The Boons and Curse of Hanuman

Shloka 1 (uttara.36.1)

ततः पितामहं दृष्ट्वा वायुः पुत्रवधार्दितः । शिशुकं तं समादाय उत्तस्थौ धातुरग्रतः ।। 36.1 ।।

tataḥ pitāmahaṃ dṛṣṭvā vāyuḥ putravadhārditaḥ | śiśukaṃ taṃ samādāya uttasthau dhāturagrataḥ || 36.1 ||

Then, beholding the Grandsire (Brahma), Vayu, stricken with grief at what seemed his son's death, took up the infant and stood before the Creator.

Shloka 2 (uttara.36.2)

चलकुण्डलमौलिस्रक्तपनीयविभूषणः । पादयोर्न्यपतद्वायुस्तिस्रोपस्थाय वेधसे ।। 36.2 ।।

calakuṇḍalamaulisraktapanīyavibhūṣaṇaḥ | pādayornyapatadvāyustisropasthāya vedhase || 36.2 ||

With his swinging earrings, diadem, garlands and golden ornaments, Vayu drew near and fell at the Creator's feet.

Shloka 3 (uttara.36.3)

तं तु वेदविदा तेन लम्बाभरणशोभिना । वायुमुत्थाप्य हस्तेन शिशुं तं परिमृष्टवान् ।। 36.3 ।।

taṃ tu vedavidā tena lambābharaṇaśobhinā | vāyumutthāpya hastena śiśuṃ taṃ parimṛṣṭavān || 36.3 ||

He, the knower of the Vedas, adorned with hanging ornaments, raising Vayu up by the hand, then touched that infant.

Shloka 4 (uttara.36.4)

स्पृष्टमात्रस्ततः सो ऽथ सलीलं पद्मयोनिना । जलसिक्तं यथा सस्यं पुनर्जीवितमाप्तवान् ।। 36.4 ।।

spṛṣṭamātrastataḥ so 'tha salīlaṃ padmayoninā | jalasiktaṃ yathā sasyaṃ punarjīvitamāptavān || 36.4 ||

The moment he was touched, in play, by the lotus-born one, the child regained life, as a crop sprinkled with water lives again.

Shloka 5 (uttara.36.5)

प्राणवन्तमिमं दृष्ट्वा प्राणो गन्धवहो मुदा । चचार सर्वभूतेषु सन्निरुद्धं यथा पुरा ।। 36.5 ।।

prāṇavantamimaṃ dṛṣṭvā prāṇo gandhavaho mudā | cacāra sarvabhūteṣu sanniruddhaṃ yathā purā || 36.5 ||

Seeing him alive, Prana, the wind-bearer, moved joyfully among all beings as before, no longer held back.

Shloka 6 (uttara.36.6)

मरुद्रोधाद्विनिर्मुक्तास्ताः प्रजा मुदिता ऽभवन् । शीतदाहविनिर्मुक्ताः पद्मिन्य इव साम्बुजाः ।। 36.6 ।।

marudrodhādvinirmuktāstāḥ prajā muditā 'bhavan | śītadāhavinirmuktāḥ padminya iva sāmbujāḥ || 36.6 ||

Released from the stoppage of the wind, all creatures grew joyful, like lotus-ponds freed from excess of cold and heat, blooming with their lotuses.

Shloka 7 (uttara.36.7)

ततस्त्रियुग्मस्त्रिककुत्त्रिधामा त्रिदशार्चितः । उवाच देवता ब्रह्मा मारुतप्रियकाम्यया ।। 36.7 ।।

tatastriyugmastrikakuttridhāmā tridaśārcitaḥ | uvāca devatā brahmā mārutapriyakāmyayā || 36.7 ||

Then Brahma — threefold in his powers, three-peaked, of triple abode, honoured by the thirty gods — that deity spoke, wishing to please Maruta.

Shloka 8 (uttara.36.8)

भो महेन्द्रेशवरुणप्रजेश्वरधनेश्वराः । जानतामपि वः सर्वं वक्ष्यामि श्रूयतां हितम् ।। 36.8 ।।

bho mahendreśavaruṇaprajeśvaradhaneśvarāḥ | jānatāmapi vaḥ sarvaṃ vakṣyāmi śrūyatāṃ hitam || 36.8 ||

"O Mahendra, Isha, Varuna, lord of creatures, and lord of wealth — though you already know everything, I shall speak; hear what is beneficial.

Shloka 9 (uttara.36.9)

अनेन शिशुना कार्यं कर्तव्यं वो भविष्यति । तद्वदध्वं वरान्सर्वे मारुतस्यास्य तुष्टये ।। 36.9 ।।

anena śiśunā kāryaṃ kartavyaṃ vo bhaviṣyati | tadvadadhvaṃ varānsarve mārutasyāsya tuṣṭaye || 36.9 ||

Through this child a great task of yours shall be accomplished; therefore let all of you grant boons, for the satisfaction of this son of Maruta."

Shloka 10 (uttara.36.10)

ततः सहस्रनयनः प्रीतियुक्तः शुभाननः । कुशेशयमयीं मालामुत्क्षिप्येदं वचो ऽब्रवीत् ।। 36.10 ।।

tataḥ sahasranayanaḥ prītiyuktaḥ śubhānanaḥ | kuśeśayamayīṃ mālāmutkṣipyedaṃ vaco 'bravīt || 36.10 ||

Then the thousand-eyed one, filled with affection, of auspicious countenance, lifting up a garland of lotuses, spoke this word.

Shloka 11 (uttara.36.11)

मत्करोत्सृष्टवज्रेण हनुरस्य यथा हतः । नाम्ना वै कपिशार्दूलो भविता हनुमानिति ।। 36.11 ।।

matkarotsṛṣṭavajreṇa hanurasya yathā hataḥ | nāmnā vai kapiśārdūlo bhavitā hanumāniti || 36.11 ||

"Since his jaw (hanu) was struck by the thunderbolt loosed from my hand, this tiger among monkeys shall become known by the name Hanuman.

Shloka 12 (uttara.36.12)

अहमस्य प्रदास्यामि परमं वरमद्भुतम् । इतः प्रभृति वज्रस्य ममावध्यो भविष्यति ।। 36.12 ।।

ahamasya pradāsyāmi paramaṃ varamadbhutam | itaḥ prabhṛti vajrasya mamāvadhyo bhaviṣyati || 36.12 ||

I grant him this supreme and wondrous boon: from this day he shall be unslayable by my thunderbolt."

Shloka 13 (uttara.36.13)

मार्तण्डस्त्वब्रवीत्तत्र भगवांस्तिमिरापहः । तेजसो ऽस्य मदीयस्य ददामि शतिकां कलाम् ।। 36.13 ।।

mārtaṇḍastvabravīttatra bhagavāṃstimirāpahaḥ | tejaso 'sya madīyasya dadāmi śatikāṃ kalām || 36.13 ||

Then blessed Martanda, the Sun, dispeller of darkness, said there: "I give him a hundredth part of my own splendour.

Shloka 14 (uttara.36.14)

यदा तु शास्त्राण्यध्येतुं शक्तिरस्य भविष्यति । तदास्य शास्त्रं दास्यामि येन वाग्ग्मी भविष्यति ।। 36.14 ।।

yadā tu śāstrāṇyadhyetuṃ śaktirasya bhaviṣyati | tadāsya śāstraṃ dāsyāmi yena vāggmī bhaviṣyati || 36.14 ||

And when he shall have the power to study the scriptures, then I shall grant him the scriptures, by which he shall become eloquent.

Shloka 15 (uttara.36.15)

नचास्य भविता कश्चित्सदृशः शास्त्रदर्शने । वरुणश्च वरं प्रादान्नास्य मृत्युर्भविष्यति । वर्षायुतशतेनापि मत्पाशादुदकादपि ।। 36.15 ।।

nacāsya bhavitā kaścitsadṛśaḥ śāstradarśane | varuṇaśca varaṃ prādānnāsya mṛtyurbhaviṣyati | varṣāyutaśatenāpi matpāśādudakādapi || 36.15 ||

And none shall be his equal in the exposition of scripture." Varuna too gave a boon: "Not even after ten thousand years shall he meet death from my noose, or from water.

Shloka 16 (uttara.36.16)

यमो दण्डादवध्यत्वमरोगत्वं च नित्यशः । वरं ददामि सन्तुष्ट अविषादं च संयुगे ।। 36.16 ।।

yamo daṇḍādavadhyatvamarogatvaṃ ca nityaśaḥ | varaṃ dadāmi santuṣṭa aviṣādaṃ ca saṃyuge || 36.16 ||

Yama said: "Being pleased, I grant this boon — he shall be unslayable by my rod, ever free of disease, and never despondent in battle.

Shloka 17 (uttara.36.17)

गदेयं मामिका नैनं संयुगेषु वधिष्यति । इत्येवं वरदः प्राह तदा ह्येकाक्षिपिङ्गलः ।। 36.17 ।।

gadeyaṃ māmikā nainaṃ saṃyugeṣu vadhiṣyati | ityevaṃ varadaḥ prāha tadā hyekākṣipiṅgalaḥ || 36.17 ||

This mace of mine, too, shall never slay him in battle." Thus spoke the tawny, one-eyed giver of that boon.

Shloka 18 (uttara.36.18)

मत्तो मदायुधानां च न वध्यो ऽयं भविष्यति । इत्येवं शङ्करेणापि दत्तो ऽस्य परमो वरः ।। 36.18 ।।

matto madāyudhānāṃ ca na vadhyo 'yaṃ bhaviṣyati | ityevaṃ śaṅkareṇāpi datto 'sya paramo varaḥ || 36.18 ||

"By me, nor by my weapons, shall he be slain." Thus Shankara too gave him a supreme boon.

Shloka 19 (uttara.36.19)

सर्वेषां ब्रह्मदण्डानामवध्यो ऽयं भविष्यति । दीर्घायुश्च महात्मा च इति ब्रह्माब्रवीद्वचः ।। 36.19 ।।

sarveṣāṃ brahmadaṇḍānāmavadhyo 'yaṃ bhaviṣyati | dīrghāyuśca mahātmā ca iti brahmābravīdvacaḥ || 36.19 ||

"He shall be unslayable by any curse of Brahma, and shall be long-lived and great of soul." Thus spoke Brahma.

Shloka 20 (uttara.36.20)

विश्वकर्मा च दृष्ट्वैनं बालसूर्योपमं शिशुम् । शिल्पिनां प्रवरः प्रादाद्वरमस्य महामतिः ।। 36.20 ।।

viśvakarmā ca dṛṣṭvainaṃ bālasūryopamaṃ śiśum | śilpināṃ pravaraḥ prādādvaramasya mahāmatiḥ || 36.20 ||

And Vishvakarma, foremost of craftsmen, of great intellect, seeing that infant like the rising sun, gave him a boon too.

Shloka 21 (uttara.36.21)

मत्कृतानि च शस्त्राणि यानि दिव्यानि संयुगे । तैरवध्यत्वमापन्नश्चिरजीवी भविष्यति ।। 36.21 ।।

matkṛtāni ca śastrāṇi yāni divyāni saṃyuge | tairavadhyatvamāpannaścirajīvī bhaviṣyati || 36.21 ||

"Whatever divine weapons made by me are used in battle, by them he shall be unharmed, and he shall be long-lived."

Shloka 22 (uttara.36.22)

ततः सुराणां तु वरैर्दृष्ट्वा ह्येनमलङ्कृतम् । चतुर्मुखस्तुष्टमना वायुमाह जगद्गुरुः ।। 36.22 ।।

tataḥ surāṇāṃ tu varairdṛṣṭvā hyenamalaṅkṛtam | caturmukhastuṣṭamanā vāyumāha jagadguruḥ || 36.22 ||

Then, seeing him thus adorned with the boons of the gods, the four-faced Brahma, guru of the world, spoke to Vayu with a satisfied mind.

Shloka 23 (uttara.36.23)

अमित्राणां भयकरो मित्राणामभयङ्करः । अजेयो भविता पुत्रस्तव मारुत मारुतिः ।। 36.23 ।।

amitrāṇāṃ bhayakaro mitrāṇāmabhayaṅkaraḥ | ajeyo bhavitā putrastava māruta mārutiḥ || 36.23 ||

"O Maruta, your son Maruti shall bring fear to enemies and fearlessness to friends, and shall be unconquerable.

Shloka 24 (uttara.36.24)

कामरूपः कामचारी कामगः प्लवतां वरः । भवत्यव्याहतगतिः कीर्तिमांश्च भविष्यति ।। 36.24 ।।

kāmarūpaḥ kāmacārī kāmagaḥ plavatāṃ varaḥ | bhavatyavyāhatagatiḥ kīrtimāṃśca bhaviṣyati || 36.24 ||

Taking any form at will, roaming at will, going anywhere at will, foremost among those who leap — his path shall never be obstructed, and he shall be renowned.

Shloka 25 (uttara.36.25)

रावणोत्सादनार्थानि रामप्रियकरणि च । रोमहर्षकराण्येष कर्ता कर्माणि संयुगे ।। 36.25 ।।

rāvaṇotsādanārthāni rāmapriyakaraṇi ca | romaharṣakarāṇyeṣa kartā karmāṇi saṃyuge || 36.25 ||

This one shall perform, in battle, deeds that bring about Ravana's destruction, that please Rama, and that make the hair stand on end with wonder."

Shloka 26 (uttara.36.26)

एवमुक्त्वा तमामन्त्र्य मारुतं त्वमरैः सह । यथागतं ययुः सर्वे पितामहपुरोगमाः ।। 36.26 ।।

evamuktvā tamāmantrya mārutaṃ tvamaraiḥ saha | yathāgataṃ yayuḥ sarve pitāmahapurogamāḥ || 36.26 ||

Having spoken thus, and taking leave of Maruta, all the gods, with the Grandsire at their head, departed together with the immortals as they had come.

Shloka 27 (uttara.36.27)

सो ऽपि गन्धवहः पुत्रं प्रगृह्य गृहमानयत् । अञ्जनायास्तमाचख्यौ वरदत्तं विनिर्गतः ।। 36.27 ।।

so 'pi gandhavahaḥ putraṃ pragṛhya gṛhamānayat | añjanāyāstamācakhyau varadattaṃ vinirgataḥ || 36.27 ||

The wind-bearer too took up his son and brought him home; and, having come forth, he related to Anjana the account of the boons given to their child.

Shloka 28 (uttara.36.28)

प्राप्य राम वरानेष वरदानसमन्वितः । बलेनात्मनि संस्थेन सो ऽपूर्यत यथा ऽर्णवः ।। 36.28 ।।

prāpya rāma varāneṣa varadānasamanvitaḥ | balenātmani saṃsthena so 'pūryata yathā 'rṇavaḥ || 36.28 ||

O Rama, having obtained these boons, endowed with such gifts, he became filled with the strength within him, as the ocean fills with water.

Shloka 29 (uttara.36.29)

तरसा पूर्यमाणो ऽपि तदा वानरपुङ्गवः । आश्रमेषु महर्षीणामपराध्यति निर्भयः ।। 36.29 ।।

tarasā pūryamāṇo 'pi tadā vānarapuṅgavaḥ | āśrameṣu maharṣīṇāmaparādhyati nirbhayaḥ || 36.29 ||

Then, filled with vigour, that bull among monkeys, fearlessly, began to commit offences in the hermitages of the great sages.

Shloka 30 (uttara.36.30)

स्रुग्भाण्डान्यग्निहोत्रं च वल्कलाजिनसञ्चयान् । भग्नविच्छिन्नविध्वस्तान्संशान्तानां करोत्ययम् ।। 36.30 ।।

srugbhāṇḍānyagnihotraṃ ca valkalājinasañcayān | bhagnavicchinnavidhvastānsaṃśāntānāṃ karotyayam || 36.30 ||

He would break, tear, and destroy the sacrificial ladles and vessels, the fire-oblations, and the stores of bark-garments and deerskins of those tranquil sages.

Shloka 31 (uttara.36.31)

एवंविधानि कर्माणि प्रावर्तत महाबलः । सर्वेषां ब्रह्मदण्डानामवध्यः शम्भुना कृतः ।। 36.31 ।।

evaṃvidhāni karmāṇi prāvartata mahābalaḥ | sarveṣāṃ brahmadaṇḍānāmavadhyaḥ śambhunā kṛtaḥ || 36.31 ||

That mighty one went on in such deeds, for Shambhu had made him unslayable by every curse of Brahma.

Shloka 32 (uttara.36.32)

जानन्त ऋषयस्तं वै सहन्ते तस्य शक्तितः ।। 36.32 ।।

jānanta ṛṣayastaṃ vai sahante tasya śaktitaḥ || 36.32 ||

The sages, knowing this of him, endured him because of his given power.

Shloka 33 (uttara.36.33)

यथा केसरिणा त्वेष वायुना सो ऽञ्जनासुतः । प्रतिषिद्धो ऽपि मर्यादां लङ्घयत्येव वानरः ।। 36.33 ।।

yathā kesariṇā tveṣa vāyunā so 'ñjanāsutaḥ | pratiṣiddho 'pi maryādāṃ laṅghayatyeva vānaraḥ || 36.33 ||

Though forbidden by Kesari and by Vayu, that monkey, Anjana's son, kept transgressing every bound.

Shloka 34 (uttara.36.34)

ततो महर्षयः क्रुद्धा भृग्वङ्गिरसवंशजाः । शेपुरेनं रघुश्रेष्ठ नातिक्रुद्धातिमन्यवः ।। 36.34 ।।

tato maharṣayaḥ kruddhā bhṛgvaṅgirasavaṃśajāḥ | śepurenaṃ raghuśreṣṭha nātikruddhātimanyavaḥ || 36.34 ||

Then the great sages of the line of Bhrigu and Angiras, angered — though not extremely wrathful, O best of the Raghus — laid this curse upon him.

Shloka 35 (uttara.36.35)

बाधसे यत्समाश्रित्य बलमस्मान्प्लवङ्गम । तद्दीर्घकालं वेत्तासि नास्माकं शापमोहितः । यदा ते स्मार्यते कीर्तिस्तदा ते वर्धते बलम् ।। 36.35 ।।

bādhase yatsamāśritya balamasmānplavaṅgama | taddīrghakālaṃ vettāsi nāsmākaṃ śāpamohitaḥ | yadā te smāryate kīrtistadā te vardhate balam || 36.35 ||

They said: "O monkey, the strength on which you rely to trouble us — deluded by our curse, you shall not know it for a long time; but when your own fame is called back to your mind, then that strength of yours shall grow again."

Shloka 36 (uttara.36.36)

ततस्स हृततेजौजा महर्षिवचनौजसा । एषोश्रमाणि तान्येव मृदुभावं गतो ऽचरत् ।। 36.36 ।।

tatassa hṛtatejaujā maharṣivacanaujasā | eṣośramāṇi tānyeva mṛdubhāvaṃ gato 'carat || 36.36 ||

Then, his splendour and vigour taken from him by the power of the great sages' words, he moved about those same hermitages now in a gentle manner.

Shloka 37 (uttara.36.37)

अथर्क्षरजसो नाम वालिसुग्रीवयोः पिता । सर्ववानरराजा ऽ ऽसीत्तेजसा भास्करप्रभः ।। 36.37 ।।

atharkṣarajaso nāma vālisugrīvayoḥ pitā | sarvavānararājā ' 'sīttejasā bhāskaraprabhaḥ || 36.37 ||

Now there was one named Riksharajas, father of Vali and Sugriva, king of all the monkeys, radiant in splendour like the sun.

Shloka 38 (uttara.36.38)

स तु राज्यं चिरं कृत्वा वानराणां हरीश्वरः । स च ऋक्षरजा नाम कालधर्मेण सङ्गतः ।। 36.38 ।।

sa tu rājyaṃ ciraṃ kṛtvā vānarāṇāṃ harīśvaraḥ | sa ca ṛkṣarajā nāma kāladharmeṇa saṅgataḥ || 36.38 ||

That lord of monkeys, Riksharajas, having ruled the kingdom a long while, met with the law of time.

Shloka 39 (uttara.36.39)

तस्मिन्नस्तमिते चाथ मन्त्रिभिर्मन्त्रकोविदैः । पित्र्ये पदे कृतो वाली सुग्रीवो वालिनः पदे ।। 36.39 ।।

tasminnastamite cātha mantribhirmantrakovidaiḥ | pitrye pade kṛto vālī sugrīvo vālinaḥ pade || 36.39 ||

When he had set like the sun, the ministers skilled in counsel placed Vali in his father's seat, and Sugriva in the seat beneath Vali.

Shloka 40 (uttara.36.40)

सुग्रीवेण समं त्वस्य अद्वैधं छिद्रवर्जितम् । आबाल्यं सख्यमभवदनिलस्याग्निना यथा ।। 36.40 ।।

sugrīveṇa samaṃ tvasya advaidhaṃ chidravarjitam | ābālyaṃ sakhyamabhavadanilasyāgninā yathā || 36.40 ||

With Sugriva, his friendship, undivided and free of any flaw, had lasted from childhood, as between Wind and Fire.

Shloka 41 (uttara.36.41)

एष शापवशादेव न वेद बलमात्मनः । वालिसुग्रीवयोर्वैरं यदा राम समुत्थितम् ।। 36.41 ।।

eṣa śāpavaśādeva na veda balamātmanaḥ | vālisugrīvayorvairaṃ yadā rāma samutthitam || 36.41 ||

O Rama, it was because of that very curse that, when the enmity between Vali and Sugriva arose, he did not know his own strength.

Shloka 42 (uttara.36.42)

न ह्येष राम सुग्रीवो भ्राम्यमाणो ऽपि वालिना ।। 36.42 ।।

na hyeṣa rāma sugrīvo bhrāmyamāṇo 'pi vālinā || 36.42 ||

For, O Rama, this Sugriva, even while being driven and harried about by Vali —

Shloka 43 (uttara.36.43)

देव जानाति न ह्येष बलमात्मनि मारुतिः । ऋषिशापाहृतबलस्तदैष कपिसत्तमः ।। 36.43 ।।

deva jānāti na hyeṣa balamātmani mārutiḥ | ṛṣiśāpāhṛtabalastadaiṣa kapisattamaḥ || 36.43 ||

was not defended by him — for, O lord, this Maruti too did not know the strength within himself; that best of monkeys had had his strength taken by the sages' curse.

Shloka 44 (uttara.36.44)

सिंहः कुञ्जररुद्धो वा आस्थितः सहितो रणे ।। 36.44 ।।

siṃhaḥ kuñjararuddho vā āsthitaḥ sahito raṇe || 36.44 ||

He stood there, as it were, like a lion held back by an elephant, engaged together in that fight.

Shloka 45 (uttara.36.45)

पराक्रमोत्साहमतिप्रतापसौशील्यमाधुर्यनयानयैश्च । गाम्भीर्यचातुर्यसुवीर्यधैर्यैर्हनूमतः को ऽभ्यधिको ऽस्ति लोके ।। 36.45 ।।

parākramotsāhamatipratāpasauśīlyamādhuryanayānayaiśca | gāmbhīryacāturyasuvīryadhairyairhanūmataḥ ko 'bhyadhiko 'sti loke || 36.45 ||

In valour, ardour, wisdom, majesty, gentleness, sweetness, in the knowledge of right policy and wrong, in profundity, cleverness, prowess and fortitude — who in this world surpasses Hanuman?

Shloka 46 (uttara.36.46)

असौ पुनर्व्याकरणं ग्रहीष्यन्सूर्योन्मुखः प्रष्टुमना कपीन्द्रः । उद्यद्गिरेरस्तगिरिं जगाम ग्रन्थं महद्धारयनप्रमेयः ।। 36.46 ।।

asau punarvyākaraṇaṃ grahīṣyansūryonmukhaḥ praṣṭumanā kapīndraḥ | udyadgirerastagiriṃ jagāma granthaṃ mahaddhārayanaprameyaḥ || 36.46 ||

This lord of monkeys, wishing to learn grammar, facing the sun, questioning him, went — bearing that great treatise in mind, immeasurable as he is — from the mountain of sunrise to the mountain of sunset.

Shloka 47 (uttara.36.47)

ससूत्रवृत्त्यर्थपदं महार्थं ससङ्ग्रहं साद्ध्यति वै कपीन्द्रः । नह्यस्य कश्चित्सदृशो ऽस्ति शास्त्रे वैशारदे च्छन्दगतौ तथैव ।। 36.47 ।।

sasūtravṛttyarthapadaṃ mahārthaṃ sasaṅgrahaṃ sāddhyati vai kapīndraḥ | nahyasya kaścitsadṛśo 'sti śāstre vaiśārade cchandagatau tathaiva || 36.47 ||

That lord of monkeys masters the science entire — its aphorisms, glosses, word-meanings, deep import and compendium; none is his equal in the science of grammar, nor likewise in the science of metre.

Shloka 48 (uttara.36.48)

सर्वासु विद्यासु तपोविधाने प्रस्पर्धते ऽयो हि गुरुं सुराणाम् । सो ऽयं नवव्याकरणार्थवेत्ता ब्रह्मा भविष्यत्यपि ते प्रसादात् ।। 36.48 ।।

sarvāsu vidyāsu tapovidhāne praspardhate 'yo hi guruṃ surāṇām | so 'yaṃ navavyākaraṇārthavettā brahmā bhaviṣyatyapi te prasādāt || 36.48 ||

In every branch of learning, and in the practice of austerity, he rivals even the guru of the gods; this knower of the meaning of the nine grammars shall, by your grace, become like Brahma himself.

Shloka 49 (uttara.36.49)

प्रवीविवक्षोरिव सागरस्य लोकान्दिधक्षोरिव पावकस्य युगक्षये ह्येव यथान्तकस्य हनूमतः स्थास्यति कः पुरस्तात् ।। 36.49 ।।

pravīvivakṣoriva sāgarasya lokāndidhakṣoriva pāvakasya yugakṣaye hyeva yathāntakasya hanūmataḥ sthāsyati kaḥ purastāt || 36.49 ||

Like the ocean longing to overrun its bounds, like fire longing to consume the worlds, like Death himself at the ending of an age — who could stand before Hanuman?

Shloka 50 (uttara.36.50)

एषेव चान्ये च महाकपीन्द्राः सुग्रीवमैन्दद्विविदाः सनीलाः । सतारतारेयनलाः सरम्भास्त्वत्कारणाद्राम सुरैर्हि सृष्टाः ।। 36.50 ।।

eṣeva cānye ca mahākapīndrāḥ sugrīvamaindadvividāḥ sanīlāḥ | satāratāreyanalāḥ sarambhāstvatkāraṇādrāma surairhi sṛṣṭāḥ || 36.50 ||

This one, O Rama, and the other great lords of monkeys — Sugriva, Mainda, Dvivida, with Nila, Tara, Tareya, Nala, Rambha — were all created by the gods for your very sake.

Shloka 51 (uttara.36.51)

तदेत्कथितं सर्वं यन्मां त्वं परिपृच्छसि । हनूमतो बालभावे कर्मैतत्कथितं मया ।। 36.51 ।।

tadetkathitaṃ sarvaṃ yanmāṃ tvaṃ paripṛcchasi | hanūmato bālabhāve karmaitatkathitaṃ mayā || 36.51 ||

Thus all that you asked of me has been told; I have related this deed from Hanuman's boyhood.

Shloka 52 (uttara.36.52)

श्रुत्वा ऽगस्त्यस्य कथितं रामः सौमित्रिरेव च । विस्मयं परमं जग्मुर्वानरा राक्षसैः सह ।। 36.52 ।।

śrutvā 'gastyasya kathitaṃ rāmaḥ saumitrireva ca | vismayaṃ paramaṃ jagmurvānarā rākṣasaiḥ saha || 36.52 ||

Hearing what Agastya had told, Rama, and Saumitri too, together with the monkeys and the demons, were filled with the greatest wonder.

Shloka 53 (uttara.36.53)

अगस्त्यस्त्वब्रवीद्रामं सर्वमेतछ्रुतं त्वया । दृष्टः सम्भाषितश्चासि राम गच्छामहे वयम् ।। 36.53 ।।

agastyastvabravīdrāmaṃ sarvametachrutaṃ tvayā | dṛṣṭaḥ sambhāṣitaścāsi rāma gacchāmahe vayam || 36.53 ||

Then Agastya said to Rama: "All this, O Rama, has been heard by you. We have seen you and spoken with you; now we shall take our leave."

Shloka 54 (uttara.36.54)

श्रुत्वैतद्राघवो वाक्यमगस्त्यस्योग्रतेजसः । प्राञ्जलिः प्रणतश्चापि महर्षिमिदमब्रवीत् ।। 36.54 ।।

śrutvaitadrāghavo vākyamagastyasyogratejasaḥ | prāñjaliḥ praṇataścāpi maharṣimidamabravīt || 36.54 ||

Hearing this word of Agastya, of fierce splendour, Raghava, with joined palms, bowing low, spoke thus to the great sage.

Shloka 55 (uttara.36.55)

अद्य मे देवता हृष्टाः पितरः प्रपितामहाः । युष्माकं दर्शनादेव नित्यं तुष्टाः सबान्धवाः ।। 36.55 ।।

adya me devatā hṛṣṭāḥ pitaraḥ prapitāmahāḥ | yuṣmākaṃ darśanādeva nityaṃ tuṣṭāḥ sabāndhavāḥ || 36.55 ||

"Today my gods are pleased, and my forefathers and ancestors, together with their kinsmen, are made ever content, by the mere sight of you.

Shloka 56 (uttara.36.56)

विज्ञाप्यं तु ममैतद्धि यद्वदाम्यागतस्पृहः । तद्भवद्भिर्मम कृते कर्तव्यमनुकम्पया ।। 36.56 ।।

vijñāpyaṃ tu mamaitaddhi yadvadāmyāgataspṛhaḥ | tadbhavadbhirmama kṛte kartavyamanukampayā || 36.56 ||

This is my petition, which I speak with longing come upon me — may you, out of compassion, grant it for my sake.

Shloka 57 (uttara.36.57)

पौरजानपदान्स्थाप्य स्वकार्येष्वहमागतः । क्रतूनेव करिष्यामि प्रभावाद्भवतां सताम् ।। 36.57 ।।

paurajānapadānsthāpya svakāryeṣvahamāgataḥ | kratūneva kariṣyāmi prabhāvādbhavatāṃ satām || 36.57 ||

Having established my city-folk and country-folk in their own duties, I have now come free of that care; by the grace of you, the virtuous, I intend to perform sacrifices.

Shloka 58 (uttara.36.58)

सदस्या मम यज्ञेषु भवन्तो नित्यमेव तत् । भविष्यथ महावीर्या ममानुग्रहकाङ्क्षिणः ।। 36.58 ।।

sadasyā mama yajñeṣu bhavanto nityameva tat | bhaviṣyatha mahāvīryā mamānugrahakāṅkṣiṇaḥ || 36.58 ||

O sages of great valour, desiring my welfare, may you always be the officiating assembly at my sacrifices.

Shloka 59 (uttara.36.59)

अहं युष्मान्समाश्रित्य तपोनिर्धूतकल्मषान् । अनुग्रहीतः पितृभिर्भविष्यामि सुनिर्वृतः ।। 36.59 ।।

ahaṃ yuṣmānsamāśritya taponirdhūtakalmaṣān | anugrahītaḥ pitṛbhirbhaviṣyāmi sunirvṛtaḥ || 36.59 ||

Taking refuge in you, whose sins are washed away by austerity, I shall be blessed by my ancestors and become truly content.

Shloka 60 (uttara.36.60)

तदागन्तव्यमनिशं भवद्भिरिह सङ्गतैः । अगस्त्याद्यास्तु तच्छ्रुत्वा ऋषयः संशितव्रताः ।। 36.60 ।।

tadāgantavyamaniśaṃ bhavadbhiriha saṅgataiḥ | agastyādyāstu tacchrutvā ṛṣayaḥ saṃśitavratāḥ || 36.60 ||

Therefore you must always come here together." Hearing this, the sages headed by Agastya, of strict vows —

Shloka 61 (uttara.36.61)

एवमस्त्विति तं चोक्त्वा प्रयातुमुपचक्रमुः ।। 36.61 ।।

evamastviti taṃ coktvā prayātumupacakramuḥ || 36.61 ||

saying "So be it" to him, began to depart.

Shloka 62 (uttara.36.62)

एवमुक्त्वा गताः सर्वे ऋषयस्ते यथागतम् । राघवश्च तमेवार्थं चिन्तयामास विस्मितः ।। 36.62 ।।

evamuktvā gatāḥ sarve ṛṣayaste yathāgatam | rāghavaśca tamevārthaṃ cintayāmāsa vismitaḥ || 36.62 ||

Having spoken thus, all those sages departed as they had come; and Raghava, astonished, fell to pondering upon that very matter.

Shloka 63 (uttara.36.63)

ततो ऽस्तं भास्करे याते विसृज्य नृपवानरान् । सन्ध्यामुपास्य विधिवत्तदा नरवरोत्तमः । प्रवृत्तायां रजन्यां तु सो ऽन्तःपुरचरो ऽभवत् ।। 36.63 ।।

tato 'staṃ bhāskare yāte visṛjya nṛpavānarān | sandhyāmupāsya vidhivattadā naravarottamaḥ | pravṛttāyāṃ rajanyāṃ tu so 'ntaḥpuracaro 'bhavat || 36.63 ||

Then, when the sun had set, having dismissed the kings and the monkeys, and having duly performed the evening worship, that foremost of men, as night advanced, went into his inner apartments.