Trishira's Counsel and the Death of Narantaka

Shloka 1 (yuddha.69.1)

एवं विलपमानस्य रावणस्य दुरात्मनः । श्रुत्वा शोकाभिभूतस्य त्रिशिरा वाक्यमब्रवीत् ॥ 69.1 ॥

evaṃ vilapamānasya rāvaṇasya durātmanaḥ | śrutvā śokābhibhūtasya triśirā vākyamabravīt || 69.1 ||

Hearing the words of the evil-minded Ravana, thus lamenting, overwhelmed with grief, Trishira spoke to him.

Shloka 2 (yuddha.69.2)

एवमेव महावीर्यो हतो नस्तातमध्यमः । न तु सत्पुरुषा राजन् विलपन्ति यथा भवान् ॥ 69.2 ॥

evameva mahāvīryo hato nastātamadhyamaḥ | na tu satpuruṣā rājan vilapanti yathā bhavān || 69.2 ||

"True, our uncle of mighty valor, the middle-born of our forefathers, is indeed slain -- but O King, good and noble men do not lament as you now do.

Shloka 3 (yuddha.69.3)

नूनं त्रिभुवनस्यापि पर्याप्तस्त्वमसि प्रभो । स कस्मात् प्राकृत इव शोचस्यात्मानमीदृशम् ॥ 69.3 ॥

nūnaṃ tribhuvanasyāpi paryāptastvamasi prabho | sa kasmāt prākṛta iva śocasyātmānamīdṛśam || 69.3 ||

Surely, O Lord, you alone are a match for the three worlds -- why then do you grieve for yourself like some common man?

Shloka 4 (yuddha.69.4)

ब्रह्मदत्तास्ति ते शक्तिः कवचं सायको धनुः । सहस्रखरसंयुक्तो रथो मेघसमस्वनः ॥ 69.4 ॥

brahmadattāsti te śaktiḥ kavacaṃ sāyako dhanuḥ | sahasrakharasaṃyukto ratho meghasamasvanaḥ || 69.4 ||

You possess the power granted by Brahma, your armor, your arrows, your bow, and a chariot yoked with a thousand mules, thundering like a cloud.

Shloka 5 (yuddha.69.5)

त्वयासकृद्धि शस्त्रेण विशस्ता देवदानवाः । स सर्वायुधसम्पन्नो राघवं शास्तुमर्हसि ॥ 69.5 ॥

tvayāsakṛddhi śastreṇa viśastā devadānavāḥ | sa sarvāyudhasampanno rāghavaṃ śāstumarhasi || 69.5 ||

With that very weapon you have slain gods and danavas time and again; equipped with every weapon, you are fit to chastise Raghava.

Shloka 6 (yuddha.69.6)

कामं तिष्ठ महाराज निर्गमिष्याम्यहं रणे । उद्धरिष्यामि ते शत्रून् गरुडः पन्नगानिव ॥ 69.6 ॥

kāmaṃ tiṣṭha mahārāja nirgamiṣyāmyahaṃ raṇe | uddhariṣyāmi te śatrūn garuḍaḥ pannagāniva || 69.6 ||

Stay here at ease, great king; I myself will go forth into battle and root out your enemies, as Garuda uproots serpents.

Shloka 7 (yuddha.69.7)

शम्बरो देवराजेन नरको विष्णुना यथा । तथाद्य शयिता रामो मया युधि निपातितः ॥ 69.7 ॥

śambaro devarājena narako viṣṇunā yathā | tathādya śayitā rāmo mayā yudhi nipātitaḥ || 69.7 ||

As Shambara was laid low by the king of gods, and Naraka by Vishnu, so shall Rama today be laid low, struck down by me in battle."

Shloka 8 (yuddha.69.8)

श्रुत्वा त्रिशिरसो वाक्यं रावणो राक्षसाधिपः । पुनर्जातमिवात्मानं मन्यते कालचोदितः ॥ 69.8 ॥

śrutvā triśiraso vākyaṃ rāvaṇo rākṣasādhipaḥ | punarjātamivātmānaṃ manyate kālacoditaḥ || 69.8 ||

Hearing Trishira's words, Ravana, lord of the demons, driven on by Time, felt as though he were born anew.

Shloka 9 (yuddha.69.9)

श्रुत्वा त्रिशिरसो वाक्यं देवान्तकनरान्तकौ । अतिकायश्च तेजस्वी बभूवुर्युद्धहर्षिताः ॥ 69.9 ॥

śrutvā triśiraso vākyaṃ devāntakanarāntakau | atikāyaśca tejasvī babhūvuryuddhaharṣitāḥ || 69.9 ||

Hearing Trishira's words, Devantaka and Narantaka, and the glorious Atikaya, were filled with delight at the prospect of battle.

Shloka 10 (yuddha.69.10)

ततोऽहमहमित्येवं गर्जन्तो नैर्ऋतर्षभाः । रावणस्य सुता वीराः शक्रतुल्यपराक्रमाः ॥ 69.10 ॥

tato'hamahamityevaṃ garjanto nairṛtarṣabhāḥ | rāvaṇasya sutā vīrāḥ śakratulyaparākramāḥ || 69.10 ||

Then, roaring "I first! I first!", those foremost bulls among demons, Ravana's valiant sons, matching Indra in prowess --

Shloka 11 (yuddha.69.11)

अन्तरिक्षगताः सर्वे सर्वे मायाविशारदाः । सर्वे त्रिदशदर्पघ्नाः सर्वे समरदुर्मदाः ॥ 69.11 ॥

antarikṣagatāḥ sarve sarve māyāviśāradāḥ | sarve tridaśadarpaghnāḥ sarve samaradurmadāḥ || 69.11 ||

-- all able to move through the sky, all skilled in magic illusion, all crushers of the gods' pride, all fierce and unyielding in battle,

Shloka 12 (yuddha.69.12)

सर्वे सुबलसम्पन्नाः सर्वे विस्तीर्णकीर्तयः । सर्वे समरमासाद्य न श्रूयन्ते स्म निर्जिताः ॥ 69.12 ॥

sarve subalasampannāḥ sarve vistīrṇakīrtayaḥ | sarve samaramāsādya na śrūyante sma nirjitāḥ || 69.12 ||

all endowed with great strength, all of wide-spread fame -- never had it been heard that any of them, once in battle, was defeated,

Shloka 13 (yuddha.69.13)

देवैरपि सगन्धर्वैः सकिंनरमहोरगैः । सर्वेऽस्त्रविदुषो वीराः सर्वे युद्धविशारदाः । सर्वे प्रवरविज्ञानाः सर्वे लब्धवरास्तथा ॥ 69.13 ॥

devairapi sagandharvaiḥ sakiṃnaramahoragaiḥ | sarve'straviduṣo vīrāḥ sarve yuddhaviśāradāḥ | sarve pravaravijñānāḥ sarve labdhavarāstathā || 69.13 ||

not even by gods together with gandharvas, kinnaras, and great serpents. All these heroes were masters of weaponry, all skilled in war, all of surpassing knowledge, and all had received boons.

Shloka 14 (yuddha.69.14)

स तैस्तथा भास्करतुल्यवर्चसैः सुतैर्वृतः शत्रुबलश्रियार्दनैः । रराज राजा मघवान् यथामरैः वृतो महादानवदर्पनाशनैः ॥ 69.14 ॥

sa taistathā bhāskaratulyavarcasaiḥ sutairvṛtaḥ śatrubalaśriyārdanaiḥ | rarāja rājā maghavān yathāmaraiḥ vṛto mahādānavadarpanāśanaiḥ || 69.14 ||

Surrounded by those sons, radiant as the sun, crushers of the pride of hostile hosts, King Ravana shone forth like Indra surrounded by immortals who had broken the pride of the great danavas.

Shloka 15 (yuddha.69.15)

स पुत्रान् सम्परिष्वज्य भूषयित्वा च भूषणैः । आशीर्भिश्च प्रशस्ताभिः प्रेषयामास वै रणे ॥ 69.15 ॥

sa putrān sampariṣvajya bhūṣayitvā ca bhūṣaṇaiḥ | āśīrbhiśca praśastābhiḥ preṣayāmāsa vai raṇe || 69.15 ||

Embracing his sons, adorning them with ornaments, and blessing them with auspicious benedictions, he sent them forth to battle.

Shloka 16 (yuddha.69.16)

युद्धोन्मत्तं च मत्तं च भ्रातरौ चापि रावणः । रक्षणार्थं कुमाराणां प्रेषयामास संयुगे ॥ 69.16 ॥

yuddhonmattaṃ ca mattaṃ ca bhrātarau cāpi rāvaṇaḥ | rakṣaṇārthaṃ kumārāṇāṃ preṣayāmāsa saṃyuge || 69.16 ||

And Ravana sent forth his two brothers as well, both frenzied for battle, to guard the princes in that fight.

Shloka 17 (yuddha.69.17)

तेऽभिवाद्य महात्मानं रावणं लोकरावणम् । कृत्वा प्रदक्षिणं चैव महाकायाः प्रतस्थिरे ॥ 69.17 ॥

te'bhivādya mahātmānaṃ rāvaṇaṃ lokarāvaṇam | kṛtvā pradakṣiṇaṃ caiva mahākāyāḥ pratasthire || 69.17 ||

Having saluted the great-souled Ravana, who made all the worlds cry out, and having circled him in reverence, those huge-bodied ones set forth.

Shloka 18 (yuddha.69.18)

सर्वौषधीभिर्गन्धैश्च समालभ्य महाबलाः । निर्जग्मुर्नैर्ऋतश्रेष्ठाः षडेते युद्धकाङ्क्षिणः ॥ 69.18 ॥

sarvauṣadhībhirgandhaiśca samālabhya mahābalāḥ | nirjagmurnairṛtaśreṣṭhāḥ ṣaḍete yuddhakāṅkṣiṇaḥ || 69.18 ||

Anointed with every kind of healing herb and fragrance, those six foremost and mighty demons, eager for battle, marched forth.

Shloka 19 (yuddha.69.19)

त्रिशिराश्चातिकायश्च देवान्तकनरान्तकौ । महोदरमहापार्श्वौ निर्जग्मुः कालचोदिताः ॥ 69.19 ॥

triśirāścātikāyaśca devāntakanarāntakau | mahodaramahāpārśvau nirjagmuḥ kālacoditāḥ || 69.19 ||

Trishira and Atikaya, Devantaka and Narantaka, Mahodara and Mahaparshva -- driven by Time, they all marched forth.

Shloka 20 (yuddha.69.20)

ततः सुदर्शनं नागं नीलजीमूतसंनिभम् । ऐरावतकुले जातमारुरोह महोदरः ॥ 69.20 ॥

tataḥ sudarśanaṃ nāgaṃ nīlajīmūtasaṃnibham | airāvatakule jātamāruroha mahodaraḥ || 69.20 ||

Then Mahodara mounted the splendid elephant Sudarshana, dark as a rain-cloud, born of Airavata's line.

Shloka 21 (yuddha.69.21)

सर्वायुधसमायुक्तस्तूणीभिश्चाप्यलंकृतः । रराज गजमास्थाय सवितेवास्तमूर्धनि ॥ 69.21 ॥

sarvāyudhasamāyuktastūṇībhiścāpyalaṃkṛtaḥ | rarāja gajamāsthāya savitevāstamūrdhani || 69.21 ||

Equipped with every weapon and adorned with quivers, mounted upon his elephant, he shone like the sun upon the mountain of sunset.

Shloka 22 (yuddha.69.22)

हयोत्तमसमायुक्तं सर्वायुधसमाकुलम् । आरुरोह रथश्रेष्ठं त्रिशिरा रावणात्मजः ॥ 69.22 ॥

hayottamasamāyuktaṃ sarvāyudhasamākulam | āruroha rathaśreṣṭhaṃ triśirā rāvaṇātmajaḥ || 69.22 ||

Trishira, son of Ravana, mounted a splendid chariot yoked with the finest horses and crowded with every kind of weapon.

Shloka 23 (yuddha.69.23)

त्रिशिरा रथमास्थाय विरराज धनुर्धरः । सविद्युदुल्कः सज्वालः सेन्द्रचाप इवाम्बुदः ॥ 69.23 ॥

triśirā rathamāsthāya virarāja dhanurdharaḥ | savidyudulkaḥ sajvālaḥ sendracāpa ivāmbudaḥ || 69.23 ||

Mounted on his chariot, bow in hand, Trishira shone like a thundercloud alight with lightning-flashes and crowned with Indra's rainbow.

Shloka 24 (yuddha.69.24)

त्रिभिः किरीटैस्त्रिशिराः शुशुभे स रथोत्तमे । हिमवानिव शैलेन्द्रस्त्रिभिः काञ्चनपर्वतैः ॥ 69.24 ॥

tribhiḥ kirīṭaistriśirāḥ śuśubhe sa rathottame | himavāniva śailendrastribhiḥ kāñcanaparvataiḥ || 69.24 ||

With his three crowns, Trishira shone upon that splendid chariot like the mighty Himalaya adorned with three golden peaks.

Shloka 25 (yuddha.69.25)

अतिकायोऽतितेजस्वी राक्षसेन्द्रसुतस्तदा । आरुरोह रथश्रेष्ठं श्रेष्ठः सर्वधनुष्मताम् ॥ 69.25 ॥

atikāyo'titejasvī rākṣasendrasutastadā | āruroha rathaśreṣṭhaṃ śreṣṭhaḥ sarvadhanuṣmatām || 69.25 ||

Then Atikaya, of surpassing splendor, son of the demon-king, foremost among all wielders of the bow, mounted a magnificent chariot --

Shloka 26 (yuddha.69.26)

सुचक्राक्षं सुसंयुक्तं स्वनुकर्षं सुकूबरम् । तूणीबाणासनैर्दीप्तं प्रासासिपरिघाकुलम् ॥ 69.26 ॥

sucakrākṣaṃ susaṃyuktaṃ svanukarṣaṃ sukūbaram | tūṇībāṇāsanairdīptaṃ prāsāsiparighākulam || 69.26 ||

-- a chariot with fine wheels and axle, well-fitted with a sound undercarriage and pole, ablaze with quivers and bows, crowded with javelins, swords, and iron maces.

Shloka 27 (yuddha.69.27)

स काञ्चनविचित्रेण किरीटेन विराजता । भूषणैश्च बभौ मेरुः प्रभाभिरिव भासयन् ॥ 69.27 ॥

sa kāñcanavicitreṇa kirīṭena virājatā | bhūṣaṇaiśca babhau meruḥ prabhābhiriva bhāsayan || 69.27 ||

With his wondrous golden crown and his ornaments, he shone forth like Mount Meru, illuminating all around with his splendor.

Shloka 28 (yuddha.69.28)

स रराज रथे तस्मिन् राजसूनुर्महाबलः । वृतो नैर्ऋतशार्दूलैर्वज्रपाणिरिवामरैः ॥ 69.28 ॥

sa rarāja rathe tasmin rājasūnurmahābalaḥ | vṛto nairṛtaśārdūlairvajrapāṇirivāmaraiḥ || 69.28 ||

That mighty prince, upon that chariot, surrounded by tigers among demons, shone forth like Indra, thunderbolt in hand, surrounded by the immortals.

Shloka 29 (yuddha.69.29)

हयमुच्चैःश्रवःप्रख्यं श्वेतं कनकभूषणम् । मनोजवं महाकायमारुरोह नरान्तकः ॥ 69.29 ॥

hayamuccaiḥśravaḥprakhyaṃ śvetaṃ kanakabhūṣaṇam | manojavaṃ mahākāyamāruroha narāntakaḥ || 69.29 ||

Narantaka mounted a horse resembling Uchchaihshravas, white, adorned with gold, swift as thought and huge of frame.

Shloka 30 (yuddha.69.30)

गृहीत्वा प्रासमुल्काभं विरराज नरान्तकः । शक्तिमादाय तेजस्वी गुहः शिखिगतो यथा ॥ 69.30 ॥

gṛhītvā prāsamulkābhaṃ virarāja narāntakaḥ | śaktimādāya tejasvī guhaḥ śikhigato yathā || 69.30 ||

Grasping a javelin blazing like a meteor, Narantaka shone forth, as the radiant Guha, spear in hand, shines mounted upon his peacock.

Shloka 31 (yuddha.69.31)

देवान्तकः समादाय परिघं हेमभूषणम् । परिगृह्य गिरिं दोर्भ्यां वपुर्विष्णोर्विडम्बयन् ॥ 69.31 ॥

devāntakaḥ samādāya parighaṃ hemabhūṣaṇam | parigṛhya giriṃ dorbhyāṃ vapurviṣṇorviḍambayan || 69.31 ||

Devantaka, taking up his gold-adorned iron mace, seemed, holding it in his two arms like a mountain, to mock the very form of Vishnu.

Shloka 32 (yuddha.69.32)

महापार्श्वो महातेजा गदामादाय वीर्यवान् । विरराज गदापाणिः कुबेर इव संयुगे ॥ 69.32 ॥

mahāpārśvo mahātejā gadāmādāya vīryavān | virarāja gadāpāṇiḥ kubera iva saṃyuge || 69.32 ||

The mighty and glorious Mahaparshva, taking up his mace, shone in that battle, mace in hand, like Kubera himself.

Shloka 33 (yuddha.69.33)

ते प्रतस्थुर्महात्मानोऽमरावत्याः सुरा इव । तान् गजैश्च तुरङ्गैश्च रथैश्चाम्बुदनिःस्वनैः ॥ 69.33 ॥

te pratasthurmahātmāno'marāvatyāḥ surā iva | tān gajaiśca turaṅgaiśca rathaiścāmbudaniḥsvanaiḥ || 69.33 ||

Those great-souled ones set forth, like gods marching out from Amaravati; with elephants, horses, and chariots that thundered like clouds --

Shloka 34 (yuddha.69.34)

अनूत्पेतुर्महात्मानो राक्षसाः प्रवरायुधाः । ते विरेजुर्महात्मानः कुमाराः सूर्यवर्चसः ॥ 69.34 ॥

anūtpeturmahātmāno rākṣasāḥ pravarāyudhāḥ | te virejurmahātmānaḥ kumārāḥ sūryavarcasaḥ || 69.34 ||

-- those great-souled demons, bearing splendid weapons, followed after; and those great-souled princes, radiant as the sun, shone forth,

Shloka 35 (yuddha.69.35)

किरीटिनः श्रिया जुष्टा ग्रहा दीप्ता इवाम्बरे । प्रगृहीता बभौ तेषां शस्त्राणामवलिः सिता ॥ 69.35 ॥

kirīṭinaḥ śriyā juṣṭā grahā dīptā ivāmbare | pragṛhītā babhau teṣāṃ śastrāṇāmavaliḥ sitā || 69.35 ||

crowned and endowed with splendor, they were like blazing planets in the sky; and the row of white weapons they bore shone forth,

Shloka 36 (yuddha.69.36)

शरदभ्रप्रतीकाशा हंसावलिरिवाम्बरे । मरणं वापि निश्चित्य शत्रूणां वा पराजयम् ॥ 69.36 ॥

śaradabhrapratīkāśā haṃsāvalirivāmbare | maraṇaṃ vāpi niścitya śatrūṇāṃ vā parājayam || 69.36 ||

resembling autumn clouds, like a line of swans in the sky. Resolved either upon death or upon the defeat of their foes,

Shloka 37 (yuddha.69.37)

इति कृत्वा मतिं वीराः संजग्मुः संयुगार्थिनः । जगर्जुश्च प्रणेदुश्च चिक्षिपुश्चापि सायकान् ॥ 69.37 ॥

iti kṛtvā matiṃ vīrāḥ saṃjagmuḥ saṃyugārthinaḥ | jagarjuśca praṇeduśca cikṣipuścāpi sāyakān || 69.37 ||

-- resolved thus, those heroes advanced, seeking battle; they roared, they cried aloud, and they loosed their arrows.

Shloka 38 (yuddha.69.38)

जगृहुश्च महात्मानो निर्यान्तो युद्धदुर्मदाः । क्ष्वेडितास्फोटितानां वै संचचालेव मेदिनी ॥ 69.38 ॥

jagṛhuśca mahātmāno niryānto yuddhadurmadāḥ | kṣveḍitāsphoṭitānāṃ vai saṃcacāleva medinī || 69.38 ||

Those great-souled ones, unbridled for war, took up their weapons as they marched forth; and at the sound of their war-cries and the slapping of their arms, the very earth seemed to shake.

Shloka 39 (yuddha.69.39)

रक्षसां सिंहनादैश्च संस्फोटितमिवाम्बरम् । तेऽभिनिष्क्रम्य मुदिता राक्षसेन्द्रा महाबलाः ॥ 69.39 ॥

rakṣasāṃ siṃhanādaiśca saṃsphoṭitamivāmbaram | te'bhiniṣkramya muditā rākṣasendrā mahābalāḥ || 69.39 ||

With the lion-roars of the demons, the very sky seemed to burst asunder; and those mighty demon-lords, sallying forth, exultant --

Shloka 40 (yuddha.69.40)

ददृशुर्वानरानीकं समुद्यतशिलानगम् । हरयोऽपि महात्मानो ददृशू राक्षसं बलम् ॥ 69.40 ॥

dadṛśurvānarānīkaṃ samudyataśilānagam | harayo'pi mahātmāno dadṛśū rākṣasaṃ balam || 69.40 ||

-- beheld the monkey army, with its raised rocks and trees; and the great-souled monkeys likewise beheld the demon host --

Shloka 41 (yuddha.69.41)

हस्त्यश्वरथसम्बाधं किङ्किणीशतनादितम् । नीलजीमूतसंकाशं समुद्यतमहायुधम् ॥ 69.41 ॥

hastyaśvarathasambādhaṃ kiṅkiṇīśatanāditam | nīlajīmūtasaṃkāśaṃ samudyatamahāyudham || 69.41 ||

-- crowded with elephants, horses, and chariots, resounding with hundreds of jingling bells, dark as a rain-cloud, its great weapons upraised,

Shloka 42 (yuddha.69.42)

दीप्तानलरविप्रख्यैर्नैर्ऋतैः सर्वतो वृतम् । तद् दृष्ट्वा बलमायातं लब्धलक्षाः प्लवङ्गमाः ॥ 69.42 ॥

dīptānalaraviprakhyairnairṛtaiḥ sarvato vṛtam | tad dṛṣṭvā balamāyātaṃ labdhalakṣāḥ plavaṅgamāḥ || 69.42 ||

-- surrounded on every side by demons blazing like fire and the sun. Seeing that army approaching, the monkeys, their goal now in sight,

Shloka 43 (yuddha.69.43)

समुद्यतमहाशैलाः सम्प्रणेदुर्मुहुर्मुहुः । अमृष्यमाणा रक्षांसि प्रतिनर्दन्त वानराः ॥ 69.43 ॥

samudyatamahāśailāḥ sampraṇedurmuhurmuhuḥ | amṛṣyamāṇā rakṣāṃsi pratinardanta vānarāḥ || 69.43 ||

-- raising great crags, roared again and again; and the monkeys, unable to contain themselves, roared back at the demons.

Shloka 44 (yuddha.69.44)

ततः समुत्कृष्टरवं निशम्य रक्षोगणा वानरयूथपानाम् । अमृष्यमाणाः परहर्षमुग्रं महाबला भीमतरं प्रणेदुः ॥ 69.44 ॥

tataḥ samutkṛṣṭaravaṃ niśamya rakṣogaṇā vānarayūthapānām | amṛṣyamāṇāḥ paraharṣamugraṃ mahābalā bhīmataraṃ praṇeduḥ || 69.44 ||

Then, hearing that tumultuous roar of the monkey chiefs, the demon hosts, unable to bear that fierce exultation of their foes, those mighty ones roared back still more terribly.

Shloka 45 (yuddha.69.45)

ते राक्षसबलं घोरं प्रविश्य हरियूथपाः । विचेरुरुद्यतैः शैलैर्नगाः शिखरिणो यथा ॥ 69.45 ॥

te rākṣasabalaṃ ghoraṃ praviśya hariyūthapāḥ | vicerurudyataiḥ śailairnagāḥ śikhariṇo yathā || 69.45 ||

Entering into that terrible demon host, the monkey chieftains ranged about with their upraised crags, like moving mountains with their peaks.

Shloka 46 (yuddha.69.46)

केचिदाकाशमाविश्य केचिदुर्व्यां प्लवङ्गमाः । रक्षःसैन्येषु संक्रुद्धाः केचिद् द्रुमशिलायुधाः ॥ 69.46 ॥

kecidākāśamāviśya kecidurvyāṃ plavaṅgamāḥ | rakṣaḥsainyeṣu saṃkruddhāḥ kecid drumaśilāyudhāḥ || 69.46 ||

Some monkeys, entering the sky, some on the ground, enraged against the demon ranks, armed themselves with trees and boulders.

Shloka 47 (yuddha.69.47)

द्रुमांश्च विपुलस्कन्धान् गृह्य वानरपुङ्गवाः । तद् युद्धमभवद् घोरं रक्षोवानरसंकुलम् ॥ 69.47 ॥

drumāṃśca vipulaskandhān gṛhya vānarapuṅgavāḥ | tad yuddhamabhavad ghoraṃ rakṣovānarasaṃkulam || 69.47 ||

The bull-like monkeys seized trees with massive trunks; and that battle, thronged with demons and monkeys, became terrible.

Shloka 48 (yuddha.69.48)

ते पादपशिलाशैलैश्चक्रुर्वृष्टिमनूपमाम् । बाणौघैर्वार्यमाणाश्च हरयो भीमविक्रमाः ॥ 69.48 ॥

te pādapaśilāśailaiścakrurvṛṣṭimanūpamām | bāṇaughairvāryamāṇāśca harayo bhīmavikramāḥ || 69.48 ||

With trees, boulders, and crags, they poured down an incomparable rain; and though checked by torrents of arrows, the monkeys of terrible prowess pressed on.

Shloka 49 (yuddha.69.49)

सिंहनादान् विनेदुश्च रणे राक्षसवानराः । शिलाभिश्चूर्णयामासुर्यातुधानान् प्लवङ्गमाः ॥ 69.49 ॥

siṃhanādān vineduśca raṇe rākṣasavānarāḥ | śilābhiścūrṇayāmāsuryātudhānān plavaṅgamāḥ || 69.49 ||

Both demons and monkeys roared lion-roars in that battle; and the monkeys crushed the demons to powder with their boulders.

Shloka 50 (yuddha.69.50)

निर्जघ्नुः संयुगे क्रुद्धाः कवचाभरणावृतान् । केचिद् रथगतान् वीरान् गजवाजिगतानपि ॥ 69.50 ॥

nirjaghnuḥ saṃyuge kruddhāḥ kavacābharaṇāvṛtān | kecid rathagatān vīrān gajavājigatānapi || 69.50 ||

In their fury, they struck down in that battle those heroes clad in armor and ornaments, some mounted on chariots, others on elephants and horses.

Shloka 51 (yuddha.69.51)

निर्जघ्नुः सहसाऽऽप्लुत्य यातुधानान् प्लवङ्गमाः । शैलशृङ्गान्विताङ्गास्ते मुष्टिभिर्वान्तलोचनाः ॥ 69.51 ॥

nirjaghnuḥ sahasā''plutya yātudhānān plavaṅgamāḥ | śailaśṛṅgānvitāṅgāste muṣṭibhirvāntalocanāḥ || 69.51 ||

Leaping upon them suddenly, the monkeys, mountain-peaks in hand, struck down the demons, whose eyes started from their sockets under the blows of their fists.

Shloka 52 (yuddha.69.52)

चेलुः पेतुश्च नेदुश्च तत्र राक्षसपुङ्गवाः । राक्षसाश्च शरैस्तीक्ष्णैर्बिभिदुः कपिकुञ्जरान् ॥ 69.52 ॥

celuḥ petuśca neduśca tatra rākṣasapuṅgavāḥ | rākṣasāśca śaraistīkṣṇairbibhiduḥ kapikuñjarān || 69.52 ||

There the foremost demons reeled, fell, and cried out; and the demons in turn pierced the elephant-like monkeys with their sharp arrows.

Shloka 53 (yuddha.69.53)

शूलमुद्गरखड्गैश्च जघ्नुः प्रासैश्च शक्तिभिः । अन्योन्यं पातयामासुः परस्परजयैषिणः ॥ 69.53 ॥

śūlamuda‍garakhaḍgaiśca jaghnuḥ prāsaiśca śaktibhiḥ | anyonyaṃ pātayāmāsuḥ parasparajayaiṣiṇaḥ || 69.53 ||

With tridents, clubs, swords, javelins, and spears they struck one another, each side eager to fell the other and win the day.

Shloka 54 (yuddha.69.54)

रिपुशोणितदिग्धाङ्गास्तत्र वानरराक्षसाः । ततः शैलैश्च खड्गैश्च विसृष्टैर्हरिराक्षसैः ॥ 69.54 ॥

ripuśoṇitadigdhāṅgāstatra vānararākṣasāḥ | tataḥ śailaiśca khaḍgaiśca visṛṣṭairharirākṣasaiḥ || 69.54 ||

There, monkeys and demons, their limbs smeared with the blood of their foes, hurled crags and swords at one another --

Shloka 55 (yuddha.69.55)

मुहूर्तेनावृता भूमिरभवच्छोणितोक्षिता । विकीर्णैः पर्वताकारै रक्षोभिरभिमर्दितैः । आसीद् वसुमती पूर्णा तदा युद्धमदान्वितैः ॥ 69.55 ॥

muhūrtenāvṛtā bhūmirabhavacchoṇitokṣitā | vikīrṇaiḥ parvatākārai rakṣobhirabhimarditaiḥ | āsīd vasumatī pūrṇā tadā yuddhamadānvitaiḥ || 69.55 ||

-- within a moment, the earth was drenched with blood; strewn with mountain-like demons, crushed and lifeless, the ground grew filled with those maddened in the fury of that battle.

Shloka 56 (yuddha.69.56)

आक्षिप्ताः क्षिप्यमाणाश्च भग्नशैलाश्च वानराः । पुनरङ्गैस्तदा चक्रुरासन्ना युद्धमद्भुतम् ॥ 69.56 ॥

ākṣiptāḥ kṣipyamāṇāśca bhagnaśailāśca vānarāḥ | punaraṅgaistadā cakrurāsannā yuddhamadbhutam || 69.56 ||

The monkeys, struck down and struck again, their boulders shattered, then closed in and fought a wondrous battle with their very limbs.

Shloka 57 (yuddha.69.57)

वानरान् वानरैरेव जघ्नुस्ते नैर्ऋतर्षभाः । राक्षसान् राक्षसैरेव जघ्नुस्ते वानरा अपि ॥ 69.57 ॥

vānarān vānaraireva jaghnuste nairṛtarṣabhāḥ | rākṣasān rākṣasaireva jaghnuste vānarā api || 69.57 ||

Those foremost demons struck down monkeys using monkeys themselves as weapons; and the monkeys in turn struck down demons using the demons' own bodies.

Shloka 58 (yuddha.69.58)

आक्षिप्य च शिलाः शैलाञ्जघ्नुस्ते राक्षसास्तदा । तेषां चाच्छिद्य शस्त्राणि जघ्नू रक्षांसि वानराः ॥ 69.58 ॥

ākṣipya ca śilāḥ śailāñjaghnuste rākṣasāstadā | teṣāṃ cācchidya śastrāṇi jaghnū rakṣāṃsi vānarāḥ || 69.58 ||

The demons then seized boulders and crags and struck with them; and the monkeys, snatching away the demons' own weapons, struck the demons with them.

Shloka 59 (yuddha.69.59)

निर्जघ्नुः शैलशृङ्गैश्च बिभिदुश्च परस्परम् । सिंहनादान् विनेदुश्च रणे राक्षसवानराः ॥ 69.59 ॥

nirjaghnuḥ śailaśṛṅgaiśca bibhiduśca parasparam | siṃhanādān vineduśca raṇe rākṣasavānarāḥ || 69.59 ||

With mountain-peaks they struck each other down, pierced each other through, and both demons and monkeys roared lion-roars in that battle.

Shloka 60 (yuddha.69.60)

छिन्नवर्मतनुत्राणा राक्षसा वानरैर्हताः । रुधिरं प्रसृतास्तत्र रससारमिव द्रुमाः ॥ 69.60 ॥

chinnavarmatanutrāṇā rākṣasā vānarairhatāḥ | rudhiraṃ prasṛtāstatra rasasāramiva drumāḥ || 69.60 ||

Their armor and coats of mail torn away, the demons struck down by the monkeys poured out their blood there, like trees oozing sap.

Shloka 61 (yuddha.69.61)

रथेन च रथं चापि वारणेनापि वारणम् । हयेन च हयं केचिन्निर्जघ्नुर्वानरा रणे ॥ 69.61 ॥

rathena ca rathaṃ cāpi vāraṇenāpi vāraṇam | hayena ca hayaṃ kecinnirjaghnurvānarā raṇe || 69.61 ||

With chariot they struck down chariot, with elephant, elephant; and with horse, horse -- so did some of the monkeys strike down the demons in that battle.

Shloka 62 (yuddha.69.62)

क्षुरप्रैरर्धचन्द्रैश्च भल्लैश्च निशितैः शरैः । राक्षसा वानरेन्द्राणां बिभिदुः पादपान् शिलाः ॥ 69.62 ॥

kṣuraprairardhacandraiśca bhallaiśca niśitaiḥ śaraiḥ | rākṣasā vānarendrāṇāṃ bibhiduḥ pādapān śilāḥ || 69.62 ||

With razor-edged arrows, crescent-headed shafts, broad-headed arrows and sharp darts, the demons cut apart the trees and boulders of the monkey lords.

Shloka 63 (yuddha.69.63)

विकीर्णाः पर्वतास्तैश्च द्रुमच्छिन्नैश्च संयुगे । हतैश्च कपिरक्षोभिर्दुर्गमा वसुधाभवत् ॥ 69.63 ॥

vikīrṇāḥ parvatāstaiśca drumacchinnaiśca saṃyuge | hataiśca kapirakṣobhirdurgamā vasudhābhavat || 69.63 ||

Strewn with those shattered mountains and cut-down trees, and with slain monkeys and demons, the earth in that battle became impassable.

Shloka 64 (yuddha.69.64)

ते वानरा गर्वितहृष्टचेष्टाः संग्राममासाद्य भयं विमुच्य । युद्धं स्म सर्वे सह राक्षसैस्ते नानायुधाश्चक्रुरदीनसत्त्वाः ॥ 69.64 ॥

te vānarā garvitahṛṣṭaceṣṭāḥ saṃgrāmamāsādya bhayaṃ vimucya | yuddhaṃ sma sarve saha rākṣasaiste nānāyudhāścakruradīnasattvāḥ || 69.64 ||

Those monkeys, exultant and proud in their bearing, all courage undaunted, casting off fear on entering that battle, fought with the demons wielding every kind of weapon.

Shloka 65 (yuddha.69.65)

तस्मिन् प्रवृत्ते तुमुले विमर्दे प्रहृष्यमाणेषु वलीमुखेषु । निपात्यमानेषु च राक्षसेषु महर्षयो देवगणाश्च नेदुः ॥ 69.65 ॥

tasmin pravṛtte tumule vimarde prahṛṣyamāṇeṣu valīmukheṣu | nipātyamāneṣu ca rākṣaseṣu maharṣayo devagaṇāśca neduḥ || 69.65 ||

As that tumultuous, crushing battle raged, the monkeys rejoicing, and the demons falling one after another, the great sages and hosts of gods cried out in wonder.

Shloka 66 (yuddha.69.66)

ततो हयं मारुततुल्यवेगम् आरुह्य शक्तिं निशितां प्रगृह्य । नरान्तको वानरसैन्यमुग्रं महार्णवं मीन इवाविवेश ॥ 69.66 ॥

tato hayaṃ mārutatulyavegam āruhya śaktiṃ niśitāṃ pragṛhya | narāntako vānarasainyamugraṃ mahārṇavaṃ mīna ivāviveśa || 69.66 ||

Then Narantaka, mounting a horse swift as the wind and grasping a sharp javelin, plunged into that fierce monkey army, as a fish plunges into a vast ocean.

Shloka 67 (yuddha.69.67)

स वानरान् सप्त शतानि वीरः प्रासेन दीप्तेन विनिर्बिभेद । एकः क्षणेनेन्द्ररिपुर्महात्मा जघान सैन्यं हरिपुङ्गवानाम् ॥ 69.67 ॥

sa vānarān sapta śatāni vīraḥ prāsena dīptena vinirbibheda | ekaḥ kṣaṇenendraripurmahātmā jaghāna sainyaṃ haripuṅgavānām || 69.67 ||

That hero pierced seven hundred monkeys with his blazing javelin; single-handed, that great-souled foe of Indra slaughtered the army of the monkey chiefs in a single moment.

Shloka 68 (yuddha.69.68)

ददृशुश्च महात्मानं हयपृष्ठप्रतिष्ठितम् । चरन्तं हरिसैन्येषु विद्याधरमहर्षयः ॥ 69.68 ॥

dadṛśuśca mahātmānaṃ hayapṛṣṭhapratiṣṭhitam | carantaṃ harisainyeṣu vidyādharamaharṣayaḥ || 69.68 ||

The vidyadharas and great sages beheld that great-souled one, mounted upon his horse, ranging through the monkey army.

Shloka 69 (yuddha.69.69)

स तस्य ददृशे मार्गो मांसशोणितकर्दमः । पतितैः पर्वताकारैर्वानरैरभिसंवृतः ॥ 69.69 ॥

sa tasya dadṛśe mārgo māṃsaśoṇitakardamaḥ | patitaiḥ parvatākārairvānarairabhisaṃvṛtaḥ || 69.69 ||

His path could be seen, a mire of flesh and blood, strewn with mountain-like fallen monkeys.

Shloka 70 (yuddha.69.70)

यावद् विक्रमितुं बुद्धिं चक्रुः प्लवगपुङ्गवाः । तावदेतानतिक्रम्य निर्बिभेद नरान्तकः ॥ 69.70 ॥

yāvad vikramituṃ buddhiṃ cakruḥ plavagapuṅgavāḥ | tāvadetānatikramya nirbibheda narāntakaḥ || 69.70 ||

Before the foremost monkeys could even resolve to strike, Narantaka had already passed beyond them and pierced them through.

Shloka 71 (yuddha.69.71)

ज्वलन्तं प्रासमुद्यम्य संग्रामाग्रे नरान्तकः । ददाह हरिसैन्यानि वनानीव विभावसुः ॥ 69.71 ॥

jvalantaṃ prāsamudyamya saṃgrāmāgre narāntakaḥ | dadāha harisainyāni vanānīva vibhāvasuḥ || 69.71 ||

Wielding his blazing javelin at the forefront of that battle, Narantaka consumed the monkey ranks, as fire consumes the forests.

Shloka 72 (yuddha.69.72)

यावदुत्पाटयामासुर्वृक्षान् शैलान् वनौकसः । तावत् प्रासहताः पेतुर्वज्रकृत्ता इवाचलाः ॥ 69.72 ॥

yāvadutpāṭayāmāsurvṛkṣān śailān vanaukasaḥ | tāvat prāsahatāḥ peturvajrakṛttā ivācalāḥ || 69.72 ||

Even as the forest-dwellers were tearing up trees and crags, they fell, struck down by his javelin, like mountains cleft by the thunderbolt.

Shloka 73 (yuddha.69.73)

दिक्षु सर्वासु बलवान् विचचार नरान्तकः । प्रमृद्नन् सर्वतो युद्धे प्रावृट्काले यथानिलः ॥ 69.73 ॥

dikṣu sarvāsu balavān vicacāra narāntakaḥ | pramṛdnan sarvato yuddhe prāvṛṭkāle yathānilaḥ || 69.73 ||

The mighty Narantaka ranged through every quarter, crushing all before him in that battle, like the wind in the rainy season.

Shloka 74 (yuddha.69.74)

न शेकुर्धावितुं वीरा न स्थातुं स्पन्दितुं भयात् । उत्पतन्तं स्थितं यान्तं सर्वान् विव्याध वीर्यवान् ॥ 69.74 ॥

na śekurdhāvituṃ vīrā na sthātuṃ spandituṃ bhayāt | utpatantaṃ sthitaṃ yāntaṃ sarvān vivyādha vīryavān || 69.74 ||

Those heroes could neither flee, nor stand, nor even stir for fear; and that mighty one pierced all alike -- those leaping up, those standing still, those in flight.

Shloka 75 (yuddha.69.75)

एकेनान्तककल्पेन प्रासेनादित्यतेजसा । भग्नानि हरिसैन्यानि निपेतुर्धरणीतले ॥ 69.75 ॥

ekenāntakakalpena prāsenādityatejasā | bhagnāni harisainyāni nipeturdharaṇītale || 69.75 ||

With that single javelin, like Death itself, blazing with the splendor of the sun, the monkey ranks were shattered and fell to the ground.

Shloka 76 (yuddha.69.76)

वज्रनिष्पेषसदृशं प्रासस्याभिनिपातनम् । न शेकुर्वानराः सोढुं ते विनेदुर्महास्वनम् ॥ 69.76 ॥

vajraniṣpeṣasadṛśaṃ prāsasyābhinipātanam | na śekurvānarāḥ soḍhuṃ te vinedurmahāsvanam || 69.76 ||

The crash of that javelin's fall was like the shattering blow of the thunderbolt; the monkeys could not endure it, and they cried out with a great roar.

Shloka 77 (yuddha.69.77)

पततां हरिवीराणां रूपाणि प्रचकाशिरे । वज्रभिन्नाग्रकूटानां शैलानां पततामिव ॥ 69.77 ॥

patatāṃ harivīrāṇāṃ rūpāṇi pracakāśire | vajrabhinnāgrakūṭānāṃ śailānāṃ patatāmiva || 69.77 ||

As those monkey-heroes fell, their forms shone forth like mountains falling, their peaks shattered by the thunderbolt.

Shloka 78 (yuddha.69.78)

ये तु पूर्वं महात्मानः कुम्भकर्णेन पातिताः । ते स्वस्था वानरश्रेष्ठाः सुग्रीवमुपतस्थिरे ॥ 69.78 ॥

ye tu pūrvaṃ mahātmānaḥ kumbhakarṇena pātitāḥ | te svasthā vānaraśreṣṭhāḥ sugrīvamupatasthire || 69.78 ||

Those great-souled and foremost monkeys who had earlier been struck down by Kumbhakarna, now recovered, came to Sugriva.

Shloka 79 (yuddha.69.79)

प्रेक्षमाणः स सुग्रीवो ददृशे हरिवाहिनीम् । नरान्तकभयत्रस्तां विद्रवन्तीं यतस्ततः ॥ 69.79 ॥

prekṣamāṇaḥ sa sugrīvo dadṛśe harivāhinīm | narāntakabhayatrastāṃ vidravantīṃ yatastataḥ || 69.79 ||

Looking about, Sugriva saw the monkey army, terrified of Narantaka, fleeing in every direction.

Shloka 80 (yuddha.69.80)

विद्रुतां वाहिनीं दृष्ट्वा स ददर्श नरान्तकम् । गृहीतप्रासमायान्तं हयपृष्ठप्रतिष्ठितम् ॥ 69.80 ॥

vidrutāṃ vāhinīṃ dṛṣṭvā sa dadarśa narāntakam | gṛhītaprāsamāyāntaṃ hayapṛṣṭhapratiṣṭhitam || 69.80 ||

Seeing his army thus routed, he then beheld Narantaka, javelin in hand, advancing, mounted upon his horse.

Shloka 81 (yuddha.69.81)

दृष्ट्वोवाच महातेजाः सुग्रीवो वानराधिपः । कुमारमङ्गदं वीरं शक्रतुल्यपराक्रमम् ॥ 69.81 ॥

dṛṣṭvovāca mahātejāḥ sugrīvo vānarādhipaḥ | kumāramaṅgadaṃ vīraṃ śakratulyaparākramam || 69.81 ||

Seeing him, the mighty Sugriva, lord of the monkeys, spoke to the valiant prince Angada, whose prowess matched Indra's:

Shloka 82 (yuddha.69.82)

गच्छैनं राक्षसं वीरं योऽसौ तुरगमास्थितः । क्षोभयन्तं हरिबलं क्षिप्रं प्राणैर्वियोजय ॥ 69.82 ॥

gacchainaṃ rākṣasaṃ vīraṃ yo'sau turagamāsthitaḥ | kṣobhayantaṃ haribalaṃ kṣipraṃ prāṇairviyojaya || 69.82 ||

"Go swiftly, and rid of his life that demon-hero mounted upon his steed, who is throwing our monkey army into such confusion."

Shloka 83 (yuddha.69.83)

स भर्तुर्वचनं श्रुत्वा निष्पपाताङ्गदस्तदा । अनीकान्मेघसंकाशादंशुमानिव वीर्यवान् ॥ 69.83 ॥

sa bharturvacanaṃ śrutvā niṣpapātāṅgadastadā | anīkānmeghasaṃkāśādaṃśumāniva vīryavān || 69.83 ||

Hearing his lord's command, Angada then sprang forth from the ranks, dark as a cloud, like the mighty sun itself, radiant with valor.

Shloka 84 (yuddha.69.84)

शैलसंघातसंकाशो हरीणामुत्तमोऽङ्गदः । रराजाङ्गदसंनद्धः सधातुरिव पर्वतः ॥ 69.84 ॥

śailasaṃghātasaṃkāśo harīṇāmuttamo'ṅgadaḥ | rarājāṅgadasaṃnaddhaḥ sadhāturiva parvataḥ || 69.84 ||

Angada, foremost of the monkeys, huge as a mass of mountains, adorned with his armlets, shone forth like a mountain streaked with mineral ores.

Shloka 85 (yuddha.69.85)

निरायुधो महातेजाः केवलं नखदंष्ट्रवान् । नरान्तकमभिक्रम्य वालिपुत्रोऽब्रवीद् वचः ॥ 69.85 ॥

nirāyudho mahātejāḥ kevalaṃ nakhadaṃṣṭravān | narāntakamabhikramya vāliputro'bravīd vacaḥ || 69.85 ||

Weaponless, possessing only his claws and fangs, that mighty and glorious son of Vali advanced upon Narantaka and spoke these words:

Shloka 86 (yuddha.69.86)

तिष्ठ किं प्राकृतैरेभिर्हरिभिस्त्वं करिष्यसि । अस्मिन् वज्रसमस्पर्शं प्रासं क्षिप्र ममोरसि ॥ 69.86 ॥

tiṣṭha kiṃ prākṛtairebhirharibhistvaṃ kariṣyasi | asmin vajrasamasparśaṃ prāsaṃ kṣipra mamorasi || 69.86 ||

"Stand fast! What use is it to you, striking down these common monkeys? Strike me instead -- hurl your thunderbolt-touched javelin swiftly at my chest!"

Shloka 87 (yuddha.69.87)

अङ्गदस्य वचः श्रुत्वा प्रचुक्रोध नरान्तकः । संदश्य दशनैरोष्ठं निःश्वस्य च भुजंगवत् । अभिगम्याङ्गदं क्रुद्धो वालिपुत्रं नरान्तकः ॥ 69.87 ॥

aṅgadasya vacaḥ śrutvā pracukrodha narāntakaḥ | saṃdaśya daśanairoṣṭhaṃ niḥśvasya ca bhujaṃgavat | abhigamyāṅgadaṃ kruddho vāliputraṃ narāntakaḥ || 69.87 ||

Hearing Angada's words, Narantaka blazed with fury; biting his lip with his teeth and hissing like a serpent, that enraged Narantaka advanced upon Angada, son of Vali.

Shloka 88 (yuddha.69.88)

स प्रासमाविध्य तदाङ्गदाय समुज्ज्वलन्तं सहसोत्ससर्ज । स वालिपुत्रोरसि वज्रकल्पे बभूव भग्नो न्यपतच्च भूमौ ॥ 69.88 ॥

sa prāsamāvidhya tadāṅgadāya samujjvalantaṃ sahasotsasarja | sa vāliputrorasi vajrakalpe babhūva bhagno nyapatacca bhūmau || 69.88 ||

Whirling his blazing javelin, he hurled it suddenly at Angada; but striking the chest of the son of Vali, hard as the thunderbolt, it shattered and fell to the ground.

Shloka 89 (yuddha.69.89)

तं प्रासमालोक्य तदा विभग्नं सुपर्णकृत्तोरगभोगकल्पम् । तलं समुद्यम्य स वालिपुत्रः तुरंगमस्याभिजघान मूर्ध्नि ॥ 69.89 ॥

taṃ prāsamālokya tadā vibhagnaṃ suparṇakṛttoragabhogakalpam | talaṃ samudyamya sa vāliputraḥ turaṃgamasyābhijaghāna mūrdhni || 69.89 ||

Seeing that javelin thus broken, like a serpent's coil severed by Garuda, the son of Vali raised the flat of his hand and struck Narantaka's horse upon the head.

Shloka 90 (yuddha.69.90)

निमग्नपादः स्फुटिताक्षितारो निष्क्रान्तजिह्वोऽचलसंनिकाशः । स तस्य वाजी निपपात भूमौ तलप्रहारेण विकीर्णमूर्धा ॥ 69.90 ॥

nimagnapādaḥ sphuṭitākṣitāro niṣkrāntajihvo'calasaṃnikāśaḥ | sa tasya vājī nipapāta bhūmau talaprahāreṇa vikīrṇamūrdhā || 69.90 ||

Its feet sunk into the ground, its eyeballs burst, its tongue lolling out, huge as a mountain, that horse of his fell to the earth, its skull shattered by that single blow of the palm.

Shloka 91 (yuddha.69.91)

नरान्तकः क्रोधवशं जगाम हतं तुरंगं पतितं समीक्ष्य । स मुष्टिमुद्यम्य महाप्रभावो जघान शीर्षे युधि वालिपुत्रम् ॥ 69.91 ॥

narāntakaḥ krodhavaśaṃ jagāma hataṃ turaṃgaṃ patitaṃ samīkṣya | sa muṣṭimudyamya mahāprabhāvo jaghāna śīrṣe yudhi vāliputram || 69.91 ||

Seeing his horse slain and fallen, Narantaka was overcome with fury; and that mighty one, raising his fist, struck the son of Vali upon the head in that battle.

Shloka 92 (yuddha.69.92)

अथाङ्गदो मुष्टिविशीर्णमूर्धा सुस्राव तीव्रं रुधिरं भृशोष्णम् । मुहुर्विजज्वाल मुमोह चापि संज्ञां समासाद्य विसिस्मिये च ॥ 69.92 ॥

athāṅgado muṣṭiviśīrṇamūrdhā susrāva tīvraṃ rudhiraṃ bhṛśoṣṇam | muhurvijajvāla mumoha cāpi saṃjñāṃ samāsādya visismiye ca || 69.92 ||

Then Angada, his head split open by that fist, poured forth a violent stream of scalding blood; again and again he blazed with fury, and swooned, and, regaining his senses, was filled with wonder.

Shloka 93 (yuddha.69.93)

अथाङ्गदो मृत्युसमानवेगं संवर्त्य मुष्टिं गिरिशृङ्गकल्पम् । निपातयामास तदा महात्मा नरान्तकस्योरसि वालिपुत्रः ॥ 69.93 ॥

athāṅgado mṛtyusamānavegaṃ saṃvartya muṣṭiṃ giriśṛṅgakalpam | nipātayāmāsa tadā mahātmā narāntakasyorasi vāliputraḥ || 69.93 ||

Then that great-souled son of Vali, clenching his fist, swift as death and huge as a mountain-peak, brought it down upon the chest of Narantaka.

Shloka 94 (yuddha.69.94)

स मुष्टिनिर्भिन्ननिमग्नवक्षा ज्वाला वमन् शोणितदिग्धगात्रः । नरान्तको भूमितले पपात यथाचलो वज्रनिपातभग्नः ॥ 69.94 ॥

sa muṣṭinirbhinnanimagnavakṣā jvālā vaman śoṇitadigdhagātraḥ | narāntako bhūmitale papāta yathācalo vajranipātabhagnaḥ || 69.94 ||

His chest shattered and caved in by that fist, spewing flames, his body smeared with blood, Narantaka fell to the ground like a mountain broken by the fall of the thunderbolt.

Shloka 95 (yuddha.69.95)

तदान्तरिक्षे त्रिदशोत्तमानां वनौकसां चैव महाप्रणादः । बभूव तस्मिन् निहतेऽग्र्यवीर्ये नरान्तके वालिसुतेन संख्ये ॥ 69.95 ॥

tadāntarikṣe tridaśottamānāṃ vanaukasāṃ caiva mahāpraṇādaḥ | babhūva tasmin nihate'gryavīrye narāntake vālisutena saṃkhye || 69.95 ||

When that Narantaka of surpassing valor was thus slain in that combat by the son of Vali, a great tumult of joy arose in the sky among the foremost gods, and among the monkeys as well.

Shloka 96 (yuddha.69.96)

अथाङ्गदो राममनःप्रहर्षणं सुदुष्करं तं कृतवान् हि विक्रमम् । विसिस्मिये सोऽप्यथ भीमकर्मा पुनश्च युद्धे स बभूव हर्षितः ॥ 69.96 ॥

athāṅgado rāmamanaḥpraharṣaṇaṃ suduṣkaraṃ taṃ kṛtavān hi vikramam | visismiye so'pyatha bhīmakarmā punaśca yuddhe sa babhūva harṣitaḥ || 69.96 ||

Thus Angada accomplished that most difficult feat of valor, one that would gladden Rama's very heart; and even that doer of terrible deeds was himself filled with wonder, and rejoiced once more for the battle ahead.