, and let this word too be spoken to him -"'

Shloka 81 (kishkindha.30.81)

न स संकुचितः पन्था येन वाली हतो गतः । समये तिष्ठ सुग्रीव मा वालिपथमन्वगाः ॥ 30.81 ॥

na sa saṃkucitaḥ panthā yena vālī hato gataḥ | samaye tiṣṭha sugrīva mā vālipathamanvagāḥ || 30.81 ||

"'The path by which slain Vali went is not so narrow that it has closed up, O Sugriva; keep to your commitment, and do not follow the path of Vali.

Shloka 82 (kishkindha.30.82)

एक एव रणे वाली शरेण निहतो मया । त्वां तु सत्यादतिक्रान्तं हनिष्यामि सबान्धवम् ॥ 30.82 ॥

eka eva raṇe vālī śareṇa nihato mayā | tvāṃ tu satyādatikrāntaṃ haniṣyāmi sabāndhavam || 30.82 ||

Vali alone was slain by me, single-handed, with a single arrow in battle; but you, having transgressed the truth, I shall slay together with all your kinsmen.

Shloka 83 (kishkindha.30.83)

यदेवं विहिते कार्ये यद्धितं पुरुषर्षभ । तत् तद् ब्रूहि नरश्रेष्ठ त्वर कालव्यतिक्रमः ॥ 30.83 ॥

yadevaṃ vihite kārye yaddhitaṃ puruṣarṣabha | tat tad brūhi naraśreṣṭha tvara kālavyatikramaḥ || 30.83 ||

Whatever, then, is fitting to be said in this matter, O best of men, O foremost of men, say it now; make haste, for time is passing."'

Shloka 84 (kishkindha.30.84)

कुरुष्व सत्यं मम वानरेश्वर । प्रतिश्रुतं धर्ममवेक्ष्य शाश्वतम् । मा वालिनं प्रेतगतो यमक्षये । त्वमद्य पश्येर्मम चोदितः शरैः ॥ 30.84 ॥

kuruṣva satyaṃ mama vānareśvara | pratiśrutaṃ dharmamavekṣya śāśvatam | mā vālinaṃ pretagato yamakṣaye | tvamadya paśyermama coditaḥ śaraiḥ || 30.84 ||

Render true, O king of monkeys, in accordance with the eternal law you yourself acknowledged, what you have promised me; else, driven this very day by my arrows to your death, you shall behold Vali in the realm of Yama."'

Shloka 85 (kishkindha.30.85)

स पूर्वजं तीव्रविवृद्धकोपं । लालप्यमानं प्रसमीक्ष्य दीनम् । चकार तीव्रां मतिमुग्रतेजा । हरीश्वरे मानववंशवर्धनः ॥ 30.85 ॥

sa pūrvajaṃ tīvravivṛddhakopaṃ | lālapyamānaṃ prasamīkṣya dīnam | cakāra tīvrāṃ matimugratejā | harīśvare mānavavaṃśavardhanaḥ || 30.85 ||

Beholding his elder brother, wretched, prating on in an anger grown ever more intense, that fiercely resplendent Lakshmana, augmenter of the race of Manu, resolved on a stern and unyielding course toward the king of monkeys.