The Boons of Brahma

Shloka 1 (uttara.10.1)

अथाब्रवीन्मुनिं रामः कथं ते भ्रातरो वने । कीदृशं तु तदा ब्रह्मंस्तपस्तेपुर्महाबलाः ॥ 10.1 ॥

athābravīnmuniṃ rāmaḥ kathaṃ te bhrātaro vane | kīdṛśaṃ tu tadā brahmaṃstapastepurmahābalāḥ || 10.1 ||

Then Rama said to the sage: 'How, O Brahmin, and what manner of austerity did those mighty brothers perform there in the forest?'

Shloka 2 (uttara.10.2)

अगस्त्यस्त्वब्रवीत्तत्र रामं सुप्रीतमानसम् । तांस्तान्धर्मविधींस्तत्र भ्रातरस्ते समाविशन् ॥ 10.2 ॥

agastyastvabravīttatra rāmaṃ suprītamānasam | tāṃstāndharmavidhīṃstatra bhrātaraste samāviśan || 10.2 ||

Agastya, his heart well pleased, then said to Rama: 'Those brothers there took up various rites of austerity, each his own.'

Shloka 3 (uttara.10.3)

कुम्भकर्णस्ततो यत्तो नित्यं धर्मपथे स्थितः । तताप ग्रीष्मकाले तु पञ्चाग्नीन्परितः स्थितः ॥ 10.3 ॥

kumbhakarṇastato yatto nityaṃ dharmapathe sthitaḥ | tatāpa grīṣmakāle tu pañcāgnīnparitaḥ sthitaḥ || 10.3 ||

Kumbhakarna, then, resolute and ever fixed upon the path of dharma, in the summer season practiced austerity standing amid five fires.

Shloka 4 (uttara.10.4)

मेघाम्बुसिक्तो वर्षासु वीरासनमसेवत । नित्यं च शिशिरे काले जलमध्यप्रतिश्रयः ॥ 10.4 ॥

meghāmbusikto varṣāsu vīrāsanamasevata | nityaṃ ca śiśire kāle jalamadhyapratiśrayaḥ || 10.4 ||

In the rainy season, drenched by the clouds, he held the hero's posture; and through the winter, always, he took his abode amid water.

Shloka 5 (uttara.10.5)

एवं वर्षसहस्राणि दश तस्यातिचक्रमुः । धर्मे प्रयतमानस्य सत्पथे निष्ठितस्य च ॥ 10.5 ॥

evaṃ varṣasahasrāṇi daśa tasyāticakramuḥ | dharme prayatamānasya satpathe niṣṭhitasya ca || 10.5 ||

Thus ten thousand years passed for him, laboring in dharma and firmly set upon the righteous path.

Shloka 6 (uttara.10.6)

विभीषणस्तु धर्मात्मा नित्यं धर्मपरः शुचिः । पञ्चवर्षसहस्राणि पादेनैकेन तस्थिवान् ॥ 10.6 ॥

vibhīṣaṇastu dharmātmā nityaṃ dharmaparaḥ śuciḥ | pañcavarṣasahasrāṇi pādenaikena tasthivān || 10.6 ||

Vibhishana, righteous of soul, ever devoted to dharma and pure, stood upon a single foot for five thousand years.

Shloka 7 (uttara.10.7)

समाप्ते नियमे तस्य ननृतुश्चाप्सरोगणाः । पपात पुष्पवर्षं च क्षुभिताश्चापि देवताः ॥ 10.7 ॥

samāpte niyame tasya nanṛtuścāpsarogaṇāḥ | papāta puṣpavarṣaṃ ca kṣubhitāścāpi devatāḥ || 10.7 ||

When his vow was fulfilled, the hosts of apsaras danced, a shower of flowers fell, and the gods too were stirred with wonder.

Shloka 8 (uttara.10.8)

पञ्चवर्षसहस्राणि सूर्यं चैवान्ववर्तत । तस्थौ चोर्ध्वशिरोबाहुः स्वाध्यायधृतमानसः ॥ 10.8 ॥

pañcavarṣasahasrāṇi sūryaṃ caivānvavartata | tasthau cordhvaśirobāhuḥ svādhyāyadhṛtamānasaḥ || 10.8 ||

For another five thousand years he followed the sun's course, standing with head and arms raised, his mind held fast in sacred recitation.

Shloka 9 (uttara.10.9)

एवं विभीषणस्यापि स्वर्गस्थस्येव नन्दने । दशवर्षसहस्राणि गतानि नियतात्मनः ॥ 10.9 ॥

evaṃ vibhīṣaṇasyāpi svargasthasyeva nandane | daśavarṣasahasrāṇi gatāni niyatātmanaḥ || 10.9 ||

Thus, for the self-disciplined Vibhishana too, as though he dwelt in the heavenly garden of Nandana, ten thousand years passed.

Shloka 10 (uttara.10.10)

दशवर्षसहस्रं तु निराहारो दशाननः । पूर्णे वर्षसहस्रे तु शिरश्चाग्नौ जुहाव सः ॥ 10.10 ॥

daśavarṣasahasraṃ tu nirāhāro daśānanaḥ | pūrṇe varṣasahasre tu śiraścāgnau juhāva saḥ || 10.10 ||

Ten-faced Ravana went without food for ten thousand years; and at the end of each thousand years, he offered up one of his heads into the fire.

Shloka 11 (uttara.10.11)

एवं वर्षसहस्राणि नव तस्यातिचक्रमुः । शिरांसि नव चाप्यस्य प्रविष्टानि हुताशनम् ॥ 10.11 ॥

evaṃ varṣasahasrāṇi nava tasyāticakramuḥ | śirāṃsi nava cāpyasya praviṣṭāni hutāśanam || 10.11 ||

So nine thousand years passed for him, and nine of his heads had already gone into the flames.

Shloka 12 (uttara.10.12)

अथ वर्षसहस्रे तु दशमे दशमं शिरः । छेत्तुकामे दशग्रीवे प्राप्तस्तत्र पितामहः ॥ 10.12 ॥

atha varṣasahasre tu daśame daśamaṃ śiraḥ | chettukāme daśagrīve prāptastatra pitāmahaḥ || 10.12 ||

Then, in the tenth thousand-year span, just as Dashagriva was about to cut off his tenth head, the Grandsire appeared there.

Shloka 13 (uttara.10.13)

पितामहस्तु सुप्रीतः सार्धं देवैरुपस्थितः । तव तावद्दशग्रीव प्रीतो ऽस्मीत्यभ्यभाषत ॥ 10.13 ॥

pitāmahastu suprītaḥ sārdhaṃ devairupasthitaḥ | tava tāvaddaśagrīva prīto 'smītyabhyabhāṣata || 10.13 ||

The Grandsire, well pleased, arriving together with the gods, said: 'Dashagriva, I am indeed pleased with you.'

Shloka 14 (uttara.10.14)

शीघ्रं वरय धर्मज्ञ वरो यस्ते ऽभिकाङ्क्षितः । कं ते कामं करोम्यद्य न वृथा ते परिश्रमः ॥ 10.14 ॥

śīghraṃ varaya dharmajña varo yaste 'bhikāṅkṣitaḥ | kaṃ te kāmaṃ karomyadya na vṛthā te pariśramaḥ || 10.14 ||

'Quickly choose, knower of dharma, whatever boon you desire; what wish shall I grant you today? Your labor shall not go in vain.'

Shloka 15 (uttara.10.15)

अथाब्रवीदृशग्रीवः प्रहृष्टेनान्तरात्मना । प्रणम्य शिरसा देवं हर्षगद्गदया गिरा ॥ 10.15 ॥

athābravīdṛśagrīvaḥ prahṛṣṭenāntarātmanā | praṇamya śirasā devaṃ harṣagadgadayā girā || 10.15 ||

Then Dashagriva, his heart overflowing with joy, bowing his head to the god, spoke in a voice choked with delight:

Shloka 16 (uttara.10.16)

भगवन्प्राणिनां नित्यं नान्यत्र मरणाद्भयम् । नास्ति मृत्युसमः शत्रुरमरत्वमहं वृणे ॥ 10.16 ॥

bhagavanprāṇināṃ nityaṃ nānyatra maraṇādbhayam | nāsti mṛtyusamaḥ śatruramaratvamahaṃ vṛṇe || 10.16 ||

'O venerable one, for living creatures there is no fear anywhere but from death; there is no enemy equal to death -- I choose immortality.'

Shloka 17 (uttara.10.17)

एवमुक्तस्तदा ब्रह्मा दशग्रीवमुवाच ह । नास्ति सर्वामरत्वं ते वरमन्यं वृणीष्व मे ॥ 10.17 ॥

evamuktastadā brahmā daśagrīvamuvāca ha | nāsti sarvāmaratvaṃ te varamanyaṃ vṛṇīṣva me || 10.17 ||

Thus addressed, Brahma then said to Dashagriva: 'Complete immortality is not possible for you; ask of me some other boon.'

Shloka 18 (uttara.10.18)

एवमुक्ते तदा राम ब्रह्मणा लोककर्तृणा । दशग्रीव उवाचेदं कृताञ्जलिरथाग्रतः ॥ 10.18 ॥

evamukte tadā rāma brahmaṇā lokakartṛṇā | daśagrīva uvācedaṃ kṛtāñjalirathāgrataḥ || 10.18 ||

Thus addressed, O Rama, by Brahma, the maker of the worlds, Dashagriva, joining his palms, spoke this before him:

Shloka 19 (uttara.10.19)

सुपर्णनागयक्षाणां दैत्यदानवरक्षसाम् । अवध्यो ऽहं प्रजाध्यक्ष देवतानां च शाश्वत ॥ 10.19 ॥

suparṇanāgayakṣāṇāṃ daityadānavarakṣasām | avadhyo 'haṃ prajādhyakṣa devatānāṃ ca śāśvata || 10.19 ||

'May I be unslayable by garudas, serpents, and yakshas, by daityas, danavas, and rakshasas, O lord of creatures -- and, eternal one, by the gods as well.'

Shloka 20 (uttara.10.20)

नहि चिन्ता ममान्येषु प्राणिष्वमरपूजित । तृणभूता हि ते मन्ये प्राणिनो मानुषादयः ॥ 10.20 ॥

nahi cintā mamānyeṣu prāṇiṣvamarapūjita | tṛṇabhūtā hi te manye prāṇino mānuṣādayaḥ || 10.20 ||

'I have no concern for other creatures, O one worshipped by the immortals; for I count beings such as men to be no more than blades of grass.'

Shloka 21 (uttara.10.21)

एवमुक्तस्तु धर्मात्मा दशग्रीवेण रक्षसा । उवाच वचनं देवः सह देवैः पितामहः ॥ 10.21 ॥

evamuktastu dharmātmā daśagrīveṇa rakṣasā | uvāca vacanaṃ devaḥ saha devaiḥ pitāmahaḥ || 10.21 ||

Thus addressed by the rakshasa Dashagriva, the righteous god, the Grandsire, together with the gods, spoke this word:

Shloka 22 (uttara.10.22)

भविष्यत्येवमेतत्ते वचो राक्षसपुङ्गव । एवमुक्त्वा तु तं राम दशग्रीवं पितामहः ॥ 10.22 ॥

bhaviṣyatyevametatte vaco rākṣasapuṅgava | evamuktvā tu taṃ rāma daśagrīvaṃ pitāmahaḥ || 10.22 ||

'This shall indeed come to pass, just as you have spoken, O bull among rakshasas.' Having said this to Dashagriva, O Rama, the Grandsire went on--

Shloka 23 (uttara.10.23)

शृणु चापि वरो भूयः प्रीतस्येह शुभो मम । हुतानि यानि शीर्षाणि पूर्वमग्नौ त्वयानघ ॥ 10.23 ॥

śṛṇu cāpi varo bhūyaḥ prītasyeha śubho mama | hutāni yāni śīrṣāṇi pūrvamagnau tvayānagha || 10.23 ||

'-- hear too this further boon, auspicious, from me, well pleased: those heads which you earlier offered into the fire, blameless one--'

Shloka 24 (uttara.10.24)

पुनस्तानि भविष्यन्ति तथैव तव राक्षस । वितरामीह ते सौम्य वरं चान्यं दुरासदम् ॥ 10.24 ॥

punastāni bhaviṣyanti tathaiva tava rākṣasa | vitarāmīha te saumya varaṃ cānyaṃ durāsadam || 10.24 ||

'-- shall be restored to you again just as they were, O rakshasa. And I grant you here, gentle one, yet another boon, hard to come by.'

Shloka 25 (uttara.10.25)

छन्दतस्तव रूपं च मनसा यद्यथेप्सितम् । भविष्यति न सन्देहो मद्वरात्तवराक्षस ॥ 10.25 ॥

chandatastava rūpaṃ ca manasā yadyathepsitam | bhaviṣyati na sandeho madvarāttavarākṣasa || 10.25 ||

'And your form, too, at your pleasure, however you wish it in your mind, shall become so, without doubt, through my boon, O rakshasa.'

Shloka 26 (uttara.10.26)

एवं पितामहोक्तस्य दशग्रीवस्य रक्षसः । अग्नौ हुतानि शीर्षाणि पुनस्तान्युत्थितानि वै ॥ 10.26 ॥

evaṃ pitāmahoktasya daśagrīvasya rakṣasaḥ | agnau hutāni śīrṣāṇi punastānyutthitāni vai || 10.26 ||

So, as the Grandsire had declared, the heads of the rakshasa Dashagriva that had been offered into the fire rose up again.

Shloka 27 (uttara.10.27)

एवमुक्त्वा तु तं राम दशग्रीवं पितामहः । विभीषणमथोवाच वाक्यं लोकपितामहः ॥ 10.27 ॥

evamuktvā tu taṃ rāma daśagrīvaṃ pitāmahaḥ | vibhīṣaṇamathovāca vākyaṃ lokapitāmahaḥ || 10.27 ||

Having spoken thus to Dashagriva, O Rama, the Grandsire, the grandsire of all worlds, then spoke this word to Vibhishana:

Shloka 28 (uttara.10.28)

विभीषण त्वया वत्स धर्मसंहितबुद्धिना । परितुष्टो ऽस्मि धर्मात्मन्वरं वरय सुव्रत ॥ 10.28 ॥

vibhīṣaṇa tvayā vatsa dharmasaṃhitabuddhinā | parituṣṭo 'smi dharmātmanvaraṃ varaya suvrata || 10.28 ||

'Vibhishana, my child, your mind bound fast to dharma, righteous of soul -- I am well pleased with you; choose a boon, keeper of good vows.'

Shloka 29 (uttara.10.29)

विभीषणस्तु धर्मात्मा वचनं प्राह साञ्जलिः । वृतः सर्वगुणैर्नित्यं चन्द्रमा रश्मिभिर्यथा ॥ 10.29 ॥

vibhīṣaṇastu dharmātmā vacanaṃ prāha sāñjaliḥ | vṛtaḥ sarvaguṇairnityaṃ candramā raśmibhiryathā || 10.29 ||

Vibhishana, righteous of soul, ever clothed in every virtue as the moon is clothed in its rays, joined his palms and spoke this word:

Shloka 30 (uttara.10.30)

भगवन्कृतकृत्यो ऽहं यन्मे लोकगुरुः स्वयम् । प्रीतेन यदि दातव्यो वरो मे शृणु सुव्रत ॥ 10.30 ॥

bhagavankṛtakṛtyo 'haṃ yanme lokaguruḥ svayam | prītena yadi dātavyo varo me śṛṇu suvrata || 10.30 ||

'O venerable one, my purpose is already fulfilled, in that the world's own teacher has come to me himself; but if, being pleased, you would grant me a boon, hear my request, keeper of good vows.'

Shloka 31 (uttara.10.31)

परमापद्गतस्यापि धर्मे मम मतिर्भवेत् । अशिक्षितं च ब्रह्मास्त्रं भगवन्प्रतिभातु मे ॥ 10.31 ॥

paramāpadgatasyāpi dharme mama matirbhavet | aśikṣitaṃ ca brahmāstraṃ bhagavanpratibhātu me || 10.31 ||

'Even should I fall into the direst adversity, may my mind hold fast to dharma; and, venerable one, may the Brahmastra, though unstudied, reveal itself to me of its own accord.'

Shloka 32 (uttara.10.32)

या या मे जायते बुद्धिर्येषु येष्वाश्रमेषु च । सा सा भवतु धर्मिष्ठा तं तु धर्मं च पालये ॥ 10.32 ॥

yā yā me jāyate buddhiryeṣu yeṣvāśrameṣu ca | sā sā bhavatu dharmiṣṭhā taṃ tu dharmaṃ ca pālaye || 10.32 ||

'Whatever understanding arises in me, in whatsoever stage of life, may it always be steeped in dharma -- and may I hold fast to that same dharma.'

Shloka 33 (uttara.10.33)

एष मे परमोदार वरः परमको मतः । नहि धर्माभिरक्तानां लोके किञ्चन दुर्लभम् ॥ 10.33 ॥

eṣa me paramodāra varaḥ paramako mataḥ | nahi dharmābhiraktānāṃ loke kiñcana durlabham || 10.33 ||

'This, most generous one, I consider the supreme boon; for nothing in this world is hard to attain for those devoted to dharma.'

Shloka 34 (uttara.10.34)

पुनः प्रजापतिः प्रीतो विभीषणमुवाच ह । धर्मिष्ठस्त्वं यथा वत्स तथा चैतद्भविष्यति ॥ 10.34 ॥

punaḥ prajāpatiḥ prīto vibhīṣaṇamuvāca ha | dharmiṣṭhastvaṃ yathā vatsa tathā caitadbhaviṣyati || 10.34 ||

Once more well pleased, Prajapati said to Vibhishana: 'As you are devoted to dharma, my child, so shall it be.'

Shloka 35 (uttara.10.35)

यस्माद्राक्षसयोनौ ते जातस्यामित्रनाशन । नाधर्मे जायते बुद्धिरमरत्वं ददामि ते ॥ 10.35 ॥

yasmādrākṣasayonau te jātasyāmitranāśana | nādharme jāyate buddhiramaratvaṃ dadāmi te || 10.35 ||

'Since, O destroyer of foes, though born in a rakshasa womb, your mind has never inclined toward unrighteousness, I grant you immortality as well.'

Shloka 36 (uttara.10.36)

इत्युक्त्वा कुम्भकर्णाय वरं दातुमुपस्थितम् । प्रजापतिं सुराः सर्वे वाक्यं प्राञ्जलयो ऽब्रुवन् ॥ 10.36 ॥

ityuktvā kumbhakarṇāya varaṃ dātumupasthitam | prajāpatiṃ surāḥ sarve vākyaṃ prāñjalayo 'bruvan || 10.36 ||

Having said this, as Prajapati stood ready to grant a boon to Kumbhakarna, all the gods, with joined palms, said this to him:

Shloka 37 (uttara.10.37)

न तावत्कुम्भकर्णाय प्रदातव्यो वरस्त्वया । जानीषे हि यथा लोकांस्त्रासयत्येष दुर्मतिः ॥ 10.37 ॥

na tāvatkumbhakarṇāya pradātavyo varastvayā | jānīṣe hi yathā lokāṃstrāsayatyeṣa durmatiḥ || 10.37 ||

'A boon should not yet be given to Kumbhakarna; for you well know how this ill-minded one terrorizes the worlds.'

Shloka 38 (uttara.10.38)

नन्दने ऽप्सरसः सप्त महेन्द्रानुचरा दश । अनेन भक्षिता ब्रह्मन्नृषयो मानुषास्तथा ॥ 10.38 ॥

nandane 'psarasaḥ sapta mahendrānucarā daśa | anena bhakṣitā brahmannṛṣayo mānuṣāstathā || 10.38 ||

'In Nandana, he has devoured seven apsaras and ten attendants of mighty Indra, O Brahmin, and sages and men as well.'

Shloka 39 (uttara.10.39)

अलब्धवरपूर्वेण यत्कृतं राक्षसेन तु । तदेष वरलब्धः स्याद्भक्षयेद्भुवनत्रयम् ॥ 10.39 ॥

alabdhavarapūrveṇa yatkṛtaṃ rākṣasena tu | tadeṣa varalabdhaḥ syādbhakṣayedbhuvanatrayam || 10.39 ||

'Consider what this rakshasa has already done even without a boon -- should he now win one, he would swallow the three worlds whole.'

Shloka 40 (uttara.10.40)

वरव्याजेन मोहो ऽस्मै दीयताममितप्रभ । लोकानां स्वस्ति चैवं स्याद्भवेदस्य च सन्नतिः ॥ 10.40 ॥

varavyājena moho 'smai dīyatāmamitaprabha | lokānāṃ svasti caivaṃ syādbhavedasya ca sannatiḥ || 10.40 ||

'Let some delusion, O one of boundless splendor, be given to him under the guise of a boon -- so the worlds shall be safe, and he himself held in check.'

Shloka 41 (uttara.10.41)

एवमुक्तः सुरैर्ब्रह्मा ऽचिन्तयत् पद्मसम्भवः । चिन्तिता चोपतस्थे ऽस्य पार्श्वं देवी सरस्वती ॥ 10.41 ॥

evamuktaḥ surairbrahmā 'cintayat padmasambhavaḥ | cintitā copatasthe 'sya pārśvaṃ devī sarasvatī || 10.41 ||

Thus addressed by the gods, Brahma, the lotus-born, fell to pondering; and no sooner did he think of her than the goddess Sarasvati came and stood at his side.

Shloka 42 (uttara.10.42)

प्राञ्जलिः सा तु पार्श्वस्था प्राह वाक्यं सरस्वती । इयमस्म्यागता देव किं कार्यं करवाण्यहम् ॥ 10.42 ॥

prāñjaliḥ sā tu pārśvasthā prāha vākyaṃ sarasvatī | iyamasmyāgatā deva kiṃ kāryaṃ karavāṇyaham || 10.42 ||

Standing beside him, palms joined, Sarasvati spoke this word: 'Here I am, O god, come at your thought; what task shall I do?'

Shloka 43 (uttara.10.43)

प्रजापतिस्तुं तां प्राप्तां प्राह वाक्यं सरस्वतीम् । वाणि त्वं राक्षसेन्द्रस्य भव या देवतेप्सिता ॥ 10.43 ॥

prajāpatistuṃ tāṃ prāptāṃ prāha vākyaṃ sarasvatīm | vāṇi tvaṃ rākṣasendrasya bhava yā devatepsitā || 10.43 ||

Prajapati then said to Sarasvati, who had come to him: 'O goddess of speech, come to reside with the lord of the rakshasas, in whatever manner the gods desire.'

Shloka 44 (uttara.10.44)

तथेत्युक्त्वा प्रविष्टा सा प्रजापतिरथाब्रवीत् । कुम्भकर्ण महाबाहो वरं वरय यो मतः ॥ 10.44 ॥

tathetyuktvā praviṣṭā sā prajāpatirathābravīt | kumbhakarṇa mahābāho varaṃ varaya yo mataḥ || 10.44 ||

'So be it,' she said, and entered him; then Prajapati spoke: 'Kumbhakarna, mighty of arm, ask for the boon you desire.'

Shloka 45 (uttara.10.45)

कुम्भकर्णस्तु तद्वाक्यं श्रुत्वा वचनमब्रवीत् । स्वप्तुं वर्षाण्यनेकानि देवदेव ममेप्सितम् ॥ 10.45 ॥

kumbhakarṇastu tadvākyaṃ śrutvā vacanamabravīt | svaptuṃ varṣāṇyanekāni devadeva mamepsitam || 10.45 ||

Kumbhakarna, hearing this, spoke these words: 'To sleep for many years -- that, O god of gods, is my desire.'

Shloka 46 (uttara.10.46)

एवमस्त्विति तं चोक्त्वा प्रायाद्ब्रह्मा सुरैः समम् । देवी सरस्वती चैव राक्षसं तं जहौ पुनः ॥ 10.46 ॥

evamastviti taṃ coktvā prāyādbrahmā suraiḥ samam | devī sarasvatī caiva rākṣasaṃ taṃ jahau punaḥ || 10.46 ||

'So be it,' Brahma said to him, and departed together with the gods; and the goddess Sarasvati, too, then left that rakshasa once more.

Shloka 47 (uttara.10.47)

ब्रह्मणा सह देवेषु गतेषु च नभःस्थलम् । विमुक्तो ऽसौ सरस्वत्या स्वां सञ्ज्ञां च ततो गतः ॥ 10.47 ॥

brahmaṇā saha deveṣu gateṣu ca nabhaḥsthalam | vimukto 'sau sarasvatyā svāṃ sañjñāṃ ca tato gataḥ || 10.47 ||

When Brahma had departed into the sky together with the gods, he -- released now by Sarasvati -- returned to his own senses.

Shloka 48 (uttara.10.48)

कुम्भकर्णस्तु दुष्टात्मा चिन्तयामास दुःखितः । ईदृशं किमिदं वाक्यं ममाद्य वदनाच्च्युतम् ॥ 10.48 ॥

kumbhakarṇastu duṣṭātmā cintayāmāsa duḥkhitaḥ | īdṛśaṃ kimidaṃ vākyaṃ mamādya vadanāccyutam || 10.48 ||

Kumbhakarna, ill-fated, fell to brooding in distress: 'What strange thing is this that has fallen today from my own mouth?'

Shloka 49 (uttara.10.49)

अहं व्यामोहितो देवैरिति मन्ये तदा ऽ ऽगतैः । एवं लब्धवराः सर्वे भ्रातरो दीप्ततेजसः । श्लेष्मातकवनं गत्वा तत्र ते न्यवसन्सुखम् ॥ 10.49 ॥

ahaṃ vyāmohito devairiti manye tadā ' 'gataiḥ | evaṃ labdhavarāḥ sarve bhrātaro dīptatejasaḥ | śleṣmātakavanaṃ gatvā tatra te nyavasansukham || 10.49 ||

'I must have been bewildered by the gods who came then -- or so I believe.' Thus, having obtained their boons, all the brothers, blazing with splendor, went to the Shleshmataka forest and dwelt there in happiness.