The Slaying of the Ministers' Sons

Shloka 1 (sundara.45.1)

ततस्ते राक्षसेन्द्रेण चोदिता मन्त्रिणः सुताः। निर्ययुर्भवनात् तस्मात् सप्त सप्तार्चिवर्चसः ॥ 45.1 ॥

tataste rākṣasendreṇa coditā mantriṇaḥ sutāḥ| niryayurbhavanāt tasmāt sapta saptārcivarcasaḥ || 45.1 ||

Then those seven sons of the chief minister, urged on by the lord of the rakshasas, blazing with a splendor like fire, went forth from that palace.

Shloka 2 (sundara.45.2)

महद्बलपरीवारा धनुष्मन्तो महाबलाः। कृतास्त्रास्त्रविदां श्रेष्ठाः परस्परजयैषिणः ॥ 45.2 ॥

mahada‍balaparīvārā dhanuṣmanto mahābalāḥ| kṛtāstrāstravidāṃ śreṣṭhāḥ parasparajayaiṣiṇaḥ || 45.2 ||

Surrounded by a great host, wielders of bows, mighty ones, foremost among the knowers of weapons and their use, each eager for victory over the other —

Shloka 3 (sundara.45.3)

हेमजालपरिक्षिप्तैर्ध्वजवद्भिः पताकिभिः। तोयदस्वननिर्घोषैर्वाजियुक्तैर्महारथैः ॥ 45.3 ॥

hemajālaparikṣiptairdhvajavadbhiḥ patākibhiḥ| toyadasvananirghoṣairvājiyuktairmahārathaiḥ || 45.3 ||

— in great chariots strung about with nets of gold, bannered and hung with pennants, rumbling like storm-clouds, yoked with swift steeds,

Shloka 4 (sundara.45.4)

तप्तकाञ्चनचित्राणि चापान्यमितविक्रमाः। विस्फारयन्तः संहृष्टास्तडिद्वन्त इवाम्बुदाः ॥ 45.4 ॥

taptakāñcanacitrāṇi cāpānyamitavikramāḥ| visphārayantaḥ saṃhṛṣṭāstaḍidvanta ivāmbudāḥ || 45.4 ||

— stretching their bows, splendid, wrought of refined gold, of measureless valor, exultant, they shone like storm-clouds shot with lightning.

Shloka 5 (sundara.45.5)

जनन्यस्तास्ततस्तेषां विदित्वा किंकरान् हतान्। बभूवुः शोकसम्भ्रान्ताः सबान्धवसुहृज्जनाः ॥ 45.5 ॥

jananyastāstatasteṣāṃ viditvā kiṃkarān hatān| babhūvuḥ śokasambhrāntāḥ sabāndhavasuhṛjjanāḥ || 45.5 ||

Their mothers, learning then that the Kinkaras had been slain, grew distraught with grief, together with their kinsmen and friends.

Shloka 6 (sundara.45.6)

ते परस्परसंघर्षात् तप्तकाञ्चनभूषणाः। अभिपेतुर्हनूमन्तं तोरणस्थमवस्थितम् ॥ 45.6 ॥

te parasparasaṃgharṣāt taptakāñcanabhūṣaṇāḥ| abhipeturhanūmantaṃ toraṇasthamavasthitam || 45.6 ||

Those sons, adorned with ornaments of refined gold, clashing against one another in their eagerness, rushed upon Hanuman as he stood fast upon the archway.

Shloka 7 (sundara.45.7)

सृजन्तो बाणवृष्टिं ते रथगर्जितनिःस्वनाः। प्रावृट्काल इवाम्भोदा विचेरुर्नैर्ऋताम्बुदाः ॥ 45.7 ॥

sṛjanto bāṇavṛṣṭiṃ te rathagarjitaniḥsvanāḥ| prāvṛṭkāla ivāmbhodā vicerurnairṛtāmbudāḥ || 45.7 ||

Loosing a shower of arrows, their chariots thundering, they ranged about like storm-clouds of the monsoon season, those raincloud-like night-roamers.

Shloka 8 (sundara.45.8)

अवकीर्णस्ततस्ताभिर्हनूमान् शरवृष्टिभिः। अभवत् संवृताकारः शैलराडिव वृष्टिभिः ॥ 45.8 ॥

avakīrṇastatastābhirhanūmān śaravṛṣṭibhiḥ| abhavat saṃvṛtākāraḥ śailarāḍiva vṛṣṭibhiḥ || 45.8 ||

Then, overspread by that rain of arrows, Hanuman became hidden from sight, as a mountain-king is veiled by ceaseless torrents of rain.

Shloka 9 (sundara.45.9)

स शरान् वञ्चयामास तेषामाशुचरः कपिः। रथवेगांश्च वीराणां विचरन् विमलेऽम्बरे ॥ 45.9 ॥

sa śarān vañcayāmāsa teṣāmāśucaraḥ kapiḥ| rathavegāṃśca vīrāṇāṃ vicaran vimale'mbare || 45.9 ||

Ranging swiftly through the clear sky, that fleet-footed monkey rendered vain both the arrows and the swift chariots of those heroes.

Shloka 10 (sundara.45.10)

स तैः क्रीडन् धनुष्मद्भिर्व्योम्नि वीरः प्रकाशते। धनुष्मद्भिर्यथा मेघैर्मारुतः प्रभुरम्बरे ॥ 45.10 ॥

sa taiḥ krīḍan dhanuṣmadbhirvyomni vīraḥ prakāśate| dhanuṣmadbhiryathā meghairmārutaḥ prabhurambare || 45.10 ||

Sporting there among those bow-wielders in the sky, that hero shone forth as the mighty wind-god sports among clouds bearing the rainbow.

Shloka 11 (sundara.45.11)

स कृत्वा निनदं घोरं त्रासयंस्तां महाचमूम्। चकार हनुमान् वेगं तेषु रक्षःसु वीर्यवान् ॥ 45.11 ॥

sa kṛtvā ninadaṃ ghoraṃ trāsayaṃstāṃ mahācamūm| cakāra hanumān vegaṃ teṣu rakṣaḥsu vīryavān || 45.11 ||

Then, letting loose a terrible roar and striking terror into that great army, mighty Hanuman fell upon those rakshasas with full force.

Shloka 12 (sundara.45.12)

तलेनाभिहनत् कांश्चित् पादैः कांश्चित् परंतपः। मुष्टिभिश्चाहनत् कांश्चिन्नखैः कांश्चिद् व्यदारयत् ॥ 45.12 ॥

talenābhihanat kāṃścit pādaiḥ kāṃścit paraṃtapaḥ| muṣṭibhiścāhanat kāṃścinnakhaiḥ kāṃścid vyadārayat || 45.12 ||

That scorcher of foes struck down some with the flat of his hand, some with his feet, some he struck with his fists, and some he tore apart with his claws.

Shloka 13 (sundara.45.13)

प्रममाथोरसा कांश्चिदूरुभ्यामपरानपि। केचित् तस्यैव नादेन तत्रैव पतिता भुवि ॥ 45.13 ॥

pramamāthorasā kāṃścidūrubhyāmaparānapi| kecit tasyaiva nādena tatraiva patitā bhuvi || 45.13 ||

Some he crushed with his chest, others again with his thighs; some fell dead there upon the ground by his very roar alone.

Shloka 14 (sundara.45.14)

ततस्तेष्ववसन् नेषु भूमौ निपतितेषु च। तत्सैन्यमगमत् सर्वं दिशो दश भयार्दितम् ॥ 45.14 ॥

tatasteṣvavasan neṣu bhūmau nipatiteṣu ca| tatsainyamagamat sarvaṃ diśo daśa bhayārditam || 45.14 ||

Then, with those demons fallen and lying dead upon the ground, that whole army fled in the ten directions, stricken with terror.

Shloka 15 (sundara.45.15)

विनेदुर्विस्वरं नागा निपेतुर्भुवि वाजिनः। भग्ननीडध्वजच्छत्रैर्भूश्च कीर्णाभवद् रथैः ॥ 45.15 ॥

vinedurvisvaraṃ nāgā nipeturbhuvi vājinaḥ| bhagnanīḍadhvajacchatrairbhūśca kīrṇābhavad rathaiḥ || 45.15 ||

Elephants trumpeted in discordant cries, horses fell upon the ground; the earth was strewn with chariots, their nests of seats, their banners and their canopies broken.

Shloka 16 (sundara.45.16)

स्रवता रुधिरेणाथ स्रवन्त्यो दर्शिताः पथि। विविधैश्च स्वनैर्लङ्का ननाद विकृतं तदा ॥ 45.16 ॥

sravatā rudhireṇātha sravantyo darśitāḥ pathi| vividhaiśca svanairlaṅkā nanāda vikṛtaṃ tadā || 45.16 ||

Then streams flowing with blood were seen along the way, and Lanka resounded then with cries of every dreadful kind.

Shloka 17 (sundara.45.17)

स तान् प्रवृद्धान् विनिहत्य राक्षसान् महाबलश्चण्डपराक्रमः कपिः। युयुत्सुरन्यैः पुनरेव राक्षसै- स्तदेव वीरोऽभिजगाम तोरणम् ॥ 45.17 ॥

sa tān pravṛddhān vinihatya rākṣasān mahābalaścaṇḍaparākramaḥ kapiḥ| yuyutsuranyaiḥ punareva rākṣasai- stadeva vīro'bhijagāma toraṇam || 45.17 ||

That mighty one, of fierce prowess, having thus slain those arrogant rakshasas, still eager for battle with other demons, that hero returned once more to the very same archway.