Svetasvatara Upanishad

Shanti Patha (Krishna Yajurveda)

ॐ सह नाववतु । सह नौ भुनक्तु । सह वीर्यं करवावहै । तेजस्वि नावधीतमस्तु । मा विद्विषावहै ।। ॐ शान्तिः शान्तिः शान्तिः ।।

oṃ saha nāvavatu | saha nau bhunaktu | saha vīryaṃ karavāvahai | tejasvi nāvadhītamastu | mā vidviṣāvahai || oṃ śāntiḥ śāntiḥ śāntiḥ ||

May we two be protected together. May we two be nourished together. May we two work together with vigor. May what we study be luminous. May we not quarrel with each other. Om peace, peace, peace.

Mantra 1

ॐ ब्रह्मवादिनो वदन्ति । किं कारणं ब्रह्म कुतः स्म जाता जीवाम केन क्व च सम्प्रतिष्ठाः । अधिष्ठिताः केन सुखेतरेषु वर्तामहे ब्रह्मविदो व्यवस्थाम् ।। १ ।।

oṃ brahmavādino vadanti | kiṃ kāraṇaṃ brahma kutaḥ sma jātā jīvāma kena kva ca sampratiṣṭhāḥ | adhiṣṭhitāḥ kena sukhetareṣu vartāmahe brahmavido vyavasthām || 1 ||

The knowers of Brahman ask: What is the cause? What is Brahman? From what are we born? By what do we live, and in what are we established? Governed by whom, O knowers of Brahman, do we live our lives amid pleasure and pain?

Mantra 2

कालः स्वभावो नियतिर्यदृच्छा भूतानि योनिः पुरुष इति चिन्त्यम् । संयोग एषां न त्वात्मभावादात्माप्यनीशः सुखदुःखहेतोः ।। २ ।।

kālaḥ svabhāvo niyatiryadṛcchā bhūtāni yoniḥ puruṣa iti cintyam | saṃyoga eṣāṃ na tvātmabhāvādātmāpyanīśaḥ sukhaduḥkhahetoḥ || 2 ||

Time, inherent nature, necessity, chance, the elements, the womb, the Person: should one of these be thought the cause? No combination of them can be, for the self, being itself not free, is not the master of pleasure and pain.

Mantra 3

ते ध्यानयोगानुगता अपश्यन् देवात्मशक्तिं स्वगुणैर्निगूढाम् । यः कारणानि निखिलानि तानि कालात्मयुक्तान्यधितिष्ठत्येकः ।। ३ ।।

te dhyānayogānugatā apaśyan devātmaśaktiṃ svaguṇairnigūḍhām | yaḥ kāraṇāni nikhilāni tāni kālātmayuktānyadhitiṣṭhatyekaḥ || 3 ||

The seers, absorbed in meditation and yoga, beheld the self-power of God, hidden by its own qualities. He is the one who presides over all those causes, from time down to the individual self.

Mantra 4

तमेकनेमिं त्रिवृतं षोडशान्तं शतार्धारं विंशतिप्रत्यराभिः । अष्टकैः षड्भिर्विश्वरूपैकपाशं त्रिमार्गभेदं द्विनिमित्तैकमोहम् ।। ४ ।।

tamekanemiṃ trivṛtaṃ ṣoḍaśāntaṃ śatārdhāraṃ viṃśatipratyarābhiḥ | aṣṭakaiḥ ṣaḍbhirviśvarūpaikapāśaṃ trimārgabhedaṃ dvinimittaikamoham || 4 ||

We contemplate that wheel of Brahman: with one felly, threefold, with sixteen ends, fifty spokes and twenty counter-spokes; with six sets of eight, its one noose of manifold form, its threefold path, and its single delusion arising from two causes.

Mantra 5

पञ्चस्रोतोम्बुं पञ्चयोन्युग्रवक्रां पञ्चप्राणोर्मिं पञ्चबुद्ध्यादिमूलाम् । पञ्चावर्तां पञ्चदुःखौघवेगां पञ्चाशद्भेदां पञ्चपर्वामधीमः ।। ५ ।।

pañcasrotombuṃ pañcayonyugravakrāṃ pañcaprāṇormiṃ pañcabuddhyādimūlām | pañcāvartāṃ pañcaduḥkhaughavegāṃ pañcāśadbhedāṃ pañcaparvāmadhīmaḥ || 5 ||

We meditate on that river of five streams, fierce and winding from its five sources, whose waves are the five vital breaths, whose root is the fivefold basis beginning with perception; with five whirlpools, its current the rushing flood of the five sorrows, branching into fifty kinds, with five sections.

Mantra 6

सर्वाजीवे सर्वसंस्थे बृहन्ते अस्मिन् हंसो भ्राम्यते ब्रह्मचक्रे । पृथगात्मानं प्रेरितारं च मत्वा जुष्टस्ततस्तेनामृतत्वमेति ।। ६ ।।

sarvājīve sarvasaṃsthe bṛhante asmin haṃso bhrāmyate brahmacakre | pṛthagātmānaṃ preritāraṃ ca matvā juṣṭastatastenāmṛtatvameti || 6 ||

In this vast wheel of Brahman, on which all live and in which all rest, the swan (the soul) wanders round and round. When it knows itself and the Mover to be separate, then, blessed by Him, it attains immortality.

Mantra 7

उद्गीतमेतत्परमं तु ब्रह्म तस्मिंस्त्रयं सुप्रतिष्ठाक्षरं च । अत्रान्तरं ब्रह्मविदो विदित्वा लीना ब्रह्मणि तत्परा योनिमुक्ताः ।। ७ ।।

udgītametatparamaṃ tu brahma tasmiṃstrayaṃ supratiṣṭhākṣaraṃ ca | atrāntaraṃ brahmavido viditvā līnā brahmaṇi tatparā yonimuktāḥ || 7 ||

This that has been sung is the supreme Brahman; in it rests the triad, and it is the imperishable. Knowing the distinction within it, the knowers of Brahman, devoted to That, merge in Brahman and are freed from rebirth.

Mantra 8

संयुक्तमेतत्क्षरमक्षरं च व्यक्ताव्यक्तं भरते विश्वमीशः । अनीशश्चात्मा बध्यते भोक्तृभावाज्ज्ञात्वा देवं मुच्यते सर्वपाशैः ।। ८ ।।

saṃyuktametatkṣaramakṣaraṃ ca vyaktāvyaktaṃ bharate viśvamīśaḥ | anīśaścātmā badhyate bhoktṛbhāvājjñātvā devaṃ mucyate sarvapāśaiḥ || 8 ||

The Lord upholds this universe joined together: the perishable and the imperishable, the manifest and the unmanifest. But the self, not being the Lord, is bound through its sense of being the enjoyer; knowing God, it is freed from every bond.

Mantra 9

ज्ञाज्ञौ द्वावजावीशनीशावजा ह्येका भोक्तृभोग्यार्थयुक्ता । अनन्तश्चात्मा विश्वरूपो ह्यकर्ता त्रयं यदा विन्दते ब्रह्ममेतत् ।। ९ ।।

jñājñau dvāvajāvīśanīśāvajā hyekā bhoktṛbhogyārthayuktā | anantaścātmā viśvarūpo hyakartā trayaṃ yadā vindate brahmametat || 9 ||

Two unborn there are: the knower and the non-knower, the Lord and the one who is not lord; and one unborn (nature) joined to the enjoyer and the enjoyed. And the Self is infinite, of universal form, not an agent. When one finds these three, that is Brahman.

Mantra 10

क्षरं प्रधानममृताक्षरं हरः क्षरात्मानावीशते देव एकः । तस्याभिध्यानाद्योजनात्तत्त्वभावाद्भूयश्चान्ते विश्वमायानिवृत्तिः ।। १० ।।

kṣaraṃ pradhānamamṛtākṣaraṃ haraḥ kṣarātmānāvīśate deva ekaḥ | tasyābhidhyānādyojanāttattvabhāvādbhūyaścānte viśvamāyānivṛttiḥ || 10 ||

Nature is the perishable; Hara (the Lord) is the immortal and imperishable. The one God rules over both the perishable and the self. By meditating on Him, by union with Him, and by becoming one with that reality, at the last all the world's illusion ceases.

Mantra 11

ज्ञात्वा देवं सर्वपाशापहानिः क्षीणैः क्लेशैर्जन्ममृत्युप्रहाणिः । तस्याभिध्यानात्तृतीयं देहभेदे विश्वैश्वर्यं केवल आप्तकामः ।। ११ ।।

jñātvā devaṃ sarvapāśāpahāniḥ kṣīṇaiḥ kleśairjanmamṛtyuprahāṇiḥ | tasyābhidhyānāttṛtīyaṃ dehabhede viśvaiśvaryaṃ kevala āptakāmaḥ || 11 ||

Knowing God, all bonds fall away; with the afflictions worn thin, birth and death come to an end. By meditation on Him, when the body is left behind, comes the third state: lordship over all, aloneness, and every desire fulfilled.

Mantra 12

एतज्ज्ञेयं नित्यमेवात्मसंस्थं नातः परं वेदितव्यं हि किञ्चित् । भोक्ता भोग्यं प्रेरितारं च मत्वा सर्वं प्रोक्तं त्रिविधं ब्रह्ममेतत् ।। १२ ।।

etajjñeyaṃ nityamevātmasaṃsthaṃ nātaḥ paraṃ veditavyaṃ hi kiñcit | bhoktā bhogyaṃ preritāraṃ ca matvā sarvaṃ proktaṃ trividhaṃ brahmametat || 12 ||

This is to be known, ever seated in the self; beyond this there is nothing to be known. Recognizing the enjoyer, the enjoyed and the Mover, all has been declared: this threefold Brahman.

Mantra 13

वह्नेर्यथा योनिगतस्य मूर्तिर्न दृश्यते नैव च लिङ्गनाशः । स भूय एवेन्धनयोनिगृह्यस्तद्वोभयं वै प्रणवेन देहे ।। १३ ।।

vahneryathā yonigatasya mūrtirna dṛśyate naiva ca liṅganāśaḥ | sa bhūya evendhanayonigṛhyastadvobhayaṃ vai praṇavena dehe || 13 ||

As the form of fire latent in its source (the wood) is not seen, yet its subtle nature is not destroyed, and it can be caught again from its fuel-source by friction, so both are found in the body by means of the syllable Om.

Mantra 14

स्वदेहमरणिं कृत्वा प्रणवं चोत्तरारणिम् । ध्याननिर्मथनाभ्यासाद्देवं पश्येन्निगूढवत् ।। १४ ।।

svadehamaraṇiṃ kṛtvā praṇavaṃ cottarāraṇim | dhyānanirmathanābhyāsāddevaṃ paśyennigūḍhavat || 14 ||

Making one's own body the lower fire-stick and the syllable Om the upper, by the practice of the churning that is meditation, one may see God, who lies hidden.

Mantra 15

तिलेषु तैलं दधिनीव सर्पिरापः स्रोतःस्वरणीषु चाग्निः । एवमात्माऽऽत्मनि गृह्यतेऽसौ सत्येनैनं तपसा योऽनुपश्यति ।। १५ ।।

tileṣu tailaṃ dadhinīva sarpirāpaḥ srotaḥsvaraṇīṣu cāgniḥ | evamātmā''tmani gṛhyate'sau satyenainaṃ tapasā yo'nupaśyati || 15 ||

As oil is in sesame seeds, as butter is in curds, as water is in streams, and as fire is in the fire-sticks, so is that Self grasped within one's own self by the one who beholds Him through truth and austerity.

Mantra 16

सर्वव्यापिनमात्मानं क्षीरे सर्पिरिवार्पितम् । आत्मविद्यातपोमूलं तद्ब्रह्मोपनिषत्परम् ।। १६ ।।

sarvavyāpinamātmānaṃ kṣīre sarpirivārpitam | ātmavidyātapomūlaṃ tadbrahmopaniṣatparam || 16 ||

The all-pervading Self, present in everything as butter is present in milk, is known when rooted in self-knowledge and austerity. That is the supreme secret teaching of Brahman.

Mantra 1

युञ्जानः प्रथमं मनस्तत्त्वाय सविता धियः । अग्नेर्ज्योतिर्निचाय्य पृथिव्या अध्याभरत् ।। १ ।।

yuñjānaḥ prathamaṃ manastattvāya savitā dhiyaḥ | agnerjyotirnicāyya pṛthivyā adhyābharat || 1 ||

First yoking the mind and the thoughts to the truth, the Sun-God (Savitr), having discerned the light of fire, bore it up from the earth.

Mantra 2

युक्तेन मनसा वयं देवस्य सवितुः सवे । सुवर्ग्याय शक्त्या ।। २ ।।

yuktena manasā vayaṃ devasya savituḥ save | suvargyāya śaktyā || 2 ||

With mind made steady, in the impulse of the divine Sun, may we, according to our power, strive for the world of light.

Mantra 3

युक्त्वाय मनसा देवान्त्सुवर्यतो धिया दिवम् । बृहज्ज्योतिः करिष्यतः सविता प्रसुवाति तान् ।। ३ ।।

yuktvāya manasā devāntsuvaryato dhiyā divam | bṛhajjyotiḥ kariṣyataḥ savitā prasuvāti tān || 3 ||

Having yoked the powers of the mind, those who reach toward heaven with insight, who would bring forth the great light: these the Sun-God impels forward.

Mantra 4

युञ्जते मन उत युञ्जते धियो विप्रा विप्रस्य बृहतो विपश्चितः । वि होत्रा दधे वयुनाविदेक इन्मही देवस्य सवितुः परिष्टुतिः ।। ४ ।।

yuñjate mana uta yuñjate dhiyo viprā viprasya bṛhato vipaścitaḥ | vi hotrā dadhe vayunāvideka inmahī devasya savituḥ pariṣṭutiḥ || 4 ||

The wise yoke their minds and yoke their thoughts to the great and all-knowing Wise One. Knowing the ordinances, the One alone appoints the rites. Great is the praise of the divine Sun.

Mantra 5

युजे वां ब्रह्म पूर्व्यं नमोभिर्विश्लोक एतु पथ्येव सूरेः । शृण्वन्तु विश्वे अमृतस्य पुत्रा आ ये धामानि दिव्यानि तस्थुः ।। ५ ।।

yuje vāṃ brahma pūrvyaṃ namobhirviśloka etu pathyeva sūreḥ | śṛṇvantu viśve amṛtasya putrā ā ye dhāmāni divyāni tasthuḥ || 5 ||

With obeisances I join myself to the ancient Brahman. May my song go forth like the path of the sun. Hear, O all you children of immortality, and you who dwell in the heavenly realms.

Mantra 6

अग्निर्यत्राभिमथ्यते वायुर्यत्राधिरुध्यते । सोमो यत्रातिरिच्यते तत्र संजायते मनः ।। ६ ।।

agniryatrābhimathyate vāyuryatrādhirudhyate | somo yatrātiricyate tatra saṃjāyate manaḥ || 6 ||

Where the fire is kindled by friction, where the breath is restrained, where the soma overflows, there the mind is born (into higher awareness).

Mantra 7

सवित्रा प्रसवेन जुषेत ब्रह्म पूर्व्यम् । तत्र योनिं कृणवसे न हि ते पूर्तमक्षिपत् ।। ७ ।।

savitrā prasavena juṣeta brahma pūrvyam | tatra yoniṃ kṛṇavase na hi te pūrtamakṣipat || 7 ||

By the impelling of the Sun, let one delight in the ancient Brahman. Make your ground there; then the merit you have earned will not cast you down.

Mantra 8

त्रिरुन्नतं स्थाप्य समं शरीरं हृदीन्द्रियाणि मनसा संनिवेश्य । ब्रह्मोडुपेन प्रतरेत विद्वान् स्रोतांसि सर्वाणि भयावहानि ।। ८ ।।

trirunnataṃ sthāpya samaṃ śarīraṃ hṛdīndriyāṇi manasā saṃniveśya | brahmoḍupena pratareta vidvān srotāṃsi sarvāṇi bhayāvahāni || 8 ||

Holding the body steady with the three upper parts erect, drawing the senses with the mind into the heart, let the wise one cross by the boat of Brahman all the fearful currents (of the world).

Mantra 9

प्राणान्प्रपीड्येह संयुक्तचेष्टः क्षीणे प्राणे नासिकयोच्छ्वसीत । दुष्टाश्वयुक्तमिव वाहमेनं विद्वान्मनो धारयेताप्रमत्तः ।। ९ ।।

prāṇānprapīḍyeha saṃyuktaceṣṭaḥ kṣīṇe prāṇe nāsikayocchvasīta | duṣṭāśvayuktamiva vāhamenaṃ vidvānmano dhārayetāpramattaḥ || 9 ||

Restraining the breaths here, his movements controlled, breathing gently through the nostrils when the breath is subdued: like a chariot yoked to unruly horses, let the wise one hold this mind, never heedless.

Mantra 10

समे शुचौ शर्करावह्निवालुकाविवर्जिते शब्दजलाश्रयादिभिः । मनोऽनुकूले न तु चक्षुपीडने गुहानिवाताश्रयणे प्रयोजयेत् ।। १० ।।

same śucau śarkarāvahnivālukāvivarjite śabdajalāśrayādibhiḥ | mano'nukūle na tu cakṣupīḍane guhānivātāśrayaṇe prayojayet || 10 ||

In a level, clean place, free of pebbles, fire and sand, away from noise and standing water and the like, pleasing to the mind and not harsh to the eye, sheltered and windless like a cave, let one apply oneself to yoga.

Mantra 11

नीहारधूमार्कानिलानलानां खद्योतविद्युत्स्फटिकशशीनाम् । एतानि रूपाणि पुरःसराणि ब्रह्मण्यभिव्यक्तिकराणि योगे ।। ११ ।।

nīhāradhūmārkānilānalānāṃ khadyotavidyutsphaṭikaśaśīnām | etāni rūpāṇi puraḥsarāṇi brahmaṇyabhivyaktikarāṇi yoge || 11 ||

Mist, smoke, sun, wind, fire, fireflies, lightning, crystal and the moon: these forms, appearing beforehand in yoga, herald the manifestation of Brahman.

Mantra 12

पृथ्व्यप्तेजोऽनिलखे समुत्थिते पञ्चात्मके योगगुणे प्रवृत्ते । न तस्य रोगो न जरा न मृत्युः प्राप्तस्य योगाग्निमयं शरीरम् ।। १२ ।।

pṛthvyaptejo'nilakhe samutthite pañcātmake yogaguṇe pravṛtte | na tasya rogo na jarā na mṛtyuḥ prāptasya yogāgnimayaṃ śarīram || 12 ||

When the fivefold quality of yoga has arisen, made of earth, water, fire, air and space, for the one who has attained a body made of the fire of yoga there is no disease, no old age, no death.

Mantra 13

लघुत्वमारोग्यमलोलुपत्वं वर्णप्रसादं स्वरसौष्ठवं च । गन्धः शुभो मूत्रपुरीषमल्पं योगप्रवृत्तिं प्रथमां वदन्ति ।। १३ ।।

laghutvamārogyamalolupatvaṃ varṇaprasādaṃ svarasauṣṭhavaṃ ca | gandhaḥ śubho mūtrapurīṣamalpaṃ yogapravṛttiṃ prathamāṃ vadanti || 13 ||

Lightness, health, freedom from craving, clearness of complexion, beauty of voice, a pleasant scent, and scant excreta: these, they say, are the first signs of progress in yoga.

Mantra 14

यथैव बिम्बं मृदयोपलिप्तं तेजोमयं भ्राजते तत्सुधौतम् । तद्वाऽऽत्मतत्त्वं प्रसमीक्ष्य देही एकः कृतार्थो भवते वीतशोकः ।। १४ ।।

yathaiva bimbaṃ mṛdayopaliptaṃ tejomayaṃ bhrājate tatsudhautam | tadvā''tmatattvaṃ prasamīkṣya dehī ekaḥ kṛtārtho bhavate vītaśokaḥ || 14 ||

Just as a mirror caked with clay shines brilliantly once well cleaned, so the embodied one, on beholding the truth of the Self, becomes one, fulfilled and freed from sorrow.

Mantra 15

यदाऽऽत्मतत्त्वेन तु ब्रह्मतत्त्वं दीपोपमेनेह युक्तः प्रपश्येत् । अजं ध्रुवं सर्वतत्त्वैर्विशुद्धं ज्ञात्वा देवं मुच्यते सर्वपापैः ।। १५ ।।

yadā''tmatattvena tu brahmatattvaṃ dīpopameneha yuktaḥ prapaśyet | ajaṃ dhruvaṃ sarvatattvairviśuddhaṃ jñātvā devaṃ mucyate sarvapāpaiḥ || 15 ||

When, made steadfast, one sees here the truth of Brahman by the truth of the Self, as by a lamp, then, knowing God, the unborn, the constant, pure beyond all categories, one is freed from every sin.

Mantra 16

एष ह देवः प्रदिशोऽनु सर्वाः पूर्वो ह जातः स उ गर्भे अन्तः । स एव जातः स जनिष्यमाणः प्रत्यङ्जनांस्तिष्ठति सर्वतोमुखः ।। १६ ।।

eṣa ha devaḥ pradiśo'nu sarvāḥ pūrvo ha jātaḥ sa u garbhe antaḥ | sa eva jātaḥ sa janiṣyamāṇaḥ pratyaṅjanāṃstiṣṭhati sarvatomukhaḥ || 16 ||

This God is present throughout all the quarters. He was born first, and He is within the womb. He alone is born and He will be born; facing every way, He stands turned toward all creatures.

Mantra 17

यो देवोऽग्नौ योऽप्सु यो विश्वं भुवनमाविवेश । य ओषधीषु यो वनस्पतिषु तस्मै देवाय नमो नमः ।। १७ ।।

yo devo'gnau yo'psu yo viśvaṃ bhuvanamāviveśa | ya oṣadhīṣu yo vanaspatiṣu tasmai devāya namo namaḥ || 17 ||

The God who is in fire, who is in water, who has entered into the whole world, who is in the herbs and in the trees: to that God be salutation, salutation again.

Mantra 1

य एको जालवानीशत ईशनीभिः सर्वाँल्लोकानीशत ईशनीभिः । य एवैक उद्भवे सम्भवे च य एतद्विदुरमृतास्ते भवन्ति ।। १ ।।

ya eko jālavānīśata īśanībhiḥ sarvāṃllokānīśata īśanībhiḥ | ya evaika udbhave sambhave ca ya etadviduramṛtāste bhavanti || 1 ||

The one who, wielding the net (of maya), rules by his powers, who rules all the worlds by his powers, who remains one and the same in the arising and in the being of things: those who know this become immortal.

Mantra 2

एको हि रुद्रो न द्वितीयाय तस्थुर्य इमाँल्लोकानीशत ईशनीभिः । प्रत्यङ्जनांस्तिष्ठति संचुकोचान्तकाले संसृज्य विश्वा भुवनानि गोपाः ।। २ ।।

eko hi rudro na dvitīyāya tasthurya imāṃllokānīśata īśanībhiḥ | pratyaṅjanāṃstiṣṭhati saṃcukocāntakāle saṃsṛjya viśvā bhuvanāni gopāḥ || 2 ||

Rudra is truly one; he admits no second who might rule these worlds by his powers. He stands within all beings; having created all the worlds, that Protector draws them together again at the end of time.

Mantra 3

विश्वतश्चक्षुरुत विश्वतोमुखो विश्वतोबाहुरुत विश्वतस्पात् । सं बाहुभ्यां धमति सम्पतत्रैर्द्यावाभूमी जनयन्देव एकः ।। ३ ।।

viśvataścakṣuruta viśvatomukho viśvatobāhuruta viśvataspāt | saṃ bāhubhyāṃ dhamati sampatatrairdyāvābhūmī janayandeva ekaḥ || 3 ||

With eyes on every side, faces on every side, arms on every side and feet on every side, the one God, bringing forth heaven and earth, forges them together with his arms and wings.

Mantra 4

यो देवानां प्रभवश्चोद्भवश्च विश्वाधिपो रुद्रो महर्षिः । हिरण्यगर्भं जनयामास पूर्वं स नो बुद्ध्या शुभया संयुनक्तु ।। ४ ।।

yo devānāṃ prabhavaścodbhavaśca viśvādhipo rudro maharṣiḥ | hiraṇyagarbhaṃ janayāmāsa pūrvaṃ sa no buddhyā śubhayā saṃyunaktu || 4 ||

He who is the source and origin of the gods, the ruler of all, Rudra the great seer, who of old brought forth Hiranyagarbha (the golden germ): may He endow us with clear understanding.

Mantra 5

या ते रुद्र शिवा तनूरघोराऽपापकाशिनी । तया नस्तनुवा शन्तमया गिरिशन्ताभिचाकशीहि ।। ५ ।।

yā te rudra śivā tanūraghorā'pāpakāśinī | tayā nastanuvā śantamayā giriśantābhicākaśīhi || 5 ||

O Rudra, that form of yours which is kindly, unterrifying and revealing no evil: with that most benign form, O Dweller of the mountains, look upon us.

Mantra 6

यामिषुं गिरिशन्त हस्ते बिभर्ष्यस्तवे । शिवां गिरित्र तां कुरु मा हिंसीः पुरुषं जगत् ।। ६ ।।

yāmiṣuṃ giriśanta haste bibharṣyastave | śivāṃ giritra tāṃ kuru mā hiṃsīḥ puruṣaṃ jagat || 6 ||

O Dweller of the mountains, the arrow you hold in your hand to hurl, make it benign, O Guardian of the mountains; do not harm human or creature.

Mantra 7

ततः परं ब्रह्म परं बृहन्तं यथानिकायं सर्वभूतेषु गूढम् । विश्वस्यैकं परिवेष्टितारमीशं तं ज्ञात्वाऽमृता भवन्ति ।। ७ ।।

tataḥ paraṃ brahma paraṃ bṛhantaṃ yathānikāyaṃ sarvabhūteṣu gūḍham | viśvasyaikaṃ pariveṣṭitāramīśaṃ taṃ jñātvā'mṛtā bhavanti || 7 ||

Higher than that is Brahman, the supreme, the vast, hidden in all beings according to each body, the one Lord who envelops the universe: knowing Him, they become immortal.

Mantra 8

वेदाहमेतं पुरुषं महान्तमादित्यवर्णं तमसः परस्तात् । तमेव विदित्वाति मृत्युमेति नान्यः पन्था विद्यतेऽयनाय ।। ८ ।।

vedāhametaṃ puruṣaṃ mahāntamādityavarṇaṃ tamasaḥ parastāt | tameva viditvāti mṛtyumeti nānyaḥ panthā vidyate'yanāya || 8 ||

I know this great Person, sun-coloured, beyond the darkness. Only by knowing Him does one pass beyond death; there is no other path for the journey (to liberation).

Mantra 9

यस्मात्परं नापरमस्ति किंचिद्यस्मान्नाणीयो न ज्यायोऽस्ति कश्चित् । वृक्ष इव स्तब्धो दिवि तिष्ठत्येकस्तेनेदं पूर्णं पुरुषेण सर्वम् ।। ९ ।।

yasmātparaṃ nāparamasti kiṃcidyasmānnāṇīyo na jyāyo'sti kaścit | vṛkṣa iva stabdho divi tiṣṭhatyekastenedaṃ pūrṇaṃ puruṣeṇa sarvam || 9 ||

Than whom there is nothing higher, than whom nothing smaller or greater, who stands alone and unmoving like a tree fixed in heaven: by that Person all this is filled.

Mantra 10

ततो यदुत्तरतरं तदरूपमनामयम् । य एतद्विदुरमृतास्ते भवन्ति अथेतरे दुःखमेवापियन्ति ।। १० ।।

tato yaduttarataraṃ tadarūpamanāmayam | ya etadviduramṛtāste bhavanti athetare duḥkhamevāpiyanti || 10 ||

Higher still than that is the formless and the free of affliction. Those who know this become immortal; but the others go only to sorrow.

Mantra 11

सर्वाननशिरोग्रीवः सर्वभूतगुहाशयः । सर्वव्यापी स भगवांस्तस्मात्सर्वगतः शिवः ।। ११ ।।

sarvānanaśirogrīvaḥ sarvabhūtaguhāśayaḥ | sarvavyāpī sa bhagavāṃstasmātsarvagataḥ śivaḥ || 11 ||

Having faces, heads and necks everywhere, dwelling in the heart-cave of all beings, that Blessed One is all-pervading; therefore He is present everywhere, the auspicious Shiva.

Mantra 12

महान्प्रभुर्वै पुरुषः सत्त्वस्यैष प्रवर्तकः । सुनिर्मलामिमां प्राप्तिमीशानो ज्योतिरव्ययः ।। १२ ।।

mahānprabhurvai puruṣaḥ sattvasyaiṣa pravartakaḥ | sunirmalāmimāṃ prāptimīśāno jyotiravyayaḥ || 12 ||

The Person is indeed the great Lord; He sets in motion the intellect. He is the ruler of this most pure attainment (liberation), the imperishable light.

Mantra 13

अङ्गुष्ठमात्रः पुरुषोऽन्तरात्मा सदा जनानां हृदये संनिविष्टः । हृदा मनीषा मनसाभिक्लृप्तो य एतद्विदुरमृतास्ते भवन्ति ।। १३ ।।

aṅguṣṭhamātraḥ puruṣo'ntarātmā sadā janānāṃ hṛdaye saṃniviṣṭaḥ | hṛdā manīṣā manasābhiklṛpto ya etadviduramṛtāste bhavanti || 13 ||

The Person the size of a thumb, the inner Self, ever seated in the heart of people, is grasped by the heart, by insight and by the mind: those who know this become immortal.

Mantra 14

सहस्रशीर्षा पुरुषः सहस्राक्षः सहस्रपात् । स भूमिं विश्वतो वृत्वात्यतिष्ठद्दशाङ्गुलम् ।। १४ ।।

sahasraśīrṣā puruṣaḥ sahasrākṣaḥ sahasrapāt | sa bhūmiṃ viśvato vṛtvātyatiṣṭhaddaśāṅgulam || 14 ||

The Person has a thousand heads, a thousand eyes and a thousand feet. Enclosing the earth on every side, He extended beyond it by ten fingers' breadth.

Mantra 15

पुरुष एवेदं सर्वं यद्भूतं यच्च भव्यम् । उतामृतत्वस्येशानो यदन्नेनातिरोहति ।। १५ ।।

puruṣa evedaṃ sarvaṃ yadbhūtaṃ yacca bhavyam | utāmṛtatvasyeśāno yadannenātirohati || 15 ||

The Person alone is all this: what has been and what is to be. He is also the lord of immortality, and that which grows by food.

Mantra 16

सर्वतःपाणिपादं तत्सर्वतोऽक्षिशिरोमुखम् । सर्वतःश्रुतिमल्लोके सर्वमावृत्य तिष्ठति ।। १६ ।।

sarvataḥpāṇipādaṃ tatsarvato'kṣiśiromukham | sarvataḥśrutimalloke sarvamāvṛtya tiṣṭhati || 16 ||

With hands and feet on every side, with eyes, heads and faces on every side, with ears on every side, That stands in the world enveloping all.

Mantra 17

सर्वेन्द्रियगुणाभासं सर्वेन्द्रियविवर्जितम् । सर्वस्य प्रभुमीशानं सर्वस्य शरणं बृहत् ।। १७ ।।

sarvendriyaguṇābhāsaṃ sarvendriyavivarjitam | sarvasya prabhumīśānaṃ sarvasya śaraṇaṃ bṛhat || 17 ||

Shining through the functions of all the senses, yet free of all the senses, He is the Lord of all, the ruler of all, the refuge of all, the vast.

Mantra 18

नवद्वारे पुरे देही हंसो लेलायते बहिः । वशी सर्वस्य लोकस्य स्थावरस्य चरस्य च ।। १८ ।।

navadvāre pure dehī haṃso lelāyate bahiḥ | vaśī sarvasya lokasya sthāvarasya carasya ca || 18 ||

In the city of nine gates the embodied swan (the Self) plays, moving without; He is the master of the whole world, of all that is unmoving and all that moves.

Mantra 19

अपाणिपादो जवनो ग्रहीता पश्यत्यचक्षुः स शृणोत्यकर्णः । स वेत्ति वेद्यं न च तस्यास्ति वेत्ता तमाहुरग्र्यं पुरुषं महान्तम् ।। १९ ।।

apāṇipādo javano grahītā paśyatyacakṣuḥ sa śṛṇotyakarṇaḥ | sa vetti vedyaṃ na ca tasyāsti vettā tamāhuragryaṃ puruṣaṃ mahāntam || 19 ||

Without hands and feet, He is swift and grasps; without eyes He sees, without ears He hears. He knows all that can be known, but of Him there is no knower. They call Him the first, the great Person.

Mantra 20

अणोरणीयान्महतो महीयानात्मा गुहायां निहितोऽस्य जन्तोः । तमक्रतुं पश्यति वीतशोको धातुः प्रसादान्महिमानमीशम् ।। २० ।।

aṇoraṇīyānmahato mahīyānātmā guhāyāṃ nihito'sya jantoḥ | tamakratuṃ paśyati vītaśoko dhātuḥ prasādānmahimānamīśam || 20 ||

Subtler than the subtle, greater than the great, the Self is set in the heart-cave of this creature. Free of desire and of sorrow, one beholds Him, the majestic Lord, through the grace of the Ordainer.

Mantra 21

वेदाहमेतमजरं पुराणं सर्वात्मानं सर्वगतं विभुत्वात् । जन्मनिरोधं प्रवदन्ति यस्य ब्रह्मवादिनो हि प्रवदन्ति नित्यम् ।। २१ ।।

vedāhametamajaraṃ purāṇaṃ sarvātmānaṃ sarvagataṃ vibhutvāt | janmanirodhaṃ pravadanti yasya brahmavādino hi pravadanti nityam || 21 ||

I know this ageless, ancient one, the Self of all, present everywhere by his all-pervadingness, of whom the knowers of Brahman declare that there is no birth, and whom they proclaim eternal.

Mantra 1

य एकोऽवर्णो बहुधा शक्तियोगाद्वर्णाननेकान्निहितार्थो दधाति । वि चैति चान्ते विश्वमादौ स देवः स नो बुद्ध्या शुभया संयुनक्तु ।। १ ।।

ya eko'varṇo bahudhā śaktiyogādvarṇānanekānnihitārtho dadhāti | vi caiti cānte viśvamādau sa devaḥ sa no buddhyā śubhayā saṃyunaktu || 1 ||

The one who, himself without colour, by the yoking of his power and for his hidden purpose ordains many colours, and who gathers in the universe at the beginning and at the end: may that God endow us with clear understanding.

Mantra 2

तदेवाग्निस्तदादित्यस्तद्वायुस्तदु चन्द्रमाः । तदेव शुक्रं तद्ब्रह्म तदापस्तत्प्रजापतिः ।। २ ।।

tadevāgnistadādityastadvāyustadu candramāḥ | tadeva śukraṃ tadbrahma tadāpastatprajāpatiḥ || 2 ||

That indeed is fire, that is the sun, that is the wind, and that is the moon. That indeed is the bright one, that is Brahman, that is the waters, that is Prajapati.

Mantra 3

त्वं स्त्री त्वं पुमानसि त्वं कुमार उत वा कुमारी । त्वं जीर्णो दण्डेन वञ्चसि त्वं जातो भवसि विश्वतोमुखः ।। ३ ।।

tvaṃ strī tvaṃ pumānasi tvaṃ kumāra uta vā kumārī | tvaṃ jīrṇo daṇḍena vañcasi tvaṃ jāto bhavasi viśvatomukhaḥ || 3 ||

You are the woman, you are the man; you are the youth and also the maiden. You are the old one who totters along with a staff; you, once born, become the one with faces turned everywhere.

Mantra 4

नीलः पतङ्गो हरितो लोहिताक्षस्तडिद्गर्भ ऋतवः समुद्राः । अनादिमत्त्वं विभुत्वेन वर्तसे यतो जातानि भुवनानि विश्वा ।। ४ ।।

nīlaḥ pataṅgo harito lohitākṣastaḍidgarbha ṛtavaḥ samudrāḥ | anādimattvaṃ vibhutvena vartase yato jātāni bhuvanāni viśvā || 4 ||

You are the dark-blue bird and the green parrot with red eyes; you are the thunder-cloud, the seasons and the seas. You are without beginning and abide by your all-pervadingness, you from whom all the worlds are born.

Mantra 5

अजामेकां लोहितशुक्लकृष्णां बह्वीः प्रजाः सृजमानां सरूपाः । अजो ह्येको जुषमाणोऽनुशेते जहात्येनां भुक्तभोगामजोऽन्यः ।। ५ ।।

ajāmekāṃ lohitaśuklakṛṣṇāṃ bahvīḥ prajāḥ sṛjamānāṃ sarūpāḥ | ajo hyeko juṣamāṇo'nuśete jahātyenāṃ bhuktabhogāmajo'nyaḥ || 5 ||

There is one unborn female, red, white and black, who brings forth many offspring like herself. One unborn (soul), attached, lies beside her enjoying; another unborn one leaves her when her pleasures have been used up.

Mantra 6

द्वा सुपर्णा सयुजा सखाया समानं वृक्षं परिषस्वजाते । तयोरन्यः पिप्पलं स्वाद्वत्त्यनश्नन्नन्यो अभिचाकशीति ।। ६ ।।

dvā suparṇā sayujā sakhāyā samānaṃ vṛkṣaṃ pariṣasvajāte | tayoranyaḥ pippalaṃ svādvattyanaśnannanyo abhicākaśīti || 6 ||

Two birds of beautiful wings, close companions, cling to the same tree. One of them eats the sweet fruit; the other, not eating, only looks on.

Mantra 7

समाने वृक्षे पुरुषो निमग्नोऽनीशया शोचति मुह्यमानः । जुष्टं यदा पश्यत्यन्यमीशमस्य महिमानमिति वीतशोकः ।। ७ ।।

samāne vṛkṣe puruṣo nimagno'nīśayā śocati muhyamānaḥ | juṣṭaṃ yadā paśyatyanyamīśamasya mahimānamiti vītaśokaḥ || 7 ||

On the same tree the person, sunk in it, grieves, bewildered by his own helplessness. But when he sees the other, the worshipped Lord, and His greatness, he becomes free of sorrow.

Mantra 8

ऋचो अक्षरे परमे व्योमन्यस्मिन्देवा अधि विश्वे निषेदुः । यस्तं न वेद किमृचा करिष्यति य इत्तद्विदुस्त इमे समासते ।। ८ ।।

ṛco akṣare parame vyomanyasmindevā adhi viśve niṣeduḥ | yastaṃ na veda kimṛcā kariṣyati ya ittadvidusta ime samāsate || 8 ||

The Vedic verses rest in the supreme imperishable space (Brahman), in which all the gods have taken their seat. What will he do with the verses who does not know That? Those who know it, they indeed abide (fulfilled).

Mantra 9

छन्दांसि यज्ञाः क्रतवो व्रतानि भूतं भव्यं यच्च वेदा वदन्ति । अस्मान्मायी सृजते विश्वमेतत्तस्मिंश्चान्यो मायया संनिरुद्धः ।। ९ ।।

chandāṃsi yajñāḥ kratavo vratāni bhūtaṃ bhavyaṃ yacca vedā vadanti | asmānmāyī sṛjate viśvametattasmiṃścānyo māyayā saṃniruddhaḥ || 9 ||

The metres, the sacrifices, the rites, the vows, what has been and what will be, and what the Vedas declare: all this the wielder of maya creates out of this (nature), and in it the other one (the soul) is held bound by maya.

Mantra 10

मायां तु प्रकृतिं विद्यान्मायिनं तु महेश्वरम् । तस्यावयवभूतैस्तु व्याप्तं सर्वमिदं जगत् ।। १० ।।

māyāṃ tu prakṛtiṃ vidyānmāyinaṃ tu maheśvaram | tasyāvayavabhūtaistu vyāptaṃ sarvamidaṃ jagat || 10 ||

Know maya to be nature (prakriti), and the wielder of maya to be the Great Lord (Maheshvara). This whole world is pervaded by beings that are parts of Him.

Mantra 11

यो योनिं योनिमधितिष्ठत्येको यस्मिन्निदं सं च वि चैति सर्वम् । तमीशानं वरदं देवमीड्यं निचाय्येमां शान्तिमत्यन्तमेति ।। ११ ।।

yo yoniṃ yonimadhitiṣṭhatyeko yasminnidaṃ saṃ ca vi caiti sarvam | tamīśānaṃ varadaṃ devamīḍyaṃ nicāyyemāṃ śāntimatyantameti || 11 ||

The one who presides over every single womb, in whom all this converges and from whom it spreads out: on beholding that ruler, the boon-giving, adorable God, one attains this peace forever.

Mantra 12

यो देवानां प्रभवश्चोद्भवश्च विश्वाधिपो रुद्रो महर्षिः । हिरण्यगर्भं पश्यत जायमानं स नो बुद्ध्या शुभया संयुनक्तु ।। १२ ।।

yo devānāṃ prabhavaścodbhavaśca viśvādhipo rudro maharṣiḥ | hiraṇyagarbhaṃ paśyata jāyamānaṃ sa no buddhyā śubhayā saṃyunaktu || 12 ||

He who is the source and origin of the gods, the ruler of all, Rudra the great seer, who watched Hiranyagarbha being born: may He endow us with clear understanding.

Mantra 13

यो देवानामधिपो यस्मिँल्लोका अधिश्रिताः । य ईशे अस्य द्विपदश्चतुष्पदः कस्मै देवाय हविषा विधेम ।। १३ ।।

yo devānāmadhipo yasmiṃllokā adhiśritāḥ | ya īśe asya dvipadaścatuṣpadaḥ kasmai devāya haviṣā vidhema || 13 ||

He who is the overlord of the gods, in whom the worlds rest, who rules over this world of the two-footed and the four-footed: to what God shall we offer our worship with oblation?

Mantra 14

सूक्ष्मातिसूक्ष्मं कलिलस्य मध्ये विश्वस्य स्रष्टारमनेकरूपम् । विश्वस्यैकं परिवेष्टितारं ज्ञात्वा शिवं शान्तिमत्यन्तमेति ।। १४ ।।

sūkṣmātisūkṣmaṃ kalilasya madhye viśvasya sraṣṭāramanekarūpam | viśvasyaikaṃ pariveṣṭitāraṃ jñātvā śivaṃ śāntimatyantameti || 14 ||

Subtler than the subtle, in the midst of the tangle (of creation), the creator of the universe of many forms, the one who alone envelops the world: knowing Him, the auspicious, one attains peace forever.

Mantra 15

स एव काले भुवनस्य गोप्ता विश्वाधिपः सर्वभूतेषु गूढः । यस्मिन्युक्ता ब्रह्मर्षयो देवताश्च तमेवं ज्ञात्वा मृत्युपाशांश्छिनत्ति ।। १५ ।।

sa eva kāle bhuvanasya goptā viśvādhipaḥ sarvabhūteṣu gūḍhaḥ | yasminyuktā brahmarṣayo devatāśca tamevaṃ jñātvā mṛtyupāśāṃśchinatti || 15 ||

He alone, in due time, is the guardian of the world, the ruler of all, hidden in every being, in whom the brahmin-seers and the gods are joined. Knowing Him thus, one cuts through the snares of death.

Mantra 16

घृतात्परं मण्डमिवातिसूक्ष्मं ज्ञात्वा शिवं सर्वभूतेषु गूढम् । विश्वस्यैकं परिवेष्टितारं ज्ञात्वा देवं मुच्यते सर्वपाशैः ।। १६ ।।

ghṛtātparaṃ maṇḍamivātisūkṣmaṃ jñātvā śivaṃ sarvabhūteṣu gūḍham | viśvasyaikaṃ pariveṣṭitāraṃ jñātvā devaṃ mucyate sarvapāśaiḥ || 16 ||

Knowing the auspicious one, subtler than the fine cream on clarified butter, hidden in all beings, knowing that God who alone envelops the universe, one is freed from every bond.

Mantra 17

एष देवो विश्वकर्मा महात्मा सदा जनानां हृदये संनिविष्टः । हृदा मनीषा मनसाभिक्लृप्तो य एतद्विदुरमृतास्ते भवन्ति ।। १७ ।।

eṣa devo viśvakarmā mahātmā sadā janānāṃ hṛdaye saṃniviṣṭaḥ | hṛdā manīṣā manasābhiklṛpto ya etadviduramṛtāste bhavanti || 17 ||

This God, the maker of all, the great Self, is ever seated in the heart of people. He is grasped by the heart, by insight and by the mind: those who know this become immortal.

Mantra 18

यदाऽतमस्तन्न दिवा न रात्रिर्न सन्न चासच्छिव एव केवलः । तदक्षरं तत्सवितुर्वरेण्यं प्रज्ञा च तस्मात्प्रसृता पुराणी ।। १८ ।।

yadā'tamastanna divā na rātrirna sanna cāsacchiva eva kevalaḥ | tadakṣaraṃ tatsaviturvareṇyaṃ prajñā ca tasmātprasṛtā purāṇī || 18 ||

When there is no darkness, then there is neither day nor night, neither being nor non-being: the auspicious one alone is. That is the imperishable, that is the adorable light of the Sun, and from it the ancient wisdom streamed forth.

Mantra 19

नैनमूर्ध्वं न तिर्यञ्चं न मध्ये न परिजग्रभत् । न तस्य प्रतिमा अस्ति यस्य नाम महद्यशः ।। १९ ।।

nainamūrdhvaṃ na tiryañcaṃ na madhye na parijagrabhat | na tasya pratimā asti yasya nāma mahadyaśaḥ || 19 ||

None has grasped Him from above, from across, or in the middle. There is no likeness of Him whose name is great glory.

Mantra 20

न संदृशे तिष्ठति रूपमस्य न चक्षुषा पश्यति कश्चनैनम् । हृदा हृदिस्थं मनसा य एनमेवं विदुरमृतास्ते भवन्ति ।। २० ।।

na saṃdṛśe tiṣṭhati rūpamasya na cakṣuṣā paśyati kaścanainam | hṛdā hṛdisthaṃ manasā ya enamevaṃ viduramṛtāste bhavanti || 20 ||

His form does not stand within sight; no one sees Him with the eye. Those who know Him thus, seated in the heart, through the heart and the mind, become immortal.

Mantra 21

अजात इत्येवं कश्चिद्भीरुः प्रपद्यते । रुद्र यत्ते दक्षिणं मुखं तेन मां पाहि नित्यम् ।। २१ ।।

ajāta ityevaṃ kaścidbhīruḥ prapadyate | rudra yatte dakṣiṇaṃ mukhaṃ tena māṃ pāhi nityam || 21 ||

'He is unborn': knowing this, some devout one, in awe, takes refuge. O Rudra, with that gracious face of yours, protect me always.

Mantra 22

मा नस्तोके तनये मा न आयुषि मा नो गोषु मा नो अश्वेषु रीरिषः । वीरान्मा नो रुद्र भामितोऽवधीर्हविष्मन्तः सदमित्त्वा हवामहे ।। २२ ।।

mā nastoke tanaye mā na āyuṣi mā no goṣu mā no aśveṣu rīriṣaḥ | vīrānmā no rudra bhāmito'vadhīrhaviṣmantaḥ sadamittvā havāmahe || 22 ||

Do not harm us, O Rudra, in our children and offspring, in our lifespan, in our cattle or in our horses. Do not, in your wrath, slay our brave ones; bearing oblations, we call upon you always.

Mantra 1

द्वे अक्षरे ब्रह्मपरे त्वनन्ते विद्याविद्ये निहिते यत्र गूढे । क्षरं त्वविद्या ह्यमृतं तु विद्या विद्याविद्ये ईशते यस्तु सोऽन्यः ।। १ ।।

dve akṣare brahmapare tvanante vidyāvidye nihite yatra gūḍhe | kṣaraṃ tvavidyā hyamṛtaṃ tu vidyā vidyāvidye īśate yastu so'nyaḥ || 1 ||

In the infinite supreme Brahman two imperishable things lie hidden: knowledge and ignorance. Ignorance is the perishable, knowledge the immortal; but He who rules over both knowledge and ignorance is other than these.

Mantra 2

यो योनिं योनिमधितिष्ठत्येको विश्वानि रूपाणि योनीश्च सर्वाः । ऋषिं प्रसूतं कपिलं यस्तमग्रे ज्ञानैर्बिभर्ति जायमानं च पश्येत् ।। २ ।।

yo yoniṃ yonimadhitiṣṭhatyeko viśvāni rūpāṇi yonīśca sarvāḥ | ṛṣiṃ prasūtaṃ kapilaṃ yastamagre jñānairbibharti jāyamānaṃ ca paśyet || 2 ||

The one who presides over every womb, over all forms and all wombs, who nourished with knowledge the seer Kapila, brought forth at the beginning, and who watched him being born.

Mantra 3

एकैकं जालं बहुधा विकुर्वन्नस्मिन्क्षेत्रे संहरत्येष देवः । भूयः सृष्ट्वा पतयस्तथेशः सर्वाधिपत्यं कुरुते महात्मा ।। ३ ।।

ekaikaṃ jālaṃ bahudhā vikurvannasminkṣetre saṃharatyeṣa devaḥ | bhūyaḥ sṛṣṭvā patayastatheśaḥ sarvādhipatyaṃ kurute mahātmā || 3 ||

This God, spreading out each net (of maya) in manifold ways, gathers it back within this field (the world). Creating again, that great Self, the Lord, rules over the rulers and exercises supreme sovereignty over all.

Mantra 4

सर्वा दिश ऊर्ध्वमधश्च तिर्यक्प्रकाशयन्भ्राजते यद्वनड्वान् । एवं स देवो भगवान्वरेण्यो योनिस्वभावानधितिष्ठत्येकः ।। ४ ।।

sarvā diśa ūrdhvamadhaśca tiryakprakāśayanbhrājate yadvanaḍvān | evaṃ sa devo bhagavānvareṇyo yonisvabhāvānadhitiṣṭhatyekaḥ || 4 ||

As the sun shines, lighting up all directions, above, below and across, so that one adorable Lord God alone presides over all wombs and natures.

Mantra 5

यच्च स्वभावं पचति विश्वयोनिः पाच्यांश्च सर्वान्परिणामयेद्यः । सर्वमेतद्विश्वमधितिष्ठत्येको गुणांश्च सर्वान्विनियोजयेद्यः ।। ५ ।।

yacca svabhāvaṃ pacati viśvayoniḥ pācyāṃśca sarvānpariṇāmayedyaḥ | sarvametadviśvamadhitiṣṭhatyeko guṇāṃśca sarvānviniyojayedyaḥ || 5 ||

The source of all who ripens nature and brings all that is to be ripened to its transformations; who alone presides over this whole universe and assigns all the qualities to their tasks.

Mantra 6

तद्वेदगुह्योपनिषत्सु गूढं तद्ब्रह्मा वेदते ब्रह्मयोनिम् । ये पूर्वं देवा ऋषयश्च तद्विदुस्ते तन्मया अमृता वै बभूवुः ।। ६ ।।

tadvedaguhyopaniṣatsu gūḍhaṃ tadbrahmā vedate brahmayonim | ye pūrvaṃ devā ṛṣayaśca tadviduste tanmayā amṛtā vai babhūvuḥ || 6 ||

That is hidden in the Upanishads, the secret part of the Vedas; Brahma knows that as the source of Brahman. The gods and seers of old who knew it became one with it and truly became immortal.

Mantra 7

गुणान्वयो यः फलकर्मकर्ता कृतस्य तस्यैव स चोपभोक्ता । स विश्वरूपस्त्रिगुणस्त्रिवर्त्मा प्राणाधिपः संचरति स्वकर्मभिः ।। ७ ।।

guṇānvayo yaḥ phalakarmakartā kṛtasya tasyaiva sa copabhoktā | sa viśvarūpastriguṇastrivartmā prāṇādhipaḥ saṃcarati svakarmabhiḥ || 7 ||

The one who, endowed with the qualities, is the doer of deeds that bear fruit is also the enjoyer of what he has done. Of universal form, made of the three qualities, moving on three paths, the lord of the vital breaths, he wanders on according to his own deeds.

Mantra 8

अङ्गुष्ठमात्रो रवितुल्यरूपः संकल्पाहंकारसमन्वितो यः । बुद्धेर्गुणेनात्मगुणेन चैव आराग्रमात्रोऽप्यपरोऽपि दृष्टः ।। ८ ।।

aṅguṣṭhamātro ravitulyarūpaḥ saṃkalpāhaṃkārasamanvito yaḥ | buddherguṇenātmaguṇena caiva ārāgramātro'pyaparo'pi dṛṣṭaḥ || 8 ||

The size of a thumb, of an appearance like the sun, endowed with will and the sense of 'I'; by the quality of the intellect and by the quality of the self, this other one is seen to be even as small as the point of an awl.

Mantra 9

वालाग्रशतभागस्य शतधा कल्पितस्य च । भागो जीवः स विज्ञेयः स चानन्त्याय कल्पते ।। ९ ।।

vālāgraśatabhāgasya śatadhā kalpitasya ca | bhāgo jīvaḥ sa vijñeyaḥ sa cānantyāya kalpate || 9 ||

Take the hundredth part of the tip of a hair, and divide that again a hundredfold: that fraction is to be known as the individual soul; and yet it is fit for the infinite.

Mantra 10

नैव स्त्री न पुमानेष न चैवायं नपुंसकः । यद्यच्छरीरमादत्ते तेन तेन स युज्यते ।। १० ।।

naiva strī na pumāneṣa na caivāyaṃ napuṃsakaḥ | yadyaccharīramādatte tena tena sa yujyate || 10 ||

This one is neither female nor male, nor is it neuter. Whatever body it takes on, with that very one it becomes joined.

Mantra 11

संकल्पनस्पर्शनदृष्टिमोहैर्ग्रासाम्बुवृष्ट्या चात्मविवृद्धिजन्म । कर्मानुगान्यनुक्रमेण देही स्थानेषु रूपाण्यभिसंप्रपद्यते ।। ११ ।।

saṃkalpanasparśanadṛṣṭimohairgrāsāmbuvṛṣṭyā cātmavivṛddhijanma | karmānugānyanukrameṇa dehī sthāneṣu rūpāṇyabhisaṃprapadyate || 11 ||

By will, touch, sight and delusion, and by the rain of food and drink, come the growth and birth of the self's body. Following its deeds, the embodied one takes on, in due order, various forms in various conditions.

Mantra 12

स्थूलानि सूक्ष्माणि बहूनि चैव रूपाणि देही स्वगुणैर्वृणोति । क्रियागुणैरात्मगुणैश्च तेषां संयोगहेतुरपरोऽपि दृष्टः ।। १२ ।।

sthūlāni sūkṣmāṇi bahūni caiva rūpāṇi dehī svaguṇairvṛṇoti | kriyāguṇairātmaguṇaiśca teṣāṃ saṃyogaheturaparo'pi dṛṣṭaḥ || 12 ||

The embodied one takes on many forms, gross and subtle, according to its own qualities. By the qualities of action and the qualities of the self their union comes about; yet another one too is seen to be the cause of that union.

Mantra 13

अनाद्यनन्तं कलिलस्य मध्ये विश्वस्य स्रष्टारमनेकरूपम् । विश्वस्यैकं परिवेष्टितारं ज्ञात्वा देवं मुच्यते सर्वपाशैः ।। १३ ।।

anādyanantaṃ kalilasya madhye viśvasya sraṣṭāramanekarūpam | viśvasyaikaṃ pariveṣṭitāraṃ jñātvā devaṃ mucyate sarvapāśaiḥ || 13 ||

Knowing that God, without beginning or end, in the midst of the tangle (of creation), the creator of the universe of many forms, the one who alone envelops the world, one is freed from every bond.

Mantra 14

भावग्राह्यमनीडाख्यं भावाभावकरं शिवम् । कलासर्गकरं देवं ये विदुस्ते जहुस्तनुम् ।। १४ ।।

bhāvagrāhyamanīḍākhyaṃ bhāvābhāvakaraṃ śivam | kalāsargakaraṃ devaṃ ye viduste jahustanum || 14 ||

Him who is grasped by pure feeling, who is called the bodiless, the maker of being and non-being, the auspicious one, the God who creates the parts (of the world): those who know Him cast off the body.

Mantra 1

स्वभावमेके कवयो वदन्ति कालं तथान्ये परिमुह्यमानाः । देवस्यैष महिमा तु लोके येनेदं भ्राम्यते ब्रह्मचक्रम् ।। १ ।।

svabhāvameke kavayo vadanti kālaṃ tathānye parimuhyamānāḥ | devasyaiṣa mahimā tu loke yenedaṃ bhrāmyate brahmacakram || 1 ||

Some wise ones speak of inherent nature, and others, bewildered, of time. But this is the majesty of God in the world, by which this wheel of Brahman is made to turn.

Mantra 2

येनावृतं नित्यमिदं हि सर्वं ज्ञः कालकारो गुणी सर्वविद्यः । तेनेशितं कर्म विवर्तते ह पृथिव्यप्तेजोऽनिलखानि चिन्त्यम् ।। २ ।।

yenāvṛtaṃ nityamidaṃ hi sarvaṃ jñaḥ kālakāro guṇī sarvavidyaḥ | teneśitaṃ karma vivartate ha pṛthivyaptejo'nilakhāni cintyam || 2 ||

He by whom this whole world is ever enveloped is the knower, the maker of time, the possessor of qualities, the all-wise. Governed by Him, this work unfolds; and He is to be contemplated as the ground of earth, water, fire, air and space.

Mantra 3

तत्कर्म कृत्वा विनिवर्त्य भूयस्तत्त्वस्य तत्त्वेन समेत्य योगम् । एकेन द्वाभ्यां त्रिभिरष्टभिर्वा कालेन चैवात्मगुणैश्च सूक्ष्मैः ।। ३ ।।

tatkarma kṛtvā vinivartya bhūyastattvasya tattvena sametya yogam | ekena dvābhyāṃ tribhiraṣṭabhirvā kālena caivātmaguṇaiśca sūkṣmaiḥ || 3 ||

Having done that work and drawn it back again, uniting principle with principle, He brings about the union: by one, by two, by three or by eight, and also by time and by the subtle qualities of the self.

Mantra 4

आरभ्य कर्माणि गुणान्वितानि भावांश्च सर्वान्विनियोजयेद्यः । तेषामभावे कृतकर्मनाशः कर्मक्षये याति स तत्त्वतोऽन्यः ।। ४ ।।

ārabhya karmāṇi guṇānvitāni bhāvāṃśca sarvānviniyojayedyaḥ | teṣāmabhāve kṛtakarmanāśaḥ karmakṣaye yāti sa tattvato'nyaḥ || 4 ||

The one who, beginning works joined with the qualities, appoints all the modes of being to their tasks: when these are absent, the work done is dissolved, and at the ending of works he goes on, in truth other than them.

Mantra 5

आदिः स संयोगनिमित्तहेतुः परस्त्रिकालादकलोऽपि दृष्टः । तं विश्वरूपं भवभूतमीड्यं देवं स्वचित्तस्थमुपास्य पूर्वम् ।। ५ ।।

ādiḥ sa saṃyoganimittahetuḥ parastrikālādakalo'pi dṛṣṭaḥ | taṃ viśvarūpaṃ bhavabhūtamīḍyaṃ devaṃ svacittasthamupāsya pūrvam || 5 ||

He is the beginning, the instrumental cause of the union; He is beyond the three times, and He is seen to be even without parts. First worship that God, of universal form, the source of becoming, the adorable, seated in one's own mind.

Mantra 6

स वृक्षकालाकृतिभिः परोऽन्यो यस्मात्प्रपञ्चः परिवर्ततेऽयम् । धर्मावहं पापनुदं भगेशं ज्ञात्वात्मस्थममृतं विश्वधाम ।। ६ ।।

sa vṛkṣakālākṛtibhiḥ paro'nyo yasmātprapañcaḥ parivartate'yam | dharmāvahaṃ pāpanudaṃ bhageśaṃ jñātvātmasthamamṛtaṃ viśvadhāma || 6 ||

He is other and higher than the tree (of the world), than time and than forms, He from whom this whole manifold turns. Knowing Him, the bringer of righteousness, the remover of sin, the lord of glory, as seated in oneself, immortal, the abode of the universe.

Mantra 7

तमीश्वराणां परमं महेश्वरं तं देवतानां परमं च दैवतम् । पतिं पतीनां परमं परस्ताद्विदाम देवं भुवनेशमीड्यम् ।। ७ ।।

tamīśvarāṇāṃ paramaṃ maheśvaraṃ taṃ devatānāṃ paramaṃ ca daivatam | patiṃ patīnāṃ paramaṃ parastādvidāma devaṃ bhuvaneśamīḍyam || 7 ||

Him, the supreme great Lord of lords, Him, the supreme deity of deities, the master of masters, supreme, beyond the beyond: let us know Him, the adorable God, the Lord of the worlds.

Mantra 8

न तस्य कार्यं करणं च विद्यते न तत्समश्चाभ्यधिकश्च दृश्यते । परास्य शक्तिर्विविधैव श्रूयते स्वाभाविकी ज्ञानबलक्रिया च ।। ८ ।।

na tasya kāryaṃ karaṇaṃ ca vidyate na tatsamaścābhyadhikaśca dṛśyate | parāsya śaktirvividhaiva śrūyate svābhāvikī jñānabalakriyā ca || 8 ||

He has no task and no instrument; none is seen equal to Him or greater. His supreme power is heard of as manifold and inherent, working as knowledge, strength and action.

Mantra 9

न तस्य कश्चित्पतिरस्ति लोके न चेशिता नैव च तस्य लिङ्गम् । स कारणं करणाधिपाधिपो न चास्य कश्चिज्जनिता न चाधिपः ।। ९ ।।

na tasya kaścitpatirasti loke na ceśitā naiva ca tasya liṅgam | sa kāraṇaṃ karaṇādhipādhipo na cāsya kaścijjanitā na cādhipaḥ || 9 ||

He has no master in the world, no ruler over Him, and no distinguishing mark (of origin). He is the cause, the overlord of the lords of the sense-powers; He has no begetter and no overlord.

Mantra 10

यस्तन्तुनाभ इव तन्तुभिः प्रधानजैः स्वभावतः । देव एकः स्वमावृणोत्स नो दध्याद्ब्रह्माप्ययम् ।। १० ।।

yastantunābha iva tantubhiḥ pradhānajaiḥ svabhāvataḥ | deva ekaḥ svamāvṛṇotsa no dadhyādbrahmāpyayam || 10 ||

As a spider covers itself with the threads it spins, so the one God covers Himself, by his own nature, with the threads born of nature. May He grant us absorption into Brahman.

Mantra 11

एको देवः सर्वभूतेषु गूढः सर्वव्यापी सर्वभूतान्तरात्मा । कर्माध्यक्षः सर्वभूताधिवासः साक्षी चेता केवलो निर्गुणश्च ।। ११ ।।

eko devaḥ sarvabhūteṣu gūḍhaḥ sarvavyāpī sarvabhūtāntarātmā | karmādhyakṣaḥ sarvabhūtādhivāsaḥ sākṣī cetā kevalo nirguṇaśca || 11 ||

The one God is hidden in all beings, all-pervading, the inner Self of all beings. He is the overseer of deeds, the dweller in all beings, the witness, the conscious one, alone and free of qualities.

Mantra 12

एको वशी निष्क्रियाणां बहूनामेकं बीजं बहुधा यः करोति । तमात्मस्थं येऽनुपश्यन्ति धीरास्तेषां सुखं शाश्वतं नेतरेषाम् ।। १२ ।।

eko vaśī niṣkriyāṇāṃ bahūnāmekaṃ bījaṃ bahudhā yaḥ karoti | tamātmasthaṃ ye'nupaśyanti dhīrāsteṣāṃ sukhaṃ śāśvataṃ netareṣām || 12 ||

The one controller of the many who are inactive, who makes the one seed manifold: the wise who behold Him seated within themselves, to them belongs eternal happiness, and to no others.

Mantra 13

नित्यो नित्यानां चेतनश्चेतनानामेको बहूनां यो विदधाति कामान् । तत्कारणं सांख्ययोगाधिगम्यं ज्ञात्वा देवं मुच्यते सर्वपाशैः ।। १३ ।।

nityo nityānāṃ cetanaścetanānāmeko bahūnāṃ yo vidadhāti kāmān | tatkāraṇaṃ sāṃkhyayogādhigamyaṃ jñātvā devaṃ mucyate sarvapāśaiḥ || 13 ||

The eternal among the eternal, the conscious among the conscious, the one who, though one, grants the desires of the many: knowing that God, the cause, attainable through Samkhya and Yoga, one is freed from every bond.

Mantra 14

न तत्र सूर्यो भाति न चन्द्रतारकं नेमा विद्युतो भान्ति कुतोऽयमग्निः । तमेव भान्तमनुभाति सर्वं तस्य भासा सर्वमिदं विभाति ।। १४ ।।

na tatra sūryo bhāti na candratārakaṃ nemā vidyuto bhānti kuto'yamagniḥ | tameva bhāntamanubhāti sarvaṃ tasya bhāsā sarvamidaṃ vibhāti || 14 ||

There the sun does not shine, nor the moon and stars, nor do these lightnings shine, let alone this fire. When He shines, everything shines after Him; by His light all this is lit.

Mantra 15

एको हंसो भुवनस्यास्य मध्ये स एवाग्निः सलिले संनिविष्टः । तमेव विदित्वाति मृत्युमेति नान्यः पन्था विद्यतेऽयनाय ।। १५ ।।

eko haṃso bhuvanasyāsya madhye sa evāgniḥ salile saṃniviṣṭaḥ | tameva viditvāti mṛtyumeti nānyaḥ panthā vidyate'yanāya || 15 ||

In the midst of this world there is one swan (the supreme Self); He alone is the fire seated within the waters. Only by knowing Him does one pass beyond death; there is no other path for the journey.

Mantra 16

स विश्वकृद्विश्वविदात्मयोनिर्ज्ञः कालकारो गुणी सर्वविद्यः । प्रधानक्षेत्रज्ञपतिर्गुणेशः संसारमोक्षस्थितिबन्धहेतुः ।। १६ ।।

sa viśvakṛdviśvavidātmayonirjñaḥ kālakāro guṇī sarvavidyaḥ | pradhānakṣetrajñapatirguṇeśaḥ saṃsāramokṣasthitibandhahetuḥ || 16 ||

He is the maker of all, the knower of all, self-originated, the knower, the maker of time, the possessor of qualities, the all-wise. He is the lord of nature and of the knower of the field, the master of the qualities, the cause of bondage, of continuance, of liberation and of transmigration.

Mantra 17

स तन्मयो ह्यमृत ईशसंस्थो ज्ञः सर्वगो भुवनस्यास्य गोप्ता । य ईशेऽस्य जगतो नित्यमेव नान्यो हेतुर्विद्यत ईशनाय ।। १७ ।।

sa tanmayo hyamṛta īśasaṃstho jñaḥ sarvago bhuvanasyāsya goptā | ya īśe'sya jagato nityameva nānyo heturvidyata īśanāya || 17 ||

He is made of That, immortal, established as the Lord, the knower, all-pervading, the guardian of this world. He it is who rules this world forever; there is no other cause found for his lordship.

Mantra 18

यो ब्रह्माणं विदधाति पूर्वं यो वै वेदांश्च प्रहिणोति तस्मै । तं ह देवमात्मबुद्धिप्रकाशं मुमुक्षुर्वै शरणमहं प्रपद्ये ।। १८ ।।

yo brahmāṇaṃ vidadhāti pūrvaṃ yo vai vedāṃśca prahiṇoti tasmai | taṃ ha devamātmabuddhiprakāśaṃ mumukṣurvai śaraṇamahaṃ prapadye || 18 ||

He who creates Brahma at the beginning, and who indeed delivers the Vedas to him: to that God, the illuminer of the intellect and the self, I, seeking liberation, go for refuge.

Mantra 19

निष्कलं निष्क्रियं शान्तं निरवद्यं निरञ्जनम् । अमृतस्य परं सेतुं दग्धेन्धनमिवानलम् ।। १९ ।।

niṣkalaṃ niṣkriyaṃ śāntaṃ niravadyaṃ nirañjanam | amṛtasya paraṃ setuṃ dagdhendhanamivānalam || 19 ||

Partless, actionless, tranquil, blameless and stainless, the highest bridge to immortality, like a fire whose fuel has burned away: (to Him I go for refuge).

Mantra 20

यदा चर्मवदाकाशं वेष्टयिष्यन्ति मानवाः । तदा देवमविज्ञाय दुःखस्यान्तो भविष्यति ।। २० ।।

yadā carmavadākāśaṃ veṣṭayiṣyanti mānavāḥ | tadā devamavijñāya duḥkhasyānto bhaviṣyati || 20 ||

When people are able to roll up space like a piece of leather, only then, without knowing God, will there be an end to sorrow (that is, never).

Mantra 21

तपःप्रभावाद्देवप्रसादाच्च ब्रह्म ह श्वेताश्वतरोऽथ विद्वान् । अत्याश्रमिभ्यः परमं पवित्रं प्रोवाच सम्यगृषिसंघजुष्टम् ।। २१ ।।

tapaḥprabhāvāddevaprasādācca brahma ha śvetāśvataro'tha vidvān | atyāśramibhyaḥ paramaṃ pavitraṃ provāca samyagṛṣisaṃghajuṣṭam || 21 ||

Through the power of austerity and the grace of God, the wise Shvetashvatara rightly declared Brahman, the supremely pure, to those in the highest stage of life, a teaching cherished by the company of seers.

Mantra 22

वेदान्ते परमं गुह्यं पुराकल्पे प्रचोदितम् । नाप्रशान्ताय दातव्यं नापुत्रायाशिष्याय वा पुनः ।। २२ ।।

vedānte paramaṃ guhyaṃ purākalpe pracoditam | nāpraśāntāya dātavyaṃ nāputrāyāśiṣyāya vā punaḥ || 22 ||

This supreme secret set forth in the Vedanta, proclaimed in a former age, should not be given to one who is not tranquil, nor again to one who is neither a son nor a pupil.

Mantra 23

यस्य देवे परा भक्तिर्यथा देवे तथा गुरौ । तस्यैते कथिता ह्यर्थाः प्रकाशन्ते महात्मनः प्रकाशन्ते महात्मनः ।। २३ ।।

yasya deve parā bhaktiryathā deve tathā gurau | tasyaite kathitā hyarthāḥ prakāśante mahātmanaḥ prakāśante mahātmanaḥ || 23 ||

For the great soul who has supreme devotion to God, and as to God so to the teacher, to him alone these truths that have been declared shine forth: to that great soul they shine forth.