Ravana Faces Indra

Shloka 1 (uttara.28.1)

सुमालिनं हतं दृष्ट्वा वसुना भस्मसात्कृतम्। स्वसैन्यं विद्रुतं चापि लक्षयित्वा ऽर्दितं सुरैः ॥ 28.1 ॥

sumālinaṃ hataṃ dṛṣṭvā vasunā bhasmasātkṛtam| svasainyaṃ vidrutaṃ cāpi lakṣayitvā 'rditaṃ suraiḥ || 28.1 ||

Seeing Sumali slain, reduced to ashes by the Vasu, and beholding his own army routed and harried by the gods,

Shloka 2 (uttara.28.2)

ततः स बलवान्क्रुद्धो रावणस्य सुतस्तदा। निवर्त्य राक्षसान्सर्वान्मेघनादो व्यवस्थितः ॥ 28.2 ॥

tataḥ sa balavānkruddho rāvaṇasya sutastadā| nivartya rākṣasānsarvānmeghanādo vyavasthitaḥ || 28.2 ||

then that mighty, enraged son of Ravana, Meghanada, rallying all the rakshasas, took his stand.

Shloka 3 (uttara.28.3)

सुरथेनाग्निवर्णेन कामगेन महारथः। अभिदुद्राव सेनां तां वनान्यग्निरिव ज्वलन् ॥ 28.3 ॥

surathenāgnivarṇena kāmagena mahārathaḥ| abhidudrāva senāṃ tāṃ vanānyagniriva jvalan || 28.3 ||

That great warrior charged upon that army in his fine chariot, fire-hued and swift as thought, like a blazing fire rushing through forests.

Shloka 4 (uttara.28.4)

ततः प्रविशतस्तस्य विविधायुधधारिणः। विदुद्रुवुर्दिशः सर्वा दर्शनादेव देवताः ॥ 28.4 ॥

tataḥ praviśatastasya vividhāyudhadhāriṇaḥ| vidudruvurdiśaḥ sarvā darśanādeva devatāḥ || 28.4 ||

As he advanced, bearing weapons of every kind, the gods fled in every direction at the very sight of him.

Shloka 5 (uttara.28.5)

न बभूव तदा कश्चिद्युयुत्सोरस्य सम्मुखे। सर्वानाविद्ध्य वित्रस्तांस्ततः शक्रो ऽब्रवीत्सुरान् ॥ 28.5 ॥

na babhūva tadā kaścidyuyutsorasya sammukhe| sarvānāviddhya vitrastāṃstataḥ śakro 'bravītsurān || 28.5 ||

There was then no one willing to face him who wished to fight; seeing all the gods struck with terror and fleeing, Shakra spoke to them —

Shloka 6 (uttara.28.6)

न भेतव्यं न गन्तव्यं निवर्तध्वं रणे सुराः। एष गच्छति पुत्रो मे युद्धार्थमपराजितः ॥ 28.6 ॥

na bhetavyaṃ na gantavyaṃ nivartadhvaṃ raṇe surāḥ| eṣa gacchati putro me yuddhārthamaparājitaḥ || 28.6 ||

"There is no need for fear, no need to flee; turn back to the battle, O gods! This is my own son advancing, unconquered, for the fight."

Shloka 7 (uttara.28.7)

ततः शक्रसुतो देवो जयन्त इति विश्रुतः। रथेनाद्भुतकल्पेन सङ्ग्रामे सो ऽभ्यवर्तत ॥ 28.7 ॥

tataḥ śakrasuto devo jayanta iti viśrutaḥ| rathenādbhutakalpena saṅgrāme so 'bhyavartata || 28.7 ||

Then Shakra's son, the god known as Jayanta, advanced into that battle in his wondrous chariot.

Shloka 8 (uttara.28.8)

ततस्ते त्रिदशाः सर्वे परिवार्य शचीसुतम्। रावणस्य सुतं युद्धे समासाद्य प्रजघ्निरे ॥ 28.8 ॥

tataste tridaśāḥ sarve parivārya śacīsutam| rāvaṇasya sutaṃ yuddhe samāsādya prajaghnire || 28.8 ||

Then all the gods, surrounding Shachi's son, engaged Ravana's son in battle and began to strike at him.

Shloka 9 (uttara.28.9)

तेषां युद्धं समभवत्सदृशं देवरक्षसाम्। महेन्द्रस्य च पुत्रस्य राक्षसेन्द्रसुतस्य च ॥ 28.9 ॥

teṣāṃ yuddhaṃ samabhavatsadṛśaṃ devarakṣasām| mahendrasya ca putrasya rākṣasendrasutasya ca || 28.9 ||

A battle broke out between them, fitting for gods and rakshasas alike — between great Indra's son and the son of the lord of rakshasas.

Shloka 10 (uttara.28.10)

ततो मातलिपुत्रे तु गोमुखे राक्षसात्मजः। सारथौ पातयामास शरान्कनकभूषणान् ॥ 28.10 ॥

tato mātaliputre tu gomukhe rākṣasātmajaḥ| sārathau pātayāmāsa śarānkanakabhūṣaṇān || 28.10 ||

Then that son of the rakshasa (Ravani) loosed gold-adorned arrows upon Gomukha, the son of Matali, who was serving as charioteer.

Shloka 11 (uttara.28.11)

शचीसुतश्चापि तथा जयन्तस्तस्य सारथिम्। तं चापि रावणिः क्रुद्धः समन्तात्प्रत्यविध्यत ॥ 28.11 ॥

śacīsutaścāpi tathā jayantastasya sārathim| taṃ cāpi rāvaṇiḥ kruddhaḥ samantātpratyavidhyata || 28.11 ||

And Jayanta, Shachi's son, likewise struck at his charioteer; the enraged son of Ravana then pierced him from every side in return.

Shloka 12 (uttara.28.12)

स हि क्रोधसमाविष्टो बली विस्फारितेक्षणः। रावणिः शक्रतनयं शरवर्षैरवाकिरत् ॥ 28.12 ॥

sa hi krodhasamāviṣṭo balī visphāritekṣaṇaḥ| rāvaṇiḥ śakratanayaṃ śaravarṣairavākirat || 28.12 ||

For that mighty son of Ravana, filled with rage, his eyes wide with fury, showered arrows upon Shakra's son.

Shloka 13 (uttara.28.13)

ततो नानाप्रहरणाञ्छितधारान्सहस्रशः। पातयामास सङ्क्रुद्धः सुरसैन्येषु रावणिः ॥ 28.13 ॥

tato nānāpraharaṇāñchitadhārānsahasraśaḥ| pātayāmāsa saṅkruddhaḥ surasainyeṣu rāvaṇiḥ || 28.13 ||

Then, enraged, Ravani rained down weapons of every kind, with sharpened edges, by the thousand, upon the armies of the gods.

Shloka 14 (uttara.28.14)

शतघ्नीमुसलप्रासगदाखड्गपरश्वधान्। महान्ति गिरिशृङ्गाणि पातयामास रावणिः ॥ 28.14 ॥

śataghnīmusalaprāsagadākhaḍgaparaśvadhān| mahānti giriśṛṅgāṇi pātayāmāsa rāvaṇiḥ || 28.14 ||

Ravani hurled down shataghnis, clubs, javelins, maces, swords and axes, and huge mountain peaks as well.

Shloka 15 (uttara.28.15)

ततः प्रव्यथिता लोकाः सञ्जज्ञे च तमो ऽभवत्। तस्य रावणपुत्रस्य शत्रुसैन्यानि निघ्नतः ॥ 28.15 ॥

tataḥ pravyathitā lokāḥ sañjajñe ca tamo 'bhavat| tasya rāvaṇaputrasya śatrusainyāni nighnataḥ || 28.15 ||

Then the worlds were thrown into terror, and darkness fell, as that son of Ravana struck down the enemy hosts.

Shloka 16 (uttara.28.16)

ततस्तद्दैवतबलं समन्तात्तं शचीसुतम्। बहुप्रकारमस्वस्थमभवच्छरपीडितम् ॥ 28.16 ॥

tatastaddaivatabalaṃ samantāttaṃ śacīsutam| bahuprakāramasvasthamabhavaccharapīḍitam || 28.16 ||

Then that army of the gods, all around Shachi's son, pierced by his arrows, was thrown into disorder of every kind.

Shloka 17 (uttara.28.17)

नाभ्यजानन्त चान्योन्यं रक्षो वा देवता ऽथवा। तत्र तत्र विपर्यस्तं समन्तात्परिधावति ॥ 28.17 ॥

nābhyajānanta cānyonyaṃ rakṣo vā devatā 'thavā| tatra tatra viparyastaṃ samantātparidhāvati || 28.17 ||

None could any longer tell apart the other — whether rakshasa or god; in utter confusion, all ran about here and there on every side.

Shloka 18 (uttara.28.18)

देवा देवान्निजघ्नुस्ते राक्षसान्राक्षसास्तथा। सम्मूढास्तमसाच्छन्ना व्यद्रवन्नपरे तथा ॥ 28.18 ॥

devā devānnijaghnuste rākṣasānrākṣasāstathā| sammūḍhāstamasācchannā vyadravannapare tathā || 28.18 ||

The gods struck down other gods, and rakshasas struck down other rakshasas; utterly bewildered, shrouded in darkness, others simply fled.

Shloka 19 (uttara.28.19)

एतस्मिन्नन्तरे वीरः पुलोमा नाम वीर्यवान्। दैत्येन्द्रस्तेन सङ्गृह्य शचीपुत्रो ऽपवाहितः ॥ 28.19 ॥

etasminnantare vīraḥ pulomā nāma vīryavān| daityendrastena saṅgṛhya śacīputro 'pavāhitaḥ || 28.19 ||

Meanwhile, the valiant lord of the daityas named Puloma, mighty in strength, seized hold of Shachi's son and carried him off.

Shloka 20 (uttara.28.20)

सङ्गृह्य तं तु दौहित्रं प्रविष्टः सागरं तदा। आर्यकः स हि तस्यासीत्पुलोमा येन सा शची ॥ 28.20 ॥

saṅgṛhya taṃ tu dauhitraṃ praviṣṭaḥ sāgaraṃ tadā| āryakaḥ sa hi tasyāsītpulomā yena sā śacī || 28.20 ||

Having seized his own daughter's son, he then entered the ocean; for that Puloma was Jayanta's own grandfather — the very father of Shachi.

Shloka 21 (uttara.28.21)

ज्ञात्वा प्रणाशं तु तदा जयन्तस्याथ देवताः। अप्रहृष्टास्ततः सर्वा व्यथिताः सम्प्रदुद्रुवुः ॥ 28.21 ॥

jñātvā praṇāśaṃ tu tadā jayantasyātha devatāḥ| aprahṛṣṭāstataḥ sarvā vyathitāḥ sampradudruvuḥ || 28.21 ||

Learning then that Jayanta was seemingly lost, the gods, all dismayed and stricken with grief, fled in every direction.

Shloka 22 (uttara.28.22)

रावणिस्त्वथ सङ्क्रुद्धो बलैः परिवृतः स्वकैः। अभ्यधावत देवांस्तान्मुमोच च महास्वनम् ॥ 28.22 ॥

rāvaṇistvatha saṅkruddho balaiḥ parivṛtaḥ svakaiḥ| abhyadhāvata devāṃstānmumoca ca mahāsvanam || 28.22 ||

Then Ravani, enraged, surrounded by his own forces, charged upon those gods and let out a mighty roar.

Shloka 23 (uttara.28.23)

दृष्ट्वा प्रणाशं पुत्रस्य दैवतेषु च विद्रुतम्। मातलिं चाह देवेशो रथः समुपनीयताम् ॥ 28.23 ॥

dṛṣṭvā praṇāśaṃ putrasya daivateṣu ca vidrutam| mātaliṃ cāha deveśo rathaḥ samupanīyatām || 28.23 ||

Seeing his son apparently lost, and the gods in rout, the lord of the gods said to Matali: "Let my chariot be brought up."

Shloka 24 (uttara.28.24)

स तु दिव्यो महाभीमः सज्ज एव महारथः। उपस्थितो मातलिना वाह्यमानो महाजवः ॥ 28.24 ॥

sa tu divyo mahābhīmaḥ sajja eva mahārathaḥ| upasthito mātalinā vāhyamāno mahājavaḥ || 28.24 ||

That divine, immensely awesome, and mighty chariot, already prepared, was then brought forward by Matali, driven at tremendous speed.

Shloka 25 (uttara.28.25)

ततो मेघा रथे तस्मिंस्तडित्त्वन्तो महाबलाः। अग्रतो वायुचपला नेदुः परमनिःस्वनाः ॥ 28.25 ॥

tato meghā rathe tasmiṃstaḍittvanto mahābalāḥ| agrato vāyucapalā neduḥ paramaniḥsvanāḥ || 28.25 ||

Then, around that chariot, mighty clouds charged with lightning, swift as the wind, roared out ahead of it with the deepest thunder.

Shloka 26 (uttara.28.26)

नानावाद्यानि वाद्यन्त गन्धर्वाश्च समाहिताः। ननृतुश्चाप्सरःसङ्घा निर्याते त्रिदशेश्वरे ॥ 28.26 ॥

nānāvādyāni vādyanta gandharvāśca samāhitāḥ| nanṛtuścāpsaraḥsaṅghā niryāte tridaśeśvare || 28.26 ||

Instruments of every kind resounded, gandharvas played with rapt attention, and throngs of apsaras danced, as the lord of the gods went forth.

Shloka 27 (uttara.28.27)

रुद्रैर्वसुभिरादित्यैस्साध्यैश्च समरुद्गणैः। वृतो नानाप्रहरणैर्निर्ययौ त्रिदशाधिपः ॥ 28.27 ॥

rudrairvasubhirādityaissādhyaiśca samarudgaṇaiḥ| vṛto nānāpraharaṇairniryayau tridaśādhipaḥ || 28.27 ||

Surrounded by the Rudras, Vasus, Adityas, Sadhyas and the host of Maruts, all bearing weapons of every kind, the lord of the gods set forth.

Shloka 28 (uttara.28.28)

निर्गच्छतस्तु शक्रस्य परुषं पवनो ववौ। भास्करो निष्प्रभश्चासीन्महोल्काश्च प्रपेदिरे ॥ 28.28 ॥

nirgacchatastu śakrasya paruṣaṃ pavano vavau| bhāskaro niṣprabhaścāsīnmaholkāśca prapedire || 28.28 ||

As Shakra set out, a harsh wind blew, the sun lost its brilliance, and great meteors fell.

Shloka 29 (uttara.28.29)

एतस्मिन्नन्तरे शूरो दशग्रीवः प्रतापवान्। आरुरोह रथं दिव्यं निर्मितं विश्वकर्मणा ॥ 28.29 ॥

etasminnantare śūro daśagrīvaḥ pratāpavān| āruroha rathaṃ divyaṃ nirmitaṃ viśvakarmaṇā || 28.29 ||

Meanwhile, the valiant and mighty ten-necked Ravana mounted his divine chariot, fashioned by Vishvakarma.

Shloka 30 (uttara.28.30)

पन्नगैः सुमहाकार्यैर्वेष्टितं रोमहर्षणैः। तेषां निःश्वासवातेन प्रदीप्तमिव संयुगे ॥ 28.30 ॥

pannagaiḥ sumahākāryairveṣṭitaṃ romaharṣaṇaiḥ| teṣāṃ niḥśvāsavātena pradīptamiva saṃyuge || 28.30 ||

It was wrapped about with huge, hair-raising serpents, and, from the breath of their hissing, seemed ablaze in that battle.

Shloka 31 (uttara.28.31)

दैत्यैर्निशाचरैश्चैव स रथः परिवारितः। समराभिमुखो दैत्यो महेन्द्रं सो ऽभ्यवर्तत ॥ 28.31 ॥

daityairniśācaraiścaiva sa rathaḥ parivāritaḥ| samarābhimukho daityo mahendraṃ so 'bhyavartata || 28.31 ||

That chariot, surrounded by daityas and night-roamers alike, that mighty lord, facing toward battle, advanced upon Mahendra.

Shloka 32 (uttara.28.32)

पुत्रं तं वारयित्वा तु स्वयमेव व्यवस्थितः। सो ऽपि युद्धाद्विनिष्क्रम्य रावणिः समुपाविशत् ॥ 28.32 ॥

putraṃ taṃ vārayitvā tu svayameva vyavasthitaḥ| so 'pi yuddhādviniṣkramya rāvaṇiḥ samupāviśat || 28.32 ||

Restraining his own son, he himself took the field; and Ravani too, withdrawing from the fight, sat down.

Shloka 33 (uttara.28.33)

ततो युद्धं प्रवृत्तं तु सुराणां राक्षसैः सह। शस्त्राणि वर्षतां घोरं मेघानामिव संयुगे ॥ 28.33 ॥

tato yuddhaṃ pravṛttaṃ tu surāṇāṃ rākṣasaiḥ saha| śastrāṇi varṣatāṃ ghoraṃ meghānāmiva saṃyuge || 28.33 ||

Then battle resumed between the gods and the rakshasas, terrible, weapons raining down as thick as clouds in that combat.

Shloka 34 (uttara.28.34)

कुम्भकर्णस्तु दुष्टात्मा नानाप्रहरणोद्यतः। नाज्ञायत तदा युद्धे सह केनाप्ययुध्यत ॥ 28.34 ॥

kumbhakarṇastu duṣṭātmā nānāpraharaṇodyataḥ| nājñāyata tadā yuddhe saha kenāpyayudhyata || 28.34 ||

Wicked-souled Kumbhakarna, poised with weapons of every kind, could not even be told with whom he was fighting in that battle.

Shloka 35 (uttara.28.35)

दन्तैर्भुजाभ्यां पद्भ्यां च शक्तितोमरसायकैः। येन केनैव संरब्धस्ताडयामास वै सुरान् ॥ 28.35 ॥

dantairbhujābhyāṃ padbhyāṃ ca śaktitomarasāyakaiḥ| yena kenaiva saṃrabdhastāḍayāmāsa vai surān || 28.35 ||

With his teeth, with both arms, with his feet, and with javelins, lances and arrows — with whatever came to hand — he furiously struck at the gods.

Shloka 36 (uttara.28.36)

ततो रुद्रैर्महाघोरैः सङ्गम्याथ निशाचरः। प्रयुद्धस्तैश्च सङ्ग्रामे क्षतः शस्त्रैर्निरन्तरम् ॥ 28.36 ॥

tato rudrairmahāghoraiḥ saṅgamyātha niśācaraḥ| prayuddhastaiśca saṅgrāme kṣataḥ śastrairnirantaram || 28.36 ||

Then, engaged by the fearsome Rudras, that night-roamer, fighting against them in the battle, was wounded continuously by their weapons.

Shloka 37 (uttara.28.37)

बभौ शस्त्राचिततनुः कुम्भकर्णः क्षरन्नसृक्। विद्युत्स्तनितनिर्घोषो धारवानिव तोयदः ॥ 28.37 ॥

babhau śastrācitatanuḥ kumbhakarṇaḥ kṣarannasṛk| vidyutstanitanirghoṣo dhāravāniva toyadaḥ || 28.37 ||

Kumbhakarna, his body studded with weapons, blood streaming from him, shone like a rain-cloud pouring down, roaring with thunder and lightning.

Shloka 38 (uttara.28.38)

ततस्तद्राक्षसं सैन्यं प्रयुद्धं समरुद्गणैः। रणे विद्रावितं सर्वं नानाप्रहरणैः शितैः ॥ 28.38 ॥

tatastadrākṣasaṃ sainyaṃ prayuddhaṃ samarudgaṇaiḥ| raṇe vidrāvitaṃ sarvaṃ nānāpraharaṇaiḥ śitaiḥ || 28.38 ||

Then that army of rakshasas, engaged in battle with the Maruts and their host, was entirely routed in that combat by sharp weapons of every kind.

Shloka 39 (uttara.28.39)

केचिद्विनिहताः कृत्ताश्चेष्टन्ति स्म महीतले। वाहनेष्ववसक्ताश्च स्थिता एवापरे रणे ॥ 28.39 ॥

kecidvinihatāḥ kṛttāśceṣṭanti sma mahītale| vāhaneṣvavasaktāśca sthitā evāpare raṇe || 28.39 ||

Some, struck down and cut to pieces, still writhed upon the ground; others, still clinging to their mounts, remained standing in the battle.

Shloka 40 (uttara.28.40)

रथान्नागान्खरानुष्ट्रान्पन्नगांस्तुरगान् रणे। शिंशुमारान्वराहांश्च पिशाचवदनान्तथा ॥ 28.40 ॥

rathānnāgānkharānuṣṭrānpannagāṃsturagān raṇe| śiṃśumārānvarāhāṃśca piśācavadanāntathā || 28.40 ||

Chariots, elephants, donkeys, camels, serpents, horses in that battle, and crocodile-like and boar-faced and demon-faced creatures —

Shloka 41 (uttara.28.41)

तान्समालिङ्ग्य बाहुभ्यां विष्टब्धाः केचिदुच्छ्रुताः। देवैस्तु शस्त्रसम्भिन्ना मम्रिरे च निशाचराः ॥ 28.41 ॥

tānsamāliṅgya bāhubhyāṃ viṣṭabdhāḥ keciducchrutāḥ| devaistu śastrasambhinnā mamrire ca niśācarāḥ || 28.41 ||

some night-roamers, pierced through by the weapons of the gods, died still clinging to these with both arms, propped up, thrown upward.

Shloka 42 (uttara.28.42)

चित्रकर्म इवाभाति स तेषां रणसम्प्लवः। निहतानां प्रमत्तानां राक्षसानां महीतले ॥ 28.42 ॥

citrakarma ivābhāti sa teṣāṃ raṇasamplavaḥ| nihatānāṃ pramattānāṃ rākṣasānāṃ mahītale || 28.42 ||

That chaotic tangle of battle, of those slain, frenzied rakshasas strewn upon the ground, shone forth like some strange painted tableau.

Shloka 43 (uttara.28.43)

शोणितोदकनिष्पन्दकङ्कगृध्रसमाकुला। प्रवृत्ता संयुगमुखे शस्त्रग्राहवती नदी ॥ 28.43 ॥

śoṇitodakaniṣpandakaṅkagṛdhrasamākulā| pravṛttā saṃyugamukhe śastragrāhavatī nadī || 28.43 ||

At the very front of that battle there flowed a river, its water blood, thronged with kankas and vultures, its crocodiles made of weapons.

Shloka 44 (uttara.28.44)

एतस्मिन्नन्तरे क्रुद्धो दशग्रीवः प्रतापवान्। निरीक्ष्य तद्बलं कृत्स्नं दैवतैर्विनिपातितम् ॥ 28.44 ॥

etasminnantare kruddho daśagrīvaḥ pratāpavān| nirīkṣya tadbalaṃ kṛtsnaṃ daivatairvinipātitam || 28.44 ||

Meanwhile, enraged, the mighty ten-necked one, beholding his entire army struck down by the gods,

Shloka 45 (uttara.28.45)

स तं प्रति विगाह्याशु प्रवृद्धं सैन्यसागरम्। त्रिदशान्समरे निघ्नञ्छक्रमेवाभ्यवर्तत ॥ 28.45 ॥

sa taṃ prati vigāhyāśu pravṛddhaṃ sainyasāgaram| tridaśānsamare nighnañchakramevābhyavartata || 28.45 ||

swiftly plunged into that surging ocean of the enemy host, and, slaying the gods in that battle, advanced straight upon Shakra.

Shloka 46 (uttara.28.46)

आगाच्छक्रो महच्चापं विस्फार्य सुमहास्वनम्। यस्य विस्फारघोषेण स्तनन्ति स्म दिशो दश ॥ 28.46 ॥

āgācchakro mahaccāpaṃ visphārya sumahāsvanam| yasya visphāraghoṣeṇa stananti sma diśo daśa || 28.46 ||

Shakra advanced, drawing his great bow with a mighty twang, the sound of whose drawing made the ten directions themselves resound.

Shloka 47 (uttara.28.47)

तद्विकृष्य महच्चापमिन्द्रो रावणमूर्धनि। निपातयामास शरान्पावकादित्यवर्चसः ॥ 28.47 ॥

tadvikṛṣya mahaccāpamindro rāvaṇamūrdhani| nipātayāmāsa śarānpāvakādityavarcasaḥ || 28.47 ||

Drawing that great bow, Indra loosed arrows, bright as fire and the sun, down upon Ravana's head.

Shloka 48 (uttara.28.48)

तथैव च महाबाहुर्दशग्रीवो व्यवस्थितः। शक्रं कार्मुकविभ्रष्टैः शरवर्षैरवाकिरत् ॥ 28.48 ॥

tathaiva ca mahābāhurdaśagrīvo vyavasthitaḥ| śakraṃ kārmukavibhraṣṭaiḥ śaravarṣairavākirat || 28.48 ||

And likewise, mighty-armed ten-necked Ravana, standing firm, showered Shakra in turn with a rain of arrows loosed from his own bow.

Shloka 49 (uttara.28.49)

प्रयुध्यतोरथ तयोर्बाणवर्षैः समन्ततः। न ज्ञायते तदा किञ्चित्सर्वं हि तमसा वृतम् ॥ 28.49 ॥

prayudhyatoratha tayorbāṇavarṣaiḥ samantataḥ| na jñāyate tadā kiñcitsarvaṃ hi tamasā vṛtam || 28.49 ||

As the two of them fought on, amid showers of arrows on every side, nothing at all could be discerned — everything was shrouded in darkness.