The Slaying of Sumali

Shloka 1 (uttara.27.1)

कैलासं लङ्घयित्वाथ दशग्रीवः स रावणः। आससाद महातेजा इन्द्रलोकं निशाचरः ॥ 27.1 ॥

kailāsaṃ laṅghayitvātha daśagrīvaḥ sa rāvaṇaḥ| āsasāda mahātejā indralokaṃ niśācaraḥ || 27.1 ||

Then, having crossed over Kailasa, that ten-necked Ravana, the mighty night-roaming demon, reached the realm of Indra.

Shloka 2 (uttara.27.2)

तस्य राक्षससैन्यस्य समन्तादुपयास्यतः। देवलोकं ययौ शब्दो मथ्यमानार्णवोपमः ॥ 27.2 ॥

tasya rākṣasasainyasya samantādupayāsyataḥ| devalokaṃ yayau śabdo mathyamānārṇavopamaḥ || 27.2 ||

As his rakshasa army advanced from every side, a sound like a churning ocean rose up and reached the world of the gods.

Shloka 3 (uttara.27.3)

श्रुत्वा तु रावणं प्राप्तमिन्द्रश्चलित आसनात्। अब्रवीत्तत्र तान् देवान् सर्वानेव समागतान् ॥ 27.3 ॥

śrutvā tu rāvaṇaṃ prāptamindraścalita āsanāt| abravīttatra tān devān sarvāneva samāgatān || 27.3 ||

Hearing that Ravana had arrived, Indra started up from his seat, and spoke there to all the assembled gods.

Shloka 4 (uttara.27.4)

आदित्यान्सवसून्रुद्रान्विश्वान्साध्यान्मरुद्गणान्। सज्जीभवत युद्धार्थं रावणस्य दुरात्मनः ॥ 27.4 ॥

ādityānsavasūnrudrānviśvānsādhyānmarudgaṇān| sajjībhavata yuddhārthaṃ rāvaṇasya durātmanaḥ || 27.4 ||

"O Adityas, Vasus, Rudras, Vishvas, Sadhyas, and hosts of Maruts, make yourselves ready for battle against evil-souled Ravana."

Shloka 5 (uttara.27.5)

एवमुक्तास्तु शक्रेण देवाः शक्रसमा युधि। सन्नह्य सुमहासत्त्वा युद्धश्रद्धासमन्विताः ॥ 27.5 ॥

evamuktāstu śakreṇa devāḥ śakrasamā yudhi| sannahya sumahāsattvā yuddhaśraddhāsamanvitāḥ || 27.5 ||

Thus addressed by Shakra, the gods, each equal to Shakra in battle, of immense might, and eager for the fight, armed themselves.

Shloka 6 (uttara.27.6)

स तु दीनः परित्रस्तो महेन्द्रो रावणं प्रति। विष्णोः समीपमागत्य वाक्यमेतदुवाच ह ॥ 27.6 ॥

sa tu dīnaḥ paritrasto mahendro rāvaṇaṃ prati| viṣṇoḥ samīpamāgatya vākyametaduvāca ha || 27.6 ||

Yet great Indra, wretched and terrified at the thought of Ravana, went to Vishnu and spoke these words —

Shloka 7 (uttara.27.7)

विष्णो कथं करिष्यामि महावीर्यपराक्रमः। असौ हि बलवद्रक्षो युद्धार्थमभिवर्तते ॥ 27.7 ॥

viṣṇo kathaṃ kariṣyāmi mahāvīryaparākramaḥ| asau hi balavadrakṣo yuddhārthamabhivartate || 27.7 ||

"O Vishnu, what shall I do? This one, of terrible might and prowess, this powerful rakshasa, advances upon us for battle.

Shloka 8 (uttara.27.8)

वरप्रदानाद्बलवान्न खल्वन्येन हेतुना। तत्तु सत्यवचः कार्यं यदुक्तं पद्मयोनिना ॥ 27.8 ॥

varapradānādbalavānna khalvanyena hetunā| tattu satyavacaḥ kāryaṃ yaduktaṃ padmayoninā || 27.8 ||

It is by the granting of a boon that he is powerful, by no other cause; and that promise made by the lotus-born (Brahma) must indeed be kept true.

Shloka 9 (uttara.27.9)

तद्यथा नमुचिर्वृत्रो बलिर्नरकशम्बरौ। त्वद्बलं समवष्टभ्य मया दग्धास्तथा कुरु ॥ 27.9 ॥

tadyathā namucirvṛtro balirnarakaśambarau| tvadbalaṃ samavaṣṭabhya mayā dagdhāstathā kuru || 27.9 ||

Just as Namuchi, Vritra, Bali, Naraka and Shambara were burnt up by me, relying upon your strength — do so again now.

Shloka 10 (uttara.27.10)

नह्यन्यो देवदेवेश त्वामृते मधुसूदन। गतिः परायणं नास्ति त्रैलोक्ये सचराचरे ॥ 27.10 ॥

nahyanyo devadeveśa tvāmṛte madhusūdana| gatiḥ parāyaṇaṃ nāsti trailokye sacarācare || 27.10 ||

For there is no other refuge or final recourse, O lord of the gods, slayer of Madhu, apart from you, in all the three worlds with their moving and unmoving beings.

Shloka 11 (uttara.27.11)

त्वं हि नारायणः श्रीमान्पद्मनाभः सनातनः। त्वयेमे स्थापिता लोकाः शक्रश्चाहं सुरेश्वरः ॥ 27.11 ॥

tvaṃ hi nārāyaṇaḥ śrīmānpadmanābhaḥ sanātanaḥ| tvayeme sthāpitā lokāḥ śakraścāhaṃ sureśvaraḥ || 27.11 ||

For you are Narayana, glorious, lotus-naveled, eternal; by you these worlds were established, and by you I too was made Shakra, lord of the gods.

Shloka 12 (uttara.27.12)

त्वया सृष्टमिदं सर्वं त्रैलोक्यं सचराचरम्। त्वामेव भगवन्सर्वे प्रविशन्ति युगक्षये ॥ 27.12 ॥

tvayā sṛṣṭamidaṃ sarvaṃ trailokyaṃ sacarācaram| tvāmeva bhagavansarve praviśanti yugakṣaye || 27.12 ||

By you this entire three-worlds, moving and unmoving, was created; and into you alone, O Lord, all beings enter at the dissolution of the age.

Shloka 13 (uttara.27.13)

तदाचक्ष्व यथा तत्त्वं देवदेव मम स्वयम्। अपि चक्रसहायस्त्वं योत्स्यसे रावणं प्रभो ॥ 27.13 ॥

tadācakṣva yathā tattvaṃ devadeva mama svayam| api cakrasahāyastvaṃ yotsyase rāvaṇaṃ prabho || 27.13 ||

So tell me now yourself, O god of gods, the truth of the matter — will you, my lord, discus in hand, do battle yourself against Ravana?"

Shloka 14 (uttara.27.14)

एवमुक्तः स शक्रेण देवो नारायणः प्रभुः। अब्रवीन्न परित्रासः कर्तव्यः श्रूयतां च मे ॥ 27.14 ॥

evamuktaḥ sa śakreṇa devo nārāyaṇaḥ prabhuḥ| abravīnna paritrāsaḥ kartavyaḥ śrūyatāṃ ca me || 27.14 ||

Thus addressed by Shakra, the lord Narayana replied: "No fear need be entertained; hear me out.

Shloka 15 (uttara.27.15)

न तावदेष दुष्टात्मा शक्यो जेतुं सुरासुरैः। हन्तुं चापि समासाद्य वरदानेन दुर्जयः ॥ 27.15 ॥

na tāvadeṣa duṣṭātmā śakyo jetuṃ surāsuraiḥ| hantuṃ cāpi samāsādya varadānena durjayaḥ || 27.15 ||

This wicked-souled one cannot for now be conquered by gods or asuras; even meeting him to slay him is impossible, for by the granted boon he is unconquerable.

Shloka 16 (uttara.27.16)

सर्वथा तु महत्कर्म करिष्यति बलोत्कटः। राक्षसः पुत्रसहितो दृष्टमेतन्निसर्गतः ॥ 27.16 ॥

sarvathā tu mahatkarma kariṣyati balotkaṭaḥ| rākṣasaḥ putrasahito dṛṣṭametannisargataḥ || 27.16 ||

In every way this mighty, arrogant rakshasa, together with his son, will accomplish a great deed — this is seen by nature's own decree.

Shloka 17 (uttara.27.17)

यत्तु मां त्वमभाषिष्ठ युद्ध्यस्वेति सुरेश्वर। नाहं तं प्रतियोत्स्यामि रावणं राक्षसं युधि ॥ 27.17 ॥

yattu māṃ tvamabhāṣiṣṭha yuddhyasveti sureśvara| nāhaṃ taṃ pratiyotsyāmi rāvaṇaṃ rākṣasaṃ yudhi || 27.17 ||

But as for what you have said to me, O lord of gods, that I should fight — I shall not do battle against that rakshasa Ravana.

Shloka 18 (uttara.27.18)

नाहत्वा समरे शत्रुं विष्णुः प्रतिनिवर्तते। दुर्लभश्चैव कामो ऽद्य वरगुप्ताद्धि रावणात् ॥ 27.18 ॥

nāhatvā samare śatruṃ viṣṇuḥ pratinivartate| durlabhaścaiva kāmo 'dya varaguptāddhi rāvaṇāt || 27.18 ||

For Vishnu never turns back from battle without slaying the enemy; and today, victory over Ravana, protected as he is by his boon, is hard to attain.

Shloka 19 (uttara.27.19)

प्रतिजाने च देवेन्द्र त्वत्समीपे शतक्रतो। भविता ऽस्मि यथा ऽस्याहं रक्षसो मृत्युकारणम् ॥ 27.19 ॥

pratijāne ca devendra tvatsamīpe śatakrato| bhavitā 'smi yathā 'syāhaṃ rakṣaso mṛtyukāraṇam || 27.19 ||

But I make this vow before you, O Devendra, O Shatakratu: that I myself shall in time become the cause of this rakshasa's death.

Shloka 20 (uttara.27.20)

अहमेव निहन्ता ऽस्मि रावणं सपुरःसरम्। देवता नन्दयिष्यामि ज्ञात्वा कालमुपागतम्। एतत्ते कथितं तत्त्वं देवराज शचीपते ॥ 27.20 ॥

ahameva nihantā 'smi rāvaṇaṃ sapuraḥsaram| devatā nandayiṣyāmi jñātvā kālamupāgatam| etatte kathitaṃ tattvaṃ devarāja śacīpate || 27.20 ||

I alone shall be the slayer of Ravana together with his followers; I shall bring joy to the gods, when I know that the time has come. This truth, O king of gods, O lord of Shachi, I have declared to you.

Shloka 21 (uttara.27.21)

युद्ध्यस्व विगतत्रासः सर्वैः सार्धं महाबल ॥ 27.21 ॥

yuddhyasva vigatatrāsaḥ sarvaiḥ sārdhaṃ mahābala || 27.21 ||

Fight now, free of fear, O mighty one, together with all the others."

Shloka 22 (uttara.27.22)

ततो रुद्राः सहादित्या वसवो मरुतो ऽश्वनौ। सन्नद्धा निर्ययुस्तूर्णं राक्षसानभितः पुरात् ॥ 27.22 ॥

tato rudrāḥ sahādityā vasavo maruto 'śvanau| sannaddhā niryayustūrṇaṃ rākṣasānabhitaḥ purāt || 27.22 ||

Then the Rudras with the Adityas, the Vasus, the Maruts and the two Ashvins, all armed, swiftly went forth from the city to face the rakshasas.

Shloka 23 (uttara.27.23)

एतस्मिन्नन्तरे नादः शुश्रुवे रजनीक्षये। तस्य रावणसैन्यस्य प्रयुद्धस्य समन्ततः ॥ 27.23 ॥

etasminnantare nādaḥ śuśruve rajanīkṣaye| tasya rāvaṇasainyasya prayuddhasya samantataḥ || 27.23 ||

Meanwhile, as night drew to its end, a great roar was heard on every side, of Ravana's army now engaged in battle.

Shloka 24 (uttara.27.24)

ते प्रयुद्धा महावीर्या ह्यन्योन्यमभिवीक्ष्य वै। सङ्ग्राममेवाभिमुखा ह्यभवर्तन्त हृष्टवत् ॥ 27.24 ॥

te prayuddhā mahāvīryā hyanyonyamabhivīkṣya vai| saṅgrāmamevābhimukhā hyabhavartanta hṛṣṭavat || 27.24 ||

Those great warriors, beholding one another, engaged in battle, advancing eagerly to face the fight as though rejoicing.

Shloka 25 (uttara.27.25)

ततो दैवतसैन्यनां सङ्क्षोभः समजायत। तदक्षयं महासैन्यं दृष्ट्वा समरमूर्धनि ॥ 27.25 ॥

tato daivatasainyanāṃ saṅkṣobhaḥ samajāyata| tadakṣayaṃ mahāsainyaṃ dṛṣṭvā samaramūrdhani || 27.25 ||

Then a great commotion arose among the army of the gods, on seeing that inexhaustible host at the very front of battle.

Shloka 26 (uttara.27.26)

ततो युद्धं समभवेद्देवदानवरक्षसाम्। घोरं तुमुलनिर्ह्रादं नानाप्रहरणोद्यतम् ॥ 27.26 ॥

tato yuddhaṃ samabhaveddevadānavarakṣasām| ghoraṃ tumulanirhrādaṃ nānāpraharaṇodyatam || 27.26 ||

Then a battle broke out between the gods, danavas and rakshasas, terrible and tumultuous with its uproar, waged with weapons of every kind.

Shloka 27 (uttara.27.27)

एतस्मिन्नन्तरे शूरा राक्षसा घोरदर्शनाः। युद्धार्थं समवर्तन्त सचिवा रावणस्य ते ॥ 27.27 ॥

etasminnantare śūrā rākṣasā ghoradarśanāḥ| yuddhārthaṃ samavartanta sacivā rāvaṇasya te || 27.27 ||

Meanwhile those valiant, terrible-looking rakshasas, the ministers of Ravana, advanced together for battle.

Shloka 28 (uttara.27.28)

मारीचश्च प्रहस्तश्च महापार्श्वमहोदरौ। अकम्पनो निकुम्भश्च शुकः सारण एव च ॥ 27.28 ॥

mārīcaśca prahastaśca mahāpārśvamahodarau| akampano nikumbhaśca śukaḥ sāraṇa eva ca || 27.28 ||

Maricha, Prahasta, Mahaparshva and Mahodara, Akampana, Nikumbha, Shuka and Sarana too,

Shloka 29 (uttara.27.29)

संह्लादो धूमकेतुश्च महादंष्ट्रो घटोदरः। जम्बुमाली महाह्रादो विरूपाक्षश्च राक्षसः ॥ 27.29 ॥

saṃhlādo dhūmaketuśca mahādaṃṣṭro ghaṭodaraḥ| jambumālī mahāhrādo virūpākṣaśca rākṣasaḥ || 27.29 ||

Samhlada, Dhumaketu, Mahadamshtra, Ghatodara, Jambumali, Mahahrada, and the rakshasa Virupaksha,

Shloka 30 (uttara.27.30)

सुप्तघ्नो यज्ञकोपश्च दुर्मुखो दूषणः खरः। त्रिशिराः करवीराक्षः सूर्यशत्रुश्च राक्षसः ॥ 27.30 ॥

suptaghno yajñakopaśca durmukho dūṣaṇaḥ kharaḥ| triśirāḥ karavīrākṣaḥ sūryaśatruśca rākṣasaḥ || 27.30 ||

Suptaghna, Yajnakopa, Durmukha, Dushana, Khara, Trishiras, Karaviraksha, and the rakshasa Suryashatru,

Shloka 31 (uttara.27.31)

महाकायो ऽतिकायश्च देवान्तकनरान्तकौ। एतैः सर्वैः परिवृतो महावीर्यो महाबलः ॥ 27.31 ॥

mahākāyo 'tikāyaśca devāntakanarāntakau| etaiḥ sarvaiḥ parivṛto mahāvīryo mahābalaḥ || 27.31 ||

Mahakaya, Atikaya, and Devantaka and Narantaka — surrounded by all these, the mighty and immensely powerful...

Shloka 32 (uttara.27.32)

रावणस्यार्यकः सैन्यं सुमाली प्रविवेश ह। स दैवतगणान्सर्वान्नानाप्रहरणैः शितैः। व्यध्वंसयत्सुसङ्क्रुद्धो वायुर्जलधरानिव ॥ 27.32 ॥

rāvaṇasyāryakaḥ sainyaṃ sumālī praviveśa ha| sa daivatagaṇānsarvānnānāpraharaṇaiḥ śitaiḥ| vyadhvaṃsayatsusaṅkruddho vāyurjaladharāniva || 27.32 ||

...Sumali, Ravana's grandsire, entered the army; and, fiercely enraged, he scattered all the hosts of gods with weapons of every kind, sharpened for battle, as the wind scatters the clouds.

Shloka 33 (uttara.27.33)

तद्दैवतबलं राम हन्यमानं निशाचरैः। प्रणुन्नं सर्वतो दिग्भ्यः सिंहनुन्ना मृगा इव ॥ 27.33 ॥

taddaivatabalaṃ rāma hanyamānaṃ niśācaraiḥ| praṇunnaṃ sarvato digbhyaḥ siṃhanunnā mṛgā iva || 27.33 ||

That army of the gods, O Rama, struck down by the night-roamers, was driven back on every side, like deer driven off by a lion.

Shloka 34 (uttara.27.34)

एतस्मिन्नन्तरे शूरो वसूनामष्टमो वसुः। सावित्र इति विख्यातः प्रविवेश रणाजिरम् ॥ 27.34 ॥

etasminnantare śūro vasūnāmaṣṭamo vasuḥ| sāvitra iti vikhyātaḥ praviveśa raṇājiram || 27.34 ||

Meanwhile, the valiant eighth of the Vasus, known as Savitra, entered the field of battle.

Shloka 35 (uttara.27.35)

तथादित्यौ महावीर्यौ त्वष्टा पूषा च दंशितौ। निर्भयौ सह सैन्येन तदा प्राविशतां रणे ॥ 27.35 ॥

tathādityau mahāvīryau tvaṣṭā pūṣā ca daṃśitau| nirbhayau saha sainyena tadā prāviśatāṃ raṇe || 27.35 ||

And then too the two mighty Adityas, Tvashtar and Pushan, both clad in armour, fearless, entered the battle together with their forces.

Shloka 36 (uttara.27.36)

ततो युद्धं समभवत्सुराणां सह राक्षसैः। क्रुद्धानां रक्षसां कीर्तिं समरेष्वनिवर्तिनाम् ॥ 27.36 ॥

tato yuddhaṃ samabhavatsurāṇāṃ saha rākṣasaiḥ| kruddhānāṃ rakṣasāṃ kīrtiṃ samareṣvanivartinām || 27.36 ||

Then battle broke out between the gods and the rakshasas — a battle worthy of the fame of those enraged rakshasas who never turned back in combat.

Shloka 37 (uttara.27.37)

ततस्ते राक्षसाः सर्वे विबुधान्समरे स्थितान्। नानाप्रहरणैर्घोरैर्जघ्नुः शतसहस्रशः ॥ 27.37 ॥

tataste rākṣasāḥ sarve vibudhānsamare sthitān| nānāpraharaṇairghorairjaghnuḥ śatasahasraśaḥ || 27.37 ||

Then all those rakshasas struck down the gods standing in battle, by the hundred-thousand, with terrible weapons of every kind.

Shloka 38 (uttara.27.38)

देवाश्च राक्षसान्घोरान्महाबलपराक्रमान्। समरे विमलैः शस्त्रैरुपनिन्युर्यमक्षयम् ॥ 27.38 ॥

devāśca rākṣasānghorānmahābalaparākramān| samare vimalaiḥ śastrairupaninyuryamakṣayam || 27.38 ||

And the gods too, with their bright weapons, sent those terrible rakshasas of immense strength and prowess to the abode of Yama in that battle.

Shloka 39 (uttara.27.39)

एतस्मिन्नन्तरे राम सुमाली नाम राक्षसः। नानाप्रहरणैः क्रुद्धस्तत्सैन्यं सो ऽभ्यवर्तत ॥ 27.39 ॥

etasminnantare rāma sumālī nāma rākṣasaḥ| nānāpraharaṇaiḥ kruddhastatsainyaṃ so 'bhyavartata || 27.39 ||

Meanwhile, O Rama, the rakshasa named Sumali, enraged, bearing weapons of every kind, advanced upon that army.

Shloka 40 (uttara.27.40)

स दैवतबलं सर्वं नानाप्रहणैः शितैः। व्यध्वंसयत सङ्क्रुद्धो वायुर्जलधरं यथा ॥ 27.40 ॥

sa daivatabalaṃ sarvaṃ nānāprahaṇaiḥ śitaiḥ| vyadhvaṃsayata saṅkruddho vāyurjaladharaṃ yathā || 27.40 ||

He, in his fury, scattered the entire army of the gods with sharp weapons of every kind, as the wind scatters a cloud.

Shloka 41 (uttara.27.41)

ते महाबाणवर्षैश्च शूलप्रासैः सुदारुणैः। हन्यमानाः सुराः सर्वे न व्यतिष्ठन्त संहताः ॥ 27.41 ॥

te mahābāṇavarṣaiśca śūlaprāsaiḥ sudāruṇaiḥ| hanyamānāḥ surāḥ sarve na vyatiṣṭhanta saṃhatāḥ || 27.41 ||

Struck by his great showers of arrows and by fearsome spears and lances, all the gods could no longer hold their ranks together.

Shloka 42 (uttara.27.42)

ततो विद्राव्यमाणेषु दैवतेषु सुमालिना। वसूनामष्टमः क्रुद्धः सावित्रो वै व्यवस्थितः ॥ 27.42 ॥

tato vidrāvyamāṇeṣu daivateṣu sumālinā| vasūnāmaṣṭamaḥ kruddhaḥ sāvitro vai vyavasthitaḥ || 27.42 ||

Then, as the gods were being routed by Sumali, the eighth of the Vasus, Savitra, enraged, stood firm.

Shloka 43 (uttara.27.43)

संवृतः स्वैरथानीकैः प्रहरन्तं निशाचरम्। विक्रमेण महातेजा वारयामास संयुगे ॥ 27.43 ॥

saṃvṛtaḥ svairathānīkaiḥ praharantaṃ niśācaram| vikrameṇa mahātejā vārayāmāsa saṃyuge || 27.43 ||

Surrounded by his own troops of chariots, the greatly radiant one, by his valour, checked the striking night-roamer in that combat.

Shloka 44 (uttara.27.44)

ततस्तयोर्महायुद्धमभवद्रोमहर्षणम् ॥ 27.44 ॥

tatastayormahāyuddhamabhavadromaharṣaṇam || 27.44 ||

Then a great battle broke out between the two of them, one that made the very hair stand on end.

Shloka 45 (uttara.27.45)

सुमालिनो वसोश्चैव समरेष्वनिवर्तिनोः। ततस्तस्य महाबाणैर्वसुना सुमहात्मना। निहतः पन्नगरथः क्षणेन विनिपातितः ॥ 27.45 ॥

sumālino vasoścaiva samareṣvanivartinoḥ| tatastasya mahābāṇairvasunā sumahātmanā| nihataḥ pannagarathaḥ kṣaṇena vinipātitaḥ || 27.45 ||

—between Sumali and the Vasu, both of whom never retreated in battle. Then, by the great arrows of that noble Vasu, Sumali's serpent-drawn chariot was struck and, in an instant, brought crashing down.

Shloka 46 (uttara.27.46)

हत्वा तु संयुगे तस्य रथं बाणशतैश्चितम्। गदां तस्य वधार्थाय वसुर्जग्राह पाणिना ॥ 27.46 ॥

hatvā tu saṃyuge tasya rathaṃ bāṇaśataiścitam| gadāṃ tasya vadhārthāya vasurjagrāha pāṇinā || 27.46 ||

Having thus struck down his chariot in battle, pierced with hundreds of arrows, the Vasu then took up his mace in hand, to slay him.

Shloka 47 (uttara.27.47)

ततः प्रगृह्य दीप्ताग्रां कालदण्डोपमां गदाम्। तां मूर्ध्नि पातयामास सावित्रो वै सुमालिनः ॥ 27.47 ॥

tataḥ pragṛhya dīptāgrāṃ kāladaṇḍopamāṃ gadām| tāṃ mūrdhni pātayāmāsa sāvitro vai sumālinaḥ || 27.47 ||

Then, seizing that blazing-tipped mace, like the very staff of death, Savitra brought it down upon the head of Sumali.

Shloka 48 (uttara.27.48)

सा तस्योपरि चोल्काभा पतन्तीव बभौ गदा। इन्द्रप्रमुक्ता गर्जन्ती गिराविव महाशनिः ॥ 27.48 ॥

sā tasyopari colkābhā patantīva babhau gadā| indrapramuktā garjantī girāviva mahāśaniḥ || 27.48 ||

That mace, falling upon him like a blazing meteor, shone forth — like the great thunderbolt hurled roaring by Indra upon a mountain.

Shloka 49 (uttara.27.49)

तस्य नैवास्थि न शिरो न मांसं ददृशे तदा। गदया भस्मतां नीतं निहतस्य रणाजिरे ॥ 27.49 ॥

tasya naivāsthi na śiro na māṃsaṃ dadṛśe tadā| gadayā bhasmatāṃ nītaṃ nihatasya raṇājire || 27.49 ||

Of him then, neither bone nor head nor flesh could any longer be seen — struck down by that mace in the field of battle, he was reduced to ashes.

Shloka 50 (uttara.27.50)

तं दृष्ट्वा निहतं सङ्ख्ये राक्षसास्ते समन्ततः। व्यद्रवन्सहिताः सर्वे क्रोशमानाः परस्परम्। विद्राव्यमाणा वसुना राक्षसा नावतस्थिरे ॥ 27.50 ॥

taṃ dṛṣṭvā nihataṃ saṅkhye rākṣasāste samantataḥ| vyadravansahitāḥ sarve krośamānāḥ parasparam| vidrāvyamāṇā vasunā rākṣasā nāvatasthire || 27.50 ||

Seeing him slain in that combat, those rakshasas, on every side, all fled together, crying out to one another; routed by the Vasu, the rakshasas could no longer hold their ground.