The Birth and Boyhood of Hanuman

Shloka 1 (uttara.35.1)

अपृच्छत तदा रामो दक्षिणाशाश्रमं मुनिम् । प्राञ्जलिर्विनयोपेत इदमाह वचो ऽर्थवत् ॥ 35.1 ॥

apṛcchata tadā rāmo dakṣiṇāśāśramaṃ munim | prāñjalirvinayopeta idamāha vaco 'rthavat || 35.1 ||

Then Rama, with joined palms and humility, asked that sage of the southern hermitage these meaningful words —

Shloka 2 (uttara.35.2)

अतुलं बलमेतद्वै वालिनो रावणस्य च । न त्वेताभ्यां हनुमता समं त्विति मतिर्मम ॥ 35.2 ॥

atulaṃ balametadvai vālino rāvaṇasya ca | na tvetābhyāṃ hanumatā samaṃ tviti matirmama || 35.2 ||

'This strength of Vali and of Ravana is indeed without equal; yet it is my belief that neither of these two is equal to Hanuman.'

Shloka 3 (uttara.35.3)

शौर्यं दाक्ष्यं बलं धैर्यं प्राज्ञता नयसाधनम् । विक्रमश्च प्रभावश्च हनूमति कृतालयाः ॥ 35.3 ॥

śauryaṃ dākṣyaṃ balaṃ dhairyaṃ prājñatā nayasādhanam | vikramaśca prabhāvaśca hanūmati kṛtālayāḥ || 35.3 ||

'Valor, skill, strength, fortitude, wisdom, mastery of right conduct, prowess and majesty — all these have made their dwelling in Hanuman.'

Shloka 4 (uttara.35.4)

दृष्ट्वैव सागरं वीक्ष्य सीदन्तीं कपिवाहिनीम् । समाश्वास्य महाबाहुर्योजनानां शतं प्लुतः ॥ 35.4 ॥

dṛṣṭvaiva sāgaraṃ vīkṣya sīdantīṃ kapivāhinīm | samāśvāsya mahābāhuryojanānāṃ śataṃ plutaḥ || 35.4 ||

'The moment he beheld the ocean, seeing the army of monkeys sinking into despair, that mighty-armed one comforted them and leapt a hundred yojanas.'

Shloka 5 (uttara.35.5)

धर्षयित्वा पुरीं लङ्कां रावणान्तःपुरं तदा । दृष्ट्वा सम्भाषिता चापि सीता ह्याश्वासिता तथा ॥ 35.5 ॥

dharṣayitvā purīṃ laṅkāṃ rāvaṇāntaḥpuraṃ tadā | dṛṣṭvā sambhāṣitā cāpi sītā hyāśvāsitā tathā || 35.5 ||

'Then, having penetrated the city of Lanka and Ravana's inner apartments, he saw Sita, spoke with her, and comforted her.'

Shloka 6 (uttara.35.6)

सेनाग्रगा मन्त्रिसुताः किङ्करा रावणात्मजः । एते हनुमता तत्र ह्येकेन वितिपातिताः ॥ 35.6 ॥

senāgragā mantrisutāḥ kiṅkarā rāvaṇātmajaḥ | ete hanumatā tatra hyekena vitipātitāḥ || 35.6 ||

'The leaders of the army, the sons of ministers, the servants, and Ravana's own son — all of these were struck down there by Hanuman alone.'

Shloka 7 (uttara.35.7)

भूयो बन्धाद्विमुक्तेन भाषयित्वा दशाननम् । लङ्का भस्मीकृता येन पावकेनेव मेदिनी ॥ 35.7 ॥

bhūyo bandhādvimuktena bhāṣayitvā daśānanam | laṅkā bhasmīkṛtā yena pāvakeneva medinī || 35.7 ||

'And when, freed once more from his bonds, he had spoken with the ten-headed one, by him was Lanka burnt to ashes, as the earth might be burnt by fire.'

Shloka 8 (uttara.35.8)

न कालस्य न शक्रस्य न विष्णोर्वित्तपस्य च । कर्माणि तानि श्रूयन्ते यानि युद्धे हनूमतः ॥ 35.8 ॥

na kālasya na śakrasya na viṣṇorvittapasya ca | karmāṇi tāni śrūyante yāni yuddhe hanūmataḥ || 35.8 ||

'Not of Death himself, not of Shakra, not of Vishnu, nor of the lord of wealth — such deeds are never heard of, as those of Hanuman in battle.'

Shloka 9 (uttara.35.9)

एतस्य बाहुवीर्येण लङ्का सीता च लक्ष्मणः । प्राप्ता मया जयश्चैव राज्यं मित्राणि बान्धवाः ॥ 35.9 ॥

etasya bāhuvīryeṇa laṅkā sītā ca lakṣmaṇaḥ | prāptā mayā jayaścaiva rājyaṃ mitrāṇi bāndhavāḥ || 35.9 ||

'By the might of his arm alone have I gained Lanka, and Sita, and Lakshmana, and victory, and a kingdom, and friends and kinsmen.'

Shloka 10 (uttara.35.10)

हनूमान्यदि मे नः स्याद्वानराधिपतेः सखा । प्रवृत्तिमपि को वेत्तुं जानक्याः शक्तिमान्भवेत् ॥ 35.10 ॥

hanūmānyadi me naḥ syādvānarādhipateḥ sakhā | pravṛttimapi ko vettuṃ jānakyāḥ śaktimānbhavet || 35.10 ||

'Had Hanuman not been the friend of us and of the lord of the monkeys, who else would have had the power even to learn news of Janaki?'

Shloka 11 (uttara.35.11)

किमर्थं वाल्यनेनैव सुग्रीवप्रियकाम्यया । तदा वैरे समुत्पन्ने न दग्धो वीरुधो यथा ॥ 35.11 ॥

kimarthaṃ vālyanenaiva sugrīvapriyakāmyayā | tadā vaire samutpanne na dagdho vīrudho yathā || 35.11 ||

'Why is it that, when the enmity first arose out of his desire to please Sugriva, this very Hanuman was not consumed by Vali, as a creeper might be consumed?'

Shloka 12 (uttara.35.12)

नहि वेदितवान्मन्ये हनूमानात्मनो बलम् । यद्दृष्टवाञ्जीवितेष्टं क्लिश्यन्तं वानराधिपम् ॥ 35.12 ॥

nahi veditavānmanye hanūmānātmano balam | yaddṛṣṭavāñjīviteṣṭaṃ kliśyantaṃ vānarādhipam || 35.12 ||

'I do not think Hanuman himself even knew his own strength — since I saw him then merely distressed, wishing life to that beloved lord of monkeys.'

Shloka 13 (uttara.35.13)

एतन्मे भगवन्सर्वं हनूमति महामतौ । विस्तरेण यथातत्त्वं कथयामरपूजित ॥ 35.13 ॥

etanme bhagavansarvaṃ hanūmati mahāmatau | vistareṇa yathātattvaṃ kathayāmarapūjita || 35.13 ||

'O venerable one, worshipped even by the gods, tell me all of this in detail and in truth, concerning the great-minded Hanuman.'

Shloka 14 (uttara.35.14)

राघवस्य वचः श्रुत्वा हेतुयुक्तमृषिस्तदा । हनूमतः समक्षं तमिदं वचनमब्रवीत् ॥ 35.14 ॥

rāghavasya vacaḥ śrutvā hetuyuktamṛṣistadā | hanūmataḥ samakṣaṃ tamidaṃ vacanamabravīt || 35.14 ||

Having heard Raghava's reasoned words, the sage then, in Hanuman's very presence, spoke these words to him —

Shloka 15 (uttara.35.15)

सत्यमेतद्रघुश्रेष्ठ यद्ब्रवीषि हनूमतः । न बले विद्यते तुल्यो न गतौ न मतौ परः ॥ 35.15 ॥

satyametadraghuśreṣṭha yadbravīṣi hanūmataḥ | na bale vidyate tulyo na gatau na matau paraḥ || 35.15 ||

'True indeed is this, O best of the Raghus, that which you say of Hanuman — none is his equal in strength, none surpasses him in speed or in wisdom.'

Shloka 16 (uttara.35.16)

अमोघशापैः शप्तस्तु दत्तो ऽस्य मुनिभिः पुरा । न वेत्ता हि बलं येन बली सन्निरिमर्दनः ॥ 35.16 ॥

amoghaśāpaiḥ śaptastu datto 'sya munibhiḥ purā | na vettā hi balaṃ yena balī sannirimardanaḥ || 35.16 ||

'For, cursed of old with unfailing curses by the sages, this too was given: that although mighty and a crusher of foes, he would not know his own strength.'

Shloka 17 (uttara.35.17)

बाल्ये ऽप्येतेन यत्कर्म कृतं राम महाबल । तन्न वर्णयितुं शक्यमतिबालतयास्य ते ॥ 35.17 ॥

bālye 'pyetena yatkarma kṛtaṃ rāma mahābala | tanna varṇayituṃ śakyamatibālatayāsya te || 35.17 ||

'O mighty Rama, even the deeds he performed in his childhood cannot fully be told, owing to how very young he then was.'

Shloka 18 (uttara.35.18)

यदि वा ऽस्ति त्वभिप्रायस्तच्छ्रोतुं तव राघव । समाधाय मतिं राम निशामय वदाम्यहम् ॥ 35.18 ॥

yadi vā 'sti tvabhiprāyastacchrotuṃ tava rāghava | samādhāya matiṃ rāma niśāmaya vadāmyaham || 35.18 ||

'But if it is indeed your wish, O Raghava, to hear it, then compose your mind, O Rama, and listen — I shall tell it.'

Shloka 19 (uttara.35.19)

सूर्यदत्तवरस्वर्णः सुमेरुर्नाम पर्वतः । यत्र राज्यं प्रशास्त्यस्य केसरी नाम वै पिता ॥ 35.19 ॥

sūryadattavarasvarṇaḥ sumerurnāma parvataḥ | yatra rājyaṃ praśāstyasya kesarī nāma vai pitā || 35.19 ||

'There is a mountain named Sumeru, whose golden splendor was granted as a boon by the sun; there his father, named Kesari, ruled a kingdom.'

Shloka 20 (uttara.35.20)

तस्य भार्या बभूवैषा ह्यञ्जनेति परिश्रुता । जनयामास तस्यां वै वायुरात्मजमुत्तमम् ॥ 35.20 ॥

tasya bhāryā babhūvaiṣā hyañjaneti pariśrutā | janayāmāsa tasyāṃ vai vāyurātmajamuttamam || 35.20 ||

'His wife was renowned by the name Anjana; in her the Wind-god begot his own excellent son.'

Shloka 21 (uttara.35.21)

शालिशूकनिभाभासं प्रासूतामुं तदा ऽञ्जना । फलान्याहर्तुकामा वै निष्क्रान्ता गहनेचरा ॥ 35.21 ॥

śāliśūkanibhābhāsaṃ prāsūtāmuṃ tadā 'ñjanā | phalānyāhartukāmā vai niṣkrāntā gahanecarā || 35.21 ||

'Anjana gave birth to this child, radiant as the awn of a rice-grain; then, desiring to gather fruits, she who roved the forest went out.'

Shloka 22 (uttara.35.22)

एष मातुर्वियोगाच्च क्षुधया च भृशार्दितः । रुरोद शिशुरत्यर्थं शिशुः शरवणे यथा ॥ 35.22 ॥

eṣa māturviyogācca kṣudhayā ca bhṛśārditaḥ | ruroda śiśuratyarthaṃ śiśuḥ śaravaṇe yathā || 35.22 ||

'This child, tormented both by separation from his mother and by hunger, wept exceedingly, as the infant Kartikeya once wept in the reed-thicket.'

Shloka 23 (uttara.35.23)

तदोद्यन्तं विवस्वन्तं जपापुष्पोत्करोपमम् । ददर्श फललोभाच्च ह्युत्पपात रविं प्रति ॥ 35.23 ॥

tadodyantaṃ vivasvantaṃ japāpuṣpotkaropamam | dadarśa phalalobhācca hyutpapāta raviṃ prati || 35.23 ||

'Then he saw the rising sun, red as a mass of hibiscus flowers, and out of greed for what he took to be a fruit, leapt up toward it.'

Shloka 24 (uttara.35.24)

बालार्काभिमुखो बालो बालार्क इव मूर्तिमान् । ग्रहीतुकामो बालार्कं प्लवते ऽम्बरमध्यगः ॥ 35.24 ॥

bālārkābhimukho bālo bālārka iva mūrtimān | grahītukāmo bālārkaṃ plavate 'mbaramadhyagaḥ || 35.24 ||

'That child, facing the young morning sun, himself like the young sun given form, leapt through the midst of the sky, wishing to seize it.'

Shloka 25 (uttara.35.25)

एतस्मिन्प्लवमाने तु शिशुभावे हनूमति । देवदानवयक्षाणां विस्मयः सुमहानभूत् ॥ 35.25 ॥

etasminplavamāne tu śiśubhāve hanūmati | devadānavayakṣāṇāṃ vismayaḥ sumahānabhūt || 35.25 ||

'As this Hanuman, still an infant, leapt on through the sky, the astonishment of gods, danavas and yakshas was very great.'

Shloka 26 (uttara.35.26)

नाप्येवं वेगवान्वायुर्गरुडो वा मनस्तथा । यथा ऽयं वायुपुत्रस्तु क्रमते ऽम्बरमुत्तमम् ॥ 35.26 ॥

nāpyevaṃ vegavānvāyurgaruḍo vā manastathā | yathā 'yaṃ vāyuputrastu kramate 'mbaramuttamam || 35.26 ||

'Not the wind itself, so swift, nor Garuda, nor even the mind, moves as this son of the Wind moved through the high heavens.'

Shloka 27 (uttara.35.27)

यदि तावच्छिशोरस्य त्वीदृशो गतिविक्रमः । यौवनं बलमासाद्य कथं वेगो भविष्यति ॥ 35.27 ॥

yadi tāvacchiśorasya tvīdṛśo gativikramaḥ | yauvanaṃ balamāsādya kathaṃ vego bhaviṣyati || 35.27 ||

'If such is the speed and prowess of this mere child, what indeed will his speed become once he attains youth and full strength?'

Shloka 28 (uttara.35.28)

तमनुप्लवते वायुः प्लवन्तं पुत्रमात्मनः । सूर्यदाहभयाद्रक्षंस्तुषारचयशीतलः ॥ 35.28 ॥

tamanuplavate vāyuḥ plavantaṃ putramātmanaḥ | sūryadāhabhayādrakṣaṃstuṣāracayaśītalaḥ || 35.28 ||

'The Wind-god, cool as a mass of frost, followed close behind his leaping son, protecting him from fear of being burnt by the sun.'

Shloka 29 (uttara.35.29)

बहुयोजनसाहस्रं क्रमत्येष गतोम्बरम् । पितुर्बलाच्च बाल्याच्च भास्कराभ्याशमागतः ॥ 35.29 ॥

bahuyojanasāhasraṃ kramatyeṣa gatombaram | piturbalācca bālyācca bhāskarābhyāśamāgataḥ || 35.29 ||

'He traversed many thousand yojanas of sky, and, through both his father's power and his own childish daring, drew near to the sun.'

Shloka 30 (uttara.35.30)

शिशुरेष त्वदोषज्ञ इति मत्वा दिवाकरः । कार्यं चात्र समायत्तमित्येवं न ददाह सः ॥ 35.30 ॥

śiśureṣa tvadoṣajña iti matvā divākaraḥ | kāryaṃ cātra samāyattamityevaṃ na dadāha saḥ || 35.30 ||

'Thinking, "this is but an innocent child," and sensing that some higher purpose was at work here, the maker of the day did not burn him.'

Shloka 31 (uttara.35.31)

यमेव दिवसं ह्येष ग्रहीतुं भास्करं प्लुतः । तमेव दिवसं राहुर्जिघृक्षति दिवाकरम् ॥ 35.31 ॥

yameva divasaṃ hyeṣa grahītuṃ bhāskaraṃ plutaḥ | tameva divasaṃ rāhurjighṛkṣati divākaram || 35.31 ||

'Now, on that very day when this child had leapt to seize the sun, on that same day Rahu too was seeking to seize the day-maker.'

Shloka 32 (uttara.35.32)

अनेन स परामृष्टो राम सूर्यरथोपरि । अपक्रान्तस्ततस्त्रस्तो राहुश्चन्द्रार्कमर्दनः ॥ 35.32 ॥

anena sa parāmṛṣṭo rāma sūryarathopari | apakrāntastatastrasto rāhuścandrārkamardanaḥ || 35.32 ||

'By him, O Rama, Rahu — that crusher of moon and sun — was seized upon the very chariot of the sun, and, terrified, fled from there.'

Shloka 33 (uttara.35.33)

स इन्द्रभवनं गत्वा सरोषः सिंहिकासुतः । अब्रवीद्भ्रुकुटिं कृत्वा देवं देवगणैर्वृतम् ॥ 35.33 ॥

sa indrabhavanaṃ gatvā saroṣaḥ siṃhikāsutaḥ | abravīdbhrukuṭiṃ kṛtvā devaṃ devagaṇairvṛtam || 35.33 ||

'That son of Simhika, going in fury to Indra's abode, frowning, spoke thus to the god surrounded by his host of deities —'

Shloka 34 (uttara.35.34)

बुभुक्षापनयं दत्त्वा चन्द्रार्कौ मम वासव । किमिदं तत्त्वया दत्तमन्यस्य बलवृत्रहन् ॥ 35.34 ॥

bubhukṣāpanayaṃ dattvā candrārkau mama vāsava | kimidaṃ tattvayā dattamanyasya balavṛtrahan || 35.34 ||

"'You granted me, O Vasava, the moon and sun to remove my hunger — O slayer of Bala and Vritra, what is this, that you have given them to another?'"

Shloka 35 (uttara.35.35)

अद्याहं पर्वकाले तु जिघृक्षुः सूर्यमागतः । अथान्यो राहुरासाद्य जग्राह सहसा रविम् ॥ 35.35 ॥

adyāhaṃ parvakāle tu jighṛkṣuḥ sūryamāgataḥ | athānyo rāhurāsādya jagrāha sahasā ravim || 35.35 ||

"'Today, at the time of the eclipse, I came wishing to seize the sun — but some other Rahu came upon it and suddenly seized the sun himself!'"

Shloka 36 (uttara.35.36)

स राहोर्वचनं श्रुत्वा वासवः सम्भ्रमान्वितः । उत्पपातासनं हित्वा चोद्वहन्काञ्चनीं स्रजम् ॥ 35.36 ॥

sa rāhorvacanaṃ śrutvā vāsavaḥ sambhramānvitaḥ | utpapātāsanaṃ hitvā codvahankāñcanīṃ srajam || 35.36 ||

Hearing Rahu's words, Vasava, seized with alarm, sprang up, leaving his throne, wearing his garland of gold.

Shloka 37 (uttara.35.37)

ततः कैलासकूटाभं चतुर्दन्तं मदस्रवम् । शृङ्गारधारिणं प्रांशुं स्वर्णघण्टाट्टहासिनम् ॥ 35.37 ॥

tataḥ kailāsakūṭābhaṃ caturdantaṃ madasravam | śṛṅgāradhāriṇaṃ prāṃśuṃ svarṇaghaṇṭāṭṭahāsinam || 35.37 ||

Then, upon his elephant, white as a peak of Kailasa, four-tusked, streaming with rut, richly caparisoned, tall, its golden bells ringing out like laughter —

Shloka 38 (uttara.35.38)

इन्द्रः करीन्द्रमारुह्य राहुं कृत्वा पुरःसरम् । प्रायाद्यत्राभवत्सूर्यः सहानेन हनूमता ॥ 35.38 ॥

indraḥ karīndramāruhya rāhuṃ kṛtvā puraḥsaram | prāyādyatrābhavatsūryaḥ sahānena hanūmatā || 35.38 ||

— Indra, mounting it, with Rahu leading the way, set out to where the sun was, together with this Hanuman.

Shloka 39 (uttara.35.39)

अथातिरभसेनागाद्राहुरुत्सृज्य वासवम् । अनेन च स वै दृष्टः प्रधावञ्छैलकूटवत् ॥ 35.39 ॥

athātirabhasenāgādrāhurutsṛjya vāsavam | anena ca sa vai dṛṣṭaḥ pradhāvañchailakūṭavat || 35.39 ||

Then Rahu, leaving Vasava behind, rushed forward with great speed; and Hanuman saw him rushing on, like a mountain peak in motion.

Shloka 40 (uttara.35.40)

ततः सूर्यं समुत्सृज्य राहुं फलमवेक्ष्य च । उत्पपात पुनर्व्योम ग्रहीतुं सिंहिकासुतम् ॥ 35.40 ॥

tataḥ sūryaṃ samutsṛjya rāhuṃ phalamavekṣya ca | utpapāta punarvyoma grahītuṃ siṃhikāsutam || 35.40 ||

Then, letting go of the sun, and regarding Rahu himself as a fruit, Hanuman leapt up once more into the sky, to seize the son of Simhika.

Shloka 41 (uttara.35.41)

उत्सृज्यार्कमिमं राम प्रधावन्तं प्लवङ्गमम् । अवेक्ष्यैवं परावृत्त्य मुखशेषः पराङ्मुखः ॥ 35.41 ॥

utsṛjyārkamimaṃ rāma pradhāvantaṃ plavaṅgamam | avekṣyaivaṃ parāvṛttya mukhaśeṣaḥ parāṅmukhaḥ || 35.41 ||

Letting go of the sun, O Rama, and glancing back at that monkey rushing toward him, Rahu turned away, only his face still showing as he fled.

Shloka 42 (uttara.35.42)

इन्द्रमाशंसमानस्तु त्रातारं सिंहिकासुतः । इन्द्र इन्द्रेति संत्रासान्मुहुर्महुरभाषत ॥ 35.42 ॥

indramāśaṃsamānastu trātāraṃ siṃhikāsutaḥ | indra indreti saṃtrāsānmuhurmahurabhāṣata || 35.42 ||

The son of Simhika, hoping for Indra as his protector, cried out again and again in terror, 'Indra! Indra!'

Shloka 43 (uttara.35.43)

राहोर्विक्रोशमानस्य प्रागेवालक्षितं स्वरम् । श्रुत्वेन्द्रोवाच मा भैषीरहमेनं निषूदये ॥ 35.43 ॥

rāhorvikrośamānasya prāgevālakṣitaṃ svaram | śrutvendrovāca mā bhaiṣīrahamenaṃ niṣūdaye || 35.43 ||

Hearing Rahu's cry — a sound never marked before this — Indra said, 'Fear not, I shall destroy this one.'

Shloka 44 (uttara.35.44)

ऐरावतं ततो दृष्ट्वा महत्तदिदमित्यपि । फलं मत्वा हस्तिराजमभिदुद्राव मारुतिः ॥ 35.44 ॥

airāvataṃ tato dṛṣṭvā mahattadidamityapi | phalaṃ matvā hastirājamabhidudrāva mārutiḥ || 35.44 ||

Then, seeing Airavata and thinking, 'this too is a great fruit,' the son of the Wind rushed at that king of elephants.

Shloka 45 (uttara.35.45)

तथास्य धावतो रूपमैरावतजिघृक्षया । मुहूर्तमभवद्घोरमिन्द्राग्न्योरिव भास्वरम् ॥ 35.45 ॥

tathāsya dhāvato rūpamairāvatajighṛkṣayā | muhūrtamabhavadghoramindrāgnyoriva bhāsvaram || 35.45 ||

As he rushed on, desiring to seize Airavata, his form for a moment became terrible and blazing, like the very radiance of Indra's own fire.

Shloka 46 (uttara.35.46)

एवमाधावमानं तु नातिक्रुद्धः शचीपतिः । हस्तान्तादतिमुक्तेन कुलिशेनाभ्यताडयत् ॥ 35.46 ॥

evamādhāvamānaṃ tu nātikruddhaḥ śacīpatiḥ | hastāntādatimuktena kuliśenābhyatāḍayat || 35.46 ||

As he thus rushed on, the lord of Shachi, not overly angered, struck him with the thunderbolt released from his hand.

Shloka 47 (uttara.35.47)

ततो गिरौ पपातैष इन्द्रवज्राभिताडितः । पतमानस्य चैतस्य वामो हनुरभज्यत ॥ 35.47 ॥

tato girau papātaiṣa indravajrābhitāḍitaḥ | patamānasya caitasya vāmo hanurabhajyata || 35.47 ||

Struck by Indra's thunderbolt, he then fell upon a mountain; and as he fell, his left jaw was broken.

Shloka 48 (uttara.35.48)

तस्मिंस्तु पतिते बाले वज्रताडनविह्वले । चुक्रोधेन्द्राय पवनः प्रजानामहिताय सः ॥ 35.48 ॥

tasmiṃstu patite bāle vajratāḍanavihvale | cukrodhendrāya pavanaḥ prajānāmahitāya saḥ || 35.48 ||

When that child had fallen, stunned by the blow of the thunderbolt, the Wind-god grew furious at Indra, to the harm of all creatures.

Shloka 49 (uttara.35.49)

प्रचारं स तु सङ्गृह्य प्रजास्वन्तर्गतः प्रभुः । गुहां प्रविष्टः स्वसुतं शिशुमादाय मारुतः ॥ 35.49 ॥

pracāraṃ sa tu saṅgṛhya prajāsvantargataḥ prabhuḥ | guhāṃ praviṣṭaḥ svasutaṃ śiśumādāya mārutaḥ || 35.49 ||

Withdrawing his motion from within all creatures, that lord Maruta, taking up his infant son, entered a mountain cave.

Shloka 50 (uttara.35.50)

विण्मूत्राशयमावृत्य प्रजानां परमार्तिकृत् । रुरोध सर्वभूतानि यथा वर्षाणि वासवः ॥ 35.50 ॥

viṇmūtrāśayamāvṛtya prajānāṃ paramārtikṛt | rurodha sarvabhūtāni yathā varṣāṇi vāsavaḥ || 35.50 ||

Blocking up even the passage of excrement and urine in all beings, causing them the utmost distress, he restrained all creatures' breath, as Vasava might withhold the rains.

Shloka 51 (uttara.35.51)

वायुप्रकोपाद्भूतानि निरुच्छ्वासानि सर्वतः । सन्धिभिर्भिद्यमानैश्च काष्ठभूतानि जज्ञिरे ॥ 35.51 ॥

vāyuprakopādbhūtāni nirucchvāsāni sarvataḥ | sandhibhirbhidyamānaiśca kāṣṭhabhūtāni jajñire || 35.51 ||

Through the Wind-god's fury, all beings everywhere were left breathless, their very joints splitting apart, becoming stiff as logs of wood.

Shloka 52 (uttara.35.52)

निःस्वाध्यायवषट्कारं निष्क्रियं धर्मवर्जितम् । वायुप्रकोपात् त्रैलोक्यं निरयस्थमिवाभवत् ॥ 35.52 ॥

niḥsvādhyāyavaṣaṭkāraṃ niṣkriyaṃ dharmavarjitam | vāyuprakopāt trailokyaṃ nirayasthamivābhavat || 35.52 ||

Bereft of Vedic recitation and ritual exclamations, without any activity, void of dharma, the three worlds, through the Wind-god's wrath, became as if plunged into hell.

Shloka 53 (uttara.35.53)

ततः प्रजाः सगन्धर्वाः सदेवासुरमानुषाः । प्रजापतिं समाधावन्दुःखिताश्च सुखेच्छया ॥ 35.53 ॥

tataḥ prajāḥ sagandharvāḥ sadevāsuramānuṣāḥ | prajāpatiṃ samādhāvanduḥkhitāśca sukhecchayā || 35.53 ||

Then all creatures, together with the gandharvas, gods, asuras and men, distressed and desiring relief, rushed together to Prajapati.

Shloka 54 (uttara.35.54)

ऊचुः प्राञ्जलयो देवा महोदरनिभोदराः । त्वया नु भगवन्सृष्टाः प्रजानाथ चतुर्विधाः ॥ 35.54 ॥

ūcuḥ prāñjalayo devā mahodaranibhodarāḥ | tvayā nu bhagavansṛṣṭāḥ prajānātha caturvidhāḥ || 35.54 ||

With joined palms, the gods, their bellies swollen like Mahodara's, said: 'O venerable one, lord of creatures, it is by you that we, the fourfold creation, were brought into being.'

Shloka 55 (uttara.35.55)

त्वया दत्तो ऽयमस्माकमायुषः पवनः पतिः । सो ऽस्मान्प्राणेश्वरो भूत्वा कस्मादेषो ऽद्य सत्तम ॥ 35.55 ॥

tvayā datto 'yamasmākamāyuṣaḥ pavanaḥ patiḥ | so 'smānprāṇeśvaro bhūtvā kasmādeṣo 'dya sattama || 35.55 ||

'This lord of the wind, given by you as the master of our very life-breath — he, having become the lord of our breath, why does he now, O most excellent one —'

Shloka 56 (uttara.35.56)

रुरोध दुःखं जनयन्नन्तःपुर इव स्त्रियः । तस्मात्त्वां शरणं प्राप्ता वायुनोहता वयम् ॥ 35.56 ॥

rurodha duḥkhaṃ janayannantaḥpura iva striyaḥ | tasmāttvāṃ śaraṇaṃ prāptā vāyunohatā vayam || 35.56 ||

'— restrain us, causing us suffering, as women confined within an inner chamber are restrained? Therefore we, struck down by the Wind, have come to you for refuge.'

Shloka 57 (uttara.35.57)

एतत्प्रजानां श्रुत्वा तु प्रजानाथः प्रजापतिः । कारणादिति चोक्त्वासौ प्रजाः पुनरभाषत ॥ 35.57 ॥

etatprajānāṃ śrutvā tu prajānāthaḥ prajāpatiḥ | kāraṇāditi coktvāsau prajāḥ punarabhāṣata || 35.57 ||

Having heard this from the creatures, Prajapati, lord of all beings, having said, 'there is a cause for this,' spoke again to the creatures —

Shloka 58 (uttara.35.58)

यस्मिंश्च कारणे वायुश्चुक्रोध च रुरोध च । प्रजाः शृणुध्वं तत्सर्वं श्रोतव्यं चात्मनः क्षमम् ॥ 35.58 ॥

yasmiṃśca kāraṇe vāyuścukrodha ca rurodha ca | prajāḥ śṛṇudhvaṃ tatsarvaṃ śrotavyaṃ cātmanaḥ kṣamam || 35.58 ||

'For what cause the Wind grew angry and restrained you, hear all of that, O creatures — it is fitting that you should hear it.'

Shloka 59 (uttara.35.59)

पुत्रस्तस्यामरेशेन इन्द्रेणाद्य निपातितः । राहोर्वचनमास्थाय ततः स कुपितो ऽनिलः ॥ 35.59 ॥

putrastasyāmareśena indreṇādya nipātitaḥ | rāhorvacanamāsthāya tataḥ sa kupito 'nilaḥ || 35.59 ||

'His son has today been struck down by the lord of the immortals, Indra, acting upon Rahu's word; and so has the Wind grown wrathful.'

Shloka 60 (uttara.35.60)

अशरीरः शरीरेषु वायुश्चरति पालयन् । शरीरं हि विना वायुं समतां याति दारुभिः ॥ 35.60 ॥

aśarīraḥ śarīreṣu vāyuścarati pālayan | śarīraṃ hi vinā vāyuṃ samatāṃ yāti dārubhiḥ || 35.60 ||

'Though bodiless himself, the Wind moves within all bodies, sustaining them; for a body without the Wind becomes equal to a mere piece of wood.'

Shloka 61 (uttara.35.61)

वायुः प्राणः सुखं वायुर्वायुः सर्वमिदं जगत् । वायुना सम्परित्यक्तं न सुखं विन्दते जगत् ॥ 35.61 ॥

vāyuḥ prāṇaḥ sukhaṃ vāyurvāyuḥ sarvamidaṃ jagat | vāyunā samparityaktaṃ na sukhaṃ vindate jagat || 35.61 ||

'The Wind is the breath of life, the Wind is happiness, the Wind is this entire universe; a world abandoned by the Wind finds no happiness at all.'

Shloka 62 (uttara.35.62)

अद्यैव च परित्यक्तं वायुना जगदायुषा । अद्यैव ते निरुच्छ्वासाः काष्ठकुड्योपमाः स्थिताः ॥ 35.62 ॥

adyaiva ca parityaktaṃ vāyunā jagadāyuṣā | adyaiva te nirucchvāsāḥ kāṣṭhakuḍyopamāḥ sthitāḥ || 35.62 ||

'This very day the world has been abandoned by the Wind, its own life; this very day all of you stand breathless, like so many wooden walls.'

Shloka 63 (uttara.35.63)

तद्यामस्तत्र यत्रास्ते मारुतो रुक्प्रदो हि नः । मा विनाशं गमिष्याम अप्रसाद्यादितेः सुताः ॥ 35.63 ॥

tadyāmastatra yatrāste māruto rukprado hi naḥ | mā vināśaṃ gamiṣyāma aprasādyāditeḥ sutāḥ || 35.63 ||

'Let us therefore go to where the Wind-god, the cause of our present affliction, now dwells; let us not perish, O sons of Aditi, without first appeasing him.'

Shloka 64 (uttara.35.64)

ततः प्रजाभिः सहितः प्रजापतिः सदेवगन्धर्वभुजङ्गगुह्यकैः । जगाम तत्रास्यति यत्र मारुतः सुतं सुरेन्द्राभिहतं प्रगृह्य सः ॥ 35.64 ॥

tataḥ prajābhiḥ sahitaḥ prajāpatiḥ sadevagandharvabhujaṅgaguhyakaiḥ | jagāma tatrāsyati yatra mārutaḥ sutaṃ surendrābhihataṃ pragṛhya saḥ || 35.64 ||

Then Prajapati, together with all the creatures, with the gods, gandharvas, serpents and guhyakas, went to that place where the Wind-god sat, holding his son who had been struck down by the lord of the gods.

Shloka 65 (uttara.35.65)

ततो ऽर्कवैश्वानरकाञ्चनप्रभं सुतं तदोत्सङ्गगतं सदागतेः । चतुर्मुखो वीक्ष्य कृपामथाकरोत्सदेवगन्धर्वर्षियक्षराक्षसैः ॥ 35.65 ॥

tato 'rkavaiśvānarakāñcanaprabhaṃ sutaṃ tadotsaṅgagataṃ sadāgateḥ | caturmukho vīkṣya kṛpāmathākarotsadevagandharvarṣiyakṣarākṣasaiḥ || 35.65 ||

Then, beholding that son, radiant as the sun and as fire and as gold, lying upon the lap of the ever-moving Wind-god, the four-faced Brahma, together with the gods, gandharvas, sages, yakshas and rakshasas, was moved to compassion.