Lakshmana's Fury

Shloka 1 (kishkindha.31.1)

स कामिनं दीनमदीनसत्त्वं शोकाभिपन्नं समुदीर्णकोपम्। नरेन्द्रसूनुर्नरदेवपुत्रं रामानुजः पूर्वजमित्युवाच॥ 31.1 ॥

sa kāminaṃ dīnamadīnasattvaṃ śokābhipannaṃ samudīrṇakopam| narendrasūnurnaradevaputraṃ rāmānujaḥ pūrvajamityuvāca|| 31.1 ||

To his elder brother, prince Rama — who, though unbroken in resolve, had grown pitiable with longing, was overwhelmed with grief, and whose anger had now flared to its height — the princely Lakshmana, Rama's younger brother, spoke these words.

Shloka 2 (kishkindha.31.2)

न वानरः स्थास्यति साधुवृत्ते न मन्यते कर्मफलानुषङ्गान्। न भोक्ष्यते वानरराज्यलक्ष्मीं तथा हि नाभिक्रमतेऽस्य बुद्धिः॥ 31.2 ॥

na vānaraḥ sthāsyati sādhuvṛtte na manyate karmaphalānuṣaṅgān| na bhokṣyate vānararājyalakṣmīṃ tathā hi nābhikramate'sya buddhiḥ|| 31.2 ||

"This forest-dweller Sugriva will not hold to the conduct of the honorable; he pays no heed to the reward that your deed has brought him; he will not even enjoy the splendor of his monkey kingdom — clearly, his understanding has become stagnant.

Shloka 3 (kishkindha.31.3)

मतिक्षयाद् ग्राम्यसुखेषु सक्त- स्तव प्रसादात् प्रतिकारबुद्धिः। हतोऽग्रजं पश्यतु वीरवालिनं न राज्यमेवं विगुणस्य देयम्॥ 31.3 ॥

matikṣayād grāmyasukheṣu sakta- stava prasādāt pratikārabuddhiḥ| hato'grajaṃ paśyatu vīravālinaṃ na rājyamevaṃ viguṇasya deyam|| 31.3 ||

With his judgment ruined and lost in base pleasures, he never even considers repaying your kindness. Let him be slain and sent to join his brave brother Vali — a kingdom should never be given to one so devoid of virtue.

Shloka 4 (kishkindha.31.4)

न धारये कोपमुदीर्णवेगं निहन्मि सुग्रीवमसत्यमद्य। हरिप्रवीरैः सह वालिपुत्रो नरेन्द्रपुत्र्या विचयं करोतु॥ 31.4 ॥

na dhāraye kopamudīrṇavegaṃ nihanmi sugrīvamasatyamadya| haripravīraiḥ saha vāliputro narendraputryā vicayaṃ karotu|| 31.4 ||

I can no longer restrain this surging anger — today I shall kill this faithless Sugriva, and let Vali's son Angada, with the finest of the monkey warriors, carry out the search for the princess." Thus spoke Lakshmana.

Shloka 5 (kishkindha.31.5)

तमात्तबाणासनमुत्पतन्तं निवेदितार्थं रणचण्डकोपम्। उवाच रामः परवीरहन्ता स्ववीक्षितं सानुनयं च वाक्यम्॥ 31.5 ॥

tamāttabāṇāsanamutpatantaṃ niveditārthaṃ raṇacaṇḍakopam| uvāca rāmaḥ paravīrahantā svavīkṣitaṃ sānunayaṃ ca vākyam|| 31.5 ||

Then Rama, slayer of enemy heroes, spoke this well-considered and gently persuasive reply to Lakshmana, who — having declared his intent, seized his bow, and blazing with battle-fury — had sprung up to go.

Shloka 6 (kishkindha.31.6)

नहि वै त्वद्विधो लोके पापमेवं समाचरेत्। कोपमार्येण यो हन्ति स वीरः पुरुषोत्तमः॥ 31.6 ॥

nahi vai tvadvidho loke pāpamevaṃ samācaret| kopamāryeṇa yo hanti sa vīraḥ puruṣottamaḥ|| 31.6 ||

"One such as you would never commit so grave a wrong in this world. He who, with noble bearing, slays his own anger — he alone is truly valiant, the best among men.

Shloka 7 (kishkindha.31.7)

नेदमत्र त्वया ग्राह्यं साधुवृत्तेन लक्ष्मण। तां प्रीतिमनुवर्तस्व पूर्ववृत्तं च संगतम्॥ 31.7 ॥

nedamatra tvayā grāhyaṃ sādhuvṛttena lakṣmaṇa| tāṃ prītimanuvartasva pūrvavṛttaṃ ca saṃgatam|| 31.7 ||

Lakshmana, you are a man of righteous conduct — it does not become you to see this matter so. Hold instead to that old friendship and the bond already formed between us.

Shloka 8 (kishkindha.31.8)

सामोपहितया वाचा रूक्षाणि परिवर्जयन्। वक्तुमर्हसि सुग्रीवं व्यतीतं कालपर्यये॥ 31.8 ॥

sāmopahitayā vācā rūkṣāṇi parivarjayan| vaktumarhasi sugrīvaṃ vyatītaṃ kālaparyaye|| 31.8 ||

Setting aside all harshness, you should speak to Sugriva only in conciliatory words — for his fault, after all, is no more than letting the appointed time slip by." Thus Rama counselled Lakshmana.

Shloka 9 (kishkindha.31.9)

सोऽग्रजेनानुशिष्टार्थो यथावत् पुरुषर्षभः। प्रविवेश पुरीं वीरो लक्ष्मणः परवीरहा॥ 31.9 ॥

so'grajenānuśiṣṭārtho yathāvat puruṣarṣabhaḥ| praviveśa purīṃ vīro lakṣmaṇaḥ paravīrahā|| 31.9 ||

Thus duly counselled by his elder brother, that heroic destroyer of enemy warriors, Lakshmana, foremost among men, entered the city of Kishkindha.

Shloka 10 (kishkindha.31.10)

ततः शुभमतिः प्राज्ञो भ्रातुः प्रियहिते रतः। लक्ष्मणः प्रतिसंरब्धो जगाम भवनं कपेः॥ 31.10 ॥

tataḥ śubhamatiḥ prājño bhrātuḥ priyahite rataḥ| lakṣmaṇaḥ pratisaṃrabdho jagāma bhavanaṃ kapeḥ|| 31.10 ||

Then that pure-minded, wise Lakshmana, ever devoted to his brother's welfare, swallowed his fury and made his way toward the palace of the monkey king.

Shloka 11 (kishkindha.31.11)

शक्रबाणासनप्रख्यं धनुः कालान्तकोपमम्। प्रगृह्य गिरिशृङ्गाभं मन्दरः सानुमानिव॥ 31.11 ॥

śakrabāṇāsanaprakhyaṃ dhanuḥ kālāntakopamam| pragṛhya giriśṛṅgābhaṃ mandaraḥ sānumāniva|| 31.11 ||

Bearing his bow — as radiant as Indra's own and as terrible as Death itself — he seemed, with it in hand, like Mount Mandara crowned with its peaks.

Shloka 12 (kishkindha.31.12)

यथोक्तकारी वचनमुत्तरं चैव सोत्तरम्। बृहस्पतिसमो बुद्ध्या मत्वा रामानुजस्तदा॥ 31.12 ॥

yathoktakārī vacanamuttaraṃ caiva sottaram| bṛhaspatisamo buddhyā matvā rāmānujastadā|| 31.12 ||

Lakshmana, ever obedient to Rama's word and equal to Brihaspati in wisdom, turned over in his mind the words he would speak, Sugriva's likely reply, and his own answer to it.

Shloka 13 (kishkindha.31.13)

कामक्रोधसमुत्थेन भ्रातुः कोपाग्निना वृतः। प्रभञ्जन इवाप्रीतः प्रययौ लक्ष्मणस्ततः॥ 31.13 ॥

kāmakrodhasamutthena bhrātuḥ kopāgninā vṛtaḥ| prabhañjana ivāprītaḥ prayayau lakṣmaṇastataḥ|| 31.13 ||

Wrapped in the fire of fury kindled by his brother's love-born grief, discontented Lakshmana surged forward like a raging storm-wind.

Shloka 14 (kishkindha.31.14)

सालतालाश्वकर्णांश्च तरसा पातयन् बलात्। पर्यस्यन् गिरिकूटानि द्रुमानन्यांश्च वेगितः॥ 31.14 ॥

sālatālāśvakarṇāṃśca tarasā pātayan balāt| paryasyan girikūṭāni drumānanyāṃśca vegitaḥ|| 31.14 ||

In his headlong speed he tore down sala, tala, and ashvakarna trees by sheer force, uprooting mountain-crests and other trees in his path.

Shloka 15 (kishkindha.31.15)

शिलाश्च शकलीकुर्वन् पद्भ्यां गज इवाशुगः। दूरमेकपदं त्यक्त्वा ययौ कार्यवशाद् द्रुतम्॥ 31.15 ॥

śilāśca śakalīkurvan pad‍bhyāṃ gaja ivāśugaḥ| dūramekapadaṃ tyaktvā yayau kāryavaśād drutam|| 31.15 ||

Shattering boulders underfoot, striding in great single steps like a swift-moving elephant, he pressed on rapidly, driven by the urgency of his mission.

Shloka 16 (kishkindha.31.16)

तामपश्यद् बलाकीर्णां हरिराजमहापुरीम्। दुर्गामिक्ष्वाकुशार्दूलः किष्किन्धां गिरिसंकटे॥ 31.16 ॥

tāmapaśyad balākīrṇāṃ harirājamahāpurīm| durgāmikṣvākuśārdūlaḥ kiṣkindhāṃ girisaṃkaṭe|| 31.16 ||

There, amid the mountain defile, the tiger of the Ikshvaku line beheld Kishkindha — that impregnable, magnificent capital of the monkey king, teeming with his army.

Shloka 17 (kishkindha.31.17)

रोषात् प्रस्फुरमाणोष्ठः सुग्रीवं प्रति लक्ष्मणः। ददर्श वानरान् भीमान् किष्किन्धायां बहिश्चरान्॥ 31.17 ॥

roṣāt prasphuramāṇoṣṭhaḥ sugrīvaṃ prati lakṣmaṇaḥ| dadarśa vānarān bhīmān kiṣkindhāyāṃ bahiścarān|| 31.17 ||

His lips quivering with rage against Sugriva, Lakshmana caught sight of the fearsome monkeys roaming about the outskirts of Kishkindha.

Shloka 18 (kishkindha.31.18)

तं दृष्ट्वा वानराः सर्वे लक्ष्मणं पुरुषर्षभम्। शैलशृङ्गाणि शतशः प्रवृद्धांश्च महीरुहान्। जगृहुः कुञ्जरप्रख्या वानराः पर्वतान्तरे॥ 31.18 ॥

taṃ dṛṣṭvā vānarāḥ sarve lakṣmaṇaṃ puruṣarṣabham| śailaśṛṅgāṇi śataśaḥ pravṛddhāṃśca mahīruhān| jagṛhuḥ kuñjaraprakhyā vānarāḥ parvatāntare|| 31.18 ||

At the sight of Lakshmana, foremost of men, all those elephantine monkeys dwelling among the mountain caves snatched up hundreds of mountain-crests and towering trees.

Shloka 19 (kishkindha.31.19)

तान् गृहीतप्रहरणान् सर्वान् दृष्ट्वा तु लक्ष्मणः। बभूव द्विगुणं क्रुद्धो बह्विन्धन इवानलः॥ 31.19 ॥

tān gṛhītapraharaṇān sarvān dṛṣṭvā tu lakṣmaṇaḥ| babhūva dviguṇaṃ kruddho bahvindhana ivānalaḥ|| 31.19 ||

Seeing them all seize such weapons, Lakshmana's fury doubled, like a fire fed with fresh fuel.

Shloka 20 (kishkindha.31.20)

तं ते भयपरीताङ्गा क्षुब्धं दृष्ट्वा प्लवंगमाः। कालमृत्युयुगान्ताभं शतशो विद्रुता दिशः॥ 31.20 ॥

taṃ te bhayaparītāṅgā kṣubdhaṃ dṛṣṭvā plavaṃgamāḥ| kālamṛtyuyugāntābhaṃ śataśo vidrutā diśaḥ|| 31.20 ||

Seeing him so enraged, terrible as death itself, as the fire that ends an age, those monkeys, their bodies seized with terror, scattered by the hundreds in every direction.

Shloka 21 (kishkindha.31.21)

ततः सुग्रीवभवनं प्रविश्य हरिपुंगवाः। क्रोधमागमनं चैव लक्ष्मणस्य न्यवेदयन्॥ 31.21 ॥

tataḥ sugrīvabhavanaṃ praviśya haripuṃgavāḥ| krodhamāgamanaṃ caiva lakṣmaṇasya nyavedayan|| 31.21 ||

Then some of the finest monkeys went into Sugriva's palace and reported to him both the arrival of Lakshmana and his fury.

Shloka 22 (kishkindha.31.22)

तारया सहितः कामी सक्तः कपिवृषस्तदा। न तेषां कपिसिंहानां शुश्राव वचनं तदा॥ 31.22 ॥

tārayā sahitaḥ kāmī saktaḥ kapivṛṣastadā| na teṣāṃ kapisiṃhānāṃ śuśrāva vacanaṃ tadā|| 31.22 ||

But at that hour Sugriva, foremost of monkeys, absorbed in pleasure and lost in Tara's company, paid no heed at all to what those lion-like monkeys said.

Shloka 23 (kishkindha.31.23)

ततः सचिवसंदिष्टा हरयो रोमहर्षणाः। गिरिकुञ्जरमेघाभा नगरान्निर्ययुस्तदा॥ 31.23 ॥

tataḥ sacivasaṃdiṣṭā harayo romaharṣaṇāḥ| girikuñjarameghābhā nagarānniryayustadā|| 31.23 ||

Then, at the ministers' bidding, those hair-raising monkeys — huge as mountains, elephants, and storm-clouds — went out from the city.

Shloka 24 (kishkindha.31.24)

नखदंष्ट्रायुधाः सर्वे वीरा विकृतदर्शनाः। सर्वे शार्दूलदर्पाश्च सर्वे च विकृताननाः॥ 31.24 ॥

nakhadaṃṣṭrāyudhāḥ sarve vīrā vikṛtadarśanāḥ| sarve śārdūladarpāśca sarve ca vikṛtānanāḥ|| 31.24 ||

All those warriors, armed only with fang and claw, were dreadful to look upon — every one of them carrying a tiger's pride, every one with a fearsome, contorted face.

Shloka 25 (kishkindha.31.25)

दशनागबलाः केचित् केचिद् दशगुणोत्तराः। केचिन्नागसहस्रस्य बभूवुस्तुल्यवर्चसः॥ 31.25 ॥

daśanāgabalāḥ kecit kecid daśaguṇottarāḥ| kecinnāgasahasrasya babhūvustulyavarcasaḥ|| 31.25 ||

Some among them had the strength of ten elephants, some ten times that, and some equalled the might of a thousand elephants.

Shloka 26 (kishkindha.31.26)

ततस्तैः कपिभिर्व्याप्तां द्रुमहस्तैर्महाबलैः। अपश्यल्लक्ष्मणः क्रुद्धः किष्किन्धां तां दुरासदाम्॥ 31.26 ॥

tatastaiḥ kapibhirvyāptāṃ drumahastairmahābalaiḥ| apaśyallakṣmaṇaḥ kruddhaḥ kiṣkindhāṃ tāṃ durāsadām|| 31.26 ||

Then the enraged Lakshmana saw how Kishkindha, that formidable city, had been made impassable, crowded with those mighty monkeys brandishing trees in their hands.

Shloka 27 (kishkindha.31.27)

ततस्ते हरयः सर्वे प्राकारपरिखान्तरात्। निष्क्रम्योदग्रसत्त्वास्तु तस्थुराविष्कृतं तदा॥ 31.27 ॥

tataste harayaḥ sarve prākāraparikhāntarāt| niṣkramyodagrasattvāstu tasthurāviṣkṛtaṃ tadā|| 31.27 ||

Then all those monkeys, their spirits high, came out from within the city's rampart and moat, and stood openly arrayed before him.

Shloka 28 (kishkindha.31.28)

सुग्रीवस्य प्रमादं च पूर्वजस्यार्थमात्मवान्। दृष्ट्वा क्रोधवशं वीरः पुनरेव जगाम सः॥ 31.28 ॥

sugrīvasya pramādaṃ ca pūrvajasyārthamātmavān| dṛṣṭvā krodhavaśaṃ vīraḥ punareva jagāma saḥ|| 31.28 ||

Recalling Sugriva's negligence and his own elder brother's purpose, the wise and valiant Lakshmana, at the sight of them, again gave way to anger.

Shloka 29 (kishkindha.31.29)

स दीर्घोष्णमहोच्छ्वासः कोपसंरक्तलोचनः। बभूव नरशार्दूलः सधूम इव पावकः॥ 31.29 ॥

sa dīrghoṣṇamahocchvāsaḥ kopasaṃraktalocanaḥ| babhūva naraśārdūlaḥ sadhūma iva pāvakaḥ|| 31.29 ||

Breathing long, hot, heaving breaths, his eyes reddened with fury, that tiger among men seemed like a smoldering fire wreathed in smoke.

Shloka 30 (kishkindha.31.30)

बाणशल्यस्फुरज्जिह्वः सायकासनभोगवान्। स्वतेजोविषसम्भूतः पञ्चास्य इव पन्नगः॥ 31.30 ॥

bāṇaśalyasphurajjihvaḥ sāyakāsanabhogavān| svatejoviṣasambhūtaḥ pañcāsya iva pannagaḥ|| 31.30 ||

With his arrowheads like darting tongues, his bow curved like a serpent's hood, and his own blazing fury swelling like venom, he seemed a five-headed serpent.

Shloka 31 (kishkindha.31.31)

तं दीप्तमिव कालाग्निं नागेन्द्रमिव कोपितम्। समासाद्याङ्गदस्त्रासाद् विषादमगमत् परम्॥ 31.31 ॥

taṃ dīptamiva kālāgniṃ nāgendramiva kopitam| samāsādyāṅgadastrāsād viṣādamagamat param|| 31.31 ||

Approaching him — blazing like the fire of doomsday, terrible as an enraged king of serpents — Angada was overcome with deep dismay born of fear.

Shloka 32 (kishkindha.31.32)

सोऽङ्गदं रोषताम्राक्षः संदिदेश महायशाः। सुग्रीवः कथ्यतां वत्स ममागमनमित्युत॥ 31.32 ॥

so'ṅgadaṃ roṣatāmrākṣaḥ saṃdideśa mahāyaśāḥ| sugrīvaḥ kathyatāṃ vatsa mamāgamanamityuta|| 31.32 ||

Then that greatly renowned Lakshmana, his eyes red with anger, said to Angada, "Go, my child, and tell Sugriva of my arrival."

Shloka 33 (kishkindha.31.33)

एष रामानुजः प्राप्तस्त्वत्सकाशमरिंदम। भ्रातुर्व्यसनसंतप्तो द्वारि तिष्ठति लक्ष्मणः॥ 31.33 ॥

eṣa rāmānujaḥ prāptastvatsakāśamariṃdama| bhrāturvyasanasaṃtapto dvāri tiṣṭhati lakṣmaṇaḥ|| 31.33 ||

"'O destroyer of foes, know that this Lakshmana, Rama's brother, has come to your presence, tormented by his brother's suffering, and stands waiting at your door.'

Shloka 34 (kishkindha.31.34)

तस्य वाक्यं यदि रुचिः क्रियतां साधु वानर। इत्युक्त्वा शीघ्रमागच्छ वत्स वाक्यमरिंदम॥ 31.34 ॥

tasya vākyaṃ yadi ruciḥ kriyatāṃ sādhu vānara| ityuktvā śīghramāgaccha vatsa vākyamariṃdama|| 31.34 ||

'If it please you, O foremost of monkeys, hear his words with due regard' — having said this, my child, come back to me quickly." Thus Lakshmana instructed Angada.

Shloka 35 (kishkindha.31.35)

लक्ष्मणस्य वचः श्रुत्वा शोकाविष्टोऽङ्गदोऽब्रवीत्। पितुः समीपमागम्य सौमित्रिरयमागतः॥ 31.35 ॥

lakṣmaṇasya vacaḥ śrutvā śokāviṣṭo'ṅgado'bravīt| pituḥ samīpamāgamya saumitrirayamāgataḥ|| 31.35 ||

Hearing Lakshmana's words, Angada, overcome with grief, went to his father and said, "Saumitri Lakshmana has come."

Shloka 36 (kishkindha.31.36)

अथाङ्गदस्तस्य सुतीव्रवाचा सम्भ्रान्तभावः परिदीनवक्त्रः। निर्गत्य पूर्वं नृपतेस्तरस्वी ततो रुमायाश्चरणौ ववन्दे॥ 31.36 ॥

athāṅgadastasya sutīvravācā sambhrāntabhāvaḥ paridīnavaktraḥ| nirgatya pūrvaṃ nṛpatestarasvī tato rumāyāścaraṇau vavande|| 31.36 ||

Bewildered and downcast at Lakshmana's harsh words, the valiant Angada went out and bowed first at the feet of the king, his father, and then at the feet of Ruma.

Shloka 37 (kishkindha.31.37)

संगृह्य पादौ पितुरुग्रतेजा जग्राह मातुः पुनरेव पादौ। पादौ रुमायाश्च निपीडयित्वा निवेदयामास ततस्तदर्थम्॥ 31.37 ॥

saṃgṛhya pādau piturugratejā jagrāha mātuḥ punareva pādau| pādau rumāyāśca nipīḍayitvā nivedayāmāsa tatastadartham|| 31.37 ||

The fiery Angada clasped his father's feet, then his mother Tara's feet, and pressed Ruma's feet as well, and only then did he tell them the reason — Lakshmana's message.

Shloka 38 (kishkindha.31.38)

स निद्राक्लान्तसंवीतो वानरो न विबुद्धवान्। बभूव मदमत्तश्च मदनेन च मोहितः॥ 31.38 ॥

sa nidrāklāntasaṃvīto vānaro na vibuddhavān| babhūva madamattaśca madanena ca mohitaḥ|| 31.38 ||

But Sugriva, wrapped in drowsy stupor, could not fully grasp it — for he was besotted with drink and bewildered still by passion.

Shloka 39 (kishkindha.31.39)

ततः किलकिलां चक्रुर्लक्ष्मणं प्रेक्ष्य वानराः। प्रसादयन्तस्तं क्रुद्धं भयमोहितचेतसः॥ 31.39 ॥

tataḥ kilakilāṃ cakrurlakṣmaṇaṃ prekṣya vānarāḥ| prasādayantastaṃ kruddhaṃ bhayamohitacetasaḥ|| 31.39 ||

Then, at the sight of the enraged Lakshmana, the monkeys, their hearts numbed with fear, set up a chattering din, trying to appease him.

Shloka 40 (kishkindha.31.40)

ते महौघनिभं दृष्ट्वा वज्राशनिसमस्वनम्। सिंहनादं समं चक्रुर्लक्ष्मणस्य समीपतः॥ 31.40 ॥

te mahaughanibhaṃ dṛṣṭvā vajrāśanisamasvanam| siṃhanādaṃ samaṃ cakrurlakṣmaṇasya samīpataḥ|| 31.40 ||

Seeing him like a raging flood, like the crash of a thunderbolt, they all at once raised a lion's roar there beside Lakshmana.

Shloka 41 (kishkindha.31.41)

तेन शब्देन महता प्रत्यबुध्यत वानरः। मदविह्वलताम्राक्षो व्याकुलः स्रग्विभूषणः॥ 31.41 ॥

tena śabdena mahatā pratyabudhyata vānaraḥ| madavihvalatāmrākṣo vyākulaḥ sragvibhūṣaṇaḥ|| 31.41 ||

That great uproar finally woke Sugriva, but his coppery eyes were still dazed with intoxication, and his garlands and ornaments hung in disarray.

Shloka 42 (kishkindha.31.42)

अथाङ्गदवचः श्रुत्वा तेनैव च समागतौ। मन्त्रिणौ वानरेन्द्रस्य सम्मतोदारदर्शनौ॥ 31.42 ॥

athāṅgadavacaḥ śrutvā tenaiva ca samāgatau| mantriṇau vānarendrasya sammatodāradarśanau|| 31.42 ||

On hearing Angada's report, two of the monkey-king's ministers — respected and large-hearted in outlook — came along with him.

Shloka 43 (kishkindha.31.43)

प्लक्षश्चैव प्रभावश्च मन्त्रिणावर्थधर्मयोः। वक्तुमुच्चावचं प्राप्तं लक्ष्मणं तौ शशंसतुः॥ 31.43 ॥

plakṣaścaiva prabhāvaśca mantriṇāvarthadharmayoḥ| vaktumuccāvacaṃ prāptaṃ lakṣmaṇaṃ tau śaśaṃsatuḥ|| 31.43 ||

These two ministers, Plaksha and Prabhava, well-versed in matters of policy and righteousness, informed Sugriva that Lakshmana had come to speak with him on various urgent affairs.

Shloka 44 (kishkindha.31.44)

प्रसादयित्वा सुग्रीवं वचनैः सार्थनिश्चितैः। आसीनं पर्युपासीनौ यथा शक्रं मरुत्पतिम्॥ 31.44 ॥

prasādayitvā sugrīvaṃ vacanaiḥ sārthaniścitaiḥ| āsīnaṃ paryupāsīnau yathā śakraṃ marutpatim|| 31.44 ||

Seated close beside Sugriva, as attendants sit beside Indra, lord of the winds, those two ministers began, with meaningful and carefully chosen words, to set his mind at ease.

Shloka 45 (kishkindha.31.45)

सत्यसंधौ महाभागौ भ्रातरौ रामलक्ष्मणौ। वयस्यभावं सम्प्राप्तौ राज्यार्हौ राज्यदायिनौ॥ 31.45 ॥

satyasaṃdhau mahābhāgau bhrātarau rāmalakṣmaṇau| vayasyabhāvaṃ samprāptau rājyārhau rājyadāyinau|| 31.45 ||

"Those brothers Rama and Lakshmana, ever true to their word and greatly blessed, though themselves worthy of a kingdom, chose instead to bestow one upon you, and have become your true friends.

Shloka 46 (kishkindha.31.46)

तयोरेको धनुष्पाणिर्द्वारि तिष्ठति लक्ष्मणः। यस्य भीताः प्रवेपन्तो नादान् मुञ्चन्ति वानराः॥ 31.46 ॥

tayoreko dhanuṣpāṇirdvāri tiṣṭhati lakṣmaṇaḥ| yasya bhītāḥ pravepanto nādān muñcanti vānarāḥ|| 31.46 ||

One of the two, Lakshmana, bow in hand, stands at the gate — the very one whose presence has set the monkeys trembling and crying out in fear.

Shloka 47 (kishkindha.31.47)

स एष राघवभ्राता लक्ष्मणो वाक्यसारथिः। व्यवसायरथः प्राप्तस्तस्य रामस्य शासनात्॥ 31.47 ॥

sa eṣa rāghavabhrātā lakṣmaṇo vākyasārathiḥ| vyavasāyarathaḥ prāptastasya rāmasya śāsanāt|| 31.47 ||

This Lakshmana, Raghava's brother, has come here at Rama's command, as though riding a chariot called Resolve, with the word of Rama himself as his charioteer.

Shloka 48 (kishkindha.31.48)

अयं च तनयो राजंस्ताराया दयितोऽङ्गदः। लक्ष्मणेन सकाशं ते प्रेषितस्त्वरयानघ॥ 31.48 ॥

ayaṃ ca tanayo rājaṃstārāyā dayito'ṅgadaḥ| lakṣmaṇena sakāśaṃ te preṣitastvarayānagha|| 31.48 ||

And this Angada, O blameless king, Tara's beloved son, has been sent to you in haste by Lakshmana himself.

Shloka 49 (kishkindha.31.49)

सोऽयं रोषपरीताक्षो द्वारि तिष्ठति वीर्यवान्। वानरान् वानरपते चक्षुषा निर्दहन्निव॥ 31.49 ॥

so'yaṃ roṣaparītākṣo dvāri tiṣṭhati vīryavān| vānarān vānarapate cakṣuṣā nirdahanniva|| 31.49 ||

O king of monkeys, that mighty Lakshmana stands there at the gate, his eyes ringed with fury, as though he would burn the very monkeys to ash with his gaze alone.

Shloka 50 (kishkindha.31.50)

तस्य मूर्ध्ना प्रणामं त्वं सपुत्रः सहबान्धवः। गच्छ शीघ्रं महाराज रोषो ह्यद्योपशाम्यताम्॥ 31.50 ॥

tasya mūrdhnā praṇāmaṃ tvaṃ saputraḥ sahabāndhavaḥ| gaccha śīghraṃ mahārāja roṣo hyadyopaśāmyatām|| 31.50 ||

O great king, go at once with your son and kinsmen and bow your head before him in reverence, so that his anger may this very day be set at rest.

Shloka 51 (kishkindha.31.51)

यथाह रामो धर्मात्मा तत्कुरुष्व समाहितः। राजंस्तिष्ठ स्वसमये भव सत्यप्रतिश्रवः॥ 31.51 ॥

yathāha rāmo dharmātmā tatkuruṣva samāhitaḥ| rājaṃstiṣṭha svasamaye bhava satyapratiśravaḥ|| 31.51 ||

"Whatever the righteous Rama says, carry it out with full attention; O king, hold to your own pact, and prove true to your given word." Thus the ministers counselled Sugriva.