Bhima Slays Hidimba

Verse 1 (1.166.1)

प्रबुद्धास्ते हिडिम्बाया रूपं दृष्ट्वातिमानुषम् । विस्मिताः पुरुषव्याघ्रा बभूवुः पृथया सह ॥

prabuddhāste hiḍimbāyā rūpaṃ dṛṣṭvātimānuṣam | vismitāḥ puruṣavyāghrā babhūvuḥ pṛthayā saha

When they woke and saw Hidimba's more than human beauty, those tigers among men were astonished, and so was Pritha.

Verse 2 (1.166.2)

ततः कुन्ती समीक्ष्यैनां विस्मिता रूपसंपदा । उवाच मधुरं वाक्यं सान्त्वपूर्वमिदं शनैः ॥

tataḥ kuntī samīkṣyaināṃ vismitā rūpasaṃpadā | uvāca madhuraṃ vākyaṃ sāntvapūrvamidaṃ śanaiḥ

Then Kunti, looking her over and marvelling at her beauty, spoke to her gently, in sweet and soothing words:

Note on the text: Corrected शैनः → शनैः (misprint in Wikisource; transposed vowel signs; CE śanaiḥ).

Verse 3 (1.166.3)

कस्य त्वं सुरगर्भाभे कावाऽसि वरवर्णिनि । केन कार्येण संप्राप्ता कुतश्चागमनं तव ॥

kasya tvaṃ suragarbhābhe kāvā'si varavarṇini | kena kāryeṇa saṃprāptā kutaścāgamanaṃ tava

Whose daughter are you, you who shine like a child of the gods? Who are you, lovely one? On what errand have you come, and from where?

Note on the text: Speaker set to Kunti (input carried over Vaishampayana): Wikisource prints no heading, but verses 3–4 are the questions announced in verse 2.

Verse 4 (1.166.4)

यदि वाऽस्य वनस्य त्वं देवता यदि वाऽप्सराः । आचक्ष्व मम तत्सर्वं किमर्थं चेह तिष्ठसि ॥

yadi vā'sya vanasya tvaṃ devatā yadi vā'psarāḥ | ācakṣva mama tatsarvaṃ kimarthaṃ ceha tiṣṭhasi

Are you the goddess of this forest, or an apsara? Tell me everything, and why you are standing here.

Note on the text: Speaker set to Kunti (see verse 3).

Verse 5 (1.166.5)

यदेतत्पश्यसि वनं नीलमेघनिभं महत् । निवासो राक्षसस्यैष हिडिम्बस्य ममैव च ॥

yadetatpaśyasi vanaṃ nīlameghanibhaṃ mahat | nivāso rākṣasasyaiṣa hiḍimbasya mamaiva ca

This great forest you see, dark as a blue rain-cloud, is the home of the rakshasa Hidimba, and mine as well.

Note on the text: Corrected नीलमेघनिं → नीलमेघनिभं (misprint in Wikisource; dropped akshara भ; the line is a syllable short; CE nīlameghanibham).

Verse 6 (1.166.6)

तस्य मां राक्षसेन्द्रस्य भगिनीं विद्धि भामिनि । भ्रात्रा संप्रेषितामार्ये त्वां सपुत्रां जिघांसता ॥

tasya māṃ rākṣasendrasya bhaginīṃ viddhi bhāmini | bhrātrā saṃpreṣitāmārye tvāṃ saputrāṃ jighāṃsatā

Know me, lady, to be the sister of that lord of the rakshasas. My brother sent me here, noble one, because he meant to kill you and your sons.

Note on the text: Corrected विद्दि → विद्धि (misprint in Wikisource; द्द for द्ध; CE viddhi).

Verse 7 (1.166.7)

क्रूरबुद्धेरहं तस्य वचनादागता त्विह । अद्राक्षं नवहेमाभं तव पुत्रं महाबलम् ॥

krūrabuddherahaṃ tasya vacanādāgatā tviha | adrākṣaṃ navahemābhaṃ tava putraṃ mahābalam

I came here at the bidding of that cruel-minded one, and I saw your mighty son, shining like new gold.

Verse 8 (1.166.8)

ततोऽहं सर्वभूतानां भावे विचरता शुभे । चोदिता तव पुत्रार्थं मन्मथेन वशानुगा ॥

tato'haṃ sarvabhūtānāṃ bhāve vicaratā śubhe | coditā tava putrārthaṃ manmathena vaśānugā

Then, good lady, Love, who moves in the hearts of all beings, urged me on, and I fell under his sway for your son.

Verse 9 (1.166.9)

ततो वृतो मया भर्ता तव पुत्रो महाबलः । अपनेतुं च यतितो न चैव शकितो मया ॥

tato vṛto mayā bhartā tava putro mahābalaḥ | apanetuṃ ca yatito na caiva śakito mayā

So I chose your mighty son as my husband. I tried to carry him away, but I could not.

Verse 10 (1.166.10)

चिरायमाणां मां ज्ञात्वा ततः स पुरुषादकः । स्वयमेवागतो हन्तुमिमान्सर्वांस्तवात्मजान् ॥

cirāyamāṇāṃ māṃ jñātvā tataḥ sa puruṣādakaḥ | svayamevāgato hantumimānsarvāṃstavātmajān

When that man-eater saw that I was taking too long, he came himself to kill all these sons of yours.

Verse 11 (1.166.11)

स तेन मम कान्तेन तव पुत्रेण धीमता । बलादितो विनिष्पिष्य व्यपनीतो महात्मना ॥

sa tena mama kāntena tava putreṇa dhīmatā | balādito viniṣpiṣya vyapanīto mahātmanā

My beloved, your wise and great-hearted son, has crushed him by force and dragged him away from here.

Verse 12 (1.166.12)

विकर्षन्तौ महावेगौ गर्जमानौ परस्परम् । पश्यैवं युधि विक्रान्तावेतौ च नरराक्षसौ ॥

vikarṣantau mahāvegau garjamānau parasparam | paśyaivaṃ yudhi vikrāntāvetau ca nararākṣasau

Look: there the two of them are, man and rakshasa, swift and valiant in battle, dragging each other about and roaring at each other.

Verse 13 (1.166.13)

तस्याः श्रुत्वैव वचनमुत्पपात युधिष्ठिरः । अर्जुनो नकुलश्चैव सहदेवश्च वीर्यवान् ॥

tasyāḥ śrutvaiva vacanamutpapāta yudhiṣṭhiraḥ | arjuno nakulaścaiva sahadevaśca vīryavān

As soon as they heard her words, Yudhishthira sprang up, and Arjuna, Nakula and the valiant Sahadeva too.

Verse 14 (1.166.14)

तौ ते ददृशुरासक्तौ विकर्षन्तौ परस्परम् । काङ्क्षमाणौ जयं चैव सिंहाविव बलोत्कटौ ॥

tau te dadṛśurāsaktau vikarṣantau parasparam | kāṅkṣamāṇau jayaṃ caiva siṃhāviva balotkaṭau

They saw the two locked together, dragging each other back and forth, each eager to win, like two lions mad with strength.

Verse 15 (1.166.15)

अथान्योन्यं समाश्लिष्य विकर्षन्तौ पुनःपुनः । दावाग्निधूमसदृशं चक्रतुः पार्थिवं रजः ॥

athānyonyaṃ samāśliṣya vikarṣantau punaḥpunaḥ | dāvāgnidhūmasadṛśaṃ cakratuḥ pārthivaṃ rajaḥ

Grappling and dragging each other again and again, they raised a cloud of dust like the smoke of a forest fire.

Verse 16 (1.166.16)

वसुधारेणुसंवीतौ वसुधाधरसन्निभौ । बभ्राजतुर्यथा शैलौ नीहारेणाभिसंवृतौ ॥

vasudhāreṇusaṃvītau vasudhādharasannibhau | babhrājaturyathā śailau nīhāreṇābhisaṃvṛtau

Covered in the dust of the earth and huge as mountains, they shone like two peaks wrapped in mist.

Verse 17 (1.166.17)

राक्षसेन तदा भीमं क्लिश्यमानं निरीक्ष्य च । उवाचेदं वचः पार्थः प्रहसञ्छनकैरिव ॥

rākṣasena tadā bhīmaṃ kliśyamānaṃ nirīkṣya ca | uvācedaṃ vacaḥ pārthaḥ prahasañchanakairiva

Seeing Bhima hard pressed by the rakshasa, Pritha's son Arjuna spoke, with a slight smile:

Verse 18 (1.166.18)

भीम माभैर्महाबाहो न त्वां बुध्यामहे वयम् । समेतं भीमरूपेण रक्षसा श्रमकर्शिताः ॥

bhīma mābhairmahābāho na tvāṃ budhyāmahe vayam | sametaṃ bhīmarūpeṇa rakṣasā śramakarśitāḥ

Do not be afraid, mighty-armed Bhima. Worn out as we were, we did not know that you had met this terrible rakshasa.

Note on the text: Speaker set to Arjuna (input carried over Vaishampayana): Wikisource prints no heading, but verses 18–19 are the words of 'Partha' announced in verse 17.

Verse 19 (1.166.19)

साहाय्येऽस्मि स्थितः पार्थ पातयिष्यामि राक्षसम् । नकुलः सहदेवश्च मातरं गोपयिष्यतः ॥

sāhāyye'smi sthitaḥ pārtha pātayiṣyāmi rākṣasam | nakulaḥ sahadevaśca mātaraṃ gopayiṣyataḥ

I am here to help you, Partha; I will bring the rakshasa down. Nakula and Sahadeva will guard our mother.

Note on the text: Speaker set to Arjuna (see verse 18).

Verse 20 (1.166.20)

उदासीनो निरीक्षस्व न कार्यः संभ्रमस्त्वया । न जात्वयं पुनर्जीवेन्मद्बाह्वन्तरमागतः ॥

udāsīno nirīkṣasva na kāryaḥ saṃbhramastvayā | na jātvayaṃ punarjīvenmadbāhvantaramāgataḥ

Stand aside and watch; there is no need for you to be alarmed. Now that he has come between my arms, he will never live again.

Verse 21 (1.166.21)

भुजयोरन्तरं प्राप्तो भीमसेनस्य राक्षसः । अमृत्वा पार्थवीर्येण मृतो मा भूदिति ध्वनिः ॥

bhujayorantaraṃ prāpto bhīmasenasya rākṣasaḥ | amṛtvā pārthavīryeṇa mṛto mā bhūditi dhvaniḥ

Let it never be said that a rakshasa came between Bhimasena's arms and then died by anything other than the might of Pritha's son.

Note on the text: Removed stray wiki marks (backtick, quote mark or doubled danda) from the Wikisource text. Not in the critical edition (found in the vulgate recension; star passage 1543).

Verse 22 (1.166.22)

अयमस्मांस्तु नो हन्याज्जातु पार्थ राक्षसः । जीवन्तं न प्रमोक्ष्यामि मा भैषीर्भरतर्षभ ॥

ayamasmāṃstu no hanyājjātu pārtha rākṣasaḥ | jīvantaṃ na pramokṣyāmi mā bhaiṣīrbharatarṣabha

This rakshasa will never kill us, Partha. I will not let him go alive. Have no fear, bull of the Bharatas.

Note on the text: Removed stray wiki marks (backtick, quote mark or doubled danda) from the Wikisource text. Not in the critical edition (found in the vulgate recension; star passage 1543).

Verse 23 (1.166.23)

पूर्वरात्रे प्रयुक्तोऽसि भीम क्रूरेण रक्षसा । क्षपा व्युष्टा न चेदानीं समाप्तोऽसि महारणम् ॥

pūrvarātre prayukto'si bhīma krūreṇa rakṣasā | kṣapā vyuṣṭā na cedānīṃ samāpto'si mahāraṇam

You have been grappling with this cruel rakshasa since early in the night, Bhima. The night is over, and still you have not finished this great fight.

Note on the text: Removed stray wiki marks (backtick, quote mark or doubled danda) from the Wikisource text. Corrected समाप्तोसीन्महारणः → समाप्तोऽसि महारणम् (misprint in Wikisource; समाप्तोसीन् is not a valid form and leaves the line without sense; star passage 1544 reads samāpto 'si mahāraṇam). Not in the critical edition (found in the vulgate recension; star passage 1544). Wikisource's प्रयुक्तोऽसि (star passage: prabuddho 'si) is kept.

Verse 24 (1.166.24)

किमनेन चिरं भीम जीवता पापरक्षसा । गन्तव्ये न चिरं स्थातुमिह शक्यमरिन्दम ॥

kimanena ciraṃ bhīma jīvatā pāparakṣasā | gantavye na ciraṃ sthātumiha śakyamarindama

What is the use of letting this wicked rakshasa live any longer, Bhima? We have to go, tamer of foes; we cannot stay here long.

Note on the text: Corrected किमेनन → किमनेन (misprint in Wikisource; transposed vowel; CE kim anena).

Verse 25 (1.166.25)

पुरा संरज्यते प्राची पुरा सन्ध्या प्रवर्तते । रौद्रे मुहूर्ते रक्षांसि प्रबलानि भवन्त्युत ॥

purā saṃrajyate prācī purā sandhyā pravartate | raudre muhūrte rakṣāṃsi prabalāni bhavantyuta

Do it before the east turns red, before the twilight comes on; for at that fearsome hour rakshasas grow strong.

Verse 26 (1.166.26)

त्वरस्व भीम मा क्रीड जहि रक्षो विभीषणम् । पुरा विकुरुते मायां भुजयोः सारमर्पय ॥

tvarasva bhīma mā krīḍa jahi rakṣo vibhīṣaṇam | purā vikurute māyāṃ bhujayoḥ sāramarpaya

Hurry, Bhima, do not play with him. Kill this dreadful rakshasa before he works his magic. Put all the strength of your arms into it.

Verse 27 (1.166.27)

माहात्म्यमात्मनो वेत्थ नराणां हितकाम्यया । रक्षो जहि यथा शक्रः पुरा वृत्रं महाबलम् ॥

māhātmyamātmano vettha narāṇāṃ hitakāmyayā | rakṣo jahi yathā śakraḥ purā vṛtraṃ mahābalam

You know your own greatness. For the good of men, kill this rakshasa, as Shakra once killed the mighty Vritra.

Note on the text: Removed stray wiki marks (backtick, quote mark or doubled danda) from the Wikisource text. Not in the critical edition (found in the vulgate recension; star passage 1545). Wikisource's महाबलम् (star passage: mahāvane) is kept.

Verse 28 (1.166.28)

अथवा मन्यसे भारं त्वमिमं राक्षसं युधि । आतिष्ठे तव साहाय्यं शीघ्रमेव तु हन्यताम् ॥

athavā manyase bhāraṃ tvamimaṃ rākṣasaṃ yudhi | ātiṣṭhe tava sāhāyyaṃ śīghrameva tu hanyatām

Or, if you find this rakshasa too heavy a burden in the fight, I will come and help you; let him be killed quickly.

Verse 29 (1.166.29)

अथवा त्वहमेवैनं हनिष्यामि वृकोदर । कृतकर्मा परिश्रान्तः साधु तावदुपारम ॥

athavā tvahamevainaṃ haniṣyāmi vṛkodara | kṛtakarmā pariśrāntaḥ sādhu tāvadupārama

Or else I will kill him myself, Vrikodara. You have done your part and are tired; rest for a while.

Note on the text: Removed stray wiki marks (backtick, quote mark or doubled danda) from the Wikisource text.

Verse 30 (1.166.30)

अर्जुनेनैवमुक्तस्तु भीमो रोषाज्ज्वलन्निव । बलमाहारयामास यद्वायोर्जगतः क्षये ॥

arjunenaivamuktastu bhīmo roṣājjvalanniva | balamāhārayāmāsa yadvāyorjagataḥ kṣaye

Spoken to in this way by Arjuna, Bhima, blazing as it were with anger, summoned up a strength like that of the wind at the end of the world.

Note on the text: The automatic alignment found no match. The opening words match 1.142.24a of the critical edition (arjunenaivam uktas tu bhīmo); the rest of the verse is not in its constituted text (found in the vulgate recension; star passage 1546).

Verse 31 (1.166.31)

ततस्तस्याम्बुदाभस्य भीमो रोषात्तु रक्षसः । उत्क्षिप्याभ्रामयद्देहं तूर्णं शतगुणं तदा ॥

tatastasyāmbudābhasya bhīmo roṣāttu rakṣasaḥ | utkṣipyābhrāmayaddehaṃ tūrṇaṃ śataguṇaṃ tadā

Then Bhima, in his fury, lifted the body of that cloud-dark rakshasa and swiftly whirled it round a hundred times.

Note on the text: Corrected अत्क्षिप्याभ्रामयद्देहं → उत्क्षिप्याभ्रामयद्देहं (misprint in Wikisource; अ for उ; CE utkṣipyābhrāmayad deham). The automatic alignment found no match. The first line is not in the critical edition (found in the vulgate recension; star passage 1546); the second line is a variant of 1.142.24cd.

Verse 32 (1.166.32)

इति चोवाच संक्रुद्धो भ्रामयन्राक्षसीं तनुम् । भीमसेनो महाबाहुरभिगर्जन्मुहुर्मुहुः ॥

iti covāca saṃkruddho bhrāmayanrākṣasīṃ tanum | bhīmaseno mahābāhurabhigarjanmuhurmuhuḥ

And as he whirled the rakshasa's body, mighty-armed Bhimasena, in a great rage and roaring again and again, said:

Note on the text: Removed stray wiki marks (backtick, quote mark or doubled danda) from the Wikisource text. Not in the critical edition (found in the vulgate recension; star passage 1547).

Verse 33 (1.166.33)

नरमांसैर्वृथा पुष्टो वृथा वृद्धो वृथामतिः । वृथामरणमर्हस्त्वं वृथाद्य न भविष्यसि ॥

naramāṃsairvṛthā puṣṭo vṛthā vṛddho vṛthāmatiḥ | vṛthāmaraṇamarhastvaṃ vṛthādya na bhaviṣyasi

You fattened yourself on human flesh for nothing; you grew up for nothing, and your mind is set on futile things. You deserve a futile death, and today you will perish for nothing.

Verse 34 (1.166.34)

क्षेममद्य करिष्यामि यथा वनमकण्टकम् । न पुनर्मानुषान्हत्वा भक्षयिष्यसि राक्षस ॥

kṣemamadya kariṣyāmi yathā vanamakaṇṭakam | na punarmānuṣānhatvā bhakṣayiṣyasi rākṣasa

Today I will make this forest safe and rid it of its thorn. Never again, rakshasa, will you kill human beings and eat them.

Note on the text: Not in the critical edition (found in the vulgate recension; star passage 1548).

Verse 35 (1.166.35)

इत्युक्त्वा भीमसेनस्तं निष्पिष्य धरणीतले । बाहुभ्यामवपीड्याशु पशुमारममारयत् ॥

ityuktvā bhīmasenastaṃ niṣpiṣya dharaṇītale | bāhubhyāmavapīḍyāśu paśumāramamārayat

So saying, Bhimasena crushed him against the ground, squeezed him hard in both arms, and slaughtered him like a sacrificial beast.

Note on the text: The automatic alignment found no match; this is a different wording of 1.142.28 of the critical edition, sharing niṣpiṣya … paśumāram amārayat.

Verse 36 (1.166.36)

स मार्यमाणो भीमेन ननाद विपुलं स्वनम् । पूरयंस्तद्वनं सर्वं जलार्द्र इव दुन्दुभिः ॥

sa māryamāṇo bhīmena nanāda vipulaṃ svanam | pūrayaṃstadvanaṃ sarvaṃ jalārdra iva dundubhiḥ

As Bhima killed him, he let out a huge cry that filled the whole forest, like a drum soaked with water.

Note on the text: Corrected जलार्द्रे इव → जलार्द्र इव (misprint in Wikisource; invalid sandhi for jalārdraḥ iva, qualifying the masculine दुन्दुभिः; CE jalārdra iva).

Verse 37 (1.166.37)

बाहुभ्यां योक्त्रयित्वा तं बलवान्पाण्डुनन्दनः । समुद्भ्राम्य शिरश्चास्य सग्रीवं तदपाहरत् ॥

bāhubhyāṃ yoktrayitvā taṃ balavānpāṇḍunandanaḥ | samudbhrāmya śiraścāsya sagrīvaṃ tadapāharat

The mighty son of Pandu bound him fast with his arms, whirled him about, and tore away his head along with the neck.

Note on the text: Removed stray wiki marks (backtick, quote mark or doubled danda) from the Wikisource text. Corrected समुद्धाम्य → समुद्भ्राम्य (misprint in Wikisource; समुद्धाम्य is not a word; star passage 1550 reads samudbhrāmya). The first line = 1.142.30ab of the critical edition (which reads bhujābhyām); the second line is not in it (found in the vulgate recension; star passage 1550).

Verse 38 (1.166.38)

ततो भित्त्वा शिरश्चास्य सग्रीवं तदुदाक्षिपत् । तस्य निष्कर्णनयनं निर्जिह्वं रुधिरोक्षितम् ॥

tato bhittvā śiraścāsya sagrīvaṃ tadudākṣipat | tasya niṣkarṇanayanaṃ nirjihvaṃ rudhirokṣitam

Then, having broken off the head with the neck, he flung it away. Earless and eyeless, without its tongue, drenched in blood,

Note on the text: Not in the critical edition (found in the vulgate recension; star passage 1550).

Verse 39 (1.166.39)

प्राविद्धं भीमसेनेन शिरो विदशनं बभौ । प्रसारितभुजोद्धृष्टो भिन्नमांसत्वगन्तरः ॥

prāviddhaṃ bhīmasenena śiro vidaśanaṃ babhau | prasāritabhujoddhṛṣṭo bhinnamāṃsatvagantaraḥ

its teeth smashed, the head that Bhimasena had hurled was a fearful sight. With his arms flung out and stiff, his flesh and skin torn open,

Note on the text: Not in the critical edition (found in the vulgate recension; star passage 1550).

Verse 40 (1.166.40)

कबन्धभूतस्तत्रासीद्दनुर्वज्रहतो यथा । हिडिम्बं निहतं दृष्ट्वा संहृष्टास्ते तरस्विनः ॥

kabandhabhūtastatrāsīddanurvajrahato yathā | hiḍimbaṃ nihataṃ dṛṣṭvā saṃhṛṣṭāste tarasvinaḥ

he lay there a headless trunk, like Danu struck down by the thunderbolt. Seeing Hidimba slain, the mighty brothers rejoiced.

Note on the text: Corrected दनुर्वज्रहतो तथा → दनुर्वज्रहतो यथा (misprint in Wikisource; वज्रहतो before त is invalid sandhi; the simile needs यथा, as in the critical edition's apparatus (vajrahato yathā)). The automatic alignment found no match. The first line is not in the critical edition (found in the vulgate recension; star passage 1550, where it reads adrir, 'a mountain', for दनुः); the second line = 1.142.31ab.

Verse 41 (1.166.41)

हिडिम्बा सा च संप्रेक्ष्य निहतं राक्षसं रणे । अदृश्याश्चैव ये स्वस्स्थाः समेताः सर्षिचारणाः ॥

hiḍimbā sā ca saṃprekṣya nihataṃ rākṣasaṃ raṇe | adṛśyāścaiva ye svassthāḥ sametāḥ sarṣicāraṇāḥ

Hidimba too saw the rakshasa slain in the fight; and the unseen beings who dwell in heaven, gathered there with the seers and Charanas,

Note on the text: Not in the critical edition (found in the vulgate recension; star passage 1551).

Verse 42 (1.166.42)

पूजयन्ति स्म तं हृष्टाः साधुसाध्विति पाण्डवम् । भ्रातरश्चापि संहृष्टा युधिष्ठिरपुरोगमाः ॥

pūjayanti sma taṃ hṛṣṭāḥ sādhusādhviti pāṇḍavam | bhrātaraścāpi saṃhṛṣṭā yudhiṣṭhirapurogamāḥ

joyfully honoured the Pandava, crying, "Well done, well done!" His brothers too, with Yudhishthira at their head, full of joy,

Note on the text: Not in the critical edition (found in the vulgate recension; star passage 1551).

Verse 43 (1.166.43)

अपूजयन्नरव्याघ्रं भीमसेनमरिन्दमम् । अभिपूज्य महात्मानं भीमं भीमपराक्रमम् । पुनरेवार्जुनो वाक्यमुवाचेदं वृकोदरम् ॥

apūjayannaravyāghraṃ bhīmasenamarindamam | abhipūjya mahātmānaṃ bhīmaṃ bhīmaparākramam | punarevārjuno vākyamuvācedaṃ vṛkodaram

honoured that tiger among men, Bhimasena, the tamer of foes. When they had honoured great-souled Bhima of fearsome valour, Arjuna spoke again to Vrikodara:

Note on the text: Removed stray wiki marks (backtick, quote mark or doubled danda) from the Wikisource text. The automatic alignment found no match. The first line = 1.142.31cd of the critical edition; the second and third lines = 1.142.32.

Verse 44 (1.166.44)

अदूरे नगरं मन्ये वनादस्मादहं विभो । शीघ्रं गच्छाम भद्रं ते न नो विद्यात्सुयोधनः ॥

adūre nagaraṃ manye vanādasmādahaṃ vibho | śīghraṃ gacchāma bhadraṃ te na no vidyātsuyodhanaḥ

I think there is a town not far from this forest, my lord. Let us go quickly, bless you, so that Suyodhana does not find us out.

Note on the text: Speaker set to Arjuna (input carried over Vaishampayana): Wikisource prints no heading, but the verse is Arjuna's speech announced in verse 43.

Verse 45 (1.166.45)

ततः सर्वे तथेत्युक्त्वा मात्रा सह महारथाः । प्रययुः पुरुषव्याघ्रा हिडिम्बा चैव राक्षसी ॥

tataḥ sarve tathetyuktvā mātrā saha mahārathāḥ | prayayuḥ puruṣavyāghrā hiḍimbā caiva rākṣasī

Then they all said, "So be it," and those great chariot-warriors, tigers among men, set out with their mother; and the rakshasi Hidimba went with them.