Yuddha Kanda · Sarga 60
The Waking of Kumbhakarna
Shloka 1 (yuddha.60.1)
स प्रविश्य पुरीं लङ्कां रामबाणभयार्दितः। भग्नदर्पस्तदा राजा बभूव व्यथितेन्द्रियः ॥ 60.1 ॥
sa praviśya purīṃ laṅkāṃ rāmabāṇabhayārditaḥ| bhagnadarpastadā rājā babhūva vyathitendriyaḥ || 60.1 ||
Entering the city of Lanka, tormented by fear of Rama's arrows, that king, his pride broken, became distressed in all his senses.
Shloka 2 (yuddha.60.2)
मातंग इव सिंहेन गरुडेनेव पन्नगः। अभिभूतोऽभवद् राजा राघवेण महात्मना ॥ 60.2 ॥
mātaṃga iva siṃhena garuḍeneva pannagaḥ| abhibhūto'bhavad rājā rāghaveṇa mahātmanā || 60.2 ||
Like an elephant overcome by a lion, like a serpent overcome by Garuda, that king was overcome by the great-souled Raghava.
Shloka 3 (yuddha.60.3)
ब्रह्मदण्डप्रतीकानां विद्युच्चलितवर्चसाम्। स्मरन् राघवबाणानां विव्यथे राक्षसेश्वरः ॥ 60.3 ॥
brahmadaṇḍapratīkānāṃ vidyuccalitavarcasām| smaran rāghavabāṇānāṃ vivyathe rākṣaseśvaraḥ || 60.3 ||
Recalling Raghava's arrows, resembling the very rod of Brahma, blazing with the brilliance of lightning, the lord of the rakshasas was tormented.
Shloka 4 (yuddha.60.4)
स काञ्चनमयं दिव्यमाश्रित्य परमासनम्। विप्रेक्षमाणो रक्षांसि रावणो वाक्यमब्रवीत् ॥ 60.4 ॥
sa kāñcanamayaṃ divyamāśritya paramāsanam| viprekṣamāṇo rakṣāṃsi rāvaṇo vākyamabravīt || 60.4 ||
Seated upon his splendid golden throne, gazing upon the assembled rakshasas, Ravana spoke these words.
Shloka 5 (yuddha.60.5)
सर्वं तत् खलु मे मोघं यत् तप्तं परमं तपः। यत् समानो महेन्द्रेण मानुषेण विनिर्जितः ॥ 60.5 ॥
sarvaṃ tat khalu me moghaṃ yat taptaṃ paramaṃ tapaḥ| yat samāno mahendreṇa mānuṣeṇa vinirjitaḥ || 60.5 ||
"All that supreme austerity I once performed has indeed proved vain, since I, equal to great Indra, have been vanquished by a mere human."
Shloka 6 (yuddha.60.6)
इदं तद् ब्रह्मणो घोरं वाक्यं मामभ्युपस्थितम्। मानुषेभ्यो विजानीहि भयं त्वमिति तत्तथा ॥ 60.6 ॥
idaṃ tad brahmaṇo ghoraṃ vākyaṃ māmabhyupasthitam| mānuṣebhyo vijānīhi bhayaṃ tvamiti tattathā || 60.6 ||
"This is that terrible word of Brahma now come upon me -- 'know your danger to come from men' -- and so indeed it has proved."
Shloka 7 (yuddha.60.7)
देवदानवगन्धर्वैर्यक्षराक्षसपन्नगैः। अवध्यत्वं मया प्रोक्तं मानुषेभ्यो न याचितम् ॥ 60.7 ॥
devadānavagandharvairyakṣarākṣasapannagaiḥ| avadhyatvaṃ mayā proktaṃ mānuṣebhyo na yācitam || 60.7 ||
"I asked for invulnerability against gods, danavas, gandharvas, yakshas, rakshasas and serpents; against men I did not ask."
Shloka 8 (yuddha.60.8)
तमिमं मानुषं मन्ये रामं दशरथात्मजम्। इक्ष्वाकुकुलजातेन अनरण्येन यत् पुरा ॥ 60.8 ॥
tamimaṃ mānuṣaṃ manye rāmaṃ daśarathātmajam| ikṣvākukulajātena anaraṇyena yat purā || 60.8 ||
"This human, I believe, is that very Rama, son of Dasharatha, of whom Anaranya, born of the Ikshvaku line, once foretold --"
Shloka 9 (yuddha.60.9)
उत्पत्स्यति हि मद्वंशपुरुषो राक्षसाधम। यस्त्वां सपुत्रं सामात्यं सबलं साश्वसारथिम् ॥ 60.9 ॥
utpatsyati hi madvaṃśapuruṣo rākṣasādhama| yastvāṃ saputraṃ sāmātyaṃ sabalaṃ sāśvasārathim || 60.9 ||
"-- 'A man shall be born in my line, O basest of rakshasas, who shall slay you in battle together with your sons, your ministers, your army, your horses and your charioteers --"
Shloka 10 (yuddha.60.10)
निहनिष्यति संग्रामे त्वां कुलाधम दुर्मते। शप्तोऽहं वेदवत्या च यथा सा धर्षिता पुरा ॥ 60.10 ॥
nihaniṣyati saṃgrāme tvāṃ kulādhama durmate| śapto'haṃ vedavatyā ca yathā sā dharṣitā purā || 60.10 ||
-- O vile and evil-minded one of a degraded line.' And I was also cursed by Vedavati, in the manner she was once violated.
Shloka 11 (yuddha.60.11)
सेयं सीता महाभागा जाता जनकनन्दिनी। उमा नन्दीश्वरश्चापि रम्भा वरुणकन्यका ॥ 60.11 ॥
seyaṃ sītā mahābhāgā jātā janakanandinī| umā nandīśvaraścāpi rambhā varuṇakanyakā || 60.11 ||
That very Vedavati has now been born as Sita, daughter of Janaka. And as was foretold by Uma, and by Nandishvara, and by Rambha, daughter of Varuna --
Shloka 12 (yuddha.60.12)
यथोक्तास्तन्मया प्राप्तं न मिथ्या ऋषिभाषितम्। एतदेव समागम्य यत्नं कर्तुमिहार्हथ ॥ 60.12 ॥
yathoktāstanmayā prāptaṃ na mithyā ṛṣibhāṣitam| etadeva samāgamya yatnaṃ kartumihārhatha || 60.12 ||
-- so it has come to pass for me -- what the sages spoke was not false. Coming together now, you must make every effort here.
Shloka 13 (yuddha.60.13)
राक्षसाश्चापि तिष्ठन्तु चर्यागोपुरमूर्धसु। स चाप्रतिमगाम्भीर्यो देवदानवदर्पहा ॥ 60.13 ॥
rākṣasāścāpi tiṣṭhantu caryāgopuramūrdhasu| sa cāpratimagāmbhīryo devadānavadarpahā || 60.13 ||
"Let the rakshasas take their stand at the watch-posts and upon the tower-tops." And that one of matchless gravity, crusher of the pride of gods and danavas --
Shloka 14 (yuddha.60.14)
ब्रह्मशापाभिभूतस्तु कुम्भकर्णो विबोध्यताम्। समरे जितमात्मानं प्रहस्तं च निषूदितम् ॥ 60.14 ॥
brahmaśāpābhibhūtastu kumbhakarṇo vibodhyatām| samare jitamātmānaṃ prahastaṃ ca niṣūditam || 60.14 ||
-- said: "Let Kumbhakarna, overcome by Brahma's curse, be awakened." Having learned that he himself had been defeated in battle and that Prahasta had been slain --
Shloka 15 (yuddha.60.15)
ज्ञात्वा रक्षोबलं भीममादिदेश महाबलः। द्वारेषु यत्नः क्रियतां प्राकारश्चाधिरुह्यताम् ॥ 60.15 ॥
jñātvā rakṣobalaṃ bhīmamādideśa mahābalaḥ| dvāreṣu yatnaḥ kriyatāṃ prākāraścādhiruhyatām || 60.15 ||
-- that mighty one gave command to the terrible rakshasa host: "Let effort be made at the gates, and let the ramparts be manned."
Shloka 16 (yuddha.60.16)
निद्रावशसमाविष्टः कुम्भकर्णो विबोध्यताम्। सुखं स्वपिति निश्चिन्तः कामोपहतचेतनः ॥ 60.16 ॥
nidrāvaśasamāviṣṭaḥ kumbhakarṇo vibodhyatām| sukhaṃ svapiti niścintaḥ kāmopahatacetanaḥ || 60.16 ||
"Let Kumbhakarna, overcome by the sway of sleep, be awakened -- he sleeps happily, free of care, his mind overpowered by desire."
Shloka 17 (yuddha.60.17)
नव सप्त दशाष्टौ च मासान् स्वपिति राक्षसः। मन्त्रं कृत्वा प्रसुप्तोऽयमितस्तु नवमेऽहनि ॥ 60.17 ॥
nava sapta daśāṣṭau ca māsān svapiti rākṣasaḥ| mantraṃ kṛtvā prasupto'yamitastu navame'hani || 60.17 ||
"That rakshasa sleeps for nine, or seven, or ten, or eight months at a stretch; having performed his rite, he has now slept, from this day, into the ninth day."
Shloka 18 (yuddha.60.18)
तं तु बोधयत क्षिप्रं कुम्भकर्णं महाबलम्। स हि संख्ये महाबाहुः ककुदं सर्वरक्षसाम्। वानरान् राजपुत्रौ च क्षिप्रमेव हनिष्यति ॥ 60.18 ॥
taṃ tu bodhayata kṣipraṃ kumbhakarṇaṃ mahābalam| sa hi saṃkhye mahābāhuḥ kakudaṃ sarvarakṣasām| vānarān rājaputrau ca kṣiprameva haniṣyati || 60.18 ||
"Awaken that mighty Kumbhakarna quickly; he, mighty-armed, is the very crown of all the rakshasas in battle, and shall swiftly slay the monkeys and the two princes."
Shloka 19 (yuddha.60.19)
एष केतुः परं संख्ये मुख्यो वै सर्वरक्षसाम्। कुम्भकर्णः सदा शेते मूढो ग्राम्यसुखे रतः ॥ 60.19 ॥
eṣa ketuḥ paraṃ saṃkhye mukhyo vai sarvarakṣasām| kumbhakarṇaḥ sadā śete mūḍho grāmyasukhe rataḥ || 60.19 ||
"He is the foremost banner in battle among all rakshasas; Kumbhakarna, alas, always sleeps, foolishly given over to sensual pleasure."
Shloka 20 (yuddha.60.20)
रामेणाभिनिरस्तस्य संग्रामेऽस्मिन् सुदारुणे। भविष्यति न मे शोकः कुम्भकर्णे विबोधिते ॥ 60.20 ॥
rāmeṇābhinirastasya saṃgrāme'smin sudāruṇe| bhaviṣyati na me śokaḥ kumbhakarṇe vibodhite || 60.20 ||
"Once Kumbhakarna is awakened, I shall no longer grieve, though driven back by Rama in this terrible war."
Shloka 21 (yuddha.60.21)
किं करिष्याम्यहं तेन शक्रतुल्यबलेन हि। ईदृशे व्यसने घोरे यो न साह्याय कल्पते ॥ 60.21 ॥
kiṃ kariṣyāmyahaṃ tena śakratulyabalena hi| īdṛśe vyasane ghore yo na sāhyāya kalpate || 60.21 ||
"Of what use to me is that one, equal in strength to Indra himself, if in such a terrible crisis he cannot be summoned to my aid?"
Shloka 22 (yuddha.60.22)
ते तु तद् वचनं श्रुत्वा राक्षसेन्द्रस्य राक्षसाः। जग्मुः परमसम्भ्रान्ताः कुम्भकर्णनिवेशनम् ॥ 60.22 ॥
te tu tad vacanaṃ śrutvā rākṣasendrasya rākṣasāḥ| jagmuḥ paramasambhrāntāḥ kumbhakarṇaniveśanam || 60.22 ||
Hearing these words of the rakshasa lord, those rakshasas, in utmost haste, went to Kumbhakarna's dwelling.
Shloka 23 (yuddha.60.23)
ते रावणसमादिष्टा मांसशोणितभोजनाः। गन्धं माल्यं महद्भक्ष्यमादाय सहसा ययुः ॥ 60.23 ॥
te rāvaṇasamādiṣṭā māṃsaśoṇitabhojanāḥ| gandhaṃ mālyaṃ mahadbhakṣyamādāya sahasā yayuḥ || 60.23 ||
Commanded by Ravana, those flesh-and-blood-eating rakshasas went at once, bearing fragrant perfumes, garlands, and abundant food.
Shloka 24 (yuddha.60.24)
तां प्रविश्य महाद्वारां सर्वतो योजनायताम्। कुम्भकर्णगुहां रम्यां पुष्पगन्धप्रवाहिनीम् ॥ 60.24 ॥
tāṃ praviśya mahādvārāṃ sarvato yojanāyatām| kumbhakarṇaguhāṃ ramyāṃ puṣpagandhapravāhinīm || 60.24 ||
Entering that great-gated cave of Kumbhakarna, a league wide on every side, delightful, wafting with the fragrance of flowers --
Shloka 25 (yuddha.60.25)
कुम्भकर्णस्य निःश्वासादवधूता महाबलाः। प्रतिष्ठमानाः कृच्छ्रेण यत्नात् प्रविविशुर्गुहाम् ॥ 60.25 ॥
kumbhakarṇasya niḥśvāsādavadhūtā mahābalāḥ| pratiṣṭhamānāḥ kṛcchreṇa yatnāt praviviśurguhām || 60.25 ||
-- those mighty rakshasas, buffeted by Kumbhakarna's very breath, could barely stand, and with effort and difficulty made their way into the cave.
Shloka 26 (yuddha.60.26)
तां प्रविश्य गुहां रम्यां रत्नकाञ्चनकुट्टिमाम्। ददृशुर्नैर्ऋतव्याघ्राः शयानं भीमविक्रमम् ॥ 60.26 ॥
tāṃ praviśya guhāṃ ramyāṃ ratnakāñcanakuṭṭimām| dadṛśurnairṛtavyāghrāḥ śayānaṃ bhīmavikramam || 60.26 ||
Entering that delightful cave, its floor paved with gems and gold, those tigers among rakshasas beheld him lying there, of terrible prowess.
Shloka 27 (yuddha.60.27)
ते तु तं विकृतं सुप्तं विकीर्णमिव पर्वतम्। कुम्भकर्णं महानिद्रं समेताः प्रत्यबोधयन् ॥ 60.27 ॥
te tu taṃ vikṛtaṃ suptaṃ vikīrṇamiva parvatam| kumbhakarṇaṃ mahānidraṃ sametāḥ pratyabodhayan || 60.27 ||
Gathering together, they set about waking that misshapen, sleeping, deeply-slumbering Kumbhakarna, sprawled like a scattered mountain.
Shloka 28 (yuddha.60.28)
ऊर्ध्वलोमाञ्चिततनुं श्वसन्तमिव पन्नगम्। भ्रामयन्तं विनिःश्वासैः शयानं भीमविक्रमम् ॥ 60.28 ॥
ūrdhvalomāñcitatanuṃ śvasantamiva pannagam| bhrāmayantaṃ viniḥśvāsaiḥ śayānaṃ bhīmavikramam || 60.28 ||
The hair on his body stood on end; he hissed like a serpent; his limbs were stirred by his own great breaths, as he lay there of terrible prowess.
Shloka 29 (yuddha.60.29)
भीमनासापुटं तं तु पातालविपुलाननम्। शयने न्यस्तसर्वाङ्गं मेदोरुधिरगन्धिनम् ॥ 60.29 ॥
bhīmanāsāpuṭaṃ taṃ tu pātālavipulānanam| śayane nyastasarvāṅgaṃ medorudhiragandhinam || 60.29 ||
They beheld him -- his nostrils terrible, his mouth vast as the netherworld, all his limbs stretched out upon his bed, reeking of fat and blood --
Shloka 30 (yuddha.60.30)
काञ्चनाङ्गदनद्धाङ्गं किरीटेनार्कवर्चसम्। ददृशुर्नैर्ऋतव्याघ्रं कुम्भकर्णमरिंदमम् ॥ 60.30 ॥
kāñcanāṅgadanaddhāṅgaṃ kirīṭenārkavarcasam| dadṛśurnairṛtavyāghraṃ kumbhakarṇamariṃdamam || 60.30 ||
-- his body bound with golden armlets, his crown bright as the sun -- that tiger among rakshasas, subduer of foes, Kumbhakarna.
Shloka 31 (yuddha.60.31)
ततश्चक्रुर्महात्मानः कुम्भकर्णस्य चाग्रतः। भूतानां मेरुसंकाशं राशिं परमतर्पणम् ॥ 60.31 ॥
tataścakrurmahātmānaḥ kumbhakarṇasya cāgrataḥ| bhūtānāṃ merusaṃkāśaṃ rāśiṃ paramatarpaṇam || 60.31 ||
Then those great-souled ones set before Kumbhakarna a mountain-like heap of creatures, most gratifying.
Shloka 32 (yuddha.60.32)
मृगाणां महिषाणां च वराहाणां च संचयान्। चक्रुर्नैर्ऋतशार्दूला राशिमन्नस्य चाद्भुतम् ॥ 60.32 ॥
mṛgāṇāṃ mahiṣāṇāṃ ca varāhāṇāṃ ca saṃcayān| cakrurnairṛtaśārdūlā rāśimannasya cādbhutam || 60.32 ||
Those tigers among rakshasas, piling up deer, buffaloes and boars, made a wondrous mass of food.
Shloka 33 (yuddha.60.33)
ततः शोणितकुम्भांश्च मांसानि विविधानि च। पुरस्तात् कुम्भकर्णस्य चक्रुस्त्रिदशशत्रवः ॥ 60.33 ॥
tataḥ śoṇitakumbhāṃśca māṃsāni vividhāni ca| purastāt kumbhakarṇasya cakrustridaśaśatravaḥ || 60.33 ||
Then those enemies of the gods set before Kumbhakarna vessels of blood and meats of every kind.
Shloka 34 (yuddha.60.34)
लिलिपुश्च परार्घ्येन चन्दनेन परंतपम्। दिव्यैराश्वासयामासुर्माल्यैर्गन्धैश्च गन्धिभिः ॥ 60.34 ॥
lilipuśca parārghyena candanena paraṃtapam| divyairāśvāsayāmāsurmālyairgandhaiśca gandhibhiḥ || 60.34 ||
They smeared that scorcher of foes with costly sandal-paste, and revived him with divine garlands and fragrant scents.
Shloka 35 (yuddha.60.35)
धूपगन्धांश्च ससृजुस्तुष्टुवुश्च परंतपम्। जलदा इव चानेदुर्यातुधानास्ततस्ततः ॥ 60.35 ॥
dhūpagandhāṃśca sasṛjustuṣṭuvuśca paraṃtapam| jaladā iva cāneduryātudhānāstatastataḥ || 60.35 ||
They spread clouds of incense, sang his praises, and the demons roared on every side like storm-clouds.
Shloka 36 (yuddha.60.36)
शङ्खांश्च पूरयामासुः शशाङ्कसदृशप्रभान्। तुमुलं युगपच्चापि विनेदुश्चाप्यमर्षिताः ॥ 60.36 ॥
śaṅkhāṃśca pūrayāmāsuḥ śaśāṅkasadṛśaprabhān| tumulaṃ yugapaccāpi vineduścāpyamarṣitāḥ || 60.36 ||
They blew conches bright as the moon, and, impatient, all together raised a tumultuous din.
Shloka 37 (yuddha.60.37)
नेदुरास्फोटयामासुश्चिक्षिपुस्ते निशाचराः। कुम्भकर्णविबोधार्थं चक्रुस्ते विपुलं स्वरम् ॥ 60.37 ॥
nedurāsphoṭayāmāsuścikṣipuste niśācarāḥ| kumbhakarṇavibodhārthaṃ cakruste vipulaṃ svaram || 60.37 ||
The night-rangers shouted, clapped, and hurled things about, making a vast noise in order to rouse Kumbhakarna.
Shloka 38 (yuddha.60.38)
सशङ्खभेरीपणवप्रणादं सास्फोटितक्ष्वेलितसिंहनादम्। दिशो द्रवन्तस्त्रिदिवं किरन्तः श्रुत्वा विहंगाः सहसा निपेतुः यदा भृशं तैर्निनदैर्महात्मा न कुम्भकर्णो बुबुधे प्रसुप्तः। ततो भुशुण्डीर्मुसलानि सर्वे रक्षोगणास्ते जगृहुर्गदाश्च ॥ 60.38 ॥
saśaṅkhabherīpaṇavapraṇādaṃ sāsphoṭitakṣvelitasiṃhanādam| diśo dravantastridivaṃ kirantaḥ śrutvā vihaṃgāḥ sahasā nipetuḥ yadā bhṛśaṃ tairninadairmahātmā na kumbhakarṇo bubudhe prasuptaḥ| tato bhuśuṇḍīrmusalāni sarve rakṣogaṇāste jagṛhurgadāśca || 60.38 ||
At the sound of conches, war-drums and cymbals mingled with clapping, shouts and lion-roars, birds, hearing it, fled the sky in every direction and fell suddenly to earth. Yet even at that tremendous din, the great-souled, sleeping Kumbhakarna did not wake. Then all the rakshasa hosts seized iron clubs, maces, and cudgels.
Shloka 39 (yuddha.60.39)
तं शैलशृङ्गैर्मुसलैर्गदाभि- र्वक्षःस्थले मुद्गरमुष्टिभिश्च। सुखप्रसुप्तं भुवि कुम्भकर्णं रक्षांस्युदग्राणि तदा निजघ्नुः ॥ 60.39 ॥
taṃ śailaśṛṅgairmusalairgadābhi- rvakṣaḥsthale mudagaramuṣṭibhiśca| sukhaprasuptaṃ bhuvi kumbhakarṇaṃ rakṣāṃsyudagrāṇi tadā nijaghnuḥ || 60.39 ||
Then those fierce demons struck the happily-sleeping Kumbhakarna, as he lay upon the ground, on his chest with mountain-peaks, maces, clubs, and blows of hammers and fists.
Shloka 40 (yuddha.60.40)
तस्य निःश्वासवातेन कुम्भकर्णस्य रक्षसः। राक्षसाः कुम्भकर्णस्य स्थातुं शेकुर्न चाग्रतः ॥ 60.40 ॥
tasya niḥśvāsavātena kumbhakarṇasya rakṣasaḥ| rākṣasāḥ kumbhakarṇasya sthātuṃ śekurna cāgrataḥ || 60.40 ||
By the very wind of that demon Kumbhakarna's breath, the rakshasas could not even manage to stand before him.
Shloka 41 (yuddha.60.41)
ततः परिहिता गाढं राक्षसा भीमविक्रमाः। मृदङ्गपणवान् भेरीः शङ्खकुम्भगणांस्तथा ॥ 60.41 ॥
tataḥ parihitā gāḍhaṃ rākṣasā bhīmavikramāḥ| mṛdaṅgapaṇavān bherīḥ śaṅkhakumbhagaṇāṃstathā || 60.41 ||
Then those rakshasas of terrible prowess, firmly girded, with mridangas, panavas, war-drums, conches and kettle-drums --
Shloka 42 (yuddha.60.42)
दश राक्षससाहस्रं युगपत्पर्यवारयत्। नीलाञ्जनचयाकारं ते तु तं प्रत्यबोधयन् ॥ 60.42 ॥
daśa rākṣasasāhasraṃ yugapatparyavārayat| nīlāñjanacayākāraṃ te tu taṃ pratyabodhayan || 60.42 ||
-- ten thousand of them at once surrounded him, shaped like a heap of dark collyrium, and strove to wake him.
Shloka 43 (yuddha.60.43)
अभिघ्नन्तो नदन्तश्च न च सम्बुबुधे तदा। यदा चैनं न शेकुस्ते प्रतिबोधयितुं तदा ॥ 60.43 ॥
abhighnanto nadantaśca na ca sambubudhe tadā| yadā cainaṃ na śekuste pratibodhayituṃ tadā || 60.43 ||
Striking and roaring, still he did not wake. When they found they still could not rouse him --
Shloka 44 (yuddha.60.44)
ततो गुरुतरं यत्नं दारुणं समुपाक्रमन्। अश्वानुष्ट्रान् खरान् नागाञ्जघ्नुर्दण्डकशाङ्कुशैः ॥ 60.44 ॥
tato gurutaraṃ yatnaṃ dāruṇaṃ samupākraman| aśvānuṣṭrān kharān nāgāñjaghnurdaṇḍakaśāṅkuśaiḥ || 60.44 ||
-- then they undertook an even more strenuous and drastic effort: they goaded horses, camels, mules and elephants with rods, whips and hooks.
Shloka 45 (yuddha.60.45)
भेरीशङ्खमृदङ्गांश्च सर्वप्राणैरवादयन्। निजघ्नुश्चास्य गात्राणि महाकाष्ठकटंकरैः ॥ 60.45 ॥
bherīśaṅkhamṛdaṅgāṃśca sarvaprāṇairavādayan| nijaghnuścāsya gātrāṇi mahākāṣṭhakaṭaṃkaraiḥ || 60.45 ||
They beat war-drums, conches and mridangas with all their strength; and they struck his limbs with great wooden clubs.
Shloka 46 (yuddha.60.46)
मुद्गरैर्मुसलैश्चापि सर्वप्राणसमुद्यतैः। तेन नादेन महता लङ्का सर्वा प्रपूरिता। सपर्वतवना सर्वा सोऽपि नैव प्रबुध्यते ॥ 60.46 ॥
mudagarairmusalaiścāpi sarvaprāṇasamudyataiḥ| tena nādena mahatā laṅkā sarvā prapūritā| saparvatavanā sarvā so'pi naiva prabudhyate || 60.46 ||
They struck with hammers and maces, wielded with all their might. By that mighty uproar all of Lanka, with all its mountains and forests, was filled -- yet even so he did not awaken.
Shloka 47 (yuddha.60.47)
ततो भेरीसहस्रं तु युगपत् समहन्यत। मृष्टकाञ्चनकोणानामसक्तानां समन्ततः ॥ 60.47 ॥
tato bherīsahasraṃ tu yugapat samahanyata| mṛṣṭakāñcanakoṇānāmasaktānāṃ samantataḥ || 60.47 ||
Then a thousand war-drums were struck at once on every side, with polished golden drumsticks unrestrained.
Shloka 48 (yuddha.60.48)
एवमप्यतिनिद्रस्तु यदा नैव प्रबुध्यते। शापस्य वशमापन्नस्ततः क्रुद्धा निशाचराः ॥ 60.48 ॥
evamapyatinidrastu yadā naiva prabudhyate| śāpasya vaśamāpannastataḥ kruddhā niśācarāḥ || 60.48 ||
Yet still, so excessive was his sleep, he did not wake, held fast in the sway of that curse -- at which the night-rangers grew furious.
Shloka 49 (yuddha.60.49)
ततः कोपसमाविष्टाः सर्वे भीमपराक्रमाः। तद् रक्षो बोधयिष्यन्तश्चक्रुरन्ये पराक्रमम् ॥ 60.49 ॥
tataḥ kopasamāviṣṭāḥ sarve bhīmaparākramāḥ| tad rakṣo bodhayiṣyantaścakruranye parākramam || 60.49 ||
Then, seized with fury, all of them, terrible in prowess, made further exertions to rouse that demon.
Shloka 50 (yuddha.60.50)
अन्ये भेरीः समाजघ्नुरन्ये चक्रुर्महास्वनम्। केशानन्ये प्रलुलुपुः कर्णानन्ये दशन्ति च ॥ 60.50 ॥
anye bherīḥ samājaghnuranye cakrurmahāsvanam| keśānanye pralulupuḥ karṇānanye daśanti ca || 60.50 ||
Some pounded drums, some raised a great clamor, some pulled out his hair, some bit his ears.
Shloka 51 (yuddha.60.51)
उदकुम्भशतानन्ये समसिञ्चन्त कर्णयोः। न कुम्भकर्णः पस्पन्दे महानिद्रावशं गतः ॥ 60.51 ॥
udakumbhaśatānanye samasiñcanta karṇayoḥ| na kumbhakarṇaḥ paspande mahānidrāvaśaṃ gataḥ || 60.51 ||
Others poured hundreds of jars of water into his ears -- yet Kumbhakarna, sunk in the grip of his mighty sleep, did not stir.
Shloka 52 (yuddha.60.52)
अन्ये च बलिनस्तस्य कूटमुद्गरपाणयः। मूर्ध्नि वक्षसि गात्रेषु पातयन् कूटमुद्गरान् ॥ 60.52 ॥
anye ca balinastasya kūṭamudagarapāṇayaḥ| mūrdhni vakṣasi gātreṣu pātayan kūṭamudagarān || 60.52 ||
Others, mighty ones, iron mallets in hand, rained blows with those mallets upon his head, chest and limbs.
Shloka 53 (yuddha.60.53)
रज्जुबन्धनबद्धाभिः शतघ्नीभिश्च सर्वतः। वध्यमानो महाकायो न प्राबुध्यत राक्षसः ॥ 60.53 ॥
rajjubandhanabaddhābhiḥ śataghnībhiśca sarvataḥ| vadhyamāno mahākāyo na prābudhyata rākṣasaḥ || 60.53 ||
Struck all over with rope-bound shataghni missiles, that huge-bodied demon still did not awaken.
Shloka 54 (yuddha.60.54)
वारणानां सहस्रं च शरीरेऽस्य प्रधावितम्। कुम्भकर्णस्तदा बुद्ध्वा स्पर्शं परमबुध्यत ॥ 60.54 ॥
vāraṇānāṃ sahasraṃ ca śarīre'sya pradhāvitam| kumbhakarṇastadā buddhvā sparśaṃ paramabudhyata || 60.54 ||
A thousand elephants were then driven over his body; only then, feeling their touch, did Kumbhakarna at last begin to wake.
Shloka 55 (yuddha.60.55)
स पात्यमानैर्गिरिशृङ्गवृक्षै- रचिन्तयंस्तान् विपुलान् प्रहारान्। निद्राक्षयात् क्षुद्भयपीडितश्च विजृम्भमाणः सहसोत्पपात ॥ 60.55 ॥
sa pātyamānairgiriśṛṅgavṛkṣai- racintayaṃstān vipulān prahārān| nidrākṣayāt kṣudbhayapīḍitaśca vijṛmbhamāṇaḥ sahasotpapāta || 60.55 ||
Heedless of those countless blows dealt by falling mountain-peaks and trees, as his sleep at last waned and he was seized by hunger, he yawned wide and suddenly leapt up.
Shloka 56 (yuddha.60.56)
स नागभोगाचलशृङ्गकल्पौ विक्षिप्य बाहू जितवज्रसारौ। विवृत्य वक्त्रं वडवामुखाभं निशाचरोऽसौ विकृतं जजृम्भे ॥ 60.56 ॥
sa nāgabhogācalaśṛṅgakalpau vikṣipya bāhū jitavajrasārau| vivṛtya vaktraṃ vaḍavāmukhābhaṃ niśācaro'sau vikṛtaṃ jajṛmbhe || 60.56 ||
Flinging out his two arms, like the coils of a great serpent or mountain-peaks, harder even than the thunderbolt, that night-ranger opened wide his mouth, resembling the submarine fire, and yawned monstrously.
Shloka 57 (yuddha.60.57)
तस्य जाजृम्भमाणस्य वक्त्रं पातालसंनिभम्। ददृशे मेरुशृङ्गाग्रे दिवाकर इवोदितः ॥ 60.57 ॥
tasya jājṛmbhamāṇasya vaktraṃ pātālasaṃnibham| dadṛśe meruśṛṅgāgre divākara ivoditaḥ || 60.57 ||
As he yawned, his mouth, resembling the netherworld itself, appeared like the rising sun upon the peak of Meru.
Shloka 58 (yuddha.60.58)
स जृम्भमाणोऽतिबलः प्रबुद्धस्तु निशाचरः। निःश्वासश्चास्य संजज्ञे पर्वतादिव मारुतः ॥ 60.58 ॥
sa jṛmbhamāṇo'tibalaḥ prabuddhastu niśācaraḥ| niḥśvāsaścāsya saṃjajñe parvatādiva mārutaḥ || 60.58 ||
As that mighty night-ranger yawned and awoke, his breath arose like a wind rushing from a mountain.
Shloka 59 (yuddha.60.59)
रूपमुत्तिष्ठतस्तस्य कुम्भकर्णस्य तद् बभौ। युगान्ते सर्वभूतानि कालस्येव दिधक्षतः ॥ 60.59 ॥
rūpamuttiṣṭhatastasya kumbhakarṇasya tad babhau| yugānte sarvabhūtāni kālasyeva didhakṣataḥ || 60.59 ||
As Kumbhakarna rose, his form shone like that of Time itself, at the end of the age, eager to burn up all creatures.
Shloka 60 (yuddha.60.60)
तस्य दीप्ताग्निसदृशे विद्युत्सदृशवर्चसी। ददृशाते महानेत्रे दीप्ताविव महाग्रहौ ॥ 60.60 ॥
tasya dīptāgnisadṛśe vidyutsadṛśavarcasī| dadṛśāte mahānetre dīptāviva mahāgrahau || 60.60 ||
His two great eyes, blazing like fire, radiant as lightning, appeared like two great blazing planets.
Shloka 61 (yuddha.60.61)
ततस्त्वदर्शयन् सर्वान् भक्ष्यांश्च विविधान् बहून्। वराहान् महिषांश्चैव बभक्ष स महाबलः ॥ 60.61 ॥
tatastvadarśayan sarvān bhakṣyāṃśca vividhān bahūn| varāhān mahiṣāṃścaiva babhakṣa sa mahābalaḥ || 60.61 ||
Then, without pause, that mighty one devoured all the many varied foods set before him, along with the boars and buffaloes.
Shloka 62 (yuddha.60.62)
आदद् बुभुक्षितो मांसं शोणितं तृषितोऽपिबत्। मेदःकुम्भांश्च मद्यांश्च पपौ शक्ररिपुस्तदा ॥ 60.62 ॥
ādad bubhukṣito māṃsaṃ śoṇitaṃ tṛṣito'pibat| medaḥkumbhāṃśca madyāṃśca papau śakraripustadā || 60.62 ||
Ravenous, he seized upon the meat; thirsty, he drank the blood; and that enemy of Indra then drank also the jars of fat and of liquor.
Shloka 63 (yuddha.60.63)
ततस्तृप्त इति ज्ञात्वा समुत्पेतुर्निशाचराः। शिरोभिश्च प्रणम्यैनं सर्वतः पर्यवारयन् ॥ 60.63 ॥
tatastṛpta iti jñātvā samutpeturniśācarāḥ| śirobhiśca praṇamyainaṃ sarvataḥ paryavārayan || 60.63 ||
Then, knowing him satisfied, the night-rangers rose up, and, bowing their heads to him, surrounded him on every side.
Shloka 64 (yuddha.60.64)
निद्राविशदनेत्रस्तु कलुषीकृतलोचनः। चारयन् सर्वतो दृष्टिं तान् ददर्श निशाचरान् ॥ 60.64 ॥
nidrāviśadanetrastu kaluṣīkṛtalocanaḥ| cārayan sarvato dṛṣṭiṃ tān dadarśa niśācarān || 60.64 ||
His eyes still heavy and clouded from sleep, casting his gaze about on every side, he beheld those night-rangers.
Shloka 65 (yuddha.60.65)
स सर्वान् सान्त्वयामास नैर्ऋतान् नैर्ऋतर्षभः। बोधनाद् विस्मितश्चापि राक्षसानिदमब्रवीत् ॥ 60.65 ॥
sa sarvān sāntvayāmāsa nairṛtān nairṛtarṣabhaḥ| bodhanād vismitaścāpi rākṣasānidamabravīt || 60.65 ||
That bull among rakshasas spoke kindly to all the demons, and, astonished at being so respectfully awakened, said to them --
Shloka 66 (yuddha.60.66)
किमर्थमहमादृत्य भवद्भिः प्रतिबोधितः। कच्चित् सुकुशलं राज्ञो भयं वा नेह किंचन ॥ 60.66 ॥
kimarthamahamādṛtya bhavadbhiḥ pratibodhitaḥ| kaccit sukuśalaṃ rājño bhayaṃ vā neha kiṃcana || 60.66 ||
"For what reason have you, with such deference, awakened me? Is all well with the king, or is there no danger here at all?"
Shloka 67 (yuddha.60.67)
अथवा ध्रुवमन्येभ्यो भयं परमुपस्थितम्। यदर्थमेव त्वरितैर्भवद्भिः प्रतिबोधितः ॥ 60.67 ॥
athavā dhruvamanyebhyo bhayaṃ paramupasthitam| yadarthameva tvaritairbhavadbhiḥ pratibodhitaḥ || 60.67 ||
"Or is it certain that some grave danger from others has now arisen, for the sake of which you, in such haste, have awakened me?"
Shloka 68 (yuddha.60.68)
अद्य राक्षसराजस्य भयमुत्पाटयाम्यहम्। दारयिष्ये महेन्द्रं वा शीतयिष्ये तथानलम् ॥ 60.68 ॥
adya rākṣasarājasya bhayamutpāṭayāmyaham| dārayiṣye mahendraṃ vā śītayiṣye tathānalam || 60.68 ||
"Today I shall root out the king of the rakshasas' fear -- I shall rend even mighty Indra apart, or cool even fire itself."
Shloka 69 (yuddha.60.69)
न ह्यल्पकारणे सुप्तं बोधयिष्यति मादृशम्। तदाख्यातार्थतत्त्वेन मत्प्रबोधनकारणम् ॥ 60.69 ॥
na hyalpakāraṇe suptaṃ bodhayiṣyati mādṛśam| tadākhyātārthatattvena matprabodhanakāraṇam || 60.69 ||
"For surely one does not wake one such as me from sleep for a trivial cause; tell me truly, then, the real reason for my awakening."
Shloka 70 (yuddha.60.70)
एवं ब्रुवाणं संरब्धं कुम्भकर्णमरिंदमम्। यूपाक्षः सचिवो राज्ञः कृताञ्जलिरभाषत ॥ 60.70 ॥
evaṃ bruvāṇaṃ saṃrabdhaṃ kumbhakarṇamariṃdamam| yūpākṣaḥ sacivo rājñaḥ kṛtāñjalirabhāṣata || 60.70 ||
To Kumbhakarna, subduer of foes, thus speaking in his fury, Yupaksha, the king's minister, spoke with joined palms.
Shloka 71 (yuddha.60.71)
न नो देवकृतं किंचिद् भयमस्ति कदाचन। मानुषान्नो भयं राजंस्तुमुलं सम्प्रबाधते ॥ 60.71 ॥
na no devakṛtaṃ kiṃcid bhayamasti kadācana| mānuṣānno bhayaṃ rājaṃstumulaṃ samprabādhate || 60.71 ||
"We have never had any danger caused by the gods. It is from men, O king, that a tumultuous danger now presses upon us."
Shloka 72 (yuddha.60.72)
न दैत्यदानवेभ्यो वा भयमस्ति न नः क्वचित्। यादृशं मानुषं राजन् भयमस्मानुपस्थितम् ॥ 60.72 ॥
na daityadānavebhyo vā bhayamasti na naḥ kvacit| yādṛśaṃ mānuṣaṃ rājan bhayamasmānupasthitam || 60.72 ||
"Nor do we have any danger from daityas or danavas anywhere; but such a danger from a man, O king, has now beset us."
Shloka 73 (yuddha.60.73)
वानरैः पर्वताकारैर्लङ्केयं परिवारिता। सीताहरणसंतप्ताद् रामान्नस्तुमुलं भयम् ॥ 60.73 ॥
vānaraiḥ parvatākārairlaṅkeyaṃ parivāritā| sītāharaṇasaṃtaptād rāmānnastumulaṃ bhayam || 60.73 ||
"This Lanka is surrounded by mountain-sized monkeys; our tumultuous danger comes from Rama, inflamed by the abduction of Sita."
Shloka 74 (yuddha.60.74)
एकेन वानरेणेयं पूर्वं दग्धा महापुरी। कुमारो निहतश्चाक्षः सानुयात्रः सकुञ्जरः ॥ 60.74 ॥
ekena vānareṇeyaṃ pūrvaṃ dagdhā mahāpurī| kumāro nihataścākṣaḥ sānuyātraḥ sakuñjaraḥ || 60.74 ||
"By a single monkey this great city was once burned; the prince Aksha was slain, along with his retinue and his elephant."
Shloka 75 (yuddha.60.75)
स्वयं रक्षोधिपश्चापि पौलस्त्यो देवकण्टकः। व्रजेति संयुगे मुक्तो रामेणादित्यवर्चसा ॥ 60.75 ॥
svayaṃ rakṣodhipaścāpi paulastyo devakaṇṭakaḥ| vrajeti saṃyuge mukto rāmeṇādityavarcasā || 60.75 ||
"Even the lord of the rakshasas himself, that thorn to the gods, son of Pulastya, was let go in battle by sun-splendored Rama with the word 'Go!'"
Shloka 76 (yuddha.60.76)
यन्न देवैः कृतो राजा नापि दैत्यैर्न दानवैः। कृतः स इह रामेण विमुक्तः प्राणसंशयात् ॥ 60.76 ॥
yanna devaiḥ kṛto rājā nāpi daityairna dānavaiḥ| kṛtaḥ sa iha rāmeṇa vimuktaḥ prāṇasaṃśayāt || 60.76 ||
"What no god, no daitya, no danava had ever done to him, that Rama has done here -- setting him free from mortal peril."
Shloka 77 (yuddha.60.77)
स यूपाक्षवचः श्रुत्वा भ्रातुर्युधि पराभवम्। कुम्भकर्णो विवृत्ताक्षो यूपाक्षमिदमब्रवीत् ॥ 60.77 ॥
sa yūpākṣavacaḥ śrutvā bhrāturyudhi parābhavam| kumbhakarṇo vivṛttākṣo yūpākṣamidamabravīt || 60.77 ||
Hearing Yupaksha's words, and of his brother's defeat in battle, Kumbhakarna, his eyes rolling in fury, said to Yupaksha.
Shloka 78 (yuddha.60.78)
सर्वमद्यैव यूपाक्ष हरिसैन्यं सलक्ष्मणम्। राघवं च रणे जित्वा ततो द्रक्ष्यामि रावणम् ॥ 60.78 ॥
sarvamadyaiva yūpākṣa harisainyaṃ salakṣmaṇam| rāghavaṃ ca raṇe jitvā tato drakṣyāmi rāvaṇam || 60.78 ||
"This very day, Yupaksha, I shall conquer in battle the entire monkey army together with Lakshmana and Raghava, and only then shall I go to see Ravana."
Shloka 79 (yuddha.60.79)
राक्षसांस्तर्पयिष्यामि हरीणां मांसशोणितैः। रामलक्ष्मणयोश्चापि स्वयं पास्यामि शोणितम् ॥ 60.79 ॥
rākṣasāṃstarpayiṣyāmi harīṇāṃ māṃsaśoṇitaiḥ| rāmalakṣmaṇayoścāpi svayaṃ pāsyāmi śoṇitam || 60.79 ||
"I shall gratify the rakshasas with the flesh and blood of the monkeys, and I myself shall drink the blood of Rama and Lakshmana."
Shloka 80 (yuddha.60.80)
तत् तस्य वाक्यं ब्रुवतो निशम्य सगर्वितं रोषविवृद्धदोषम्। महोदरो नैर्ऋतयोधमुख्यः कृताञ्जलिर्वाक्यमिदं बभाषे ॥ 60.80 ॥
tat tasya vākyaṃ bruvato niśamya sagarvitaṃ roṣavivṛddhadoṣam| mahodaro nairṛtayodhamukhyaḥ kṛtāñjalirvākyamidaṃ babhāṣe || 60.80 ||
Hearing him speak these proud words, their fault swollen by wrath, Mahodara, foremost of the rakshasa warriors, spoke with joined palms.
Shloka 81 (yuddha.60.81)
रावणस्य वचः श्रुत्वा गुणदोषौ विमृश्य च। पश्चादपि महाबाहो शत्रून् युधि विजेष्यसि ॥ 60.81 ॥
rāvaṇasya vacaḥ śrutvā guṇadoṣau vimṛśya ca| paścādapi mahābāho śatrūn yudhi vijeṣyasi || 60.81 ||
"First hear Ravana's own words, weigh well the merits and faults, and only afterward, O mighty-armed one, shall you conquer the enemy in battle."
Shloka 82 (yuddha.60.82)
महोदरवचः श्रुत्वा राक्षसैः परिवारितः। कुम्भकर्णो महातेजाः सम्प्रतस्थे महाबलः ॥ 60.82 ॥
mahodaravacaḥ śrutvā rākṣasaiḥ parivāritaḥ| kumbhakarṇo mahātejāḥ sampratasthe mahābalaḥ || 60.82 ||
Hearing Mahodara's words, that mighty-splendored, powerful Kumbhakarna, surrounded by rakshasas, set out.
Shloka 83 (yuddha.60.83)
सुप्तमुत्थाप्य भीमाक्षं भीमरूपपराक्रमम्। राक्षसास्त्वरिता जग्मुर्दशग्रीवनिवेशनम् ॥ 60.83 ॥
suptamutthāpya bhīmākṣaṃ bhīmarūpaparākramam| rākṣasāstvaritā jagmurdaśagrīvaniveśanam || 60.83 ||
Having roused him from sleep, that terrible-eyed one of terrible form and prowess, the rakshasas hurried to Ravana's palace.
Shloka 84 (yuddha.60.84)
तेऽभिगम्य दशग्रीवमासीनं परमासने। ऊचुर्बद्धाञ्जलिपुटाः सर्व एव निशाचराः ॥ 60.84 ॥
te'bhigamya daśagrīvamāsīnaṃ paramāsane| ūcurbaddhāñjalipuṭāḥ sarva eva niśācarāḥ || 60.84 ||
Approaching ten-necked Ravana, seated upon his high throne, all those night-rangers, with joined palms, said --
Shloka 85 (yuddha.60.85)
कुम्भकर्णः प्रबुद्धोऽसौ भ्राता ते राक्षसेश्वर। कथं तत्रैव निर्यातु द्रक्ष्यसे तमिहागतम् ॥ 60.85 ॥
kumbhakarṇaḥ prabuddho'sau bhrātā te rākṣaseśvara| kathaṃ tatraiva niryātu drakṣyase tamihāgatam || 60.85 ||
"Kumbhakarna, your brother, has awakened, O lord of the rakshasas. Shall he set out just as he is, or will you see him arrived here?"
Shloka 86 (yuddha.60.86)
रावणस्त्वब्रवीद्धृष्टो राक्षसांस्तानुपस्थितान्। द्रष्टुमेनमिहेच्छामि यथान्यायं च पूज्यताम् ॥ 60.86 ॥
rāvaṇastvabravīdadhṛṣṭo rākṣasāṃstānupasthitān| draṣṭumenamihecchāmi yathānyāyaṃ ca pūjyatām || 60.86 ||
Ravana, delighted, said to those rakshasas standing before him: "I wish to see him here; let him be honored duly."
Shloka 87 (yuddha.60.87)
तथेत्युक्त्वा तु ते सर्वे पुनरागम्य राक्षसाः। कुम्भकर्णमिदं वाक्यमूचू रावणचोदिताः ॥ 60.87 ॥
tathetyuktvā tu te sarve punarāgamya rākṣasāḥ| kumbhakarṇamidaṃ vākyamūcū rāvaṇacoditāḥ || 60.87 ||
Saying "So be it," all those rakshasas went back again, and, urged on by Ravana, spoke these words to Kumbhakarna.
Shloka 88 (yuddha.60.88)
द्रष्टुं त्वां काङ्क्षते राजा सर्वराक्षसपुङ्गवः। गमने क्रियतां बुद्धिर्भ्रातरं सम्प्रहर्षय ॥ 60.88 ॥
draṣṭuṃ tvāṃ kāṅkṣate rājā sarvarākṣasapuṅgavaḥ| gamane kriyatāṃ buddhirbhrātaraṃ sampraharṣaya || 60.88 ||
"The king, foremost bull among all the rakshasas, desires to see you. Resolve now to come; go and gladden your brother."
Shloka 89 (yuddha.60.89)
कुम्भकर्णस्तु दुर्धर्षो भ्रातुराज्ञाय शासनम्। तथेत्युक्त्वा महावीर्यः शयनादुत्पपात ह ॥ 60.89 ॥
kumbhakarṇastu durdharṣo bhrāturājñāya śāsanam| tathetyuktvā mahāvīryaḥ śayanādutpapāta ha || 60.89 ||
Redoubtable Kumbhakarna, learning his brother's command, said "So be it," and, of great valor, leapt up from his bed.
Shloka 90 (yuddha.60.90)
प्रक्षाल्य वदनं हृष्टः स्नातः परमहर्षितः। पिपासुस्त्वरयामास पानं बलसमीरणम् ॥ 60.90 ॥
prakṣālya vadanaṃ hṛṣṭaḥ snātaḥ paramaharṣitaḥ| pipāsustvarayāmāsa pānaṃ balasamīraṇam || 60.90 ||
Delighted, he washed his face, bathed, and, in the highest joy, being thirsty, hastened for drink, giving his strength free rein.
Shloka 91 (yuddha.60.91)
ततस्ते त्वरितास्तत्र राक्षसा रावणाज्ञया। मद्यं भक्ष्यांश्च विविधान् क्षिप्रमेवोपहारयन् ॥ 60.91 ॥
tataste tvaritāstatra rākṣasā rāvaṇājñayā| madyaṃ bhakṣyāṃśca vividhān kṣipramevopahārayan || 60.91 ||
Then, at Ravana's command, the rakshasas hurried and quickly brought him liquor and food of every kind.
Shloka 92 (yuddha.60.92)
पीत्वा घटसहस्रे द्वे गमनायोपचक्रमे। ईषत्समुत्कटो मत्तस्तेजोबलसमन्वितः ॥ 60.92 ॥
pītvā ghaṭasahasre dve gamanāyopacakrame| īṣatsamutkaṭo mattastejobalasamanvitaḥ || 60.92 ||
Having drunk two thousand jars, he set out to go, somewhat exhilarated, intoxicated, filled with vigor and strength.
Shloka 93 (yuddha.60.93)
कुम्भकर्णो बभौ रुष्टः कालान्तकयमोपमः। भ्रातुः स भवनं गच्छन् रक्षोबलसमन्वितः। कुम्भकर्णः पदन्यासैरकम्पयत मेदिनीम् ॥ 60.93 ॥
kumbhakarṇo babhau ruṣṭaḥ kālāntakayamopamaḥ| bhrātuḥ sa bhavanaṃ gacchan rakṣobalasamanvitaḥ| kumbhakarṇaḥ padanyāsairakampayata medinīm || 60.93 ||
Kumbhakarna, enraged, resembling Yama, the ender of eras, going to his brother's dwelling, accompanied by the demon host, shook the earth with his very footsteps.
Shloka 94 (yuddha.60.94)
स राजमार्गं वपुषा प्रकाशयन् सहस्ररश्मिर्धरणीमिवांशुभिः। जगाम तत्राञ्जलिमालया वृतः शतक्रतुर्गेहमिव स्वयंभुवः ॥ 60.94 ॥
sa rājamārgaṃ vapuṣā prakāśayan sahasraraśmirdharaṇīmivāṃśubhiḥ| jagāma tatrāñjalimālayā vṛtaḥ śatakraturgehamiva svayaṃbhuvaḥ || 60.94 ||
Illuminating the royal road with his own body, as the thousand-rayed sun illumines the earth with its beams, surrounded by a garland of joined hands raised in salutation, he went forth like Indra of the hundred sacrifices going to the abode of Brahma.
Shloka 95 (yuddha.60.95)
तं राजमार्गस्थममित्रघातिनं वनौकसस्ते सहसा बहिःस्थिताः। दृष्ट्वाप्रमेयं गिरिशृङ्गकल्पं वितत्रसुस्ते सह यूथपालैः ॥ 60.95 ॥
taṃ rājamārgasthamamitraghātinaṃ vanaukasaste sahasā bahiḥsthitāḥ| dṛṣṭvāprameyaṃ giriśṛṅgakalpaṃ vitatrasuste saha yūthapālaiḥ || 60.95 ||
Seeing that slayer of enemies standing on the royal road, immeasurable, resembling a mountain-peak, the forest-dwelling monkeys stationed outside, together with their troop-leaders, were struck with sudden terror.
Shloka 96 (yuddha.60.96)
केचिच्छरण्यं शरणं स्म रामं व्रजन्ति केचिद् व्यथिताः पतन्ति। केचिद् दशश्च व्यथिताः पतन्ति केचिद् भयार्ता भुवि शेरते स्म ॥ 60.96 ॥
keciccharaṇyaṃ śaraṇaṃ sma rāmaṃ vrajanti kecid vyathitāḥ patanti| kecid daśaśca vyathitāḥ patanti kecid bhayārtā bhuvi śerate sma || 60.96 ||
Some fled to Rama, the refuge-giver, for shelter; some, overcome with fear, fell down; ten or more, distressed, collapsed; some, tormented by fear, lay down upon the ground.
Shloka 97 (yuddha.60.97)
तमद्रिशृङ्गप्रतिमं किरीटिनं स्पृशन्तमादित्यमिवात्मतेजसा। वनौकसः प्रेक्ष्य विवृद्धमद्भुतं भयार्दिता दुद्रुविरे यतस्ततः ॥ 60.97 ॥
tamadriśṛṅgapratimaṃ kirīṭinaṃ spṛśantamādityamivātmatejasā| vanaukasaḥ prekṣya vivṛddhamadbhutaṃ bhayārditā dudruvire yatastataḥ || 60.97 ||
Beholding that crowned one, resembling a mountain-peak, touching the very sun with his own splendor, grown to wondrous size, the forest-dwellers, terrified, fled in every direction.