Hanuman Describes Rama to Sita

Shloka 1 (sundara.35.1)

तां तु रामकथां श्रुत्वा वैदेही वानरर्षभात् । उवाच वचनं सान्त्वमिदं मधुरया गिरा ॥ 35.1 ॥

tāṃ tu rāmakathāṃ śrutvā vaidehī vānararṣabhāt | uvāca vacanaṃ sāntvamidaṃ madhurayā girā || 35.1 ||

Hearing that account of Rama from the foremost of monkeys, Vaidehi spoke this gentle word in a sweet voice:

Shloka 2 (sundara.35.2)

क्व ते रामेण संसर्गः कथं जानासि लक्ष्मणम् । वानराणां नराणां च कथमासीत् समागमः ॥ 35.2 ॥

kva te rāmeṇa saṃsargaḥ kathaṃ jānāsi lakṣmaṇam | vānarāṇāṃ narāṇāṃ ca kathamāsīt samāgamaḥ || 35.2 ||

"Where did you come to know Rama? How do you know Lakshmana? How did this meeting between monkeys and men come about?"

Shloka 3 (sundara.35.3)

यानि रामस्य चिह्नानि लक्ष्मणस्य च वानर । तानि भूयः समाचक्ष्व न मां शोकः समाविशेत् ॥ 35.3 ॥

yāni rāmasya cihnāni lakṣmaṇasya ca vānara | tāni bhūyaḥ samācakṣva na māṃ śokaḥ samāviśet || 35.3 ||

"O monkey, tell me once more the identifying marks of Rama and of Lakshmana, so that grief may not overtake me again."

Shloka 4 (sundara.35.4)

कीदृशं तस्य संस्थानं रूपं तस्य च कीदृशम् । कथमूरू कथं बाहू लक्ष्मणस्य च शंस मे ॥ 35.4 ॥

kīdṛśaṃ tasya saṃsthānaṃ rūpaṃ tasya ca kīdṛśam | kathamūrū kathaṃ bāhū lakṣmaṇasya ca śaṃsa me || 35.4 ||

"What is his stature, and what is his form like? Tell me of his thighs and his arms, and of Lakshmana's too."

Shloka 5 (sundara.35.5)

एवमुक्तस्तु वैदेह्या हनूमान् मारुतात्मजः । ततो रामं यथातत्त्वमाख्यातुमुपचक्रमे ॥ 35.5 ॥

evamuktastu vaidehyā hanūmān mārutātmajaḥ | tato rāmaṃ yathātattvamākhyātumupacakrame || 35.5 ||

Thus addressed by Vaidehi, Hanuman, son of the Wind-god, then began to describe Rama exactly as he truly was:

Shloka 6 (sundara.35.6)

जानन्ती बत दिष्ट्या मां वैदेहि परिपृच्छसि । भर्तुः कमलपत्राक्षि संस्थानं लक्ष्मणस्य च ॥ 35.6 ॥

jānantī bata diṣṭyā māṃ vaidehi paripṛcchasi | bhartuḥ kamalapatrākṣi saṃsthānaṃ lakṣmaṇasya ca || 35.6 ||

"O Vaidehi, lotus-petal-eyed one, it is fortunate indeed that, though you already know it, you question me about the form of your husband and of Lakshmana."

Shloka 7 (sundara.35.7)

यानि रामस्य चिह्नानि लक्ष्मणस्य च यानि वै । लक्षितानि विशालाक्षि वदतः शृणु तानि मे ॥ 35.7 ॥

yāni rāmasya cihnāni lakṣmaṇasya ca yāni vai | lakṣitāni viśālākṣi vadataḥ śṛṇu tāni me || 35.7 ||

"O wide-eyed one, the marks of Rama and of Lakshmana which I have observed -- hear them from me as I recount them."

Shloka 8 (sundara.35.8)

रामः कमलपत्राक्षः पूर्णचन्द्रनिभाननः । रूपदाक्षिण्यसम्पन्नः प्रसूतो जनकात्मजे ॥ 35.8 ॥

rāmaḥ kamalapatrākṣaḥ pūrṇacandranibhānanaḥ | rūpadākṣiṇyasampannaḥ prasūto janakātmaje || 35.8 ||

"O daughter of Janaka, Rama has eyes like lotus petals and a face like the full moon; he was born endowed with beauty and grace."

Shloka 9 (sundara.35.9)

तेजसाऽऽदित्यसंकाशः क्षमया पृथिवीसमः । बृहस्पतिसमो बुद्ध्या यशसा वासवोपमः ॥ 35.9 ॥

tejasā''dityasaṃkāśaḥ kṣamayā pṛthivīsamaḥ | bṛhaspatisamo buddhyā yaśasā vāsavopamaḥ || 35.9 ||

"In splendour he is like the sun, in patience equal to the earth, in wisdom equal to Brihaspati, in fame comparable to Indra."

Shloka 10 (sundara.35.10)

रक्षिता जीवलोकस्य स्वजनस्य च रक्षिता । रक्षिता स्वस्य वृत्तस्य धर्मस्य च परंतपः ॥ 35.10 ॥

rakṣitā jīvalokasya svajanasya ca rakṣitā | rakṣitā svasya vṛttasya dharmasya ca paraṃtapaḥ || 35.10 ||

"He is the protector of the world of living beings, and protector too of his own kinsfolk; protector of his own conduct and of dharma -- a scorcher of foes."

Shloka 11 (sundara.35.11)

रामो भामिनि लोकस्य चातुर्वर्ण्यस्य रक्षिता । मर्यादानां च लोकस्य कर्ता कारयिता च सः ॥ 35.11 ॥

rāmo bhāmini lokasya cāturvarṇyasya rakṣitā | maryādānāṃ ca lokasya kartā kārayitā ca saḥ || 35.11 ||

"O splendid lady, Rama is the protector of the four orders of the world; he is the maker and the enforcer of the world's proper bounds."

Shloka 12 (sundara.35.12)

अर्चिष्मानर्चितोऽत्यर्थं ब्रह्मचर्यव्रते स्थितः । साधूनामुपकारज्ञः प्रचारज्ञश्च कर्मणाम् ॥ 35.12 ॥

arciṣmānarcito'tyarthaṃ brahmacaryavrate sthitaḥ | sādhūnāmupakārajñaḥ pracārajñaśca karmaṇām || 35.12 ||

"Radiant, greatly honoured, established in the vow of continence; he knows how to repay the kindness of the virtuous, and understands the proper conduct of affairs."

Shloka 13 (sundara.35.13)

राजनीत्यां विनीतश्च ब्राह्मणानामुपासकः । ज्ञानवान् शीलसम्पन्नो विनीतश्च परंतपः ॥ 35.13 ॥

rājanītyāṃ vinītaśca brāhmaṇānāmupāsakaḥ | jñānavān śīlasampanno vinītaśca paraṃtapaḥ || 35.13 ||

"Well trained in statecraft, a devoted worshipper of Brahmins; possessed of knowledge, endowed with good character, humble, and yet a scorcher of foes."

Shloka 14 (sundara.35.14)

यजुर्वेदविनीतश्च वेदविद्भिः सुपूजितः । धनुर्वेदे च वेदे च वेदाङ्गेषु च निष्ठितः ॥ 35.14 ॥

yajurvedavinītaśca vedavidbhiḥ supūjitaḥ | dhanurvede ca vede ca vedāṅgeṣu ca niṣṭhitaḥ || 35.14 ||

"Trained in the Yajurveda, greatly honoured by those learned in the Vedas; established in the science of archery, in the Vedas, and in the Vedangas."

Shloka 15 (sundara.35.15)

विपुलांसो महाबाहुः कम्बुग्रीवः शुभाननः । गूढजत्रुः सुताम्राक्षो रामो नाम जनैः श्रुतः ॥ 35.15 ॥

vipulāṃso mahābāhuḥ kambugrīvaḥ śubhānanaḥ | gūḍhajatruḥ sutāmrākṣo rāmo nāma janaiḥ śrutaḥ || 35.15 ||

"Broad-shouldered, mighty-armed, with a conch-like neck, a lovely countenance, hidden collarbones, and beautiful coppery eyes -- he is known among people by the name Rama."

Shloka 16 (sundara.35.16)

दुन्दुभिस्वननिर्घोषः स्निग्धवर्णः प्रतापवान् । समश्च सुविभक्ताङ्गो वर्णं श्यामं समाश्रितः ॥ 35.16 ॥

dundubhisvananirghoṣaḥ snigdhavarṇaḥ pratāpavān | samaśca suvibhaktāṅgo varṇaṃ śyāmaṃ samāśritaḥ || 35.16 ||

"His voice resounds like a kettle-drum, his complexion is lustrous, he is full of majesty; well-proportioned, his limbs finely formed, of a dark, radiant hue."

Shloka 17 (sundara.35.17)

त्रिस्थिरस्त्रिप्रलम्बश्च त्रिसमस्त्रिषु चोन्नतः । त्रिताम्रस्त्रिषु च स्निग्धो गम्भीरस्त्रिषु नित्यशः ॥ 35.17 ॥

tristhirastripralambaśca trisamastriṣu connataḥ | tritāmrastriṣu ca snigdho gambhīrastriṣu nityaśaḥ || 35.17 ||

"(In the traditional catalogue of auspicious marks:) he is firm in three parts (chest, waist and fists), long in three, even in three, elevated in three, coppery in three, glossy in three, and ever deep in three."

Shloka 18 (sundara.35.18)

त्रिवलीमांस्त्र्यवनतश्चतुर्व्यङ्गस्त्रिशीर्षवान् । चतुष्कलश्चतुर्लेखश्चतुष्किष्कुश्चतुःसमः ॥ 35.18 ॥

trivalīmāṃstryavanataścaturvyaṅgastriśīrṣavān | catuṣkalaścaturlekhaścatuṣkiṣkuścatuḥsamaḥ || 35.18 ||

"He bears three folds (at neck and belly), is depressed in three places, delicately formed in four, has a head with three whorls of hair; marked with four auspicious lines at the thumb-root, four lines on the brow, four cubits in height, and even in four pairs of limbs."

Shloka 19 (sundara.35.19)

चतुर्दशसमद्वन्द्वश्चतुर्दंष्ट्रश्चतुर्गतिः । महोष्ठहनुनासश्च पञ्चस्निग्धोऽष्टवंशवान् ॥ 35.19 ॥

caturdaśasamadvandvaścaturdaṃṣṭraścaturgatiḥ | mahoṣṭhahanunāsaśca pañcasnigdho'ṣṭavaṃśavān || 35.19 ||

"Even in fourteen further paired limbs, with four eye-teeth, four kinds of gait (like the lion, tiger, elephant, and bull), full lips, chin and nose, glossy in five features, and long in eight limbs."

Shloka 20 (sundara.35.20)

दशपद्मो दशबृहत् त्रिभिर्व्याप्तो द्विशुक्लवान् । षडुन्नतो नवतनुस्त्रिभिर्व्याप्नोति राघवः ॥ 35.20 ॥

daśapadmo daśabṛhat tribhirvyāpto dviśuklavān | ṣaḍunnato navatanustribhirvyāpnoti rāghavaḥ || 35.20 ||

"Raghava has ten lotus-like features and ten ample ones; he pervades all with three qualities -- splendour, renown and glory; pure on both sides of his lineage, elevated in six places, and fine and delicate in nine."

Shloka 21 (sundara.35.21)

सत्यधर्मरतः श्रीमान् संग्रहानुग्रहे रतः । देशकालविभागज्ञः सर्वलोकप्रियंवदः ॥ 35.21 ॥

satyadharmarataḥ śrīmān saṃgrahānugrahe rataḥ | deśakālavibhāgajñaḥ sarvalokapriyaṃvadaḥ || 35.21 ||

"Devoted to truth and dharma, glorious, delighting in gathering his people and favouring them; knowing the proper divisions of place and time, speaking kindly to all the world."

Shloka 22 (sundara.35.22)

भ्राता चास्य च वैमात्रः सौमित्रिरमितप्रभः । अनुरागेण रूपेण गुणैश्चापि तथाविधः ॥ 35.22 ॥

bhrātā cāsya ca vaimātraḥ saumitriramitaprabhaḥ | anurāgeṇa rūpeṇa guṇaiścāpi tathāvidhaḥ || 35.22 ||

"And his half-brother, Saumitri, of boundless splendour, is likewise similar to him -- in affection, in form, and in virtues."

Shloka 23 (sundara.35.23)

स सुवर्णच्छविः श्रीमान् रामः श्यामो महायशाः । तावुभौ नरशार्दूलौ त्वद्दर्शनकृतोत्सवौ ॥ 35.23 ॥

sa suvarṇacchaviḥ śrīmān rāmaḥ śyāmo mahāyaśāḥ | tāvubhau naraśārdūlau tvaddarśanakṛtotsavau || 35.23 ||

That glorious Rama, golden-hued yet dark of complexion, of great renown -- those two tigers among men, holding the very sight of you as a festival,

Shloka 24 (sundara.35.24)

विचिन्वन्तौ महीं कृत्स्नामस्माभिः सह संगतौ । त्वामेव मार्गमाणौ तौ विचरन्तौ वसुन्धराम् ॥ 35.24 ॥

vicinvantau mahīṃ kṛtsnāmasmābhiḥ saha saṃgatau | tvāmeva mārgamāṇau tau vicarantau vasundharām || 35.24 ||

searching over the whole earth, having joined with us, roaming the earth in search only of you --

Shloka 25 (sundara.35.25)

ददर्शतुर्मृगपतिं पूर्वजेनावरोपितम् । ऋष्यमूकस्य मूले तु बहुपादपसंकुले ॥ 35.25 ॥

dadarśaturmṛgapatiṃ pūrvajenāvaropitam | ṛṣyamūkasya mūle tu bahupādapasaṃkule || 35.25 ||

they two beheld the lord of monkeys, dethroned by his elder brother, at the foot of Rishyamuka, amid a dense growth of trees --

Shloka 26 (sundara.35.26)

भ्रातुर्भयार्तमासीनं सुग्रीवं प्रियदर्शनम् । वयं च हरिराजं तं सुग्रीवं सत्यसङ्गरम् ॥ 35.26 ॥

bhrāturbhayārtamāsīnaṃ sugrīvaṃ priyadarśanam | vayaṃ ca harirājaṃ taṃ sugrīvaṃ satyasaṅgaram || 35.26 ||

-- Sugriva, of pleasing appearance, sitting there afflicted with fear of his brother; and we too serve that Sugriva, true to his promise, king of monkeys,

Shloka 27 (sundara.35.27)

परिचर्यामहे राज्यात् पूर्वजेनावरोपितम् । ततस्तौ चीरवसनौ धनुःप्रवरपाणिनौ ॥ 35.27 ॥

paricaryāmahe rājyāt pūrvajenāvaropitam | tatastau cīravasanau dhanuḥpravarapāṇinau || 35.27 ||

who had been ousted from his kingdom by his elder brother. Then those two, clad in bark garments, excellent bows in hand,

Shloka 28 (sundara.35.28)

ऋष्यमूकस्य शैलस्य रम्यं देशमुपागतौ । स तौ दृष्ट्वा नरव्याघ्रौ धन्विनौ वानरर्षभः ॥ 35.28 ॥

ṛṣyamūkasya śailasya ramyaṃ deśamupāgatau | sa tau dṛṣṭvā naravyāghrau dhanvinau vānararṣabhaḥ || 35.28 ||

came to the lovely region of Mount Rishyamuka. Seeing those two tigers among men, bows in hand, that foremost of monkeys,

Shloka 29 (sundara.35.29)

अभिप्लुतो गिरेस्तस्य शिखरं भयमोहितः । ततः स शिखरे तस्मिन् वानरेन्द्रो व्यवस्थितः ॥ 35.29 ॥

abhipluto girestasya śikharaṃ bhayamohitaḥ | tataḥ sa śikhare tasmin vānarendro vyavasthitaḥ || 35.29 ||

terrified, leapt up to the summit of that mountain. Then that lord of monkeys, stationed on that peak,

Shloka 30 (sundara.35.30)

तयोः समीपं मामेव प्रेषयामास सत्वरम् । तावहं पुरुषव्याघ्रौ सुग्रीववचनात् प्रभू ॥ 35.30 ॥

tayoḥ samīpaṃ māmeva preṣayāmāsa satvaram | tāvahaṃ puruṣavyāghrau sugrīvavacanāt prabhū || 35.30 ||

-- sent me swiftly to those two. I then, by Sugriva's word, approached those two capable tigers among men,

Shloka 31 (sundara.35.31)

रूपलक्षणसम्पन्नौ कृताञ्जलिरुपस्थितः । तौ परिज्ञाततत्त्वार्थौ मया प्रीतिसमन्वितौ ॥ 35.31 ॥

rūpalakṣaṇasampannau kṛtāñjalirupasthitaḥ | tau parijñātatattvārthau mayā prītisamanvitau || 35.31 ||

-- endowed with beauty and marks, and stood before them with joined palms. Once I understood the true state of things between them, filled with affection,

Shloka 32 (sundara.35.32)

पृष्ठमारोप्य तं देशं प्रापितौ पुरुषर्षभौ । निवेदितौ च तत्त्वेन सुग्रीवाय महात्मने ॥ 35.32 ॥

pṛṣṭhamāropya taṃ deśaṃ prāpitau puruṣarṣabhau | niveditau ca tattvena sugrīvāya mahātmane || 35.32 ||

I bore those two foremost of men upon my back and brought them to that place, and made their true nature known to the great-souled Sugriva.

Shloka 33 (sundara.35.33)

तयोरन्योन्यसम्भाषाद् भृशं प्रीतिरजायत । तत्र तौ कीर्तिसम्पन्नौ हरीश्वरनरेश्वरौ ॥ 35.33 ॥

tayoranyonyasambhāṣād bhṛśaṃ prītirajāyata | tatra tau kīrtisampannau harīśvaranareśvarau || 35.33 ||

Through their mutual conversation, a deep affection sprang up between them; there those two renowned ones -- the lord of monkeys and the lord of men --

Shloka 34 (sundara.35.34)

परस्परकृताश्वासौ कथया पूर्ववृत्तया । तं ततः सान्त्वयामास सुग्रीवं लक्ष्मणाग्रजः ॥ 35.34 ॥

parasparakṛtāśvāsau kathayā pūrvavṛttayā | taṃ tataḥ sāntvayāmāsa sugrīvaṃ lakṣmaṇāgrajaḥ || 35.34 ||

-- having reassured one another by recounting their past histories. Lakshmana's elder brother then consoled Sugriva,

Shloka 35 (sundara.35.35)

स्त्रीहेतोर्वालिना भ्रात्रा निरस्तं पुरुतेजसा । ततस्त्वन्नाशजं शोकं रामस्याक्लिष्टकर्मणः ॥ 35.35 ॥

strīhetorvālinā bhrātrā nirastaṃ purutejasā | tatastvannāśajaṃ śokaṃ rāmasyākliṣṭakarmaṇaḥ || 35.35 ||

who had been driven out by his mighty brother Vali over a woman. Then, the grief of untiring Rama, born of your loss --

Shloka 36 (sundara.35.36)

लक्ष्मणो वानरेन्द्राय सुग्रीवाय न्यवेदयत् । स श्रुत्वा वानरेन्द्रस्तु लक्ष्मणेनेरितं वचः ॥ 35.36 ॥

lakṣmaṇo vānarendrāya sugrīvāya nyavedayat | sa śrutvā vānarendrastu lakṣmaṇeneritaṃ vacaḥ || 35.36 ||

Lakshmana related to Sugriva, lord of monkeys. Hearing those words spoken by Lakshmana, that lord of monkeys

Shloka 37 (sundara.35.37)

तदासीन्निष्प्रभोऽत्यर्थं ग्रहग्रस्त इवांशुमान् । ततस्त्वद्गात्रशोभीनि रक्षसा ह्रियमाणया ॥ 35.37 ॥

tadāsīnniṣprabho'tyarthaṃ grahagrasta ivāṃśumān | tatastvadgātraśobhīni rakṣasā hriyamāṇayā || 35.37 ||

then became utterly dimmed, like the sun seized by an eclipse. Then, the ornaments that had once adorned your body, while the demon was carrying you off,

Shloka 38 (sundara.35.38)

यान्याभरणजालानि पातितानि महीतले । तानि सर्वाणि रामाय आनीय हरियूथपाः ॥ 35.38 ॥

yānyābharaṇajālāni pātitāni mahītale | tāni sarvāṇi rāmāya ānīya hariyūthapāḥ || 35.38 ||

-- that whole array of ornaments that had fallen to the ground -- those the monkey chiefs brought and,

Shloka 39 (sundara.35.39)

संहृष्टा दर्शयामासुर्गतिं तु न विदुस्तव । तानि रामाय दत्तानि मयैवोपहृतानि च ॥ 35.39 ॥

saṃhṛṣṭā darśayāmāsurgatiṃ tu na vidustava | tāni rāmāya dattāni mayaivopahṛtāni ca || 35.39 ||

joyfully showed to Rama, though they did not know your fate. Those I myself delivered and presented to Rama --

Shloka 40 (sundara.35.40)

स्वनवन्त्यवकीर्णानि तस्मिन् विहतचेतसि । तान्यङ्के दर्शनीयानि कृत्वा बहुविधं तदा ॥ 35.40 ॥

svanavantyavakīrṇāni tasmin vihatacetasi | tānyaṅke darśanīyāni kṛtvā bahuvidhaṃ tadā || 35.40 ||

-- the ornaments, jingling, were scattered before him whose mind was struck down with grief; and placing those lovely ornaments upon his lap, in many ways

Shloka 41 (sundara.35.41)

तेन देवप्रकाशेन देवेन परिदेवितम् । पश्यतस्तानि रुदतस्ताम्यतश्च पुनः पुनः ॥ 35.41 ॥

tena devaprakāśena devena paridevitam | paśyatastāni rudatastāmyataśca punaḥ punaḥ || 35.41 ||

he, godlike in radiance, lamented -- as he looked upon them, weeping and swooning again and again,

Shloka 42 (sundara.35.42)

प्रादीपयद् दाशरथेस्तदा शोकहुताशनम् ॥ 35.42 ॥

prādīpayad dāśarathestadā śokahutāśanam || 35.42 ||

kindling ever higher the fire of Dasharathi's grief.

Shloka 43 (sundara.35.43)

शायितं च चिरं तेन दुःखार्तेन महात्मना । मयापि विविधैर्वाक्यैः कृच्छ्रादुत्थापितः पुनः ॥ 35.43 ॥

śāyitaṃ ca ciraṃ tena duḥkhārtena mahātmanā | mayāpi vividhairvākyaiḥ kṛcchrādutthāpitaḥ punaḥ || 35.43 ||

For long that great-souled one, tormented with grief, lay upon the ground; and by me too, with many kinds of words, he was with difficulty raised up again.

Shloka 44 (sundara.35.44)

तानि दृष्ट्वा महार्हाणि दर्शयित्वा मुहुर्मुहुः । राघवः सहसौमित्रिः सुग्रीवे संन्यवेशयत् ॥ 35.44 ॥

tāni dṛṣṭvā mahārhāṇi darśayitvā muhurmuhuḥ | rāghavaḥ sahasaumitriḥ sugrīve saṃnyaveśayat || 35.44 ||

Having looked upon those costly ornaments and shown them again and again, Raghava, together with Saumitri, then entrusted them to Sugriva.

Shloka 45 (sundara.35.45)

स तवादर्शनादार्ये राघवः परितप्यते । महता ज्वलता नित्यमग्निनेवाग्निपर्वतः ॥ 35.45 ॥

sa tavādarśanādārye rāghavaḥ paritapyate | mahatā jvalatā nityamagninevāgniparvataḥ || 35.45 ||

"O noble lady, that Raghava is tormented at not seeing you, ever burning as with a great blazing fire, like a mountain of fire."

Shloka 46 (sundara.35.46)

त्वत्कृते तमनिद्रा च शोकश्चिन्ता च राघवम् । तापयन्ति महात्मानमग्न्यगारमिवाग्नयः ॥ 35.46 ॥

tvatkṛte tamanidrā ca śokaścintā ca rāghavam | tāpayanti mahātmānamagnyagāramivāgnayaḥ || 35.46 ||

"For your sake, sleeplessness, grief, and anxiety torment that great-souled Raghava, as flames torment a house of fire."

Shloka 47 (sundara.35.47)

तवादर्शनशोकेन राघवः परिचाल्यते । महता भूमिकम्पेन महानिव शिलोच्चयः ॥ 35.47 ॥

tavādarśanaśokena rāghavaḥ paricālyate | mahatā bhūmikampena mahāniva śiloccayaḥ || 35.47 ||

"By the grief of not seeing you, Raghava is shaken, like a great mountain of rock by a mighty earthquake."

Shloka 48 (sundara.35.48)

काननानि सुरम्याणि नदीप्रस्रवणानि च । चरन् न रतिमाप्नोति त्वामपश्यन् नृपात्मजे ॥ 35.48 ॥

kānanāni suramyāṇi nadīprasravaṇāni ca | caran na ratimāpnoti tvāmapaśyan nṛpātmaje || 35.48 ||

"O princess, though he wanders through lovely woodlands and rivers and waterfalls, he finds no delight, not seeing you."

Shloka 49 (sundara.35.49)

स त्वां मनुजशार्दूलः क्षिप्रं प्राप्स्यति राघवः । समित्रबान्धवं हत्वा रावणं जनकात्मजे ॥ 35.49 ॥

sa tvāṃ manujaśārdūlaḥ kṣipraṃ prāpsyati rāghavaḥ | samitrabāndhavaṃ hatvā rāvaṇaṃ janakātmaje || 35.49 ||

"O daughter of Janaka, that tiger among men, Raghava, will soon win you back, having slain Ravana together with his friends and kinsmen."

Shloka 50 (sundara.35.50)

सहितौ रामसुग्रीवावुभावकुरुतां तदा । समयं वालिनं हन्तुं तव चान्वेषणं प्रति ॥ 35.50 ॥

sahitau rāmasugrīvāvubhāvakurutāṃ tadā | samayaṃ vālinaṃ hantuṃ tava cānveṣaṇaṃ prati || 35.50 ||

Then Rama and Sugriva, together, made a pact -- to slay Vali, and to search for you.

Shloka 51 (sundara.35.51)

ततस्ताभ्यां कुमाराभ्यां वीराभ्यां स हरीश्वरः । किष्किन्धां समुपागम्य वाली युद्धे निपातितः ॥ 35.51 ॥

tatastābhyāṃ kumārābhyāṃ vīrābhyāṃ sa harīśvaraḥ | kiṣkindhāṃ samupāgamya vālī yuddhe nipātitaḥ || 35.51 ||

Then, by those two valiant princes, that lord of monkeys, Vali, having come to Kishkindha, was struck down in battle.

Shloka 52 (sundara.35.52)

ततो निहत्य तरसा रामो वालिनमाहवे । सर्वर्क्षहरिसङ्घानां सुग्रीवमकरोत् पतिम् ॥ 35.52 ॥

tato nihatya tarasā rāmo vālinamāhave | sarvarkṣaharisaṅghānāṃ sugrīvamakarot patim || 35.52 ||

Then, having swiftly slain Vali in combat, Rama made Sugriva lord over all the hosts of bears and monkeys.

Shloka 53 (sundara.35.53)

रामसुग्रीवयोरैक्यं देव्येवं समजायत । हनूमन्तं च मां विद्धि तयोर्दूतमुपागतम् ॥ 35.53 ॥

rāmasugrīvayoraikyaṃ devyevaṃ samajāyata | hanūmantaṃ ca māṃ viddhi tayordūtamupāgatam || 35.53 ||

Thus, O queen, was the alliance between Rama and Sugriva made. Know me, Hanuman, to be their messenger, come here.

Shloka 54 (sundara.35.54)

स्वं राज्यं प्राप्य सुग्रीवः स्वानानीय महाकपीन् । त्वदर्थं प्रेषयामास दिशो दश महाबलान् ॥ 35.54 ॥

svaṃ rājyaṃ prāpya sugrīvaḥ svānānīya mahākapīn | tvadarthaṃ preṣayāmāsa diśo daśa mahābalān || 35.54 ||

Having obtained his own kingdom, Sugriva, gathering his own great monkeys, sent forth mighty ones for your sake to the ten directions.

Shloka 55 (sundara.35.55)

आदिष्टा वानरेन्द्रेण सुग्रीवेण महौजसः । अद्रिराजप्रतीकाशाः सर्वतः प्रस्थिता महीम् ॥ 35.55 ॥

ādiṣṭā vānarendreṇa sugrīveṇa mahaujasaḥ | adrirājapratīkāśāḥ sarvataḥ prasthitā mahīm || 35.55 ||

Commanded by that greatly mighty lord of monkeys, Sugriva, those resembling mountain-kings set forth over the whole earth in every direction.

Shloka 56 (sundara.35.56)

ततस्ते मार्गमाणा वै सुग्रीववचनातुराः । चरन्ति वसुधां कृत्स्नां वयमन्ये च वानराः ॥ 35.56 ॥

tataste mārgamāṇā vai sugrīvavacanāturāḥ | caranti vasudhāṃ kṛtsnāṃ vayamanye ca vānarāḥ || 35.56 ||

Then, eager to fulfil Sugriva's word, we and the other monkeys began roaming the whole earth in search.

Shloka 57 (sundara.35.57)

अङ्गदो नाम लक्ष्मीवान् वालिसूनुर्महाबलः । प्रस्थितः कपिशार्दूलस्त्रिभागबलसंवृतः ॥ 35.57 ॥

aṅgado nāma lakṣmīvān vālisūnurmahābalaḥ | prasthitaḥ kapiśārdūlastribhāgabalasaṃvṛtaḥ || 35.57 ||

One named Angada, fortunate, son of Vali, of great strength, that tiger among monkeys, set out, surrounded by a third of the army.

Shloka 58 (sundara.35.58)

तेषां नो विप्रणष्टानां विन्ध्ये पर्वतसत्तमे । भृशं शोकपरीतानामहोरात्रगणा गताः ॥ 35.58 ॥

teṣāṃ no vipraṇaṣṭānāṃ vindhye parvatasattame | bhṛśaṃ śokaparītānāmahorātragaṇā gatāḥ || 35.58 ||

For us, having lost our way upon the excellent mountain Vindhya, overwhelmed with grief, many days and nights passed.

Shloka 59 (sundara.35.59)

ते वयं कार्यनैराश्यात् कालस्यातिक्रमेण च । भयाच्च कपिराजस्य प्राणांस्त्यक्तुमुपस्थिताः ॥ 35.59 ॥

te vayaṃ kāryanairāśyāt kālasyātikrameṇa ca | bhayācca kapirājasya prāṇāṃstyaktumupasthitāḥ || 35.59 ||

We, in despair over our task, having overstepped the appointed time, and in fear of the monkey-king, resolved to give up our lives.

Shloka 60 (sundara.35.60)

विचित्य गिरिदुर्गाणि नदीप्रस्रवणानि च । अनासाद्य पदं देव्याः प्राणांस्त्यक्तुं व्यवस्थिताः ॥ 35.60 ॥

vicitya giridurgāṇi nadīprasravaṇāni ca | anāsādya padaṃ devyāḥ prāṇāṃstyaktuṃ vyavasthitāḥ || 35.60 ||

Having searched through mountain fastnesses, rivers and waterfalls, and finding no trace of the queen, we were resolved to give up our lives.

Shloka 61 (sundara.35.61)

ततस्तस्य गिरेर्मूर्ध्नि वयं प्रायमुपास्महे । दृष्ट्वा प्रायोपविष्टांश्च सर्वान् वानरपुङ्गवान् ॥ 35.61 ॥

tatastasya girermūrdhni vayaṃ prāyamupāsmahe | dṛṣṭvā prāyopaviṣṭāṃśca sarvān vānarapuṅgavān || 35.61 ||

Then, upon the summit of that mountain, we undertook the fast unto death. Seeing all those foremost monkeys sitting down thus to die,

Shloka 62 (sundara.35.62)

भृशं शोकार्णवे मग्नः पर्यदेवयदङ्गदः । तव नाशं च वैदेहि वालिनश्च तथा वधम् ॥ 35.62 ॥

bhṛśaṃ śokārṇave magnaḥ paryadevayadaṅgadaḥ | tava nāśaṃ ca vaidehi vālinaśca tathā vadham || 35.62 ||

Angada, sunk deep in an ocean of grief, lamented -- for your loss, O Vaidehi, and for the slaying of Vali,

Shloka 63 (sundara.35.63)

प्रायोपवेशमस्माकं मरणं च जटायुषः । तेषां नः स्वामिसंदेशान्निराशानां मुमूर्षताम् ॥ 35.63 ॥

prāyopaveśamasmākaṃ maraṇaṃ ca jaṭāyuṣaḥ | teṣāṃ naḥ svāmisaṃdeśānnirāśānāṃ mumūrṣatām || 35.63 ||

and for our own fast unto death, and for the death of Jatayu. Then, for us, hopeless because of our lord's command and resolved to die,

Shloka 64 (sundara.35.64)

कार्यहेतोरिहायातः शकुनिर्वीर्यवान् महान् । गृध्रराजस्य सोदर्यः सम्पातिर्नाम गृध्रराट् ॥ 35.64 ॥

kāryahetorihāyātaḥ śakunirvīryavān mahān | gṛdhrarājasya sodaryaḥ sampātirnāma gṛdhrarāṭ || 35.64 ||

there came, as if for our very purpose, a great and mighty bird -- the brother of the vulture-king Jatayu, the vulture-king named Sampati.

Shloka 65 (sundara.35.65)

श्रुत्वा भ्रातृवधं कोपादिदं वचनमब्रवीत् । यवीयान् केन मे भ्राता हतः क्व च निपातितः ॥ 35.65 ॥

śrutvā bhrātṛvadhaṃ kopādidaṃ vacanamabravīt | yavīyān kena me bhrātā hataḥ kva ca nipātitaḥ || 35.65 ||

Hearing of his brother's death, he spoke these words in anger: "By whom was my younger brother slain, and where did he fall?"

Shloka 66 (sundara.35.66)

एतदाख्यातुमिच्छामि भवद्भिर्वानरोत्तमाः । अङ्गदोऽकथयत् तस्य जनस्थाने महद्वधम् ॥ 35.66 ॥

etadākhyātumicchāmi bhavadbhirvānarottamāḥ | aṅgado'kathayat tasya janasthāne mahadvadham || 35.66 ||

"O foremost of monkeys, this I wish you to tell me." Angada then told him of the great slaying that occurred at Janasthana --

Shloka 67 (sundara.35.67)

रक्षसा भीमरूपेण त्वामुद्दिश्य यथार्थतः । जटायोस्तु वधं श्रुत्वा दुःखितः सोऽरुणात्मजः ॥ 35.67 ॥

rakṣasā bhīmarūpeṇa tvāmuddiśya yathārthataḥ | jaṭāyostu vadhaṃ śrutvā duḥkhitaḥ so'ruṇātmajaḥ || 35.67 ||

-- exactly how, by a demon of terrible form, on your account, Jatayu had been slain. Hearing of Jatayu's death, that son of Aruna, grieved,

Shloka 68 (sundara.35.68)

त्वामाह स वरारोहे वसन्तीं रावणालये । तस्य तद् वचनं श्रुत्वा सम्पातेः प्रीतिवर्धनम् ॥ 35.68 ॥

tvāmāha sa varārohe vasantīṃ rāvaṇālaye | tasya tad vacanaṃ śrutvā sampāteḥ prītivardhanam || 35.68 ||

-- O fair one, told us that you were dwelling in Ravana's abode. Hearing that joy-giving word of Sampati's,

Shloka 69 (sundara.35.69)

अङ्गदप्रमुखाः सर्वे ततः प्रस्थापिता वयम् । विन्ध्यादुत्थाय सम्प्राप्ताः सागरस्यान्तमुत्तमम् ॥ 35.69 ॥

aṅgadapramukhāḥ sarve tataḥ prasthāpitā vayam | vindhyādutthāya samprāptāḥ sāgarasyāntamuttamam || 35.69 ||

all of us, led by Angada, then set forth; rising up from the Vindhya, we reached the farthest, excellent shore of the ocean.

Shloka 70 (sundara.35.70)

त्वद्दर्शने कृतोत्साहा हृष्टाः पुष्टाः प्लवङ्गमाः । अङ्गदप्रमुखाः सर्वे वेलोपान्तमुपागताः ॥ 35.70 ॥

tvaddarśane kṛtotsāhā hṛṣṭāḥ puṣṭāḥ plavaṅgamāḥ | aṅgadapramukhāḥ sarve velopāntamupāgatāḥ || 35.70 ||

All the monkeys, led by Angada, eager and joyful and full of vigour at the prospect of seeing you, arrived at the shore's edge.

Shloka 71 (sundara.35.71)

चिन्तां जग्मुः पुनर्भीमां त्वद्दर्शनसमुत्सुकाः । अथाहं हरिसैन्यस्य सागरं दृश्य सीदतः ॥ 35.71 ॥

cintāṃ jagmuḥ punarbhīmāṃ tvaddarśanasamutsukāḥ | athāhaṃ harisainyasya sāgaraṃ dṛśya sīdataḥ || 35.71 ||

Yet, eager as they were to see you, they fell again into fearful anxiety at the sight of the ocean. Then I, seeing the army of monkeys despairing at the sight of the sea,

Shloka 72 (sundara.35.72)

व्यवधूय भयं तीव्रं योजनानां शतं प्लुतः । लङ्का चापि मया रात्रौ प्रविष्टा राक्षसाकुला ॥ 35.72 ॥

vyavadhūya bhayaṃ tīvraṃ yojanānāṃ śataṃ plutaḥ | laṅkā cāpi mayā rātrau praviṣṭā rākṣasākulā || 35.72 ||

and, casting off my own intense fear, leapt across a hundred yojanas. And Lanka too, thronged with demons, I entered by night.

Shloka 73 (sundara.35.73)

रावणश्च मया दृष्टस्त्वं च शोकनिपीडिता । एतत् ते सर्वमाख्यातं यथावृत्तमनिन्दिते ॥ 35.73 ॥

rāvaṇaśca mayā dṛṣṭastvaṃ ca śokanipīḍitā | etat te sarvamākhyātaṃ yathāvṛttamanindite || 35.73 ||

There I saw Ravana, and you too, oppressed with grief. All this I have told you, O irreproachable one, exactly as it happened.

Shloka 74 (sundara.35.74)

अभिभाषस्व मां देवि दूतो दाशरथेरहम् । तन्मां रामकृतोद्योगं त्वन्निमित्तमिहागतम् ॥ 35.74 ॥

abhibhāṣasva māṃ devi dūto dāśaratheraham | tanmāṃ rāmakṛtodyogaṃ tvannimittamihāgatam || 35.74 ||

"Speak to me now, O queen, for I am the messenger of Dasharathi. Know me as one sent by Rama's own effort, come here for your sake --"

Shloka 75 (sundara.35.75)

सुग्रीवसचिवं देवि बुद्ध्यस्व पवनात्मजम् । कुशली तव काकुत्स्थः सर्वशस्त्रभृतां वरः ॥ 35.75 ॥

sugrīvasacivaṃ devi buddhyasva pavanātmajam | kuśalī tava kākutsthaḥ sarvaśastrabhṛtāṃ varaḥ || 35.75 ||

"-- know me, O queen, as the minister of Sugriva, son of the Wind-god. Your Kakutstha, foremost of all wielders of weapons, is well."

Shloka 76 (sundara.35.76)

गुरोराराधने युक्तो लक्ष्मणः शुभलक्षणः । तस्य वीर्यवतो देवि भर्तुस्तव हिते रतः ॥ 35.76 ॥

gurorārādhane yukto lakṣmaṇaḥ śubhalakṣaṇaḥ | tasya vīryavato devi bhartustava hite rataḥ || 35.76 ||

"Lakshmana, of auspicious marks, devoted to the service of his elder, O queen, is ever intent on the welfare of that valiant husband of yours."

Shloka 77 (sundara.35.77)

अहमेकस्तु सम्प्राप्तः सुग्रीववचनादिह । मयेयमसहायेन चरता कामरूपिणा ॥ 35.77 ॥

ahamekastu samprāptaḥ sugrīvavacanādiha | mayeyamasahāyena caratā kāmarūpiṇā || 35.77 ||

"I alone have come here, by the word of Sugriva; going without any companion, capable of assuming any form at will,"

Shloka 78 (sundara.35.78)

दक्षिणा दिगनुक्रान्ता त्वन्मार्गविचयैषिणा । दिष्ट्याहं हरिसैन्यानां त्वन्नाशमनुशोचताम् ॥ 35.78 ॥

dakṣiṇā diganukrāntā tvanmārgavicayaiṣiṇā | diṣṭyāhaṃ harisainyānāṃ tvannāśamanuśocatām || 35.78 ||

"-- I traversed the southern quarter, seeking the path to you. By good fortune, for the army of monkeys mourning your loss, I,"

Shloka 79 (sundara.35.79)

अपनेष्यामि संतापं तवाधिगमशासनात् । दिष्ट्या हि न मम व्यर्थं सागरस्येह लङ्घनम् ॥ 35.79 ॥

apaneṣyāmi saṃtāpaṃ tavādhigamaśāsanāt | diṣṭyā hi na mama vyarthaṃ sāgarasyeha laṅghanam || 35.79 ||

"-- shall remove their anguish, by bearing the news of having found you. By good fortune indeed, my crossing of the ocean here has not gone in vain."

Shloka 80 (sundara.35.80)

प्राप्स्याम्यहमिदं देवि त्वद्दर्शनकृतं यशः । राघवश्च महावीर्यः क्षिप्रं त्वामभिपत्स्यते ॥ 35.80 ॥

prāpsyāmyahamidaṃ devi tvaddarśanakṛtaṃ yaśaḥ | rāghavaśca mahāvīryaḥ kṣipraṃ tvāmabhipatsyate || 35.80 ||

"O queen, I shall gain this fame of having seen you; and Raghava, of great valour, shall soon win you back,"

Shloka 81 (sundara.35.81)

सपुत्रबान्धवं हत्वा रावणं राक्षसाधिपम् । माल्यवान् नाम वैदेहि गिरीणामुत्तमो गिरिः ॥ 35.81 ॥

saputrabāndhavaṃ hatvā rāvaṇaṃ rākṣasādhipam | mālyavān nāma vaidehi girīṇāmuttamo giriḥ || 35.81 ||

"-- having slain Ravana, lord of the Rakshasas, together with his sons and kinsmen. O Vaidehi, there is a mountain named Malyavan, foremost among mountains --"

Shloka 82 (sundara.35.82)

ततो गच्छति गोकर्णं पर्वतं केसरी हरिः । स च देवर्षिभिर्दिष्टः पिता मम महाकपिः । तीर्थे नदीपतेः पुण्ये शम्बसादनमुद्धरन् ॥ 35.82 ॥

tato gacchati gokarṇaṃ parvataṃ kesarī hariḥ | sa ca devarṣibhirdiṣṭaḥ pitā mama mahākapiḥ | tīrthe nadīpateḥ puṇye śambasādanamuddharan || 35.82 ||

"-- from there the monkey Kesari goes on to Mount Gokarna. And he, my father, that great monkey, appointed by gods and sages, at the sacred confluence of the ocean-lord, slays the demon Shambasadana."

Shloka 83 (sundara.35.83)

यस्याहं हरिणः क्षेत्रे जातो वातेन मैथिलि । हनूमानिति विख्यातो लोके स्वेनैव कर्मणा ॥ 35.83 ॥

yasyāhaṃ hariṇaḥ kṣetre jāto vātena maithili | hanūmāniti vikhyāto loke svenaiva karmaṇā || 35.83 ||

"O Maithili, I was born to that monkey's wife by the Wind-god, and by my own deeds alone am known in the world by the name Hanuman."

Shloka 84 (sundara.35.84)

विश्वासार्थं तु वैदेहि भर्तुरुक्ता मया गुणाः । अचिरात् त्वामितो देवि राघवो नयिता ध्रुवम् ॥ 35.84 ॥

viśvāsārthaṃ tu vaidehi bharturuktā mayā guṇāḥ | acirāt tvāmito devi rāghavo nayitā dhruvam || 35.84 ||

"O Vaidehi, it is only to win your trust that I have told you your husband's virtues; before long, O queen, Raghava will surely take you from here."

Shloka 85 (sundara.35.85)

एवं विश्वासिता सीता हेतुभिः शोककर्शिता । उपपन्नैरभिज्ञानैर्दूतं तमधिगच्छति ॥ 35.85 ॥

evaṃ viśvāsitā sītā hetubhiḥ śokakarśitā | upapannairabhijñānairdūtaṃ tamadhigacchati || 35.85 ||

Thus reassured by these grounds -- Sita, worn thin with grief -- through these fitting tokens, came to trust that messenger.

Shloka 86 (sundara.35.86)

अतुलं च गता हर्षं प्रहर्षेण तु जानकी । नेत्राभ्यां वक्रपक्ष्माभ्यां मुमोचानन्दजं जलम् ॥ 35.86 ॥

atulaṃ ca gatā harṣaṃ praharṣeṇa tu jānakī | netrābhyāṃ vakrapakṣmābhyāṃ mumocānandajaṃ jalam || 35.86 ||

And Janaki, filled with matchless joy, in her great delight, let fall tears of happiness from her eyes with their curved lashes.

Shloka 87 (sundara.35.87)

चारु तद् वदनं तस्यास्ताम्रशुक्लायतेक्षणम् । अशोभत विशालाक्ष्या राहुमुक्त इवोडुराट् ॥ 35.87 ॥

cāru tad vadanaṃ tasyāstāmraśuklāyatekṣaṇam | aśobhata viśālākṣyā rāhumukta ivoḍurāṭ || 35.87 ||

That lovely face of hers, wide-eyed, its eyes of red and white, shone forth like the moon, king of stars, released from the grip of Rahu.

Shloka 88 (sundara.35.88)

हनूमन्तं कपिं व्यक्तं मन्यते नान्यथेति सा । अथोवाच हनूमांस्तामुत्तरं प्रियदर्शनाम् ॥ 35.88 ॥

hanūmantaṃ kapiṃ vyaktaṃ manyate nānyatheti sā | athovāca hanūmāṃstāmuttaraṃ priyadarśanām || 35.88 ||

She now took him clearly to be the monkey Hanuman, and none other. Then Hanuman spoke this further word to her, of pleasing appearance:

Shloka 89 (sundara.35.89)

एतत् ते सर्वमाख्यातं समाश्वसिहि मैथिलि । किं करोमि कथं वा ते रोचते प्रतियाम्यहम् ॥ 35.89 ॥

etat te sarvamākhyātaṃ samāśvasihi maithili | kiṃ karomi kathaṃ vā te rocate pratiyāmyaham || 35.89 ||

"All this I have told you; be comforted, O Maithili. What shall I do, or in what way does it please you? I now return."

Shloka 90 (sundara.35.90)

हतेऽसुरे संयति शम्बसादने कपिप्रवीरेण महर्षिचोदनात् । ततोऽस्मि वायुप्रभवो हि मैथिलि प्रभावतस्तत्प्रतिमश्च वानरः ॥ 35.90 ॥

hate'sure saṃyati śambasādane kapipravīreṇa maharṣicodanāt | tato'smi vāyuprabhavo hi maithili prabhāvatastatpratimaśca vānaraḥ || 35.90 ||

"When the demon Shambasadana was slain in battle by that valiant monkey, at the urging of the great sages -- from that lineage I, O Maithili, am this monkey born of the Wind-god, equal to him in power by that very grace."