The Birth of Ravana and His Brothers

Shloka 1 (uttara.9.1)

कस्यचित्त्वथ कालस्य सुमाली नाम राक्षसः । रसातलान्मर्त्यलोकं सर्वं वै विचचार ह ॥ 9.1 ॥

kasyacittvatha kālasya sumālī nāma rākṣasaḥ | rasātalānmartyalokaṃ sarvaṃ vai vicacāra ha || 9.1 ||

Then, after some time had passed, the rakshasa named Sumali journeyed forth from Rasatala and wandered through the whole world of mortals.

Shloka 2 (uttara.9.2)

नीलजीमूतसङ्काशस्तप्तकाञ्चनकुण्डलः । कन्यां दुहितरं गृह्य विना पद्ममिव श्रियम् ॥ 9.2 ॥

nīlajīmūtasaṅkāśastaptakāñcanakuṇḍalaḥ | kanyāṃ duhitaraṃ gṛhya vinā padmamiva śriyam || 9.2 ||

Dark as a blue rain-cloud, wearing earrings of molten gold, he took with him his unwed daughter -- who was like the goddess Shri without her lotus --

Shloka 3 (uttara.9.3)

राक्षसेन्द्रः स तु तदा विचरन्वै महीतलम् । तदापश्यत्स गच्छन्तं पुष्पकेण धनेश्वरम् ॥ 9.3 ॥

rākṣasendraḥ sa tu tadā vicaranvai mahītalam | tadāpaśyatsa gacchantaṃ puṣpakeṇa dhaneśvaram || 9.3 ||

That rakshasa lord, as he wandered over the earth, saw the lord of wealth passing by on the Pushpaka chariot.

Shloka 4 (uttara.9.4)

गच्छन्तं पितरं द्रष्टुं पुलस्त्यतनयं विभुम् । तं दृष्ट्वा ऽमरसङ्काशं स्वच्छन्दं तपनोपमम् ॥ 9.4 ॥

gacchantaṃ pitaraṃ draṣṭuṃ pulastyatanayaṃ vibhum | taṃ dṛṣṭvā 'marasaṅkāśaṃ svacchandaṃ tapanopamam || 9.4 ||

going to see his father, the mighty son of Pulastya; seeing him, godlike, free in his own splendor, radiant as the sun,

Shloka 5 (uttara.9.5)

रसातलं प्रविष्टः सन्मर्त्यलोकात्सविस्मयः । इत्येवं चिन्तयामास राक्षसानां महामतिः ॥ 9.5 ॥

rasātalaṃ praviṣṭaḥ sanmartyalokātsavismayaḥ | ityevaṃ cintayāmāsa rākṣasānāṃ mahāmatiḥ || 9.5 ||

he who dwelt in Rasatala, now filled with wonder at what he saw in the world of mortals, the wise lord of the rakshasas, thought thus:

Shloka 6 (uttara.9.6)

किं कृतं श्रेय इत्येवं वर्धेमहि कथं वयम् । अथाब्रवीत्सुतां रक्षः कैकसीं नाम नामतः ॥ 9.6 ॥

kiṃ kṛtaṃ śreya ityevaṃ vardhemahi kathaṃ vayam | athābravītsutāṃ rakṣaḥ kaikasīṃ nāma nāmataḥ || 9.6 ||

'What good deed brings such prosperity -- how might we too rise to such heights?' Then the rakshasa spoke to his daughter, Kaikasi by name:

Shloka 7 (uttara.9.7)

पुत्रि प्रदानकालो ऽयं यौवनं व्यतिवर्तते । प्रत्याख्यानाच्च भीतैस्त्वं न वरैः प्रतिगृह्यसे ॥ 9.7 ॥

putri pradānakālo 'yaṃ yauvanaṃ vyativartate | pratyākhyānācca bhītaistvaṃ na varaiḥ pratigṛhyase || 9.7 ||

'Daughter, this is the time for your marriage -- your youth is passing; yet suitors, fearing refusal, do not come forward to seek your hand.'

Shloka 8 (uttara.9.8)

त्वत्कृते च वयं सर्वे यन्त्रिता धर्मबुद्धयः । त्वं हि सर्वगुणोपेता श्रीः साक्षादिव पुत्रिके । कन्यापितृत्वं दुःखं हि सर्वेषां मानकाङ्क्षिणाम् ॥ 9.8 ॥

tvatkṛte ca vayaṃ sarve yantritā dharmabuddhayaḥ | tvaṃ hi sarvaguṇopetā śrīḥ sākṣādiva putrike | kanyāpitṛtvaṃ duḥkhaṃ hi sarveṣāṃ mānakāṅkṣiṇām || 9.8 ||

'And on your account, all of us, though we hold to dharma, find ourselves constrained; for you, my daughter, are endowed with every virtue, like Shri herself made visible -- and being father to a daughter is a grief to all who value their honor.'

Shloka 9 (uttara.9.9)

न ज्ञायते च कः कन्यां वरयेदिति कन्यके ॥ 9.9 ॥

na jñāyate ca kaḥ kanyāṃ varayediti kanyake || 9.9 ||

'And, my girl, one never knows who will come forward to choose a daughter in marriage.'

Shloka 10 (uttara.9.10)

मातुः कुलं पितृकुलं यत्र चैव प्रदीयते । कुलत्रयं सदा कन्या संशये स्थाप्य तिष्ठति ॥ 9.10 ॥

mātuḥ kulaṃ pitṛkulaṃ yatra caiva pradīyate | kulatrayaṃ sadā kanyā saṃśaye sthāpya tiṣṭhati || 9.10 ||

'Her mother's family, her father's family, and the family to which she is given -- a daughter always holds all three lineages in suspense.'

Shloka 11 (uttara.9.11)

सा त्वं मुनिवरं श्रेष्ठं प्रजापतिकुलोद्भवम् । भज विश्रवसं पुत्रि पौलस्त्यं वरय स्वयम् ॥ 9.11 ॥

sā tvaṃ munivaraṃ śreṣṭhaṃ prajāpatikulodbhavam | bhaja viśravasaṃ putri paulastyaṃ varaya svayam || 9.11 ||

'So you, my daughter, go to that foremost of sages, born of Prajapati's line -- Vishrava, son of Pulastya -- and choose him for yourself.'

Shloka 12 (uttara.9.12)

ईदृशास्ते भविष्यन्ति पुत्राः पुत्रि न संशयः । तेजसा भास्करसमो यादृशो ऽयं धनेश्वरः ॥ 9.12 ॥

īdṛśāste bhaviṣyanti putrāḥ putri na saṃśayaḥ | tejasā bhāskarasamo yādṛśo 'yaṃ dhaneśvaraḥ || 9.12 ||

'Then, my daughter, your sons will surely be such as this -- radiant as the sun, just as this lord of wealth is.'

Shloka 13 (uttara.9.13)

सा तु तद्वचनं श्रुत्वा कन्यका पितृगौरवात् । तत्रोपागम्य सा तस्थौ विश्रवा यत्र तप्यते ॥ 9.13 ॥

sā tu tadvacanaṃ śrutvā kanyakā pitṛgauravāt | tatropāgamya sā tasthau viśravā yatra tapyate || 9.13 ||

Hearing those words, that maiden, out of reverence for her father, went to the place where Vishrava was practicing austerities and stood there.

Shloka 14 (uttara.9.14)

एतस्मिन्नन्तरे राम पुलस्त्यतनयो द्विजः । अग्निहोत्रमुपातिष्ठच्चतुर्थ इव पावकः ॥ 9.14 ॥

etasminnantare rāma pulastyatanayo dvijaḥ | agnihotramupātiṣṭhaccaturtha iva pāvakaḥ || 9.14 ||

Meanwhile, O Rama, the twice-born son of Pulastya was tending his sacred fire, seeming like a fourth flame himself.

Shloka 15 (uttara.9.15)

अविचिन्त्य तु तां वेलां दारुणां पितृगौरवात् । उपसृत्याग्रतस्तस्य चरणाधोमुखी स्थिता । विलिखन्ती मुहुर्भूमिमङ्गुष्ठाग्रेण भामिनी ॥ 9.15 ॥

avicintya tu tāṃ velāṃ dāruṇāṃ pitṛgauravāt | upasṛtyāgratastasya caraṇādhomukhī sthitā | vilikhantī muhurbhūmimaṅguṣṭhāgreṇa bhāminī || 9.15 ||

Heedless of that ominous hour, out of reverence for her father, she came before him and stood with face bowed at his feet, that lovely woman, again and again scratching the ground with the tip of her toe.

Shloka 16 (uttara.9.16)

स तु तां वीक्ष्य सुश्रोणीं पूर्णचन्द्रनिभाननाम् । अब्रवीत्परमोदारो दीप्यमानां स्वतेजसा ॥ 9.16 ॥

sa tu tāṃ vīkṣya suśroṇīṃ pūrṇacandranibhānanām | abravītparamodāro dīpyamānāṃ svatejasā || 9.16 ||

Seeing her -- lovely of form, her face like the full moon, glowing with her own radiance -- that most gracious sage spoke:

Shloka 17 (uttara.9.17)

भद्रे कस्यासि दुहिता कुतो वा त्वमिहागता । किं कार्यं कस्य वा हेतोस्तत्त्वतो ब्रूहि शोभने ॥ 9.17 ॥

bhadre kasyāsi duhitā kuto vā tvamihāgatā | kiṃ kāryaṃ kasya vā hetostattvato brūhi śobhane || 9.17 ||

'Good lady, whose daughter are you, and whence have you come here? What is your purpose, and for what reason -- tell me truly, fair one.'

Shloka 18 (uttara.9.18)

एवमुक्ता तु सा कन्या कृताञ्जलिरथाब्रवीत् । आत्मप्रभावेण मुने ज्ञातुमर्हसि मे मतम् ॥ 9.18 ॥

evamuktā tu sā kanyā kṛtāñjalirathābravīt | ātmaprabhāveṇa mune jñātumarhasi me matam || 9.18 ||

Thus addressed, the maiden, joining her palms, replied: 'O sage, by your own power you are well able to know what is in my mind.'

Shloka 19 (uttara.9.19)

किं तु मां विद्धि ब्रह्मर्षे शासनात्पितुरागताम् । कैकसी नाम नाम्नाहं शेषं त्वं ज्ञातुमर्हसि ॥ 9.19 ॥

kiṃ tu māṃ viddhi brahmarṣe śāsanātpiturāgatām | kaikasī nāma nāmnāhaṃ śeṣaṃ tvaṃ jñātumarhasi || 9.19 ||

'But know, O brahmin sage, that I have come at my father's command; my name is Kaikasi -- the rest you are able to know for yourself.'

Shloka 20 (uttara.9.20)

स तु गत्वा मुनिर्ध्यानं वाक्यमेतदुवाच ह । विज्ञातं ते मया भद्रे कारणं यन्मनोगतम् ॥ 9.20 ॥

sa tu gatvā munirdhyānaṃ vākyametaduvāca ha | vijñātaṃ te mayā bhadre kāraṇaṃ yanmanogatam || 9.20 ||

The sage, entering into meditation, spoke these words: 'I have understood, good lady, the purpose in your mind.'

Shloka 21 (uttara.9.21)

सुताभिलाषो मत्तस्ते मत्तमातङ्गगामिनि । दारुणायां तु वेलायां यस्मात्त्वं मामुपस्थिता ॥ 9.21 ॥

sutābhilāṣo mattaste mattamātaṅgagāmini | dāruṇāyāṃ tu velāyāṃ yasmāttvaṃ māmupasthitā || 9.21 ||

'You desire a son from me, O you whose gait is like a rutting elephant's; but since you have come to me at this dire, inauspicious hour --'

Shloka 22 (uttara.9.22)

शृणु तस्मात्सुतान्भद्रे यादृशाञ्जनयिष्यसि । दारुणान्दारुणाकारान्दारुणाभिजनप्रियान् ॥ 9.22 ॥

śṛṇu tasmātsutānbhadre yādṛśāñjanayiṣyasi | dāruṇāndāruṇākārāndāruṇābhijanapriyān || 9.22 ||

'-- therefore hear, good lady, what manner of sons you will bear: terrible ones, terrible in form, and dear to terrible kin.'

Shloka 23 (uttara.9.23)

प्रसविष्यसि सुश्रोणि राक्षसान्क्रूरकर्मणः । सा तु तद्वचनं श्रुत्वा प्रणिपत्याब्रवीद्वचः ॥ 9.23 ॥

prasaviṣyasi suśroṇi rākṣasānkrūrakarmaṇaḥ | sā tu tadvacanaṃ śrutvā praṇipatyābravīdvacaḥ || 9.23 ||

'You shall give birth, fair one, to rakshasas of cruel deeds.' Hearing these words, she bowed low and spoke:

Shloka 24 (uttara.9.24)

भगवन्नीदृशान्पुत्रांस्त्वत्तो ऽहं ब्रह्मवादिनः । नेच्छामि सुदुराचारान्प्रसादं कर्तुमर्हसि ॥ 9.24 ॥

bhagavannīdṛśānputrāṃstvatto 'haṃ brahmavādinaḥ | necchāmi sudurācārānprasādaṃ kartumarhasi || 9.24 ||

'O venerable one, expounder of sacred truth, I do not wish for such wicked sons from you -- be gracious to me.'

Shloka 25 (uttara.9.25)

कन्यया त्वेवमुक्तस्तु विश्रवा मुनिपुङ्गवः । उवाच कैकसीं भूयः पूर्णेन्दुरिव रोहिणीम् ॥ 9.25 ॥

kanyayā tvevamuktastu viśravā munipuṅgavaḥ | uvāca kaikasīṃ bhūyaḥ pūrṇenduriva rohiṇīm || 9.25 ||

Thus addressed by the maiden, Vishrava, foremost of sages, spoke again to Kaikasi, as the full moon might speak to Rohini.

Shloka 26 (uttara.9.26)

पश्चिमो यस्तव सुतो भविष्यति शुभानने । मम वंशानुरूपः स धर्मात्मा च भविष्यति ॥ 9.26 ॥

paścimo yastava suto bhaviṣyati śubhānane | mama vaṃśānurūpaḥ sa dharmātmā ca bhaviṣyati || 9.26 ||

'The son who comes to you last, O fair of face, will be worthy of my lineage, and he shall be righteous of soul.'

Shloka 27 (uttara.9.27)

एवमुक्ता तु सा कन्या राम कालेन केनचित् । जनयामास बीभत्सं रक्षोरूपं सुदारुणम् ॥ 9.27 ॥

evamuktā tu sā kanyā rāma kālena kenacit | janayāmāsa bībhatsaṃ rakṣorūpaṃ sudāruṇam || 9.27 ||

Thus addressed, that maiden, O Rama, in time gave birth to a hideous, most terrible rakshasa form.

Shloka 28 (uttara.9.28)

दशग्रीवं महादंष्ट्रं नीलाञ्जनचयोपमम् । ताम्रोष्ठं विंशतिभुजं महास्यं दीप्तमूर्धजम् ॥ 9.28 ॥

daśagrīvaṃ mahādaṃṣṭraṃ nīlāñjanacayopamam | tāmroṣṭhaṃ viṃśatibhujaṃ mahāsyaṃ dīptamūrdhajam || 9.28 ||

Ten-necked, huge-fanged, dark as a heap of collyrium, copper-lipped, twenty-armed, wide-mouthed, his hair ablaze.

Shloka 29 (uttara.9.29)

तस्मिञ्जाते तु तत्काले सज्वालकवलाः शिवाः । क्रव्यादाश्चापसव्यानि मण्डलानि प्रचक्रमुः ॥ 9.29 ॥

tasmiñjāte tu tatkāle sajvālakavalāḥ śivāḥ | kravyādāścāpasavyāni maṇḍalāni pracakramuḥ || 9.29 ||

At the moment of his birth, jackals with mouths full of flame, and carrion-eating beasts, began to circle about in ill-omened, left-turning rounds.

Shloka 30 (uttara.9.30)

ववर्ष रुधिरं देवो मेघाश्च खरनिःस्वनाः । प्रबभौ न च सूर्यो वै महोल्काश्चापतन्भुवि ॥ 9.30 ॥

vavarṣa rudhiraṃ devo meghāśca kharaniḥsvanāḥ | prababhau na ca sūryo vai maholkāścāpatanbhuvi || 9.30 ||

The sky rained down blood, and clouds rumbled with a harsh roar; the sun did not shine, and great meteors fell to the earth.

Shloka 31 (uttara.9.31)

चकम्पे जगती चैव ववुर्वाताः सुदारुणाः । अक्षोभ्यः क्षुभितश्चैव समुद्रः सरितां पतिः ॥ 9.31 ॥

cakampe jagatī caiva vavurvātāḥ sudāruṇāḥ | akṣobhyaḥ kṣubhitaścaiva samudraḥ saritāṃ patiḥ || 9.31 ||

The earth quaked, and dreadful winds blew; and the ocean, lord of rivers, unshakeable though it was, was thrown into turmoil.

Shloka 32 (uttara.9.32)

अथ नामाकरोत्तस्य पितामहसमः पिता । दशग्रीवः प्रसूतो ऽयं दशग्रीवो भविष्यति ॥ 9.32 ॥

atha nāmākarottasya pitāmahasamaḥ pitā | daśagrīvaḥ prasūto 'yaṃ daśagrīvo bhaviṣyati || 9.32 ||

Then his father, wise as the Grandsire himself, gave him his name: 'Born with ten necks, he shall be called Dashagriva.'

Shloka 33 (uttara.9.33)

तस्य त्वनन्तरं जातः कुम्भकर्णो महाबलः । प्रमाणाद्यस्य विपुलं प्रमाणं नेह विद्यते ॥ 9.33 ॥

tasya tvanantaraṃ jātaḥ kumbhakarṇo mahābalaḥ | pramāṇādyasya vipulaṃ pramāṇaṃ neha vidyate || 9.33 ||

After him was born Kumbhakarna, immensely strong, whose vast bulk has no equal measure in this world.

Shloka 34 (uttara.9.34)

ततः शूर्पणखा नाम सञ्जज्ञे विकृतानना । विभीषणश्च धर्मात्मा कैकस्याः पश्चिमः सुतः ॥ 9.34 ॥

tataḥ śūrpaṇakhā nāma sañjajñe vikṛtānanā | vibhīṣaṇaśca dharmātmā kaikasyāḥ paścimaḥ sutaḥ || 9.34 ||

Then was born a daughter named Shurpanakha, misshapen of face; and Vibhishana, righteous of soul, was Kaikasi's last-born son.

Shloka 35 (uttara.9.35)

तस्मिञ्जाते महासत्त्वे पुष्पवर्षं पपात ह ॥ 9.35 ॥

tasmiñjāte mahāsattve puṣpavarṣaṃ papāta ha || 9.35 ||

When that great and noble being was born, a rain of flowers fell from the sky.

Shloka 36 (uttara.9.36)

नभःस्थाने दुन्दुभयो देवानां प्राणदंस्तदा । वाक्यं चैवान्तरिक्षे च साधु साध्विति तत्तदा ॥ 9.36 ॥

nabhaḥsthāne dundubhayo devānāṃ prāṇadaṃstadā | vākyaṃ caivāntarikṣe ca sādhu sādhviti tattadā || 9.36 ||

In the sky, the drums of the gods resounded, and a voice in the air cried out, 'Well done, well done!'

Shloka 37 (uttara.9.37)

तौ तु तत्र महारण्ये ववृधाते महौजसौ । कुम्भकर्णदशग्रीवौ लोकोद्वेगकरौ तदा ॥ 9.37 ॥

tau tu tatra mahāraṇye vavṛdhāte mahaujasau | kumbhakarṇadaśagrīvau lokodvegakarau tadā || 9.37 ||

There, in that great forest, those two mighty ones, Kumbhakarna and Dashagriva, grew up -- who were destined to bring terror upon the world.

Shloka 38 (uttara.9.38)

कुम्भकर्णः प्रमत्तस्तु महर्षीन्धर्मवत्सलान् । त्रैलोक्यं भक्षयन्नित्यासन्तुष्टो विचचार ह ॥ 9.38 ॥

kumbhakarṇaḥ pramattastu maharṣīndharmavatsalān | trailokyaṃ bhakṣayannityāsantuṣṭo vicacāra ha || 9.38 ||

Kumbhakarna, unrestrained, devouring great sages devoted to dharma, roamed through the three worlds, never satisfied.

Shloka 39 (uttara.9.39)

विभीषणस्तु धर्मात्मा नित्यं धर्मे व्यवस्थितः । स्वाध्यायनियताहार उवास विजितेन्द्रियः ॥ 9.39 ॥

vibhīṣaṇastu dharmātmā nityaṃ dharme vyavasthitaḥ | svādhyāyaniyatāhāra uvāsa vijitendriyaḥ || 9.39 ||

But Vibhishana, righteous of soul, ever grounded in dharma, devoted to sacred study, disciplined in his diet, lived on with his senses mastered.

Shloka 40 (uttara.9.40)

अथ वैश्रवणो देवस्तत्र कालेन केनचित् । आगतः पितरं द्रष्टुं पुष्पकेण धनेश्वरः ॥ 9.40 ॥

atha vaiśravaṇo devastatra kālena kenacit | āgataḥ pitaraṃ draṣṭuṃ puṣpakeṇa dhaneśvaraḥ || 9.40 ||

Then, after some time, the god Vaishravana, lord of wealth, came there on the Pushpaka chariot to see his father.

Shloka 41 (uttara.9.41)

तं दृष्ट्वा कैकसी तत्र ज्वलन्तमिव तेजसा । आगम्य राक्षसी तत्र दशग्रीवमुवाच ह ॥ 9.41 ॥

taṃ dṛṣṭvā kaikasī tatra jvalantamiva tejasā | āgamya rākṣasī tatra daśagrīvamuvāca ha || 9.41 ||

Seeing him there, seeming to blaze with splendor, Kaikasi, that rakshasa woman, came to Dashagriva and said:

Shloka 42 (uttara.9.42)

पुत्र वैश्रवणं पश्य भ्रातरं तेजसा वृतम् । भ्रातृभावे समे चापि पश्यात्मानं त्वमीदृशम् ॥ 9.42 ॥

putra vaiśravaṇaṃ paśya bhrātaraṃ tejasā vṛtam | bhrātṛbhāve same cāpi paśyātmānaṃ tvamīdṛśam || 9.42 ||

'My son, look at your brother Vaishravana, clothed in splendor; and though you are equal as brothers, look at yourself -- so unlike him.'

Shloka 43 (uttara.9.43)

दशग्रीव तथा यत्नं कुरुष्वामितविक्रम । यथा त्वमसि मे पुत्र भव र्वैश्रवणोपमः ॥ 9.43 ॥

daśagrīva tathā yatnaṃ kuruṣvāmitavikrama | yathā tvamasi me putra bhava rvaiśravaṇopamaḥ || 9.43 ||

'Dashagriva, whose might is boundless, strive in such a way, my son, that you may become the equal of Vaishravana.'

Shloka 44 (uttara.9.44)

मातुस्तद्वचनं श्रुत्वा दशग्रीवः प्रतापवान् । अमर्षमतुलं लेभे प्रतिज्ञां चाकरोत्तदा ॥ 9.44 ॥

mātustadvacanaṃ śrutvā daśagrīvaḥ pratāpavān | amarṣamatulaṃ lebhe pratijñāṃ cākarottadā || 9.44 ||

Hearing his mother's words, the mighty Dashagriva felt an indignation beyond measure, and then made this vow:

Shloka 45 (uttara.9.45)

सत्यं ते प्रतिजानामि भ्रातृतुल्यो ऽधिको ऽपि वा । भविष्याम्योजसा चैव सन्तापं त्यज हृद्गतम् ॥ 9.45 ॥

satyaṃ te pratijānāmi bhrātṛtulyo 'dhiko 'pi vā | bhaviṣyāmyojasā caiva santāpaṃ tyaja hṛdgatam || 9.45 ||

'I make you this true promise: by my own strength I shall become equal to my brother, or even greater still; cast away the sorrow in your heart.'

Shloka 46 (uttara.9.46)

ततस्तेनैव कोपेन दशग्रीवः सहानुजः । चिकीर्षुर्दुष्करं कर्म तपसे धृतमानसः ॥ 9.46 ॥

tatastenaiva kopena daśagrīvaḥ sahānujaḥ | cikīrṣurduṣkaraṃ karma tapase dhṛtamānasaḥ || 9.46 ||

Then, driven by that very anger, Dashagriva, together with his younger brothers, resolved firmly upon austerity, determined to accomplish a formidable task.

Shloka 47 (uttara.9.47)

प्राप्स्यामि तपसा काममिति कृत्वा ऽध्यवस्य च । आगच्छदात्मसिद्ध्यर्थं गोकर्णस्याश्रमं शुभम् ॥ 9.47 ॥

prāpsyāmi tapasā kāmamiti kṛtvā 'dhyavasya ca | āgacchadātmasiddhyarthaṃ gokarṇasyāśramaṃ śubham || 9.47 ||

'I shall win my desire through austerity' -- resolving thus with firm determination, he set out, to achieve his purpose, for the blessed hermitage of Gokarna.

Shloka 48 (uttara.9.48)

स राक्षसस्तत्र सहानुजस्तदा तपश्चकारातुलमुग्रविक्रमः । अतोषयच्चापि पितामहं विभुं ददौ स तुष्टश्च वराञ्जयावहान् ॥ 9.48 ॥

sa rākṣasastatra sahānujastadā tapaścakārātulamugravikramaḥ | atoṣayaccāpi pitāmahaṃ vibhuṃ dadau sa tuṣṭaśca varāñjayāvahān || 9.48 ||

That rakshasa, fierce in valor, together with his younger brothers, performed there matchless and terrible austerities; he pleased the mighty Grandsire, who, well satisfied, granted him boons that would bring victory.