Duryodhana Instructs Purochana

Verse 1 (1.156.1)

धृतराष्ट्रप्रयुक्तेषु पाण्डुपुत्रेषु भारत । दुर्योधनः परं हर्षमगच्छत्स दुरात्मवान् ॥

dhṛtarāṣṭraprayukteṣu pāṇḍuputreṣu bhārata | duryodhanaḥ paraṃ harṣamagacchatsa durātmavān

When the sons of Pandu had been sent off by Dhritarashtra, O Bharata, the wicked Duryodhana was filled with the greatest joy.

Note on the text: Aligned by hand to CE 1.132.1 (second line matches; the first reads evam ukteṣu rājñā tu pāṇḍaveṣu mahātmasu).

Verse 2 (1.156.2)

ततः सुबलपुत्रश्च कर्णदुर्योधनावपि । दहने सहपुत्रायाः कुन्त्या मतिमकुर्वत । मन्त्रयित्वा स तैः सार्धं दुरात्मा धृतराष्ट्रजः ॥

tataḥ subalaputraśca karṇaduryodhanāvapi | dahane sahaputrāyāḥ kuntyā matimakurvata | mantrayitvā sa taiḥ sārdhaṃ durātmā dhṛtarāṣṭrajaḥ

Then the son of Subala, together with Karna and Duryodhana, set their minds on burning Kunti and her sons. Having taken counsel with them, the wicked son of Dhritarashtra

Note on the text: Corrected सह पुत्रायाः → सहपुत्रायाः (misprint in Wikisource; the compound was split, leaving पुत्रायाः without sense — cf. सपुत्रायाः in 1.154.2). Not in the critical edition (found in the vulgate recension; CE apparatus 1.132.1*1452). Removed stray wiki marks (backtick and quote marks around the bracketed vulgate lines).

Verse 3 (1.156.3)

स पुरोचनमेकान्तमानीय भरतर्षभ । गृहीत्वा दक्षिणे पाणौ सचिवं वाक्यमब्रवीत् ॥

sa purocanamekāntamānīya bharatarṣabha | gṛhītvā dakṣiṇe pāṇau sacivaṃ vākyamabravīt

took Purochana aside in private, O best of the Bharatas, and grasping his minister by the right hand, said to him:

Verse 4 (1.156.4)

ममेयं वसुसंपूर्णा पुरोचन वसुन्धरा । यथैव भविता तात तथा त्वं द्रष्टुमर्हसि ॥

mameyaṃ vasusaṃpūrṇā purocana vasundharā | yathaiva bhavitā tāta tathā tvaṃ draṣṭumarhasi

"Purochana, this earth full of riches is mine. As it is to be mine, my friend, so you should regard it as yours."

Note on the text: Aligned by hand to CE 1.132.3 (first line matches; the second reads yatheyaṃ mama tadvat te sa tāṃ rakṣitum arhasi).

Verse 5 (1.156.5)

न हि मे कश्चिदन्योऽस्ति विश्वासिकतरस्त्वया । सहायो येन सन्धाय मन्त्रयेयं यथा त्वया ॥

na hi me kaścidanyo'sti viśvāsikatarastvayā | sahāyo yena sandhāya mantrayeyaṃ yathā tvayā

"For I have no one else more trustworthy than you, no ally with whom I can join in counsel as I do with you."

Verse 6 (1.156.6)

संरक्ष तात मन्त्रं च सपत्नांश्च ममोद्धर । निपुणेनाभ्युपायेन यद्ब्रवीमि तथा कुरु ॥

saṃrakṣa tāta mantraṃ ca sapatnāṃśca mamoddhara | nipuṇenābhyupāyena yadbravīmi tathā kuru

"Guard this secret, my friend, and root out my rivals. Do as I tell you, by a skilful device."

Verse 7 (1.156.7)

पाण्डवा धृतराष्ट्रेण प्रेषिता वारणावतम् । उत्सवे विहरिष्यन्ति धृतराष्ट्रस्य शासनात् ॥

pāṇḍavā dhṛtarāṣṭreṇa preṣitā vāraṇāvatam | utsave vihariṣyanti dhṛtarāṣṭrasya śāsanāt

"The Pandavas have been sent by Dhritarashtra to Varanavata; at Dhritarashtra's command they will amuse themselves at the festival."

Verse 8 (1.156.8)

स त्वं रासभयुक्तेन स्यन्दनेनाशुगामिना । वारणावतमद्यैव यथा यासि तथा कुरु ॥

sa tvaṃ rāsabhayuktena syandanenāśugāminā | vāraṇāvatamadyaiva yathā yāsi tathā kuru

"So arrange it that you reach Varanavata this very day, in a swift chariot drawn by donkeys."

Note on the text: Corrected तया कुरु → तथा कुरु (misprint in Wikisource; the correlative of यथा; the critical edition reads tathā kuru).

Verse 9 (1.156.9)

तत्र गत्वा चतुःशालं गृहं परमसंवृतम् । नगरोपान्तमाश्रित्य कारयेथा महाधनम् ॥

tatra gatvā catuḥśālaṃ gṛhaṃ paramasaṃvṛtam | nagaropāntamāśritya kārayethā mahādhanam

"When you get there, have a costly four-halled house built on the outskirts of the town, well enclosed."

Verse 10 (1.156.10)

शणसर्जरसादीनि यानि द्रव्याणि कानिचित् । आग्नेयान्युत सन्तीह तानि तत्र प्रदापय ॥

śaṇasarjarasādīni yāni dravyāṇi kānicit | āgneyānyuta santīha tāni tatra pradāpaya

"Hemp, resin and whatever other materials there are here that readily catch fire — have them all brought there."

Verse 11 (1.156.11)

बल्वजेन च संमिश्रं मधूच्छिष्टेन चैव हि । सर्पिस्तैलवसाभिश्च लाक्षया चाप्यनल्पया । मृत्तिकां मिश्रयित्वा त्वं लेपं कुड्येषु दापय ॥

balvajena ca saṃmiśraṃ madhūcchiṣṭena caiva hi | sarpistailavasābhiśca lākṣayā cāpyanalpayā | mṛttikāṃ miśrayitvā tvaṃ lepaṃ kuḍyeṣu dāpaya

"Mix clay with balvaja grass and beeswax, with ghee, oil and fat, and with plenty of lac, and have the walls plastered with it."

Note on the text: Aligned by hand to CE 1.132.10 (lines 2–3; the critical edition reads sarpiṣā ca satailena). The first line is not in the critical edition (found in the vulgate recension; CE apparatus 1.132.9*1453). Removed stray wiki marks (backtick and quote marks around the bracketed vulgate lines).

Verse 12 (1.156.12)

शणं तैलं घृतं चैव जतु दारूणि चैव हि । तस्मिन्वेश्मनि सर्वाणि निक्षिपेथाः समन्ततः ॥

śaṇaṃ tailaṃ ghṛtaṃ caiva jatu dārūṇi caiva hi | tasminveśmani sarvāṇi nikṣipethāḥ samantataḥ

"Hemp, oil, ghee, lac and timber — have all these stored all round in that house."

Note on the text: Aligned by hand to CE 1.132.11 (second line matches; the first reads śaṇān vaṃśaṃ ghṛtaṃ dāru yantrāṇi vividhāni ca).

Verse 13 (1.156.13)

लाक्षाशममधूच्छिष्टवेष्टितानि मृदापि च । लेपयित्वा गुरूण्याशु दारुयन्त्राणि दापय ॥

lākṣāśamamadhūcchiṣṭaveṣṭitāni mṛdāpi ca | lepayitvā gurūṇyāśu dāruyantrāṇi dāpaya

"And quickly have heavy wooden contrivances put in, wrapped in lac and beeswax and plastered over with clay."

Note on the text: Not in the critical edition (found in the vulgate recension). Removed stray wiki marks (backtick and quote marks around the bracketed vulgate lines).

Verse 14 (1.156.14)

यथा च तन्न पश्येरन्परीक्षन्तोऽपि पाण्डवाः । आग्नेयमिति तत्कार्यमपि चान्येऽपि मानवाः ॥

yathā ca tanna paśyeranparīkṣanto'pi pāṇḍavāḥ | āgneyamiti tatkāryamapi cānye'pi mānavāḥ

"It must be done so that the Pandavas, even when they examine it, do not see that it is made to burn — nor anyone else either."

Verse 15 (1.156.15)

वेश्मन्येवं कृते तत्र कृत्वा तान्परमार्चितान् । वासयेथाः पाण्डवेयान्कुन्तीं च ससुहृज्जनाम् ॥

veśmanyevaṃ kṛte tatra kṛtvā tānparamārcitān | vāsayethāḥ pāṇḍaveyānkuntīṃ ca sasuhṛjjanām

"When the house has been made ready like this, receive them with the highest honour and lodge the Pandavas there, with Kunti and her companions."

Verse 16 (1.156.16)

आसनानि च दिव्यानि यानानि शयनानि च । विधातव्यानि पाण्डूनां यथा तुष्येच्च मे पिता ॥

āsanāni ca divyāni yānāni śayanāni ca | vidhātavyāni pāṇḍūnāṃ yathā tuṣyecca me pitā

"Provide splendid seats, carriages and beds for the Pandavas, so that my father may be pleased."

Note on the text: Corrected शयनानि न → शयनानि च (misprint in Wikisource; न for च) and निघातव्यानि → विधातव्यानि (misprint in Wikisource; "to be provided" — the critical edition reads vidhātavyāni).

Verse 17 (1.156.17)

यथा च तन्न जानन्ति नगरे वारणावते । यथा रमेरन्विस्रब्धा नगरे वारणावते । तथा सर्वं विधातव्यं यावत्कालस्य पर्ययः ॥

yathā ca tanna jānanti nagare vāraṇāvate | yathā rameranvisrabdhā nagare vāraṇāvate | tathā sarvaṃ vidhātavyaṃ yāvatkālasya paryayaḥ

"See that no one in the town of Varanavata learns of it; arrange everything so that they live there free of suspicion in Varanavata until the time comes round."

Note on the text: Aligned by hand to CE 1.132.15 (lines 2–3); the first line is not in the critical edition (found in the vulgate recension). Removed stray wiki marks (backtick and quote marks around the bracketed vulgate lines).

Verse 18 (1.156.18)

ज्ञात्वा च तान्सुविश्वस्ताञ्शयानानकुतोभयान् । अग्निस्त्वया ततो देयो द्वारतस्तस्य वेश्मनः ॥

jñātvā ca tānsuviśvastāñśayānānakutobhayān | agnistvayā tato deyo dvāratastasya veśmanaḥ

"When you know that they are fully at ease and sleeping without fear, then set fire to the house at its door."

Verse 19 (1.156.19)

दग्धानेवं स्वके गेहे दाहिताः पाण्डवा इति । न गर्हयेयुरस्मान्वै पाण्डवार्थाय कर्हिचित् ॥

dagdhānevaṃ svake gehe dāhitāḥ pāṇḍavā iti | na garhayeyurasmānvai pāṇḍavārthāya karhicit

"When they have burned like this in their own house, no one will ever blame us on the Pandavas' account, saying that we had the Pandavas burned."

Note on the text: Aligned by hand to CE 1.132.17 (first quarter matches; the rest reads dagdhā iti tato janāḥ / jñātayo vā vadiṣyanti pāṇḍavārthāya karhi cit).

Verse 20 (1.156.20)

स तथेति प्रतिज्ञाय कौरवाय पुरोचनः । प्रायाद्रासभयुक्तेन स्यन्दनेनाशुगामिना ॥

sa tatheti pratijñāya kauravāya purocanaḥ | prāyādrāsabhayuktena syandanenāśugāminā

Purochana gave the Kaurava his promise, saying "So be it," and set out in the swift chariot drawn by donkeys.

Verse 21 (1.156.21)

स गत्वा त्वरितं राजन्दुर्योधनमते स्थितः । यथोक्तं राजपुत्रेण सर्वं चक्रे पुरोचनः ॥

sa gatvā tvaritaṃ rājanduryodhanamate sthitaḥ | yathoktaṃ rājaputreṇa sarvaṃ cakre purocanaḥ

Going there quickly, O king, and holding to Duryodhana's plan, Purochana did everything just as the prince had told him.

Verse 22 (1.156.22)

तेषां तु पाण्डवेयानां गृहं रौद्रमकल्पयत् ॥

teṣāṃ tu pāṇḍaveyānāṃ gṛhaṃ raudramakalpayat

He built a dreadful house for those sons of Pandu.

Note on the text: Not in the critical edition (found in the vulgate recension; cf. CE apparatus 1.132.10*1454, line 2). A single line in Wikisource. Removed stray wiki marks (backtick and quote marks around the bracketed vulgate lines).