The Death of Kumbhakarna

Shloka 1 (yuddha.67.1)

ते निवृत्ता महाकायाः श्रुत्वाङ्गदवचस्तदा । नैष्ठिकीं बुद्धिमास्थाय सर्वे संग्रामकांक्षिणः ॥ 67.1 ॥

te nivṛttā mahākāyāḥ śrutvāṅgadavacastadā | naiṣṭhikīṃ buddhimāsthāya sarve saṃgrāmakāṃkṣiṇaḥ || 67.1 ||

Hearing Angada's words, those huge-bodied monkeys turned back, and, having settled upon a firm resolve, all of them longed once more for battle.

Shloka 2 (yuddha.67.2)

समुदीरितवीर्यास्ते समारोपितविक्रमाः । पर्यवस्थापिता वाक्यैरङ्गदेन बलीयसा ॥ 67.2 ॥

samudīritavīryāste samāropitavikramāḥ | paryavasthāpitā vākyairaṅgadena balīyasā || 67.2 ||

Their valor roused, their courage restored, they were steadied once more by the words of the mighty Angada.

Shloka 3 (yuddha.67.3)

प्रयाताश्च गता हर्षं मरणे कृतनिश्चयाः । चक्रुः सुतुमुलं युद्धं वानरास्त्यक्तजीविताः ॥ 67.3 ॥

prayātāśca gatā harṣaṃ maraṇe kṛtaniścayāḥ | cakruḥ sutumulaṃ yuddhaṃ vānarāstyaktajīvitāḥ || 67.3 ||

Advancing, filled with joy, resolved even upon death, the monkeys, casting aside their very lives, waged a tumultuous battle.

Shloka 4 (yuddha.67.4)

अथ वृक्षान् महाकायाः सानूनि सुमहान्ति च । वानरास्तूर्णमुद्यम्य कुम्भकर्णमभिद्रवन् ॥ 67.4 ॥

atha vṛkṣān mahākāyāḥ sānūni sumahānti ca | vānarāstūrṇamudyamya kumbhakarṇamabhidravan || 67.4 ||

Then those huge-bodied monkeys, swiftly seizing trees and vast mountain-crags, charged upon Kumbhakarna.

Shloka 5 (yuddha.67.5)

कुम्भकर्णः संक्रुद्धो गदामुद्यम्य वीर्यवान् । धर्षयन् स महाकायः समन्ताद्व्यक्षिपद्रिपून् ॥ 67.5 ॥

kumbhakarṇaḥ saṃkruddho gadāmudyamya vīryavān | dharṣayan sa mahākāyaḥ samantādvyakṣipadripūn || 67.5 ||

Kumbhakarna, in fury, raising his mace, that mighty and huge-bodied one, overpowering them, flung his foes in every direction.

Shloka 6 (yuddha.67.6)

शतानि सप्त चाष्टौ च सहस्राणि च वानराः । प्रकीर्णाः शेरते भूमौ कुम्भकर्णेन ताडिताः ॥ 67.6 ॥

śatāni sapta cāṣṭau ca sahasrāṇi ca vānarāḥ | prakīrṇāḥ śerate bhūmau kumbhakarṇena tāḍitāḥ || 67.6 ||

Seven hundred, eight thousand monkeys lay scattered upon the ground, struck down by Kumbhakarna.

Shloka 7 (yuddha.67.7)

षोडशाष्टौ च दश च विंशत्त्रिंशत्तथैव च । परिक्षिप्य च बाहुभ्यां खादन्वि परिधावति ॥ 67.7 ॥

ṣoḍaśāṣṭau ca daśa ca viṃśattriṃśattathaiva ca | parikṣipya ca bāhubhyāṃ khādanvi paridhāvati || 67.7 ||

Sixteen, eight, ten, twenty, and thirty at a time, he seized them in his arms and, devouring them, ran wildly about.

Shloka 8 (yuddha.67.8)

भक्षयन् भृशसंक्रुद्धो गरुडः पन्नगानिव । कृच्छ्रेण च समाश्वस्ताः संगम्य च ततस्ततः ॥ 67.8 ॥

bhakṣayan bhṛśasaṃkruddho garuḍaḥ pannagāniva | kṛcchreṇa ca samāśvastāḥ saṃgamya ca tatastataḥ || 67.8 ||

Devouring them in utter fury, like Garuda devouring serpents; and with difficulty regaining courage, gathering together from every side,

Shloka 9 (yuddha.67.9)

वृक्षाद्रिहस्ता हरयस्तस्थुः संग्राममूर्धनि । ततः पर्वतमुत्पाट्य द्विविदः प्लवगर्षभः ॥ 67.9 ॥

vṛkṣādrihastā harayastasthuḥ saṃgrāmamūrdhani | tataḥ parvatamutpāṭya dvividaḥ plavagarṣabhaḥ || 67.9 ||

-- the monkeys, trees and crags in hand, stood once more at the forefront of the battle. Then Dvivida, that bull among monkeys, tearing up a mountain,

Shloka 10 (yuddha.67.10)

दुद्राव गिरिशृङ्गाभम् विलम्ब इव तोयदः । तं समुत्पत्य चिक्षेप कुम्भकर्णाय वानरः ॥ 67.10 ॥

dudrāva giriśṛṅgābham vilamba iva toyadaḥ | taṃ samutpatya cikṣepa kumbhakarṇāya vānaraḥ || 67.10 ||

charged forward, like a slow-moving raincloud bearing a mountain-peak; and, leaping up, that monkey hurled it at Kumbhakarna.

Shloka 11 (yuddha.67.11)

तमप्राप्य महाकायं तस्य सैन्येऽपतत्ततः । ममर्दाश्वान् गजांश्चापि रथांश्चापि नगोत्तमः ॥ 67.11 ॥

tamaprāpya mahākāyaṃ tasya sainye'patattataḥ | mamardāśvān gajāṃścāpi rathāṃścāpi nagottamaḥ || 67.11 ||

Failing to reach that huge-bodied one, it fell instead among his army; and that excellent mountain crushed horses, elephants, and chariots alike.

Shloka 12 (yuddha.67.12)

तानि चान्यानि रक्षांसि एवं चान्यद्गिरेः शिरः । तच्छएलवेगाभिहतं हताश्वं हतसारथि ॥ 67.12 ॥

tāni cānyāni rakṣāṃsi evaṃ cānyadgireḥ śiraḥ | tacchaelavegābhihataṃ hatāśvaṃ hatasārathi || 67.12 ||

Those and other demons besides, and that other mountain-crest, struck by the force of that crag, with horses slain and charioteers slain --

Shloka 13 (yuddha.67.13)

रक्षसां रुधिरक्लिन्नम् बभूवायोधनम् महत् । रथिनो वानरेन्द्राणां शरैः कालान्तकोपमैः ॥ 67.13 ॥

rakṣasāṃ rudhiraklinnam babhūvāyodhanam mahat | rathino vānarendrāṇāṃ śaraiḥ kālāntakopamaiḥ || 67.13 ||

-- the great battlefield grew drenched with the blood of demons. The charioteers among the demons, meanwhile, with arrows like Death himself at the world's end,

Shloka 14 (yuddha.67.14)

शिरांसि नर्दतां जह्रुः सहसा भीमनिःस्वनाः । वानराश्च महात्मानः समुत्पाट्य महाद्रुमान् ॥ 67.14 ॥

śirāṃsi nardatāṃ jahruḥ sahasā bhīmaniḥsvanāḥ | vānarāśca mahātmānaḥ samutpāṭya mahādrumān || 67.14 ||

those of terrible roar, suddenly severed the heads of the roaring monkeys. And the great-souled monkeys, tearing up huge trees,

Shloka 15 (yuddha.67.15)

रथानश्वान् गजानुष्ट्रान्राक्षसानभ्यसूदयन् । हनूमान् शैलशृङ्गाणि वृक्षांश्च विविधान् ध्रुमान् ॥ 67.15 ॥

rathānaśvān gajānuṣṭrānrākṣasānabhyasūdayan | hanūmān śailaśṛṅgāṇi vṛkṣāṃśca vividhān dhrumān || 67.15 ||

destroyed their chariots, horses, elephants, and camels, along with the demons themselves. Hanuman, mountain-peaks and trees of every kind,

Shloka 16 (yuddha.67.16)

ववर्ष कुम्भकर्णस्य शिरस्यम्बरमास्थितः । तानि पर्वतशृङ्गाणि शूलेन तु बिभेद ह ॥ 67.16 ॥

vavarṣa kumbhakarṇasya śirasyambaramāsthitaḥ | tāni parvataśṛṅgāṇi śūlena tu bibheda ha || 67.16 ||

standing in the sky, rained down upon Kumbhakarna's head. But he shattered those mountain-peaks with his spike.

Shloka 17 (yuddha.67.17)

बभञ्ज वृक्षवर्षं च कुम्भकर्णो महाबलः । ततो हरीणां तदनीकमुग्रं । दुद्राव शूलं निशितं प्रगृह्य । तस्थौ ततोऽस्यापततः पुरस्तान् । न्महीधराग्रं हनुमान् प्रगृह्य ॥ 67.17 ॥

babhañja vṛkṣavarṣaṃ ca kumbhakarṇo mahābalaḥ | tato harīṇāṃ tadanīkamugraṃ | dudrāva śūlaṃ niśitaṃ pragṛhya | tasthau tato'syāpatataḥ purastān | nmahīdharāgraṃ hanumān pragṛhya || 67.17 ||

The mighty Kumbhakarna shattered that shower of trees as well; then, grasping his sharp spike, he charged at that fierce army of monkeys. And Hanuman, seizing a mountain-crest, stood before him as he came on.

Shloka 18 (yuddha.67.18)

स कुम्भकर्णं कुपितो जघान । वेगेन शैलोत्तमभीमकायं । स चुक्षुभे तेन तदाभिबूतो । मेदार्द्रगात्रो रुधिरावसिक्तः ॥ 67.18 ॥

sa kumbhakarṇaṃ kupito jaghāna | vegena śailottamabhīmakāyaṃ | sa cukṣubhe tena tadābhibūto | medārdragātro rudhirāvasiktaḥ || 67.18 ||

In fury, he struck Kumbhakarna, of terrible mountain-like frame, with great force. Overwhelmed by that blow, Kumbhakarna reeled, his limbs wet with fat, drenched in blood.

Shloka 19 (yuddha.67.19)

स शूलमाविध्य तडित्प्रकाशं । गिरिर्यथा प्रज्वलिताग्रशृङ्गम् । बाह्वन्तरे मारुति माजघान । गुहोऽचलं क्रौञ्चमिवोग्रशक्त्या ॥ 67.19 ॥

sa śūlamāvidhya taḍitprakāśaṃ | giriryathā prajvalitāgraśṛṅgam | bāhvantare māruti mājaghāna | guho'calaṃ krauñcamivograśaktyā || 67.19 ||

Whirling his spike, bright as lightning, like a mountain with its peak ablaze, he struck Hanuman between the arms, as Guha once struck Mount Krauncha with his terrible javelin.

Shloka 20 (yuddha.67.20)

स शूलनिर्भिन्न महाभुजान्तरः । प्रविह्वलः शोणितमुद्वमन्मुखात् । ननाद भीमं हनुमान् महाहवे । युगान्तमेघस्तनितस्वनोपमम् ॥ 67.20 ॥

sa śūlanirbhinna mahābhujāntaraḥ | pravihvalaḥ śoṇitamudvamanmukhāt | nanāda bhīmaṃ hanumān mahāhave | yugāntameghastanitasvanopamam || 67.20 ||

His broad chest pierced through by that spike, reeling, blood pouring from his mouth, Hanuman roared terribly in that great battle, a sound like the thunder of the clouds at the world's end.

Shloka 21 (yuddha.67.21)

ततो विनेदुः सहसा प्रहृष्टा । रक्षोगणास्तं व्यथितं समीक्ष्य । प्लवंगमास्तु व्यथिता भयार्ताः । प्रदुद्रुवुः सम्यति कुम्भकर्णात् ॥ 67.21 ॥

tato vineduḥ sahasā prahṛṣṭā | rakṣogaṇāstaṃ vyathitaṃ samīkṣya | plavaṃgamāstu vyathitā bhayārtāḥ | pradudruvuḥ samyati kumbhakarṇāt || 67.21 ||

Then the demon hosts, seeing him thus stricken, cried out suddenly in delight; while the monkeys, distressed and stricken with fear, fled from Kumbhakarna in that battle.

Shloka 22 (yuddha.67.22)

ततस्तु नीलो बलवान् पर्यवस्थापयन् बलम् । प्रविचिक्षेप शैलाग्रं कुम्भकर्णाय धीमते ॥ 67.22 ॥

tatastu nīlo balavān paryavasthāpayan balam | pravicikṣepa śailāgraṃ kumbhakarṇāya dhīmate || 67.22 ||

Then the mighty Nila, rallying the army, hurled a mountain-peak at the crafty Kumbhakarna.

Shloka 23 (yuddha.67.23)

तदापतन्तं सम्प्रेक्ष्ये मुष्टिनाभिजघान ह । मुष्टिप्रहाराभिहतं तच्छैलाग्रम् व्यशीर्यत ॥ 67.23 ॥

tadāpatantaṃ samprekṣye muṣṭinābhijaghāna ha | muṣṭiprahārābhihataṃ tacchailāgram vyaśīryata || 67.23 ||

Seeing it come flying at him, he struck it with his fist; and shattered by the blow of that fist, the mountain-peak broke apart --

Shloka 24 (yuddha.67.24)

सविस्फुलिंगं सज्वालं निपपात महीतले । ऋषभः शरभो नीलो गवाक्षो गन्धमादनः ॥ 67.24 ॥

savisphuliṃgaṃ sajvālaṃ nipapāta mahītale | ṛṣabhaḥ śarabho nīlo gavākṣo gandhamādanaḥ || 67.24 ||

-- streaming sparks and flame, it fell to the earth. Then Rishabha, Sharabha, Nila, Gavaksha, and Gandhamadana --

Shloka 25 (yuddha.67.25)

पञ्च वानर शार्दूलाः कुम्भकर्णमुपाद्रवन् । शैलैर्वृक्षैस्तलैः पादैर्मुष्टिभिश्च महाबलाः ॥ 67.25 ॥

pañca vānara śārdūlāḥ kumbhakarṇamupādravan | śailairvṛkṣaistalaiḥ pādairmuṣṭibhiśca mahābalāḥ || 67.25 ||

-- those five tigers among monkeys, charged upon Kumbhakarna, mighty as they were, with crags, trees, the flats of their hands, their feet, and their fists.

Shloka 26 (yuddha.67.26)

कुम्भकर्णं महाकां निजघ्नुः सर्वतो युधि । स्पर्शानिव प्रहारांस्तान्वेदयानो न विव्यथे ॥ 67.26 ॥

kumbhakarṇaṃ mahākāṃ nijaghnuḥ sarvato yudhi | sparśāniva prahārāṃstānvedayāno na vivyathe || 67.26 ||

They struck the huge-bodied Kumbhakarna from every side in that battle; but he, feeling their blows as mere touches, was not troubled at all.

Shloka 27 (yuddha.67.27)

ऋषभं तु महावेगं बाहुभ्यां परिषस्वजे । कुम्भकर्णभुजाभ्यां तु पीडितो वानरर्षभः ॥ 67.27 ॥

ṛṣabhaṃ tu mahāvegaṃ bāhubhyāṃ pariṣasvaje | kumbhakarṇabhujābhyāṃ tu pīḍito vānararṣabhaḥ || 67.27 ||

But he seized the swift Rishabha in his two arms; and crushed by Kumbhakarna's arms, that bull among monkeys --

Shloka 28 (yuddha.67.28)

निपपातर्षभो भीमः प्रमुखागतशोणितः । मुष्टिना शरभं हत्वा जानुना नीलमाहवे ॥ 67.28 ॥

nipapātarṣabho bhīmaḥ pramukhāgataśoṇitaḥ | muṣṭinā śarabhaṃ hatvā jānunā nīlamāhave || 67.28 ||

-- that terrible Rishabha fell, blood gushing from his mouth. Then, striking Sharabha with his fist, and Nila with his knee in that battle,

Shloka 29 (yuddha.67.29)

आजघान गवाक्षं च तलेनेन्द्ररिपुस्तदा । पादेनाभ्यहनत्क्रुद्धस्तरसा गन्धमादनम् ॥ 67.29 ॥

ājaghāna gavākṣaṃ ca talenendraripustadā | pādenābhyahanatkruddhastarasā gandhamādanam || 67.29 ||

that foe of Indra struck Gavaksha with the flat of his hand; and in fury, with his foot, swiftly struck down Gandhamadana.

Shloka 30 (yuddha.67.30)

दत्तप्रहरव्यथिता मुमुहुः शोणितोक्षिताः । निपेतुस्ते तु मेदिन्यां निकृत्ता इव किंशुकाः ॥ 67.30 ॥

dattapraharavyathitā mumuhuḥ śoṇitokṣitāḥ | nipetuste tu medinyāṃ nikṛttā iva kiṃśukāḥ || 67.30 ||

Stricken by his blows, drenched in blood, they swooned; and fell to the earth like felled kimshuka trees in bloom.

Shloka 31 (yuddha.67.31)

तेषु वानरमुख्येषु पतितेषु महात्मसु । वानराणां सहस्राणि कुम्भकर्णं प्रदुद्रुवुः ॥ 67.31 ॥

teṣu vānaramukhyeṣu patiteṣu mahātmasu | vānarāṇāṃ sahasrāṇi kumbhakarṇaṃ pradudruvuḥ || 67.31 ||

When those great-souled foremost monkeys had fallen, thousands of monkeys rushed upon Kumbhakarna.

Shloka 32 (yuddha.67.32)

तं शैलमिव शैलाभाः सर्वे तु प्लवगर्षभाः । समारुह्य समुत्पत्य ददंशुश्च महाबलाः ॥ 67.32 ॥

taṃ śailamiva śailābhāḥ sarve tu plavagarṣabhāḥ | samāruhya samutpatya dadaṃśuśca mahābalāḥ || 67.32 ||

All those bulls among monkeys, mountain-like themselves, mighty as they were, climbed upon him as upon a mountain, leaping up, and bit him.

Shloka 33 (yuddha.67.33)

तं नखैर्दशनैश्चापि मुष्टिभिर्जानुभिस्तथा । कुम्भकर्णं महाकायं ते जघ्नुः प्लवगर्षभाः ॥ 67.33 ॥

taṃ nakhairdaśanaiścāpi muṣṭibhirjānubhistathā | kumbhakarṇaṃ mahākāyaṃ te jaghnuḥ plavagarṣabhāḥ || 67.33 ||

With claws and teeth, with fists and knees, those bulls among monkeys struck at the huge-bodied Kumbhakarna.

Shloka 34 (yuddha.67.34)

स वानरसहस्रैस्तु विचितः पर्वतोपमः । रराज राक्षसव्याघ्रो गिरिरात्मरुहैरिव ॥ 67.34 ॥

sa vānarasahasraistu vicitaḥ parvatopamaḥ | rarāja rākṣasavyāghro girirātmaruhairiva || 67.34 ||

Covered over by those thousands of monkeys, that tiger among demons, mountain-like himself, shone forth like a mountain covered with its own trees.

Shloka 35 (yuddha.67.35)

बाहुभ्याम् वानरान् सर्वान् प्रगृह्य स महाबलः । भक्षयामास संक्रुद्धो गरुडः पन्नगानिव ॥ 67.35 ॥

bāhubhyām vānarān sarvān pragṛhya sa mahābalaḥ | bhakṣayāmāsa saṃkruddho garuḍaḥ pannagāniva || 67.35 ||

Seizing all those monkeys in his two arms, that mighty one, in fury, devoured them, as Garuda devours serpents.

Shloka 36 (yuddha.67.36)

प्रक्षिप्ताः कुम्भकर्णेन वक्त्रे पातालसंनिभे । नासापुटाभ्यां निर्जग्मुः कर्णाभ्यां चैव वानराः ॥ 67.36 ॥

prakṣiptāḥ kumbhakarṇena vaktre pātālasaṃnibhe | nāsāpuṭābhyāṃ nirjagmuḥ karṇābhyāṃ caiva vānarāḥ || 67.36 ||

Thrown by Kumbhakarna into his mouth, deep as the netherworld, the monkeys came bursting out again through his nostrils and his ears.

Shloka 37 (yuddha.67.37)

भक्षयन् भृशसंक्रुद्धो हरीन् पर्वतसंनिभः । बभञ्ज वानरान् सर्वान् संक्रुद्धो राक्षसोत्तमः ॥ 67.37 ॥

bhakṣayan bhṛśasaṃkruddho harīn parvatasaṃnibhaḥ | babhañja vānarān sarvān saṃkruddho rākṣasottamaḥ || 67.37 ||

Devouring the monkeys in utter fury, that mountain-like foremost of demons, in his rage, crushed them all.

Shloka 38 (yuddha.67.38)

मांसशोणितसंक्लेदां कुर्वन् भूमिं स राक्षसः । चचार हरिसैन्येषु कालाग्निरिव मूर्छितः ॥ 67.38 ॥

māṃsaśoṇitasaṃkledāṃ kurvan bhūmiṃ sa rākṣasaḥ | cacāra harisainyeṣu kālāgniriva mūrchitaḥ || 67.38 ||

Making the very earth a mire of flesh and blood, that demon ranged through the monkey ranks like the raging fire of doomsday.

Shloka 39 (yuddha.67.39)

वज्रहस्तो यथा शक्रः पाशहस्त इवान्तकः । शूलहस्तो बभौ कुम्भकर्णो महाबलः ॥ 67.39 ॥

vajrahasto yathā śakraḥ pāśahasta ivāntakaḥ | śūlahasto babhau kumbhakarṇo mahābalaḥ || 67.39 ||

Like Indra, thunderbolt in hand, like Death himself, noose in hand, the mighty Kumbhakarna, spike in hand, shone forth.

Shloka 40 (yuddha.67.40)

यथा शुष्काण्यरण्यानि ग्रीष्मे दहति पावकः । तथा वानरसैन्यानि कुम्भकर्णो ददाह सः ॥ 67.40 ॥

yathā śuṣkāṇyaraṇyāni grīṣme dahati pāvakaḥ | tathā vānarasainyāni kumbhakarṇo dadāha saḥ || 67.40 ||

As fire consumes the parched forests in summer, so did Kumbhakarna consume the monkey ranks.

Shloka 41 (yuddha.67.41)

ततस्ते वध्यमानास्तु हतयूथा विनायकाः । वानरा भयसंविग्ना विनेदुर्विस्वरं भृशम् ॥ 67.41 ॥

tataste vadhyamānāstu hatayūthā vināyakāḥ | vānarā bhayasaṃvignā vinedurvisvaraṃ bhṛśam || 67.41 ||

Then those monkeys, being slaughtered, their troops destroyed, their leaders slain, terror-stricken, cried out loudly in discordant voices.

Shloka 42 (yuddha.67.42)

अनेकशो वध्यमानाः कुम्भकर्णेन वानराः । राघवं शरणं जग्मुर्व्यथिताः खिन्नचेतसः ॥ 67.42 ॥

anekaśo vadhyamānāḥ kumbhakarṇena vānarāḥ | rāghavaṃ śaraṇaṃ jagmurvyathitāḥ khinnacetasaḥ || 67.42 ||

Slaughtered in great numbers by Kumbhakarna, the monkeys, distressed and disheartened, sought refuge with Raghava.

Shloka 43 (yuddha.67.43)

प्रभग्नान् वानरान् दृष्ट्वा वज्रहस्तात्मजात्मजः । अभ्यधावत वेगेन कुम्भकर्णम् महाहवे ॥ 67.43 ॥

prabhagnān vānarān dṛṣṭvā vajrahastātmajātmajaḥ | abhyadhāvata vegena kumbhakarṇam mahāhave || 67.43 ||

Seeing the monkeys routed, the son of Indra's son charged with great speed at Kumbhakarna in that great battle.

Shloka 44 (yuddha.67.44)

शैलशृङ्गं महद्गृह्य विनदन् स मुहुर्मुहुः । त्रासयन् राक्षसान् सर्वान् कुम्भकर्णपदानुगान् ॥ 67.44 ॥

śailaśṛṅgaṃ mahadgṛhya vinadan sa muhurmuhuḥ | trāsayan rākṣasān sarvān kumbhakarṇapadānugān || 67.44 ||

Seizing a great mountain-peak, roaring again and again, striking terror into all the demons who followed in Kumbhakarna's train --

Shloka 45 (yuddha.67.45)

चिक्षेप शैलशिखरं कुम्भकर्णस्य मूर्धनि । स तेनाभिहतो मूर्ध्नि शैलेनेन्द्ररिपुस्तदा ॥ 67.45 ॥

cikṣepa śailaśikharaṃ kumbhakarṇasya mūrdhani | sa tenābhihato mūrdhni śailenendraripustadā || 67.45 ||

-- he hurled that mountain-crest upon Kumbhakarna's head; and struck upon the head by that crag, that foe of Indra --

Shloka 46 (yuddha.67.46)

कुम्भकर्णः प्रजज्वाल क्रोधेन महता तदा । सोऽभ्यधावत वेगेन वालिपुत्रममर्षणम् ॥ 67.46 ॥

kumbhakarṇaḥ prajajvāla krodhena mahatā tadā | so'bhyadhāvata vegena vāliputramamarṣaṇam || 67.46 ||

-- Kumbhakarna blazed with a great fury, and, unable to bear it, charged with great speed at the son of Vali.

Shloka 47 (yuddha.67.47)

कुम्भकर्णो महानादस्त्रासयन् सर्ववानरान् । शूलं ससर्ज वै रोषादङ्गदे तु महाबलः ॥ 67.47 ॥

kumbhakarṇo mahānādastrāsayan sarvavānarān | śūlaṃ sasarja vai roṣādaṅgade tu mahābalaḥ || 67.47 ||

Kumbhakarna, with a great roar, striking terror into all the monkeys, that mighty one, in fury, hurled his spike at Angada.

Shloka 48 (yuddha.67.48)

तमापतन्तं बुद्ध्वा तु युद्धमार्गविशारदः । लाघवान्मोचयामास बलवान् वानरर्षभः ॥ 67.48 ॥

tamāpatantaṃ buddhvā tu yuddhamārgaviśāradaḥ | lāghavānmocayāmāsa balavān vānararṣabhaḥ || 67.48 ||

Realizing it was coming at him, that bull among monkeys, skilled in the ways of war and mighty, with agility, dodged it.

Shloka 49 (yuddha.67.49)

उत्पत्य चैनं तरसा तलेनोरस्यताडयत् । स तेनाभिहतः कोपात्प्रमुमोहाचलोपमः ॥ 67.49 ॥

utpatya cainaṃ tarasā talenorasyatāḍayat | sa tenābhihataḥ kopātpramumohācalopamaḥ || 67.49 ||

And leaping up, he swiftly struck Kumbhakarna on the chest with the flat of his hand; struck by that blow, that mountain-like one reeled, senseless with fury.

Shloka 50 (yuddha.67.50)

स लब्धसंज्ञोऽतिबलो मुष्टिं संगृइह्य राक्षसः । अपहासेन चिक्षेप विसंज्ञः स पपात ह ॥ 67.50 ॥

sa labdhasaṃjño'tibalo muṣṭiṃ saṃgṛihya rākṣasaḥ | apahāsena cikṣepa visaṃjñaḥ sa papāta ha || 67.50 ||

Regaining his senses, that immensely powerful demon, clenching his fist, struck a backhand blow; and Angada, senseless, fell.

Shloka 51 (yuddha.67.51)

तस्मिन् प्लवगशार्दूले विसंज्ञे पतिते भुवि । तचुछूलं समुपादाय सुग्रीवमभिदुद्रुवे ॥ 67.51 ॥

tasmin plavagaśārdūle visaṃjñe patite bhuvi | tacuchūlaṃ samupādāya sugrīvamabhidudruve || 67.51 ||

When that tiger among monkeys had fallen senseless to the ground, Kumbhakarna, taking up his spike again, charged at Sugriva.

Shloka 52 (yuddha.67.52)

तमापतन्तं सम्प्रेक्ष्य कुम्भकर्णं महाबलम् । उत्पपात तदा वीरः सुग्रीवो वानराधिपः ॥ 67.52 ॥

tamāpatantaṃ samprekṣya kumbhakarṇaṃ mahābalam | utpapāta tadā vīraḥ sugrīvo vānarādhipaḥ || 67.52 ||

Seeing the mighty Kumbhakarna thus coming at him, the valiant Sugriva, lord of the monkeys, sprang up.

Shloka 53 (yuddha.67.53)

स पर्वताग्रमुत्क्षिप्य समाविध्य महाकपिः । अभिदुद्राव वेगेन कुम्भकर्णं महाबलम् ॥ 67.53 ॥

sa parvatāgramutkṣipya samāvidhya mahākapiḥ | abhidudrāva vegena kumbhakarṇaṃ mahābalam || 67.53 ||

That great monkey, snatching up a mountain-peak and whirling it, charged with great speed at the mighty Kumbhakarna.

Shloka 54 (yuddha.67.54)

तमापतन्तं सम्प्रेक्ष्य कुम्भकर्णः प्लवंगमं । तस्थौ विवृतसर्वाङ्गो वानरेन्द्रस्य संमुखः ॥ 67.54 ॥

tamāpatantaṃ samprekṣya kumbhakarṇaḥ plavaṃgamaṃ | tasthau vivṛtasarvāṅgo vānarendrasya saṃmukhaḥ || 67.54 ||

Seeing that monkey thus coming at him, Kumbhakarna, his whole body bared, stood facing the lord of the monkeys.

Shloka 55 (yuddha.67.55)

कपिशोणितदिग्धाङ्गं भक्षयन्तं महाकपीन् । कुम्भकर्णं स्थितं दृष्ट्वा सुग्रीवो वाक्यमब्रवीत् ॥ 67.55 ॥

kapiśoṇitadigdhāṅgaṃ bhakṣayantaṃ mahākapīn | kumbhakarṇaṃ sthitaṃ dṛṣṭvā sugrīvo vākyamabravīt || 67.55 ||

Seeing Kumbhakarna standing there, his limbs smeared with the blood of monkeys, devouring the great monkeys, Sugriva spoke these words:

Shloka 56 (yuddha.67.56)

पातिताश्च त्वया वीराः कृतं कर्म सुदुष्करम् । भक्षितानि च सैन्यानि प्राप्तं ते परमम् यशः ॥ 67.56 ॥

pātitāśca tvayā vīrāḥ kṛtaṃ karma suduṣkaram | bhakṣitāni ca sainyāni prāptaṃ te paramam yaśaḥ || 67.56 ||

"You have felled our heroes; you have done a most difficult deed; you have devoured our armies; you have won the highest fame.

Shloka 57 (yuddha.67.57)

त्यज तद्वानरानीकं प्राकृतैः किं करिष्यसि । सहस्वैकं निपातं मे पर्वतस्यास्य राक्षस ॥ 67.57 ॥

tyaja tadvānarānīkaṃ prākṛtaiḥ kiṃ kariṣyasi | sahasvaikaṃ nipātaṃ me parvatasyāsya rākṣasa || 67.57 ||

Leave now that army of common monkeys -- what use is there in fighting them further? Withstand instead, O demon, this one blow from my mountain."

Shloka 58 (yuddha.67.58)

तद्वाक्यं हरिराजस्य सत्त्वधैर्यसमन्वितं । श्रुत्वा राक्षसशार्दूलः कुम्भकर्णोऽब्रवीद्वचः ॥ 67.58 ॥

tadvākyaṃ harirājasya sattvadhairyasamanvitaṃ | śrutvā rākṣasaśārdūlaḥ kumbhakarṇo'bravīdvacaḥ || 67.58 ||

Hearing those words of the monkey-king, filled with courage and resolve, that tiger among demons, Kumbhakarna, spoke in reply:

Shloka 59 (yuddha.67.59)

प्रजापतेस्तु पौत्रस्त्वं तथैवर्क्षरजःसुतः । धृतिपौरुषसम्पन्नः कस्माद्गर्जसि वानर ॥ 67.59 ॥

prajāpatestu pautrastvaṃ tathaivarkṣarajaḥsutaḥ | dhṛtipauruṣasampannaḥ kasmādgarjasi vānara || 67.59 ||

"You are indeed the grandson of Prajapati, and likewise the son of Riksharajas; endowed with fortitude and manhood -- but why, O monkey, do you roar so?

Shloka 60 (yuddha.67.60)

स कुम्भकर्णस्य वचो निशम्य । व्याविध्य शैलं सहसा मुमोच । तेनाजघानोरसि कुम्भकर्णं । शैलेन वज्राशनिसंनिभेन ॥ 67.60 ॥

sa kumbhakarṇasya vaco niśamya | vyāvidhya śailaṃ sahasā mumoca | tenājaghānorasi kumbhakarṇaṃ | śailena vajrāśanisaṃnibhena || 67.60 ||

Hearing Kumbhakarna's words, Sugriva whirled his crag and suddenly loosed it; and with that crag, like the thunderbolt itself, he struck Kumbhakarna upon the chest.

Shloka 61 (yuddha.67.61)

तच्छैलशृङ्गं सहसा विकीर्णं । भुजान्तरे तस्य तदा विशाले । ततो विषेदुः सहसा प्लवंगा । रक्षोगणाश्चापि मुदा विनेदुः ॥ 67.61 ॥

tacchailaśṛṅgaṃ sahasā vikīrṇaṃ | bhujāntare tasya tadā viśāle | tato viṣeduḥ sahasā plavaṃgā | rakṣogaṇāścāpi mudā vineduḥ || 67.61 ||

That mountain-crest shattered instantly upon his broad chest; then the monkeys sank into despair, while the demon hosts roared aloud in delight.

Shloka 62 (yuddha.67.62)

स शैलशृङ्गाभिहतश् चुकोप । ननाद कोपाच्च विवृत्य वक्त्रम् । व्याविध्य शूलं च तडित्प्रकाशं । चिक्षेप हर्यृक्षपतेर्वधाय ॥ 67.62 ॥

sa śailaśṛṅgābhihataś cukopa | nanāda kopācca vivṛtya vaktram | vyāvidhya śūlaṃ ca taḍitprakāśaṃ | cikṣepa haryṛkṣapatervadhāya || 67.62 ||

Struck by that mountain-peak, he blazed with fury, and, twisting his face in rage, roared; then, whirling his spike, bright as lightning, he hurled it to slay the lord of the monkeys and bears.

Shloka 63 (yuddha.67.63)

तत्कुम्भकर्णस्य भुजप्रविद्धं । शूलं शितं काञ्चन दामजुष्टं । क्षिप्रं समुत्पत्य निगृह्य दोर्भ्यां । बभञ्ज वेगेन सुतोऽनिलस्य ॥ 67.63 ॥

tatkumbhakarṇasya bhujapraviddhaṃ | śūlaṃ śitaṃ kāñcana dāmajuṣṭaṃ | kṣipraṃ samutpatya nigṛhya dorbhyāṃ | babhañja vegena suto'nilasya || 67.63 ||

That sharp spike of Kumbhakarna's, hurled from his arm, adorned with a golden band -- the son of the Wind swiftly leapt up, seized it in his two arms, and broke it with great force.

Shloka 64 (yuddha.67.64)

कृतं भारसहस्रस्य शूलं कालायसं महत् । बभञ्ज जानुमारोप्य प्रहृष्टः प्लवगर्षभः ॥ 67.64 ॥

kṛtaṃ bhārasahasrasya śūlaṃ kālāyasaṃ mahat | babhañja jānumāropya prahṛṣṭaḥ plavagarṣabhaḥ || 67.64 ||

That great iron spike, forged to bear the weight of a thousand, that bull among monkeys, in delight, broke by pressing it against his knee.

Shloka 65 (yuddha.67.65)

शूलम् भग्नं हनुमता दृष्ट्वा वानरवाहिनी । हृष्टा ननाद बहुशः सर्वतश्चापि दुद्रुवे ॥ 67.65 ॥

śūlam bhagnaṃ hanumatā dṛṣṭvā vānaravāhinī | hṛṣṭā nanāda bahuśaḥ sarvataścāpi dudruve || 67.65 ||

Seeing the spike broken by Hanuman, the monkey army, filled with joy, roared out again and again, and rushed forward from every side.

Shloka 66 (yuddha.67.66)

बभूवाथ परित्रस्तो राक्षसो विमुखोऽभवत् । सिंहनादं च ते चक्रुः प्रहृष्टा वनगोचराः ॥ 67.66 ॥

babhūvātha paritrasto rākṣaso vimukho'bhavat | siṃhanādaṃ ca te cakruḥ prahṛṣṭā vanagocarāḥ || 67.66 ||

The demon, meanwhile, grew alarmed and turned his face away; and the forest-dwellers, rejoicing, roared with lion-roars.

Shloka 67 (yuddha.67.67)

मारुतिं पूजयांचक्रुर्दृष्ट्वा शूलं तथागतं । स तत्तदा भग्नमवेक्ष्य शूलं । चुकोप रक्षोऽधिपतिर्महात्मा । उत्पाट्य लङ्कामलयात्स शृङ्गं । जघान सुग्रीवमुपेत्य तेन ॥ 67.67 ॥

mārutiṃ pūjayāṃcakrurdṛṣṭvā śūlaṃ tathāgataṃ | sa tattadā bhagnamavekṣya śūlaṃ | cukopa rakṣo'dhipatirmahātmā | utpāṭya laṅkāmalayātsa śṛṅgaṃ | jaghāna sugrīvamupetya tena || 67.67 ||

Seeing the spike thus destroyed, they honored the son of Maruta. And that great-souled lord of the demons, seeing his spike so broken, blazed with fury; tearing a peak from the Malaya hill of Lanka, he approached and struck Sugriva with it.

Shloka 68 (yuddha.67.68)

स शैलशृङ्गाभिहतो विसंज्ञः । पपात भूमौ युधि वानरेन्द्रः । तं प्रेक्ष्य भूमौ पतितम् विसंज्ञं । नेदुः प्रहृष्टा युधि यातुधानाः ॥ 67.68 ॥

sa śailaśṛṅgābhihato visaṃjñaḥ | papāta bhūmau yudhi vānarendraḥ | taṃ prekṣya bhūmau patitam visaṃjñaṃ | neduḥ prahṛṣṭā yudhi yātudhānāḥ || 67.68 ||

Struck by that mountain-peak, senseless, the lord of the monkeys fell to the ground in that battle; and seeing him fallen senseless upon the ground, the demons, rejoicing, roared aloud in that fight.

Shloka 69 (yuddha.67.69)

तमभ्युपेत्याद्भुतघोरवीर्यं । स कुम्भकर्णो युधि वानरेन्द्रं । जहार सुग्रीवमभिप्रगृह्य । यथानिलो मेघमतिप्रचण्डः ॥ 67.69 ॥

tamabhyupetyādbhutaghoravīryaṃ | sa kumbhakarṇo yudhi vānarendraṃ | jahāra sugrīvamabhipragṛhya | yathānilo meghamatipracaṇḍaḥ || 67.69 ||

Approaching that lord of the monkeys, of wondrous and terrible valor, Kumbhakarna seized Sugriva and bore him away, as the mighty wind bears off a raging cloud.

Shloka 70 (yuddha.67.70)

स तं महामेघनिकाशरूपम् । उत्पाट्य गच्छन्युधि कुम्भकर्णः । रराज मेरुप्रतिमानरूपो । मेरुर्यथात्युच्छ्रितघोरशृङ्गः ॥ 67.70 ॥

sa taṃ mahāmeghanikāśarūpam | utpāṭya gacchanyudhi kumbhakarṇaḥ | rarāja merupratimānarūpo | meruryathātyucchritaghoraśṛṅgaḥ || 67.70 ||

Bearing off that one whose form resembled a great cloud, Kumbhakarna, departing from the battle, shone forth, mountain-like himself, like Meru with its towering, terrible peaks.

Shloka 71 (yuddha.67.71)

ततः समुत्पाट्य जगाम वीरः । संस्तूयमानो युधि राक्षसेन्द्रैः । शृण्वन्निनादं त्रिदशालयानां । प्लवंगराजग्रहविस्मितानाम् ॥ 67.71 ॥

tataḥ samutpāṭya jagāma vīraḥ | saṃstūyamāno yudhi rākṣasendraiḥ | śṛṇvanninādaṃ tridaśālayānāṃ | plavaṃgarājagrahavismitānām || 67.71 ||

That hero, having borne him off, departed, praised by the demon lords in that battle, hearing the cries of the dwellers of the heavens, astonished at the capture of the monkey-king.

Shloka 72 (yuddha.67.72)

ततस्तमादाय तदा स मेने । हरीन्द्रमिन्द्रोपममिन्द्रवीर्यः । अस्मिन्हृते सर्वमिदं हृतं स्यात् । सराघवं सैन्यमितीन्द्रशत्रुः ॥ 67.72 ॥

tatastamādāya tadā sa mene | harīndramindropamamindravīryaḥ | asminhṛte sarvamidaṃ hṛtaṃ syāt | sarāghavaṃ sainyamitīndraśatruḥ || 67.72 ||

Then, bearing off that lord of monkeys, equal to Indra, that foe of Indra, himself of Indra-like valor, thought: "With him carried off, all of this -- this army, together with Raghava -- will be as good as carried off."

Shloka 73 (yuddha.67.73)

विद्रुताम् वाहिनीं दृष्ट्वा वानराणां ततस्ततः । कुम्भकर्णेन सुग्रीवं गृहीतं चापि वानरम् ॥ 67.73 ॥

vidrutām vāhinīṃ dṛṣṭvā vānarāṇāṃ tatastataḥ | kumbhakarṇena sugrīvaṃ gṛhītaṃ cāpi vānaram || 67.73 ||

Seeing the monkey army routed and fleeing in every direction, and seeing that the monkey Sugriva had been seized by Kumbhakarna,

Shloka 74 (yuddha.67.74)

हनूमांश्चिन्तयामास मतिमान् मारुतात्मजः । एवं गृहीते सुग्रीवे किं कर्तव्यं मया भवेत् ॥ 67.74 ॥

hanūmāṃścintayāmāsa matimān mārutātmajaḥ | evaṃ gṛhīte sugrīve kiṃ kartavyaṃ mayā bhavet || 67.74 ||

the wise Hanuman, son of the Wind, thought to himself: "With Sugriva thus seized, what ought I to do?

Shloka 75 (yuddha.67.75)

यद्वै न्याय्यं मया कर्तुं तत्करिष्यामि सर्वथा । भूत्वा पर्वतसंकाशो नाशयिष्यामि राक्षसं ॥ 67.75 ॥

yadvai nyāyyaṃ mayā kartuṃ tatkariṣyāmi sarvathā | bhūtvā parvatasaṃkāśo nāśayiṣyāmi rākṣasaṃ || 67.75 ||

Whatever is right for me to do, that I shall surely do; becoming mountain-like myself, I shall destroy this demon.

Shloka 76 (yuddha.67.76)

मया हते सम्यति कुम्भकर्णे । महाबले मुष्टिविशीर्णदेहे । विमोचिते वानरपार्थिवे च । भवन्तु हृष्टाः प्रवगाः समग्राः ॥ 67.76 ॥

mayā hate samyati kumbhakarṇe | mahābale muṣṭiviśīrṇadehe | vimocite vānarapārthive ca | bhavantu hṛṣṭāḥ pravagāḥ samagrāḥ || 67.76 ||

With the mighty Kumbhakarna slain by me in this battle, his body shattered by my fist, and the monkey-king set free, let all the monkeys rejoice together.

Shloka 77 (yuddha.67.77)

अथ वा स्वयमप्येष मोक्षं प्राप्स्यति पार्थिवः । गृहीतोऽयम् यदि भवेत्त्रिदशैः सासुरोरगैः ॥ 67.77 ॥

atha vā svayamapyeṣa mokṣaṃ prāpsyati pārthivaḥ | gṛhīto'yam yadi bhavettridaśaiḥ sāsuroragaiḥ || 67.77 ||

Or else, this king shall himself win his freedom, even were he seized by the very gods together with asuras and serpents.

Shloka 78 (yuddha.67.78)

मन्ये न तावदात्मानं बुध्यते वानराधिपः । शैलप्रहाराभिहतः कुम्भकर्णेन सम्युगे ॥ 67.78 ॥

manye na tāvadātmānaṃ budhyate vānarādhipaḥ | śailaprahārābhihataḥ kumbhakarṇena samyuge || 67.78 ||

I think the lord of the monkeys is not yet conscious of himself, having been struck by Kumbhakarna's mountain-blow in that battle.

Shloka 79 (yuddha.67.79)

अयं मुहूर्तात्सुग्रीवो लब्धसंज्ञो महाहवे । आत्मनो वानराणां च यत्पथ्यं तत्करिष्यति ॥ 67.79 ॥

ayaṃ muhūrtātsugrīvo labdhasaṃjño mahāhave | ātmano vānarāṇāṃ ca yatpathyaṃ tatkariṣyati || 67.79 ||

In a moment, Sugriva, regaining his senses in this great battle, will do whatever is fitting for himself and for the monkeys.

Shloka 80 (yuddha.67.80)

मया तु मोक्षितस्यास्य सुग्रीवस्य महात्मनः । अप्रीतश्च भवेत्कष्टा कीर्तिनाशश्च शाश्वतः ॥ 67.80 ॥

mayā tu mokṣitasyāsya sugrīvasya mahātmanaḥ | aprītaśca bhavetkaṣṭā kīrtināśaśca śāśvataḥ || 67.80 ||

But if I myself were to free the great-souled Sugriva, he would feel a painful displeasure, and there would be an everlasting loss of his fame.

Shloka 81 (yuddha.67.81)

तस्मान्मुहूर्तं कांक्षिष्ये विक्रमं पार्थिवस्य नः । भिन्नं च वानरानीकं तावदाश्वासयाम्यहम् ॥ 67.81 ॥

tasmānmuhūrtaṃ kāṃkṣiṣye vikramaṃ pārthivasya naḥ | bhinnaṃ ca vānarānīkaṃ tāvadāśvāsayāmyaham || 67.81 ||

Therefore I shall wait a moment to see the valor of our king; and meanwhile I shall rally the broken ranks of the monkeys."

Shloka 82 (yuddha.67.82)

इत्येवं चिन्तयित्वा तु हनूमान्मारुतात्मजः । भूयः संस्तम्भयामास वानराणां महाचमूम् ॥ 67.82 ॥

ityevaṃ cintayitvā tu hanūmānmārutātmajaḥ | bhūyaḥ saṃstambhayāmāsa vānarāṇāṃ mahācamūm || 67.82 ||

Having thought thus, Hanuman, son of the Wind, once more steadied the great army of the monkeys.

Shloka 83 (yuddha.67.83)

स कुम्भकर्णोऽथ विवेश लङ्कां । स्फुरन्तमादाय महाहरिं तम् । विमानचर्यागृहगोपुरस्थैः पुष्पाग्र्यवर्षैरवकीर्यमाणः ॥ 67.83 ॥

sa kumbhakarṇo'tha viveśa laṅkāṃ | sphurantamādāya mahāhariṃ tam | vimānacaryāgṛhagopurasthaiḥ puṣpāgryavarṣairavakīryamāṇaḥ || 67.83 ||

Then Kumbhakarna, bearing off that great, struggling monkey, entered Lanka, showered with the finest of flowers by those stationed on the aerial cars, the balconies, the mansions, and the city gates.

Shloka 84 (yuddha.67.84)

लाजगन्धोदवर्षैस्तु सेव्यमानः शनैः शनैः । राजवीथ्यास्तु शीतत्वात्संज्ञाम् प्राप महाबलः ॥ 67.84 ॥

lājagandhodavarṣaistu sevyamānaḥ śanaiḥ śanaiḥ | rājavīthyāstu śītatvātsaṃjñām prāpa mahābalaḥ || 67.84 ||

Sprinkled gently with showers of parched-grain and scented water, that mighty one, from the coolness of it along the royal avenue, gradually regained his senses.

Shloka 85 (yuddha.67.85)

ततः स संज्ञामुपलभ्य कृच्छ्रा । द्बलीयसस्तस्य भुजान्तरस्थः । अवेक्षमाणः पुरराजमार्गं । विचिन्तयामास मुहुर्महात्मा ॥ 67.85 ॥

tataḥ sa saṃjñāmupalabhya kṛcchrā | dbalīyasastasya bhujāntarasthaḥ | avekṣamāṇaḥ purarājamārgaṃ | vicintayāmāsa muhurmahātmā || 67.85 ||

Then Sugriva, with difficulty regaining his senses there within the powerful demon's arms, surveying the royal road of the city, that great-souled one pondered again and again:

Shloka 86 (yuddha.67.86)

एवं गृहीतेन कथं नु नाम । शक्यं मया सम्प्रति कर्तुमद्य । तथा करिष्यामि यथा हरीणां । भविष्यतीष्टं च हितं च कार्यम् ॥ 67.86 ॥

evaṃ gṛhītena kathaṃ nu nāma | śakyaṃ mayā samprati kartumadya | tathā kariṣyāmi yathā harīṇāṃ | bhaviṣyatīṣṭaṃ ca hitaṃ ca kāryam || 67.86 ||

"Seized as I now am, what indeed can I do at this moment? I shall act in such a way that it proves both pleasing and beneficial to the monkeys."

Shloka 87 (yuddha.67.87)

ततः कराग्रैः सहसा समेत्य । राजा हरीणा ममरेन्द्रशत्रोः । नखैश्च कर्णौ दशनैश्च नासां । ददंश पादैर्विददार पर्श्वौ ॥ 67.87 ॥

tataḥ karāgraiḥ sahasā sametya | rājā harīṇā mamarendraśatroḥ | nakhaiśca karṇau daśanaiśca nāsāṃ | dadaṃśa pādairvidadāra parśvau || 67.87 ||

Then, with the tips of his fingers, suddenly closing in, the king of the monkeys tore at the foe of Indra -- with his claws his ears, with his teeth his nose, biting them, and with his feet he rent his sides.

Shloka 88 (yuddha.67.88)

स कुम्भकर्णौ हृतकर्णनासो । विदारितस्तेन रदैर्नखैश्च । रोषाभिभूतः क्षतजार्द्रगारः । सुग्रीवमाविध्य पिपेष भूमौ ॥ 67.88 ॥

sa kumbhakarṇau hṛtakarṇanāso | vidāritastena radairnakhaiśca | roṣābhibhūtaḥ kṣatajārdragāraḥ | sugrīvamāvidhya pipeṣa bhūmau || 67.88 ||

Kumbhakarna, his ears and nose torn away, rent by those teeth and claws, overwhelmed with rage, his body drenched in blood, hurled Sugriva down and ground him against the earth.

Shloka 89 (yuddha.67.89)

स भूतले भीमबलाभिपिष्टः । सुरारिभिस्तैरभिहन्यमानः । जगाम खं कन्दुकवज्जवेन । पुनश्च रामेण समाजगाम ॥ 67.89 ॥

sa bhūtale bhīmabalābhipiṣṭaḥ | surāribhistairabhihanyamānaḥ | jagāma khaṃ kandukavajjavena | punaśca rāmeṇa samājagāma || 67.89 ||

Ground upon the ground by that being of terrible strength, struck again and again by the foe of the gods, he bounded into the sky like a ball, swift as thought, and came once more to Rama.

Shloka 90 (yuddha.67.90)

कर्णनासाविहीनस्य कुम्भकर्णो महाबलः । रराज शोणितोत्सिक्तो गिरिः प्रस्रवणैरिव ॥ 67.90 ॥

karṇanāsāvihīnasya kumbhakarṇo mahābalaḥ | rarāja śoṇitotsikto giriḥ prasravaṇairiva || 67.90 ||

The mighty Kumbhakarna, bereft now of his ears and nose, drenched with blood, shone forth like a mountain streaming with waterfalls.

Shloka 91 (yuddha.67.91)

शोणितार्द्रो महाकायो राक्षसो भीमदर्शनः । अमर्षाच्छोणितोद्गारी शुशुभे रावणानुजः ॥ 67.91 ॥

śoṇitārdro mahākāyo rākṣaso bhīmadarśanaḥ | amarṣācchoṇitodgārī śuśubhe rāvaṇānujaḥ || 67.91 ||

That huge-bodied demon, drenched in blood, terrible to behold, that younger brother of Ravana, spewing blood in his fury, shone forth still.

Shloka 92 (yuddha.67.92)

नीलाञ्जनचयप्रख्याः ससंध्य इव तोयदः । युद्धायाभिमुखो भीमो मनश्चक्रे निशाचरः ॥ 67.92 ॥

nīlāñjanacayaprakhyāḥ sasaṃdhya iva toyadaḥ | yuddhāyābhimukho bhīmo manaścakre niśācaraḥ || 67.92 ||

Dark as a mass of collyrium, like a cloud tinged with twilight, that terrible night-ranger turned his mind once more toward battle.

Shloka 93 (yuddha.67.93)

गते च तस्मिन् सुरराजशत्रुः । क्रोधात्प्रदुद्राव रणाय भूयः । अनायुधोऽस्मीति विचिन्त्य रौद्रो । घोरं तदा मुद्गरमाससाद ॥ 67.93 ॥

gate ca tasmin surarājaśatruḥ | krodhātpradudrāva raṇāya bhūyaḥ | anāyudho'smīti vicintya raudro | ghoraṃ tadā mudgaramāsasāda || 67.93 ||

When Sugriva had thus departed, that foe of the king of gods, in fury, rushed once more toward battle; and thinking "I am now without a weapon," that terrible one took up a fearsome hammer.

Shloka 94 (yuddha.67.94)

ततः स पुर्याः सहसा महात्मा । निष्क्रम्य तद्वानरसैन्यमुग्रम् । बभक्ष रक्षो युधि कुम्भकर्णः । प्रजा युगान्ताग्निरिव प्रदीप्तः ॥ 67.94 ॥

tataḥ sa puryāḥ sahasā mahātmā | niṣkramya tadvānarasainyamugram | babhakṣa rakṣo yudhi kumbhakarṇaḥ | prajā yugāntāgniriva pradīptaḥ || 67.94 ||

Then that great-bodied demon, rushing suddenly out of the city, fell upon that fierce monkey army; Kumbhakarna devoured its warriors in that battle, blazing like the fire of universal dissolution devouring all creatures.

Shloka 95 (yuddha.67.95)

बुभुक्षितः शोणितमांसगृध्नुः । प्रविश्य तद्वानरसैन्यमुग्रं । चखाद रक्षांसि हरीन्पिशाचान् । ऋक्षांश्च मोहाद्युधि कुम्भकर्णः । यथैव मृत्युर्हरते युगान्ते । स भक्षयामास हरींश्च मुख्यान् ॥ 67.95 ॥

bubhukṣitaḥ śoṇitamāṃsagṛdhnuḥ | praviśya tadvānarasainyamugraṃ | cakhāda rakṣāṃsi harīnpiśācān | ṛkṣāṃśca mohādyudhi kumbhakarṇaḥ | yathaiva mṛtyurharate yugānte | sa bhakṣayāmāsa harīṃśca mukhyān || 67.95 ||

Ravenous, craving blood and flesh, entering that fierce monkey army, Kumbhakarna, in his frenzy, devoured demons, monkeys, pishachas, and bears alike in that battle; as Death himself carries all away at the world's end, so did he devour the foremost of the monkeys.

Shloka 96 (yuddha.67.96)

एकं द्वौ त्रीन् बहून् क्रुद्धो वानरान् सह राक्षसैः । समादायैकहस्तेन प्रचिक्षेप त्वरन्मुखे ॥ 67.96 ॥

ekaṃ dvau trīn bahūn kruddho vānarān saha rākṣasaiḥ | samādāyaikahastena pracikṣepa tvaranmukhe || 67.96 ||

In fury, one, two, three, or many monkeys along with demons, he would seize with a single hand and hurl swiftly into his mouth.

Shloka 97 (yuddha.67.97)

सम्प्रस्रवंस्तदा मेदः शोणित च महाबलः । वध्यमानो नगेन्द्राग्रैर्भक्षयामास वानरान् ॥ 67.97 ॥

samprasravaṃstadā medaḥ śoṇita ca mahābalaḥ | vadhyamāno nagendrāgrairbhakṣayāmāsa vānarān || 67.97 ||

Fat and blood streaming from him, that mighty one, even while being struck by the tips of great crags, went on devouring the monkeys.

Shloka 98 (yuddha.67.98)

ते भक्ष्यमाणा हरयो रामं जग्मुस्तदा गतिं । कुम्भकर्णो भृशं क्रुद्धः कपीन् खादन् प्रधावति ॥ 67.98 ॥

te bhakṣyamāṇā harayo rāmaṃ jagmustadā gatiṃ | kumbhakarṇo bhṛśaṃ kruddhaḥ kapīn khādan pradhāvati || 67.98 ||

Those monkeys, being devoured, then fled to Rama as their refuge; while Kumbhakarna, in utter fury, ran on, devouring the monkeys.

Shloka 99 (yuddha.67.99)

शतानि सप्त चाष्टौ च विंशत्त्रिंशत्तथैव च । सम्परिष्वज्य बहुभ्यां खादन्विपरिधावति ॥ 67.99 ॥

śatāni sapta cāṣṭau ca viṃśattriṃśattathaiva ca | sampariṣvajya bahubhyāṃ khādanviparidhāvati || 67.99 ||

Seven hundred, eight, twenty, and thirty at a time, embracing them with both arms, he ran about, devouring them.

Shloka 100 (yuddha.67.100)

मेदोवसाशोणितदिग्धगात्रः । कर्णावसक्तग्रथितान्त्रमालः । ववर्षशूलानि सुतीक्षणदंष्ट्रः । कालो युगान्तस्थ इव प्रवृद्धः ॥ 67.100 ॥

medovasāśoṇitadigdhagātraḥ | karṇāvasaktagrathitāntramālaḥ | vavarṣaśūlāni sutīkṣaṇadaṃṣṭraḥ | kālo yugāntastha iva pravṛddhaḥ || 67.100 ||

His limbs smeared with fat, marrow, and blood, a garland of tangled entrails hanging from his ears, his fangs terribly sharp, he rained down spikes of pain, like Death himself grown vast at the world's end.

Shloka 101 (yuddha.67.101)

तस्मिन् काले सुमित्रायाः पुत्रः परबलार्दनः । चकार लक्ष्मणः क्रुद्धो युद्धम् परपुरंजयः ॥ 67.101 ॥

tasmin kāle sumitrāyāḥ putraḥ parabalārdanaḥ | cakāra lakṣmaṇaḥ kruddho yuddham parapuraṃjayaḥ || 67.101 ||

At that moment, the son of Sumitra, crusher of hostile armies, Lakshmana, conqueror of enemy cities, in fury, joined the battle.

Shloka 102 (yuddha.67.102)

स कुम्भकर्णस्य शराञ्शरीरे सप्त वीर्यवान् । निचखानाददे चान्यान्विससर्ज च लक्ष्मणः ॥ 67.102 ॥

sa kumbhakarṇasya śarāñśarīre sapta vīryavān | nicakhānādade cānyānvisasarja ca lakṣmaṇaḥ || 67.102 ||

That valiant Lakshmana planted seven arrows in Kumbhakarna's body, then took up still others and loosed them too.

Shloka 103 (yuddha.67.103)

पीड्यमानस्तदस्त्रं तु विशेषं ततः स राक्षसः । ततश्चुकोप बलवान् सुमित्रानंदवर्धनः ॥ 67.103 ॥

pīḍyamānastadastraṃ tu viśeṣaṃ tataḥ sa rākṣasaḥ | tataścukopa balavān sumitrānaṃdavardhanaḥ || 67.103 ||

Tormented by that missile in particular, the demon then grew enraged; and the mighty joy-increaser of Sumitra grew wrathful in turn.

Shloka 104 (yuddha.67.104)

अथस्य कवचं शुभ्रं जाम्बूनदमयं शुभम् । प्रच्छादयामास शरैः संध्याभ्रमिव मारुतः ॥ 67.104 ॥

athasya kavacaṃ śubhraṃ jāmbūnadamayaṃ śubham | pracchādayāmāsa śaraiḥ saṃdhyābhramiva mārutaḥ || 67.104 ||

Then he covered over that demon's shining, auspicious armor of gold with his arrows, as the wind covers a sunset cloud.

Shloka 105 (yuddha.67.105)

नीलाञ्जनचयप्रख्याः शरैः काञ्चनभूषणैः । आपीड्यमानः शुशुभे मेघैः सूर्य इवांशुमान् ॥ 67.105 ॥

nīlāñjanacayaprakhyāḥ śaraiḥ kāñcanabhūṣaṇaiḥ | āpīḍyamānaḥ śuśubhe meghaiḥ sūrya ivāṃśumān || 67.105 ||

Dark as a mass of collyrium, pierced by those gold-adorned arrows, he shone as the radiant sun shines through clouds.

Shloka 106 (yuddha.67.106)

ततः स राक्षसो भीमः सुमित्रानन्दवर्धनं । सावज्ञमेव प्रोवाच वाक्यम् मेघौघनिःस्वनः ॥ 67.106 ॥

tataḥ sa rākṣaso bhīmaḥ sumitrānandavardhanaṃ | sāvajñameva provāca vākyam meghaughaniḥsvanaḥ || 67.106 ||

Then that terrible demon, his voice like the rumble of massed clouds, spoke to the joy-increaser of Sumitra with contempt:

Shloka 107 (yuddha.67.107)

अन्तकस्याप्यकष्टेन युधि जेतारमाहवे । युध्यता मामभीतेन ख्यापिता वीरता त्वया ॥ 67.107 ॥

antakasyāpyakaṣṭena yudhi jetāramāhave | yudhyatā māmabhītena khyāpitā vīratā tvayā || 67.107 ||

"By fighting me without fear, you, who could defeat even Death himself in battle without difficulty, have made your valor known.

Shloka 108 (yuddha.67.108)

प्रगृहीतायुधस्येह मृत्योरिव महामृधे । तिष्ठन्नप्रग्रतः पूज्यः किमु युद्धप्रदायकः ॥ 67.108 ॥

pragṛhītāyudhasyeha mṛtyoriva mahāmṛdhe | tiṣṭhannapragrataḥ pūjyaḥ kimu yuddhapradāyakaḥ || 67.108 ||

In this great battle, even to stand before one who, weapon raised, is like Death itself, is worthy of honor -- how much more so to offer him actual combat!

Shloka 109 (yuddha.67.109)

ऐरावतं समारूढो वृतः सर्वामरैः प्रभुः । नैव शक्रोऽपि समरे स्थित पूर्वः कदाचन ॥ 67.109 ॥

airāvataṃ samārūḍho vṛtaḥ sarvāmaraiḥ prabhuḥ | naiva śakro'pi samare sthita pūrvaḥ kadācana || 67.109 ||

Not even Indra himself, mounted upon Airavata, that lord surrounded by all the immortals, has ever before stood his ground before me in battle.

Shloka 110 (yuddha.67.110)

अद्य त्वयाहं सौमित्रे बलेनापि पराक्रमैः । तोषितो गन्तुमिच्छामि त्यामनुज्ञाप्य राघवम् ॥ 67.110 ॥

adya tvayāhaṃ saumitre balenāpi parākramaiḥ | toṣito gantumicchāmi tyāmanujñāpya rāghavam || 67.110 ||

Today, O son of Sumitra, though you are but a youth, I am pleased by your prowess; taking leave of you, I wish to go on to Raghava.

Shloka 111 (yuddha.67.111)

यत्तु वीर्यबलोत्साहैस्तोषितोऽहं रणे त्वया । राममेवैकमिच्छमि हन्तुम् यस्मिन् हते हतम् ॥ 67.111 ॥

yattu vīryabalotsāhaistoṣito'haṃ raṇe tvayā | rāmamevaikamicchami hantum yasmin hate hatam || 67.111 ||

Though I am satisfied by your valor, strength, and vigor in this battle, I wish to slay Rama alone -- for with him slain, all is slain.

Shloka 112 (yuddha.67.112)

रामे मयात्र निहते येऽन्ये स्थास्यन्ति संयुगे । तानहं योधयिष्यामि स्वबलेन प्रमाथिना ॥ 67.112 ॥

rāme mayātra nihate ye'nye sthāsyanti saṃyuge | tānahaṃ yodhayiṣyāmi svabalena pramāthinā || 67.112 ||

Once Rama has been slain by me here, whoever else remains standing in that combat, I shall fight them too with my own crushing strength."

Shloka 113 (yuddha.67.113)

इत्युक्तवाक्यं तद्रक्षः प्रोवाच स्तुतिसंहितम् । मृधे घोरतरं वाक्यं सौमित्रिः प्रहसन्निव ॥ 67.113 ॥

ityuktavākyaṃ tadrakṣaḥ provāca stutisaṃhitam | mṛdhe ghorataraṃ vākyaṃ saumitriḥ prahasanniva || 67.113 ||

To that demon who had spoken those words, mixed with a kind of praise, the son of Sumitra, as though laughing, replied with words yet more terrible in that combat:

Shloka 114 (yuddha.67.114)

यस्त्वं शक्रादिभिर्वीरैरसह्यः प्राप्य पौरुषं । तत्सत्यं नान्यथा वीर दृष्टस्तेऽद्य पराक्रमः ॥ 67.114 ॥

yastvaṃ śakrādibhirvīrairasahyaḥ prāpya pauruṣaṃ | tatsatyaṃ nānyathā vīra dṛṣṭaste'dya parākramaḥ || 67.114 ||

"That you, unbearable even to heroes like Indra, have attained such manhood -- that is true, no otherwise, O hero; your prowess has indeed been seen today.

Shloka 115 (yuddha.67.115)

एष दाशरथी रामस्तिष्ठत्यद्रिरिवाचलः । इति श्रुत्वा ह्यनादृत्य लक्ष्मणं स निशाचरः ॥ 67.115 ॥

eṣa dāśarathī rāmastiṣṭhatyadririvācalaḥ | iti śrutvā hyanādṛtya lakṣmaṇaṃ sa niśācaraḥ || 67.115 ||

Here stands Rama, son of Dasharatha, unmoving as a mountain." Hearing this, that night-ranger, disregarding Lakshmana,

Shloka 116 (yuddha.67.116)

अतिक्रम्य च सौमित्रिं कुम्भकर्णो महाबलः । राममेवाभिदुद्राव दारयन्निव मेदिनीम् ॥ 67.116 ॥

atikramya ca saumitriṃ kumbhakarṇo mahābalaḥ | rāmamevābhidudrāva dārayanniva medinīm || 67.116 ||

-- passing beyond Lakshmana, the mighty Kumbhakarna charged straight at Rama, as though rending the very earth apart.

Shloka 117 (yuddha.67.117)

अथ दाशरथी रामो रौद्रमस्त्रं प्रयोजयन् । कुम्भकर्णस्य हृदये ससर्ज निशितान् शरान् ॥ 67.117 ॥

atha dāśarathī rāmo raudramastraṃ prayojayan | kumbhakarṇasya hṛdaye sasarja niśitān śarān || 67.117 ||

Then Rama, son of Dasharatha, invoking the fearsome Raudra missile, loosed sharp arrows into Kumbhakarna's heart.

Shloka 118 (yuddha.67.118)

तस्य रामेण विद्धस्य सहसाभिप्रधावतः । अङ्गारमिश्राः क्रुद्धस्य मुखान्निश्चेरुरर्चिषः ॥ 67.118 ॥

tasya rāmeṇa viddhasya sahasābhipradhāvataḥ | aṅgāramiśrāḥ kruddhasya mukhānniścerurarciṣaḥ || 67.118 ||

As he, pierced by Rama, suddenly charged on in his fury, flames mixed with sparks of fire burst forth from his mouth.

Shloka 119 (yuddha.67.119)

रामस्त्रविद्धो घोरम् वै नर्दन् राक्षसपुङ्गवः । अभ्यधावत तं क्रुद्धो हरीन् विद्रावयन् रणे ॥ 67.119 ॥

rāmastraviddho ghoram vai nardan rākṣasapuṅgavaḥ | abhyadhāvata taṃ kruddho harīn vidrāvayan raṇe || 67.119 ||

Pierced by Rama's missile, that foremost of demons, roaring terribly, in fury charged on, scattering the monkeys in that battle.

Shloka 120 (yuddha.67.120)

तस्योरसि निमग्नाश्च शरा बर्हिणवाससः । हस्ताच्चास्य परिभ्रष्टा गदा चोर्व्याम् पपात ह ॥ 67.120 ॥

tasyorasi nimagnāśca śarā barhiṇavāsasaḥ | hastāccāsya paribhraṣṭā gadā corvyām papāta ha || 67.120 ||

The peacock-feathered arrows sank deep into his chest; and the mace, slipping from his hand, fell to the earth.

Shloka 121 (yuddha.67.121)

आयुधानि च सर्वाणि समकीर्यन्त भूतले । स निरायुधमात्मानम् यदा मेने महाबलः ॥ 67.121 ॥

āyudhāni ca sarvāṇi samakīryanta bhūtale | sa nirāyudhamātmānam yadā mene mahābalaḥ || 67.121 ||

All his weapons lay scattered upon the ground; and when that mighty one found himself thus without weapons,

Shloka 122 (yuddha.67.122)

मुष्टिभ्यां च कराभ्यां च चकार कदनम् महत् । स बाणैरतिविद्धाङ्गः क्षतजेन समुक्षितः ॥ 67.122 ॥

muṣṭibhyāṃ ca karābhyāṃ ca cakāra kadanam mahat | sa bāṇairatividdhāṅgaḥ kṣatajena samukṣitaḥ || 67.122 ||

he wrought great slaughter with his fists and bare hands alone; his body pierced through and through by arrows, drenched with blood,

Shloka 123 (yuddha.67.123)

रुधिरम् परिसुस्राव गिरिः प्रस्रावणम् यथा । स तीव्रेण च कोपेन रुधिरेण च मूर्छितः । वानरान्राक्षसानृक्षान् खादन् स परिधावति ॥ 67.123 ॥

rudhiram parisusrāva giriḥ prasrāvaṇam yathā | sa tīvreṇa ca kopena rudhireṇa ca mūrchitaḥ | vānarānrākṣasānṛkṣān khādan sa paridhāvati || 67.123 ||

he poured forth blood as a mountain pours forth its streams; and, half-fainting with fierce rage and loss of blood, he ran about, devouring monkeys, demons, and bears alike.

Shloka 124 (yuddha.67.124)

अथ शृङ्गं समाविध्य भीमम् भीमपराक्रमः । चिक्षेप राममुद्दिश्य बलवानन्तकोपमः ॥ 67.124 ॥

atha śṛṅgaṃ samāvidhya bhīmam bhīmaparākramaḥ | cikṣepa rāmamuddiśya balavānantakopamaḥ || 67.124 ||

Then, whirling a terrible mountain-peak, that one of terrible prowess, mighty as Death himself, hurled it straight at Rama.

Shloka 125 (yuddha.67.125)

अप्राप्तमन्तरा रामः सप्तभीस्तमजिह्मगैः । चिच्छेद गिरिशृङ्गं तम् पुनः संधाय कार्मुकम् ॥ 67.125 ॥

aprāptamantarā rāmaḥ saptabhīstamajihmagaiḥ | ciccheda giriśṛṅgaṃ tam punaḥ saṃdhāya kārmukam || 67.125 ||

Before it could reach him, Rama, with seven unswerving arrows, cut that mountain-peak to pieces midway, and fitted his bow once more.

Shloka 126 (yuddha.67.126)

ततस्तु रामो धर्मात्मा तस्य शृङ्गम् महत्तदा ॥ 67.126 ॥

tatastu rāmo dharmātmā tasya śṛṅgam mahattadā || 67.126 ||

Then the righteous Rama -- that great peak of his, at that moment --

Shloka 127 (yuddha.67.127)

शरैः काञ्चनचित्राङ्गै श्चिच्छेद भरतग्रज । तन्मेरुशिखराकारं द्योतमानमिव श्रिया ॥ 67.127 ॥

śaraiḥ kāñcanacitrāṅgai ściccheda bharatagraja | tanmeruśikharākāraṃ dyotamānamiva śriyā || 67.127 ||

-- cut through with gold-marked arrows, that elder brother of Bharata. That peak, shaped like Meru's summit, gleaming with splendor as it fell, struck down two hundred monkeys in its fall.

Shloka 128 (yuddha.67.128)

द्वे शते वानराणां च पतमानमपातयत् । तस्मिन् काले स धर्मात्मा लक्ष्मणो राममब्रवीत् ॥ 67.128 ॥

dve śate vānarāṇāṃ ca patamānamapātayat | tasmin kāle sa dharmātmā lakṣmaṇo rāmamabravīt || 67.128 ||

At that moment, the righteous Lakshmana, intent upon Kumbhakarna's destruction, weighing many strategies, spoke to Rama:

Shloka 129 (yuddha.67.129)

कुम्भकर्णवधे युक्तो योगान्परिमृशन्बहून् । नैवायम् वानरान्राजन्न विजानाति राक्षसान् ॥ 67.129 ॥

kumbhakarṇavadhe yukto yogānparimṛśanbahūn | naivāyam vānarānrājanna vijānāti rākṣasān || 67.129 ||

"This one, O king, no longer distinguishes monkeys from demons; maddened by the smell of blood, he devours his own and his foes alike.

Shloka 130 (yuddha.67.130)

मत्तः शोणितगन्धेन स्वान् परांश्चैव खादति । साध्वेनमधिरोहन्तु सर्वतो वानरर्षभाः ॥ 67.130 ॥

mattaḥ śoṇitagandhena svān parāṃścaiva khādati | sādhvenamadhirohantu sarvato vānararṣabhāḥ || 67.130 ||

Let the bulls among monkeys climb upon him well from every side; let the foremost chieftains take their stand all around him.

Shloka 131 (yuddha.67.131)

यूथपाश्च यथामुख्यास्तिष्ठन्त्वस्य समन्ततः । अद्ययं दुर्मतिः काले गुरुभारप्रपीडितः ॥ 67.131 ॥

yūthapāśca yathāmukhyāstiṣṭhantvasya samantataḥ | adyayaṃ durmatiḥ kāle gurubhāraprapīḍitaḥ || 67.131 ||

This ill-minded demon, weighed down at this moment by that heavy burden, if he then falls to the ground, will not be able to kill any more monkeys."

Shloka 132 (yuddha.67.132)

प्रपतन्राक्षसो भूमौ नान्यान्हन्यात्प्लवङ्गमान् । तस्य तद्वचनं श्रुत्वा राजपुत्रस्य धीमतः ॥ 67.132 ॥

prapatanrākṣaso bhūmau nānyānhanyātplavaṅgamān | tasya tadvacanaṃ śrutvā rājaputrasya dhīmataḥ || 67.132 ||

Hearing those words of the wise prince, the monkeys, rejoicing, climbed up upon Kumbhakarna.

Shloka 133 (yuddha.67.133)

ते समारुरुहुर्हृष्टाः कुम्भकर्णं प्लवंगमाः । कुम्भकर्णस्तु संक्रुद्धः समारूढः प्लवंगमैः ॥ 67.133 ॥

te samāruruhurhṛṣṭāḥ kumbhakarṇaṃ plavaṃgamāḥ | kumbhakarṇastu saṃkruddhaḥ samārūḍhaḥ plavaṃgamaiḥ || 67.133 ||

The monkeys, rejoicing, climbed up upon Kumbhakarna; but Kumbhakarna, in fury, with the monkeys thus clambered upon him,

Shloka 134 (yuddha.67.134)

व्यधूनयत्तान्वेगेन दुष्टहस्तीव हस्तिपान् । तान्दृष्ट्वा निर्धूतान्रामो रुष्टोऽयमिति राक्षसः ॥ 67.134 ॥

vyadhūnayattānvegena duṣṭahastīva hastipān | tāndṛṣṭvā nirdhūtānrāmo ruṣṭo'yamiti rākṣasaḥ || 67.134 ||

shook them off with great force, as a rogue elephant shakes off its mahouts. Seeing them thus shaken off, Rama, thinking "this demon is enraged,"

Shloka 135 (yuddha.67.135)

समुत्पपात वेगेन धनुरुत्तममाददे । क्रोधरक्तेक्षणो वीरो निर्दहन्निव चक्षुषा ॥ 67.135 ॥

samutpapāta vegena dhanuruttamamādade | krodharaktekṣaṇo vīro nirdahanniva cakṣuṣā || 67.135 ||

sprang up swiftly and took up his splendid bow; that hero, his eyes red with fury, as though consuming all with his very gaze --

Shloka 136 (yuddha.67.136)

राघवो राक्षसं रोषादभिदुद्राव वेगितः । यूथपान् हर्षयन् सर्वान् कुम्भकर्णभयार्दितान् ॥ 67.136 ॥

rāghavo rākṣasaṃ roṣādabhidudrāva vegitaḥ | yūthapān harṣayan sarvān kumbhakarṇabhayārditān || 67.136 ||

-- Raghava, in wrath, charged swiftly at the demon, gladdening all the chieftains who had been tormented by fear of Kumbhakarna.

Shloka 137 (yuddha.67.137)

स चापमादाय भुजङ्गकल्पं । दृढज्यमुग्रं तपनीयचित्रं । हरीन्समाश्वास्य समुत्पपात । रामो निबद्धोत्तमतूणबाणः ॥ 67.137 ॥

sa cāpamādāya bhujaṅgakalpaṃ | dṛḍhajyamugraṃ tapanīyacitraṃ | harīnsamāśvāsya samutpapāta | rāmo nibaddhottamatūṇabāṇaḥ || 67.137 ||

Taking up his bow, serpent-like, its string held firm, terrible and adorned with gold, and reassuring the monkeys, Rama sprang forth, his splendid quiver of arrows fastened at his back.

Shloka 138 (yuddha.67.138)

स वानरगणैस्तैस्तु वृतः परमदुर्जयः । लक्ष्मणानुचरो रामः सम्प्रतस्थे महाबलः ॥ 67.138 ॥

sa vānaragaṇaistaistu vṛtaḥ paramadurjayaḥ | lakṣmaṇānucaro rāmaḥ sampratasthe mahābalaḥ || 67.138 ||

Surrounded by those monkey hosts, utterly unconquerable, with Lakshmana following behind him, the mighty Rama advanced.

Shloka 139 (yuddha.67.139)

स ददर्श महात्मानं किरीटिनमरिन्दमं । शोणितावृतरक्ताक्षं कुम्भकर्णं महाबलम् ॥ 67.139 ॥

sa dadarśa mahātmānaṃ kirīṭinamarindamaṃ | śoṇitāvṛtaraktākṣaṃ kumbhakarṇaṃ mahābalam || 67.139 ||

He beheld the great-souled, crowned crusher of foes, the mighty Kumbhakarna, his eyes reddened, covered in blood,

Shloka 140 (yuddha.67.140)

सर्वान् समभिधावन्तम् यथा रुष्टं दिशागजम् । मार्गमाणं हरीन् क्रुद्धं राक्षसैः परिवारितम् ॥ 67.140 ॥

sarvān samabhidhāvantam yathā ruṣṭaṃ diśāgajam | mārgamāṇaṃ harīn kruddhaṃ rākṣasaiḥ parivāritam || 67.140 ||

charging upon everyone, like an enraged elephant of the quarters, hunting for the monkeys in his fury, surrounded by demons,

Shloka 141 (yuddha.67.141)

विन्ध्यमन्दरसंकाशं काञ्चनाङ्गदभूषणं । स्रवन्तं रुधिरं वक्त्राद्वर्षमेघमिवोत्थितम् ॥ 67.141 ॥

vindhyamandarasaṃkāśaṃ kāñcanāṅgadabhūṣaṇaṃ | sravantaṃ rudhiraṃ vaktrādvarṣameghamivotthitam || 67.141 ||

resembling the Vindhya or Mandara mountains, adorned with golden armlets, blood streaming from his mouth like a rain-cloud risen up,

Shloka 142 (yuddha.67.142)

जिह्वया परिलिह्यन्तं सृक्किणी शोणितोक्षितम् । मृद्नन्तम् वानरानीकं कालान्तकयमोपमम् ॥ 67.142 ॥

jihvayā parilihyantaṃ sṛkkiṇī śoṇitokṣitam | mṛdnantam vānarānīkaṃ kālāntakayamopamam || 67.142 ||

licking his blood-drenched lips with his tongue, crushing the ranks of monkeys, resembling Yama, the ender of the age.

Shloka 143 (yuddha.67.143)

तं दृष्ट्वा राक्षसश्रेष्ठं प्रदीप्तानलवर्चसं । विस्फारयामास तदा कार्मुकं पुरुषर्षभः ॥ 67.143 ॥

taṃ dṛṣṭvā rākṣasaśreṣṭhaṃ pradīptānalavarcasaṃ | visphārayāmāsa tadā kārmukaṃ puruṣarṣabhaḥ || 67.143 ||

Seeing that foremost of demons, blazing with the splendor of fire, that bull among men then twanged his bow.

Shloka 144 (yuddha.67.144)

स तस्य चापनिर्घोषात्कुपितो नैरृतर्षभः । अमृष्यमाणस्तं घोषमभिदुद्राव राघवम् ॥ 67.144 ॥

sa tasya cāpanirghoṣātkupito nairṛtarṣabhaḥ | amṛṣyamāṇastaṃ ghoṣamabhidudrāva rāghavam || 67.144 ||

At the twang of that bow, that bull among demons grew enraged, and, unable to bear that sound, charged at Raghava.

Shloka 145 (yuddha.67.145)

ततस्तु वातोद्धतमेघकल्पं । भुजंगराजोत्तमभोगबाहुं । तमापतन्तं धरणीधराभम् । उवाच रामो युधि कुम्भकर्णम् ॥ 67.145 ॥

tatastu vātoddhatameghakalpaṃ | bhujaṃgarājottamabhogabāhuṃ | tamāpatantaṃ dharaṇīdharābham | uvāca rāmo yudhi kumbhakarṇam || 67.145 ||

Then, as he came on like a storm-driven cloud, his arms like the coils of the king of serpents, mountain-like himself, Rama spoke to Kumbhakarna in that battle:

Shloka 146 (yuddha.67.146)

आगच्छ रक्षोऽधिप मा विषादम् । अवस्थितोऽहं प्रगृहीतचापः । अवेहि मां राक्षसवंशनाशनम् । अयं मुहूर्ताद्भविता विचेताः ॥ 67.146 ॥

āgaccha rakṣo'dhipa mā viṣādam | avasthito'haṃ pragṛhītacāpaḥ | avehi māṃ rākṣasavaṃśanāśanam | ayaṃ muhūrtādbhavitā vicetāḥ || 67.146 ||

"Come, O lord of demons, let there be no despair. Here I stand, my bow drawn. Know me as the destroyer of the race of demons; in a moment you shall lose your senses."

Shloka 147 (yuddha.67.147)

रामोऽयमिति विज्ञाय जहास विकृतस्वनम् । अभ्यधावत संक्रुद्धो हरीन्विद्रावयन् रणे ॥ 67.147 ॥

rāmo'yamiti vijñāya jahāsa vikṛtasvanam | abhyadhāvata saṃkruddho harīnvidrāvayan raṇe || 67.147 ||

Recognizing "this is Rama," he laughed with a hideous sound, and, in fury, charged on, scattering the monkeys in that battle.

Shloka 148 (yuddha.67.148)

दारयन्निव सर्वेषां हृदयानि वनौकसाम् । प्रहस्य विकृतं भीमं स मेघस्वनितोपमम् ॥ 67.148 ॥

dārayanniva sarveṣāṃ hṛdayāni vanaukasām | prahasya vikṛtaṃ bhīmaṃ sa meghasvanitopamam || 67.148 ||

As though rending apart the hearts of all the forest-dwellers with that terrible, distorted laugh, resembling the rumble of thunder,

Shloka 149 (yuddha.67.149)

कुम्भकर्णो महातेजा राघवं वाक्यमब्रवीत् । नाहं विराधो विज्ञेयो न कबन्धः खरो न च । न वाली न च मारीचः कुम्भकर्णोऽहमागतः ॥ 67.149 ॥

kumbhakarṇo mahātejā rāghavaṃ vākyamabravīt | nāhaṃ virādho vijñeyo na kabandhaḥ kharo na ca | na vālī na ca mārīcaḥ kumbhakarṇo'hamāgataḥ || 67.149 ||

-- the mighty Kumbhakarna spoke these words to Raghava: "Know that I am not Viradha, nor Kabandha, nor Khara; not Vali, nor Marica -- I, Kumbhakarna, have come.

Shloka 150 (yuddha.67.150)

पश्य मे मुद्गरम् भीमं सर्वकालायसं महत् । अनेन निर्जिता देवा दानवाश्च मया पुरा ॥ 67.150 ॥

paśya me mudgaram bhīmaṃ sarvakālāyasaṃ mahat | anena nirjitā devā dānavāśca mayā purā || 67.150 ||

Behold my terrible hammer, vast and made entirely of iron; with this I have long ago conquered gods and danavas alike.

Shloka 151 (yuddha.67.151)

विकर्णनास इति मां नावज्ञातुं त्वमर्हसि । स्वल्पापि हि न मे पीडा कर्णनासाविनाशनात् ॥ 67.151 ॥

vikarṇanāsa iti māṃ nāvajñātuṃ tvamarhasi | svalpāpi hi na me pīḍā karṇanāsāvināśanāt || 67.151 ||

You should not think lightly of me because my ears and nose are gone; the loss of my ears and nose has caused me not the least distress.

Shloka 152 (yuddha.67.152)

दर्शयेक्ष्वाकुशार्दूल वीर्यं गात्रेषु मे लघु । ततस्त्वां भक्षयिष्यामि दृष्टपौरुषविक्रमम् ॥ 67.152 ॥

darśayekṣvākuśārdūla vīryaṃ gātreṣu me laghu | tatastvāṃ bhakṣayiṣyāmi dṛṣṭapauruṣavikramam || 67.152 ||

Show me quickly, O tiger of the Ikshvaku race, the strength of your limbs; then, once I have witnessed your manhood and prowess, I shall devour you."

Shloka 153 (yuddha.67.153)

स कुम्भकर्णस्य वचो निशम्य । रामः सुपुङ्खान्विससर्ज बाणान् । तैराहतो वज्रसमप्रवेगैर् । न चुक्षुभे न व्यथते सुराइः ॥ 67.153 ॥

sa kumbhakarṇasya vaco niśamya | rāmaḥ supuṅkhānvisasarja bāṇān | tairāhato vajrasamapravegair | na cukṣubhe na vyathate surāiḥ || 67.153 ||

Hearing those words of Kumbhakarna, Rama loosed well-feathered arrows; struck by them, swift as the thunderbolt, that foe of the gods neither flinched nor felt distress.

Shloka 154 (yuddha.67.154)

यैः सायकैः सालवरा निकृत्ता । वाली हतो वानरपुङ्गवश् च । ते कुम्भकर्णस्य तदा शरीरं । वज्रोपमा न व्यथयां प्रचक्रुः ॥ 67.154 ॥

yaiḥ sāyakaiḥ sālavarā nikṛttā | vālī hato vānarapuṅgavaś ca | te kumbhakarṇasya tadā śarīraṃ | vajropamā na vyathayāṃ pracakruḥ || 67.154 ||

Those very arrows which had once felled the finest sala trees, and slain Vali, that bull among monkeys, mighty as the thunderbolt though they were, could not now trouble Kumbhakarna's body.

Shloka 155 (yuddha.67.155)

स वारिधारा इव सायकांस्तान् । पिबन् शरीरेण महेन्द्रशत्रुः । जघान रामस्य शरप्रवेगं । व्याविध्य तं मुद्गरमुग्रवेगम् ॥ 67.155 ॥

sa vāridhārā iva sāyakāṃstān | piban śarīreṇa mahendraśatruḥ | jaghāna rāmasya śarapravegaṃ | vyāvidhya taṃ mudgaramugravegam || 67.155 ||

That great foe of Indra, absorbing those arrows into his body as though drinking in streams of water, then whirled his terrible, swift hammer and struck at the very force of Rama's arrows.

Shloka 156 (yuddha.67.156)

ततस्तु रक्षः क्षतजानुलिप्तं । वित्रासनं देवमहाचमूनाम् । व्याविध्य तं मुद्गरमुग्रवेगं । विद्रावयामास चमूं हरीणाम् ॥ 67.156 ॥

tatastu rakṣaḥ kṣatajānuliptaṃ | vitrāsanaṃ devamahācamūnām | vyāvidhya taṃ mudgaramugravegaṃ | vidrāvayāmāsa camūṃ harīṇām || 67.156 ||

Then that demon, smeared with blood, terror of the great armies of the gods, whirling that swift, terrible hammer, scattered the army of the monkeys.

Shloka 157 (yuddha.67.157)

वायव्यमादाय ततो वरास्त्रं । रामः प्रचिक्षेप निशाचराय । समुद्गरं तेन जहार बाहुं । स कृत्तबाहुस्तुमुलं ननाद ॥ 67.157 ॥

vāyavyamādāya tato varāstraṃ | rāmaḥ pracikṣepa niśācarāya | samudgaraṃ tena jahāra bāhuṃ | sa kṛttabāhustumulaṃ nanāda || 67.157 ||

Then Rama, taking up the excellent Vayavya missile, loosed it at the night-ranger; with it, he severed his arm together with the hammer; and, his arm cut off, he roared out tumultuously.

Shloka 158 (yuddha.67.158)

स तस्य बाहुर्गिरिशृङ्गकल्पः । समुद्गरो राघवबाणकृत्तः । पपात तस्मिन् हरिराजसैन्ये । जघान ताम् वानरवाहिनीं च ॥ 67.158 ॥

sa tasya bāhurgiriśṛṅgakalpaḥ | samudgaro rāghavabāṇakṛttaḥ | papāta tasmin harirājasainye | jaghāna tām vānaravāhinīṃ ca || 67.158 ||

That arm of his, like a mountain-peak, mace and all, severed by Raghava's arrow, fell upon that army of the monkey-king, and struck down the monkey ranks as it fell.

Shloka 159 (yuddha.67.159)

ते वानरा भग्नहतावशेषाः । पर्यन्तमाश्रित्य तदा विषण्णाः । प्रपिडिताङ्गा ददृशुः सुघोरं । नरेन्द्ररक्षोऽधिपसंनिपातम् ॥ 67.159 ॥

te vānarā bhagnahatāvaśeṣāḥ | paryantamāśritya tadā viṣaṇṇāḥ | prapiḍitāṅgā dadṛśuḥ sughoraṃ | narendrarakṣo'dhipasaṃnipātam || 67.159 ||

Those monkeys who remained, broken and battered, taking refuge at the edges of the field, their limbs wracked with pain, dejected, beheld that most terrible clash between the lord of men and the lord of demons.

Shloka 160 (yuddha.67.160)

स कुम्भकर्णोऽस्त्रनिकृत्तबाहुर् । महासिकृत्ताग्र इवाचलेन्द्रः । उत्पाटयामास करेण वृक्षं । ततोऽभिदुद्राव रणे नरेन्द्रम् ॥ 67.160 ॥

sa kumbhakarṇo'stranikṛttabāhur | mahāsikṛttāgra ivācalendraḥ | utpāṭayāmāsa kareṇa vṛkṣaṃ | tato'bhidudrāva raṇe narendram || 67.160 ||

Kumbhakarna, his arm severed by that missile, like a great mountain whose peak has been sliced off by a mighty sword, tore up a tree with his remaining hand, and charged once more at the lord of men in that battle.

Shloka 161 (yuddha.67.161)

स तस्य बाहुं सह सालवृक्षं । समुद्यतं पन्नगभोगकल्पम् । ऐन्द्रास्त्रयुक्तेन जहार रामो । बाणेन जाम्बूनदचित्रितेन ॥ 67.161 ॥

sa tasya bāhuṃ saha sālavṛkṣaṃ | samudyataṃ pannagabhogakalpam | aindrāstrayuktena jahāra rāmo | bāṇena jāmbūnadacitritena || 67.161 ||

That other arm of his, uplifted together with the sala tree, resembling the coils of a great serpent, Rama severed with a gold-adorned arrow charged with the missile of Indra.

Shloka 162 (yuddha.67.162)

स कुम्भकर्णस्य भुजो निकृत्तः । पपात भूमौ गिरिसंनिकाशः । विवेष्टमानो निजघान वृक्षान् । शैलाञ्शिलावानरराक्षसांश् च ॥ 67.162 ॥

sa kumbhakarṇasya bhujo nikṛttaḥ | papāta bhūmau girisaṃnikāśaḥ | viveṣṭamāno nijaghāna vṛkṣān | śailāñśilāvānararākṣasāṃś ca || 67.162 ||

That severed arm of Kumbhakarna's, mountain-like, fell to the ground, and, writhing there, crushed trees, crags, boulders, monkeys and demons alike.

Shloka 163 (yuddha.67.163)

तं छिन्नबाहुं समवेक्ष्य रामः । समापतन्तं सहसा नदन्तं । द्वावर्धचन्द्रौ निशितौ प्रगृह्य । चिच्छेद पादौ युधि राक्षसस्य ॥ 67.163 ॥

taṃ chinnabāhuṃ samavekṣya rāmaḥ | samāpatantaṃ sahasā nadantaṃ | dvāvardhacandrau niśitau pragṛhya | ciccheda pādau yudhi rākṣasasya || 67.163 ||

Seeing him, both arms severed, still rushing on suddenly, roaring, Rama took up two sharp crescent-headed arrows and cut off the demon's feet in that battle.

Shloka 164 (yuddha.67.164)

तौ तस्य पादौ प्रदिशो दिशश्च । गिरेर्गुहाश्चैव महार्णवं च । लङ्कां च सेनां कपिराक्षसानां । विनादयन्तौ विनिपेततुश्च ॥ 67.164 ॥

tau tasya pādau pradiśo diśaśca | girerguhāścaiva mahārṇavaṃ ca | laṅkāṃ ca senāṃ kapirākṣasānāṃ | vinādayantau vinipetatuśca || 67.164 ||

Those two feet of his fell down, making the intermediate quarters and the cardinal directions, the mountain caves and the great ocean, Lanka itself and the armies of both monkeys and demons, resound with their fall.

Shloka 165 (yuddha.67.165)

निकृत्तबाहुर्विनिकृत्तपादो । विदार्य वक्त्रं वडवामुखाभं । दुद्राव रामं सहसाभिगर्जन् । राहुर्यथा चन्द्रमिवान्तरिक्षे ॥ 67.165 ॥

nikṛttabāhurvinikṛttapādo | vidārya vaktraṃ vaḍavāmukhābhaṃ | dudrāva rāmaṃ sahasābhigarjan | rāhuryathā candramivāntarikṣe || 67.165 ||

His arms severed, his feet cut away, gaping his mouth wide as the submarine fire, he rushed suddenly at Rama, roaring, as Rahu rushes at the moon in the sky.

Shloka 166 (yuddha.67.166)

अपूरयत्तस्य मुखं शिताग्रै । रामः शरैर्हेमपिनद्धपुङ्खैः । स पूर्णवक्त्रो न शशाक वक्तुं । चुकूज कृच्छ्रेण मुमोह चापि ॥ 67.166 ॥

apūrayattasya mukhaṃ śitāgrai | rāmaḥ śarairhemapinaddhapuṅkhaiḥ | sa pūrṇavaktro na śaśāka vaktuṃ | cukūja kṛcchreṇa mumoha cāpi || 67.166 ||

Rama filled his mouth with sharp-tipped, gold-feathered arrows; his mouth thus filled, he could no longer speak, but only groaned with difficulty, and swooned as well.

Shloka 167 (yuddha.67.167)

अथाददे सूर्यमरीचिकल्पं । स ब्रह्मदण्डान्तककालकल्पम् । अरिष्टमैन्द्रं निशितं सुपुङ्खं । रामः शरं मारुततुल्यवेगम् ॥ 67.167 ॥

athādade sūryamarīcikalpaṃ | sa brahmadaṇḍāntakakālakalpam | ariṣṭamaindraṃ niśitaṃ supuṅkhaṃ | rāmaḥ śaraṃ mārutatulyavegam || 67.167 ||

Then Rama took up an arrow resembling the rays of the sun, like the very staff of Brahma or Death at the end of time, unfailing, of Indra, sharp, well-feathered, swift as the wind.

Shloka 168 (yuddha.67.168)

तम् वज्रजाम्बूनदचारुपुङ्खं । प्रदीप्तसूर्यज्वलनप्रकाशम् । महेन्द्रवज्राशनितुल्यवेगं । रामः प्रचिक्षेप निशाचराय ॥ 67.168 ॥

tam vajrajāmbūnadacārupuṅkhaṃ | pradīptasūryajvalanaprakāśam | mahendravajrāśanitulyavegaṃ | rāmaḥ pracikṣepa niśācarāya || 67.168 ||

That arrow, with its lovely shaft of gold set with diamonds, blazing like the sun and fire together, swift as Indra's own thunderbolt, Rama loosed at the night-ranger.

Shloka 169 (yuddha.67.169)

स सायको राघवबाहुचोदितो । दिशः स्वभासा दश सम्प्रकाशयन् । विधूमवैश्वानरदीप्तदर्शनो । जगाम शक्राशनितुल्यविक्रमः ॥ 67.169 ॥

sa sāyako rāghavabāhucodito | diśaḥ svabhāsā daśa samprakāśayan | vidhūmavaiśvānaradīptadarśano | jagāma śakrāśanitulyavikramaḥ || 67.169 ||

That arrow, sped from Raghava's arm, illuminating all ten directions with its own radiance, blazing like smokeless fire, went forth with the force of Indra's own thunderbolt.

Shloka 170 (yuddha.67.170)

स तन्महापर्वतकूटसंनिभं । सुवृत्तदंष्ट्रं चलचारुकुण्डलं । चकर्त रक्षोऽधिपतेः शिरस्तदा । यथैव वृत्रस्य पुरा पुरन्दरः ॥ 67.170 ॥

sa tanmahāparvatakūṭasaṃnibhaṃ | suvṛttadaṃṣṭraṃ calacārukuṇḍalaṃ | cakarta rakṣo'dhipateḥ śirastadā | yathaiva vṛtrasya purā purandaraḥ || 67.170 ||

That arrow sliced off the head of the lord of demons -- huge as a great mountain-peak, its fangs perfectly round, its lovely earrings swaying -- just as Purandara once severed the head of Vritra.

Shloka 171 (yuddha.67.171)

कुम्भकर्णशिरो भाति कुण्डलालंकृतं महत् । आदित्येऽभ्युदिते रात्रौ मध्यस्थ इव चन्द्रमाः ॥ 67.171 ॥

kumbhakarṇaśiro bhāti kuṇḍalālaṃkṛtaṃ mahat | āditye'bhyudite rātrau madhyastha iva candramāḥ || 67.171 ||

Kumbhakarna's great head, adorned with earrings, shone forth like the moon at midnight, even as the sun rose.

Shloka 172 (yuddha.67.172)

तद्रामबाणाभिहतं पपात । रक्षःशिरः पर्वतसंनिकाशम् । बभञ्ज चर्यागृहगोपुराणि । प्राकारमुच्चं तमपातयच्च ॥ 67.172 ॥

tadrāmabāṇābhihataṃ papāta | rakṣaḥśiraḥ parvatasaṃnikāśam | babhañja caryāgṛhagopurāṇi | prākāramuccaṃ tamapātayacca || 67.172 ||

That head of the demon, struck by Rama's arrow, mountain-like, fell; it shattered pleasure-houses and city-gates, and even brought down the lofty rampart.

Shloka 173 (yuddha.67.173)

तच्चातिकायं हिमवत्प्रकाशं । रक्षस्तदा तोयनिधौ पपात । ग्राहान् परान् मीनचयान्भुजंगमान् । ममर्द भूमिं च तथा विवेश ॥ 67.173 ॥

taccātikāyaṃ himavatprakāśaṃ | rakṣastadā toyanidhau papāta | grāhān parān mīnacayānbhujaṃgamān | mamarda bhūmiṃ ca tathā viveśa || 67.173 ||

And that huge demon's body, gleaming white like the Himalaya, fell then into the ocean; it crushed great crocodiles, shoals of fish, and serpents, and sank into the earth as well.

Shloka 174 (yuddha.67.174)

तस्मिर्हते ब्राह्मणदेवशत्रौ । महाबले सम्यति कुम्भकर्णे । चचाल भूर्भूमिधराश् च सर्वे । हर्षाच्च देवास्तुमुलं प्रणेदुः ॥ 67.174 ॥

tasmirhate brāhmaṇadevaśatrau | mahābale samyati kumbhakarṇe | cacāla bhūrbhūmidharāś ca sarve | harṣācca devāstumulaṃ praṇeduḥ || 67.174 ||

When that mighty foe of brahmins and gods, Kumbhakarna, was thus slain in that combat, the earth shook, and all the mountains trembled, and the gods roared out tumultuously in joy.

Shloka 175 (yuddha.67.175)

ततस्तु देवर्षिमहर्षिपन्नगाः । सुराश्च भूतानि सुपर्णगुह्यकाः । सयक्षगन्धर्वगणा नभोगताः । प्रहर्षिता राम पराक्रमेण ॥ 67.175 ॥

tatastu devarṣimaharṣipannagāḥ | surāśca bhūtāni suparṇaguhyakāḥ | sayakṣagandharvagaṇā nabhogatāḥ | praharṣitā rāma parākrameṇa || 67.175 ||

Then the divine sages and great sages, the serpents, the gods, all beings, the garudas and guhyakas, the yakshas and hosts of gandharvas, stationed in the sky, rejoiced greatly at Rama's valor.

Shloka 176 (yuddha.67.176)

ततस्तु ते तस्य वधेन भूरिणा । मनस्विनो नैरृतराजबान्धवाः । विनेदुरुच्छैर्व्यथिता रघूत्तमं । हरिं समीक्ष्यैव यथा मतङ्गजाः ॥ 67.176 ॥

tatastu te tasya vadhena bhūriṇā | manasvino nairṛtarājabāndhavāḥ | vinedurucchairvyathitā raghūttamaṃ | hariṃ samīkṣyaiva yathā mataṅgajāḥ || 67.176 ||

Then, at his great slaughter, those high-spirited kinsmen of the demon-king cried out loudly in distress, seeing that foremost of the Raghus and the monkeys, as elephants might cry out at the sight of a lion.

Shloka 177 (yuddha.67.177)

स देवलोकस्य तमो निहत्य । सूर्यो यथा राहुमुखाद्विमुक्तः । तथा व्यभासीद्धरिसैन्यमध्ये । निहत्य रामो यधि कुम्भकर्णम् ॥ 67.177 ॥

sa devalokasya tamo nihatya | sūryo yathā rāhumukhādvimuktaḥ | tathā vyabhāsīddharisainyamadhye | nihatya rāmo yadhi kumbhakarṇam || 67.177 ||

As the sun, freed from the mouth of Rahu, having dispelled the darkness over the world of the gods, shines forth again, so did Rama, having slain Kumbhakarna in that battle, shine forth in the midst of the monkey army.

Shloka 178 (yuddha.67.178)

प्रहर्षमीयुर्बहवस्तु वानराः । प्रबुद्धपद्मप्रतिमैरिवाननैः । अपूजयन् राघवमिष्टभागिनं । हते रिपौ भीमबले दुरासदे ॥ 67.178 ॥

praharṣamīyurbahavastu vānarāḥ | prabuddhapadmapratimairivānanaiḥ | apūjayan rāghavamiṣṭabhāginaṃ | hate ripau bhīmabale durāsade || 67.178 ||

Many monkeys, their faces like lotuses newly blossomed, were filled with delight; with that terrible and unassailable foe slain, they honored Raghava, blessed with his desire fulfilled.

Shloka 179 (yuddha.67.179)

स कुम्भकर्णं सुरसैन्यमर्दनं । महत्सु युद्धेष्वपराजितश्रमं । ननन्द हत्वा भरताग्रजो रणे । महासुरं वृत्रमिवामराधिपः ॥ 67.179 ॥

sa kumbhakarṇaṃ surasainyamardanaṃ | mahatsu yuddheṣvaparājitaśramaṃ | nananda hatvā bharatāgrajo raṇe | mahāsuraṃ vṛtramivāmarādhipaḥ || 67.179 ||

Having slain Kumbhakarna, that crusher of the armies of the gods, whose exertion in great battles had never before been overcome, the elder brother of Bharata rejoiced in that combat, as the lord of the immortals once rejoiced at slaying the great asura Vritra.