The Births of Yudhishthira, Bhima and Duryodhana

Verse 1 (1.129.1)

अपत्यकाम एवं स्यान्ममापत्यं भवेदिति । विप्रं वा गुणसंपन्नं सर्वभूतहिते रतम् ॥

apatyakāma evaṃ syānmamāpatyaṃ bhavediti | vipraṃ vā guṇasaṃpannaṃ sarvabhūtahite ratam

If you desire offspring and wish, "Let me have a child," then name a god, or else a brahmin rich in virtue and devoted to the good of all beings.

Note on the text: Not in the critical edition (found in the vulgate recension).

Verse 2 (1.129.2)

अनुजानीहि भद्रं ते दैवतं हि पतिः स्त्रियः । यं त्वं वक्ष्यसि धर्मज्ञ देवं ब्राह्मणमेव च ॥

anujānīhi bhadraṃ te daivataṃ hi patiḥ striyaḥ | yaṃ tvaṃ vakṣyasi dharmajña devaṃ brāhmaṇameva ca

Give me your leave, and may good fortune be yours, for to a woman her husband is her god. Whatever god or brahmin you name, O knower of dharma,

Note on the text: Not in the critical edition (found in the vulgate recension).

Verse 3 (1.129.3)

यथोद्दिष्टं त्वया वीर तत्कर्तास्मि महाभुज । देवात्पुत्रफलं सद्यो विप्रात्कालान्तरे भवेत् ॥

yathoddiṣṭaṃ tvayā vīra tatkartāsmi mahābhuja | devātputraphalaṃ sadyo viprātkālāntare bhavet

I will do just as you direct, hero, mighty-armed one. From a god the fruit of a son comes at once; from a brahmin it comes only after some time.

Note on the text: Not in the critical edition (found in the vulgate recension).

Verse 4 (1.129.4)

आवाहयामि कं देवं कदा वा भरतर्षभ । त्वत्त आज्ञां प्रतीक्षन्तीं विद्ध्यस्मिन्कर्मणीप्सिते ॥

āvāhayāmi kaṃ devaṃ kadā vā bharatarṣabha | tvatta ājñāṃ pratīkṣantīṃ viddhyasminkarmaṇīpsite

Which god shall I summon, and when, O bull of the Bharatas? Know that I am waiting for your command in this task we both desire.

Note on the text: A different wording of CE 1.113.38.

Verse 5 (1.129.5)

धन्योऽस्म्यनुगृहीतोऽस्मि त्वं नो धात्री कुलस्य हि । नमो महर्षये तस्मै येन दत्तो वरस्तव ॥

dhanyo'smyanugṛhīto'smi tvaṃ no dhātrī kulasya hi | namo maharṣaye tasmai yena datto varastava

I am blessed; I am favoured. You are the sustainer of our line. Homage to that great sage who gave you the boon.

Note on the text: Corrected धन्योऽञस्म्य → धन्योऽस्म्य (misprint in Wikisource; a stray ञ; dhanyo 'smy in the apparatus of the critical edition). Not in the critical edition (found in the vulgate recension).

Verse 6 (1.129.6)

न चाधर्मेण धर्मज्ञे शक्याः पालयितुं प्रजाः । तस्मात्त्वं पुत्रलाभाय सन्तानाय ममैव च ॥

na cādharmeṇa dharmajñe śakyāḥ pālayituṃ prajāḥ | tasmāttvaṃ putralābhāya santānāya mamaiva ca

Subjects cannot be protected by means of adharma, you who know dharma. Therefore, to gain a son and to continue my own line,

Note on the text: Not in the critical edition (found in the vulgate recension).

Verse 7 (1.129.7)

प्रवरं सर्वदेवानां धर्ममावाहयाबले ॥

pravaraṃ sarvadevānāṃ dharmamāvāhayābale

summon Dharma, the foremost of all the gods, gentle lady.

Note on the text: Not in the critical edition (found in the vulgate recension).

Verse 8 (1.129.8)

पाण्डुना समनुज्ञाता भारतेन यशस्विना । मतिं चक्रे महाराज धर्मस्यावाहने तदा ॥

pāṇḍunā samanujñātā bhāratena yaśasvinā | matiṃ cakre mahārāja dharmasyāvāhane tadā

Permitted by Pandu, the glorious Bharata, she then set her mind, great king, on summoning Dharma.

Note on the text: Removed stray wiki quote marks (` and ') that Wikisource uses to flag southern additions. Not in the critical edition (found in the vulgate recension).

Verse 9 (1.129.9)

अद्यैव त्वं वरारोहे प्रयतस्व यथाविधि । धार्मिकश्च कुरूणां हि भविष्यति न संशयः ॥

adyaiva tvaṃ varārohe prayatasva yathāvidhi | dhārmikaśca kurūṇāṃ hi bhaviṣyati na saṃśayaḥ

This very day, lovely lady, make the effort according to the rite. He will be the righteous one among the Kurus; of that there is no doubt.

Note on the text: Only the first line is the first line of CE 1.113.39; the second line corresponds to the first line of CE 1.113.41.

Verse 10 (1.129.10)

दत्तस्य तस्य धर्मेण नाधर्मे रंस्यते मनः । धर्मादिकं हि धर्मज्ञे धर्मान्तं धर्ममध्यमम् ॥

dattasya tasya dharmeṇa nādharme raṃsyate manaḥ | dharmādikaṃ hi dharmajñe dharmāntaṃ dharmamadhyamam

A son given by Dharma will never set his mind on adharma. For offspring whose beginning, end and middle are all dharma, O knower of dharma,

Note on the text: The first line is the second line of CE 1.113.41; the second line is not in the critical edition (found in the vulgate recension).

Verse 11 (1.129.11)

अपत्यमिष्टं लोकेषु यशःकीर्तिविवर्धनम् । तस्माद्धर्मं पुरस्कृत्य नियता त्वं शुचिस्मिते ॥

apatyamiṣṭaṃ lokeṣu yaśaḥkīrtivivardhanam | tasmāddharmaṃ puraskṛtya niyatā tvaṃ śucismite

is prized in all the worlds and increases fame and renown. Therefore, putting Dharma first, self-restrained, O sweetly smiling one,

Note on the text: The first line is not in the critical edition (found in the vulgate recension); the second line is the first line of CE 1.113.42.

Verse 12 (1.129.12)

आकाराचारसंपन्ना भजस्वाराधय स्वयम् ॥

ākārācārasaṃpannā bhajasvārādhaya svayam

graceful in bearing and conduct, worship him and win his favour yourself.

Note on the text: Not in the critical edition in this form (found in the vulgate recension); the second line of CE 1.113.42 says something similar in other words.

Verse 13 (1.129.13)

सा तथोक्ता तथेत्युक्त्वा तेन भर्त्रा वराङ्गना । अभिवाद्याभ्यनुज्ञाता प्रदक्षिणमथाकरोत् ॥

sā tathoktā tathetyuktvā tena bhartrā varāṅganā | abhivādyābhyanujñātā pradakṣiṇamathākarot

Thus addressed by her husband, the lovely woman said, "So be it." Saluting him and receiving his leave, she walked around him in reverence.

Verse 14 (1.129.14)

संवत्सरोषिते गर्भे गान्धार्या जनमेजय । आजुहाव ततो धर्मं कुन्ती गर्भार्थमच्युतम् ॥

saṃvatsaroṣite garbhe gāndhāryā janamejaya | ājuhāva tato dharmaṃ kuntī garbhārthamacyutam

When Gandhari's embryo had been in the womb for a year, Janamejaya, Kunti called upon the unfailing Dharma to give her a child.

Note on the text: Corrected आजुबहाव → आजुहाव (misprint in Wikisource; a stray ब in the perfect of hve, 'called').

Verse 15 (1.129.15)

सा बलिं त्वरिता देवी धर्मायोपजहार ह । जजाप विधिवज्जप्यं दत्तं दुर्वाससा पुरा ॥

sā baliṃ tvaritā devī dharmāyopajahāra ha | jajāpa vidhivajjapyaṃ dattaṃ durvāsasā purā

The queen quickly made an offering to Dharma, and recited according to the rite the prayer that Durvasas had once given her.

Verse 16 (1.129.16)

जानन्ती धर्ममग्र्यं वै धर्मं वशमुपानयत् । आहूतो नियमात्कुन्त्या सर्वभूतनमस्कृतः ॥

jānantī dharmamagryaṃ vai dharmaṃ vaśamupānayat | āhūto niyamātkuntyā sarvabhūtanamaskṛtaḥ

Knowing Dharma to be the foremost, she brought Dharma under her power. Called by Kunti through her observance, he who is honoured by all beings

Note on the text: Not in the critical edition (found in the vulgate recension).

Verse 17 (1.129.17)

आजगाम ततो देवीं धर्मो मन्त्रबलात्ततः । विमाने सूर्यसङ्काशे कुन्ती यत्र जपस्थिता ॥

ājagāma tato devīṃ dharmo mantrabalāttataḥ | vimāne sūryasaṅkāśe kuntī yatra japasthitā

came then to the queen, drawn by the power of the mantra: Dharma came in a celestial car as bright as the sun, to where Kunti sat at her recitation.

Note on the text: Not in the critical edition (found in the vulgate recension).

Verse 18 (1.129.18)

ददृशे भगवान्धर्मः सन्तानार्थाय पाण्डवे । विहस्य तां ततो ब्रूयाः कुन्ति किं ते ददाम्यहम् । सा तं विहस्यमानापि पुत्रं देह्यब्रवीदिदम् ॥

dadṛśe bhagavāndharmaḥ santānārthāya pāṇḍave | vihasya tāṃ tato brūyāḥ kunti kiṃ te dadāmyaham | sā taṃ vihasyamānāpi putraṃ dehyabravīdidam

The blessed Dharma appeared for the sake of offspring for Pandu. Smiling, he said to her, "Kunti, what shall I give you?" And she, though he smiled at her, said only this: "Give me a son."

Note on the text: Not in the critical edition (found in the vulgate recension).

Verse 19 (1.129.19)

तस्मिन्बहुमृगेऽरण्ये शतशृङ्गे नगोत्तमे । पाण्डोरर्थे महाभागा कुन्ती धर्ममुपागमत् ॥

tasminbahumṛge'raṇye śataśṛṅge nagottame | pāṇḍorarthe mahābhāgā kuntī dharmamupāgamat

There, in that forest full of deer, on Shatashringa, the finest of mountains, the noble Kunti went to Dharma for Pandu's sake.

Note on the text: Not in the critical edition (found in the vulgate recension).

Verse 20 (1.129.20)

ऋतुकाले शुचिः स्नाता शुक्लवस्त्रा यशस्विनी । शय्यां जग्राह सुश्रोणी सह धर्मेण सुव्रता ॥

ṛtukāle śuciḥ snātā śuklavastrā yaśasvinī | śayyāṃ jagrāha suśroṇī saha dharmeṇa suvratā

At the right season, pure, freshly bathed and dressed in white, the glorious, fair-hipped woman, true to her vows, lay down on the bed with Dharma.

Note on the text: Removed stray wiki quote marks (` and ') that Wikisource uses to flag southern additions. Not in the critical edition (found in the vulgate recension).

Verse 21 (1.129.21)

धर्मेण सह संगम्य योगमूर्तिधरेण सा । लेभे पुत्रं महाबाहुं सर्वप्राणभृतां वरम् ॥

dharmeṇa saha saṃgamya yogamūrtidhareṇa sā | lebhe putraṃ mahābāhuṃ sarvaprāṇabhṛtāṃ varam

Uniting with Dharma, who had taken a body through his yogic power, she obtained a mighty-armed son, the best of all who breathe.

Verse 22 (1.129.22)

ऐन्द्रे चन्द्रमसा युक्ते मुहूर्तेऽभिजितेऽष्टमे । दिवा मध्यगते सूर्ये तिथौ पूर्णे हि पूजिते ॥

aindre candramasā yukte muhūrte'bhijite'ṣṭame | divā madhyagate sūrye tithau pūrṇe hi pūjite

When the moon stood in the asterism of Indra, in the eighth muhurta, called Abhijit, at midday with the sun at the height of the sky, on the hallowed lunar day called Purna,

Verse 23 (1.129.23)

समृद्धयशसं कुन्ती सुषाव प्रवरं सुतम् । जातमात्रे सुते तस्मिन्वागुवाचाशरीरिणी ॥

samṛddhayaśasaṃ kuntī suṣāva pravaraṃ sutam | jātamātre sute tasminvāguvācāśarīriṇī

Kunti gave birth to an excellent son whose fame would be great. The moment the son was born, a voice without a body spoke:

Note on the text: Corrected समृद्धयसशं → समृद्धयशसं (misprint in Wikisource; transposed aksharas; the critical edition reads samṛddhayaśasaṃ).

Verse 24 (1.129.24)

एष धर्मभृतां श्रेष्ठो भविष्यति नरोत्तमः । विक्रान्तः सत्यवाक्चैव राजा पृथ्व्यां भविष्यति ॥

eṣa dharmabhṛtāṃ śreṣṭho bhaviṣyati narottamaḥ | vikrāntaḥ satyavākcaiva rājā pṛthvyāṃ bhaviṣyati

"This best of men will be the foremost of those who uphold dharma. Valiant and true of speech, he will be king on earth.

Note on the text: Only the first line is in the critical edition (first line of CE 1.114.6, which ends na saṃśayaḥ); the second line is not (found in the vulgate recension).

Verse 25 (1.129.25)

युधिष्ठिर इति ख्यातः पाण्डोः प्रथमजः सुतः । भविता प्रथितो राजा त्रिषु लोकेषु विश्रुतः । यशसा तेजसा चैव वृत्तेन च समन्वितः ॥

yudhiṣṭhira iti khyātaḥ pāṇḍoḥ prathamajaḥ sutaḥ | bhavitā prathito rājā triṣu lokeṣu viśrutaḥ | yaśasā tejasā caiva vṛttena ca samanvitaḥ

Known as Yudhishthira, Pandu's firstborn son will be a renowned king, famed in the three worlds, endowed with glory, splendour and good conduct."

Note on the text: The first line is the second line of CE 1.114.6; the other two lines are CE 1.114.7.

Verse 26 (1.129.26)

संवत्सरे द्वितीये तु गान्धार्या उदरं महत् । न च प्राजायत तदा ततस्तां दुःखमाविशत् ॥

saṃvatsare dvitīye tu gāndhāryā udaraṃ mahat | na ca prājāyata tadā tatastāṃ duḥkhamāviśat

In the second year Gandhari's belly was great, yet she did not give birth, and grief took hold of her.

Note on the text: A different wording of CE 1.107.9; only the closing words agree.

Verse 27 (1.129.27)

श्रुत्वा कुन्तीसुतं जातं बालार्कसमतेजसम् । उदरस्यात्मनः स्थैर्यमुपालभ्य च सौबली ॥

śrutvā kuntīsutaṃ jātaṃ bālārkasamatejasam | udarasyātmanaḥ sthairyamupālabhya ca saubalī

Hearing that Kunti's son had been born, radiant as the rising sun, the daughter of Subala, reproaching the stillness of her own womb,

Note on the text: Corrected उदस्यात्मनः → उदरस्यात्मनः (misprint in Wikisource; a dropped akshara; the critical edition reads udarasyātmanaḥ).

Verse 28 (1.129.28)

कौरवस्यापरिज्ञातं यत्नेन महता स्वयम् । उदरं घातयामास गान्धारी शोकमूर्छिता ॥

kauravasyāparijñātaṃ yatnena mahatā svayam | udaraṃ ghātayāmāsa gāndhārī śokamūrchitā

without the knowledge of the Kaurava, by her own hand and with great effort, Gandhari, senseless with grief, struck her womb.

Note on the text: A different wording of CE 1.107.11.

Verse 29 (1.129.29)

ततो जज्ञे मांसपेशी लोहाष्ठीलेव संहता । द्विवर्षसंभृता कुक्षौ तामुत्स्रष्टुं प्रचक्रमे ॥

tato jajñe māṃsapeśī lohāṣṭhīleva saṃhatā | dvivarṣasaṃbhṛtā kukṣau tāmutsraṣṭuṃ pracakrame

Then a lump of flesh was born, hard as a ball of iron. She had carried it in her womb for two years, and now she set about throwing it away.

Verse 30 (1.129.30)

अथ द्वैपायनो ज्ञात्वा त्वरितः समुपागमत् । तां स मांसमयीं पेशीं ददर्श जपतां वरः ॥

atha dvaipāyano jñātvā tvaritaḥ samupāgamat | tāṃ sa māṃsamayīṃ peśīṃ dadarśa japatāṃ varaḥ

Then Dvaipayana, learning of it, came in haste. That best of those who recite prayers saw the lump of flesh.

Verse 31 (1.129.31)

ततोऽवदत्सौबलेयीं किमिदं ते चिकीर्षितम् । सा चात्मनो मतं सर्वं शशंस परमर्षये ॥

tato'vadatsaubaleyīṃ kimidaṃ te cikīrṣitam | sā cātmano mataṃ sarvaṃ śaśaṃsa paramarṣaye

He said to Subala's daughter, "What is this you mean to do?" And she told the great seer all that was in her mind.

Verse 32 (1.129.32)

ज्येष्ठं कुन्तीसुतं जातं श्रुत्वा रविसमप्रभम् । दुःखेन परमेणेदमुदरं घातितं मया ॥

jyeṣṭhaṃ kuntīsutaṃ jātaṃ śrutvā ravisamaprabham | duḥkhena parameṇedamudaraṃ ghātitaṃ mayā

"When I heard that Kunti's eldest son had been born, shining like the sun, I struck this womb of mine in utter grief.

Verse 33 (1.129.33)

शतं च किल पुत्राणां वितीर्णं मे त्वया पुरा । इयं च मे मांसपेशी जाता पुत्रशताय वै ॥

śataṃ ca kila putrāṇāṃ vitīrṇaṃ me tvayā purā | iyaṃ ca me māṃsapeśī jātā putraśatāya vai

You once granted me a hundred sons, and yet, for those hundred sons, this lump of flesh is what has been born to me."

Verse 34 (1.129.34)

एवमेतत्सौबलेयि नैतज्जात्वन्यथा भवेत् । वितथं नोक्तपूर्वं मे स्वैरेष्वपि कुतोऽन्यथा ॥

evametatsaubaleyi naitajjātvanyathā bhavet | vitathaṃ noktapūrvaṃ me svaireṣvapi kuto'nyathā

"It is as I said, daughter of Subala; it can never be otherwise. I have never spoken falsely, even in jest; how then could this be otherwise?

Verse 35 (1.129.35)

घृतपूर्णं कुण्डशतं क्षिप्रमेव विधीयताम् । सुगुप्तेषु च देशेषु रक्षा चैव विधीयताम् ॥

ghṛtapūrṇaṃ kuṇḍaśataṃ kṣiprameva vidhīyatām | sugupteṣu ca deśeṣu rakṣā caiva vidhīyatām

Let a hundred pots filled with ghee be made ready at once, and let them be kept under guard in well-hidden places.

Note on the text: Only the first line is in the critical edition (first line of CE 1.107.18); the second line is not (found in the vulgate recension).

Verse 36 (1.129.36)

शीताभिरद्भिरष्ठीलामिमां च परिषिञ्चय ॥

śītābhiradbhiraṣṭhīlāmimāṃ ca pariṣiñcaya

And sprinkle this lump with cool water."

Note on the text: The second line of CE 1.107.18 (which reads pariṣiñcata); Wikisource prints it as a single line.

Verse 37 (1.129.37)

सा सिच्यमाना ह्यष्ठीला ह्यभवच्छतधा तदा । अङ्गुष्ठपर्वमात्राणां गर्भाणां तत्क्षणं तथा ॥

sā sicyamānā hyaṣṭhīlā hyabhavacchatadhā tadā | aṅguṣṭhaparvamātrāṇāṃ garbhāṇāṃ tatkṣaṇaṃ tathā

As it was sprinkled, the lump split at that moment into a hundred parts, into embryos each the size of a thumb-joint,

Verse 38 (1.129.38)

एकाधिकशतं पूर्णं यथायोगं विशांपते । ततः कुण्डशतं तत्र आनाय्य तु महानृषिः ॥

ekādhikaśataṃ pūrṇaṃ yathāyogaṃ viśāṃpate | tataḥ kuṇḍaśataṃ tatra ānāyya tu mahānṛṣiḥ

a full hundred and one, each as it fell apart, O lord of the people. Then the great seer had a hundred pots brought there,

Note on the text: Only the first line is in the critical edition (first line of CE 1.107.20); the second line is not (found in the vulgate recension).

Verse 39 (1.129.39)

मांसपेश्यास्तदा राजन्क्रमशः कालपर्ययात् । ततस्तांस्तेषु कुण्डेषु गर्भान्सर्वान्समादधत् ॥

māṃsapeśyāstadā rājankramaśaḥ kālaparyayāt | tatastāṃsteṣu kuṇḍeṣu garbhānsarvānsamādadhat

and one after another, in due course, O king, he placed all the embryos from the lump of flesh into those pots.

Note on the text: The first line is the second line of CE 1.107.20; the second line is a different wording of the first line of CE 1.107.21.

Verse 40 (1.129.40)

स्वनुगुप्तेषु देशेषु रक्षां चैषां व्यधापयत् । शशास चैव कृष्णो वै गर्भाणां रक्षणं तथा ॥

svanugupteṣu deśeṣu rakṣāṃ caiṣāṃ vyadhāpayat | śaśāsa caiva kṛṣṇo vai garbhāṇāṃ rakṣaṇaṃ tathā

He had them guarded in well-protected places, and Krishna Dvaipayana gave instructions for the care of the embryos.

Note on the text: The first line is the second line of CE 1.107.21, worded differently; the second line is not in the critical edition (found in the vulgate recension).

Verse 41 (1.129.41)

उवाच चैनां भगवान्कालेनैतावता पुनः । स्फुटमानेषु कुण्डेषु जाताञ्जानीहि शोभने ॥

uvāca caināṃ bhagavānkālenaitāvatā punaḥ | sphuṭamāneṣu kuṇḍeṣu jātāñjānīhi śobhane

And the blessed one told her: "After the same span of time again, when the pots begin to split, know that they are born, lovely one."

Note on the text: Only the first line has a counterpart in the critical edition (first line of CE 1.107.22, worded differently); the second line is not in it (found in the vulgate recension).

Verse 42 (1.129.42)

उद्घाटनीयान्येतानि कुण्डानीति च सौबलीम् । इत्युक्त्वा भगवान्व्यासस्तथा प्रतिविधाय च ॥

udghāṭanīyānyetāni kuṇḍānīti ca saubalīm | ityuktvā bhagavānvyāsastathā pratividhāya ca

He told Subala's daughter that these pots were then to be opened. Having said this and made all the arrangements, the blessed Vyasa,

Note on the text: Corrected उद्धाटनीयान्येतानि → उद्घाटनीयान्येतानि (misprint in Wikisource; ध for घ; udghāṭanīya, 'to be opened'). The first line is a different wording of the second line of CE 1.107.22; the second line is the first line of CE 1.107.23.

Verse 43 (1.129.43)

जगाम तपसे धीमान्हिमवन्तं शिलोच्चयम् । अह्नोत्तराः कुमारास्ते कुण्डेभ्यस्तु समुत्थिताः ॥

jagāma tapase dhīmānhimavantaṃ śiloccayam | ahnottarāḥ kumārāste kuṇḍebhyastu samutthitāḥ

the wise one, went to Himavat, the mountain of rock, to practise austerities. The princes came forth from the pots on successive days,

Note on the text: Corrected कुमारस्ते → कुमारास्ते (misprint in Wikisource; singular for plural against the plural adjective; the critical edition's apparatus reads kumārās te). The first line is the second line of CE 1.107.23; the second line is not in the critical edition (found in the vulgate recension).

Verse 44 (1.129.44)

तेनैवैषां क्रमेणासीज्ज्येष्ठानुज्येष्ठता तदा । जन्मतश्च प्रमाणेन ज्येष्ठः कुन्तीसुतोऽभवत् ॥

tenaivaiṣāṃ krameṇāsījjyeṣṭhānujyeṣṭhatā tadā | janmataśca pramāṇena jyeṣṭhaḥ kuntīsuto'bhavat

and in that very order their seniority, elder and younger, was settled. But by the reckoning of birth, Kunti's son was the eldest.

Note on the text: Corrected ज्ज्योष्ठानुज्येष्ठता → ज्ज्येष्ठानुज्येष्ठता (misprint in Wikisource; ो for े; jyeṣṭhānujyeṣṭhatā, as in Wikisource 1.131.1). A different wording of CE 1.107.24, which names Duryodhana and Yudhishthira.

Verse 45 (1.129.45)

धार्मिकं च सुतं दृष्ट्वा पाण्डुः कुन्तीमथाऽब्रवीत् । प्राहुः क्षत्रं बलज्येष्ठं बलज्येष्ठं सुतं वृणु ॥

dhārmikaṃ ca sutaṃ dṛṣṭvā pāṇḍuḥ kuntīmathā'bravīt | prāhuḥ kṣatraṃ balajyeṣṭhaṃ balajyeṣṭhaṃ sutaṃ vṛṇu

Seeing that he had a righteous son, Pandu said to Kunti: "They say a kshatriya is foremost in strength. Choose a son who is foremost in strength."

Verse 46 (1.129.46)

ततः कुन्तीमभिक्रम्य शशासातीव भारत । वायुमावाहयस्वेति स देवो बलवत्तरः ॥

tataḥ kuntīmabhikramya śaśāsātīva bhārata | vāyumāvāhayasveti sa devo balavattaraḥ

Then he went to Kunti and urged her earnestly, O Bharata: "Summon Vayu, for that god is mightier."

Note on the text: Not in the critical edition (found in the vulgate recension).

Verse 47 (1.129.47)

अश्वमेधः क्रतुश्रेष्ठो ज्योतिःश्रेष्ठो दिवाकरः । ब्राह्मणो द्विपदां श्रेष्ठो देवश्रेष्ठश्च मारुतः ॥

aśvamedhaḥ kratuśreṣṭho jyotiḥśreṣṭho divākaraḥ | brāhmaṇo dvipadāṃ śreṣṭho devaśreṣṭhaśca mārutaḥ

"The horse sacrifice is the best of rites, the sun the best of lights, the brahmin the best of two-footed beings, and the Wind the best of gods.

Note on the text: Not in the critical edition (found in the vulgate recension). Speaker set to Pandu: these are his words to Kunti (Wikisource gives no speaker line before them but marks वैशंपायन उवाच again after them).

Verse 48 (1.129.48)

मारुतं मरुतां श्रेष्ठं सर्वप्राणिभिरीडितम् । आवाहय त्वं नियमात्पुत्रार्थं वरवर्णिनि ॥

mārutaṃ marutāṃ śreṣṭhaṃ sarvaprāṇibhirīḍitam | āvāhaya tvaṃ niyamātputrārthaṃ varavarṇini

Through your observance, fair one, summon the Wind, the best of the Maruts, praised by all living beings, to give you a son.

Note on the text: Not in the critical edition (found in the vulgate recension). Speaker set to Pandu: these are his words to Kunti (Wikisource gives no speaker line before them but marks वैशंपायन उवाच again after them).

Verse 49 (1.129.49)

स नो यं दास्यति सुतं स प्राणबलवान्नृषु । भविष्यति वरारोहे बलज्येष्ठा हि भूमिपाः ॥

sa no yaṃ dāsyati sutaṃ sa prāṇabalavānnṛṣu | bhaviṣyati varārohe balajyeṣṭhā hi bhūmipāḥ

The son he gives us will be the strongest in vital power among men, lovely lady, for kings must be foremost in strength."

Note on the text: Not in the critical edition (found in the vulgate recension). Speaker set to Pandu: these are his words to Kunti (Wikisource gives no speaker line before them but marks वैशंपायन उवाच again after them).

Verse 50 (1.129.50)

तथोक्तवति सा काले वायुमेवाजुहाव ह । द्वितीयेनोपहारेण तेनोक्तविधिना पुनः ॥

tathoktavati sā kāle vāyumevājuhāva ha | dvitīyenopahāreṇa tenoktavidhinā punaḥ

When he had spoken so, she called upon Vayu at the proper time, with a second offering, by the same rite as before.

Note on the text: The first line is a different wording of the first line of CE 1.114.9; the second line is not in the critical edition (found in the vulgate recension).

Verse 51 (1.129.51)

तैरेव नियमैः स्थित्वा मन्त्रग्राममुदैरयत् । आजगाम ततो वायुः किं करोमीति चाब्रवीत् ॥

taireva niyamaiḥ sthitvā mantragrāmamudairayat | ājagāma tato vāyuḥ kiṃ karomīti cābravīt

Keeping to the same observances, she uttered the set of mantras. Then Vayu came and said, "What shall I do?"

Note on the text: Not in the critical edition (found in the vulgate recension).

Verse 52 (1.129.52)

लज्जान्विता ततः कुन्ती पुत्रमैच्छन्महाबलम् । तथास्त्विति च तां वायुः समालभ्य दिवं गतः ॥

lajjānvitā tataḥ kuntī putramaicchanmahābalam | tathāstviti ca tāṃ vāyuḥ samālabhya divaṃ gataḥ

Then Kunti, abashed, asked for a son of great strength. Saying "So be it," Vayu embraced her and returned to heaven.

Note on the text: Not in the critical edition (found in the vulgate recension).

Verse 53 (1.129.53)

तस्यां जज्ञे महावीर्यो भीमो भीमपराक्रमः । तमप्यतिबलं जातं वागुवाचाशरीरिणी ॥

tasyāṃ jajñe mahāvīryo bhīmo bhīmaparākramaḥ | tamapyatibalaṃ jātaṃ vāguvācāśarīriṇī

From her was born the mighty Bhima, of terrible prowess. When he was born, exceedingly strong, a bodiless voice declared of him too:

Note on the text: The first line is a different wording of the second line of CE 1.114.9; the second line is a different wording of the first line of CE 1.114.10.

Verse 54 (1.129.54)

सर्वेषां बलिनां श्रेष्ठो जातोऽयमिति भारत । जातमात्रे कुमारे तु सर्वलोकस्य पार्थिवाः ॥

sarveṣāṃ balināṃ śreṣṭho jāto'yamiti bhārata | jātamātre kumāre tu sarvalokasya pārthivāḥ

"This child is the strongest of all the strong," O Bharata. The moment the prince was born, all the kings of the world

Note on the text: Only the first line is in the critical edition (second line of CE 1.114.10); the second line is not (found in the vulgate recension).

Verse 55 (1.129.55)

मूत्रं प्रसुस्रुवुः सर्वे व्यथां चापि प्रपेदिरे । वाहनानि व्यशीर्यन्त व्यमुञ्चन्नश्रुबिन्दवः ॥

mūtraṃ prasusruvuḥ sarve vyathāṃ cāpi prapedire | vāhanāni vyaśīryanta vyamuñcannaśrubindavaḥ

passed water in fear and fell into distress; their mounts broke down, and tears dropped from their eyes.

Note on the text: Not in the critical edition (found in the vulgate recension).

Verse 56 (1.129.56)

यथाऽनिलः समुद्भूतः समर्थः कम्पने भुवः । तथा ह्युपचिताङ्गो वै भीमो भीमपराक्रमः ॥

yathā'nilaḥ samudbhūtaḥ samarthaḥ kampane bhuvaḥ | tathā hyupacitāṅgo vai bhīmo bhīmaparākramaḥ

As the wind, when it rises, can shake the earth, so was Bhima of terrible prowess, sturdy of limb.

Note on the text: Not in the critical edition (found in the vulgate recension).

Verse 57 (1.129.57)

इदं चाद्भुतमत्रासीज्जातमात्रे वृकोदरे । यदङ्कात्पतितो मातुः शिलां गात्रैरचूर्णयत् ॥

idaṃ cādbhutamatrāsījjātamātre vṛkodare | yadaṅkātpatito mātuḥ śilāṃ gātrairacūrṇayat

And this wonder happened soon after Vrikodara was born: falling from his mother's lap, he crushed a rock to powder with his body.

Note on the text: Corrected यदऱ्कात् → यदङ्कात् (misprint in Wikisource; ऱ for ङ; the critical edition reads yad aṅkāt).

Verse 58 (1.129.58)

कुन्ती तु सह पुत्रेण याता सुरुचिरं सरः । स्नात्वा च सुतमादाय दशमेऽहनि यादवी ॥

kuntī tu saha putreṇa yātā suruciraṃ saraḥ | snātvā ca sutamādāya daśame'hani yādavī

Kunti had gone with her son to a lovely lake. Having bathed on the tenth day, the Yadava lady took up her son

Note on the text: Not in the critical edition (found in the vulgate recension).

Verse 59 (1.129.59)

दैवतान्यर्चयिष्यन्ती निर्जगामाश्रमात्पृथा । शैलाभ्याशेन गच्छन्त्यास्तदा भरतसत्तम ॥

daivatānyarcayiṣyantī nirjagāmāśramātpṛthā | śailābhyāśena gacchantyāstadā bharatasattama

and Pritha set out from the hermitage to worship the gods. As she walked close by the mountain, O best of the Bharatas,

Note on the text: Not in the critical edition (found in the vulgate recension).

Verse 60 (1.129.60)

निश्चक्राम महाव्याघ्रो जिघांसुर्गिरिगह्वरात् । तमापतन्तं शार्दूलं विकृष्य धनुरुत्तमम् ॥

niścakrāma mahāvyāghro jighāṃsurgirigahvarāt | tamāpatantaṃ śārdūlaṃ vikṛṣya dhanuruttamam

a huge tiger sprang out of a mountain cave, eager to kill. As the tiger rushed at them, Pandu drew his fine bow

Note on the text: Not in the critical edition (found in the vulgate recension).

Verse 61 (1.129.61)

निर्बिभेद शरैः पाण्डुस्त्रिभिस्त्रिदशविक्रमः । नादेन महता तां तु पूरयन्तं गिरेर्गुहाम् ॥

nirbibheda śaraiḥ pāṇḍustribhistridaśavikramaḥ | nādena mahatā tāṃ tu pūrayantaṃ girerguhām

and, with the valour of a god, pierced it with three arrows. Seeing it fill the mountain cave with its great roar,

Note on the text: Corrected त्रिभिस्तिरदशविक्रमः → त्रिभिस्त्रिदशविक्रमः (misprint in Wikisource; a broken conjunct; tridaśavikramaḥ in the critical edition's apparatus). Not in the critical edition (found in the vulgate recension).

Verse 62 (1.129.62)

दृष्ट्वा शैलमुपारोढुमैच्छत्कुन्ती भयात्तदा । त्रासात्तस्याः सुतस्त्वङ्कात्पपात भरतर्षभ ॥

dṛṣṭvā śailamupāroḍhumaicchatkuntī bhayāttadā | trāsāttasyāḥ sutastvaṅkātpapāta bharatarṣabha

Kunti in her fright wanted to climb the mountain. In her alarm her son fell from her lap, O bull of the Bharatas.

Note on the text: Not in the critical edition (found in the vulgate recension).

Verse 63 (1.129.63)

पर्वतस्योपरिस्थायामधस्तादपतच्छिशुः । स शिलां चूर्णयामास वज्रवद्वज्रिचोदितः ॥

parvatasyoparisthāyāmadhastādapatacchiśuḥ | sa śilāṃ cūrṇayāmāsa vajravadvajricoditaḥ

From where she stood high on the mountain the child fell down below, and he shattered the rock like a thunderbolt hurled by Indra.

Note on the text: Not in the critical edition (found in the vulgate recension).

Verse 64 (1.129.64)

पुत्रस्नेहात्ततः पाण्डुरभ्यधावद्गिरेस्तटम् । पतता तेन शतधा शिला गात्रैर्विचूर्णिता ॥

putrasnehāttataḥ pāṇḍurabhyadhāvadgirestaṭam | patatā tena śatadhā śilā gātrairvicūrṇitā

Out of love for his son, Pandu ran to the mountainside. In falling, the child had broken the rock into a hundred pieces with his body.

Note on the text: The first line is not in the critical edition (found in the vulgate recension); the second line is the second line of CE 1.114.13.

Verse 65 (1.129.65)

शिलां च चूर्णितां दृष्ट्वा परं विस्मयमागमत् । स तु जन्मनि भीमस्य विनदन्तं विनादितम् ॥

śilāṃ ca cūrṇitāṃ dṛṣṭvā paraṃ vismayamāgamat | sa tu janmani bhīmasya vinadantaṃ vināditam

Seeing the rock crushed, he was filled with wonder. And because, at the time of Bhima's birth, he

Note on the text: The first line is a different wording of the third line of CE 1.114.13; the second line is not in the critical edition (found in the vulgate recension).

Verse 66 (1.129.66)

ददर्श गिरिशृङ्गस्थं व्याघ्रं व्याघ्रपराक्रमः । दारसंरक्षणार्थाय पुत्रसंरक्षणाय च ॥

dadarśa giriśṛṅgasthaṃ vyāghraṃ vyāghraparākramaḥ | dārasaṃrakṣaṇārthāya putrasaṃrakṣaṇāya ca

had seen a tiger roaring loudly on the mountain peak, he who had a tiger's valour, to protect his wife and to protect his son,

Note on the text: Not in the critical edition (found in the vulgate recension).

Verse 67 (1.129.67)

सदा बाणधनुष्पाणिरभवत्कुरुनन्दनः । मघे चन्द्रमसा युक्ते सिंहे चाभ्युदिते गुरौ ॥

sadā bāṇadhanuṣpāṇirabhavatkurunandanaḥ | maghe candramasā yukte siṃhe cābhyudite gurau

the delight of the Kurus always kept bow and arrows in hand. When the moon was joined with Magha and Jupiter had risen in Leo,

Note on the text: Not in the critical edition (found in the vulgate recension).

Verse 68 (1.129.68)

दिवा मध्यगते सूर्ये तिथौ पुण्ये त्रयोदशे । पित्र्ये मुहूर्ते सा कुन्ती सुषुवे भीममच्युतम् ॥

divā madhyagate sūrye tithau puṇye trayodaśe | pitrye muhūrte sā kuntī suṣuve bhīmamacyutam

at midday with the sun at the height of the sky, on the holy thirteenth lunar day, in the muhurta sacred to the ancestors, Kunti gave birth to the unfailing Bhima.

Note on the text: Not in the critical edition (found in the vulgate recension).

Verse 69 (1.129.69)

यस्मिन्नहनि भीमस्तु जज्ञे भीमपराक्रमः । तामेव रात्रिं पूर्वां तु जज्ञे दुर्योधनो नृपः ॥

yasminnahani bhīmastu jajñe bhīmaparākramaḥ | tāmeva rātriṃ pūrvāṃ tu jajñe duryodhano nṛpaḥ

On the very day that Bhima of terrible prowess was born, King Duryodhana had been born in the night before it.

Note on the text: Corrected भमस्तु → भीमस्तु (misprint in Wikisource; a dropped vowel sign; the critical edition reads bhīmas tu). A different wording of CE 1.114.14; only the first half of the first line agrees.

Verse 70 (1.129.70)

स जातमात्र एवाथ धृतराष्ट्रसुतो नृप । रासभारावसदृशं रुराव च ननाद च ॥

sa jātamātra evātha dhṛtarāṣṭrasuto nṛpa | rāsabhārāvasadṛśaṃ rurāva ca nanāda ca

As soon as he was born, that son of Dhritarashtra, O king, brayed like an ass, crying and roaring.

Note on the text: Not in the critical edition (found in the vulgate recension).

Verse 71 (1.129.71)

तं खराः प्रत्यभाषन्त गृध्रगोमायुवायसाः । क्रव्यादाः प्राणदन्घोराः शिवाश्चाशिवनिस्वनाः ॥

taṃ kharāḥ pratyabhāṣanta gṛdhragomāyuvāyasāḥ | kravyādāḥ prāṇadanghorāḥ śivāścāśivanisvanāḥ

Donkeys answered him, and vultures, jackals and crows; terrible flesh-eaters howled, and she-jackals gave ill-omened cries.

Note on the text: Not in the critical edition (found in the vulgate recension).

Verse 72 (1.129.72)

वाताश्च प्रववुश्चापि दिग्दाहश्चाभवत्तदा । ततस्तु भीतवद्राजा धृतराष्ट्रोऽब्रवीदिदम् ॥

vātāśca pravavuścāpi digdāhaścābhavattadā | tatastu bhītavadrājā dhṛtarāṣṭro'bravīdidam

Fierce winds blew, and the quarters of the sky seemed to burn. Then King Dhritarashtra, as if in fear, said this,

Note on the text: Only the second line has a counterpart in the critical edition (first line of CE 1.107.25, worded differently); the first line is not in it (found in the vulgate recension).

Verse 73 (1.129.73)

समानीय बहून्विप्रान्भीष्मं विदुरमेव च । अन्यांश्च सुहृदो राजन्कुरून्सर्वांस्तथैव च ॥

samānīya bahūnviprānbhīṣmaṃ vidurameva ca | anyāṃśca suhṛdo rājankurūnsarvāṃstathaiva ca

after gathering many brahmins, Bhishma and Vidura, and other friends, O king, and all the Kurus as well:

Note on the text: Only the first line is in the critical edition (second line of CE 1.107.25); the second line is not (found in the vulgate recension).

Verse 74 (1.129.74)

युधिष्ठिरो राजपुत्रो ज्येष्ठो नः कुलवर्धनः । प्राप्तः स्वगुणतो राज्यं न तस्मिन्वाच्यमस्तिनः ॥

yudhiṣṭhiro rājaputro jyeṣṭho naḥ kulavardhanaḥ | prāptaḥ svaguṇato rājyaṃ na tasminvācyamastinaḥ

"Prince Yudhishthira is the eldest, the one who will make our line prosper. He has gained the kingdom by his own merits; there is nothing for us to say about him.

Verse 75 (1.129.75)

अयं त्वनन्तरस्तस्मादपि राजा भविष्यति । एतद्विब्रूत मे तथ्यं यदत्र भविता ध्रुवम् ॥

ayaṃ tvanantarastasmādapi rājā bhaviṣyati | etadvibrūta me tathyaṃ yadatra bhavitā dhruvam

But will this one, born next after him, also become king? Tell me truly what is certain to happen in this.

Verse 76 (1.129.76)

अस्मिञ्जाते निमित्तानि शंसन्ति हाशिवं महत् । अतो ब्रवीमि विदुर द्रुतं मां भयमाविशत् ॥

asmiñjāte nimittāni śaṃsanti hāśivaṃ mahat | ato bravīmi vidura drutaṃ māṃ bhayamāviśat

The omens at this one's birth foretell great evil. That is why I speak, Vidura: fear has suddenly seized me."

Note on the text: Corrected शंसन्ती → शंसन्ति (misprint in Wikisource; ी for ि; the verb śaṃsanti, 'they announce', as in the critical edition's apparatus). Removed stray wiki quote marks (` and ') that Wikisource uses to flag southern additions. Not in the critical edition (found in the vulgate recension).

Verse 77 (1.129.77)

वाक्यस्यैतस्य निधने दिक्षु सर्वासु भारत । क्रव्यादाः प्राणदन्घोराः शिवाश्चाशिवनिस्वनाः ॥

vākyasyaitasya nidhane dikṣu sarvāsu bhārata | kravyādāḥ prāṇadanghorāḥ śivāścāśivanisvanāḥ

At the end of these words, O Bharata, terrible flesh-eaters howled in every direction, and jackals gave ill-omened cries.

Note on the text: Corrected निधेन → निधने (misprint in Wikisource; transposed vowel signs; the critical edition reads nidhane).

Verse 78 (1.129.78)

लक्षयित्वा निमित्तानि तानि घोराणि सर्वशः । तेऽब्रुवन्ब्राह्मणा राजन्विदुरश्च महामतिः ॥

lakṣayitvā nimittāni tāni ghorāṇi sarvaśaḥ | te'bruvanbrāhmaṇā rājanviduraśca mahāmatiḥ

Observing all those dreadful omens, the brahmins, O king, and the wise Vidura said:

Verse 79 (1.129.79)

यथेमानि निमित्तानि घोराणि मनुजाधिप । उत्थितानि सुते जाते ज्येष्ठे ते पुरुषर्षभ ॥

yathemāni nimittāni ghorāṇi manujādhipa | utthitāni sute jāte jyeṣṭhe te puruṣarṣabha

"Lord of men, bull among men, since these terrible omens have arisen at the birth of your eldest son,

Note on the text: Not in the critical edition (found in the vulgate recension).

Verse 80 (1.129.80)

व्यक्तं कुलान्तकरणो भवितैष सुतस्तव । तस्य शान्तिः परित्यागे गुप्तावपनयो महान् ॥

vyaktaṃ kulāntakaraṇo bhavitaiṣa sutastava | tasya śāntiḥ parityāge guptāvapanayo mahān

it is plain that this son of yours will bring about the end of the line. Peace lies in abandoning him; in protecting him lies great harm.

Verse 81 (1.129.81)

एष दुर्योधनो राजा मधुपिङ्गललोचनः । न केवलं कुलस्यान्तं क्षत्रियान्तं करिष्यति ॥

eṣa duryodhano rājā madhupiṅgalalocanaḥ | na kevalaṃ kulasyāntaṃ kṣatriyāntaṃ kariṣyati

This King Duryodhana, with eyes tawny as honey, will bring about the end not only of the line but of the kshatriyas.

Note on the text: Removed stray wiki quote marks (` and ') that Wikisource uses to flag southern additions. Not in the critical edition (found in the vulgate recension).

Verse 82 (1.129.82)

शतमेकोनमप्यस्तु पुत्राणां ते महीपते । त्यजैनमेकं शान्तिं चेत्कुलस्येच्छसि भारत ॥

śatamekonamapyastu putrāṇāṃ te mahīpate | tyajainamekaṃ śāntiṃ cetkulasyecchasi bhārata

Let your sons be a hundred less one, lord of the earth. Abandon this one, O Bharata, if you want peace for the line.

Note on the text: Only the first line is in the critical edition (first line of CE 1.107.31); the second line is not (found in the vulgate recension).

Verse 83 (1.129.83)

एकेन कुरु वै क्षेमं कुलस्य जगतस्तथा । त्यजेदेकं कुलस्यार्थे ग्रामस्यार्थे कुलं त्यजेत् ॥

ekena kuru vai kṣemaṃ kulasya jagatastathā | tyajedekaṃ kulasyārthe grāmasyārthe kulaṃ tyajet

Through this one secure the welfare of the line and of the world. One should give up one person for the sake of the family, a family for the sake of the village,

Note on the text: The first line is the second line of CE 1.107.31 (which reads lokasya ca kulasya ca); the second line is the first line of CE 1.107.32.

Verse 84 (1.129.84)

ग्रामं जनपदस्यार्थे आत्मार्थे पृथिवीं त्यजेत् । स तथा विदुरेणोक्तस्तैश्च सर्वैर्द्विजोत्तमैः ॥

grāmaṃ janapadasyārthe ātmārthe pṛthivīṃ tyajet | sa tathā vidureṇoktastaiśca sarvairdvijottamaiḥ

a village for the sake of the country, and the whole earth for the sake of the self." Though Vidura and all those excellent brahmins spoke to him in this way,

Note on the text: The first line is the second line of CE 1.107.32; the second line is the first line of CE 1.107.33.

Verse 85 (1.129.85)

न चकार तथा राजा पुत्रस्नेहसमन्वितः । ततः पुत्रशतं पूर्णं धृतराष्ट्रस्य पार्थिव ॥

na cakāra tathā rājā putrasnehasamanvitaḥ | tataḥ putraśataṃ pūrṇaṃ dhṛtarāṣṭrasya pārthiva

the king, bound by love for his son, did not do so. Then a full hundred sons of Dhritarashtra, O king,

Note on the text: Corrected पूर्ण धृतराष्ट्रस्य → पूर्णं धृतराष्ट्रस्य (misprint in Wikisource; a dropped anusvara; the adjective agrees with शतम्). The first line is the second line of CE 1.107.33; the second line is the first line of CE 1.107.34 (which reads sarvaṃ for pūrṇaṃ).

Verse 86 (1.129.86)

अह्नांशतेन संजज्ञे कन्या चैका शताधिका । गान्धार्यां क्लिश्यमानायामुदरेण विवर्धता ॥

ahnāṃśatena saṃjajñe kanyā caikā śatādhikā | gāndhāryāṃ kliśyamānāyāmudareṇa vivardhatā

were born within a hundred days, and one daughter besides the hundred. While Gandhari was suffering with her swelling belly,

Note on the text: The first line is a different wording of the second line of CE 1.107.34 (which reads māsamātreṇa, "within a month"); the second line is the first line of CE 1.107.35.

Verse 87 (1.129.87)

वैश्या सा त्वम्बिकापुत्रं कन्या परिचचार ह । तया समभवद्राजा धृतराष्ट्रो यदृच्छया ॥

vaiśyā sā tvambikāputraṃ kanyā paricacāra ha | tayā samabhavadrājā dhṛtarāṣṭro yadṛcchayā

a vaishya girl waited upon Ambika's son, and King Dhritarashtra by chance came to be with her.

Note on the text: Removed stray wiki quote marks (` and ') that Wikisource uses to flag southern additions. The first line is a different wording of the second line of CE 1.107.35; the second line is not in the critical edition (found in the vulgate recension).

Verse 88 (1.129.88)

तस्मिन्संवत्सरे राजन्धृतराष्ट्रान्महायशाः । जज्ञे धीमांस्ततस्तस्यां युयुत्सुः करणो नृप । एवं पुत्रशतं जज्ञे धृतराष्ट्रस्य धीमतः ॥

tasminsaṃvatsare rājandhṛtarāṣṭrānmahāyaśāḥ | jajñe dhīmāṃstatastasyāṃ yuyutsuḥ karaṇo nṛpa | evaṃ putraśataṃ jajñe dhṛtarāṣṭrasya dhīmataḥ

In that same year, O king, the wise and renowned Yuyutsu was born to her from Dhritarashtra, a karana, the son of a kshatriya by a vaishya woman. Thus a hundred sons were born to the wise Dhritarashtra,

Note on the text: Corrected करमो → करणो (misprint in Wikisource; the critical edition reads karaṇo, and the Wikisource commentary on this verse glosses करणः). The first two lines are CE 1.107.36; the third line is the first line of CE 1.107.37.

Verse 89 (1.129.89)

महारथानां वीराणां कन्या चैका शताधिका । युयुत्सुश्च महातेजा वैश्यापुत्रः प्रतापवान् ॥

mahārathānāṃ vīrāṇāṃ kanyā caikā śatādhikā | yuyutsuśca mahātejā vaiśyāputraḥ pratāpavān

all heroes and great chariot-warriors, and one daughter beyond the hundred; and also the mighty and glorious Yuyutsu, son of the vaishya woman.

Note on the text: The first line is a different wording of the second line of CE 1.107.37, which names Duhshala; the second line is not in the critical edition (found in the vulgate recension).