Lakshmana's Fury and Tara's Appeasement

Shloka 1 (kishkindha.33.1)

अथ प्रतिसमादिष्टो लक्ष्मणः परवीरहा। प्रविवेश गुहां रम्यां किष्किन्धां रामशासनात्॥ 33.1 ॥

atha pratisamādiṣṭo lakṣmaṇaḥ paravīrahā| praviveśa guhāṃ ramyāṃ kiṣkindhāṃ rāmaśāsanāt|| 33.1 ||

Then, invited within, Lakshmana, destroyer of enemy heroes, entered that delightful cave-city of Kishkindha at Rama's command.

Shloka 2 (kishkindha.33.2)

द्वारस्था हरयस्तत्र महाकाया महाबलाः। बभूवुर्लक्ष्मणं दृष्ट्वा सर्वे प्राञ्जलयः स्थिताः॥ 33.2 ॥

dvārasthā harayastatra mahākāyā mahābalāḥ| babhūvurlakṣmaṇaṃ dṛṣṭvā sarve prāñjalayaḥ sthitāḥ|| 33.2 ||

The huge and mighty monkeys standing at the gateway, on seeing Lakshmana, all drew back with joined palms.

Shloka 3 (kishkindha.33.3)

निःश्वसन्तं तु तं दृष्ट्वा क्रुद्धं दशरथात्मजम्। बभूवुर्हरयस्त्रस्ता न चैनं पर्यवारयन्॥ 33.3 ॥

niḥśvasantaṃ tu taṃ dṛṣṭvā kruddhaṃ daśarathātmajam| babhūvurharayastrastā na cainaṃ paryavārayan|| 33.3 ||

Seeing Dasharatha's son breathing hard in fury, the monkeys grew frightened and did not even venture close to him.

Shloka 4 (kishkindha.33.4)

स तां रत्नमयीं दिव्यां श्रीमान् पुष्पितकाननाम्। रम्यां रत्नसमाकीर्णां ददर्श महतीं गुहाम्॥ 33.4 ॥

sa tāṃ ratnamayīṃ divyāṃ śrīmān puṣpitakānanām| ramyāṃ ratnasamākīrṇāṃ dadarśa mahatīṃ guhām|| 33.4 ||

The glorious Lakshmana beheld that vast cavern-city, resplendent, studded with jewels, its groves in bloom, delightful and richly strewn with gems.

Shloka 5 (kishkindha.33.5)

हर्म्यप्रासादसम्बाधां नानारत्नोपशोभिताम्। सर्वकामफलैर्वृक्षैः पुष्पितैरुपशोभिताम्॥ 33.5 ॥

harmyaprāsādasambādhāṃ nānāratnopaśobhitām| sarvakāmaphalairvṛkṣaiḥ puṣpitairupaśobhitām|| 33.5 ||

It was crowded with mansions and towering palaces, adorned with every kind of jewel, and further beautified by blossoming trees bearing fruit to satisfy every desire.

Shloka 6 (kishkindha.33.6)

देवगन्धर्वपुत्रैश्च वानरैः कामरूपिभिः। दिव्यमाल्याम्बरधरैः शोभितां प्रियदर्शनैः॥ 33.6 ॥

devagandharvaputraiśca vānaraiḥ kāmarūpibhiḥ| divyamālyāmbaradharaiḥ śobhitāṃ priyadarśanaiḥ|| 33.6 ||

The city was graced by monkeys, sons as it were of gods and gandharvas, able to change form at will, clad in celestial garlands and robes, lovely to behold.

Shloka 7 (kishkindha.33.7)

चन्दनागुरुपद्मानां गन्धैः सुरभिगन्धिताम्। मैरेयाणां मधूनां च सम्मोदितमहापथाम्॥ 33.7 ॥

candanāgurupadmānāṃ gandhaiḥ surabhigandhitām| maireyāṇāṃ madhūnāṃ ca sammoditamahāpathām|| 33.7 ||

It was fragrant with the scents of sandalwood, agarwood, and lotus, and its great avenues were made merry with the bouquet of fruit-wines and mead.

Shloka 8 (kishkindha.33.8)

विन्ध्यमेरुगिरिप्रख्यैः प्रासादैर्नैकभूमिभिः। ददर्श गिरिनद्यश्च विमलास्तत्र राघवः॥ 33.8 ॥

vindhyamerugiriprakhyaiḥ prāsādairnaikabhūmibhiḥ| dadarśa girinadyaśca vimalāstatra rāghavaḥ|| 33.8 ||

There the Raghava prince saw many-storeyed mansions rising like Mount Vindhya and Mount Meru, and clear mountain streams flowing through the city.

Shloka 9 (kishkindha.33.9)

अङ्गदस्य गृहं रम्यं मैन्दस्य द्विविदस्य च। गवयस्य गवाक्षस्य गजस्य शरभस्य च॥ 33.9 ॥

aṅgadasya gṛhaṃ ramyaṃ maindasya dvividasya ca| gavayasya gavākṣasya gajasya śarabhasya ca|| 33.9 ||

He saw the exquisite mansion of Angada, and also those of Mainda, Dvivida, Gavaya, Gavaksha, Gaja, and Sharabha.

Shloka 10 (kishkindha.33.10)

विद्युन्मालेश्च सम्पातेः सूर्याक्षस्य हनूमतः। वीरबाहोः सुबाहोश्च नलस्य च महात्मनः॥ 33.10 ॥

vidyunmāleśca sampāteḥ sūryākṣasya hanūmataḥ| vīrabāhoḥ subāhośca nalasya ca mahātmanaḥ|| 33.10 ||

He saw too the mansions of Vidyunmali, Sampati, Suryaksha, and Hanuman, and those of Virabahu, Subahu, and the noble Nala.

Shloka 11 (kishkindha.33.11)

कुमुदस्य सुषेणस्य तारजाम्बवतोस्तथा। दधिवक्त्रस्य नीलस्य सुपाटलसुनेत्रयोः॥ 33.11 ॥

kumudasya suṣeṇasya tārajāmbavatostathā| dadhivaktrasya nīlasya supāṭalasunetrayoḥ|| 33.11 ||

Likewise the mansions of Kumuda, Sushena, Tara, and Jambavan, and of Dadhivaktra, Nila, Supatala, and Sunetra.

Shloka 12 (kishkindha.33.12)

एतेषां कपिमुख्यानां राजमार्गे महात्मनाम्। ददर्श गृहमुख्यानि महासाराणि लक्ष्मणः॥ 33.12 ॥

eteṣāṃ kapimukhyānāṃ rājamārge mahātmanām| dadarśa gṛhamukhyāni mahāsārāṇi lakṣmaṇaḥ|| 33.12 ||

Thus, along the royal highway, Lakshmana beheld the magnificent, richly-appointed mansions of these great monkey chieftains.

Shloka 13 (kishkindha.33.13)

पाण्डुराभ्रप्रकाशानि गन्धमाल्ययुतानि च। प्रभूतधनधान्यानि स्त्रीरत्नैः शोभितानि च॥ 33.13 ॥

pāṇḍurābhraprakāśāni gandhamālyayutāni ca| prabhūtadhanadhānyāni strīratnaiḥ śobhitāni ca|| 33.13 ||

Those mansions gleamed like pale clouds, hung with fragrant garlands, brimming with wealth and grain, and graced by jewel-like women.

Shloka 14 (kishkindha.33.14)

पाण्डुरेण तु शैलेन परिक्षिप्तं दुरासदम्। वानरेन्द्रगृहं रम्यं महेन्द्रसदनोपमम्॥ 33.14 ॥

pāṇḍureṇa tu śailena parikṣiptaṃ durāsadam| vānarendragṛhaṃ ramyaṃ mahendrasadanopamam|| 33.14 ||

The delightful palace of the monkey king, comparable to Indra's own abode, stood ringed by a pale mountain and was hard indeed to approach.

Shloka 15 (kishkindha.33.15)

शुक्लैः प्रासादशिखरैः कैलासशिखरोपमैः। सर्वकामफलैर्वृक्षैः पुष्पितैरुपशोभितम्॥ 33.15 ॥

śuklaiḥ prāsādaśikharaiḥ kailāsaśikharopamaiḥ| sarvakāmaphalairvṛkṣaiḥ puṣpitairupaśobhitam|| 33.15 ||

Its white spires resembled the peaks of Kailasa, and it was adorned with flowering trees that bore fruit to fulfill every wish.

Shloka 16 (kishkindha.33.16)

महेन्द्रदत्तैः श्रीमद्भिर्नीलजीमूतसंनिभैः। दिव्यपुष्पफलैर्वृक्षैः शीतच्छायैर्मनोरमैः॥ 33.16 ॥

mahendradattaiḥ śrīmadbhirnīlajīmūtasaṃnibhaiḥ| divyapuṣpaphalairvṛkṣaiḥ śītacchāyairmanoramaiḥ|| 33.16 ||

There too stood trees, gifts of Indra, splendid and dark as rain-clouds, bearing celestial flowers and fruit, casting cool and delightful shade.

Shloka 17 (kishkindha.33.17)

हरिभिः संवृतद्वारं बलिभिः शस्त्रपाणिभिः। दिव्यमाल्यावृतं शुभ्रं तप्तकाञ्चनतोरणम्॥ 33.17 ॥

haribhiḥ saṃvṛtadvāraṃ balibhiḥ śastrapāṇibhiḥ| divyamālyāvṛtaṃ śubhraṃ taptakāñcanatoraṇam|| 33.17 ||

Its gates were guarded by mighty, weapon-bearing monkeys; it was hung with celestial garlands, its resplendent archway wrought of refined gold.

Shloka 18 (kishkindha.33.18)

सुग्रीवस्य गृहं रम्यं प्रविवेश महाबलः। अवार्यमाणः सौमित्रिर्महाभ्रमिव भास्करः॥ 33.18 ॥

sugrīvasya gṛhaṃ ramyaṃ praviveśa mahābalaḥ| avāryamāṇaḥ saumitrirmahābhramiva bhāskaraḥ|| 33.18 ||

The mighty Saumitri entered Sugriva's beautiful palace without hindrance, as the sun enters a great cloud.

Shloka 19 (kishkindha.33.19)

स सप्त कक्ष्या धर्मात्मा यानासनसमावृताः। ददर्श सुमहद्गुप्तं ददर्शान्तःपुरं महत्॥ 33.19 ॥

sa sapta kakṣyā dharmātmā yānāsanasamāvṛtāḥ| dadarśa sumahada‍guptaṃ dadarśāntaḥpuraṃ mahat|| 33.19 ||

That righteous prince, passing through seven successive courtyards lined with palanquins and seats, came upon the vast and closely-guarded inner apartments.

Shloka 20 (kishkindha.33.20)

हैमराजतपर्यङ्कैर्बहुभिश्च वरासनैः। महार्हास्तरणोपेतैस्तत्र तत्र समावृतम्॥ 33.20 ॥

haimarājataparyaṅkairbahubhiśca varāsanaiḥ| mahārhāstaraṇopetaistatra tatra samāvṛtam|| 33.20 ||

It was filled, here and there, with countless couches of gold and silver and fine seats, all spread with priceless coverings.

Shloka 21 (kishkindha.33.21)

प्रविशन्नेव सततं शुश्राव मधुरस्वनम्। तन्त्रीगीतसमाकीर्णं समतालपदाक्षरम्॥ 33.21 ॥

praviśanneva satataṃ śuśrāva madhurasvanam| tantrīgītasamākīrṇaṃ samatālapadākṣaram|| 33.21 ||

The moment he stepped in, he heard, unbroken, a sweet music mingling song with the strains of stringed instruments, its rhythm, words, and notes all in perfect measure.

Shloka 22 (kishkindha.33.22)

बह्वीश्च विविधाकारा रूपयौवनगर्विताः। स्त्रियः सुग्रीवभवने ददर्श स महाबलः॥ 33.22 ॥

bahvīśca vividhākārā rūpayauvanagarvitāḥ| striyaḥ sugrīvabhavane dadarśa sa mahābalaḥ|| 33.22 ||

The mighty Lakshmana saw in Sugriva's palace many women of varied and striking form, each taking pride in her beauty and youth.

Shloka 23 (kishkindha.33.23)

दृष्ट्वाभिजनसम्पन्नास्तत्र माल्यकृतस्रजः। वरमाल्यकृतव्यग्रा भूषणोत्तमभूषिताः॥ 33.23 ॥

dṛṣṭvābhijanasampannāstatra mālyakṛtasrajaḥ| varamālyakṛtavyagrā bhūṣaṇottamabhūṣitāḥ|| 33.23 ||

He saw women there of noble birth, weaving lovely garlands, absorbed in fashioning fine floral chains, adorned with the finest jewellery.

Shloka 24 (kishkindha.33.24)

नातृप्तान् नाति चाव्यग्रान् नानुदात्तपरिच्छदान्। सुग्रीवानुचरांश्चापि लक्षयामास लक्ष्मणः॥ 33.24 ॥

nātṛptān nāti cāvyagrān nānudāttaparicchadān| sugrīvānucarāṃścāpi lakṣayāmāsa lakṣmaṇaḥ|| 33.24 ||

Lakshmana also took note that Sugriva's attendant women were, one and all, at ease, untroubled, and richly attired.

Shloka 25 (kishkindha.33.25)

कूजितं नूपुराणां च काञ्चीनां निःस्वनं तथा। स निशम्य ततः श्रीमान् सौमित्रिर्लज्जितोऽभवत्॥ 33.25 ॥

kūjitaṃ nūpurāṇāṃ ca kāñcīnāṃ niḥsvanaṃ tathā| sa niśamya tataḥ śrīmān saumitrirlajjito'bhavat|| 33.25 ||

Then, hearing the tinkling of anklets and the chiming of golden girdles, the resplendent Saumitri grew abashed.

Shloka 26 (kishkindha.33.26)

रोषवेगप्रकुपितः श्रुत्वा चाभरणस्वनम्। चकार ज्यास्वनं वीरो दिशः शब्देन पूरयन्॥ 33.26 ॥

roṣavegaprakupitaḥ śrutvā cābharaṇasvanam| cakāra jyāsvanaṃ vīro diśaḥ śabdena pūrayan|| 33.26 ||

On hearing the jingle of ornaments, the valiant Lakshmana, seized anew by sudden fury, twanged his bowstring, filling every quarter with its sound.

Shloka 27 (kishkindha.33.27)

चारित्रेण महाबाहुरपकृष्टः स लक्ष्मणः। तस्थावेकान्तमाश्रित्य रामकोपसमन्वितः॥ 33.27 ॥

cāritreṇa mahābāhurapakṛṣṭaḥ sa lakṣmaṇaḥ| tasthāvekāntamāśritya rāmakopasamanvitaḥ|| 33.27 ||

Restrained by his own decency, the mighty-armed Lakshmana drew back and stood apart in solitude, still carrying Rama's anguish within his heart.

Shloka 28 (kishkindha.33.28)

तेन चापस्वनेनाथ सुग्रीवः प्लवगाधिपः। विज्ञायागमनं त्रस्तः स चचाल वरासनात्॥ 33.28 ॥

tena cāpasvanenātha sugrīvaḥ plavagādhipaḥ| vijñāyāgamanaṃ trastaḥ sa cacāla varāsanāt|| 33.28 ||

By that twang of the bowstring, Sugriva, king of monkeys, understood that Lakshmana had come, and startled, he sprang up at once from his splendid seat.

Shloka 29 (kishkindha.33.29)

अङ्गदेन यथा मह्यं पुरस्तात् प्रतिवेदितम्। सुव्यक्तमेष सम्प्राप्तः सौमित्रिर्भ्रातृवत्सलः॥ 33.29 ॥

aṅgadena yathā mahyaṃ purastāt prativeditam| suvyaktameṣa samprāptaḥ saumitrirbhrātṛvatsalaḥ|| 33.29 ||

"Just as Angada informed me earlier — it is now quite clear that Saumitri, so devoted to his brother, has indeed arrived.

Shloka 30 (kishkindha.33.30)

अङ्गदेन समाख्यातो ज्यास्वनेन च वानरः। बुबुधे लक्ष्मणं प्राप्तं मुखं चास्य व्यशुष्यत॥ 33.30 ॥

aṅgadena samākhyāto jyāsvanena ca vānaraḥ| bubudhe lakṣmaṇaṃ prāptaṃ mukhaṃ cāsya vyaśuṣyata|| 33.30 ||

Warned already by Angada, and now by the sound of the bowstring, the monkey king was certain that Lakshmana had come, and his face went dry with fear.

Shloka 31 (kishkindha.33.31)

ततस्तारां हरिश्रेष्ठः सुग्रीवः प्रियदर्शनाम्। उवाच हितमव्यग्रस्त्राससम्भ्रान्तमानसः॥ 33.31 ॥

tatastārāṃ hariśreṣṭhaḥ sugrīvaḥ priyadarśanām| uvāca hitamavyagrastrāsasambhrāntamānasaḥ|| 33.31 ||

Then Sugriva, chief of the monkeys, his heart bewildered with dismay yet outwardly composed, spoke this useful word to the lovely Tara.

Shloka 32 (kishkindha.33.32)

किं नु रुट्कारणं सुभ्रु प्रकृत्या मृदुमानसः। सरोष इव सम्प्राप्तो येनायं राघवानुजः॥ 33.32 ॥

kiṃ nu ruṭkāraṇaṃ subhru prakṛtyā mṛdumānasaḥ| saroṣa iva samprāpto yenāyaṃ rāghavānujaḥ|| 33.32 ||

"O fair-browed Tara, what could truly be the cause of his displeasure? This brother of Raghava is by nature so gentle-hearted, yet he has come here as if in real anger.

Shloka 33 (kishkindha.33.33)

किं पश्यसि कुमारस्य रोषस्थानमनिन्दिते। न खल्वकारणे कोपमाहरेन्नरपुङ्गवः॥ 33.33 ॥

kiṃ paśyasi kumārasya roṣasthānamanindite| na khalvakāraṇe kopamāharennarapuṅgavaḥ|| 33.33 ||

O flawless one, what do you suppose could be the ground for this young man's anger? Surely so fine a man would never take offence without cause.

Shloka 34 (kishkindha.33.34)

यद्यस्य कृतमस्माभिर्बुध्यसे किंचिदप्रियम्। तद्बुद्ध्या सम्प्रधार्याशु क्षिप्रमेवाभिधीयताम्॥ 33.34 ॥

yadyasya kṛtamasmābhirbudhyase kiṃcidapriyam| tada‍buda‍dhyā sampradhāryāśu kṣipramevābhidhīyatām|| 33.34 ||

If you sense that we have done anything, however small, to displease him, then determine it swiftly with your good judgment and tell me at once.

Shloka 35 (kishkindha.33.35)

अथवा स्वयमेवैनं द्रष्टुमर्हसि भामिनि। वचनैः सान्त्वयुक्तैश्च प्रसादयितुमर्हसि॥ 33.35 ॥

athavā svayamevainaṃ draṣṭumarhasi bhāmini| vacanaiḥ sāntvayuktaiśca prasādayitumarhasi|| 33.35 ||

Or better still, O lovely lady, go and see him yourself, and win him over with gentle, conciliatory words.

Shloka 36 (kishkindha.33.36)

त्वद्दर्शने विशुद्धात्मा न स्म कोपं करिष्यति। नहि स्त्रीषु महात्मानः क्वचित् कुर्वन्ति दारुणम्॥ 33.36 ॥

tvaddarśane viśuddhātmā na sma kopaṃ kariṣyati| nahi strīṣu mahātmānaḥ kvacit kurvanti dāruṇam|| 33.36 ||

The moment he sees you, that pure-hearted Lakshmana will surely let his anger subside, for noble souls never behave harshly toward women.

Shloka 37 (kishkindha.33.37)

त्वया सान्त्वैरुपक्रान्तं प्रसन्नेन्द्रियमानसम्। ततः कमलपत्राक्षं द्रक्ष्याम्यहमरिंदमम्॥ 33.37 ॥

tvayā sāntvairupakrāntaṃ prasannendriyamānasam| tataḥ kamalapatrākṣaṃ drakṣyāmyahamariṃdamam|| 33.37 ||

"Once your soothing words have set his heart and senses at peace, only then will I be able to face that lotus-eyed destroyer of foes." So Sugriva said to Tara.

Shloka 38 (kishkindha.33.38)

सा प्रस्खलन्ती मदविह्वलाक्षी प्रलम्बकाञ्चीगुणहेमसूत्रा। सलक्षणा लक्ष्मणसंनिधानं जगाम तारा नमिताङ्गयष्टिः॥ 33.38 ॥

sā praskhalantī madavihvalākṣī pralambakāñcīguṇahemasūtrā| salakṣaṇā lakṣmaṇasaṃnidhānaṃ jagāma tārā namitāṅgayaṣṭiḥ|| 33.38 ||

Graceful Tara, her steps unsteady and eyes swimming with the wine's effect, her golden girdle-strings swaying, her slender form gently bowed, made her way to where Lakshmana stood.

Shloka 39 (kishkindha.33.39)

स तां समीक्ष्यैव हरीशपत्नीं तस्थावुदासीनतया महात्मा। अवाङ्मुखोऽभून्मनुजेन्द्रपुत्रः स्त्रीसंनिकर्षाद् विनिवृत्तकोपः॥ 33.39 ॥

sa tāṃ samīkṣyaiva harīśapatnīṃ tasthāvudāsīnatayā mahātmā| avāṅmukho'bhūnmanujendraputraḥ strīsaṃnikarṣād vinivṛttakopaḥ|| 33.39 ||

The moment the noble prince saw the monkey-king's wife, he stood back with studied indifference; out of respect for her presence, his anger subsided, and he lowered his face.

Shloka 40 (kishkindha.33.40)

सा पानयोगाच्च निवृत्तलज्जा दृष्टिप्रसादाच्च नरेन्द्रसूनोः। उवाच तारा प्रणयप्रगल्भं वाक्यं महार्थं परिसान्त्वरूपम्॥ 33.40 ॥

sā pānayogācca nivṛttalajjā dṛṣṭiprasādācca narendrasūnoḥ| uvāca tārā praṇayapragalbhaṃ vākyaṃ mahārthaṃ parisāntvarūpam|| 33.40 ||

Emboldened both by the wine and by the gentle look in the prince's eyes, Tara, her shyness gone, spoke a weighty and wholly conciliatory speech, bold in its affection.

Shloka 41 (kishkindha.33.41)

किं कोपमूलं मनुजेन्द्रपुत्र कस्ते न संतिष्ठति वाङ्निदेशे। कः शुष्कवृक्षं वनमापतन्तं दावाग्निमासीदति निर्विशङ्कः॥ 33.41 ॥

kiṃ kopamūlaṃ manujendraputra kaste na saṃtiṣṭhati vāṅ‍‍nideśe| kaḥ śuṣkavṛkṣaṃ vanamāpatantaṃ dāvāgnimāsīdati nirviśaṅkaḥ|| 33.41 ||

"O prince, what is the root of your anger? Who fails to obey your word? And who, without a shadow of fear, would go near a wildfire falling upon a forest of dry timber?

Shloka 42 (kishkindha.33.42)

स तस्या वचनं श्रुत्वा सान्त्वपूर्वमशङ्कितः। भूयः प्रणयदृष्टार्थं लक्ष्मणो वाक्यमब्रवीत्॥ 33.42 ॥

sa tasyā vacanaṃ śrutvā sāntvapūrvamaśaṅkitaḥ| bhūyaḥ praṇayadṛṣṭārthaṃ lakṣmaṇo vākyamabravīt|| 33.42 ||

Hearing her words, gentle in tone and evidently born of goodwill, Lakshmana, his suspicion allayed, spoke once more.

Shloka 43 (kishkindha.33.43)

किमयं कामवृत्तस्ते लुप्तधर्मार्थसंग्रहः। भर्ता भर्तृहिते युक्ते न चैनमवबुध्यसे॥ 33.43 ॥

kimayaṃ kāmavṛttaste luptadharmārthasaṃgrahaḥ| bhartā bhartṛhite yukte na cainamavabudhyase|| 33.43 ||

"O you who are so devoted to your husband's welfare — is it that your husband is so given over to pleasure that he neglects rectitude and duty altogether, and you have not even noticed his lapse?

Shloka 44 (kishkindha.33.44)

न चिन्तयति राज्यार्थं सोऽस्मान् शोकपरायणान्। सामात्यपरिषत् तारे काममेवोपसेवते॥ 33.44 ॥

na cintayati rājyārthaṃ so'smān śokaparāyaṇān| sāmātyapariṣat tāre kāmamevopasevate|| 33.44 ||

He gives no thought, Tara, either to the interests of his kingdom or to us sunk in grief; he and his council of ministers are absorbed in nothing but pleasure.

Shloka 45 (kishkindha.33.45)

स मासांश्चतुरः कृत्वा प्रमाणं प्लवगेश्वरः। व्यतीतांस्तान् मदोदग्रो विहरन् नावबुध्यते॥ 33.45 ॥

sa māsāṃścaturaḥ kṛtvā pramāṇaṃ plavageśvaraḥ| vyatītāṃstān madodagro viharan nāvabudhyate|| 33.45 ||

That lord of monkeys fixed a term of four months, yet lost in his revels and his intoxication, he has not even noticed that the time has long since run out.

Shloka 46 (kishkindha.33.46)

नहि धर्मार्थसिद्ध्यर्थं पानमेवं प्रशस्यते। पानादर्थश्च कामश्च धर्मश्च परिहीयते॥ 33.46 ॥

nahi dharmārthasiddhyarthaṃ pānamevaṃ praśasyate| pānādarthaśca kāmaśca dharmaśca parihīyate|| 33.46 ||

Such drinking is never commended as a means to attain rectitude and prosperity; indeed, wealth, desire, and duty — all three — are ruined by drink.

Shloka 47 (kishkindha.33.47)

धर्मलोपो महांस्तावत् कृते ह्यप्रतिकुर्वतः। अर्थलोपश्च मित्रस्य नाशे गुणवतो महान्॥ 33.47 ॥

dharmalopo mahāṃstāvat kṛte hyapratikurvataḥ| arthalopaśca mitrasya nāśe guṇavato mahān|| 33.47 ||

For one who fails to repay a favour done to him, a grave loss to his own righteousness follows; and in losing so worthy a friend, a great loss to his own interests follows too.

Shloka 48 (kishkindha.33.48)

मित्रं ह्यर्थगुणश्रेष्ठं सत्यधर्मपरायणम्। तद्द्वयं तु परित्यक्तं न तु धर्मे व्यवस्थितम्॥ 33.48 ॥

mitraṃ hyarthaguṇaśreṣṭhaṃ satyadharmaparāyaṇam| tada‍dvayaṃ tu parityaktaṃ na tu dharme vyavasthitam|| 33.48 ||

A friend devoted to truth and righteousness is worth more than wealth or any other advantage — yet your husband has cast aside just such a friend, and he does not even stand by what is right.

Shloka 49 (kishkindha.33.49)

तदेवं प्रस्तुते कार्ये कार्यमस्माभिरुत्तरम्। तत् कार्यं कार्यतत्त्वज्ञे त्वमुदाहर्तुमर्हसि॥ 33.49 ॥

tadevaṃ prastute kārye kāryamasmābhiruttaram| tat kāryaṃ kāryatattvajñe tvamudāhartumarhasi|| 33.49 ||

"So, with our present task left thus unfinished, what remains for us to do next? You, who understand the heart of the matter, are the one fit to say." Thus Lakshmana spoke to Tara.

Shloka 50 (kishkindha.33.50)

सा तस्य धर्मार्थसमाधियुक्तं निशम्य वाक्यं मधुरस्वभावम्। तारा गतार्थे मनुजेन्द्रकार्ये विश्वासयुक्तं तमुवाच भूयः॥ 33.50 ॥

sā tasya dharmārthasamādhiyuktaṃ niśamya vākyaṃ madhurasvabhāvam| tārā gatārthe manujendrakārye viśvāsayuktaṃ tamuvāca bhūyaḥ|| 33.50 ||

Having heard those words — mellow in tone, yet weighted with both duty and purpose — Tara, aware that the prince's task had indeed been delayed, nonetheless spoke again to him with quiet confidence.

Shloka 51 (kishkindha.33.51)

न कोपकालः क्षितिपालपुत्र न चापि कोपः स्वजने विधेयः। त्वदर्थकामस्य जनस्य तस्य प्रमादमप्यर्हसि वीर सोढुम्॥ 33.51 ॥

na kopakālaḥ kṣitipālaputra na cāpi kopaḥ svajane vidheyaḥ| tvadarthakāmasya janasya tasya pramādamapyarhasi vīra soḍhum|| 33.51 ||

"O prince, this is no time for anger, nor should anger ever be turned upon one's own people. O hero, it becomes you to bear even this lapse of one whose only wish is to serve your cause.

Shloka 52 (kishkindha.33.52)

कोपं कथं नाम गुणप्रकृष्टः कुमार कुर्यादपकृष्टसत्त्वे। कस्त्वद्विधः कोपवशं हि गच्छेत् सत्त्वावरुद्धस्तपसः प्रसूतिः॥ 33.52 ॥

kopaṃ kathaṃ nāma guṇaprakṛṣṭaḥ kumāra kuryādapakṛṣṭasattve| kastvadvidhaḥ kopavaśaṃ hi gacchet sattvāvaruddhastapasaḥ prasūtiḥ|| 33.52 ||

How, O prince, could one of such superior virtue turn his anger upon a lesser being? And how could one such as you, whose very nature is disciplined and born of austerity, ever fall under anger's sway?

Shloka 53 (kishkindha.33.53)

जानामि कोपं हरिवीरबन्धो- र्जानामि कार्यस्य च कालसङ्गम्। जानामि कार्यं त्वयि यत्कृतं न- स्तच्चापि जानामि यदत्र कार्यम्॥ 33.53 ॥

jānāmi kopaṃ harivīrabandho- rjānāmi kāryasya ca kālasaṅgam| jānāmi kāryaṃ tvayi yatkṛtaṃ na- staccāpi jānāmi yadatra kāryam|| 33.53 ||

I know why Rama, friend of the monkey champion, is angered; I know too how the appointed time for the task has slipped away; I know what wrong has been done to you on our part; and I also know what remains to be done in this matter now.

Shloka 54 (kishkindha.33.54)

तच्चापि जानामि तथाविषह्यं बलं नरश्रेष्ठ शरीरजस्य। जानामि यस्मिंश्च जनेऽवबद्धं कामेन सुग्रीवमसक्तमद्य॥ 33.54 ॥

taccāpi jānāmi tathāviṣahyaṃ balaṃ naraśreṣṭha śarīrajasya| jānāmi yasmiṃśca jane'vabaddhaṃ kāmena sugrīvamasaktamadya|| 33.54 ||

I know too, O best of men, just how unbearable the pull of bodily desire can be, and I well know among which women Sugriva has, even now, become so helplessly bound by passion.

Shloka 55 (kishkindha.33.55)

न कामतन्त्रे तव बुद्धिरस्ति त्वं वै यथा मन्युवशं प्रपन्नः। न देशकालौ हि यथार्थधर्मा- ववेक्षते कामरतिर्मनुष्यः॥ 33.55 ॥

na kāmatantre tava buddhirasti tvaṃ vai yathā manyuvaśaṃ prapannaḥ| na deśakālau hi yathārthadharmā- vavekṣate kāmaratirmanuṣyaḥ|| 33.55 ||

Since you are now in the grip of anger, these matters of passion are hard for you to see clearly; but the truth is, a man given over to desire heeds neither place nor time, nor rightful duty and gain.

Shloka 56 (kishkindha.33.56)

तं कामवृत्तं मम संनिकृष्टं कामाभियोगाच्च विमुक्तलज्जम्। क्षमस्व तावत् परवीरहन्त- स्त्वद्भ्रातरं वानरवंशनाथम्॥ 33.56 ॥

taṃ kāmavṛttaṃ mama saṃnikṛṣṭaṃ kāmābhiyogācca vimuktalajjam| kṣamasva tāvat paravīrahanta- stvad‍bhrātaraṃ vānaravaṃśanātham|| 33.56 ||

O destroyer of enemy heroes, forgive, then, your brother-like Sugriva, lord of the monkey race, who lost in passion and, overcome by its violence, has shed all shame, and stays here now by my side.

Shloka 57 (kishkindha.33.57)

महर्षयो धर्मतपोऽभिरामाः कामानुकामाः प्रतिबद्धमोहाः। अयं प्रकृत्या चपलः कपिस्तु कथं न सज्जेत सुखेषु राजा॥ 33.57 ॥

maharṣayo dharmatapo'bhirāmāḥ kāmānukāmāḥ pratibaddhamohāḥ| ayaṃ prakṛtyā capalaḥ kapistu kathaṃ na sajjeta sukheṣu rājā|| 33.57 ||

If even great sages, who delight only in righteousness and austerity, can at times be caught in the snares of desire, how then could this restless monkey-king, by his very nature, fail to be caught up in pleasure?

Shloka 58 (kishkindha.33.58)

इत्येवमुक्त्वा वचनं महार्थं सा वानरी लक्ष्मणमप्रमेयम्। पुनः सखेदं मदविह्वलाक्षी भर्तुर्हितं वाक्यमिदं बभाषे॥ 33.58 ॥

ityevamuktvā vacanaṃ mahārthaṃ sā vānarī lakṣmaṇamaprameyam| punaḥ sakhedaṃ madavihvalākṣī bharturhitaṃ vākyamidaṃ babhāṣe|| 33.58 ||

Having spoken this weighty word, that monkey-woman, her eyes still swimming with wine, addressed the incomparable Lakshmana once more, somewhat ruefully, for the sake of her husband's welfare.

Shloka 59 (kishkindha.33.59)

उद्योगस्तु चिराज्ञप्तः सुग्रीवेण नरोत्तम। कामस्यापि विधेयेन तवार्थप्रतिसाधने॥ 33.59 ॥

udyogastu cirājñaptaḥ sugrīveṇa narottama| kāmasyāpi vidheyena tavārthapratisādhane|| 33.59 ||

"O best of men, even though Sugriva is in thrall to pleasure, he had, long ago, already set the campaign in motion to achieve your purpose.

Shloka 60 (kishkindha.33.60)

आगता हि महावीर्या हरयः कामरूपिणः। कोटीः शतसहस्राणि नानानगनिवासिनः॥ 33.60 ॥

āgatā hi mahāvīryā harayaḥ kāmarūpiṇaḥ| koṭīḥ śatasahasrāṇi nānānaganivāsinaḥ|| 33.60 ||

See — mighty and valorous monkeys, dwellers of many different mountains, able to change their shape at will, have already gathered here in their hundreds of thousands, in their millions.

Shloka 61 (kishkindha.33.61)

तदागच्छ महाबाहो चारित्रं रक्षितं त्वया। अच्छलं मित्रभावेन सतां दारावलोकनम्॥ 33.61 ॥

tadāgaccha mahābāho cāritraṃ rakṣitaṃ tvayā| acchalaṃ mitrabhāvena satāṃ dārāvalokanam|| 33.61 ||

"So come now, O mighty-armed one — you have upheld your propriety enough. For good men, to look upon a friend's wives in a spirit of pure friendship is no impropriety at all." Thus Tara invited Lakshmana within.

Shloka 62 (kishkindha.33.62)

तारया चाभ्यनुज्ञातस्त्वरया वापि चोदितः। प्रविवेश महाबाहुरभ्यन्तरमरिंदमः॥ 33.62 ॥

tārayā cābhyanujñātastvarayā vāpi coditaḥ| praviveśa mahābāhurabhyantaramariṃdamaḥ|| 33.62 ||

Given leave by Tara, and pressed on besides by the urgency of his mission, the mighty-armed destroyer of foes entered the inner chamber.

Shloka 63 (kishkindha.33.63)

ततः सुग्रीवमासीनं काञ्चने परमासने। महार्हास्तरणोपेते ददर्शादित्यसंनिभम्॥ 33.63 ॥

tataḥ sugrīvamāsīnaṃ kāñcane paramāsane| mahārhāstaraṇopete dadarśādityasaṃnibham|| 33.63 ||

There he saw Sugriva, seated upon a golden throne spread with priceless coverings, radiant as the sun.

Shloka 64 (kishkindha.33.64)

दिव्याभरणचित्राङ्गं दिव्यरूपं यशस्विनम्। दिव्यमाल्याम्बरधरं महेन्द्रमिव दुर्जयम्॥ 33.64 ॥

divyābharaṇacitrāṅgaṃ divyarūpaṃ yaśasvinam| divyamālyāmbaradharaṃ mahendramiva durjayam|| 33.64 ||

His body was resplendent with celestial ornaments, his form divine, his fame widespread; clad in heavenly garlands and robes, he seemed as unconquerable as Indra himself.

Shloka 65 (kishkindha.33.65)

दिव्याभरणमाल्याभिः प्रमदाभिः समावृतम्। संरब्धतररक्ताक्षो बभूवान्तकसंनिभः॥ 33.65 ॥

divyābharaṇamālyābhiḥ pramadābhiḥ samāvṛtam| saṃrabdhatararaktākṣo babhūvāntakasaṃnibhaḥ|| 33.65 ||

He sat there surrounded by women decked in celestial ornaments and garlands. At the sight of him so, Lakshmana's eyes turned crimson with fresh fury, and he seemed the very image of Death.

Shloka 66 (kishkindha.33.66)

रुमां तु वीरः परिरभ्य गाढं वरासनस्थो वरहेमवर्णः। ददर्श सौमित्रिमदीनसत्त्वं विशालनेत्रः स विशालनेत्रम्॥ 33.66 ॥

rumāṃ tu vīraḥ parirabhya gāḍhaṃ varāsanastho varahemavarṇaḥ| dadarśa saumitrimadīnasattvaṃ viśālanetraḥ sa viśālanetram|| 33.66 ||

That valiant, golden-hued Sugriva, seated on his splendid throne with Ruma held close in his embrace, turned his wide eyes upon the wide-eyed, unflinching Saumitri.