The Storming of the Ramparts

Shloka 1 (yuddha.42.1)

ततस्ते राक्षसास्तत्र गत्वा रावणमन्दिरम्। न्यवेदयन् पुरीं रुद्धां रामेण सह वानरैः ॥ 42.1 ॥

tataste rākṣasāstatra gatvā rāvaṇamandiram| nyavedayan purīṃ ruddhāṃ rāmeṇa saha vānaraiḥ || 42.1 ||

Then those rakshasas went to Ravana's palace and reported that the city was besieged by Rama together with the monkeys.

Shloka 2 (yuddha.42.2)

रुद्धां तु नगरीं श्रुत्वा जातक्रोधो निशाचरः। विधानं द्विगुणं कृत्वा प्रासादं चाप्यरोहत ॥ 42.2 ॥

ruddhāṃ tu nagarīṃ śrutvā jātakrodho niśācaraḥ| vidhānaṃ dviguṇaṃ kṛtvā prāsādaṃ cāpyarohata || 42.2 ||

Hearing that the city was besieged, the night-ranger, filled with rage, doubled the defenses and himself climbed up to the palace roof.

Shloka 3 (yuddha.42.3)

स ददर्श वृतां लङ्कां सशैलवनकाननाम्। असंख्येयैर्हरिगणैः सर्वतो युद्धकाङ्क्षिभिः ॥ 42.3 ॥

sa dadarśa vṛtāṃ laṅkāṃ saśailavanakānanām| asaṃkhyeyairharigaṇaiḥ sarvato yuddhakāṅkṣibhiḥ || 42.3 ||

He saw Lanka, with its hills and groves, encircled on every side by innumerable troops of monkeys eager for battle.

Shloka 4 (yuddha.42.4)

स दृष्ट्वा वानरैः सर्वैर्वसुधां कपिलीकृताम्। कथं क्षपयितव्याः स्युरिति चिन्तापरोऽभवत् ॥ 42.4 ॥

sa dṛṣṭvā vānaraiḥ sarvairvasudhāṃ kapilīkṛtām| kathaṃ kṣapayitavyāḥ syuriti cintāparo'bhavat || 42.4 ||

Seeing the whole earth covered by the monkeys, he grew troubled at heart, wondering how they could possibly be destroyed.

Shloka 5 (yuddha.42.5)

स चिन्तयित्वा सुचिरं धैर्यमालम्ब्य रावणः। राघवं हरियूथांश्च ददर्शायतलोचनः ॥ 42.5 ॥

sa cintayitvā suciraṃ dhairyamālambya rāvaṇaḥ| rāghavaṃ hariyūthāṃśca dadarśāyatalocanaḥ || 42.5 ||

That wide-eyed Ravana, after long deliberation, steadying himself with resolve, gazed down upon Raghava and the monkey hosts.

Shloka 6 (yuddha.42.6)

राघवः सह सैन्येन मुदितो नाम पुप्लुवे। लङ्कां ददर्श गुप्तां वै सर्वतो राक्षसैर्वृताम् ॥ 42.6 ॥

rāghavaḥ saha sainyena mudito nāma pupluve| laṅkāṃ dadarśa guptāṃ vai sarvato rākṣasairvṛtām || 42.6 ||

Raghava, with his army, leapt forward joyfully; he saw Lanka well-guarded, surrounded on every side by rakshasas.

Shloka 7 (yuddha.42.7)

दृष्ट्वा दाशरथिर्लङ्कां चित्रध्वजपताकिनीम्। जगाम सहसा सीतां दूयमानेन चेतसा ॥ 42.7 ॥

dṛṣṭvā dāśarathirlaṅkāṃ citradhvajapatākinīm| jagāma sahasā sītāṃ dūyamānena cetasā || 42.7 ||

Beholding Lanka with its bright banners and flags, the son of Dasharatha's mind at once turned, with an aching heart, to Sita.

Shloka 8 (yuddha.42.8)

अत्र सा मृगशावाक्षी मत्कृते जनकात्मजा। पीड्यते शोकसंतप्ता कृशा स्थण्डिलशायिनी ॥ 42.8 ॥

atra sā mṛgaśāvākṣī matkṛte janakātmajā| pīḍyate śokasaṃtaptā kṛśā sthaṇḍilaśāyinī || 42.8 ||

"Here that fawn-eyed daughter of Janaka, tormented by grief for my sake, emaciated, lying on the bare ground, suffers."

Shloka 9 (yuddha.42.9)

निपीड्यमानां धर्मात्मा वैदेहीमनुचिन्तयन्। क्षिप्रमाज्ञापयद् रामो वानरान् द्विषतां वधे ॥ 42.9 ॥

nipīḍyamānāṃ dharmātmā vaidehīmanucintayan| kṣipramājñāpayad rāmo vānarān dviṣatāṃ vadhe || 42.9 ||

Thinking of Vaidehi thus afflicted, the righteous Rama swiftly commanded the monkeys to fall upon the slaying of the enemy.

Shloka 10 (yuddha.42.10)

एवमुक्ते तु वचसि रामेणाक्लिष्टकर्मणा। संघर्षमाणाः प्लवगाः सिंहनादैरनादयन् ॥ 42.10 ॥

evamukte tu vacasi rāmeṇākliṣṭakarmaṇā| saṃgharṣamāṇāḥ plavagāḥ siṃhanādairanādayan || 42.10 ||

At these words spoken by unwearied Rama, the surging monkeys filled the sky with lion-like roars.

Shloka 11 (yuddha.42.11)

शिखरैर्विकिरामैतां लङ्कां मुष्टिभिरेव वा। इति स्म दधिरे सर्वे मनांसि हरियूथपाः ॥ 42.11 ॥

śikharairvikirāmaitāṃ laṅkāṃ muṣṭibhireva vā| iti sma dadhire sarve manāṃsi hariyūthapāḥ || 42.11 ||

"With our own mountain-peaks, or even with our fists, let us scatter this Lanka to pieces" — thus resolved all the monkey chiefs in their hearts.

Shloka 12 (yuddha.42.12)

उद्यम्य गिरिशृङ्गाणि महान्ति शिखराणि च। तरूंश्चोत्पाट्य विविधांस्तिष्ठन्ति हरियूथपाः ॥ 42.12 ॥

udyamya giriśṛṅgāṇi mahānti śikharāṇi ca| tarūṃścotpāṭya vividhāṃstiṣṭhanti hariyūthapāḥ || 42.12 ||

Lifting great mountain-crests and diverse uprooted trees, the monkey chiefs stood ready for the assault.

Shloka 13 (yuddha.42.13)

प्रेक्षतो राक्षसेन्द्रस्य तान्यनीकानि भागशः। राघवप्रियकामार्थं लङ्कामारुरुहुस्तदा ॥ 42.13 ॥

prekṣato rākṣasendrasya tānyanīkāni bhāgaśaḥ| rāghavapriyakāmārthaṃ laṅkāmāruruhustadā || 42.13 ||

Before the very eyes of the rakshasa lord, those troops, for the fulfilment of Raghava's cherished purpose, then mounted upon Lanka, division by division.

Shloka 14 (yuddha.42.14)

ते ताम्रवक्त्रा हेमाभा रामार्थे त्यक्तजीविताः। लङ्कामेवाभ्यवर्तन्त सालभूधरयोधिनः ॥ 42.14 ॥

te tāmravaktrā hemābhā rāmārthe tyaktajīvitāḥ| laṅkāmevābhyavartanta sālabhūdharayodhinaḥ || 42.14 ||

Copper-mouthed, golden-hued, ready to give up their lives for Rama's sake, wielding sala-trees and boulders as weapons, they surged toward Lanka.

Shloka 15 (yuddha.42.15)

ते द्रुमैः पर्वताग्रैश्च मुष्टिभिश्च प्लवंगमाः। प्राकाराग्राण्यसंख्यानि ममन्थुस्तोरणानि च ॥ 42.15 ॥

te drumaiḥ parvatāgraiśca muṣṭibhiśca plavaṃgamāḥ| prākārāgrāṇyasaṃkhyāni mamanthustoraṇāni ca || 42.15 ||

With trees, mountain-crags and fists, the monkeys began to grind down the countless rampart-tops and archways.

Shloka 16 (yuddha.42.16)

परिखान् पूरयन्तश्च प्रसन्नसलिलाशयान्। पांसुभिः पर्वताग्रैश्च तृणैः काष्ठैश्च वानराः ॥ 42.16 ॥

parikhān pūrayantaśca prasannasalilāśayān| pāṃsubhiḥ parvatāgraiśca tṛṇaiḥ kāṣṭhaiśca vānarāḥ || 42.16 ||

Filling the moats, with their clear water, with dust, boulders, grass and timber, the monkeys —

Shloka 17 (yuddha.42.17)

ततः सहस्रयूथाश्च कोटियूथाश्च यूथपाः। कोटियूथशताश्चान्ये लङ्कामारुरुहुस्तदा ॥ 42.17 ॥

tataḥ sahasrayūthāśca koṭiyūthāśca yūthapāḥ| koṭiyūthaśatāścānye laṅkāmāruruhustadā || 42.17 ||

— then troops numbering thousands, troops numbering crores, and chiefs commanding hundreds of crores mounted upon Lanka.

Shloka 18 (yuddha.42.18)

काञ्चनानि प्रमर्दन्तस्तोरणानि प्लवंगमाः। कैलासशिखराग्राणि गोपुराणि प्रमथ्य च ॥ 42.18 ॥

kāñcanāni pramardantastoraṇāni plavaṃgamāḥ| kailāsaśikharāgrāṇi gopurāṇi pramathya ca || 42.18 ||

Crushing the golden archways underfoot, the monkeys demolished even the gate-towers that rivalled the peaks of Kailasa.

Shloka 19 (yuddha.42.19)

आप्लवन्तः प्लवन्तश्च गर्जन्तश्च प्लवंगमाः। लङ्कां तामभिधावन्ति महावारणसंनिभाः ॥ 42.19 ॥

āplavantaḥ plavantaśca garjantaśca plavaṃgamāḥ| laṅkāṃ tāmabhidhāvanti mahāvāraṇasaṃnibhāḥ || 42.19 ||

Leaping, bounding, roaring, those monkeys, vast as great elephants, charged upon that Lanka.

Shloka 20 (yuddha.42.20)

जयत्युरुबलो रामो लक्ष्मणश्च महाबलः। राजा जयति सुग्रीवो राघवेणाभिपालितः ॥ 42.20 ॥

jayatyurubalo rāmo lakṣmaṇaśca mahābalaḥ| rājā jayati sugrīvo rāghaveṇābhipālitaḥ || 42.20 ||

"Victory to the mighty Rama! Victory to the mighty Lakshmana! Victory to King Sugriva, protected by Raghava!"

Shloka 21 (yuddha.42.21)

इत्येवं घोषयन्तश्च गर्जन्तश्च प्लवंगमाः। अभ्यधावन्त लङ्कायाः प्राकारं कामरूपिणः ॥ 42.21 ॥

ityevaṃ ghoṣayantaśca garjantaśca plavaṃgamāḥ| abhyadhāvanta laṅkāyāḥ prākāraṃ kāmarūpiṇaḥ || 42.21 ||

Thus proclaiming and roaring, the shape-shifting monkeys hurled themselves upon Lanka's rampart.

Shloka 22 (yuddha.42.22)

वीरबाहुः सुबाहुश्च नलश्च पनसस्तथा। निपीड्योपनिविष्टास्ते प्राकारं हरियूथपाः। एतस्मिन्नन्तरे चक्रुः स्कन्धावारनिवेशनम् ॥ 42.22 ॥

vīrabāhuḥ subāhuśca nalaśca panasastathā| nipīḍyopaniviṣṭāste prākāraṃ hariyūthapāḥ| etasminnantare cakruḥ skandhāvāraniveśanam || 42.22 ||

Virabahu, Subahu, Nala and Panasa, pressing forward, took their stand upon that rampart, and in that very interval made their military camp there.

Shloka 23 (yuddha.42.23)

पूर्वद्वारं तु कुमुदः कोटिभिर्दशभिर्वृतः। आवृत्य बलवांस्तस्थौ हरिभिर्जितकाशिभिः ॥ 42.23 ॥

pūrvadvāraṃ tu kumudaḥ koṭibhirdaśabhirvṛtaḥ| āvṛtya balavāṃstasthau haribhirjitakāśibhiḥ || 42.23 ||

Kumuda, surrounded by ten crores, having taken hold of the eastern gate, stood firm there, encircled by the triumphant monkeys.

Shloka 24 (yuddha.42.24)

सहायार्थे तु तस्यैव निविष्टः प्रघसो हरिः। पनसश्च महाबाहुर्वानरैरभिसंवृतः ॥ 42.24 ॥

sahāyārthe tu tasyaiva niviṣṭaḥ praghaso hariḥ| panasaśca mahābāhurvānarairabhisaṃvṛtaḥ || 42.24 ||

In his support, Praghasa too took his position there; and the mighty-armed Panasa, surrounded by monkeys, remained there as well.

Shloka 25 (yuddha.42.25)

दक्षिणद्वारमासाद्य वीरः शतबलिः कपिः। आवृत्य बलवांस्तस्थौ विंशत्या कोटिभिर्वृतः ॥ 42.25 ॥

dakṣiṇadvāramāsādya vīraḥ śatabaliḥ kapiḥ| āvṛtya balavāṃstasthau viṃśatyā koṭibhirvṛtaḥ || 42.25 ||

The hero, the monkey mighty as a hundred, reaching the southern gate, stood firm there, encircled by twenty crores.

Shloka 26 (yuddha.42.26)

सुषेणः पश्चिमद्वारं गत्वा तारापिता बली। आवृत्य बलवांस्तस्थौ कोटिकोटिभिरावृतः ॥ 42.26 ॥

suṣeṇaḥ paścimadvāraṃ gatvā tārāpitā balī| āvṛtya balavāṃstasthau koṭikoṭibhirāvṛtaḥ || 42.26 ||

Sushena, the mighty father of Tara, going to the western gate, stood firm there, encircled by a crore of crores.

Shloka 27 (yuddha.42.27)

उत्तरद्वारमागम्य रामः सौमित्रिणा सह। आवृत्य बलवांस्तस्थौ सुग्रीवश्च हरीश्वरः ॥ 42.27 ॥

uttaradvāramāgamya rāmaḥ saumitriṇā saha| āvṛtya balavāṃstasthau sugrīvaśca harīśvaraḥ || 42.27 ||

Coming to the northern gate, Rama together with Saumitri, and Sugriva the lord of monkeys, likewise stood firm there.

Shloka 28 (yuddha.42.28)

गोलाङ्गूलो महाकायो गवाक्षो भीमदर्शना। वृतः कोट्या महावीर्यस्तस्थौ रामस्य पार्श्वतः ॥ 42.28 ॥

golāṅgūlo mahākāyo gavākṣo bhīmadarśanā| vṛtaḥ koṭyā mahāvīryastasthau rāmasya pārśvataḥ || 42.28 ||

The huge-bodied Golangula and the terrible-visaged Gavaksha, encircled by a crore of mighty warriors, took their stand at Rama's side.

Shloka 29 (yuddha.42.29)

ऋक्षाणां भीमकोपानां धूम्रः शत्रुनिबर्हणः। वृतः कोट्या महावीर्यस्तस्थौ रामस्य पार्श्वतः ॥ 42.29 ॥

ṛkṣāṇāṃ bhīmakopānāṃ dhūmraḥ śatrunibarhaṇaḥ| vṛtaḥ koṭyā mahāvīryastasthau rāmasya pārśvataḥ || 42.29 ||

Among the fierce-tempered bears, Dhumra, destroyer of foes, too, encircled by a crore of the mighty, took his stand at Rama's side.

Shloka 30 (yuddha.42.30)

संनद्धस्तु महावीर्यो गदापाणिर्विभीषणः। वृतो यत्तैस्तु सचिवैस्तस्थौ यत्र महाबलः ॥ 42.30 ॥

saṃnaddhastu mahāvīryo gadāpāṇirvibhīṣaṇaḥ| vṛto yattaistu sacivaistasthau yatra mahābalaḥ || 42.30 ||

The mighty Vibhishana, armed and mace in hand, ready for battle, surrounded by his vigilant ministers, took his stand where the mighty host was.

Shloka 31 (yuddha.42.31)

गजो गवाक्षो गवयः शरभो गन्धमादनः। समन्तात् परिधावन्तो ररक्षुर्हरिवाहिनीम् ॥ 42.31 ॥

gajo gavākṣo gavayaḥ śarabho gandhamādanaḥ| samantāt paridhāvanto rarakṣurharivāhinīm || 42.31 ||

Gaja, Gavaksha, Gavaya, Sharabha and Gandhamadana ran about on every side, guarding the army of monkeys.

Shloka 32 (yuddha.42.32)

ततः कोपपरीतात्मा रावणो राक्षसेश्वरः। निर्याणं सर्वसैन्यानां द्रुतमाज्ञापयत् तदा ॥ 42.32 ॥

tataḥ kopaparītātmā rāvaṇo rākṣaseśvaraḥ| niryāṇaṃ sarvasainyānāṃ drutamājñāpayat tadā || 42.32 ||

Then Ravana, lord of the rakshasas, overcome with wrath, at once commanded the sortie of all his armies.

Shloka 33 (yuddha.42.33)

एतच्छ्रुत्वा तदा वाक्यं रावणस्य मुखेरितम्। सहसा भीमनिर्घोषमुद्घुष्टं रजनीचरैः ॥ 42.33 ॥

etacchrutvā tadā vākyaṃ rāvaṇasya mukheritam| sahasā bhīmanirghoṣamudghuṣṭaṃ rajanīcaraiḥ || 42.33 ||

Hearing that word spoken from Ravana's mouth, the night-rangers suddenly raised a fearsome, roaring outcry.

Shloka 34 (yuddha.42.34)

ततः प्रबोधिता भेर्यश्चन्द्रपाण्डुरपुष्कराः। हेमकोणैरभिहता राक्षसानां समन्ततः ॥ 42.34 ॥

tataḥ prabodhitā bheryaścandrapāṇḍurapuṣkarāḥ| hemakoṇairabhihatā rākṣasānāṃ samantataḥ || 42.34 ||

Then war-drums, pale as the moon, struck with golden drum-sticks, resounded on every side among the rakshasas.

Shloka 35 (yuddha.42.35)

विनेदुश्च महाघोषाः शङ्खाः शतसहस्रशः। राक्षसानां सुघोराणां मुखमारुतपूरिताः ॥ 42.35 ॥

vineduśca mahāghoṣāḥ śaṅkhāḥ śatasahasraśaḥ| rākṣasānāṃ sughorāṇāṃ mukhamārutapūritāḥ || 42.35 ||

Conches by the hundred thousand, filled with the breath from the rakshasas' mouths, blared out with a most dreadful sound.

Shloka 36 (yuddha.42.36)

ते बभुः शुभनीलाङ्गाः सशङ्खा रजनीचराः। विद्युन्मण्डलसंनद्धाः सबलाका इवाम्बुदाः ॥ 42.36 ॥

te babhuḥ śubhanīlāṅgāḥ saśaṅkhā rajanīcarāḥ| vidyunmaṇḍalasaṃnaddhāḥ sabalākā ivāmbudāḥ || 42.36 ||

Those splendid, blue-limbed night-rangers, with their conches, shone like storm-clouds ringed about with lightning.

Shloka 37 (yuddha.42.37)

निष्पतन्ति ततः सैन्या हृष्टा रावणचोदिताः। समये पूर्यमाणस्य वेगा इव महोदधेः ॥ 42.37 ॥

niṣpatanti tataḥ sainyā hṛṣṭā rāvaṇacoditāḥ| samaye pūryamāṇasya vegā iva mahodadheḥ || 42.37 ||

Then, urged on by Ravana, that exultant army surged forth like the waves of the great ocean rising to full tide.

Shloka 38 (yuddha.42.38)

ततो वानरसैन्येन मुक्तो नादः समन्ततः। मलयः पूरितो येन ससानुप्रस्थकन्दरः ॥ 42.38 ॥

tato vānarasainyena mukto nādaḥ samantataḥ| malayaḥ pūrito yena sasānuprasthakandaraḥ || 42.38 ||

Thereupon a roar burst forth from the monkey army, filling the ridges, slopes and caverns of the Malaya mountain all about.

Shloka 39 (yuddha.42.39)

शङ्खदुन्दुभिनिर्घोषः सिंहनादस्तरस्विनाम्। पृथिवीं चान्तरिक्षं च सागरं चाभ्यनादयत् ॥ 42.39 ॥

śaṅkhadundubhinirghoṣaḥ siṃhanādastarasvinām| pṛthivīṃ cāntarikṣaṃ ca sāgaraṃ cābhyanādayat || 42.39 ||

The blare of conch and kettledrum, and the lion-roars of the swift ones, echoed through earth, sky and ocean —

Shloka 40 (yuddha.42.40)

गजानां बृंहितैः सार्धं हयानां ह्रेषितैरपि। रथानां नेमिनिर्घोषै रक्षसां वदनस्वनैः ॥ 42.40 ॥

gajānāṃ bṛṃhitaiḥ sārdhaṃ hayānāṃ hreṣitairapi| rathānāṃ neminirghoṣai rakṣasāṃ vadanasvanaiḥ || 42.40 ||

— along with the trumpeting of elephants, the neighing of horses, the rumble of chariot-wheels, and the tramp of rakshasa feet.

Shloka 41 (yuddha.42.41)

एतस्मिन्नन्तरे घोरः संग्रामः समपद्यत। रक्षसां वानराणां च यथा देवासुरे पुरा ॥ 42.41 ॥

etasminnantare ghoraḥ saṃgrāmaḥ samapadyata| rakṣasāṃ vānarāṇāṃ ca yathā devāsure purā || 42.41 ||

Meanwhile, between the rakshasas and monkeys there broke out a battle as fearsome as that which once raged between the gods and demons.

Shloka 42 (yuddha.42.42)

ते गदाभिः प्रदीप्ताभिः शक्तिशूलपरश्वधैः। निजघ्नुर्वानरान् सर्वान् कथयन्तः स्वविक्रमान् ॥ 42.42 ॥

te gadābhiḥ pradīptābhiḥ śaktiśūlaparaśvadhaiḥ| nijaghnurvānarān sarvān kathayantaḥ svavikramān || 42.42 ||

With blazing maces, javelins, tridents and axes, boasting of their own prowess, they fell to striking down the monkeys.

Shloka 43 (yuddha.42.43)

तथा वृक्षैर्महाकायाः पर्वताग्रैश्च वानराः। निजघ्नुस्तानि रक्षांसि नखैर्दन्तैश्च वेगिनः ॥ 42.43 ॥

tathā vṛkṣairmahākāyāḥ parvatāgraiśca vānarāḥ| nijaghnustāni rakṣāṃsi nakhairdantaiśca veginaḥ || 42.43 ||

So too, in turn, the huge-bodied monkeys, with trees and mountain-crags, and swiftly with claws and teeth, struck down those rakshasas.

Shloka 44 (yuddha.42.44)

राजा जयति सुग्रीव इति शब्दो महानभूत्। राजञ्जयजयेत्युक्त्वा स्वस्वनामकथां ततः ॥ 42.44 ॥

rājā jayati sugrīva iti śabdo mahānabhūt| rājañjayajayetyuktvā svasvanāmakathāṃ tataḥ || 42.44 ||

"Victory to King Sugriva!" — such was the mighty cry that rose; crying "Victory, victory, O King!", each thereafter called out his own name.

Shloka 45 (yuddha.42.45)

राक्षसास्त्वपरे भीमाः प्राकारस्था महीं गतान्। वानरान् भिन्दिपालैश्च शूलैश्चैव व्यदारयन् ॥ 42.45 ॥

rākṣasāstvapare bhīmāḥ prākārasthā mahīṃ gatān| vānarān bhindipālaiśca śūlaiścaiva vyadārayan || 42.45 ||

Other fierce rakshasas, with javelins and spears, tore apart those monkeys who had come down from the rampart onto the ground.

Shloka 46 (yuddha.42.46)

वानराश्चापि संक्रुद्धाः प्राकारस्थान् महीं गताः। राक्षसान् पातयामासुः खमाप्लुत्य स्वबाहुभिः ॥ 42.46 ॥

vānarāścāpi saṃkruddhāḥ prākārasthān mahīṃ gatāḥ| rākṣasān pātayāmāsuḥ khamāplutya svabāhubhiḥ || 42.46 ||

The greatly enraged monkeys likewise, leaping into the air, hurled to the ground, with their own arms, those rakshasas who had come down from the rampart.

Shloka 47 (yuddha.42.47)

स सम्प्रहारस्तुमुलो मांसशोणितकर्दमः। रक्षसां वानराणां च सम्बभूवाद्भुतोपमः ॥ 42.47 ॥

sa samprahārastumulo māṃsaśoṇitakardamaḥ| rakṣasāṃ vānarāṇāṃ ca sambabhūvādbhutopamaḥ || 42.47 ||

That tumultuous combat between the rakshasas and the monkeys, mired in flesh and blood, became a spectacle of wonder unlike any other.