Arjuna Sees Subhadra at the Raivataka Festival

Verse 1 (1.239.1)

ततः कतिपयाहस्य तस्मिन्रैवतके गिरौ । वृष्ण्यन्धकानामभवदुत्सवो नृपसत्तम ॥

tataḥ katipayāhasya tasminraivatake girau | vṛṣṇyandhakānāmabhavadutsavo nṛpasattama

Then, after some days, O best of kings, a festival of the Vrishnis and Andhakas took place on that mountain, Raivataka.

Verse 2 (1.239.2)

तत्र दानं ददुर्वीरा ब्राह्मणेभ्यः सहस्रशः । भोजवृष्ण्यन्धकाश्चैव महे तस्य गिरेस्तदा ॥

tatra dānaṃ dadurvīrā brāhmaṇebhyaḥ sahasraśaḥ | bhojavṛṣṇyandhakāścaiva mahe tasya girestadā

At that festival of the mountain the heroes of the Bhojas, Vrishnis and Andhakas gave gifts to brahmins by the thousands.

Verse 3 (1.239.3)

प्रासादै रत्नचित्रैश्च गिरेस्तस्य समन्ततः । स देशः शोभितो राजन्कल्पवृक्षैश्च सर्वशः ॥

prāsādai ratnacitraiśca girestasya samantataḥ | sa deśaḥ śobhito rājankalpavṛkṣaiśca sarvaśaḥ

All around that mountain, O king, the whole place was adorned on every side with mansions bright with jewels and with wish-granting trees.

Note on the text: Corrected प्रसादै → प्रासादै (misprint in Wikisource; a dropped ā-sign: "mansions" is the sense, as in the critical edition's prāsādai).

Verse 4 (1.239.4)

वादित्राणि च तत्रान्ये वादकाः समवादयन् । ननृतुर्नर्तकाश्चैव जगुर्गेयानि गायनाः ॥

vāditrāṇi ca tatrānye vādakāḥ samavādayan | nanṛturnartakāścaiva jagurgeyāni gāyanāḥ

Musicians played their instruments there, dancers danced, and singers sang their songs.

Verse 5 (1.239.5)

अलङ्कृताः कुमाराश्च वृष्णीनां सुमहौजसाम् । यानैर्हाटकचित्रैश्च चञ्चूर्यन्ते स्म सर्वशः ॥

alaṅkṛtāḥ kumārāśca vṛṣṇīnāṃ sumahaujasām | yānairhāṭakacitraiśca cañcūryante sma sarvaśaḥ

The adorned princes of the mighty Vrishnis shone on every side in carriages worked with gold.

Verse 6 (1.239.6)

पौराश्च पादचारेण यानैरुच्चावचैस्तथा । सदाराः सानुयात्राश्च शतशोऽथ सहस्रशः ॥

paurāśca pādacāreṇa yānairuccāvacaistathā | sadārāḥ sānuyātrāśca śataśo'tha sahasraśaḥ

The townspeople came too, on foot and in carriages of every kind, with their wives and their retinues, by hundreds and by thousands.

Verse 7 (1.239.7)

ततो हलधरः क्षीबो रेवतीसहितः प्रभुः । अनुगम्यमानो गन्धर्वैरचरत्तत्र भारत ॥

tato haladharaḥ kṣībo revatīsahitaḥ prabhuḥ | anugamyamāno gandharvairacarattatra bhārata

Then the lord Haladhara (Balarama), flushed with wine, roamed there with Revati, O Bharata, followed by Gandharvas.

Note on the text: Corrected अचरत्रत्र → अचरत्तत्र (misprint in Wikisource; a broken conjunct for acarat tatra, "roamed there", as in the critical edition).

Verse 8 (1.239.8)

तथैव राजा वृष्णीनामुग्रसेनः प्रतापवान् । अनुगीयमानो गन्धर्वैः स्त्रीसहस्रसहायवान् ॥

tathaiva rājā vṛṣṇīnāmugrasenaḥ pratāpavān | anugīyamāno gandharvaiḥ strīsahasrasahāyavān

So too Ugrasena, the valiant king of the Vrishnis, went about with a thousand women in his company, while Gandharvas sang after him.

Verse 9 (1.239.9)

रौक्मिणेयश्च साम्बश्च क्षीबौ समरदुर्मदौ । दिव्यमाल्याम्बरधरौ विजह्रातेऽमराविव ॥

raukmiṇeyaśca sāmbaśca kṣībau samaradurmadau | divyamālyāmbaradharau vijahrāte'marāviva

Rukmini's son (Pradyumna) and Samba, both flushed with wine and fierce in battle, wearing heavenly garlands and garments, sported like two immortals.

Note on the text: Corrected विजह्वाते → विजह्राते (misprint in Wikisource; va for ra in the perfect of vi-hṛ, "they sported", as in the critical edition).

Verse 10 (1.239.10)

अक्रूरः सारणश्चैव गदो बभ्रुर्विदूरथः । निशठश्चारुदेष्णश्च पृथुर्विपृथुरेव च ॥

akrūraḥ sāraṇaścaiva gado babhrurvidūrathaḥ | niśaṭhaścārudeṣṇaśca pṛthurvipṛthureva ca

Akrura, Sarana, Gada, Babhru and Viduratha, Nishatha, Charudeshna, Prithu and Viprithu,

Verse 11 (1.239.11)

सत्यकः सात्यकिश्चैव भङ्गकारमहारवौ । हार्दिक्य उद्धवश्चैव ये चान्ये नानुकीर्तिताः ॥

satyakaḥ sātyakiścaiva bhaṅgakāramahāravau | hārdikya uddhavaścaiva ye cānye nānukīrtitāḥ

Satyaka and Satyaki, Bhangakara and Maharava, Hardikya and Uddhava, and others not named here —

Verse 12 (1.239.12)

एते परिवृताः स्त्रीभिर्गन्धर्वैश्च पृथक्पृथक् । तमुत्सवं रैवतके शोभयाञ्चक्रिरे तदा ॥

ete parivṛtāḥ strībhirgandharvaiśca pṛthakpṛthak | tamutsavaṃ raivatake śobhayāñcakrire tadā

all these, each surrounded by women and Gandharvas, graced that festival on Raivataka.

Verse 13 (1.239.13)

वासुदेवो ययौ तत्र सह स्त्रीभिर्मुदान्वितः । दत्त्वा दानं द्विजातिभ्यः परिव्राजमपश्यत ॥

vāsudevo yayau tatra saha strībhirmudānvitaḥ | dattvā dānaṃ dvijātibhyaḥ parivrājamapaśyata

Vasudeva too went there with his women, full of joy; and after giving gifts to the twice-born, he saw the wandering ascetic.

Note on the text: Removed stray wiki marks (a backtick, and ।।' before the closing ॥). Corrected वासदेवो → वासुदेवो (misprint in Wikisource; a dropped u-sign). Not in the critical edition (found in the vulgate recension; the critical edition gives these lines only in its apparatus, 1.211.12*2049).

Verse 14 (1.239.14)

चित्रकौतूहले तस्मिन्वर्तमाने महाद्भुते । वासुदेवश्च पार्थश्च सहितौ परिजग्मतुः ॥

citrakautūhale tasminvartamāne mahādbhute | vāsudevaśca pārthaśca sahitau parijagmatuḥ

While that wondrous festival, full of curious sights, was going on, Vasudeva and Partha walked about together.

Note on the text: = CE 1.211.13 (missed by the automatic alignment); the first line is a recension variant, the critical edition reading tadā kolāhale tasmin vartamāne mahāśubhe.

Verse 15 (1.239.15)

तत्र चङ्क्रममाणौ तौ वसुदेवसुतां शुभाम् । अलङ्कृतां सखीमध्ये भद्रां ददृशतुस्तदा ॥

tatra caṅkramamāṇau tau vasudevasutāṃ śubhām | alaṅkṛtāṃ sakhīmadhye bhadrāṃ dadṛśatustadā

As the two strolled there, they saw Vasudeva's lovely daughter Bhadra, adorned, in the midst of her companions.

Verse 16 (1.239.16)

दृष्ट्वैव तामर्जुनस्य कन्दर्पः समजायत । तं तदैकाग्रमनसं कृष्णः पार्थमलक्षयत् ॥

dṛṣṭvaiva tāmarjunasya kandarpaḥ samajāyata | taṃ tadaikāgramanasaṃ kṛṣṇaḥ pārthamalakṣayat

The moment he saw her, love was born in Arjuna. Krishna noticed that Partha's mind was then fixed on her alone.

Verse 17 (1.239.17)

अब्रवीत्पुरुषव्याघ्रः प्रहसन्निव भारत । वनेचरस्य किमिदं कामेनालोड्यते मनः ॥

abravītpuruṣavyāghraḥ prahasanniva bhārata | vanecarasya kimidaṃ kāmenāloḍyate manaḥ

Then that tiger among men, as if smiling, O Bharata, said: "What is this? Is a forest-wanderer's mind being stirred by desire?"

Note on the text: Corrected प्रसहन्निव → प्रहसन्निव (misprint in Wikisource; transposed aksharas in the stock phrase prahasann iva, "as if smiling", which the critical edition has here). The first line is otherwise a recension variant (the critical edition reads athābravīt puṣkarākṣaḥ).

Verse 18 (1.239.18)

ममैषा भगिनी पार्थ सारणस्य सहोदरी । सुभद्रा नाम भद्रं ते पितुर्मे दयिता सुता । यदि ते वर्तते बुद्धिर्वक्ष्यामि पितरं स्वयम् ॥

mamaiṣā bhaginī pārtha sāraṇasya sahodarī | subhadrā nāma bhadraṃ te piturme dayitā sutā | yadi te vartate buddhirvakṣyāmi pitaraṃ svayam

"She is my sister, Partha, the full sister of Sarana — Subhadra by name, bless you, my father's beloved daughter. If your heart is set on her, I will speak to my father myself."

Note on the text: Speaker changed from वैशम्पायन to वासुदेव: the whole verse is Krishna's speech, continuing from verse 17, with no speaker line printed. = CE 1.211.17 (missed by the automatic alignment); the middle line is not in the critical edition's text (it stands in its apparatus, 1.211.17*2050; found in the vulgate recension).

Verse 19 (1.239.19)

दुहिता वसुदेवस्य वासुदेवस्य च स्वसा । रूपेण चैषा संपन्ना कमिवैषा न मोहयेत् ॥

duhitā vasudevasya vāsudevasya ca svasā | rūpeṇa caiṣā saṃpannā kamivaiṣā na mohayet

"She is the daughter of Vasudeva and the sister of Vasudeva's son, and she is so richly endowed with beauty — whom would she not enchant?"

Verse 20 (1.239.20)

कृतमेव तु कल्याणं सर्वं मम भवेद्ध्रुवम् । यदि स्यान्मम वार्ष्णेयी महिषीयं स्वसा तव ॥

kṛtameva tu kalyāṇaṃ sarvaṃ mama bhaveddhruvam | yadi syānmama vārṣṇeyī mahiṣīyaṃ svasā tava

"Surely every good thing would be mine, as good as done, if this Varshneyi, your sister, were to become my queen."

Verse 21 (1.239.21)

प्राप्तौ तु क उपायः स्यात्तं ब्रवीहि जनार्दन । आस्थास्यामि तदा सर्वं यदि शक्यं नरेण तत् ॥

prāptau tu ka upāyaḥ syāttaṃ bravīhi janārdana | āsthāsyāmi tadā sarvaṃ yadi śakyaṃ nareṇa tat

"But what way might there be of winning her? Tell me that, Janardana. I will undertake all of it then, if it lies within a man's power."

Note on the text: Corrected व्रवीहि → ब्रवीहि (misprint in Wikisource; va for ba).

Verse 22 (1.239.22)

स्वयंवरः क्षत्रियाणां विवाहः पुरुषर्षभ । स च संशयितः पार्थ स्वभावस्यानिमित्ततः ॥

svayaṃvaraḥ kṣatriyāṇāṃ vivāhaḥ puruṣarṣabha | sa ca saṃśayitaḥ pārtha svabhāvasyānimittataḥ

"For kshatriyas, bull among men, the self-choice (svayamvara) is the way of marriage. But its outcome is uncertain, Partha, for a woman's fancy follows no fixed cause."

Note on the text: Corrected स्वयं वरः → स्वयंवरः (misprint in Wikisource; the compound svayaṃvara, "self-choice", was printed as two words).

Verse 23 (1.239.23)

प्रसह्य हरणं चापि क्षत्रियाणां प्रशस्यते । विवाहहेतुः शूराणामिति धर्मविदो विदुः ॥

prasahya haraṇaṃ cāpi kṣatriyāṇāṃ praśasyate | vivāhahetuḥ śūrāṇāmiti dharmavido viduḥ

"Among kshatriyas, carrying a bride off by force is praised as well: for heroes it is a ground of marriage — so the knowers of dharma hold."

Verse 24 (1.239.24)

स त्वमर्जुन कल्याणीं प्रसह्य भगिनीं मम । यतिरूपधरस्त्वं तु यथा कालविपाकता । हर स्वयंवरे ह्यस्याः को वै वेद चिकीर्षितम् ॥

sa tvamarjuna kalyāṇīṃ prasahya bhaginīṃ mama | yatirūpadharastvaṃ tu yathā kālavipākatā | hara svayaṃvare hyasyāḥ ko vai veda cikīrṣitam

"So you, Arjuna, wearing an ascetic's guise, carry off my lovely sister by force, as the ripening of time allows; for at a self-choice, who can know what she would choose to do?"

Note on the text: Removed stray wiki marks (a backtick and ') around the middle line. Corrected स्तं → स्त्वं in यतिरूपधरस्त्वं (misprint in Wikisource; the sense is "you, wearing an ascetic's guise", as in the critical edition's apparatus). The middle line is not in the critical edition's text (it stands in its apparatus, 1.211.23*2053; found in the vulgate recension).

Verse 25 (1.239.25)

ततोऽर्जुनश्च कृष्णश्च विनिश्चित्येतिकृत्यताम् । शीघ्रगान्पुरुषान्राजन्प्रेषयामासतुस्तदा ॥

tato'rjunaśca kṛṣṇaśca viniścityetikṛtyatām | śīghragānpuruṣānrājanpreṣayāmāsatustadā

Then Arjuna and Krishna, having settled what was to be done, sent swift messengers, O king,

Note on the text: Corrected पुरुषानन्प्रेषयामासतु → पुरुषान्राजन्प्रेषयामासतु (misprint in Wikisource; the akshara रा of राजन् was dropped, leaving a seven-syllable quarter; the critical edition reads puruṣān rājan).

Verse 26 (1.239.26)

धर्मराजाय तत्सर्वमिन्द्रप्रस्थगताय वै । श्रुत्वैव च महाबाहुरनुजज्ञे समातृकः ॥

dharmarājāya tatsarvamindraprasthagatāya vai | śrutvaiva ca mahābāhuranujajñe samātṛkaḥ

to tell all of it to the King of Dharma, who had gone to Indraprastha. As soon as he heard it, the mighty-armed one gave his consent, together with his mother.

Verse 27 (1.239.27)

भीमसेनस्तु तच्छ्रुत्वा कृतकृत्यं स्म मन्यते । इत्येवं मनुजैरुक्तं कृष्णः श्रुत्वा महामतिः ॥

bhīmasenastu tacchrutvā kṛtakṛtyaṃ sma manyate | ityevaṃ manujairuktaṃ kṛṣṇaḥ śrutvā mahāmatiḥ

Bhimasena, on hearing it, thought the matter as good as accomplished. When the wise Krishna heard what the men had reported,

Note on the text: Removed a stray wiki mark (a backtick) before the first line. Not in the critical edition (found in the vulgate recension); its first line stands in the critical edition's apparatus, 1.211.25*2054.

Verse 28 (1.239.28)

अनुज्ञाप्य तदा पार्थं हृदि स्थाप्य चिकीर्षितम् । इत्येवं मनुजैः सार्धं द्वारकां समुपेयिवान् ॥

anujñāpya tadā pārthaṃ hṛdi sthāpya cikīrṣitam | ityevaṃ manujaiḥ sārdhaṃ dvārakāṃ samupeyivān

he took leave of Partha and, keeping his plan in his heart, went with those men to Dvaraka.

Note on the text: Not in the critical edition (found in the vulgate recension).