Bhima Fights the Rakshasa Hidimba

Verse 1 (1.165.1)

तां विदित्वा चिरगतां हिडिम्बो राक्षसेश्वरः । अवतीर्य द्रुमात्तस्मादाजगामाशु पाण्डवान् ॥

tāṃ viditvā ciragatāṃ hiḍimbo rākṣaseśvaraḥ | avatīrya drumāttasmādājagāmāśu pāṇḍavān

Realising that she had been gone a long time, Hidimba, lord of the rakshasas, climbed down from that tree and swiftly came towards the Pandavas.

Verse 2 (1.165.2)

लोहिताक्षो महाबाहुरूर्ध्वकेशो महाननः । मेघसङ्घातवर्ष्मा च तीक्ष्णदंष्ट्रो भयानकः ॥

lohitākṣo mahābāhurūrdhvakeśo mahānanaḥ | meghasaṅghātavarṣmā ca tīkṣṇadaṃṣṭro bhayānakaḥ

Red-eyed and long-armed, his hair standing on end, with a huge mouth, his body like a mass of clouds, sharp-fanged and terrifying,

Verse 3 (1.165.3)

तलं तलेन संहत्य बाहू विक्षिप्य चासकृत् । उद्वृत्तनेत्रः संक्रुद्धो दन्तान्दन्तेषु निष्कुषन् ॥

talaṃ talena saṃhatya bāhū vikṣipya cāsakṛt | udvṛttanetraḥ saṃkruddho dantāndanteṣu niṣkuṣan

slapping palm against palm and flinging his arms about again and again, his eyes rolling, in a fury, gnashing his teeth together, he said:

Note on the text: Not in the critical edition (found in the vulgate recension; CE apparatus 1.140.2*1526).

Verse 4 (1.165.4)

कोऽद्य मे भोक्तुकामस्य विघ्नं चरति दुर्मतिः । न बिभेति हिडिम्बी च प्रेषिता किमनागता ॥

ko'dya me bhoktukāmasya vighnaṃ carati durmatiḥ | na bibheti hiḍimbī ca preṣitā kimanāgatā

"What fool now stands in the way of my meal? Is Hidimbi not afraid? I sent her; why has she not come back?"

Note on the text: Not in the critical edition at this point (found in the vulgate recension): the first line recurs at CE 1.140.17ab (verse 19 below), and the second line is in the apparatus (CE 1.140.2*1527). The automatic alignment matched it to 1.140.17; set to null by hand.

Verse 5 (1.165.5)

तमापतन्तं दृष्ट्वैव तथा विकृतदर्शनम् । हिडिम्बोवाच वित्रस्ता भीमसेनमिदं वचः ॥

tamāpatantaṃ dṛṣṭvaiva tathā vikṛtadarśanam | hiḍimbovāca vitrastā bhīmasenamidaṃ vacaḥ

Seeing him rushing at them like this, so hideous to behold, Hidimba in alarm said these words to Bhimasena:

Note on the text: Corrected दृष्ट्वै तथा → दृष्ट्वैव तथा (misprint in Wikisource; a dropped akshara; दृष्ट्वा + एव, and the metre needs eight syllables — the critical edition reads dṛṣṭvaiva).

Verse 6 (1.165.6)

आपतत्येष दुष्टात्मा संक्रुद्धः पुरुषादकः । साऽहं त्वां भ्रातृभिः सार्धं यद्ब्रवीमि तथा कुरु ॥

āpatatyeṣa duṣṭātmā saṃkruddhaḥ puruṣādakaḥ | sā'haṃ tvāṃ bhrātṛbhiḥ sārdhaṃ yadbravīmi tathā kuru

"Here comes that evil-hearted man-eater in a rage. You and your brothers, do as I tell you.

Verse 7 (1.165.7)

अहं कामगमा वीर रक्षोबलसमन्विता । आरुहेमां मम श्रोणिं नेष्यामि त्वां विहायसा ॥

ahaṃ kāmagamā vīra rakṣobalasamanvitā | āruhemāṃ mama śroṇiṃ neṣyāmi tvāṃ vihāyasā

I can go wherever I wish, hero, and I have a rakshasa's strength. Climb onto my hips; I will carry you through the sky.

Verse 8 (1.165.8)

प्रबोधयैतान्संसुप्तान्मातरं च परन्तप । सर्वानेव गमिष्यामि गृहीत्वा वो विहायसा ॥

prabodhayaitānsaṃsuptānmātaraṃ ca parantapa | sarvāneva gamiṣyāmi gṛhītvā vo vihāyasā

Wake these sleepers and your mother, tamer of foes; I will take you all and carry you off through the sky."

Note on the text: Corrected गमिष्याभि → गमिष्यामि (misprint in Wikisource; भ for म in the first-person ending — the critical edition reads gamiṣyāmi).

Verse 9 (1.165.9)

मा भैस्त्वं पृथुसुश्रोणि नैष कश्चिन्मयि स्थिते । अहमेनं हनिष्यामि पश्यन्त्यास्ते सुमध्यमे ॥

mā bhaistvaṃ pṛthusuśroṇi naiṣa kaścinmayi sthite | ahamenaṃ haniṣyāmi paśyantyāste sumadhyame

"Do not be afraid, broad-hipped one; he is nothing while I stand here. I will kill him before your eyes, slender-waisted one.

Verse 10 (1.165.10)

नायं प्रतिबलो भीरु राक्षसापसदो मम । सोढुं युधि परिस्पन्दमथवा सर्वराक्षसाः ॥

nāyaṃ pratibalo bhīru rākṣasāpasado mama | soḍhuṃ yudhi parispandamathavā sarvarākṣasāḥ

This vilest of rakshasas is no match for me, timid one; neither he nor all the rakshasas together could bear the shock of my onslaught in battle.

Verse 11 (1.165.11)

पश्य बाहू सुवृत्तौ मे हस्तिहस्तनिभाविमौ । ऊरू परिघसङ्काशौ संहतं चाप्युरो महत् ॥

paśya bāhū suvṛttau me hastihastanibhāvimau | ūrū parighasaṅkāśau saṃhataṃ cāpyuro mahat

Look at these arms of mine, well rounded like an elephant's trunk, my thighs like iron bars, and my broad, solid chest.

Verse 12 (1.165.12)

विक्रमं मे यथेन्द्रस्य साऽद्य द्रक्ष्यसि शोभने । माऽवमंस्थाः पृथुश्रोणि मत्वा मामिह मानुषम् ॥

vikramaṃ me yathendrasya sā'dya drakṣyasi śobhane | mā'vamaṃsthāḥ pṛthuśroṇi matvā māmiha mānuṣam

Today, lovely one, you will see my valour, like Indra's. Do not despise me, broad-hipped one, taking me for a mere man."

Verse 13 (1.165.13)

नावमन्ये नरव्याघ्र त्वामहं देवरूपिणम् । दृष्टप्रभावस्तु मया मानुषेष्वेव राक्षसः ॥

nāvamanye naravyāghra tvāmahaṃ devarūpiṇam | dṛṣṭaprabhāvastu mayā mānuṣeṣveva rākṣasaḥ

"I do not despise you, tiger among men; you are godlike in form. But I have seen what this rakshasa can do against men."

Verse 14 (1.165.14)

तथा संजल्पतस्तस्य भीमसेनस्य भारत । वाचः शुश्राव ताः क्रुद्धो राक्षसः पुरुषादकः ॥

tathā saṃjalpatastasya bhīmasenasya bhārata | vācaḥ śuśrāva tāḥ kruddho rākṣasaḥ puruṣādakaḥ

While Bhimasena was talking with her in this way, O Bharata, the man-eating rakshasa heard his words and grew angry.

Verse 15 (1.165.15)

अवेक्षमाणस्तस्याश्च हिडिम्बो मानुषं वपुः । स्रग्दामपूरितशिखां समग्रेन्दुनिभाननाम् ॥

avekṣamāṇastasyāśca hiḍimbo mānuṣaṃ vapuḥ | sragdāmapūritaśikhāṃ samagrendunibhānanām

Hidimba looked at her in her human form: her hair filled with garlands of flowers, her face like the full moon,

Verse 16 (1.165.16)

सुभ्रूनासाक्षिकेशान्तां सुकुमारनखत्वचम् । सर्वाभरणसंयुक्तां सुसूक्ष्माम्बरधारिणीम् ॥

subhrūnāsākṣikeśāntāṃ sukumāranakhatvacam | sarvābharaṇasaṃyuktāṃ susūkṣmāmbaradhāriṇīm

fine brows, nose, eyes and hairline, delicate nails and skin, decked with every ornament and wearing the finest of garments.

Verse 17 (1.165.17)

तां तथा मानुषं रूपं बिभ्रतीं सुमनोहरम् । पुंस्कामां शङ्कमानश्च चुक्रोध पुरुषादकः ॥

tāṃ tathā mānuṣaṃ rūpaṃ bibhratīṃ sumanoharam | puṃskāmāṃ śaṅkamānaśca cukrodha puruṣādakaḥ

Seeing her wearing that enchanting human form, and suspecting that she wanted a man, the man-eater was enraged.

Verse 18 (1.165.18)

संक्रुद्धो राक्षसस्तस्या भगिन्याः कुरुसत्तम । उत्फाल्य विपुले नेत्रे ततस्तामिदमब्रवीत् ॥

saṃkruddho rākṣasastasyā bhaginyāḥ kurusattama | utphālya vipule netre tatastāmidamabravīt

Furious with his sister, O best of the Kurus, the rakshasa opened his great eyes wide and said this to her:

Verse 19 (1.165.19)

को हि मे भोक्तुकामस्य विघ्नं चरति दुर्मतिः । न बिभेषि हिडिम्बे किं मत्कोपाद्विप्रमोहिता ॥

ko hi me bhoktukāmasya vighnaṃ carati durmatiḥ | na bibheṣi hiḍimbe kiṃ matkopādvipramohitā

"What fool stands in the way of my meal? Are you not afraid of my anger, Hidimba? Have you lost your senses?

Verse 20 (1.165.20)

धिक्त्वामसति पुंस्कामे मम विप्रियकारिणि । पूर्वेषां राक्षसेन्द्राणां सर्वेषामयशस्करि ॥

dhiktvāmasati puṃskāme mama vipriyakāriṇi | pūrveṣāṃ rākṣasendrāṇāṃ sarveṣāmayaśaskari

Shame on you, wanton, lusting after a man, doing what displeases me, bringing disgrace on all the rakshasa kings before us!

Verse 21 (1.165.21)

यानिमानाश्रिताऽकार्षीर्विप्रियं सुमहन्मम । एष तानद्य वै सर्वान्हनिष्यामि त्वया सह ॥

yānimānāśritā'kārṣīrvipriyaṃ sumahanmama | eṣa tānadya vai sarvānhaniṣyāmi tvayā saha

These men you have taken refuge with, doing me so great a wrong: I will kill them all today, and you along with them."

Note on the text: Corrected समुहन्मम → सुमहन्मम (misprint in Wikisource; transposed vowel signs in सुमहत्, "very great" — the critical edition reads sumahan mama).

Verse 22 (1.165.22)

एवमुक्त्वा हिडिम्बां स हिडिम्बो लोहितेक्षणः । वधायाभिपपातैनान्दन्तैर्दन्तानुपस्पृशन् ॥

evamuktvā hiḍimbāṃ sa hiḍimbo lohitekṣaṇaḥ | vadhāyābhipapātaināndantairdantānupaspṛśan

Having said this to Hidimba, the red-eyed Hidimba rushed at them to kill them, gnashing his teeth.

Verse 23 (1.165.23)

गर्जन्तमेवं विजने भीमसेनोऽभिवीक्ष्य तम् । रक्षन्प्रबोधं भ्रातॄणां मातुश्च परवीरहा ॥

garjantamevaṃ vijane bhīmaseno'bhivīkṣya tam | rakṣanprabodhaṃ bhrātṝṇāṃ mātuśca paravīrahā

Seeing him roaring like this in that lonely place, Bhimasena, slayer of enemy heroes, took care that his brothers and mother should not be woken.

Note on the text: Not in the critical edition (found in the vulgate recension; CE apparatus 1.140.20*1531).

Verse 24 (1.165.24)

तमापतन्तं संप्रेक्ष्य भीमः प्रहरतां वरः । भर्त्सयामास तेजस्वी तिष्ठतिष्ठेति चाब्रवीत् ॥

tamāpatantaṃ saṃprekṣya bhīmaḥ praharatāṃ varaḥ | bhartsayāmāsa tejasvī tiṣṭhatiṣṭheti cābravīt

Seeing him rushing on, Bhima, best of fighters, blazing with energy, rebuked him and cried, "Stop! Stop!"

Note on the text: Corrected तमापतान्तं → तमापतन्तं (misprint in Wikisource; ता for त in the participle आपतन्तम्, "rushing at" — the critical edition reads tam āpatantaṃ).

Verse 25 (1.165.25)

भीमसेनस्तु तं दृष्ट्वा राक्षसं प्रहसन्निव । भगिनीं प्रति सङ्क्रुद्धमिदं वचनमब्रवीत् ॥

bhīmasenastu taṃ dṛṣṭvā rākṣasaṃ prahasanniva | bhaginīṃ prati saṅkruddhamidaṃ vacanamabravīt

Bhimasena looked at the rakshasa, enraged with his sister, and said these words as if laughing:

Verse 26 (1.165.26)

किं ते हिडिम्ब एतैर्वा सुखसुप्तैः प्रबोधितैः । मामासादय दुर्बुद्धे तरसा त्वं नराशन ॥

kiṃ te hiḍimba etairvā sukhasuptaiḥ prabodhitaiḥ | māmāsādaya durbuddhe tarasā tvaṃ narāśana

"What good will it do you, Hidimba, to wake these men sleeping so peacefully? Come at me, fool, and quickly, eater of men.

Verse 27 (1.165.27)

मय्येव प्रहरैहि त्वं न स्त्रियं हन्तुमर्हसि । विशेषतोऽनपकृते परेणापकृते सति ॥

mayyeva praharaihi tvaṃ na striyaṃ hantumarhasi | viśeṣato'napakṛte pareṇāpakṛte sati

Strike at me alone; come on. You ought not to kill a woman, least of all one who has done no wrong, when the wrong was done by another.

Verse 28 (1.165.28)

न हीयं स्ववशा बाला कामयत्यद्य मामिह । चोदितैषा ह्यनङ्गेन शरीरान्तरचारिणा ॥

na hīyaṃ svavaśā bālā kāmayatyadya māmiha | coditaiṣā hyanaṅgena śarīrāntaracāriṇā

This girl is not acting of her own will in desiring me here today; she has been driven by Ananga, the bodiless god of love, who moves within the body.

Note on the text: = CE 1.141.4ab–cd, aligned by hand.

Verse 29 (1.165.29)

भगिनी तव दुर्वृत्त रक्षसां वै यशोहर । त्वन्नियोगेन चैवेयं रूपं मम समीक्ष्य च ॥

bhaginī tava durvṛtta rakṣasāṃ vai yaśohara | tvanniyogena caiveyaṃ rūpaṃ mama samīkṣya ca

Your sister, villain, you who rob the rakshasas of their good name, came here at your command; and seeing my form,

Note on the text: = CE 1.141.4ef + 5ab, aligned by hand; the critical edition reads durbuddhe rākṣasānāṃ for दुर्वृत्त रक्षसां वै.

Verse 30 (1.165.30)

कामयत्यद्य मां भीरुस्तव नैषापराध्यति । अनङ्गेन कृते दोषे नेमां गर्हितुमर्हसि ॥

kāmayatyadya māṃ bhīrustava naiṣāparādhyati | anaṅgena kṛte doṣe nemāṃ garhitumarhasi

the timid girl now desires me; she is not at fault. When the fault is Ananga's doing, you should not blame her.

Note on the text: = CE 1.141.5cd + 6ab, aligned by hand; the critical edition reads naiṣā dūṣayate kulam and nemāṃ tvam iha rākṣasa for the two half-lines' endings.

Verse 31 (1.165.31)

मयि तिष्ठति दुष्टात्मन्न स्त्रियं हन्तुमर्हसि । संगच्छस्व मया सार्धमेकेनैको नराशन ॥

mayi tiṣṭhati duṣṭātmanna striyaṃ hantumarhasi | saṃgacchasva mayā sārdhamekenaiko narāśana

While I stand here, evil one, you shall not kill a woman. Meet me, eater of men, one against one.

Note on the text: = CE 1.141.6cd + 7ab, aligned by hand; the critical edition reads samāgaccha for संगच्छस्व.

Verse 32 (1.165.32)

अहमेको गमिष्यामि त्वामद्य यमसादनम् । अद्य मद्बलनिष्पिष्टं शिरो राक्षस दीर्यताम् । कुञ्जरस्येव पादेन विनिष्पिष्टं बलीयसः ॥

ahameko gamiṣyāmi tvāmadya yamasādanam | adya madbalaniṣpiṣṭaṃ śiro rākṣasa dīryatām | kuñjarasyeva pādena viniṣpiṣṭaṃ balīyasaḥ

I alone will send you today to the abode of Yama. Today, rakshasa, let your head be shattered, crushed by my strength, as if crushed beneath the foot of a mighty elephant.

Note on the text: Corrected बलीयसाः → बलीयसः (misprint in Wikisource; a stray long ā in the genitive बलीयसः, "of a mighty one" — the critical edition reads balīyasaḥ). = CE 1.141.7cd + 8ab–cd, aligned by hand; the critical edition reads aham eva nayiṣyāmi and talaniṣpiṣṭaṃ.

Verse 33 (1.165.33)

अद्य गात्राणि ते कङ्काः श्येना गोमायवस्तथा । कर्षन्तु भुवि संहृष्टा निहतस्य मया मृधे ॥

adya gātrāṇi te kaṅkāḥ śyenā gomāyavastathā | karṣantu bhuvi saṃhṛṣṭā nihatasya mayā mṛdhe

Today let herons, hawks and jackals gleefully drag your limbs across the ground, once I have slain you in battle.

Verse 34 (1.165.34)

क्षणेनाद्य करिष्येऽहमिदं वनमराक्षसम् । पुरा यद्दूषितं नित्यं त्वया भक्षयता नरान् ॥

kṣaṇenādya kariṣye'hamidaṃ vanamarākṣasam | purā yaddūṣitaṃ nityaṃ tvayā bhakṣayatā narān

In a moment today I will rid this forest of rakshasas, this forest that you have long defiled by devouring men.

Verse 35 (1.165.35)

अद्य त्वां भगिनी रक्षः कृष्यमाणं मयाऽसकृत् । द्रक्ष्यत्यद्रिप्रतीकाशं सिंहेनेव महाद्विपम् ॥

adya tvāṃ bhaginī rakṣaḥ kṛṣyamāṇaṃ mayā'sakṛt | drakṣyatyadripratīkāśaṃ siṃheneva mahādvipam

Today, rakshasa, your sister will see you, huge as a mountain, dragged about by me again and again, like a great elephant by a lion.

Verse 36 (1.165.36)

निराबाधास्त्वयि हते मया राक्षसपांसन । वनमेतच्चरिष्यन्ति पुरुषा वनचारिणः ॥

nirābādhāstvayi hate mayā rākṣasapāṃsana | vanametaccariṣyanti puruṣā vanacāriṇaḥ

Once I have slain you, you disgrace of the rakshasas, the men who roam the woods will wander this forest unmolested."

Verse 37 (1.165.37)

गर्जितेन वृथा किं ते कत्थितेन च मानुष । कृत्वैतत्कर्मणा सर्वं कत्थेथा मा चिरं कृथाः ॥

garjitena vṛthā kiṃ te katthitena ca mānuṣa | kṛtvaitatkarmaṇā sarvaṃ katthethā mā ciraṃ kṛthāḥ

"What is the use of your empty roaring and boasting, human? Do all this in deed first, then boast; do not delay.

Note on the text: Corrected कत्थेया → कत्थेथा (misprint in Wikisource; य for थ in the optative कत्थेथाः, "you may boast" — the critical edition reads katthethā).

Verse 38 (1.165.38)

बलिनं मन्यसे यच्चाप्यात्मानं सपराक्रमम् । ज्ञास्यस्यद्य समागम्य मयात्मानं बलाधिकम् ॥

balinaṃ manyase yaccāpyātmānaṃ saparākramam | jñāsyasyadya samāgamya mayātmānaṃ balādhikam

You think yourself strong and full of valour; when you meet me today you will learn that I am the stronger.

Verse 39 (1.165.39)

न तावदेतान्हिंसिष्ये स्वपन्त्वेते यथासुखम् । एष त्वामेव दुर्बुद्धे निहन्म्यद्याप्रियंवदम् ॥

na tāvadetānhiṃsiṣye svapantvete yathāsukham | eṣa tvāmeva durbuddhe nihanmyadyāpriyaṃvadam

For now I will not harm these; let them sleep on in comfort. It is you, fool, you of the hateful tongue, that I will kill today.

Verse 40 (1.165.40)

पीत्वा तवासृग्गात्रेभ्यस्ततः पश्चादिमानपि । हनिष्यामि ततः पश्चादिमां विप्रियकारिणीम् ॥

pītvā tavāsṛggātrebhyastataḥ paścādimānapi | haniṣyāmi tataḥ paścādimāṃ vipriyakāriṇīm

When I have drunk the blood from your limbs, I will kill these too, and after them this woman who has done me wrong."

Verse 41 (1.165.41)

एवमुक्त्वा ततो बाहुं प्रगृह्य पुरुषादकः । अभ्यद्रवत संक्रुद्धो भीमसेनमरिन्दमम् ॥

evamuktvā tato bāhuṃ pragṛhya puruṣādakaḥ | abhyadravata saṃkruddho bhīmasenamarindamam

With these words the man-eater, in a rage, stretched out his arm and rushed at Bhimasena, tamer of foes.

Verse 42 (1.165.42)

तस्याभिद्रवतस्तूर्णं भीमो भीमपराक्रमः । वेगेन प्रहितं बाहुं निजग्राह हसन्निव ॥

tasyābhidravatastūrṇaṃ bhīmo bhīmaparākramaḥ | vegena prahitaṃ bāhuṃ nijagrāha hasanniva

As he rushed swiftly on, Bhima of fearsome valour caught the arm he had thrust out with force, as if laughing.

Verse 43 (1.165.43)

निगृह्य तं बलाद्भीमो विस्फुरन्तं चकर्ष ह । तस्माद्देशाद्धनूंष्यष्टौ सिंहः क्षुद्रमृगं यथा ॥

nigṛhya taṃ balādbhīmo visphurantaṃ cakarṣa ha | tasmāddeśāddhanūṃṣyaṣṭau siṃhaḥ kṣudramṛgaṃ yathā

Seizing him by force as he struggled, Bhima dragged him eight bow-lengths from that spot, as a lion drags a small deer.

Verse 44 (1.165.44)

ततः स राक्षसः क्रुद्धः पाण्डवेन बलार्दितः । भीमसेनं समालिङ्ग्य व्यनदद्भैरवं रवम् ॥

tataḥ sa rākṣasaḥ kruddhaḥ pāṇḍavena balārditaḥ | bhīmasenaṃ samāliṅgya vyanadadbhairavaṃ ravam

Then the rakshasa, enraged and hard pressed by the Pandava's strength, clasped Bhimasena in his arms and let out a terrible roar.

Verse 45 (1.165.45)

पुनर्भीमो बलादेनं विचकर्ष महाबलः । मा शब्दः सुखसुप्तानां भ्रातॄणां मे भवेदिति ॥

punarbhīmo balādenaṃ vicakarṣa mahābalaḥ | mā śabdaḥ sukhasuptānāṃ bhrātṝṇāṃ me bhavediti

Again mighty Bhima dragged him off by force, so that no noise should reach his brothers sleeping peacefully.

Verse 46 (1.165.46)

हस्ते गृहीत्वा तद्रक्षो दूरमन्यत्र नीतवान् । पुच्छे गृहीत्वा तुण्डेन गरुडः पन्नगं यथा ॥

haste gṛhītvā tadrakṣo dūramanyatra nītavān | pucche gṛhītvā tuṇḍena garuḍaḥ pannagaṃ yathā

Grasping the rakshasa by the hand, he took him far away, as Garuda carries off a snake seized by the tail in his beak.

Note on the text: Removed the wiki marks (backtick at the start; an inner ।। and a quote mark at the end). Corrected पृच्छे → पुच्छे (misprint in Wikisource; ृ for ु in पुच्छे, "by the tail" — the critical edition's apparatus reads pucche). Not in the critical edition (found in the vulgate recension; CE apparatus 1.141.21*1536).

Verse 47 (1.165.47)

अन्योन्यं तौ समासाद्य विचकर्षतुरोजसा । हिडिम्बो भीमसेनश्च विक्रमं चक्रतुः परम् ॥

anyonyaṃ tau samāsādya vicakarṣaturojasā | hiḍimbo bhīmasenaśca vikramaṃ cakratuḥ param

Closing with each other, the two dragged at each other with all their might; Hidimba and Bhimasena displayed supreme prowess.

Verse 48 (1.165.48)

बभञ्जतुस्तदा वृक्षाँल्लताश्चाकर्षतुस्तदा । मत्ताविव च संरब्धौ वारणौ षष्टिहायनौ ॥

babhañjatustadā vṛkṣām̐llatāścākarṣatustadā | mattāviva ca saṃrabdhau vāraṇau ṣaṣṭihāyanau

Then they broke trees and tore down creepers, enraged like two maddened sixty-year-old elephants.

Note on the text: Corrected मत्ताविव चं संरब्धौ → मत्ताविव च संरब्धौ (misprint in Wikisource; a stray anusvara on the particle च).

Verse 49 (1.165.49)

पादपानुद्धरन्तौ तावूरुवेगेन वेगितौ । स्फोटयन्तौ लताजालान्यूरुभ्यां गृह्य सर्वशः ॥

pādapānuddharantau tāvūruvegena vegitau | sphoṭayantau latājālānyūrubhyāṃ gṛhya sarvaśaḥ

They uprooted trees with the force of their thighs and tore apart tangles of creepers everywhere, gripping them with their thighs,

Note on the text: Removed the wiki mark (backtick) at the start of the verse. Not in the critical edition (found in the vulgate recension; CE apparatus 1.141.23*1538, lines 1–2).

Verse 50 (1.165.50)

वित्रासयन्तौ तौ शब्दैः सर्वतो मृगपक्षिणः । बलेन बलिनौ मत्तावन्योन्यवधकाङ्क्षिणौ ॥

vitrāsayantau tau śabdaiḥ sarvato mṛgapakṣiṇaḥ | balena balinau mattāvanyonyavadhakāṅkṣiṇau

terrifying the beasts and birds on every side with their noise, mighty and maddened, each bent on killing the other.

Note on the text: Not in the critical edition (found in the vulgate recension; CE apparatus 1.141.23*1538, lines 3–4).

Verse 51 (1.165.51)

भीमराक्षसयोर्युद्धं तदाऽवर्तत दारुणम् । पुरा देवासुरे युद्धे वृत्रवासवयोरिव ॥

bhīmarākṣasayoryuddhaṃ tadā'vartata dāruṇam | purā devāsure yuddhe vṛtravāsavayoriva

A dreadful battle then raged between Bhima and the rakshasa, like the fight of Vritra and Vasava (Indra) long ago in the war of the gods and asuras.

Note on the text: Not in the critical edition (found in the vulgate recension; CE apparatus 1.141.23*1538, line 5, and 1.141.23*1539).

Verse 52 (1.165.52)

भङ्क्त्वा वृक्षान्महाशाखांस्ताडयामासतुः क्रुधा । सालतालतमालाम्रवटार्जुनविभीतकान् ॥

bhaṅktvā vṛkṣānmahāśākhāṃstāḍayāmāsatuḥ krudhā | sālatālatamālāmravaṭārjunavibhītakān

In their fury they broke off trees with great branches and beat each other with them: sal, tala palm, tamala, mango, vata, arjuna and vibhitaka,

Note on the text: Corrected भङूक्त्वा → भङ्क्त्वा (misprint in Wikisource; a broken conjunct in the absolutive भङ्क्त्वा, "having broken" — the critical edition's apparatus reads bhaṅktvā). Not in the critical edition (found in the vulgate recension; CE apparatus 1.141.22*1537, lines 1–2).

Verse 53 (1.165.53)

न्यग्रोधप्लक्षखर्जूरपनसानश्मकण्टकान् । एतानन्यान्महावृक्षानुत्खाय तरसाऽखिलान् ॥

nyagrodhaplakṣakharjūrapanasānaśmakaṇṭakān | etānanyānmahāvṛkṣānutkhāya tarasā'khilān

nyagrodha, plaksha, date palm, jackfruit and ashmakantaka; these and other great trees they tore up bodily with all their strength,

Note on the text: Not in the critical edition (found in the vulgate recension; CE apparatus 1.141.22*1537, lines 3–4).

Verse 54 (1.165.54)

उत्क्षिप्यान्योन्यरोषेण ताडयामासतू रणे । यदाऽभवद्वनं सर्वं निर्वृक्षं वृक्षसङ्कुलम् ॥

utkṣipyānyonyaroṣeṇa tāḍayāmāsatū raṇe | yadā'bhavadvanaṃ sarvaṃ nirvṛkṣaṃ vṛkṣasaṅkulam

and hurled them at each other in their mutual rage in that fight. When the whole forest, once thick with trees, had been stripped of its trees,

Note on the text: Not in the critical edition (found in the vulgate recension; CE apparatus 1.141.22*1537, lines 5–6).

Verse 55 (1.165.55)

तदा शिलाश्च कुञ्जांश्च वृक्षान्कण्टकिनस्तथा । ततस्तौ गिरिशृङ्गाणि पर्वतांश्चाभ्रलेलिहान् ॥

tadā śilāśca kuñjāṃśca vṛkṣānkaṇṭakinastathā | tatastau giriśṛṅgāṇi parvatāṃścābhralelihān

then they took up rocks and thickets and thorny trees. Then those two foes tore up mountain peaks and hills that licked the clouds,

Note on the text: Not in the critical edition (found in the vulgate recension; CE apparatus 1.141.22*1537, lines 7–8).

Verse 56 (1.165.56)

शैलांश्च गण्डपाषाणानुत्खायादाय वैरिणौ । चिक्षेपतुरुपर्याजावन्योन्यं विजयेषिणौ ॥

śailāṃśca gaṇḍapāṣāṇānutkhāyādāya vairiṇau | cikṣepaturuparyājāvanyonyaṃ vijayeṣiṇau

crags and boulders, and seizing them, each eager for victory, hurled them at each other in the fight.

Note on the text: Not in the critical edition (found in the vulgate recension; CE apparatus 1.141.22*1537, lines 9–10).

Verse 57 (1.165.57)

तद्वनं परितः पञ्चयोजनं निर्महीरुहम् । निर्लतागुल्मपाषाणं निर्मृगं चक्रतुर्भृशम् ॥

tadvanaṃ paritaḥ pañcayojanaṃ nirmahīruham | nirlatāgulmapāṣāṇaṃ nirmṛgaṃ cakraturbhṛśam

For five yojanas all around they utterly stripped that forest of its trees, its creepers, shrubs and stones, and its beasts.

Note on the text: Not in the critical edition (found in the vulgate recension; CE apparatus 1.141.22*1537, lines 11–12).

Verse 58 (1.165.58)

तयोर्युद्धेन राजेन्द्र तद्वनं भीमरक्षसोः । मुहूर्तेनाभवत्कूर्मपृष्ठवच्छ्लक्ष्णमव्ययम् ॥

tayoryuddhena rājendra tadvanaṃ bhīmarakṣasoḥ | muhūrtenābhavatkūrmapṛṣṭhavacchlakṣṇamavyayam

Through the fight of Bhima and the rakshasa, O king of kings, that forest in a moment became as smooth and bare as a tortoise's back.

Note on the text: Corrected कूमर्पृष्ठ → कूर्मपृष्ठ (misprint in Wikisource; a misplaced repha in कूर्म, "tortoise" — the critical edition's apparatus reads kūrmapṛṣṭhavac). Not in the critical edition (found in the vulgate recension; CE apparatus 1.141.22*1537, lines 13–14).

Verse 59 (1.165.59)

ऊरुबाहुपरिक्लेशात्कर्षन्तावितरेतरम् । उत्कर्षन्तौ विकर्षन्तौ प्रकर्षन्तौ परस्परम् ॥

ūrubāhuparikleśātkarṣantāvitaretaram | utkarṣantau vikarṣantau prakarṣantau parasparam

Straining with thighs and arms, they dragged each other back and forth, pulling up, pulling apart, pulling forward.

Note on the text: Not in the critical edition (found in the vulgate recension; CE apparatus 1.141.23*1538, lines 6–7).

Verse 60 (1.165.60)

तौ स्वनेन विना राजन्गर्जन्तौ च परस्परम् । पाषाणसंघट्टनिभैः प्रहारैरभिजघ्नतुः ॥

tau svanena vinā rājangarjantau ca parasparam | pāṣāṇasaṃghaṭṭanibhaiḥ prahārairabhijaghnatuḥ

Roaring at each other wordlessly, O king, they struck each other with blows like the crash of rocks.

Note on the text: Not in the critical edition (found in the vulgate recension; CE apparatus 1.141.23*1538, lines 8–9 (which read tataḥ śabdena mahatā for तौ स्वनेन विना राजन्)).

Verse 61 (1.165.61)

अन्योन्यं च समालिङ्ग्य विकर्षन्तौ परस्परम् । बाहुयुद्धमभूद्धोरं बलिवासवयोरिव । युद्धसंरम्भनिर्गच्छत्फूत्काररवनिस्वनम् ॥

anyonyaṃ ca samāliṅgya vikarṣantau parasparam | bāhuyuddhamabhūddhoraṃ balivāsavayoriva | yuddhasaṃrambhanirgacchatphūtkāraravanisvanam

Clasping each other and dragging each other about, they fought a terrible wrestling bout, like that of Bali and Vasava (Indra), loud with the hissing snorts that burst from them in the heat of the fight.

Note on the text: Removed the wiki marks (an inner ।। and a quote mark) at the end of the verse. Not in the critical edition (found in the vulgate recension; CE apparatus 1.141.23*1538, lines 10–12).

Verse 62 (1.165.62)

तयोः शब्देन महता विबुद्धास्ते नरर्षभाः । सह मात्रा च ददृशुर्हिडिम्बामग्रतःस्थिताम् ॥

tayoḥ śabdena mahatā vibuddhāste nararṣabhāḥ | saha mātrā ca dadṛśurhiḍimbāmagrataḥsthitām

Woken by that tremendous noise, those bulls among men, together with their mother, saw Hidimba standing before them.