Yuddha Kanda · Sarga 65
Kumbhakarna Takes the Field
Shloka 1 (yuddha.65.1)
स तथोक्तस्तु निर्भर्त्स्य कुम्भकर्णो महोदरम्। अब्रवीद् राक्षसश्रेष्ठं भ्रातरं रावणं ततः ॥ 65.1 ॥
sa tathoktastu nirbhartsya kumbhakarṇo mahodaram| abravīd rākṣasaśreṣṭhaṃ bhrātaraṃ rāvaṇaṃ tataḥ || 65.1 ||
Thus addressed, Kumbhakarna rebuked Mahodara, and then, foremost of the rakshasas, spoke to his brother Ravana --
Shloka 2 (yuddha.65.2)
सोऽहं तव भयं घोरं वधात् तस्य दुरात्मनः। रामस्याद्य प्रमार्जामि निर्वैरो हि सुखी भव ॥ 65.2 ॥
so'haṃ tava bhayaṃ ghoraṃ vadhāt tasya durātmanaḥ| rāmasyādya pramārjāmi nirvairo hi sukhī bhava || 65.2 ||
-- 'I myself shall today wipe away this terrible fear of yours by slaying that vile-souled Rama -- be free of this enmity and be at peace.'
Shloka 3 (yuddha.65.3)
गर्जन्ति न वृथा शूरा निर्जला इव तोयदाः। पश्य सम्पद्यमानं तु गर्जितं युधि कर्मणा ॥ 65.3 ॥
garjanti na vṛthā śūrā nirjalā iva toyadāḥ| paśya sampadyamānaṃ tu garjitaṃ yudhi karmaṇā || 65.3 ||
-- 'Heroes do not roar in vain, like rainless clouds; witness how this roar shall be fulfilled by deeds in battle.'
Shloka 4 (yuddha.65.4)
न मर्षयन्ति चात्मानं सम्भावयितुमात्मना। अदर्शयित्वा शूरास्तु कर्म कुर्वन्ति दुष्करम् ॥ 65.4 ॥
na marṣayanti cātmānaṃ sambhāvayitumātmanā| adarśayitvā śūrāstu karma kurvanti duṣkaram || 65.4 ||
-- 'True heroes do not endure being praised without proof; without any display, they simply go on to accomplish the most arduous deed.'
Shloka 5 (yuddha.65.5)
विक्लवानां ह्यबुद्धीनां राज्ञां पण्डितमानिनाम्। रोचते त्वद्वचो नित्यं कथ्यमानं महोदर ॥ 65.5 ॥
viklavānāṃ hyabuddhīnāṃ rājñāṃ paṇḍitamāninām| rocate tvadvaco nityaṃ kathyamānaṃ mahodara || 65.5 ||
-- 'Your words, Mahodara, always find favour with fainthearted, foolish kings who imagine themselves wise.'
Shloka 6 (yuddha.65.6)
युद्धे कापुरुषैर्नित्यं भवद्भिः प्रियवादिभिः। राजानमनुगच्छद्भिः सर्वं कृत्यं विनाशितम् ॥ 65.6 ॥
yuddhe kāpuruṣairnityaṃ bhavadbhiḥ priyavādibhiḥ| rājānamanugacchadbhiḥ sarvaṃ kṛtyaṃ vināśitam || 65.6 ||
-- 'By cowards like you, ever speaking pleasant words in the face of war, ever falling in step behind the king, every proper course of action has been ruined.'
Shloka 7 (yuddha.65.7)
राजशेषा कृता लङ्का क्षीणः कोशो बलं हतम्। राजानमिममासाद्य सुहृच्चिह्नममित्रकम् ॥ 65.7 ॥
rājaśeṣā kṛtā laṅkā kṣīṇaḥ kośo balaṃ hatam| rājānamimamāsādya suhṛccihnamamitrakam || 65.7 ||
-- 'Lanka has been reduced to the king alone, the treasury drained, the army destroyed -- all this because this king found in you a friend who bore only the mark of an enemy.'
Shloka 8 (yuddha.65.8)
एष निर्याम्यहं युद्धमुद्यतः शत्रुनिर्जये। दुर्नयं भवतामद्य समीकर्तुं महाहवे ॥ 65.8 ॥
eṣa niryāmyahaṃ yuddhamudyataḥ śatrunirjaye| durnayaṃ bhavatāmadya samīkartuṃ mahāhave || 65.8 ||
-- 'Here I go forth to battle, resolved on the enemy's destruction, ready this day to set right, in mighty combat, the ill counsel of men like you.'
Shloka 9 (yuddha.65.9)
एवमुक्तवतो वाक्यं कुम्भकर्णस्य धीमतः। प्रत्युवाच ततो वाक्यं प्रहसन् राक्षसाधिपः ॥ 65.9 ॥
evamuktavato vākyaṃ kumbhakarṇasya dhīmataḥ| pratyuvāca tato vākyaṃ prahasan rākṣasādhipaḥ || 65.9 ||
When wise Kumbhakarna had spoken thus, the lord of the rakshasas, laughing, replied to him --
Shloka 10 (yuddha.65.10)
महोदरोऽयं रामात् तु परित्रस्तो न संशयः। न हि रोचयते तात युद्धं युद्धविशारद ॥ 65.10 ॥
mahodaro'yaṃ rāmāt tu paritrasto na saṃśayaḥ| na hi rocayate tāta yuddhaṃ yuddhaviśārada || 65.10 ||
-- 'Without doubt, this Mahodara is simply terrified of Rama -- that is why, dear one, skilled in battle as he is, he does not favour war.'
Shloka 11 (yuddha.65.11)
कश्चिन्मे त्वत्समो नास्ति सौहृदेन बलेन च। गच्छ शत्रुवधाय त्वं कुम्भकर्ण जयाय च ॥ 65.11 ॥
kaścinme tvatsamo nāsti sauhṛdena balena ca| gaccha śatruvadhāya tvaṃ kumbhakarṇa jayāya ca || 65.11 ||
-- 'There is none equal to you, either in devotion or in strength -- go forth, Kumbhakarna, for the slaying of the enemy and for victory.'
Shloka 12 (yuddha.65.12)
शयानः शत्रुनाशार्थं भवान् सम्बोधितो मया। अयं हि कालः सुमहान् राक्षसानामरिंदम ॥ 65.12 ॥
śayānaḥ śatrunāśārthaṃ bhavān sambodhito mayā| ayaṃ hi kālaḥ sumahān rākṣasānāmariṃdama || 65.12 ||
-- 'It was for the destruction of the enemy that I roused you from your sleep; this, O vanquisher of foes, is indeed the great hour for the rakshasas.'
Shloka 13 (yuddha.65.13)
संगच्छ शूलमादाय पाशहस्त इवान्तकः। वानरान् राजपुत्रौ च भक्षयादित्यतेजसौ ॥ 65.13 ॥
saṃgaccha śūlamādāya pāśahasta ivāntakaḥ| vānarān rājaputrau ca bhakṣayādityatejasau || 65.13 ||
-- 'Go forth, spear in hand, like Death himself with noose in hand, and devour the monkeys and the two princes, radiant as the sun.'
Shloka 14 (yuddha.65.14)
समालोक्य तु ते रूपं विद्रविष्यन्ति वानराः। रामलक्ष्मणयोश्चापि हृदये प्रस्फुटिष्यतः ॥ 65.14 ॥
samālokya tu te rūpaṃ vidraviṣyanti vānarāḥ| rāmalakṣmaṇayoścāpi hṛdaye prasphuṭiṣyataḥ || 65.14 ||
-- 'At the mere sight of your form, the monkeys will flee in every direction, and even the hearts of Rama and Lakshmana will burst with fear.'
Shloka 15 (yuddha.65.15)
एवमुक्त्वा महातेजाः कुम्भकर्णं महाबलम्। पुनर्जातमिवात्मानं मेने राक्षसपुङ्गवः ॥ 65.15 ॥
evamuktvā mahātejāḥ kumbhakarṇaṃ mahābalam| punarjātamivātmānaṃ mene rākṣasapuṅgavaḥ || 65.15 ||
Having thus spoken to mighty Kumbhakarna, that illustrious bull among rakshasas felt as though he had been born anew.
Shloka 16 (yuddha.65.16)
कुम्भकर्णबलाभिज्ञो जानंस्तस्य पराक्रमम्। बभूव मुदितो राजा शशाङ्क इव निर्मलः ॥ 65.16 ॥
kumbhakarṇabalābhijño jānaṃstasya parākramam| babhūva mudito rājā śaśāṅka iva nirmalaḥ || 65.16 ||
Knowing well the might of Kumbhakarna, aware of his prowess, the king became joyful, radiant as the spotless moon.
Shloka 17 (yuddha.65.17)
इत्येवमुक्तः संहृष्टो निर्जगाम महाबलः। राज्ञस्तु वचनं श्रुत्वा योद्धुमुद्युक्तवांस्तदा ॥ 65.17 ॥
ityevamuktaḥ saṃhṛṣṭo nirjagāma mahābalaḥ| rājñastu vacanaṃ śrutvā yoddhumudyuktavāṃstadā || 65.17 ||
Thus addressed, the mighty one, overjoyed, having heard the king's words, set forth, now resolved and ready for battle.
Shloka 18 (yuddha.65.18)
आददे निशितं शूलं वेगाच्छत्रुनिबर्हणः। सर्वं कालायसं दीप्तं तप्तकाञ्चनभूषणम् ॥ 65.18 ॥
ādade niśitaṃ śūlaṃ vegācchatrunibarhaṇaḥ| sarvaṃ kālāyasaṃ dīptaṃ taptakāñcanabhūṣaṇam || 65.18 ||
That destroyer of foes swiftly seized his sharp spear, forged wholly of blazing black iron, adorned with molten gold.
Shloka 19 (yuddha.65.19)
इन्द्राशनिसमप्रख्यं वज्रप्रतिमगौरवम्। देवदानवगन्धर्वयक्षपन्नगसूदनम् ॥ 65.19 ॥
indrāśanisamaprakhyaṃ vajrapratimagauravam| devadānavagandharvayakṣapannagasūdanam || 65.19 ||
It shone like Indra's thunderbolt, weighed as heavy as the vajra itself, a destroyer of gods, danavas, gandharvas, yakshas, and serpents.
Shloka 20 (yuddha.65.20)
रक्तमाल्यमहादामं स्वतश्चोद्गतपावकम्। आदाय विपुलं शूलं शत्रुशोणितरञ्जितम् ॥ 65.20 ॥
raktamālyamahādāmaṃ svataścodagatapāvakam| ādāya vipulaṃ śūlaṃ śatruśoṇitarañjitam || 65.20 ||
Taking up that vast spear, wreathed with a great garland of red flowers, from which fire seemed to leap of itself, already reddened with the blood of enemies --
Shloka 21 (yuddha.65.21)
कुम्भकर्णो महातेजा रावणं वाक्यमब्रवीत्। गमिष्याम्यहमेकाकी तिष्ठत्विह बलं मम ॥ 65.21 ॥
kumbhakarṇo mahātejā rāvaṇaṃ vākyamabravīt| gamiṣyāmyahamekākī tiṣṭhatviha balaṃ mama || 65.21 ||
-- mighty Kumbhakarna spoke these words to Ravana: 'I shall go alone; let my army remain here.'
Shloka 22 (yuddha.65.22)
अद्य तान् क्षुधितः क्रुद्धो भक्षयिष्यामि वानरान्। कुम्भकर्णवचः श्रुत्वा रावणो वाक्यमब्रवीत् ॥ 65.22 ॥
adya tān kṣudhitaḥ kruddho bhakṣayiṣyāmi vānarān| kumbhakarṇavacaḥ śrutvā rāvaṇo vākyamabravīt || 65.22 ||
-- 'Today, hungry and enraged, I shall devour those monkeys.' Hearing Kumbhakarna's words, Ravana replied --
Shloka 23 (yuddha.65.23)
सैन्यैः परिवृतो गच्छ शूलमुद्गरपाणिभिः। वानरा हि महात्मानः शूराः सुव्यवसायिनः ॥ 65.23 ॥
sainyaiḥ parivṛto gaccha śūlamudagarapāṇibhiḥ| vānarā hi mahātmānaḥ śūrāḥ suvyavasāyinaḥ || 65.23 ||
-- 'Go surrounded by your troops, spears and maces in hand -- for the monkeys are great-souled, heroic, and firmly resolved.'
Shloka 24 (yuddha.65.24)
एकाकिनं प्रमत्तं वा नयेयुर्दशनैः क्षयम्। तस्मात् परमदुर्धर्षः सैन्यैः परिवृतो व्रज। रक्षसामहितं सर्वं शत्रुपक्षं निषूदय ॥ 65.24 ॥
ekākinaṃ pramattaṃ vā nayeyurdaśanaiḥ kṣayam| tasmāt paramadurdharṣaḥ sainyaiḥ parivṛto vraja| rakṣasāmahitaṃ sarvaṃ śatrupakṣaṃ niṣūdaya || 65.24 ||
-- 'Alone, or off your guard, they could bring about your end even with their teeth -- therefore, O utterly unassailable one, go surrounded by your troops, and destroy that whole enemy host that threatens the rakshasas.'
Shloka 25 (yuddha.65.25)
अथासनात् समुत्पत्य स्रजं मणिकृतान्तराम्। आबबन्ध महातेजाः कुम्भकर्णस्य रावणः ॥ 65.25 ॥
athāsanāt samutpatya srajaṃ maṇikṛtāntarām| ābabandha mahātejāḥ kumbhakarṇasya rāvaṇaḥ || 65.25 ||
Then, rising up from his seat, the illustrious Ravana himself bound upon Kumbhakarna a garland set through with jewels.
Shloka 26 (yuddha.65.26)
अङ्गदान्यङ्गुलीवेष्टान् वराण्याभरणानि च। हारं च शशिसंकाशमाबबन्ध महात्मनः ॥ 65.26 ॥
aṅgadānyaṅgulīveṣṭān varāṇyābharaṇāni ca| hāraṃ ca śaśisaṃkāśamābabandha mahātmanaḥ || 65.26 ||
He fastened upon that great being armlets, finger-rings, fine ornaments, and a necklace radiant as the moon.
Shloka 27 (yuddha.65.27)
दिव्यानि च सुगन्धीनि माल्यदामानि रावणः। गात्रेषु सज्जयामास श्रोत्रयोश्चास्य कुण्डले ॥ 65.27 ॥
divyāni ca sugandhīni mālyadāmāni rāvaṇaḥ| gātreṣu sajjayāmāsa śrotrayoścāsya kuṇḍale || 65.27 ||
Ravana fastened divine, sweet-smelling garlands upon his limbs, and earrings upon his ears.
Shloka 28 (yuddha.65.28)
काञ्चनाङ्गदकेयूरनिष्काभरणभूषितः। कुम्भकर्णो बृहत्कर्णः सुहुतोऽग्निरिवाबभौ ॥ 65.28 ॥
kāñcanāṅgadakeyūraniṣkābharaṇabhūṣitaḥ| kumbhakarṇo bṛhatkarṇaḥ suhuto'gnirivābabhau || 65.28 ||
Adorned with golden armlets, bracelets, and gold-coin ornaments, Kumbhakarna, of vast ears, shone like a fire fed with rich oblations.
Shloka 29 (yuddha.65.29)
श्रोणीसूत्रेण महता मेचकेन व्यराजत। अमृतोत्पादने नद्धो भुजङ्गेनेव मन्दरः ॥ 65.29 ॥
śroṇīsūtreṇa mahatā mecakena vyarājata| amṛtotpādane naddho bhujaṅgeneva mandaraḥ || 65.29 ||
He shone with a great dark girdle about his waist, like Mount Mandara bound about with the serpent at the churning for nectar.
Shloka 30 (yuddha.65.30)
स काञ्चनं भारसहं निवातं। विद्युत्प्रभं दीप्तमिवात्मभासा। आबध्यमानः कवचं रराज। संध्याभ्रसंवीत इवाद्रिराजः ॥ 65.30 ॥
sa kāñcanaṃ bhārasahaṃ nivātaṃ| vidyutprabhaṃ dīptamivātmabhāsā| ābadhyamānaḥ kavacaṃ rarāja| saṃdhyābhrasaṃvīta ivādrirājaḥ || 65.30 ||
As he was buckled into his golden armour, heavy and impenetrable, lightning-bright, blazing with its own light, he shone like the king of mountains wrapped in the clouds of evening.
Shloka 31 (yuddha.65.31)
सर्वाभरणसर्वाङ्गः शूलपाणिः स राक्षसः। त्रिविक्रमकृतोत्साहो नारायण इवाबभौ ॥ 65.31 ॥
sarvābharaṇasarvāṅgaḥ śūlapāṇiḥ sa rākṣasaḥ| trivikramakṛtotsāho nārāyaṇa ivābabhau || 65.31 ||
That rakshasa, every limb adorned with every ornament, spear in hand, shone like Narayana himself, roused for his three great strides.
Shloka 32 (yuddha.65.32)
भ्रातरं सम्परिष्वज्य कृत्वा चापि प्रदक्षिणम्। प्रणम्य शिरसा तस्मै प्रतस्थे स महाबलः ॥ 65.32 ॥
bhrātaraṃ sampariṣvajya kṛtvā cāpi pradakṣiṇam| praṇamya śirasā tasmai pratasthe sa mahābalaḥ || 65.32 ||
Embracing his brother, circling him in reverence, and bowing his head to him, that mighty one then set forth.
Shloka 33 (yuddha.65.33)
तमाशीर्भिः प्रशस्ताभिः प्रेषयामास रावणः। शङ्खदुन्दुभिनिर्घोषैः सैन्यैश्चापि वरायुधैः ॥ 65.33 ॥
tamāśīrbhiḥ praśastābhiḥ preṣayāmāsa rāvaṇaḥ| śaṅkhadundubhinirghoṣaiḥ sainyaiścāpi varāyudhaiḥ || 65.33 ||
Ravana sent him forth with auspicious blessings, amid the blare of conches and kettledrums, and with troops bearing splendid weapons.
Shloka 34 (yuddha.65.34)
तं गजैश्च तुरंगैश्च स्यन्दनैश्चाम्बुदस्वनैः। अनुजग्मुर्महात्मानो रथिनो रथिनां वरम् ॥ 65.34 ॥
taṃ gajaiśca turaṃgaiśca syandanaiścāmbudasvanaiḥ| anujagmurmahātmāno rathino rathināṃ varam || 65.34 ||
Great charioteers, foremost among charioteers, followed him with elephants, horses, and chariots that rumbled like thunderclouds.
Shloka 35 (yuddha.65.35)
सर्पैरुष्ट्रैः खरैश्चैव सिंहद्विपमृगद्विजैः। अनुजग्मुश्च तं घोरं कुम्भकर्णं महाबलम् ॥ 65.35 ॥
sarpairuṣṭraiḥ kharaiścaiva siṃhadvipamṛgadvijaiḥ| anujagmuśca taṃ ghoraṃ kumbhakarṇaṃ mahābalam || 65.35 ||
Serpents, camels, and asses, and lions, elephants, deer, and birds too, followed after that terrible, mighty Kumbhakarna.
Shloka 36 (yuddha.65.36)
स पुष्पवर्षैरवकीर्यमाणो। धृतातपत्रः शितशूलपाणिः। मदोत्कटः शोणितगन्धमत्तो। विनिर्ययौ दानवदेवशत्रुः ॥ 65.36 ॥
sa puṣpavarṣairavakīryamāṇo| dhṛtātapatraḥ śitaśūlapāṇiḥ| madotkaṭaḥ śoṇitagandhamatto| viniryayau dānavadevaśatruḥ || 65.36 ||
Showered with falling flowers, a parasol held over him, sharp spear in hand, wild with fury and intoxicated by the very scent of blood, that enemy of gods and danavas marched forth.
Shloka 37 (yuddha.65.37)
पदातयश्च बहवो महानादा महाबलाः। अन्वयू राक्षसा भीमा भीमाक्षाः शस्त्रपाणयः ॥ 65.37 ॥
padātayaśca bahavo mahānādā mahābalāḥ| anvayū rākṣasā bhīmā bhīmākṣāḥ śastrapāṇayaḥ || 65.37 ||
Many mighty foot-soldiers, roaring loudly, terrible rakshasas with terrible eyes, weapons in hand, followed behind him.
Shloka 38 (yuddha.65.38)
रक्ताक्षाः सुबहुव्यामा नीलाञ्जनचयोपमाः। शूलानुद्यम्य खड्गांश्च निशितांश्च परश्वधान् ॥ 65.38 ॥
raktākṣāḥ subahuvyāmā nīlāñjanacayopamāḥ| śūlānudyamya khaḍgāṃśca niśitāṃśca paraśvadhān || 65.38 ||
Red-eyed, of vast stature, dark as heaps of collyrium, they raised aloft their spears, swords, and sharp axes.
Shloka 39 (yuddha.65.39)
भिन्दिपालांश्च परिघान् गदाश्च मुसलानि च। तालस्कन्धांश्च विपुलान् क्षेपणीयान् दुरासदान् ॥ 65.39 ॥
bhindipālāṃśca parighān gadāśca musalāni ca| tālaskandhāṃśca vipulān kṣepaṇīyān durāsadān || 65.39 ||
-- javelins, iron clubs, maces and pestles, and huge palm-trunks besides, missiles fearsome and unassailable.
Shloka 40 (yuddha.65.40)
अथान्यद्वपुरादाय दारुणं घोरदर्शनम्। निष्पपात महातेजाः कुम्भकर्णो महाबलः ॥ 65.40 ॥
athānyadvapurādāya dāruṇaṃ ghoradarśanam| niṣpapāta mahātejāḥ kumbhakarṇo mahābalaḥ || 65.40 ||
Then, assuming another body still, terrible and dreadful to behold, the illustrious, mighty Kumbhakarna rushed forward.
Shloka 41 (yuddha.65.41)
धनुःशतपरीणाहः स षट्शतसमुच्छ्रितः। रौद्रः शकटचक्राक्षो महापर्वतसंनिभः ॥ 65.41 ॥
dhanuḥśataparīṇāhaḥ sa ṣaṭśatasamucchritaḥ| raudraḥ śakaṭacakrākṣo mahāparvatasaṃnibhaḥ || 65.41 ||
A hundred bow-lengths in girth, six hundred bow-lengths in height, terrible, his eyes like cart-wheels, he resembled a mighty mountain.
Shloka 42 (yuddha.65.42)
संनिपत्य च रक्षांसि दग्धशैलोपमो महान्। कुम्भकर्णो महावक्त्रः प्रहसन्निदमब्रवीत् ॥ 65.42 ॥
saṃnipatya ca rakṣāṃsi dagdhaśailopamo mahān| kumbhakarṇo mahāvaktraḥ prahasannidamabravīt || 65.42 ||
That huge, wide-mouthed Kumbhakarna, resembling a scorched mountain, having gathered the rakshasas about him, laughed and spoke these words --
Shloka 43 (yuddha.65.43)
अद्य वानरमुख्यानां तानि यूथानि भागशः। निर्दहिष्यामि संक्रुद्धः पतङ्गानिव पावकः ॥ 65.43 ॥
adya vānaramukhyānāṃ tāni yūthāni bhāgaśaḥ| nirdahiṣyāmi saṃkruddhaḥ pataṅgāniva pāvakaḥ || 65.43 ||
-- 'Today, enraged, I shall consume those troops of the chief monkeys, band by band, as fire consumes moths.'
Shloka 44 (yuddha.65.44)
नापराध्यन्ति मे कामं वानरा वनचारिणः। जातिरस्मद्विधानां सा पुरोद्यानविभूषणम् ॥ 65.44 ॥
nāparādhyanti me kāmaṃ vānarā vanacāriṇaḥ| jātirasmadvidhānāṃ sā purodyānavibhūṣaṇam || 65.44 ||
-- 'These forest-dwelling monkeys have, in truth, done me no wrong; yet to beings like us, their kind is merely game to be found adorning the pleasure-groves.'
Shloka 45 (yuddha.65.45)
पुररोधस्य मूलं तु राघवः सहलक्ष्मणः। हते तस्मिन् हतं सर्वं तं वधिष्यामि संयुगे ॥ 65.45 ॥
purarodhasya mūlaṃ tu rāghavaḥ sahalakṣmaṇaḥ| hate tasmin hataṃ sarvaṃ taṃ vadhiṣyāmi saṃyuge || 65.45 ||
-- 'But the root of this siege upon our city is Raghava, together with Lakshmana; once he is slain, all is slain -- him I shall kill in battle.'
Shloka 46 (yuddha.65.46)
एवं तस्य ब्रुवाणस्य कुम्भकर्णस्य राक्षसाः। नादं चक्रुर्महाघोरं कम्पयन्त इवार्णवम् ॥ 65.46 ॥
evaṃ tasya bruvāṇasya kumbhakarṇasya rākṣasāḥ| nādaṃ cakrurmahāghoraṃ kampayanta ivārṇavam || 65.46 ||
As Kumbhakarna spoke thus, the rakshasas raised a tremendous, terrible roar, as if making the very ocean tremble.
Shloka 47 (yuddha.65.47)
तस्य निष्पततस्तूर्णं कुम्भकर्णस्य धीमतः। बभूवुर्घोररूपाणि निमित्तानि समन्ततः ॥ 65.47 ॥
tasya niṣpatatastūrṇaṃ kumbhakarṇasya dhīmataḥ| babhūvurghorarūpāṇi nimittāni samantataḥ || 65.47 ||
As wise Kumbhakarna rushed swiftly forth, dreadful omens appeared on every side.
Shloka 48 (yuddha.65.48)
उल्काशनियुता मेघा बभूवुर्गर्दभारुणाः। ससागरवना चैव वसुधा समकम्पत ॥ 65.48 ॥
ulkāśaniyutā meghā babhūvurgardabhāruṇāḥ| sasāgaravanā caiva vasudhā samakampata || 65.48 ||
Clouds, streaked with meteors and thunderbolts, turned the colour of a donkey's ruddy hide; and the whole earth, with its oceans and its forests, trembled.
Shloka 49 (yuddha.65.49)
घोररूपाः शिवा नेदुः सज्वालकवलैर्मुखैः। मण्डलान्यपसव्यानि बबन्धुश्च विहंगमाः ॥ 65.49 ॥
ghorarūpāḥ śivā neduḥ sajvālakavalairmukhaiḥ| maṇḍalānyapasavyāni babandhuśca vihaṃgamāḥ || 65.49 ||
Jackals, dreadful of form, howled with mouths that seemed to breathe flame; and birds wheeled in circles from the wrong, inauspicious side.
Shloka 50 (yuddha.65.50)
निष्पपात च गृध्रोऽस्य शूले वै पथि गच्छतः। प्रास्फुरन्नयनं चास्य सव्यो बाहुरकम्पत ॥ 65.50 ॥
niṣpapāta ca gṛdhro'sya śūle vai pathi gacchataḥ| prāsphurannayanaṃ cāsya savyo bāhurakampata || 65.50 ||
A vulture came and perched upon his spear as he went along the road; his eye throbbed, and his left arm trembled.
Shloka 51 (yuddha.65.51)
निष्पपात तदा चोल्का ज्वलन्ती भीमनिःस्वना। आदित्यो निष्प्रभश्चासीन्न वाति च सुखोऽनिलः ॥ 65.51 ॥
niṣpapāta tadā colkā jvalantī bhīmaniḥsvanā| ādityo niṣprabhaścāsīnna vāti ca sukho'nilaḥ || 65.51 ||
A blazing meteor fell then with a terrible roar; the sun grew dim, and the wind no longer blew with its wonted ease.
Shloka 52 (yuddha.65.52)
अचिन्तयन् महोत्पातानुदितान् रोमहर्षणान्। निर्ययौ कुम्भकर्णस्तु कृतान्तबलचोदितः ॥ 65.52 ॥
acintayan mahotpātānuditān romaharṣaṇān| niryayau kumbhakarṇastu kṛtāntabalacoditaḥ || 65.52 ||
Paying no heed to these great, hair-raising omens that had arisen, Kumbhakarna, driven on as if by the very force of death, marched forth.
Shloka 53 (yuddha.65.53)
स लङ्घयित्वा प्राकारं पद्भ्यां पर्वतसंनिभः। ददर्शाभ्रघनप्रख्यं वानरानीकमद्भुतम् ॥ 65.53 ॥
sa laṅghayitvā prākāraṃ padabhyāṃ parvatasaṃnibhaḥ| dadarśābhraghanaprakhyaṃ vānarānīkamadbhutam || 65.53 ||
Leaping the rampart with his own feet, that mountain-like being beheld the wondrous army of monkeys, dense as a mass of clouds.
Shloka 54 (yuddha.65.54)
ते दृष्ट्वा राक्षसश्रेष्ठं वानराः पर्वतोपमम्। वायुनुन्ना इव घना ययुः सर्वा दिशस्तदा ॥ 65.54 ॥
te dṛṣṭvā rākṣasaśreṣṭhaṃ vānarāḥ parvatopamam| vāyununnā iva ghanā yayuḥ sarvā diśastadā || 65.54 ||
Seeing that foremost of rakshasas, mountain-like, the monkeys scattered then in every direction, like storm-clouds driven by the wind.
Shloka 55 (yuddha.65.55)
तद् वानरानीकमतिप्रचण्डं। दिशो द्रवद्भिन्नमिवाभ्रजालम्। स कुम्भकर्णः समवेक्ष्य हर्षा-। न्ननाद भूयो घनवद्घनाभः ॥ 65.55 ॥
tad vānarānīkamatipracaṇḍaṃ| diśo dravadbhinnamivābhrajālam| sa kumbhakarṇaḥ samavekṣya harṣā-| nnanāda bhūyo ghanavadghanābhaḥ || 65.55 ||
Seeing that once fierce army of monkeys break apart and flee in every direction like a scattering mass of clouds, Kumbhakarna, dark as a thundercloud, roared again in triumph.
Shloka 56 (yuddha.65.56)
ते तस्य घोरं निनदं निशम्य। यथा निनादं दिवि वारिदस्य। पेतुर्धरण्यां बहवः प्लवङ्गा। निकृत्तमूला इव शालवृक्षाः ॥ 65.56 ॥
te tasya ghoraṃ ninadaṃ niśamya| yathā ninādaṃ divi vāridasya| peturdharaṇyāṃ bahavaḥ plavaṅgā| nikṛttamūlā iva śālavṛkṣāḥ || 65.56 ||
Hearing his terrible roar -- like the roar of a thundercloud in the sky -- many of the monkeys fell to the ground, like sala trees cut off at the root.
Shloka 57 (yuddha.65.57)
विपुलपरिघवान् स कुम्भकर्णो। रिपुनिधनाय विनिःसृतो महात्मा। कपिगणभयमाददत् सुभीमं। प्रभुरिव किंकरदण्डवान् युगान्ते ॥ 65.57 ॥
vipulaparighavān sa kumbhakarṇo| ripunidhanāya viniḥsṛto mahātmā| kapigaṇabhayamādadat subhīmaṃ| prabhuriva kiṃkaradaṇḍavān yugānte || 65.57 ||
That great being Kumbhakarna, bearing his massive iron bar, having set forth for the destruction of the enemy, struck utter terror into the ranks of the monkeys, like a lord wielding the rod of doom at the end of an age.