Indra's Boon: The Fallen Vanaras Restored to Life

Shloka 1 (yuddha.120.1)

प्रतिप्रयाते काकुत्थ्से महेन्द्रः पाकशासनः | अब्रवीत् परमप्रीतो राघवं प्राञ्जलिं स्थितम् ॥ 120.1 ॥

pratiprayāte kākutthse mahendraḥ pākaśāsanaḥ | abravīt paramaprīto rāghavaṃ prāñjaliṃ sthitam || 120.1 ||

As Kakutstha departed, Mahendra, destroyer of Paka, exceedingly pleased, spoke to Raghava, who stood there with joined palms -

Shloka 2 (yuddha.120.2)

अमोघं दर्शनं राम तवास्माकं नरर्षभ | प्रीतियुक्ताः स्म तेन त्वं ब्रूहि यन्मनसेप्सितम् ॥ 120.2 ॥

amoghaṃ darśanaṃ rāma tavāsmākaṃ nararṣabha | prītiyuktāḥ sma tena tvaṃ brūhi yanmanasepsitam || 120.2 ||

"O Rama, foremost among men, this sight of us should not go unrewarded; we are filled with affection for you - tell us whatever your heart desires."

Shloka 3 (yuddha.120.3)

एवमुक्तो महेन्द्रेण प्रसन्नेन महात्मना | सुप्रसन्नमना हृष्टो वचनम् प्राह राघवः ॥ 120.3 ॥

evamukto mahendreṇa prasannena mahātmanā | suprasannamanā hṛṣṭo vacanam prāha rāghavaḥ || 120.3 ||

Thus addressed by the great-souled, gracious Mahendra, Raghava, his heart utterly glad and rejoicing, spoke these words -

Shloka 4 (yuddha.120.4)

यदि प्रीतिः समुत्पन्ना मयि ते विबुधेश्वर | वक्ष्यामि कुरु मे सत्यम् वचनं वदतां वर ॥ 120.4 ॥

yadi prītiḥ samutpannā mayi te vibudheśvara | vakṣyāmi kuru me satyam vacanaṃ vadatāṃ vara || 120.4 ||

"O lord of the wise, if love for me has truly arisen in you, then I shall speak - O foremost of the eloquent, make this word of mine come true.

Shloka 5 (yuddha.120.5)

मम हेतोः पराक्रान्ता ये गता यमसादनम् | ते सर्वे जीवितं प्राप्य समुत्तिष्ठन्तु वानराः ॥ 120.5 ॥

mama hetoḥ parākrāntā ye gatā yamasādanam | te sarve jīvitaṃ prāpya samuttiṣṭhantu vānarāḥ || 120.5 ||

Let all those valiant vanaras who, for my sake, went to the abode of Death, regain their lives and rise up again.

Shloka 6 (yuddha.120.6)

मत्कृते विप्रयुक्ता ये पुत्रैर्दारैश्च वानराः | तान् प्रीतमनसः सर्वान् द्रष्टुमिच्छामि मानद ॥ 120.6 ॥

matkṛte viprayuktā ye putrairdāraiśca vānarāḥ | tān prītamanasaḥ sarvān draṣṭumicchāmi mānada || 120.6 ||

O bestower of honour, I wish to see, with a glad heart, all those vanaras who, for my sake, were parted from their sons and their wives.

Shloka 7 (yuddha.120.7)

विक्रान्ताश्चापि शूराश्च न मृत्युं गणयन्ति च | कृतयत्ना विपन्नाश्च जीवयैनान् पुरंदर ॥ 120.7 ॥

vikrāntāścāpi śūrāśca na mṛtyuṃ gaṇayanti ca | kṛtayatnā vipannāśca jīvayainān puraṃdara || 120.7 ||

Valiant and heroic, they took no account of death; O Purandara, restore to life those who strove with all their might and perished.

Shloka 8 (yuddha.120.8)

मत्प्रियेष्वभिरक्ताश्च न मृत्युं गणयन्ति ये | त्वत्प्रसादात्समेयुस्ते वरमेतमहं वृणे ॥ 120.8 ॥

matpriyeṣvabhiraktāśca na mṛtyuṃ gaṇayanti ye | tvatprasādātsameyuste varametamahaṃ vṛṇe || 120.8 ||

Those who, devoted to my cause, gave no thought to death - let them, by your grace, be reunited with life; this boon alone I ask of you.

Shloka 9 (yuddha.120.9)

नीरुजो निर्व्रणांश्चैव संपन्नबलपौरुषान् | गोलाङ्गूलांस्तथर्क्षांश्च द्रष्टुमिच्छामि मानद ॥ 120.9 ॥

nīrujo nirvraṇāṃścaiva saṃpannabalapauruṣān | golāṅgūlāṃstatharkṣāṃśca draṣṭumicchāmi mānada || 120.9 ||

O bestower of honour, I wish to see the vanaras and bears free from sickness, free from wounds, and endowed once more with strength and valour.

Shloka 10 (yuddha.120.10)

अकाले चापि पुष्पाणि मूलानि च फलानि च | नद्यश्च विमलास्तत्र तिष्ठेयुर्यत्र वानराः ॥ 120.10 ॥

akāle cāpi puṣpāṇi mūlāni ca phalāni ca | nadyaśca vimalāstatra tiṣṭheyuryatra vānarāḥ || 120.10 ||

Wherever those vanaras may dwell, let flowers, roots, and fruits appear even out of season, and let clear-flowing rivers be there.

Shloka 11 (yuddha.120.11)

श्रुत्वा तु वचनं तस्य राघवस्य महात्मनः | महेन्द्रः प्रत्युवाचेदं वचनं प्रीतिसंयुतम् ॥ 120.11 ॥

śrutvā tu vacanaṃ tasya rāghavasya mahātmanaḥ | mahendraḥ pratyuvācedaṃ vacanaṃ prītisaṃyutam || 120.11 ||

Hearing this speech of the great-souled Raghava, Mahendra, filled with affection, replied thus -

Shloka 12 (yuddha.120.12)

महानयं वरस्तात यस्त्वयोक्तो रघुत्तम | द्विर्मया नोक्तपूर्वं च तस्मादेतद्भविष्यति ॥ 120.12 ॥

mahānayaṃ varastāta yastvayokto raghuttama | dvirmayā noktapūrvaṃ ca tasmādetadbhaviṣyati || 120.12 ||

"O dear one, foremost of the Raghus, this boon you have asked is a great one; never before have I gone back on my word twice, so this shall come to be exactly as you wish.

Shloka 13 (yuddha.120.13)

समुत्तिष्ठन्तु ते सर्वे हता ये युधि राक्षसैः | ऋक्षाश्च सह गोपुच्छैर्निकृत्ताननबाहवः ॥ 120.13 ॥

samuttiṣṭhantu te sarve hatā ye yudhi rākṣasaiḥ | ṛkṣāśca saha gopucchairnikṛttānanabāhavaḥ || 120.13 ||

Let all those slain in battle by the rakshasas, and those bears whose faces and arms were severed, rise up again along with the long-tailed monkeys.

Shloka 14 (yuddha.120.14)

नीरुजो निर्व्रणाश्चैव संपन्नबलपौरुषाः | समुत्थास्यन्ति हरयः सुप्ता निद्राक्षये यथा ॥ 120.14 ॥

nīrujo nirvraṇāścaiva saṃpannabalapauruṣāḥ | samutthāsyanti harayaḥ suptā nidrākṣaye yathā || 120.14 ||

As men rise from sleep when it ends, so shall these vanaras arise, free from sickness, free from wounds, and endowed once more with strength and valour.

Shloka 15 (yuddha.120.15)

सुहृद्भिर्बान्धवैश्चैव ज्ञातिभिः स्वजनेन च | सर्व एव समेष्यन्ति संयुक्ताः परया मुदा ॥ 120.15 ॥

suhṛdbhirbāndhavaiścaiva jñātibhiḥ svajanena ca | sarva eva sameṣyanti saṃyuktāḥ parayā mudā || 120.15 ||

All of them shall be reunited, with the greatest joy, with their friends, kinsmen, relatives, and family members.

Shloka 16 (yuddha.120.16)

अकाले पुष्पशबलाः फलवन्तश्च पादपाः | भविष्यन्ति महेष्वास नद्यश्च सलिलायुताः ॥ 120.16 ॥

akāle puṣpaśabalāḥ phalavantaśca pādapāḥ | bhaviṣyanti maheṣvāsa nadyaśca salilāyutāḥ || 120.16 ||

O wielder of the mighty bow, even out of season the trees shall be laden with colourful flowers and fruits, and the rivers shall flow ever full of water.

Shloka 17 (yuddha.120.17)

सव्रणैः प्रथमं गात्रैरिदानीं निर्व्रणैः समैः | ततः समुत्थिताः सर्वे सुप्त्वेव हरियूथपाः | बभूवुर्वानराः सर्वे किं न्वेतदिति विस्मिताः ॥ 120.17 ॥

savraṇaiḥ prathamaṃ gātrairidānīṃ nirvraṇaiḥ samaiḥ | tataḥ samutthitāḥ sarve suptveva hariyūthapāḥ | babhūvurvānarāḥ sarve kiṃ nvetaditi vismitāḥ || 120.17 ||

Limbs that had first been covered with wounds now became even and unblemished; then all those monkey-troop-leaders rose up as though waking from sleep,

Shloka 18 (yuddha.120.18)

काकुत्थ्सं परिपूर्णार्थं दृष्ट्वा सर्वे सुरोत्तमाः | अब्रुवन् परमप्रीताः स्तुत्वा रामं सलक्ष्मणम् ॥ 120.18 ॥

kākutthsaṃ paripūrṇārthaṃ dṛṣṭvā sarve surottamāḥ | abruvan paramaprītāḥ stutvā rāmaṃ salakṣmaṇam || 120.18 ||

and all the vanaras, astonished, cried out "What has happened!" Seeing that Kakutstha's wish had been fully granted, all those foremost of gods,

Shloka 19 (yuddha.120.19)

गच्छायोध्यामितो राजन् विसर्जय च वानरान् | मैथिलीं सान्त्वयस्वैनामनुरक्तां यशस्विनीम् ॥ 120.19 ॥

gacchāyodhyāmito rājan visarjaya ca vānarān | maithilīṃ sāntvayasvaināmanuraktāṃ yaśasvinīm || 120.19 ||

greatly delighted, praised Rama and Lakshmana and said: "O king, proceed now from here to Ayodhya, and let the vanaras take their leave.

Shloka 20 (yuddha.120.20)

भ्रातरं भरतं पश्य त्वच्छोकाद्व्रतचारिणम् ॥ 120.20 ॥

bhrātaraṃ bharataṃ paśya tvacchokādvratacāriṇam || 120.20 ||

Console the illustrious and devoted Maithili; behold your brother Bharata, who through grief for you has taken up the life of an ascetic,

Shloka 21 (yuddha.120.21)

शत्रुघ्नं च महात्मानं मातॄः सर्वाः परंतप | अभिषेचय चात्मानम् पौरान्गत्वा प्रहर्षय ॥ 120.21 ॥

śatrughnaṃ ca mahātmānaṃ mātṝḥ sarvāḥ paraṃtapa | abhiṣecaya cātmānam paurāngatvā praharṣaya || 120.21 ||

and the great-souled Shatrughna, and all your mothers too, O scorcher of foes; have yourself consecrated, and going there, bring joy to the citizens.

Shloka 22 (yuddha.120.22)

एवमुक्त्वा सहस्राक्षो रामं सौमित्रिणा सह | विमानैः सूर्यसंकाशैर्ययौ हृष्टः सुरैः सह ॥ 120.22 ॥

evamuktvā sahasrākṣo rāmaṃ saumitriṇā saha | vimānaiḥ sūryasaṃkāśairyayau hṛṣṭaḥ suraiḥ saha || 120.22 ||

Having thus spoken to Rama and Lakshmana, thousand-eyed Indra, rejoicing, departed together with the other gods in aerial cars radiant as the sun.

Shloka 23 (yuddha.120.23)

अभिवाद्य च काकुत्थ्सः सर्वांस्तांस्त्रिदशोत्तमान् | लक्ष्मणेन सह भ्रात्रा वासमाज्ञापयत्तदा ॥ 120.23 ॥

abhivādya ca kākutthsaḥ sarvāṃstāṃstridaśottamān | lakṣmaṇena saha bhrātrā vāsamājñāpayattadā || 120.23 ||

Then, having saluted all those foremost of gods, Kakutstha, together with his brother Lakshmana, ordered all the vanaras to take rest, each in his own place.

Shloka 24 (yuddha.120.24)

ततस्तु सा लक्ष्मणरामपालिता | महाचमूर्हृष्टजना यशस्विनी | श्रिया ज्वलन्ती विरराज सर्वतो | निशा प्रणीतेव हि शीतरश्मिना ॥ 120.24 ॥

tatastu sā lakṣmaṇarāmapālitā | mahācamūrhṛṣṭajanā yaśasvinī | śriyā jvalantī virarāja sarvato | niśā praṇīteva hi śītaraśminā || 120.24 ||

Thereupon that illustrious and mighty army, its people rejoicing, protected by Lakshmana and Rama, shone resplendent on every side with its own splendour, like a night lit up by the cool-rayed moon.