Hanuman's Vow and the Ascent of Mahendra

Shloka 1 (kishkindha.67.1)

तं दृष्ट्वा जृम्भमाणं ते क्रमितुं शतयोजनम् । वेगेनापूर्यमाणं च सहसा वानरोत्तमम् ॥ 67.1 ॥

taṃ dṛṣṭvā jṛmbhamāṇaṃ te kramituṃ śatayojanam | vegenāpūryamāṇaṃ ca sahasā vānarottamam || 67.1 ||

Seeing him swelling to cross the hundred-yojana ocean, that best of monkeys, suddenly filling himself with vigor,

Shloka 2 (kishkindha.67.2)

सहसा शोकमुत्सृज्य प्रहर्षेण समन्विताः । विनेदुस्तुष्टुवुश्चापि हनूमन्तं महाबलम् ॥ 67.2 ॥

sahasā śokamutsṛjya praharṣeṇa samanvitāḥ | vinedustuṣṭuvuścāpi hanūmantaṃ mahābalam || 67.2 ||

instantly casting off their sorrow, the monkeys, filled with great joy, roared aloud and extolled the mighty Hanuman.

Shloka 3 (kishkindha.67.3)

प्रहृष्टा विस्मिताश्चापि ते वीक्षन्ते समन्ततः । त्रिविक्रमं कृतोत्साहं नारायणमिव प्रजाः ॥ 67.3 ॥

prahṛṣṭā vismitāścāpi te vīkṣante samantataḥ | trivikramaṃ kṛtotsāhaṃ nārāyaṇamiva prajāḥ || 67.3 ||

Delighted and astonished, they gazed on all sides, like the people gazing at Narayana when he strode forth in his Trivikrama form.

Shloka 4 (kishkindha.67.4)

संस्तूयमानो हनुमान् व्यवर्धत महाबलः । समाविद्ध्य च लाङ्गूलं हर्षाद् बलमुपेयिवान् ॥ 67.4 ॥

saṃstūyamāno hanumān vyavardhata mahābalaḥ | samāviddhya ca lāṅgūlaṃ harṣād balamupeyivān || 67.4 ||

Being thus extolled, the mighty Hanuman grew larger still; lashing his tail, he gathered strength through joy.

Shloka 5 (kishkindha.67.5)

तस्य संस्तूयमानस्य वृद्धैर्वानरपुङ्गवैः । तेजसाऽऽपूर्यमाणस्य रूपमासीदनुत्तमम् ॥ 67.5 ॥

tasya saṃstūyamānasya vṛddhairvānarapuṅgavaiḥ | tejasā''pūryamāṇasya rūpamāsīdanuttamam || 67.5 ||

As he was thus extolled by all the foremost monkeys, and as his splendor swelled, his form became unsurpassed.

Shloka 6 (kishkindha.67.6)

यथा विजृम्भते सिंहो विवृते गिरिगह्वरे । मारुतस्यौरसः पुत्रस्तथा सम्प्रति जृम्भते ॥ 67.6 ॥

yathā vijṛmbhate siṃho vivṛte girigahvare | mārutasyaurasaḥ putrastathā samprati jṛmbhate || 67.6 ||

As a lion roars forth in a wide mountain cave, so now did the very son of the Wind-god roar.

Shloka 7 (kishkindha.67.7)

अशोभत मुखं तस्य जृम्भमाणस्य धीमतः । अम्बरीषोपमं दीप्तं विधूम इव पावकः ॥ 67.7 ॥

aśobhata mukhaṃ tasya jṛmbhamāṇasya dhīmataḥ | ambarīṣopamaṃ dīptaṃ vidhūma iva pāvakaḥ || 67.7 ||

His face, as he swelled, that wise one's, shone like a blazing frying-pan, like fire without smoke.

Shloka 8 (kishkindha.67.8)

हरीणामुत्थितो मध्यात् सम्प्रहृष्टतनूरुहः । अभिवाद्य हरीन् वृद्धान् हनूमानिदमब्रवीत् ॥ 67.8 ॥

harīṇāmutthito madhyāt samprahṛṣṭatanūruhaḥ | abhivādya harīn vṛddhān hanūmānidamabravīt || 67.8 ||

Rising up from the midst of the monkeys, his body-hairs standing on end with joy, having saluted the elder monkeys, Hanuman said this.

Shloka 9 (kishkindha.67.9)

आरुजन् पर्वताग्राणि हुताशनसखोऽनिलः । बलवानप्रमेयश्च वायुराकाशगोचरः ॥ 67.9 ॥

ārujan parvatāgrāṇi hutāśanasakho'nilaḥ | balavānaprameyaśca vāyurākāśagocaraḥ || 67.9 ||

'The Wind, friend of Fire, breaking apart mountain-peaks, mighty and immeasurable, ranges through the sky.'

Shloka 10 (kishkindha.67.10)

तस्याहं शीघ्रवेगस्य शीघ्रगस्य महात्मनः । मारुतस्यौरसः पुत्रः प्लवनेनास्मि तत्समः ॥ 67.10 ॥

tasyāhaṃ śīghravegasya śīghragasya mahātmanaḥ | mārutasyaurasaḥ putraḥ plavanenāsmi tatsamaḥ || 67.10 ||

'I am the very own son of that swift-moving, quick-going, great-souled Wind-god; in flight, I am his equal.'

Shloka 11 (kishkindha.67.11)

उत्सहेयं हि विस्तीर्णमालिखन्तमिवाम्बरम् । मेरुं गिरिमसङ्गेन परिगन्तुं सहस्रशः ॥ 67.11 ॥

utsaheyaṃ hi vistīrṇamālikhantamivāmbaram | meruṃ girimasaṅgena parigantuṃ sahasraśaḥ || 67.11 ||

'I could venture to circle round Mount Meru, vast, seeming to scrape the sky, unremittingly, a thousand times over.'

Shloka 12 (kishkindha.67.12)

बाहुवेगप्रणुन्नेन सागरेणाहमुत्सहे । समाप्लावयितुं लोकं सपर्वतनदीह्रदम् ॥ 67.12 ॥

bāhuvegapraṇunnena sāgareṇāhamutsahe | samāplāvayituṃ lokaṃ saparvatanadīhradam || 67.12 ||

'I could, with the impetus of my arms, venture to inundate the world, together with its mountains, rivers and lakes, with the very ocean.'

Shloka 13 (kishkindha.67.13)

ममोरुजङ्घावेगेन भविष्यति समुत्थितः । समुत्थितमहाग्राहः समुद्रो वरुणालयः ॥ 67.13 ॥

mamorujaṅghāvegena bhaviṣyati samutthitaḥ | samutthitamahāgrāhaḥ samudro varuṇālayaḥ || 67.13 ||

'By the speed of my thighs and shanks, the ocean, abode of Varuna, would surge up, its great sea-monsters heaved up with it.'

Shloka 14 (kishkindha.67.14)

पन्नगाशनमाकाशे पतन्तं पक्षिसेवितम् । वैनतेयमहं शक्तः परिगन्तुं सहस्रशः ॥ 67.14 ॥

pannagāśanamākāśe patantaṃ pakṣisevitam | vainateyamahaṃ śaktaḥ parigantuṃ sahasraśaḥ || 67.14 ||

'I am able to circle a thousand times round Garuda, the serpent-eater, adored by all birds, as he flies in the sky.'

Shloka 15 (kishkindha.67.15)

उदयात् प्रस्थितं वापि ज्वलन्तं रश्मिमालिनम् । अनस्तमितमादित्यमहं गन्तुं समुत्सहे ॥ 67.15 ॥

udayāt prasthitaṃ vāpi jvalantaṃ raśmimālinam | anastamitamādityamahaṃ gantuṃ samutsahe || 67.15 ||

'I could venture to go to the sun, blazing, garlanded with rays, whether just risen or not yet set,'

Shloka 16 (kishkindha.67.16)

ततो भूमिमसंस्पृष्ट्वा पुनरागन्तुमुत्सहे । प्रवेगेनैव महता भीमेन प्लवगर्षभाः ॥ 67.16 ॥

tato bhūmimasaṃspṛṣṭvā punarāgantumutsahe | pravegenaiva mahatā bhīmena plavagarṣabhāḥ || 67.16 ||

'and, O best of leapers, without so much as touching the earth, venture to return again, by that same fearsome and mighty speed.'

Shloka 17 (kishkindha.67.17)

उत्सहेयमतिक्रान्तुं सर्वानाकाशगोचरान् । सागरान् शोषयिष्यामि दारयिष्यामि मेदिनीम् ॥ 67.17 ॥

utsaheyamatikrāntuṃ sarvānākāśagocarān | sāgarān śoṣayiṣyāmi dārayiṣyāmi medinīm || 67.17 ||

'I could venture to outstrip all wayfarers of the sky; I could dry up the oceans, I could tear apart the earth.'

Shloka 18 (kishkindha.67.18)

पर्वतांश्चूर्णयिष्यामि प्लवमानः प्लवङ्गमः । हरिष्याम्युरुवेगेन प्लवमानो महार्णवम् ॥ 67.18 ॥

parvatāṃścūrṇayiṣyāmi plavamānaḥ plavaṅgamaḥ | hariṣyāmyuruvegena plavamāno mahārṇavam || 67.18 ||

'O leapers, I could pulverize mountains as I leap, and, leaping, sweep away the great ocean with the speed of my thighs.'

Shloka 19 (kishkindha.67.19)

लतानां विविधं पुष्पं पादपानां च सर्वशः । अनुयास्यति मामद्य प्लवमानं विहायसा ॥ 67.19 ॥

latānāṃ vividhaṃ puṣpaṃ pādapānāṃ ca sarvaśaḥ | anuyāsyati māmadya plavamānaṃ vihāyasā || 67.19 ||

'The manifold flowers of every creeper and tree will, this day, trail after me everywhere as I fly through the sky.'

Shloka 20 (kishkindha.67.20)

भविष्यति हि मे पन्थाः स्वातेः पन्था इवाम्बरे । चरन्तं घोरमाकाशमुत्पतिष्यन्तमेव च ॥ 67.20 ॥

bhaviṣyati hi me panthāḥ svāteḥ panthā ivāmbare | carantaṃ ghoramākāśamutpatiṣyantameva ca || 67.20 ||

'My path in the sky shall become like the path of the star Svati; the monkeys shall see me coursing through that terrible sky and soaring up,'

Shloka 21 (kishkindha.67.21)

द्रक्ष्यन्ति निपतन्तं च सर्वभूतानि वानराः । महामेरुप्रतीकाशं मां द्रक्ष्यध्वं प्लवङ्गमाः ॥ 67.21 ॥

drakṣyanti nipatantaṃ ca sarvabhūtāni vānarāḥ | mahāmerupratīkāśaṃ māṃ drakṣyadhvaṃ plavaṅgamāḥ || 67.21 ||

'and falling earthward too; all beings, O leapers, shall behold me, like unto great Mount Meru.'

Shloka 22 (kishkindha.67.22)

दिवमावृत्य गच्छन्तं ग्रसमानमिवाम्बरम् । विधमिष्यामि जीमूतान् कम्पयिष्यामि पर्वतान् । सागरं शोषयिष्यामि प्लवमानः समाहितः ॥ 67.22 ॥

divamāvṛtya gacchantaṃ grasamānamivāmbaram | vidhamiṣyāmi jīmūtān kampayiṣyāmi parvatān | sāgaraṃ śoṣayiṣyāmi plavamānaḥ samāhitaḥ || 67.22 ||

'Sweeping over the sky, as though to swallow the very heavens, I shall scatter the storm-clouds, shake the mountains, and, self-collected, as I leap, dry up the ocean.'

Shloka 23 (kishkindha.67.23)

वैनतेयस्य वा शक्तिर्मम वा मारुतस्य वा । ऋते सुपर्णराजानं मारुतं वा महाबलम् । न तद् भूतं प्रपश्यामि यन्मां प्लुतमनुव्रजेत् ॥ 67.23 ॥

vainateyasya vā śaktirmama vā mārutasya vā | ṛte suparṇarājānaṃ mārutaṃ vā mahābalam | na tad bhūtaṃ prapaśyāmi yanmāṃ plutamanuvrajet || 67.23 ||

'Whatever power belongs to Garuda, or to the Wind-god, that power is also mine; I see no being at all who could follow after me as I leap, save the king of birds and the mighty Wind-god himself.'

Shloka 24 (kishkindha.67.24)

निमेषान्तरमात्रेण निरालम्बनमम्बरम् । सहसा निपतिष्यामि घनाद् विद्युदिवोत्थिता ॥ 67.24 ॥

nimeṣāntaramātreṇa nirālambanamambaram | sahasā nipatiṣyāmi ghanād vidyudivotthitā || 67.24 ||

'In the space of a single wink, I shall plunge into the unsupported sky, suddenly, like lightning leaping from a cloud.'

Shloka 25 (kishkindha.67.25)

भविष्यति हि मे रूपं प्लवमानस्य सागरम् । विष्णोः प्रक्रममाणस्य तदा त्रीन् विक्रमानिव ॥ 67.25 ॥

bhaviṣyati hi me rūpaṃ plavamānasya sāgaram | viṣṇoḥ prakramamāṇasya tadā trīn vikramāniva || 67.25 ||

'As I leap over the ocean, my form shall then become like that of Vishnu, striding forth in his three great steps.'

Shloka 26 (kishkindha.67.26)

बुद्ध्या चाहं प्रपश्यामि मनश्चेष्टा च मे तथा । अहं द्रक्ष्यामि वैदेहीं प्रमोदध्वं प्लवङ्गमाः ॥ 67.26 ॥

bud‍dhyā cāhaṃ prapaśyāmi manaśceṣṭā ca me tathā | ahaṃ drakṣyāmi vaidehīṃ pramodadhvaṃ plavaṅgamāḥ || 67.26 ||

'By my discernment I clearly perceive, and thus too are the impulses of my mind: I shall behold Videha's daughter — rejoice, O leapers!'

Shloka 27 (kishkindha.67.27)

मारुतस्य समो वेगे गरुडस्य समो जवे । अयुतं योजनानां तु गमिष्यामीति मे मतिः ॥ 67.27 ॥

mārutasya samo vege garuḍasya samo jave | ayutaṃ yojanānāṃ tu gamiṣyāmīti me matiḥ || 67.27 ||

'Equal to the Wind in speed, equal to Garuda in swiftness, I shall go a full ten thousand yojanas — this is my resolve.'

Shloka 28 (kishkindha.67.28)

वासवस्य सवज्रस्य ब्रह्मणो वा स्वयम्भुवः । विक्रम्य सहसा हस्तादमृतं तदिहानये ॥ 67.28 ॥

vāsavasya savajrasya brahmaṇo vā svayambhuvaḥ | vikramya sahasā hastādamṛtaṃ tadihānaye || 67.28 ||

'Springing up, I could bring back that very nectar from the hand of Indra with his thunderbolt, or from self-created Brahma himself,'

Shloka 29 (kishkindha.67.29)

लङ्कां वापि समुत्क्षिप्य गच्छेयमिति मे मतिः । तमेवं वानरश्रेष्ठं गर्जन्तममितप्रभम् ॥ 67.29 ॥

laṅkāṃ vāpi samutkṣipya gaccheyamiti me matiḥ | tamevaṃ vānaraśreṣṭhaṃ garjantamamitaprabham || 67.29 ||

'or even, uprooting Lanka itself, I could carry it away — this is my resolve.' At that best of monkeys, roaring so, of boundless splendor,

Shloka 30 (kishkindha.67.30)

प्रहृष्टा हरयस्तत्र समुदैक्षन्त विस्मिताः । तच्चास्य वचनं श्रुत्वा ज्ञातीनां शोकनाशनम् ॥ 67.30 ॥

prahṛṣṭā harayastatra samudaikṣanta vismitāḥ | taccāsya vacanaṃ śrutvā jñātīnāṃ śokanāśanam || 67.30 ||

the monkeys there gazed, delighted and astonished; and hearing that speech of his, which banished the grief of his kinsmen,

Shloka 31 (kishkindha.67.31)

उवाच परिसंहृष्टो जाम्बवान् प्लवगेश्वरः । वीर केसरिणः पुत्र वेगवन् मारुतात्मज ॥ 67.31 ॥

uvāca parisaṃhṛṣṭo jāmbavān plavageśvaraḥ | vīra kesariṇaḥ putra vegavan mārutātmaja || 67.31 ||

Jambavan, lord of the leapers, greatly delighted, spoke: 'O hero, son of Kesari, O swift one, son of the Wind-god,

Shloka 32 (kishkindha.67.32)

ज्ञातीनां विपुलः शोकस्त्वया तात प्रणाशितः । तव कल्याणरुचयः कपिमुख्याः समागताः ॥ 67.32 ॥

jñātīnāṃ vipulaḥ śokastvayā tāta praṇāśitaḥ | tava kalyāṇarucayaḥ kapimukhyāḥ samāgatāḥ || 67.32 ||

'the vast grief of your kinsmen has been destroyed by you, dear one. The chief monkeys who have gathered here, devoted to your welfare,'

Shloka 33 (kishkindha.67.33)

मङ्गलान्यर्थसिद्ध्यर्थं करिष्यन्ति समाहिताः । ऋषीणां च प्रसादेन कपिवृद्धमतेन च ॥ 67.33 ॥

maṅgalānyarthasiddhyarthaṃ kariṣyanti samāhitāḥ | ṛṣīṇāṃ ca prasādena kapivṛddhamatena ca || 67.33 ||

'shall devoutly perform benedictory rites for the accomplishment of your task. And by the grace of the sages, and the counsel of the eldest monkeys,'

Shloka 34 (kishkindha.67.34)

गुरूणां च प्रसादेन सम्प्लव त्वं महार्णवम् । स्थास्यामश्चैकपादेन यावदागमनं तव ॥ 67.34 ॥

gurūṇāṃ ca prasādena samplava tvaṃ mahārṇavam | sthāsyāmaścaikapādena yāvadāgamanaṃ tava || 67.34 ||

'and by the grace of our elders, do you now cross the great ocean; we shall remain standing here on a single foot until your return.'

Shloka 35 (kishkindha.67.35)

त्वद्गतानि च सर्वेषां जीवनानि वनौकसाम् । ततश्च हरिशार्दूलस्तानुवाच वनौकसः ॥ 67.35 ॥

tvada‍gatāni ca sarveṣāṃ jīvanāni vanaukasām | tataśca hariśārdūlastānuvāca vanaukasaḥ || 67.35 ||

'The very lives of all these forest-dwellers depend on you.' Then that tiger among monkeys spoke to those forest-dwellers:

Shloka 36 (kishkindha.67.36)

कोऽपि लोके न मे वेगं प्लवने धारयिष्यति । एतानीह नगस्यास्य शिलासंकटशालिनः ॥ 67.36 ॥

ko'pi loke na me vegaṃ plavane dhārayiṣyati | etānīha nagasyāsya śilāsaṃkaṭaśālinaḥ || 67.36 ||

'There is none in this world who could withstand my speed in leaping. Here on this mountain are these crags, thronged with clefts of rock,'

Shloka 37 (kishkindha.67.37)

शिखराणि महेन्द्रस्य स्थिराणि च महान्ति च । येषु वेगं गमिष्यामि महेन्द्रशिखरेष्वहम् ॥ 67.37 ॥

śikharāṇi mahendrasya sthirāṇi ca mahānti ca | yeṣu vegaṃ gamiṣyāmi mahendraśikhareṣvaham || 67.37 ||

'the peaks of Mahendra, firm and vast — from these peaks of Mahendra shall I take my running start.'

Shloka 38 (kishkindha.67.38)

नानाद्रुमविकीर्णेषु धातुनिष्पन्दशोभिषु । एतानि मम वेगं हि शिखराणि महान्ति च ॥ 67.38 ॥

nānādrumavikīrṇeṣu dhātuniṣpandaśobhiṣu | etāni mama vegaṃ hi śikharāṇi mahānti ca || 67.38 ||

'Strewn with diverse trees, resplendent with unmoving mineral ores — these vast peaks shall bear the brunt of my speed'

Shloka 39 (kishkindha.67.39)

प्लवतो धारयिष्यन्ति योजनानामितः शतम् । ततस्तु मारुतप्रख्यः स हरिर्मारुतात्मजः । आरुरोह नगश्रेष्ठं महेन्द्रमरिमर्दनः ॥ 67.39 ॥

plavato dhārayiṣyanti yojanānāmitaḥ śatam | tatastu mārutaprakhyaḥ sa harirmārutātmajaḥ | āruroha nagaśreṣṭhaṃ mahendramarimardanaḥ || 67.39 ||

'as I leap forth a hundred yojanas from here.' Then that monkey, renowned as the Wind-god's equal, son of the Wind-god, subduer of foes, climbed up that best of mountains, Mahendra —

Shloka 40 (kishkindha.67.40)

वृतं नानाविधैः पुष्पैर्मृगसेवितशाद्वलम् । लताकुसुमसम्बाधं नित्यपुष्पफलद्रुमम् ॥ 67.40 ॥

vṛtaṃ nānāvidhaiḥ puṣpairmṛgasevitaśādvalam | latākusumasambādhaṃ nityapuṣpaphaladrumam || 67.40 ||

— covered with flowers of every kind, its meadows frequented by deer, thick with the blossoms of creepers, with trees ever in flower and fruit,

Shloka 41 (kishkindha.67.41)

सिंहशार्दूलसहितं मत्तमातङ्गसेवितम् । मत्तद्विजगणोद्घुष्टं सलिलोत्पीडसंकुलम् ॥ 67.41 ॥

siṃhaśārdūlasahitaṃ mattamātaṅgasevitam | mattadvijagaṇoda‍ghuṣṭaṃ salilotpīḍasaṃkulam || 67.41 ||

roamed by lions and tigers, frequented by rutting elephants, resounding with flocks of intoxicated birds, and thronged with gushing springs of water.

Shloka 42 (kishkindha.67.42)

महद्भिरुच्छ्रितं शृङ्गैर्महेन्द्रं स महाबलः । विचचार हरिश्रेष्ठो महेन्द्रसमविक्रमः ॥ 67.42 ॥

mahadbhirucchritaṃ śṛṅgairmahendraṃ sa mahābalaḥ | vicacāra hariśreṣṭho mahendrasamavikramaḥ || 67.42 ||

That mighty one, that foremost of monkeys, equal in prowess to Mount Mahendra itself, ranged over Mahendra, towering with its lofty peaks.

Shloka 43 (kishkindha.67.43)

पादाभ्यां पीडितस्तेन महाशैलो महात्मना । ररास सिंहाभिहतो महान् मत्त इव द्विपः ॥ 67.43 ॥

pādābhyāṃ pīḍitastena mahāśailo mahātmanā | rarāsa siṃhābhihato mahān matta iva dvipaḥ || 67.43 ||

Pressed by the feet of that great-souled one, the huge mountain roared, like a great, rutting elephant struck by a lion.

Shloka 44 (kishkindha.67.44)

मुमोच सलिलोत्पीडान् विप्रकीर्णशिलोच्चयः । वित्रस्तमृगमातङ्गः प्रकम्पितमहाद्रुमः ॥ 67.44 ॥

mumoca salilotpīḍān viprakīrṇaśiloccayaḥ | vitrastamṛgamātaṅgaḥ prakampitamahādrumaḥ || 67.44 ||

Its heaped-up boulders scattered wide, it let loose gushing torrents of water; its beasts and elephants were terrified, its great trees shaken through.

Shloka 45 (kishkindha.67.45)

नानागन्धर्वमिथुनैः पानसंसर्गकर्कशैः । उत्पतद्भिर्विहंगैश्च विद्याधरगणैरपि ॥ 67.45 ॥

nānāgandharvamithunaiḥ pānasaṃsargakarkaśaiḥ | utpatadbhirvihaṃgaiśca vidyādharagaṇairapi || 67.45 ||

With the many pairs of gandharvas, harsh with the effects of drink, taking flight, and with the flocks of birds and hosts of vidyadharas likewise fleeing,

Shloka 46 (kishkindha.67.46)

त्यज्यमानमहासानुः संनिलीनमहोरगः । शैलशृङ्गशिलोत्पातस्तदाभूत् स महागिरिः ॥ 67.46 ॥

tyajyamānamahāsānuḥ saṃnilīnamahoragaḥ | śailaśṛṅgaśilotpātastadābhūt sa mahāgiriḥ || 67.46 ||

its great ridges being abandoned, its great serpents shrinking utterly out of sight, that great mountain then became a place of toppling mountain-crags and rocks.

Shloka 47 (kishkindha.67.47)

निःश्वसद्भिस्तदा तैस्तु भुजगैरर्धनिःसृतैः । सपताक इवाभाति स तदा धरणीधरः ॥ 67.47 ॥

niḥśvasadbhistadā taistu bhujagairardhaniḥsṛtaiḥ | sapatāka ivābhāti sa tadā dharaṇīdharaḥ || 67.47 ||

With its serpents, then, sighing and half-emerged from their lairs, that earth-bearing mountain seemed, at that moment, to gleam as though decked with banners.

Shloka 48 (kishkindha.67.48)

ऋषिभिस्त्राससम्भ्रान्तैस्त्यज्यमानः शिलोच्चयः । सीदन् महति कान्तारे सार्थहीन इवाध्वगः ॥ 67.48 ॥

ṛṣibhistrāsasambhrāntaistyajyamānaḥ śiloccayaḥ | sīdan mahati kāntāre sārthahīna ivādhvagaḥ || 67.48 ||

Forsaken by the sages, bewildered with fright, that towering mass of rock, sinking down in the great wilderness, seemed like a wayfarer bereft of his companions.

Shloka 49 (kishkindha.67.49)

स वेगवान् वेगसमाहितात्मा हरिप्रवीरः परवीरहन्ता । मनः समाधाय महानुभावो जगाम लङ्कां मनसा मनस्वी ॥ 67.49 ॥

sa vegavān vegasamāhitātmā haripravīraḥ paravīrahantā | manaḥ samādhāya mahānubhāvo jagāma laṅkāṃ manasā manasvī || 67.49 ||

That swift one, his spirit collected in his speed, that foremost hero of monkeys, slayer of enemy champions, that great and noble-minded one, having fixed his mind, made his way to Lanka, resolute in soul.