Ravana's Defeat

Shloka 1 (yuddha.59.1)

तस्मिन् हते राक्षससैन्यपाले प्लवंगमानामृषभेण युद्धे। भीमायुधं सागरवेगतुल्यं विदुद्रुवे राक्षसराजसैन्यम् ॥ 59.1 ॥

tasmin hate rākṣasasainyapāle plavaṃgamānāmṛṣabheṇa yuddhe| bhīmāyudhaṃ sāgaravegatulyaṃ vidudruve rākṣasarājasainyam || 59.1 ||

When that guardian of the rakshasa army was slain in battle by the bull among monkeys, the terrible-weaponed host of the rakshasa king, though vast as the ocean's surge, broke and fled.

Shloka 2 (yuddha.59.2)

गत्वा तु रक्षोधिपतेः शशंसुः सेनापतिं पावकसूनुशस्तम्। तच्चापि तेषां वचनं निशम्य रक्षोधिपः क्रोधवशं जगाम ॥ 59.2 ॥

gatvā tu rakṣodhipateḥ śaśaṃsuḥ senāpatiṃ pāvakasūnuśastam| taccāpi teṣāṃ vacanaṃ niśamya rakṣodhipaḥ krodhavaśaṃ jagāma || 59.2 ||

Going to the lord of the rakshasas, they told him that his army-commander had been slain by Nila, son of Fire. Hearing their words, the demon-lord fell into a rage.

Shloka 3 (yuddha.59.3)

संख्ये प्रहस्तं निहतं निशम्य क्रोधार्दितः शोकपरीतचेताः। उवाच तान् राक्षसयूथमुख्या- निन्द्रो यथा निर्जरयूथमुख्यान् ॥ 59.3 ॥

saṃkhye prahastaṃ nihataṃ niśamya krodhārditaḥ śokaparītacetāḥ| uvāca tān rākṣasayūthamukhyā- nindro yathā nirjarayūthamukhyān || 59.3 ||

Hearing that Prahasta had been slain in combat, tormented by rage and grief, he addressed the chiefs of the rakshasa hosts, as Indra addresses the chiefs of the gods.

Shloka 4 (yuddha.59.4)

नावज्ञा रिपवे कार्या यैरिन्द्रबलसादनः। सूदितः सैन्यपालो मे सानुयात्रः सकुञ्जरः ॥ 59.4 ॥

nāvajñā ripave kāryā yairindrabalasādanaḥ| sūditaḥ sainyapālo me sānuyātraḥ sakuñjaraḥ || 59.4 ||

"The enemy must never be despised -- by them my army's commander, who could humble even Indra's might, has been slain along with his retinue and his elephants."

Shloka 5 (yuddha.59.5)

सोऽहं रिपुविनाशाय विजयायाविचारयन्। स्वयमेव गमिष्यामि रणशीर्षं तदद्भुतम् ॥ 59.5 ॥

so'haṃ ripuvināśāya vijayāyāvicārayan| svayameva gamiṣyāmi raṇaśīrṣaṃ tadadbhutam || 59.5 ||

"Therefore I myself, without further deliberation, shall go for the destruction of the enemy and for victory, to that wondrous forefront of battle."

Shloka 6 (yuddha.59.6)

अद्य तद् वानरानीकं रामं च सहलक्ष्मणम्। निर्दहिष्यामि बाणौघैर्वनं दीप्तैरिवाग्निभिः। अद्य संतर्पयिष्यामि पृथिवीं कपिशोणितैः ॥ 59.6 ॥

adya tad vānarānīkaṃ rāmaṃ ca sahalakṣmaṇam| nirdahiṣyāmi bāṇaughairvanaṃ dīptairivāgnibhiḥ| adya saṃtarpayiṣyāmi pṛthivīṃ kapiśoṇitaiḥ || 59.6 ||

"Today I shall consume that monkey host, and Rama together with Lakshmana, with floods of arrows, as blazing fires consume a forest. Today I shall satiate the earth with the blood of monkeys."

Shloka 7 (yuddha.59.7)

स एवमुक्त्वा ज्वलनप्रकाशं रथं तुरंगोत्तमराजियुक्तम्। प्रकाशमानं वपुषा ज्वलन्तं समारुरोहामरराजशत्रुः ॥ 59.7 ॥

sa evamuktvā jvalanaprakāśaṃ rathaṃ turaṃgottamarājiyuktam| prakāśamānaṃ vapuṣā jvalantaṃ samārurohāmararājaśatruḥ || 59.7 ||

Having spoken thus, that enemy of the king of the gods mounted his fire-bright chariot, yoked to a row of splendid steeds, itself blazing and radiant.

Shloka 8 (yuddha.59.8)

स शङ्खभेरीपणवप्रणादै- रास्फोटितक्ष्वेडितसिंहनादैः । पुण्यैः स्तवैश्चापि सुपूज्यमान- स्तदा ययौ राक्षसराजमुख्यः ॥ 59.8 ॥

sa śaṅkhabherīpaṇavapraṇādai- rāsphoṭitakṣveḍitasiṃhanādaiḥ | puṇyaiḥ stavaiścāpi supūjyamāna- stadā yayau rākṣasarājamukhyaḥ || 59.8 ||

Then that foremost of rakshasa kings set forth, honored with the blare of conches, drums and cymbals, with the slapping of arms and roars and lion-shouts, and with auspicious hymns of praise.

Shloka 9 (yuddha.59.9)

स शैलजीमूतनिकाशरूपै- र्मांसाशनैः पावकदीप्तनेत्रैः। बभौ वृतो राक्षसराजमुख्यो भूतैर्वृतो रुद्र इवामरेशः ॥ 59.9 ॥

sa śailajīmūtanikāśarūpai- rmāṃsāśanaiḥ pāvakadīptanetraiḥ| babhau vṛto rākṣasarājamukhyo bhūtairvṛto rudra ivāmareśaḥ || 59.9 ||

That foremost of rakshasa kings, surrounded by flesh-eating demons whose forms resembled mountains and clouds, whose eyes blazed like fire, shone forth like Rudra, lord of the immortals, surrounded by his hosts.

Shloka 10 (yuddha.59.10)

ततो नगर्याः सहसा महौजा निष्क्रम्य तद् वानरसैन्यमुग्रम्। महार्णवाभ्रस्तनितं ददर्श समुद्यतं पादपशैलहस्तम् ॥ 59.10 ॥

tato nagaryāḥ sahasā mahaujā niṣkramya tad vānarasainyamugram| mahārṇavābhrastanitaṃ dadarśa samudyataṃ pādapaśailahastam || 59.10 ||

Then, that mighty-vigored one, issuing suddenly forth from the city, beheld the terrible monkey army, thundering like the great ocean or the clouds, standing ready with trees and boulders in hand.

Shloka 11 (yuddha.59.11)

तद् राक्षसानीकमतिप्रचण्ड- मालोक्य रामो भुजगेन्द्रबाहुः। विभीषणं शस्त्रभृतां वरिष्ठ- मुवाच सेनानुगतः पृथुश्रीः ॥ 59.11 ॥

tad rākṣasānīkamatipracaṇḍa- mālokya rāmo bhujagendrabāhuḥ| vibhīṣaṇaṃ śastrabhṛtāṃ variṣṭha- muvāca senānugataḥ pṛthuśrīḥ || 59.11 ||

Seeing that most terrible rakshasa host, Rama, whose arms were like the coils of the king of serpents, glorious and attended by his army, spoke to Vibhishana, foremost of weapon-bearers.

Shloka 12 (yuddha.59.12)

नानापताकाध्वजछत्रजुष्टं प्रासासिशूलायुधशस्त्रजुष्टम्। कस्येदमक्षोभ्यमभीरुजुष्टं सैन्यं महेन्द्रोपमनागजुष्टम् ॥ 59.12 ॥

nānāpatākādhvajachatrajuṣṭaṃ prāsāsiśūlāyudhaśastrajuṣṭam| kasyedamakṣobhyamabhīrujuṣṭaṃ sainyaṃ mahendropamanāgajuṣṭam || 59.12 ||

"Whose is this unshakeable army, filled with many banners, standards and parasols, equipped with lances, swords, tridents and every weapon, manned by the fearless, and thronged with elephants like Mahendra's own?"

Shloka 13 (yuddha.59.13)

ततस्तु रामस्य निशम्य वाक्यं विभीषणः शक्रसमानवीर्यः। शशंस रामस्य बलप्रवेकं महात्मनां राक्षसपुंगवानाम् ॥ 59.13 ॥

tatastu rāmasya niśamya vākyaṃ vibhīṣaṇaḥ śakrasamānavīryaḥ| śaśaṃsa rāmasya balapravekaṃ mahātmanāṃ rākṣasapuṃgavānām || 59.13 ||

Then, hearing Rama's words, Vibhishana, equal in valor to Indra, described to Rama the choicest warriors and great-souled bulls among the rakshasas.

Shloka 14 (yuddha.59.14)

योऽसौ गजस्कन्धगतो महात्मा नवोदितार्कोपमताम्रवक्त्रः। संकम्पयन्नागशिरोऽभ्युपैति ह्यकम्पनं त्वेनमवेहि राजन् ॥ 59.14 ॥

yo'sau gajaskandhagato mahātmā navoditārkopamatāmravaktraḥ| saṃkampayannāgaśiro'bhyupaiti hyakampanaṃ tvenamavehi rājan || 59.14 ||

"That great one seated on an elephant's shoulder, his face copper-red as the newly risen sun, advancing and making the elephant's head shake -- know him, O king, to be Akampana."

Shloka 15 (yuddha.59.15)

योऽसौ रथस्थो मृगराजकेतु- र्धुन्वन् धनुः शक्रधनुःप्रकाशम्। करीव भात्युग्रविवृत्तदंष्ट्रः स इन्द्रजिन्नाम वरप्रधानः ॥ 59.15 ॥

yo'sau rathastho mṛgarājaketu- rdhunvan dhanuḥ śakradhanuḥprakāśam| karīva bhātyugravivṛttadaṃṣṭraḥ sa indrajinnāma varapradhānaḥ || 59.15 ||

"He who stands on a chariot bearing a lion-standard, brandishing a bow bright as Indra's own rainbow, shining fierce with bared tusks like an elephant -- he is named Indrajit, foremost of boon-holders."

Shloka 16 (yuddha.59.16)

यश्चैष विन्ध्यास्तमहेन्द्रकल्पो धन्वी रथस्थोऽतिरथोऽतिवीरः। विस्फारयंश्चापमतुल्यमानं नाम्नातिकायोऽतिविवृद्धकायः ॥ 59.16 ॥

yaścaiṣa vindhyāstamahendrakalpo dhanvī rathastho'tiratho'tivīraḥ| visphārayaṃścāpamatulyamānaṃ nāmnātikāyo'tivivṛddhakāyaḥ || 59.16 ||

"He who, resembling the Vindhya or Mahendra mountain, a bowman upon a chariot, a mighty warrior of surpassing valor, twanging his matchless bow -- his name is Atikaya, of towering frame."

Shloka 17 (yuddha.59.17)

योऽसौ नवार्कोदितताम्रचक्षु- रारुह्य घण्टानिनदप्रणादम्। गजं खरं गर्जति वै महात्मा महोदरो नाम स एष वीरः ॥ 59.17 ॥

yo'sau navārkoditatāmracakṣu- rāruhya ghaṇṭāninadapraṇādam| gajaṃ kharaṃ garjati vai mahātmā mahodaro nāma sa eṣa vīraḥ || 59.17 ||

"He whose eyes are copper-red as the newly risen sun, mounted on a harsh-trumpeting, bell-ringing elephant, roaring -- that great-souled hero is named Mahodara."

Shloka 18 (yuddha.59.18)

योऽसौ हयं काञ्चनचित्रभाण्ड- मारुह्य संध्याभ्रगिरिप्रकाशम्। प्रासं समुद्यम्य मरीचिनद्धं पिशाच एषोऽशनितुल्यवेगः ॥ 59.18 ॥

yo'sau hayaṃ kāñcanacitrabhāṇḍa- māruhya saṃdhyābhragiriprakāśam| prāsaṃ samudyamya marīcinaddhaṃ piśāca eṣo'śanitulyavegaḥ || 59.18 ||

"He who, mounted on a horse decked with brilliant golden trappings and shining like a sunset-hued cloud-mountain, raises aloft a spear ablaze with light -- he is Pishacha, swift as the thunderbolt."

Shloka 19 (yuddha.59.19)

यश्चैष शूलं निशितं प्रगृह्य विद्युत्प्रभं किंकरवज्रवेगम्। वृषेन्द्रमास्थाय शशिप्रकाश- मायाति योऽसौ त्रिशिरा यशस्वी ॥ 59.19 ॥

yaścaiṣa śūlaṃ niśitaṃ pragṛhya vidyutprabhaṃ kiṃkaravajravegam| vṛṣendramāsthāya śaśiprakāśa- māyāti yo'sau triśirā yaśasvī || 59.19 ||

"He who, grasping a sharp trident, lightning-bright and swift as a servant of the thunderbolt, seated upon a moon-bright bull, advances -- that renowned one is Trishira."

Shloka 20 (yuddha.59.20)

असौ च जीमूतनिकाशरूपः कुम्भः पृथुव्यूढसुजातवक्षाः। समाहितः पन्नगराजकेतु- र्विस्फारयन् याति धनुर्विधुन्वन् ॥ 59.20 ॥

asau ca jīmūtanikāśarūpaḥ kumbhaḥ pṛthuvyūḍhasujātavakṣāḥ| samāhitaḥ pannagarājaketu- rvisphārayan yāti dhanurvidhunvan || 59.20 ||

"And that one, cloud-dark of form, broad and well-built of chest, his banner marked with the king of serpents -- that is Kumbha, advancing composed, twanging and brandishing his bow."

Shloka 21 (yuddha.59.21)

यश्चैष जाम्बूनदवज्रजुष्टं दीप्तं सधूमं परिघं प्रगृह्य। आयाति रक्षोबलकेतुभूतो योऽसौ निकुम्भोऽद्भुतघोरकर्मा ॥ 59.21 ॥

yaścaiṣa jāmbūnadavajrajuṣṭaṃ dīptaṃ sadhūmaṃ parighaṃ pragṛhya| āyāti rakṣobalaketubhūto yo'sau nikumbho'dbhutaghorakarmā || 59.21 ||

"He who advances grasping a blazing, smoke-wreathed iron mace, studded with gold and adamant, the very standard of the rakshasa host -- that is Nikumbha, of wondrous and terrible deeds."

Shloka 22 (yuddha.59.22)

यश्चैष चापासिशरौघजुष्टं पताकिनं पावकदीप्तरूपम्। रथं समास्थाय विभात्युदग्रो नरान्तकोऽसौ नगशृङ्गयोधी ॥ 59.22 ॥

yaścaiṣa cāpāsiśaraughajuṣṭaṃ patākinaṃ pāvakadīptarūpam| rathaṃ samāsthāya vibhātyudagro narāntako'sau nagaśṛṅgayodhī || 59.22 ||

"He who, mounted high on a flag-bannered chariot laden with bow, sword and floods of arrows, blazing like fire, shines forth majestic -- that is Narantaka, who fights with mountain-peaks."

Shloka 23 (yuddha.59.23)

यश्चैष नानाविधघोररूपै- र्व्याघ्रोष्ट्रनागेन्द्रमृगाश्ववक्त्रैः । भूतैर्वृतो भाति विवृत्तनेत्रै- र्योऽसौ सुराणामपि दर्पहन्ता ॥ 59.23 ॥

yaścaiṣa nānāvidhaghorarūpai- rvyāghroṣṭranāgendramṛgāśvavaktraiḥ | bhūtairvṛto bhāti vivṛttanetrai- ryo'sau surāṇāmapi darpahantā || 59.23 ||

"He who shines forth surrounded by demons of varied and terrible forms -- with faces of tigers, camels, elephants, deer and horses, and rolling eyes -- he is the very crusher of the pride of the gods."

Shloka 24 (yuddha.59.24)

यत्रैतदिन्दुप्रतिमं विभाति छत्रं सितं सूक्ष्मशलाकमग्र्यम्। अत्रैष रक्षोधिपतिर्महात्मा भूतैर्वृतो रुद्र इवावभाति ॥ 59.24 ॥

yatraitadindupratimaṃ vibhāti chatraṃ sitaṃ sūkṣmaśalākamagryam| atraiṣa rakṣodhipatirmahātmā bhūtairvṛto rudra ivāvabhāti || 59.24 ||

"There, where that moon-white, fine-ribbed, matchless parasol gleams -- there the great-souled lord of the rakshasas, surrounded by his hosts, shines like Rudra himself."

Shloka 25 (yuddha.59.25)

असौ किरीटी चलकुण्डलास्यो नगेन्द्रविन्ध्योपमभीमकायः। महेन्द्रवैवस्वतदर्पहन्ता रक्षोधिपः सूर्य इवावभाति ॥ 59.25 ॥

asau kirīṭī calakuṇḍalāsyo nagendravindhyopamabhīmakāyaḥ| mahendravaivasvatadarpahantā rakṣodhipaḥ sūrya ivāvabhāti || 59.25 ||

"That crowned one, his face adorned with swinging earrings, his terrible frame like the great mountain Vindhya, crusher of the pride of Mahendra and Yama alike -- that lord of the rakshasas shines like the sun."

Shloka 26 (yuddha.59.26)

प्रत्युवाच ततो रामो विभीषणमरिंदमः। अहो दीप्तमहातेजा रावणो राक्षसेश्वरः ॥ 59.26 ॥

pratyuvāca tato rāmo vibhīṣaṇamariṃdamaḥ| aho dīptamahātejā rāvaṇo rākṣaseśvaraḥ || 59.26 ||

Then Rama, subduer of foes, replied to Vibhishana: "Ah, how blazing is the great splendor of Ravana, lord of the rakshasas!"

Shloka 27 (yuddha.59.27)

आदित्य इव दुष्प्रेक्ष्यो रश्मिभिर्भाति रावणः। न व्यक्तं लक्षये ह्यस्य रूपं तेजःसमावृतम् ॥ 59.27 ॥

āditya iva duṣprekṣyo raśmibhirbhāti rāvaṇaḥ| na vyaktaṃ lakṣaye hyasya rūpaṃ tejaḥsamāvṛtam || 59.27 ||

"Ravana shines forth, hard to gaze upon, like the sun with its rays; I cannot clearly make out his form, so wrapped is it in splendor."

Shloka 28 (yuddha.59.28)

देवदानववीराणां वपुर्नैवंविधं भवेत्। यादृशं राक्षसेन्द्रस्य वपुरेतद् विराजते ॥ 59.28 ॥

devadānavavīrāṇāṃ vapurnaivaṃvidhaṃ bhavet| yādṛśaṃ rākṣasendrasya vapuretad virājate || 59.28 ||

"Not even among the heroes of gods and danavas would such a form be found, as this form of the rakshasa lord that shines before us."

Shloka 29 (yuddha.59.29)

सर्वे पर्वतसंकाशाः सर्वे पर्वतयोधिनः। सर्वे दीप्तायुधधरा योधास्तस्य महात्मनः ॥ 59.29 ॥

sarve parvatasaṃkāśāḥ sarve parvatayodhinaḥ| sarve dīptāyudhadharā yodhāstasya mahātmanaḥ || 59.29 ||

"All his warriors resemble mountains, all fight with mountains as weapons, all bear blazing arms -- this great-souled one's soldiers."

Shloka 30 (yuddha.59.30)

विभाति रक्षोराजोऽसौ प्रदीप्तैर्भीमदर्शनैः। भूतैः परिवृतस्तीक्ष्णैर्देहवद्भिरिवान्तकः ॥ 59.30 ॥

vibhāti rakṣorājo'sau pradīptairbhīmadarśanaiḥ| bhūtaiḥ parivṛtastīkṣṇairdehavadbhirivāntakaḥ || 59.30 ||

"That king of rakshasas shines forth, surrounded by blazing, terrible-looking, fierce demons, like Death himself given bodily form."

Shloka 31 (yuddha.59.31)

दिष्ट्यायमद्य पापात्मा मम दृष्टिपथं गतः। अद्य क्रोधं विमोक्ष्यामि सीताहरणसम्भवम् ॥ 59.31 ॥

diṣṭyāyamadya pāpātmā mama dṛṣṭipathaṃ gataḥ| adya krodhaṃ vimokṣyāmi sītāharaṇasambhavam || 59.31 ||

"By good fortune this evil-souled one has today come within my sight. Today I shall release the wrath born of Sita's abduction."

Shloka 32 (yuddha.59.32)

एवमुक्त्वा ततो रामो धनुरादाय वीर्यवान्। लक्ष्मणानुचरस्तस्थौ समुद्धृत्य शरोत्तमम् ॥ 59.32 ॥

evamuktvā tato rāmo dhanurādāya vīryavān| lakṣmaṇānucarastasthau samuda‍dhṛtya śarottamam || 59.32 ||

Having spoken thus, the valiant Rama, taking up his bow and drawing forth his finest arrow, stood with Lakshmana at his side.

Shloka 33 (yuddha.59.33)

ततः स रक्षोधिपतिर्महात्मा रक्षांसि तान्याह महाबलानि। द्वारेषु चर्यागृहगोपुरेषु सुनिर्वृतास्तिष्ठत निर्विशङ्काः ॥ 59.33 ॥

tataḥ sa rakṣodhipatirmahātmā rakṣāṃsi tānyāha mahābalāni| dvāreṣu caryāgṛhagopureṣu sunirvṛtāstiṣṭhata nirviśaṅkāḥ || 59.33 ||

Then that great-souled lord of the rakshasas said to those mighty demons: "Remain calmly, without fear, at the gates, the patrol-posts, the houses, and the towers."

Shloka 34 (yuddha.59.34)

इहागतं मां सहितं भवद्भि- र्वनौकसश्छिद्रमिदं विदित्वा। शून्यां पुरीं दुष्प्रसहां प्रमथ्य प्रधर्षयेयुः सहसा समेताः ॥ 59.34 ॥

ihāgataṃ māṃ sahitaṃ bhavadbhi- rvanaukasaśchidramidaṃ viditvā| śūnyāṃ purīṃ duṣprasahāṃ pramathya pradharṣayeyuḥ sahasā sametāḥ || 59.34 ||

"For if the forest-dwellers learn that I have come here accompanied by you, they might, seizing this opportunity, together suddenly overwhelm and violate our now-empty and hitherto-unassailable city."

Shloka 35 (yuddha.59.35)

विसर्जयित्वा सचिवांस्ततस्तान् गतेषु रक्षःसु यथानियोगम्। व्यदारयद् वानरसागरौघं महाझषः पूर्णमिवार्णवौघम् ॥ 59.35 ॥

visarjayitvā sacivāṃstatastān gateṣu rakṣaḥsu yathāniyogam| vyadārayad vānarasāgaraughaṃ mahājhaṣaḥ pūrṇamivārṇavaugham || 59.35 ||

Having thus dismissed those counsellors, and when the rakshasas had gone each to his assigned post, he tore into the ocean-like flood of monkeys, as a great sea-monster tears into the full flood of the ocean.

Shloka 36 (yuddha.59.36)

तमापतन्तं सहसा समीक्ष्य दीप्तेषुचापं युधि राक्षसेन्द्रम्। महत् समुत्पाट्य महीधराग्रं दुद्राव रक्षोधिपतिं हरीशः ॥ 59.36 ॥

tamāpatantaṃ sahasā samīkṣya dīpteṣucāpaṃ yudhi rākṣasendram| mahat samutpāṭya mahīdharāgraṃ dudrāva rakṣodhipatiṃ harīśaḥ || 59.36 ||

Seeing that lord of the rakshasas suddenly rushing on in battle, his bow and arrows ablaze, the lord of the monkeys tore up a huge mountain-peak and charged at that rakshasa lord.

Shloka 37 (yuddha.59.37)

तच्छैलशृङ्गं बहुवृक्षसानुं प्रगृह्य चिक्षेप निशाचराय। तमापतन्तं सहसा समीक्ष्य चिच्छेद बाणैस्तपनीयपुङ्खैः ॥ 59.37 ॥

tacchailaśṛṅgaṃ bahuvṛkṣasānuṃ pragṛhya cikṣepa niśācarāya| tamāpatantaṃ sahasā samīkṣya ciccheda bāṇaistapanīyapuṅkhaiḥ || 59.37 ||

Seizing that mountain-peak, thick with trees upon its ridges, he hurled it at the night-ranger. Seeing it suddenly hurtling toward him, Ravana shattered it with gold-shafted arrows.

Shloka 38 (yuddha.59.38)

तस्मिन् प्रवृद्धोत्तमसानुवृक्षे शृङ्गे विदीर्णे पतिते पृथिव्याम्। महाहिकल्पं शरमन्तकाभं समादधे राक्षसलोकनाथः ॥ 59.38 ॥

tasmin pravṛddhottamasānuvṛkṣe śṛṅge vidīrṇe patite pṛthivyām| mahāhikalpaṃ śaramantakābhaṃ samādadhe rākṣasalokanāthaḥ || 59.38 ||

When that great peak, with its lofty ridges and trees, lay shattered and fallen upon the earth, the lord of the rakshasa realm fitted to his bow an arrow like a great serpent, resembling Death itself.

Shloka 39 (yuddha.59.39)

स तं गृहीत्वानिलतुल्यवेगं सविस्फुलिङ्गज्वलनप्रकाशम्। बाणं महेन्द्राशनितुल्यवेगं चिक्षेप सुग्रीववधाय रुष्टः ॥ 59.39 ॥

sa taṃ gṛhītvānilatulyavegaṃ savisphuliṅgajvalanaprakāśam| bāṇaṃ mahendrāśanitulyavegaṃ cikṣepa sugrīvavadhāya ruṣṭaḥ || 59.39 ||

Taking up that arrow, swift as the wind, blazing bright with sparks of fire, swift as Indra's own thunderbolt, he, enraged, hurled it for the destruction of Sugriva.

Shloka 40 (yuddha.59.40)

स सायको रावणबाहुमुक्तः शक्राशनिप्रख्यवपुःप्रकाशम्। सुग्रीवमासाद्य बिभेद वेगाद् गुहेरिता क्रौञ्चमिवोग्रशक्तिः ॥ 59.40 ॥

sa sāyako rāvaṇabāhumuktaḥ śakrāśaniprakhyavapuḥprakāśam| sugrīvamāsādya bibheda vegād guheritā krauñcamivograśaktiḥ || 59.40 ||

That shaft, loosed from Ravana's arm, radiant of form like Indra's thunderbolt, reaching Sugriva, pierced him with its force, as a fierce dart hurled by Guha once pierced the Krauncha mountain.

Shloka 41 (yuddha.59.41)

स सायकार्तो विपरीतचेताः कूजन् पृथिव्यां निपपात वीरः। तं वीक्ष्य भूमौ पतितं विसंज्ञं नेदुः प्रहृष्टा युधि यातुधानाः ॥ 59.41 ॥

sa sāyakārto viparītacetāḥ kūjan pṛthivyāṃ nipapāta vīraḥ| taṃ vīkṣya bhūmau patitaṃ visaṃjñaṃ neduḥ prahṛṣṭā yudhi yātudhānāḥ || 59.41 ||

That hero, pained by the shaft, his senses reeling, fell groaning upon the earth. Seeing him fallen, senseless, on the ground, the demons in battle roared out in delight.

Shloka 42 (yuddha.59.42)

ततो गवाक्षो गवयः सुषेण- स्त्वथर्षभो ज्योतिमुखो नलश्च। शैलान् समुत्पाट्य विवृद्धकायाः प्रदुद्रुवुस्तं प्रति राक्षसेन्द्रम् ॥ 59.42 ॥

tato gavākṣo gavayaḥ suṣeṇa- stvatharṣabho jyotimukho nalaśca| śailān samutpāṭya vivṛddhakāyāḥ pradudruvustaṃ prati rākṣasendram || 59.42 ||

Then Gavaksha, Gavaya, Sushena, Rishabha, Jyotimukha and Nala, their bodies swelling in fury, tore up mountains and charged at that rakshasa lord.

Shloka 43 (yuddha.59.43)

तेषां प्रहारान् स चकार मोघान् रक्षोधिपो बाणशतैः शिताग्रैः। तान् वानरेन्द्रानपि बाणजालै- र्बिभेद जाम्बूनदचित्रपुङ्खैः ॥ 59.43 ॥

teṣāṃ prahārān sa cakāra moghān rakṣodhipo bāṇaśataiḥ śitāgraiḥ| tān vānarendrānapi bāṇajālai- rbibheda jāmbūnadacitrapuṅkhaiḥ || 59.43 ||

That lord of the rakshasas rendered their blows vain with hundreds of sharp-tipped arrows, and pierced those monkey chiefs too with networks of shafts fletched in bright gold.

Shloka 44 (yuddha.59.44)

ते वानरेन्द्रास्त्रिदशारिबाणै- र्भिन्ना निपेतुर्भुवि भीमकायाः। ततस्तु तद् वानरसैन्यमुग्रं प्रच्छादयामास स बाणजालैः ॥ 59.44 ॥

te vānarendrāstridaśāribāṇai- rbhinnā nipeturbhuvi bhīmakāyāḥ| tatastu tad vānarasainyamugraṃ pracchādayāmāsa sa bāṇajālaiḥ || 59.44 ||

Those monkey chiefs, their terrible bodies pierced by the enemy-of-the-gods' arrows, fell to the earth. Then he covered that formidable monkey army with networks of arrows.

Shloka 45 (yuddha.59.45)

ते वध्यमानाः पतिताश्च वीरा नानद्यमाना भयशल्यविद्धाः। शाखामृगा रावणसायकार्ता जग्मुः शरण्यं शरणं स्म रामम् ॥ 59.45 ॥

te vadhyamānāḥ patitāśca vīrā nānadyamānā bhayaśalyaviddhāḥ| śākhāmṛgā rāvaṇasāyakārtā jagmuḥ śaraṇyaṃ śaraṇaṃ sma rāmam || 59.45 ||

Those heroic monkeys, being slain and falling, crying out, pierced by the shaft of fear, tormented by Ravana's arrows, went for refuge to Rama, the refuge-giver.

Shloka 46 (yuddha.59.46)

ततो महात्मा स धनुर्धनुष्मा- नादाय रामः सहसा जगाम। तं लक्ष्मणः प्राञ्जलिरभ्युपेत्य उवाच रामं परमार्थयुक्तम् ॥ 59.46 ॥

tato mahātmā sa dhanurdhanuṣmā- nādāya rāmaḥ sahasā jagāma| taṃ lakṣmaṇaḥ prāñjalirabhyupetya uvāca rāmaṃ paramārthayuktam || 59.46 ||

Then that great-souled bowman Rama, taking up his bow, moved forward swiftly. Lakshmana, approaching him with joined palms, spoke words full of deep purpose to Rama.

Shloka 47 (yuddha.59.47)

काममार्य सुपर्याप्तो वधायास्य दुरात्मनः। विधमिष्याम्यहं चैतमनुजानीहि मां विभो ॥ 59.47 ॥

kāmamārya suparyāpto vadhāyāsya durātmanaḥ| vidhamiṣyāmyahaṃ caitamanujānīhi māṃ vibho || 59.47 ||

"Noble one, I am indeed fully capable of slaying this evil-souled one; I shall destroy him -- only give me your leave, O lord."

Shloka 48 (yuddha.59.48)

तमब्रवीन्महातेजा रामः सत्यपराक्रमः। गच्छ यत्नपरश्चापि भव लक्ष्मण संयुगे ॥ 59.48 ॥

tamabravīnmahātejā rāmaḥ satyaparākramaḥ| gaccha yatnaparaścāpi bhava lakṣmaṇa saṃyuge || 59.48 ||

The mighty-splendored Rama of true valor said to him: "Go, Lakshmana, but be exceedingly careful in this combat."

Shloka 49 (yuddha.59.49)

रावणो हि महावीर्यो रणेऽद्भुतपराक्रमः। त्रैलोक्येनापि संक्रुद्धो दुष्प्रसह्यो न संशयः ॥ 59.49 ॥

rāvaṇo hi mahāvīryo raṇe'dbhutaparākramaḥ| trailokyenāpi saṃkruddho duṣprasahyo na saṃśayaḥ || 59.49 ||

"For Ravana is of great might, of wondrous prowess in battle; enraged, he is unbearable even to the three worlds combined -- of this there is no doubt."

Shloka 50 (yuddha.59.50)

तस्यच्छिद्राणि मार्गस्व स्वच्छिद्राणि च लक्षय। चक्षुषा धनुषाऽऽत्मानं गोपायस्व समाहितः ॥ 59.50 ॥

tasyacchidrāṇi mārgasva svacchidrāṇi ca lakṣaya| cakṣuṣā dhanuṣā''tmānaṃ gopāyasva samāhitaḥ || 59.50 ||

"Seek out his weaknesses, and mark your own; with your eye and your bow, guard yourself with utmost care."

Shloka 51 (yuddha.59.51)

राघवस्य वचः श्रुत्वा सम्परिष्वज्य पूज्य च। अभिवाद्य च रामाय ययौ सौमित्रिराहवे ॥ 59.51 ॥

rāghavasya vacaḥ śrutvā sampariṣvajya pūjya ca| abhivādya ca rāmāya yayau saumitrirāhave || 59.51 ||

Hearing Raghava's words, and having embraced and honored him, and bowed to Rama, Lakshmana went forth into battle.

Shloka 52 (yuddha.59.52)

स रावणं वारणहस्तबाहुं ददर्श भीमोद्यतदीप्तचापम्। प्रच्छादयन्तं शरवृष्टिजालै- स्तान् वानरान् भिन्नविकीर्णदेहान् ॥ 59.52 ॥

sa rāvaṇaṃ vāraṇahastabāhuṃ dadarśa bhīmodyatadīptacāpam| pracchādayantaṃ śaravṛṣṭijālai- stān vānarān bhinnavikīrṇadehān || 59.52 ||

He saw Ravana, his arms like an elephant's trunk, his terrible bow raised and blazing, covering with nets of arrow-showers those monkeys with their bodies pierced and scattered.

Shloka 53 (yuddha.59.53)

तमालोक्य महातेजा हनूमान् मारुतात्मजः। निवार्य शरजालानि विदुद्राव स रावणम् ॥ 59.53 ॥

tamālokya mahātejā hanūmān mārutātmajaḥ| nivārya śarajālāni vidudrāva sa rāvaṇam || 59.53 ||

Seeing him, the mighty-splendored Hanuman, son of the Wind, warding off the nets of arrows, rushed at Ravana.

Shloka 54 (yuddha.59.54)

रथं तस्य समासाद्य बाहुमुद्यम्य दक्षिणम्। त्रासयन् रावणं धीमान् हनूमान् वाक्यमब्रवीत् ॥ 59.54 ॥

rathaṃ tasya samāsādya bāhumudyamya dakṣiṇam| trāsayan rāvaṇaṃ dhīmān hanūmān vākyamabravīt || 59.54 ||

Reaching his chariot, and raising his right arm, the wise Hanuman, striking terror into Ravana, spoke these words.

Shloka 55 (yuddha.59.55)

देवदानवगन्धर्वैर्यक्षैश्च सह राक्षसैः। अवध्यत्वं त्वया प्राप्तं वानरेभ्यस्तु ते भयम् ॥ 59.55 ॥

devadānavagandharvairyakṣaiśca saha rākṣasaiḥ| avadhyatvaṃ tvayā prāptaṃ vānarebhyastu te bhayam || 59.55 ||

"You have won invulnerability against gods, danavas, gandharvas, yakshas, and rakshasas alike; but from monkeys, you have reason to fear."

Shloka 56 (yuddha.59.56)

एष मे दक्षिणो बाहुः पञ्चशाखः समुद्यतः। विधमिष्यति ते देहे भूतात्मानं चिरोषितम् ॥ 59.56 ॥

eṣa me dakṣiṇo bāhuḥ pañcaśākhaḥ samudyataḥ| vidhamiṣyati te dehe bhūtātmānaṃ ciroṣitam || 59.56 ||

"This right arm of mine, its five fingers raised, shall drive from your body the vital breath that has dwelt there so long."

Shloka 57 (yuddha.59.57)

श्रुत्वा हनूमतो वाक्यं रावणो भीमविक्रमः। संरक्तनयनः क्रोधादिदं वचनमब्रवीत् ॥ 59.57 ॥

śrutvā hanūmato vākyaṃ rāvaṇo bhīmavikramaḥ| saṃraktanayanaḥ krodhādidaṃ vacanamabravīt || 59.57 ||

Hearing Hanuman's words, Ravana of terrible prowess, his eyes reddened with fury, spoke this reply.

Shloka 58 (yuddha.59.58)

क्षिप्रं प्रहर निःशङ्कं स्थिरां कीर्तिमवाप्नुहि। ततस्त्वां ज्ञातविक्रान्तं नाशयिष्यामि वानर ॥ 59.58 ॥

kṣipraṃ prahara niḥśaṅkaṃ sthirāṃ kīrtimavāpnuhi| tatastvāṃ jñātavikrāntaṃ nāśayiṣyāmi vānara || 59.58 ||

"Strike quickly, without hesitation, and win lasting fame. Then, once your prowess is known, I shall destroy you, O monkey."

Shloka 59 (yuddha.59.59)

रावणस्य वचः श्रुत्वा वायुसूनुर्वचोऽब्रवीत्। प्रहतं हि मया पूर्वमक्षं तव सुतं स्मर ॥ 59.59 ॥

rāvaṇasya vacaḥ śrutvā vāyusūnurvaco'bravīt| prahataṃ hi mayā pūrvamakṣaṃ tava sutaṃ smara || 59.59 ||

Hearing Ravana's words, the son of the Wind spoke: "Remember, I have already slain your son Aksha before this."

Shloka 60 (yuddha.59.60)

एवमुक्तो महातेजा रावणो राक्षसेश्वरः। आजघानानिलसुतं तलेनोरसि वीर्यवान् ॥ 59.60 ॥

evamukto mahātejā rāvaṇo rākṣaseśvaraḥ| ājaghānānilasutaṃ talenorasi vīryavān || 59.60 ||

Thus addressed, the mighty-splendored Ravana, lord of the rakshasas, valiant, struck the son of the Wind on the chest with his open palm.

Shloka 61 (yuddha.59.61)

स तलाभिहतस्तेन चचाल च मुहुर्मुहुः। स्थितो मुहूर्तं तेजस्वी स्थैर्यं कृत्वा महामतिः ॥ 59.61 ॥

sa talābhihatastena cacāla ca muhurmuhuḥ| sthito muhūrtaṃ tejasvī sthairyaṃ kṛtvā mahāmatiḥ || 59.61 ||

Struck by that slap, he reeled again and again. Then, the splendorous and wise one, steadying himself, stood firm for a moment.

Shloka 62 (yuddha.59.62)

आजघान च संक्रुद्धस्तलेनैवामरद्विषम्। ततः स तेनाभिहतो वानरेण महात्मना ॥ 59.62 ॥

ājaghāna ca saṃkruddhastalenaivāmaradviṣam| tataḥ sa tenābhihato vānareṇa mahātmanā || 59.62 ||

And, greatly enraged, he struck that enemy of the gods with a slap in return. Struck by that great-souled monkey --

Shloka 63 (yuddha.59.63)

दशग्रीवः समाधूतो यथा भूमितलेऽचलः। संग्रामे तं तथा दृष्ट्वा रावणं तलताडितम् ॥ 59.63 ॥

daśagrīvaḥ samādhūto yathā bhūmitale'calaḥ| saṃgrāme taṃ tathā dṛṣṭvā rāvaṇaṃ talatāḍitam || 59.63 ||

-- ten-necked Ravana reeled, like a mountain shaken upon the earth. Seeing Ravana thus struck and reeling in that battle --

Shloka 64 (yuddha.59.64)

ऋषयो वानराः सिद्धा नेदुर्देवाः सहासुरैः। अथाश्वस्य महातेजा रावणो वाक्यमब्रवीत् ॥ 59.64 ॥

ṛṣayo vānarāḥ siddhā nedurdevāḥ sahāsuraiḥ| athāśvasya mahātejā rāvaṇo vākyamabravīt || 59.64 ||

-- the sages, monkeys, siddhas, and gods together with the asuras cried out. Then, having recovered his breath, the mighty-splendored Ravana spoke these words.

Shloka 65 (yuddha.59.65)

साधु वानर वीर्येण श्लाघनीयोऽसि मे रिपुः। रावणेनैवमुक्तस्तु मारुतिर्वाक्यमब्रवीत् ॥ 59.65 ॥

sādhu vānara vīryeṇa ślāghanīyo'si me ripuḥ| rāvaṇenaivamuktastu mārutirvākyamabravīt || 59.65 ||

"Well done, monkey! By your valor you are a foe worthy of praise." Thus addressed by Ravana, the son of the Wind replied.

Shloka 66 (yuddha.59.66)

धिगस्तु मम वीर्यस्य यत् त्वं जीवसि रावण। सकृत् तु प्रहरेदानीं दुर्बुद्धे किं विकत्थसे ॥ 59.66 ॥

dhigastu mama vīryasya yat tvaṃ jīvasi rāvaṇa| sakṛt tu praharedānīṃ durbuddhe kiṃ vikatthase || 59.66 ||

"Shame on my own valor, Ravana, that you still live! Strike me now with all your force -- why do you boast, O foolish one?"

Shloka 67 (yuddha.59.67)

ततस्त्वां मामको मुष्टिर्नयिष्यति यमक्षयम्। ततो मारुतिवाक्येन कोपस्तस्य प्रजज्वले ॥ 59.67 ॥

tatastvāṃ māmako muṣṭirnayiṣyati yamakṣayam| tato mārutivākyena kopastasya prajajvale || 59.67 ||

"Then my fist shall send you to Yama's abode!" At Maruti's words, his fury blazed up.

Shloka 68 (yuddha.59.68)

संरक्तनयनो यत्नान्मुष्टिमावृत्य दक्षिणम्। पातयामास वेगेन वानरोरसि वीर्यवान् ॥ 59.68 ॥

saṃraktanayano yatnānmuṣṭimāvṛtya dakṣiṇam| pātayāmāsa vegena vānarorasi vīryavān || 59.68 ||

His eyes reddened, he clenched his right fist with effort, and, valiant, brought it down with force upon the monkey's chest.

Shloka 69 (yuddha.59.69)

हनूमान् वक्षसि व्यूढे संचचाल पुनः पुनः। विह्वलं तु तदा दृष्ट्वा हनूमन्तं महाबलम् ॥ 59.69 ॥

hanūmān vakṣasi vyūḍhe saṃcacāla punaḥ punaḥ| vihvalaṃ tu tadā dṛṣṭvā hanūmantaṃ mahābalam || 59.69 ||

Hanuman, struck upon his broad chest, reeled again and again. Seeing the mighty Hanuman thus shaken --

Shloka 70 (yuddha.59.70)

रथेनातिरथः शीघ्रं नीलं प्रति समभ्यगात्। राक्षसानामधिपतिर्दशग्रीवः प्रतापवान् ॥ 59.70 ॥

rathenātirathaḥ śīghraṃ nīlaṃ prati samabhyagāt| rākṣasānāmadhipatirdaśagrīvaḥ pratāpavān || 59.70 ||

-- the mighty charioteer, the powerful ten-necked lord of the rakshasas, swiftly turned his chariot toward Nila.

Shloka 71 (yuddha.59.71)

पन्नगप्रतिमैर्भीमैः परमर्माभिभेदनैः। शरैरादीपयामास नीलं हरिचमूपतिम् ॥ 59.71 ॥

pannagapratimairbhīmaiḥ paramarmābhibhedanaiḥ| śarairādīpayāmāsa nīlaṃ haricamūpatim || 59.71 ||

With terrible, serpent-like arrows that pierced to the vital core, he set ablaze Nila, the commander of the monkey host.

Shloka 72 (yuddha.59.72)

स शरौघसमायस्तो नीलो हरिचमूपतिः। करेणैकेन शैलाग्रं रक्षोधिपतयेऽसृजत् ॥ 59.72 ॥

sa śaraughasamāyasto nīlo haricamūpatiḥ| kareṇaikena śailāgraṃ rakṣodhipataye'sṛjat || 59.72 ||

Nila, commander of the monkey host, overwhelmed by that flood of arrows, hurled a mountain-peak with one hand at the lord of the rakshasas.

Shloka 73 (yuddha.59.73)

हनूमानपि तेजस्वी समाश्वस्तो महामनाः। विप्रेक्षमाणो युद्धेप्सुः सरोषमिदमब्रवीत् ॥ 59.73 ॥

hanūmānapi tejasvī samāśvasto mahāmanāḥ| viprekṣamāṇo yuddhepsuḥ saroṣamidamabravīt || 59.73 ||

Hanuman too, splendorous and great-minded, having recovered, watching intently and eager for battle, spoke these words in anger.

Shloka 74 (yuddha.59.74)

नीलेन सह संयुक्तं रावणं राक्षसेश्वरम्। अन्येन युध्यमानस्य न युक्तमभिधावनम् ॥ 59.74 ॥

nīlena saha saṃyuktaṃ rāvaṇaṃ rākṣaseśvaram| anyena yudhyamānasya na yuktamabhidhāvanam || 59.74 ||

"It is not proper for another to rush in against Ravana, lord of the rakshasas, while he is already engaged in combat with Nila."

Shloka 75 (yuddha.59.75)

रावणोऽथ महातेजास्तं शृङ्गं सप्तभिः शरैः। आजघान सुतीक्ष्णाग्रैस्तद् विकीर्णं पपात ह ॥ 59.75 ॥

rāvaṇo'tha mahātejāstaṃ śṛṅgaṃ saptabhiḥ śaraiḥ| ājaghāna sutīkṣṇāgraistad vikīrṇaṃ papāta ha || 59.75 ||

Then the mighty-splendored Ravana struck that mountain-peak with seven extremely sharp-tipped arrows, and it shattered and fell.

Shloka 76 (yuddha.59.76)

तद् विकीर्णं गिरेः शृङ्गं दृष्ट्वा हरिचमूपतिः। कालाग्निरिव जज्वाल कोपेन परवीरहा ॥ 59.76 ॥

tad vikīrṇaṃ gireḥ śṛṅgaṃ dṛṣṭvā haricamūpatiḥ| kālāgniriva jajvāla kopena paravīrahā || 59.76 ||

Seeing that mountain-peak shattered, the commander of the monkey host, slayer of enemy heroes, blazed up with fury like the fire of doomsday.

Shloka 77 (yuddha.59.77)

सोऽश्वकर्णद्रुमान् शालांश्चूतांश्चापि सुपुष्पितान्। अन्यांश्च विविधान् वृक्षान् नीलश्चिक्षेप संयुगे ॥ 59.77 ॥

so'śvakarṇadrumān śālāṃścūtāṃścāpi supuṣpitān| anyāṃśca vividhān vṛkṣān nīlaścikṣepa saṃyuge || 59.77 ||

Nila hurled Ashvakarna trees, Sal trees, richly blossoming mango trees, and other trees of every kind into that battle.

Shloka 78 (yuddha.59.78)

स तान् वृक्षान् समासाद्य प्रतिचिच्छेद रावणः। अभ्यवर्षच्च घोरेण शरवर्षेण पावकिम् ॥ 59.78 ॥

sa tān vṛkṣān samāsādya praticiccheda rāvaṇaḥ| abhyavarṣacca ghoreṇa śaravarṣeṇa pāvakim || 59.78 ||

Ravana, as those trees reached him, cut them all down, and rained a terrible shower of arrows upon the son of Fire.

Shloka 79 (yuddha.59.79)

अभिवृष्टः शरौघेण मेघेनेव महाचलः। ह्रस्वं कृत्वा ततो रूपं ध्वजाग्रे निपपात ह ॥ 59.79 ॥

abhivṛṣṭaḥ śaraugheṇa megheneva mahācalaḥ| hrasvaṃ kṛtvā tato rūpaṃ dhvajāgre nipapāta ha || 59.79 ||

Rained upon by that flood of arrows as a great mountain is rained upon by a cloud, he shrank his form small and alighted upon the tip of Ravana's banner.

Shloka 80 (yuddha.59.80)

पावकात्मजमालोक्य ध्वजाग्रे समवस्थितम्। जज्वाल रावणः क्रोधात् ततो नीलो ननाद च ॥ 59.80 ॥

pāvakātmajamālokya dhvajāgre samavasthitam| jajvāla rāvaṇaḥ krodhāt tato nīlo nanāda ca || 59.80 ||

Seeing the son of Fire perched upon the tip of his banner, Ravana blazed with fury, and Nila then let out a roar.

Shloka 81 (yuddha.59.81)

ध्वजाग्रे धनुषश्चाग्रे किरीटाग्रे च तं हरिम्। लक्ष्मणोऽथ हनूमांश्च रामश्चापि सुविस्मिताः ॥ 59.81 ॥

dhvajāgre dhanuṣaścāgre kirīṭāgre ca taṃ harim| lakṣmaṇo'tha hanūmāṃśca rāmaścāpi suvismitāḥ || 59.81 ||

Lakshmana, Hanuman, and Rama, all three, watched in great astonishment as that monkey darted from the banner's tip, to the bow's tip, to the very tip of the crown.

Shloka 82 (yuddha.59.82)

रावणोऽपि महातेजाः कपिलाघवविस्मितः। अस्त्रमाहारयामास दीप्तमाग्नेयमद्भुतम् ॥ 59.82 ॥

rāvaṇo'pi mahātejāḥ kapilāghavavismitaḥ| astramāhārayāmāsa dīptamāgneyamadbhutam || 59.82 ||

Ravana too, mighty-splendored, astonished at the monkey's agility, invoked the blazing and wondrous Agneya weapon.

Shloka 83 (yuddha.59.83)

ततस्ते चुक्रुशुर्हृष्टा लब्धलक्षाः प्लवंगमाः। नीललाघवसम्भ्रान्तं दृष्ट्वा रावणमाहवे ॥ 59.83 ॥

tataste cukruśurhṛṣṭā labdhalakṣāḥ plavaṃgamāḥ| nīlalāghavasambhrāntaṃ dṛṣṭvā rāvaṇamāhave || 59.83 ||

Then, delighted, the monkeys, seeing their opportunity, cried out joyously, seeing Ravana bewildered by Nila's agility in that battle.

Shloka 84 (yuddha.59.84)

वानराणां च नादेन संरब्धो रावणस्तदा। सम्भ्रमाविष्टहृदयो न किंचित् प्रत्यपद्यत ॥ 59.84 ॥

vānarāṇāṃ ca nādena saṃrabdho rāvaṇastadā| sambhramāviṣṭahṛdayo na kiṃcit pratyapadyata || 59.84 ||

Enraged by the monkeys' roaring, Ravana, his heart seized with confusion, could not decide upon any course.

Shloka 85 (yuddha.59.85)

आग्नेयेनापि संयुक्तं गृहीत्वा रावणः शरम्। ध्वजशीर्षस्थितं नीलमुदैक्षत निशाचरः ॥ 59.85 ॥

āgneyenāpi saṃyuktaṃ gṛhītvā rāvaṇaḥ śaram| dhvajaśīrṣasthitaṃ nīlamudaikṣata niśācaraḥ || 59.85 ||

Taking up an arrow charged with the Agneya weapon, the night-ranger Ravana gazed upon Nila, seated atop his banner.

Shloka 86 (yuddha.59.86)

ततोऽब्रवीन्महातेजा रावणो राक्षसेश्वरः। कपे लाघवयुक्तोऽसि मायया परया सह ॥ 59.86 ॥

tato'bravīnmahātejā rāvaṇo rākṣaseśvaraḥ| kape lāghavayukto'si māyayā parayā saha || 59.86 ||

Then the mighty-splendored Ravana, lord of the rakshasas, said: "Monkey, you are skilled indeed in agility, joined with the highest illusion."

Shloka 87 (yuddha.59.87)

जीवितं खलु रक्षस्व यदि शक्तोऽसि वानर। तानि तान्यात्मरूपाणि सृजसि त्वमनेकशः ॥ 59.87 ॥

jīvitaṃ khalu rakṣasva yadi śakto'si vānara| tāni tānyātmarūpāṇi sṛjasi tvamanekaśaḥ || 59.87 ||

"Guard your life now if you are able, O monkey, though you conjure so many forms of yourself in various ways."

Shloka 88 (yuddha.59.88)

तथापि त्वां मया मुक्तः सायकोऽस्त्रप्रयोजितः। जीवितं परिरक्षन्तं जीविताद् भ्रंशयिष्यति ॥ 59.88 ॥

tathāpi tvāṃ mayā muktaḥ sāyako'straprayojitaḥ| jīvitaṃ parirakṣantaṃ jīvitād bhraṃśayiṣyati || 59.88 ||

"Even so, this arrow, charged with a weapon and loosed by me, shall strip you of life even as you strive to guard it."

Shloka 89 (yuddha.59.89)

एवमुक्त्वा महाबाहू रावणो राक्षसेश्वरः। संधाय बाणमस्त्रेण चमूपतिमताडयत् ॥ 59.89 ॥

evamuktvā mahābāhū rāvaṇo rākṣaseśvaraḥ| saṃdhāya bāṇamastreṇa camūpatimatāḍayat || 59.89 ||

Having spoken thus, the mighty-armed Ravana, lord of the rakshasas, fitted the weapon-charged arrow and struck the army-commander.

Shloka 90 (yuddha.59.90)

सोऽस्त्रमुक्तेन बाणेन नीलो वक्षसि ताडितः। निर्दह्यमानः सहसा स पपात महीतले ॥ 59.90 ॥

so'stramuktena bāṇena nīlo vakṣasi tāḍitaḥ| nirdahyamānaḥ sahasā sa papāta mahītale || 59.90 ||

Struck on the chest by that weapon-loosed arrow, Nila, suddenly burning, fell to the ground.

Shloka 91 (yuddha.59.91)

पितृमाहात्म्यसंयोगादात्मनश्चापि तेजसा। जानुभ्यामपतद् भूमौ न तु प्राणैर्वियुज्यत ॥ 59.91 ॥

pitṛmāhātmyasaṃyogādātmanaścāpi tejasā| jānubhyāmapatad bhūmau na tu prāṇairviyujyata || 59.91 ||

Through the greatness of his father's power, joined with his own inborn splendor, he fell to the ground upon his knees, but did not part from his life.

Shloka 92 (yuddha.59.92)

विसंज्ञं वानरं दृष्ट्वा दशग्रीवो रणोत्सुकः। रथेनाम्बुदनादेन सौमित्रिमभिदुद्रुवे ॥ 59.92 ॥

visaṃjñaṃ vānaraṃ dṛṣṭvā daśagrīvo raṇotsukaḥ| rathenāmbudanādena saumitrimabhidudruve || 59.92 ||

Seeing the monkey senseless, ten-necked Ravana, eager still for battle, charged in his cloud-thundering chariot at Lakshmana.

Shloka 93 (yuddha.59.93)

आसाद्य रणमध्ये तं वारयित्वा स्थितो ज्वलन्। धनुर्विस्फारयामास राक्षसेन्द्रः प्रतापवान् ॥ 59.93 ॥

āsādya raṇamadhye taṃ vārayitvā sthito jvalan| dhanurvisphārayāmāsa rākṣasendraḥ pratāpavān || 59.93 ||

Reaching him in the midst of battle, halting there, blazing with fury, that powerful lord of the rakshasas twanged his bow.

Shloka 94 (yuddha.59.94)

तमाह सौमित्रिरदीनसत्त्वो विस्फारयन्तं धनुरप्रमेयम्। अवेहि मामद्य निशाचरेन्द्र न वानरांस्त्वं प्रतियोद्धुमर्हसि ॥ 59.94 ॥

tamāha saumitriradīnasattvo visphārayantaṃ dhanuraprameyam| avehi māmadya niśācarendra na vānarāṃstvaṃ pratiyoddhumarhasi || 59.94 ||

To him, twanging his measureless bow, the undaunted Lakshmana said: "Know me now, lord of the night-rangers; you are not fit to fight against these monkeys -- fight me instead."

Shloka 95 (yuddha.59.95)

स तस्य वाक्यं प्रतिपूर्णघोषं ज्याशब्दमुग्रं च निशम्य राजा। आसाद्य सौमित्रिमुपस्थितं तं रोषान्वितं वाचमुवाच रक्षः ॥ 59.95 ॥

sa tasya vākyaṃ pratipūrṇaghoṣaṃ jyāśabdamugraṃ ca niśamya rājā| āsādya saumitrimupasthitaṃ taṃ roṣānvitaṃ vācamuvāca rakṣaḥ || 59.95 ||

Hearing his full-throated words and the fierce twang of his bowstring, that rakshasa king, closing with Lakshmana who stood before him, spoke these wrathful words.

Shloka 96 (yuddha.59.96)

दिष्ट्यासि मे राघव दृष्टिमार्गं प्राप्तोऽन्तगामी विपरीतबुद्धिः। अस्मिन् क्षणे यास्यसि मृत्युलोकं संसाद्यमानो मम बाणजालैः ॥ 59.96 ॥

diṣṭyāsi me rāghava dṛṣṭimārgaṃ prāpto'ntagāmī viparītabuddhiḥ| asmin kṣaṇe yāsyasi mṛtyulokaṃ saṃsādyamāno mama bāṇajālaiḥ || 59.96 ||

"By good fortune, O Raghava, you of perverted judgment, heading toward your end, have come within my sight. This very moment, crushed by my nets of arrows, you shall go to the realm of death."

Shloka 97 (yuddha.59.97)

तमाह सौमित्रिरविस्मयानो गर्जन्तमुद्वृत्तशिताग्रदंष्ट्रम्। राजन् न गर्जन्ति महाप्रभावा विकत्थसे पापकृतां वरिष्ठ ॥ 59.97 ॥

tamāha saumitriravismayāno garjantamuda‍vṛttaśitāgradaṃṣṭram| rājan na garjanti mahāprabhāvā vikatthase pāpakṛtāṃ variṣṭha || 59.97 ||

To him, roaring, his sharp fangs bared, the unshaken Lakshmana said: "O king, those of true greatness do not roar; you merely boast, O foremost of evildoers."

Shloka 98 (yuddha.59.98)

जानामि वीर्यं तव राक्षसेन्द्र बलं प्रतापं च पराक्रमं च। अवस्थितोऽहं शरचापपाणि- रागच्छ किं मोघविकत्थनेन ॥ 59.98 ॥

jānāmi vīryaṃ tava rākṣasendra balaṃ pratāpaṃ ca parākramaṃ ca| avasthito'haṃ śaracāpapāṇi- rāgaccha kiṃ moghavikatthanena || 59.98 ||

"I know your valor, O lord of rakshasas, your strength, your might, and your prowess. Here I stand, bow and arrow in hand -- come! What use is this empty boasting?"

Shloka 99 (yuddha.59.99)

स एवमुक्तः कुपितः ससर्ज रक्षोधिपः सप्त शरान् सुपुङ्खान्। ताँल्लक्ष्मणः काञ्चनचित्रपुङ्खै- श्चिच्छेद बाणैर्निशिताग्रधारैः ॥ 59.99 ॥

sa evamuktaḥ kupitaḥ sasarja rakṣodhipaḥ sapta śarān supuṅkhān| tā~llakṣmaṇaḥ kāñcanacitrapuṅkhai- ściccheda bāṇairniśitāgradhāraiḥ || 59.99 ||

Thus addressed, the enraged lord of the rakshasas loosed seven well-feathered arrows. Lakshmana cut them all down with arrows bright with gold fletching and sharp of edge.

Shloka 100 (yuddha.59.100)

तान् प्रेक्षमाणः सहसा निकृत्तान् निकृत्तभोगानिव पन्नगेन्द्रान्। लङ्केश्वरः क्रोधवशं जगाम ससर्ज चान्यान् निशितान् पृषत्कान् ॥ 59.100 ॥

tān prekṣamāṇaḥ sahasā nikṛttān nikṛttabhogāniva pannagendrān| laṅkeśvaraḥ krodhavaśaṃ jagāma sasarja cānyān niśitān pṛṣatkān || 59.100 ||

Seeing those arrows suddenly cut down, like the severed coils of great serpents, the lord of Lanka fell into a rage, and loosed yet more sharp shafts.

Shloka 101 (yuddha.59.101)

स बाणवर्षं तु ववर्ष तीव्रं रामानुजः कार्मुकसम्प्रयुक्तम्। क्षुरार्धचन्द्रोत्तमकर्णिभल्लैः शरांश्च चिच्छेद न चुक्षुभे च ॥ 59.101 ॥

sa bāṇavarṣaṃ tu vavarṣa tīvraṃ rāmānujaḥ kārmukasamprayuktam| kṣurārdhacandrottamakarṇibhallaiḥ śarāṃśca ciccheda na cukṣubhe ca || 59.101 ||

Rama's younger brother rained a fierce shower of arrows from his bow, and with razor-tipped, crescent-headed, and broad-headed shafts, cut down those arrows, unshaken.

Shloka 102 (yuddha.59.102)

स बाणजालान्यपि तानि तानि मोघानि पश्यंस्त्रिदशारिराजः। विसिस्मिये लक्ष्मणलाघवेन पुनश्च बाणान् निशितान् मुमोच ॥ 59.102 ॥

sa bāṇajālānyapi tāni tāni moghāni paśyaṃstridaśārirājaḥ| visismiye lakṣmaṇalāghavena punaśca bāṇān niśitān mumoca || 59.102 ||

That king, enemy of the gods, seeing those very networks of arrows rendered vain, was astonished at Lakshmana's swiftness, and again loosed sharp arrows.

Shloka 103 (yuddha.59.103)

स लक्ष्मणश्चापि शिताञ् शिताग्रान् महेन्द्रतुल्योऽशनिभीमवेगान्। संधाय चापे ज्वलनप्रकाशान् ससर्ज रक्षोधिपतेर्वधाय ॥ 59.103 ॥

sa lakṣmaṇaścāpi śitāñ śitāgrān mahendratulyo'śanibhīmavegān| saṃdhāya cāpe jvalanaprakāśān sasarja rakṣodhipatervadhāya || 59.103 ||

Lakshmana too, equal to Mahendra, fitting to his bow sharp, keen-edged arrows, fierce and swift as thunderbolts, blazing bright, loosed them for the destruction of the rakshasa lord.

Shloka 104 (yuddha.59.104)

स तान् प्रचिच्छेद हि राक्षसेन्द्रः शिताञ् शराल्ँ लक्ष्मणमाजघान। शरेण कालाग्निसमप्रभेण स्वयंभुदत्तेन ललाटदेशे ॥ 59.104 ॥

sa tān praciccheda hi rākṣasendraḥ śitāñ śarāl~ lakṣmaṇamājaghāna| śareṇa kālāgnisamaprabheṇa svayaṃbhudattena lalāṭadeśe || 59.104 ||

That lord of the rakshasas cut down those sharp arrows, and struck Lakshmana upon the forehead with an arrow bright as the fire of doomsday, given to him by Brahma himself.

Shloka 105 (yuddha.59.105)

स लक्ष्मणो रावणसायकार्त- श्चचाल चापं शिथिलं प्रगृह्य। पुनश्च संज्ञां प्रतिलभ्य कृच्छ्रा- च्चिच्छेद चापं त्रिदशेन्द्रशत्रोः ॥ 59.105 ॥

sa lakṣmaṇo rāvaṇasāyakārta- ścacāla cāpaṃ śithilaṃ pragṛhya| punaśca saṃjñāṃ pratilabhya kṛcchrā- cciccheda cāpaṃ tridaśendraśatroḥ || 59.105 ||

Lakshmana, pained by Ravana's shaft, reeled, his bow held loosely in his grip. Then, with difficulty regaining his senses, he cut down the bow of that enemy of the king of the gods.

Shloka 106 (yuddha.59.106)

निकृत्तचापं त्रिभिराजघान बाणैस्तदा दाशरथिः शिताग्रैः। स सायकार्तो विचचाल राजा कृच्छ्राच्च संज्ञां पुनराससाद ॥ 59.106 ॥

nikṛttacāpaṃ tribhirājaghāna bāṇaistadā dāśarathiḥ śitāgraiḥ| sa sāyakārto vicacāla rājā kṛcchrācca saṃjñāṃ punarāsasāda || 59.106 ||

Then Dasharathi struck him, his bow now cut, with three sharp-tipped arrows. That king, pained by the shafts, reeled, and with difficulty recovered his senses once more.

Shloka 107 (yuddha.59.107)

स कृत्तचापः शरताडितश्च मेदार्द्रगात्रो रुधिरावसिक्तः। जग्राह शक्तिं स्वयमुग्रशक्तिः स्वयंभुदत्तां युधि देवशत्रुः ॥ 59.107 ॥

sa kṛttacāpaḥ śaratāḍitaśca medārdragātro rudhirāvasiktaḥ| jagrāha śaktiṃ svayamugraśaktiḥ svayaṃbhudattāṃ yudhi devaśatruḥ || 59.107 ||

His bow cut, struck by arrows, his limbs wet with fat, drenched in blood, that enemy of the gods, himself of terrible power, seized in battle the divine spear given him by Brahma.

Shloka 108 (yuddha.59.108)

स तां सधूमानलसंनिकाशां वित्रासनां संयति वानराणाम्। चिक्षेप शक्तिं तरसा ज्वलन्तीं सौमित्रये राक्षसराष्ट्रनाथः ॥ 59.108 ॥

sa tāṃ sadhūmānalasaṃnikāśāṃ vitrāsanāṃ saṃyati vānarāṇām| cikṣepa śaktiṃ tarasā jvalantīṃ saumitraye rākṣasarāṣṭranāthaḥ || 59.108 ||

That lord of the rakshasa realm hurled that spear, resembling smoky flame, blazing, terrifying to the monkeys in that battle, with force at Lakshmana.

Shloka 109 (yuddha.59.109)

तामापतन्तीं भरतानुजोऽस्त्रै- र्जघान बाणैश्च हुताग्निकल्पैः। तथापि सा तस्य विवेश शक्ति- र्भुजान्तरं दाशरथेर्विशालम् ॥ 59.109 ॥

tāmāpatantīṃ bharatānujo'strai- rjaghāna bāṇaiśca hutāgnikalpaiḥ| tathāpi sā tasya viveśa śakti- rbhujāntaraṃ dāśaratherviśālam || 59.109 ||

Bharata's younger brother struck at it as it hurtled toward him, with weapons and arrows like blazing sacrificial fire; yet still that spear pierced into the broad chest of Dasharathi.

Shloka 110 (yuddha.59.110)

स शक्तिमाञ् शक्तिसमाहतः सन् जज्वाल भूमौ स रघुप्रवीरः। तं विह्वलन्तं सहसाभ्युपेत्य जग्राह राजा तरसा भुजाभ्याम् ॥ 59.110 ॥

sa śaktimāñ śaktisamāhataḥ san jajvāla bhūmau sa raghupravīraḥ| taṃ vihvalantaṃ sahasābhyupetya jagrāha rājā tarasā bhujābhyām || 59.110 ||

That valiant Raghu hero, struck by the spear, though himself possessed of power, fell burning to the ground. The king, rushing suddenly to him as he lay reeling, seized him forcibly with both arms.

Shloka 111 (yuddha.59.111)

हिमवान् मन्दरो मेरुस्त्रैलोक्यं वा सहामरैः। शक्यं भुजाभ्यामुद्धर्तुं न शक्यो भरतानुजः ॥ 59.111 ॥

himavān mandaro merustrailokyaṃ vā sahāmaraiḥ| śakyaṃ bhujābhyāmuddhartuṃ na śakyo bharatānujaḥ || 59.111 ||

The Himalayas, Mandara, Meru, or even the three worlds with all their gods might be lifted by his arms -- yet Bharata's younger brother he could not lift.

Shloka 112 (yuddha.59.112)

शक्त्या ब्राह्म्या तु सौमित्रिस्ताडितोऽपि स्तनान्तरे। विष्णोरमीमांस्यभागमात्मानं प्रत्यनुस्मरत् ॥ 59.112 ॥

śaktyā brāhmyā tu saumitristāḍito'pi stanāntare| viṣṇoramīmāṃsyabhāgamātmānaṃ pratyanusmarat || 59.112 ||

Though struck upon the chest by that Brahma-given spear, Lakshmana recalled within himself that he was a portion of Vishnu, beyond all measure or judgment.

Shloka 113 (yuddha.59.113)

ततो दानवदर्पघ्नं सौमित्रिं देवकण्टकः। तं पीडयित्वा बाहुभ्यां न प्रभुर्लङ्घनेऽभवत् ॥ 59.113 ॥

tato dānavadarpaghnaṃ saumitriṃ devakaṇṭakaḥ| taṃ pīḍayitvā bāhubhyāṃ na prabhurlaṅghane'bhavat || 59.113 ||

Then that thorn to the gods, having crushed Lakshmana -- destroyer of the danavas' pride -- with his arms, was still unable to lift him.

Shloka 114 (yuddha.59.114)

ततः क्रुद्धो वायुसुतो रावणं समभिद्रवत्। आजघानोरसि क्रुद्धो वज्रकल्पेन मुष्टिना ॥ 59.114 ॥

tataḥ kruddho vāyusuto rāvaṇaṃ samabhidravat| ājaghānorasi kruddho vajrakalpena muṣṭinā || 59.114 ||

Then the enraged son of the Wind rushed at Ravana, and, furious, struck him on the chest with a fist like a thunderbolt.

Shloka 115 (yuddha.59.115)

तेन मुष्टिप्रहारेण रावणो राक्षसेश्वरः। जानुभ्यामगमद् भूमौ चचाल च पपात च ॥ 59.115 ॥

tena muṣṭiprahāreṇa rāvaṇo rākṣaseśvaraḥ| jānubhyāmagamad bhūmau cacāla ca papāta ca || 59.115 ||

By that blow of the fist, Ravana, lord of the rakshasas, sank to his knees upon the ground, reeled, and fell.

Shloka 116 (yuddha.59.116)

आस्यैश्च नेत्रैः श्रवणैः पपात रुधिरं बहु। विघूर्णमानो निश्चेष्टो रथोपस्थ उपाविशत् ॥ 59.116 ॥

āsyaiśca netraiḥ śravaṇaiḥ papāta rudhiraṃ bahu| vighūrṇamāno niśceṣṭo rathopastha upāviśat || 59.116 ||

From his mouth, eyes and ears much blood poured out; reeling, motionless, he sank down upon his chariot's seat.

Shloka 117 (yuddha.59.117)

विसंज्ञो मूर्च्छितश्चासीन्न च स्थानं समालभत्। विसंज्ञं रावणं दृष्ट्वा समरे भीमविक्रमम् ॥ 59.117 ॥

visaṃjño mūrcchitaścāsīnna ca sthānaṃ samālabhat| visaṃjñaṃ rāvaṇaṃ dṛṣṭvā samare bhīmavikramam || 59.117 ||

He was senseless and swooning, unable even to hold his place.

Shloka 118 (yuddha.59.118)

ऋषयो वानराश्चैव नेदुर्देवाश्च सासुराः। हनूमानथ तेजस्वी लक्ष्मणं रावणार्दितम् ॥ 59.118 ॥

ṛṣayo vānarāścaiva nedurdevāśca sāsurāḥ| hanūmānatha tejasvī lakṣmaṇaṃ rāvaṇārditam || 59.118 ||

Seeing Ravana, of terrible prowess, senseless in that battle, the sages, monkeys, and gods with the asuras cried out.

Shloka 119 (yuddha.59.119)

आनयद् राघवाभ्याशं बाहुभ्यां परिगृह्य तम्। वायुसूनोः सुहृत्त्वेन भक्त्या परमया च सः। शत्रूणामप्यकम्प्योऽपि लघुत्वमगमत् कपेः ॥ 59.119 ॥

ānayad rāghavābhyāśaṃ bāhubhyāṃ parigṛhya tam| vāyusūnoḥ suhṛttvena bhaktyā paramayā ca saḥ| śatrūṇāmapyakampyo'pi laghutvamagamat kapeḥ || 59.119 ||

Then the splendorous Hanuman, taking up in his arms the Ravana-stricken Lakshmana, carried him near to Raghava. Out of friendship for the son of the Wind, and through the highest devotion, even he -- unshakeable to enemies -- yielded to the monkey's gentle handling.

Shloka 120 (yuddha.59.120)

तं समुत्सृज्य सा शक्तिः सौमित्रिं युधि निर्जितम्। रावणस्य रथे तस्मिन् स्थानं पुनरुपागमत् ॥ 59.120 ॥

taṃ samutsṛjya sā śaktiḥ saumitriṃ yudhi nirjitam| rāvaṇasya rathe tasmin sthānaṃ punarupāgamat || 59.120 ||

That spear, releasing Lakshmana, though he was overcome in battle, returned once more to its place upon Ravana's chariot.

Shloka 121 (yuddha.59.121)

रावणोऽपि महातेजाः प्राप्य संज्ञां महाहवे। आददे निशितान् बाणाञ्जग्राह च महद्धनुः ॥ 59.121 ॥

rāvaṇo'pi mahātejāḥ prāpya saṃjñāṃ mahāhave| ādade niśitān bāṇāñjagrāha ca mahaddhanuḥ || 59.121 ||

Ravana too, the mighty-splendored, having regained his senses in that great battle, took up sharp arrows and grasped his great bow.

Shloka 122 (yuddha.59.122)

आश्वस्तश्च विशल्यश्च लक्ष्मणः शत्रुसूदनः। विष्णोर्भागममीमांस्यमात्मानं प्रत्यनुस्मरन् ॥ 59.122 ॥

āśvastaśca viśalyaśca lakṣmaṇaḥ śatrusūdanaḥ| viṣṇorbhāgamamīmāṃsyamātmānaṃ pratyanusmaran || 59.122 ||

Lakshmana, slayer of foes, now recovered and freed of the spear's wound, recalling within himself his identity as the unfathomable portion of Vishnu --

Shloka 123 (yuddha.59.123)

निपातितमहावीरां वानराणां महाचमूम्। राघवस्तु रणे दृष्ट्वा रावणं समभिद्रवत् ॥ 59.123 ॥

nipātitamahāvīrāṃ vānarāṇāṃ mahācamūm| rāghavastu raṇe dṛṣṭvā rāvaṇaṃ samabhidravat || 59.123 ||

-- seeing the great monkey army with its mighty heroes struck down in that battle, Raghava charged at Ravana.

Shloka 124 (yuddha.59.124)

अथैनमनुसंक्रम्य हनूमान् वाक्यमब्रवीत्। मम पृष्ठं समारुह्य राक्षसं शास्तुमर्हसि ॥ 59.124 ॥

athainamanusaṃkramya hanūmān vākyamabravīt| mama pṛṣṭhaṃ samāruhya rākṣasaṃ śāstumarhasi || 59.124 ||

Then Hanuman, approaching him, spoke: "Mounting upon my back, you should chastise this rakshasa --

Shloka 125 (yuddha.59.125)

विष्णुर्यथा गरुत्मन्तमारुह्यामरवैरिणम्। तच्छ्रुत्वा राघवो वाक्यं वायुपुत्रेण भाषितम् ॥ 59.125 ॥

viṣṇuryathā garutmantamāruhyāmaravairiṇam| tacchrutvā rāghavo vākyaṃ vāyuputreṇa bhāṣitam || 59.125 ||

-- as Vishnu, mounted upon Garuda, chastises the enemies of the gods." Hearing these words spoken by the son of the Wind, Raghava --

Shloka 126 (yuddha.59.126)

अथारुरोह सहसा हनूमन्तं महाकपिम्। रथस्थं रावणं संख्ये ददर्श मनुजाधिपः ॥ 59.126 ॥

athāruroha sahasā hanūmantaṃ mahākapim| rathasthaṃ rāvaṇaṃ saṃkhye dadarśa manujādhipaḥ || 59.126 ||

-- at once mounted upon the great monkey Hanuman; and that lord of men beheld Ravana, stationed on his chariot, in that battle.

Shloka 127 (yuddha.59.127)

तमालोक्य महातेजाः प्रदुद्राव स रावणम्। वैरोचनमिव क्रुद्धो विष्णुरभ्युद्यतायुधः ॥ 59.127 ॥

tamālokya mahātejāḥ pradudrāva sa rāvaṇam| vairocanamiva kruddho viṣṇurabhyudyatāyudhaḥ || 59.127 ||

Beholding him, that mighty-splendored one charged at Ravana, weapon raised, like an enraged Vishnu charging at Vairochana.

Shloka 128 (yuddha.59.128)

ज्याशब्दमकरोत् तीव्रं वज्रनिष्पेषनिष्ठुरम्। गिरा गम्भीरया रामो राक्षसेन्द्रमुवाच ह ॥ 59.128 ॥

jyāśabdamakarot tīvraṃ vajraniṣpeṣaniṣṭhuram| girā gambhīrayā rāmo rākṣasendramuvāca ha || 59.128 ||

He made his bowstring resound fiercely, harsh as the grinding of a thunderbolt, and in a deep voice Rama addressed the lord of the rakshasas:

Shloka 129 (yuddha.59.129)

तिष्ठ तिष्ठ मम त्वं हि कृत्वा विप्रियमीदृशम्। क्व नु राक्षसशार्दूल गत्वा मोक्षमवाप्स्यसि ॥ 59.129 ॥

tiṣṭha tiṣṭha mama tvaṃ hi kṛtvā vipriyamīdṛśam| kva nu rākṣasaśārdūla gatvā mokṣamavāpsyasi || 59.129 ||

"Stand, stand! Having done me such an injury, where, O tiger among rakshasas, can you go and yet win release?"

Shloka 130 (yuddha.59.130)

यदीन्द्रवैवस्वतभास्करान् वा स्वयंभुवैश्वानरशंकरान् वा। गमिष्यसि त्वं दशधा दिशो वा तथापि मे नाद्य गतो विमोक्ष्यसे ॥ 59.130 ॥

yadīndravaivasvatabhāskarān vā svayaṃbhuvaiśvānaraśaṃkarān vā| gamiṣyasi tvaṃ daśadhā diśo vā tathāpi me nādya gato vimokṣyase || 59.130 ||

"Though you flee to Indra, to Yama, to the Sun, to Brahma, to Fire, or to Shankara, or in any of the ten directions, still, having gone, you shall not today escape from me."

Shloka 131 (yuddha.59.131)

यश्चैष शक्त्या निहतस्त्वयाद्य गच्छन् विषादं सहसाभ्युपेत्य। स एष रक्षोगणराज मृत्युः सपुत्रपौत्रस्य तवाद्य युद्धे ॥ 59.131 ॥

yaścaiṣa śaktyā nihatastvayādya gacchan viṣādaṃ sahasābhyupetya| sa eṣa rakṣogaṇarāja mṛtyuḥ saputrapautrasya tavādya yuddhe || 59.131 ||

"He whom you struck today with your spear, plunging suddenly into anguish -- that very one, O king of the rakshasa hosts, shall today in battle be death itself to you, your sons, and your grandsons."

Shloka 132 (yuddha.59.132)

एतेन चात्यद्भुतदर्शनानि शरैर्जनस्थानकृतालयानि। चतुर्दशान्यात्तवरायुधानि रक्षःसहस्राणि निषूदितानि ॥ 59.132 ॥

etena cātyadbhutadarśanāni śarairjanasthānakṛtālayāni| caturdaśānyāttavarāyudhāni rakṣaḥsahasrāṇi niṣūditāni || 59.132 ||

"By him too, fourteen thousand rakshasas of wondrous and terrible aspect, dwelling in Janasthana and armed with choicest weapons, were slain with his arrows."

Shloka 133 (yuddha.59.133)

राघवस्य वचः श्रुत्वा राक्षसेन्द्रो महाबलः। वायुपुत्रं महावेगं वहन्तं राघवं रणे ॥ 59.133 ॥

rāghavasya vacaḥ śrutvā rākṣasendro mahābalaḥ| vāyuputraṃ mahāvegaṃ vahantaṃ rāghavaṃ raṇe || 59.133 ||

Hearing Raghava's words, the mighty rakshasa lord, seized with great fury --

Shloka 134 (yuddha.59.134)

रोषेण महताऽऽविष्टः पूर्ववैरमनुस्मरन्। आजघान शरैर्दीप्तैः कालानलशिखोपमैः ॥ 59.134 ॥

roṣeṇa mahatā''viṣṭaḥ pūrvavairamanusmaran| ājaghāna śarairdīptaiḥ kālānalaśikhopamaiḥ || 59.134 ||

-- and recalling his old enmity, struck with blazing arrows, like the flames of doomsday's fire, the great-speeding son of the Wind who bore Raghava in that battle.

Shloka 135 (yuddha.59.135)

राक्षसेनाहवे तस्य ताडितस्यापि सायकैः। स्वभावतेजोयुक्तस्य भूयस्तेजोऽभ्यवर्धत ॥ 59.135 ॥

rākṣasenāhave tasya tāḍitasyāpi sāyakaiḥ| svabhāvatejoyuktasya bhūyastejo'bhyavardhata || 59.135 ||

Yet even as he was struck by the rakshasa's arrows in that combat, Hanuman -- possessed of inborn splendor -- had his splendor only increase the more.

Shloka 136 (yuddha.59.136)

ततो रामो महातेजा रावणेन कृतव्रणम्। दृष्ट्वा प्लवगशार्दूलं क्रोधस्य वशमेयिवान् ॥ 59.136 ॥

tato rāmo mahātejā rāvaṇena kṛtavraṇam| dṛṣṭvā plavagaśārdūlaṃ krodhasya vaśameyivān || 59.136 ||

Then the mighty-splendored Rama, seeing that tiger among monkeys wounded by Ravana, fell under the sway of anger.

Shloka 137 (yuddha.59.137)

तस्याभिसंक्रम्य रथं सचक्रं साश्वध्वजच्छत्रमहापताकम्। ससारथिं साशनिशूलखड्गं रामः प्रचिच्छेद शितैः शराग्रैः ॥ 59.137 ॥

tasyābhisaṃkramya rathaṃ sacakraṃ sāśvadhvajacchatramahāpatākam| sasārathiṃ sāśaniśūlakhaḍgaṃ rāmaḥ praciccheda śitaiḥ śarāgraiḥ || 59.137 ||

Approaching his chariot, Rama, with the sharp points of his arrows, cut it to pieces -- wheels, horses, banner, parasol, and great flag, together with its charioteer, and its thunderbolt-weapon, trident and sword.

Shloka 138 (yuddha.59.138)

अथेन्द्रशत्रुं तरसा जघान बाणेन वज्राशनिसंनिभेन। भुजान्तरे व्यूढसुजातरूपे वज्रेण मेरुं भगवानिवेन्द्रः ॥ 59.138 ॥

athendraśatruṃ tarasā jaghāna bāṇena vajrāśanisaṃnibhena| bhujāntare vyūḍhasujātarūpe vajreṇa meruṃ bhagavānivendraḥ || 59.138 ||

Then he swiftly struck that enemy of Indra with an arrow like the thunderbolt itself, upon his broad and well-formed chest, as the lord Indra strikes Meru with his thunderbolt.

Shloka 139 (yuddha.59.139)

यो वज्रपाताशनिसंनिपाता- न्न चुक्षुभे नापि चचाल राजा। स रामबाणाभिहतो भृशार्त- श्चचाल चापं च मुमोच वीरः ॥ 59.139 ॥

yo vajrapātāśanisaṃnipātā- nna cukṣubhe nāpi cacāla rājā| sa rāmabāṇābhihato bhṛśārta- ścacāla cāpaṃ ca mumoca vīraḥ || 59.139 ||

That king, who had never been shaken or moved even by the fall of thunderbolts, being struck by Rama's arrow, was greatly pained; that hero reeled and let his bow fall.

Shloka 140 (yuddha.59.140)

तं विह्वलन्तं प्रसमीक्ष्य रामः समाददे दीप्तमथार्धचन्द्रम्। तेनार्कवर्णं सहसा किरीटं चिच्छेद रक्षोधिपतेर्महात्मा ॥ 59.140 ॥

taṃ vihvalantaṃ prasamīkṣya rāmaḥ samādade dīptamathārdhacandram| tenārkavarṇaṃ sahasā kirīṭaṃ ciccheda rakṣodhipatermahātmā || 59.140 ||

Seeing him reeling, Rama took up a blazing crescent-headed arrow, and with it the great-souled one at once cut off the sun-bright crown of the rakshasa lord.

Shloka 141 (yuddha.59.141)

तं निर्विषाशीविषसंनिकाशं शान्तार्चिषं सूर्यमिवाप्रकाशम्। गतश्रियं कृत्तकिरीटकूट- मुवाच रामो युधि राक्षसेन्द्रम् ॥ 59.141 ॥

taṃ nirviṣāśīviṣasaṃnikāśaṃ śāntārciṣaṃ sūryamivāprakāśam| gataśriyaṃ kṛttakirīṭakūṭa- muvāca rāmo yudhi rākṣasendram || 59.141 ||

To him -- now like a venomless serpent, like a sun with its rays extinguished, its splendor lightless, his glory gone, his crown's peak cut away -- Rama spoke thus in that battle, to the lord of the rakshasas.

Shloka 142 (yuddha.59.142)

कृतं त्वया कर्म महत् सुभीमं हतप्रवीरश्च कृतस्त्वयाहम्। तस्मात् परिश्रान्त इति व्यवस्य न त्वां शरैर्मृत्युवशं नयामि ॥ 59.142 ॥

kṛtaṃ tvayā karma mahat subhīmaṃ hatapravīraśca kṛtastvayāham| tasmāt pariśrānta iti vyavasya na tvāṃ śarairmṛtyuvaśaṃ nayāmi || 59.142 ||

"You have performed a mighty and terrible deed, and you have deprived me of my finest heroes; yet, judging that you are now exhausted, I do not send you with my arrows to the sway of death."

Shloka 143 (yuddha.59.143)

प्रयाहि जानामि रणार्दितस्त्वं प्रविश्य रात्रिंचरराज लङ्काम्। आश्वस्य निर्याहि रथी च धन्वी तदा बलं प्रेक्ष्यसि मे रथस्थः ॥ 59.143 ॥

prayāhi jānāmi raṇārditastvaṃ praviśya rātriṃcararāja laṅkām| āśvasya niryāhi rathī ca dhanvī tadā balaṃ prekṣyasi me rathasthaḥ || 59.143 ||

"Go now; I know you are worn out by battle. Enter Lanka, O king of the night-rangers; then, having recovered, come forth again, chariot-borne and bow in hand, and then, seated on your chariot, you shall witness my strength."

Shloka 144 (yuddha.59.144)

स एवमुक्तो हतदर्पहर्षो निकृत्तचापः स हताश्वसूतः। शरार्दितो भग्नमहाकिरीटो विवेश लङ्कां सहसा स्म राजा ॥ 59.144 ॥

sa evamukto hatadarpaharṣo nikṛttacāpaḥ sa hatāśvasūtaḥ| śarārdito bhagnamahākirīṭo viveśa laṅkāṃ sahasā sma rājā || 59.144 ||

Thus addressed, his pride and joy destroyed, his bow cut down, his horses and charioteer slain, pained by arrows, his great crown shattered, that king entered Lanka at once.

Shloka 145 (yuddha.59.145)

तस्मिन् प्रविष्टे रजनीचरेन्द्रे महाबले दानवदेवशत्रौ। हरीन् विशल्यान् सह लक्ष्मणेन चकार रामः परमाहवाग्रे ॥ 59.145 ॥

tasmin praviṣṭe rajanīcarendre mahābale dānavadevaśatrau| harīn viśalyān saha lakṣmaṇena cakāra rāmaḥ paramāhavāgre || 59.145 ||

When that mighty enemy of the danavas and gods, lord of the night-rangers, had entered the city, Rama, there at the forefront of that great battle, healed the monkeys of their arrow-wounds, together with Lakshmana.

Shloka 146 (yuddha.59.146)

तस्मिन् प्रभग्ने त्रिदशेन्द्रशत्रौ सुरासुरा भूतगणा दिशश्च। ससागराः सर्षिमहोरगाश्च तथैव भूम्यम्बुचराः प्रहृष्टाः ॥ 59.146 ॥

tasmin prabhagne tridaśendraśatrau surāsurā bhūtagaṇā diśaśca| sasāgarāḥ sarṣimahoragāśca tathaiva bhūmyambucarāḥ prahṛṣṭāḥ || 59.146 ||

When that enemy of the king of the gods was thus defeated, the gods and asuras, the hosts of spirits, the very quarters of the sky, the oceans, the sages, the great serpents, and likewise all creatures that move on earth or in water, rejoiced.