Arjuna Reveals Himself to Subhadra

Verse 1 (1.241.1)

स तथेति प्रतिज्ञाय सहितो यतिना हरिः । कृत्वा तु संविदं तेन प्रहृष्टः केशवोऽभवत् ॥

sa tatheti pratijñāya sahito yatinā hariḥ | kṛtvā tu saṃvidaṃ tena prahṛṣṭaḥ keśavo'bhavat

Hari agreed, saying "So be it," and joined with the ascetic; having made a pact with him, Keshava was delighted.

Note on the text: Not in the critical edition (found in the vulgate recension).

Verse 2 (1.241.2)

पर्वते तौ विहृत्यैव यथेष्टं कृष्णपाण्डवौ । तां पुरीं प्रविवेशाथ गृह्य हस्तेन पाण्डवम् । प्रविश्य च गृहं रम्यं सर्वभोगसमन्वितम् ॥

parvate tau vihṛtyaiva yatheṣṭaṃ kṛṣṇapāṇḍavau | tāṃ purīṃ praviveśātha gṛhya hastena pāṇḍavam | praviśya ca gṛhaṃ ramyaṃ sarvabhogasamanvitam

After Krishna and the Pandava had roamed the mountain as they pleased, Krishna entered the city, leading the Pandava by the hand. Entering his lovely palace, furnished with every comfort,

Note on the text: Not in the critical edition (found in the vulgate recension).

Verse 3 (1.241.3)

पार्थमावेदयामास रुक्मिणीसत्यभामयोः । हृषीकेशवचः श्रुत्वा ते उभे चोचतुर्भृशम् ॥

pārthamāvedayāmāsa rukmiṇīsatyabhāmayoḥ | hṛṣīkeśavacaḥ śrutvā te ubhe cocaturbhṛśam

he told Rukmini and Satyabhama about Partha. Hearing Hrishikesha's words, both of them said eagerly:

Note on the text: Not in the critical edition (found in the vulgate recension).

Verse 4 (1.241.4)

मनोरथो महानेष हृदि नौ परिवर्तते । कदा द्रक्षाव बीभत्सुं पाण्डवं पुरमागतम् ॥

manoratho mahāneṣa hṛdi nau parivartate | kadā drakṣāva bībhatsuṃ pāṇḍavaṃ puramāgatam

"This great wish keeps turning in our hearts: when shall we see Bibhatsu, the Pandava, come to our city?"

Note on the text: Not in the critical edition (found in the vulgate recension).

Verse 5 (1.241.5)

इत्येवं हर्षमाणे ते वदन्त्यौ सुभृशं प्रियम् । रुक्मिणीसत्यभामे वै दृष्ट्वा प्रीतोऽभवद्यतिः ॥

ityevaṃ harṣamāṇe te vadantyau subhṛśaṃ priyam | rukmiṇīsatyabhāme vai dṛṣṭvā prīto'bhavadyatiḥ

As Rukmini and Satyabhama spoke thus in their joy, saying such very loving things, the ascetic watched them and was pleased.

Note on the text: Corrected रुग्मिणी → रुक्मिणी (misprint in Wikisource; the name is Rukmini, as in verse 3). Not in the critical edition (found in the vulgate recension).

Verse 6 (1.241.6)

सर्वेषां हर्षमाणानां पार्थो हर्षमुपागमत् । प्राप्तमज्ञातरूपेण चागतं चार्जुनं हरिः ॥

sarveṣāṃ harṣamāṇānāṃ pārtho harṣamupāgamat | prāptamajñātarūpeṇa cāgataṃ cārjunaṃ hariḥ

With everyone rejoicing, Partha too was filled with joy. Hari, seeing that Arjuna had arrived and come in disguise,

Note on the text: Not in the critical edition (found in the vulgate recension).

Verse 7 (1.241.7)

सत्कृत्य पूज्यमानं तु प्रीत्या चैव ह्यपूजयत् । स तं प्रियातिथिं श्रेष्ठं समीक्ष्य यतिमागतम् ॥

satkṛtya pūjyamānaṃ tu prītyā caiva hyapūjayat | sa taṃ priyātithiṃ śreṣṭhaṃ samīkṣya yatimāgatam

received him with courtesy and lovingly honoured him as he deserved. Then, looking upon that excellent and dear guest, the ascetic who had come,

Note on the text: Not in the critical edition (found in the vulgate recension).

Verse 8 (1.241.8)

सोदर्यां भगिनीं कृष्णः सुभद्रामिदमब्रवीत् । अयं देशातिथिर्भद्रे संशितव्रतवानृषिः ॥

sodaryāṃ bhaginīṃ kṛṣṇaḥ subhadrāmidamabravīt | ayaṃ deśātithirbhadre saṃśitavratavānṛṣiḥ

Krishna said this to Subhadra, his sister born of the same mother: "Gentle one, this guest from a far country is a seer, strict in his vows.

Note on the text: Not in the critical edition (found in the vulgate recension).

Verse 9 (1.241.9)

प्राप्नोतु सततं पूजां तव कन्यापुरे वसन् । आर्येण च परिज्ञातः पूजनीयो यतिस्त्वया ॥

prāpnotu satataṃ pūjāṃ tava kanyāpure vasan | āryeṇa ca parijñātaḥ pūjanīyo yatistvayā

Let him receive constant honour while he lives in your maidens' quarters. He is known to our noble elder, and you must honour this ascetic.

Note on the text: Not in the critical edition (found in the vulgate recension).

Verse 10 (1.241.10)

रागाद्भरस्व वार्ष्णेयि भक्ष्यैर्भोज्यैर्यतिं सदा । एष यद्यदृषिर्ब्रूयात्कार्यमेव न संशयः ॥

rāgādbharasva vārṣṇeyi bhakṣyairbhojyairyatiṃ sadā | eṣa yadyadṛṣirbrūyātkāryameva na saṃśayaḥ

Daughter of the Vrishnis, look after the ascetic gladly and always, with food of every kind. Whatever this seer may ask must be done; there is no question of it.

Note on the text: Not in the critical edition (found in the vulgate recension).

Verse 11 (1.241.11)

सखीभिः सहिता भद्रे भवास्य वशवर्तिनी । पुरा हि यतयो भद्रे ये भैक्षार्थमनुव्रताः ॥

sakhībhiḥ sahitā bhadre bhavāsya vaśavartinī | purā hi yatayo bhadre ye bhaikṣārthamanuvratāḥ

Together with your companions, gentle one, be obedient to him. For in the past, gentle one, the ascetics who came devoutly seeking alms

Note on the text: Not in the critical edition (found in the vulgate recension).

Verse 12 (1.241.12)

ते बभूवुर्दशार्हाणां कन्यापुरनिवासिनः । तेभ्यो भोज्यानि भक्ष्याणि यथाकालमतन्द्रिताः । कन्यापुरगताः कन्याः प्रयच्छन्ति यशस्विनि ॥

te babhūvurdaśārhāṇāṃ kanyāpuranivāsinaḥ | tebhyo bhojyāni bhakṣyāṇi yathākālamatandritāḥ | kanyāpuragatāḥ kanyāḥ prayacchanti yaśasvini

used to stay in the maidens' quarters of the Dasharhas, and the maidens living there would tirelessly give them food of every kind at the proper times, glorious one."

Note on the text: Not in the critical edition (found in the vulgate recension).

Verse 13 (1.241.13)

सा तथेत्यब्रवीत्कृष्णं करिष्यामि यथाऽऽथ माम् । तोषयिष्यामि वृत्तेन कर्मणा च द्विजर्षभम् ॥

sā tathetyabravītkṛṣṇaṃ kariṣyāmi yathā''tha mām | toṣayiṣyāmi vṛttena karmaṇā ca dvijarṣabham

"So be it," she said to Krishna. "I shall do as you tell me. I shall please this bull among brahmins by my conduct and my service."

Note on the text: Not in the critical edition (found in the vulgate recension).

Verse 14 (1.241.14)

एवमेतेन रूपेण कंचित्कालं धनञ्जयः । उवास भक्ष्यैर्भोज्यैश्च भद्रया परमार्चितः ॥

evametena rūpeṇa kaṃcitkālaṃ dhanañjayaḥ | uvāsa bhakṣyairbhojyaiśca bhadrayā paramārcitaḥ

In this way, in that guise, Dhananjaya lived there for some time, highly honoured by Bhadra with food of every kind.

Note on the text: Not in the critical edition (found in the vulgate recension).

Verse 15 (1.241.15)

तस्य सर्वगुणोपेतां वासुदेवसहोदरीम् । पश्यतः सततं भद्रां प्रादुरासीन्मनोभवः ॥

tasya sarvaguṇopetāṃ vāsudevasahodarīm | paśyataḥ satataṃ bhadrāṃ prādurāsīnmanobhavaḥ

As he gazed constantly at Bhadra, Vasudeva's sister, endowed with every virtue, love was born in him.

Note on the text: Not in the critical edition (found in the vulgate recension).

Verse 16 (1.241.16)

गूहयन्निव चाकारमालोक्य वरवर्णिनीम् । दीर्घमुष्णं विनिश्वस्य पार्थः कामवशं गतः ॥

gūhayanniva cākāramālokya varavarṇinīm | dīrghamuṣṇaṃ viniśvasya pārthaḥ kāmavaśaṃ gataḥ

Trying, as it were, to hide his feelings, Partha looked at the lovely woman, heaved a long, hot sigh, and fell under the sway of desire.

Note on the text: Not in the critical edition (found in the vulgate recension).

Verse 17 (1.241.17)

स कृष्णां द्रौपदीं मेने न रूपे भद्रया समाम् । प्राप्तां भूमाविन्द्रसेनां साक्षाद्वा वरुणात्मजाम् ॥

sa kṛṣṇāṃ draupadīṃ mene na rūpe bhadrayā samām | prāptāṃ bhūmāvindrasenāṃ sākṣādvā varuṇātmajām

He did not consider even Krishna Draupadi equal to Bhadra in beauty, nor Indrasena come down to earth, nor the very daughter of Varuna.

Note on the text: Corrected भूमान्विन्द्रसेनां → भूमाविन्द्रसेनां (misprint in Wikisource; "भूमौ इन्द्रसेनां", Indrasena come to earth; stray न्). Not in the critical edition (found in the vulgate recension).

Verse 18 (1.241.18)

अतीतकाले संप्राप्ते सर्वास्तापि सुरस्त्रियः । न समा भद्रया लोके इत्येवं मन्यतेऽर्जुनः ॥

atītakāle saṃprāpte sarvāstāpi surastriyaḥ | na samā bhadrayā loke ityevaṃ manyate'rjunaḥ

Arjuna thought that in this world not even all the women of the gods, of ages past or present, were equal to Bhadra.

Note on the text: Not in the critical edition (found in the vulgate recension).

Verse 19 (1.241.19)

अतीतसमये काले सोदर्याणां धनञ्जयः । न सस्मार सुभद्रायां कामाङ्कुशनिवारितः ॥

atītasamaye kāle sodaryāṇāṃ dhanañjayaḥ | na sasmāra subhadrāyāṃ kāmāṅkuśanivāritaḥ

Though the term of his pledge had run out, Dhananjaya, held back by the goad of his love for Subhadra, gave no thought to his brothers.

Note on the text: Not in the critical edition (found in the vulgate recension).

Verse 20 (1.241.20)

क्रीडारतिपरां भद्रां सखीगणसमावृताम् । प्रीयते स्मार्जुनः पश्यन्स्वाहामिव विभावसुः ॥

krīḍāratiparāṃ bhadrāṃ sakhīgaṇasamāvṛtām | prīyate smārjunaḥ paśyansvāhāmiva vibhāvasuḥ

Watching Bhadra, who delighted in play and amusement and was surrounded by her band of friends, Arjuna rejoiced as the fire god rejoices in Svaha.

Note on the text: Not in the critical edition (found in the vulgate recension).

Verse 21 (1.241.21)

पाण्डवस्य सुभद्रायाः सकाशे तु यशस्विनः । समुत्पत्तिः प्रभावश्च गदेन कथितः पुरा ॥

pāṇḍavasya subhadrāyāḥ sakāśe tu yaśasvinaḥ | samutpattiḥ prabhāvaśca gadena kathitaḥ purā

Long before, Gada had told Subhadra of the birth and the might of the glorious Pandava.

Note on the text: Not in the critical edition (found in the vulgate recension).

Verse 22 (1.241.22)

श्रुत्वा चाशनिनिर्घोषं केशवेनापि धीमता । उपमामर्जुनं कृत्वा विस्तरः कथितः पुरा ॥

śrutvā cāśaninirghoṣaṃ keśavenāpi dhīmatā | upamāmarjunaṃ kṛtvā vistaraḥ kathitaḥ purā

Wise Keshava too, having heard of the thunderclap of his bow, had earlier told the tale at length, holding Arjuna up as the measure of excellence.

Note on the text: Not in the critical edition (found in the vulgate recension).

Verse 23 (1.241.23)

क्रुद्धमानप्रलापश्च वृष्णीनामर्जुनं प्रति । पौरुषं चोपमां कृत्वा प्रावर्तत धनुष्मताम् ॥

kruddhamānapralāpaśca vṛṣṇīnāmarjunaṃ prati | pauruṣaṃ copamāṃ kṛtvā prāvartata dhanuṣmatām

Among the Vrishni bowmen, too, angry and boastful talk would go round about Arjuna, holding up his manliness as the standard.

Note on the text: Not in the critical edition (found in the vulgate recension).

Verse 24 (1.241.24)

अन्योन्यकलहे चापि विवादे चापि वृष्णयः । अर्जुनोऽपि न मे तुल्यः कुतस्त्वमिति चाब्रुवन् ॥

anyonyakalahe cāpi vivāde cāpi vṛṣṇayaḥ | arjuno'pi na me tulyaḥ kutastvamiti cābruvan

In their quarrels and disputes with one another the Vrishnis would say, "Even Arjuna is not my equal, let alone you!"

Note on the text: Corrected अर्जुनोपि → अर्जुनोऽपि (misprint in Wikisource; missing avagraha for अर्जुनः अपि). Not in the critical edition (found in the vulgate recension).

Verse 25 (1.241.25)

जातांश्च पुत्रान्गृह्णन्त आशिषो वृष्णयोऽब्रवन् । अर्जुनस्य समो वीर्ये भव तात धनुर्धरः ॥

jātāṃśca putrāngṛhṇanta āśiṣo vṛṣṇayo'bravan | arjunasya samo vīrye bhava tāta dhanurdharaḥ

And taking up their newborn sons, the Vrishnis would bless them: "Child, become a bowman equal to Arjuna in valour."

Note on the text: Not in the critical edition (found in the vulgate recension).

Verse 26 (1.241.26)

तस्मात्सुभद्रा चकमे पौरुषाद्भरतर्षभम् । सत्यसन्धस्य रूपेण चातुर्येण च मोहिता ॥

tasmātsubhadrā cakame pauruṣādbharatarṣabham | satyasandhasya rūpeṇa cāturyeṇa ca mohitā

So Subhadra came to love that bull of the Bharatas for his manliness, enchanted by the beauty and the skill of that man true to his word.

Note on the text: Not in the critical edition (found in the vulgate recension).

Verse 27 (1.241.27)

चारणातिथिसंघानां गदस्य च निशम्य सा । अदृष्टे कृतभावाभूत्सुभद्रा भरतर्षभे ॥

cāraṇātithisaṃghānāṃ gadasya ca niśamya sā | adṛṣṭe kṛtabhāvābhūtsubhadrā bharatarṣabhe

Hearing of him from bands of bards and from guests, and from Gada, Subhadra had set her heart on the bull of the Bharatas without ever having seen him.

Note on the text: Not in the critical edition (found in the vulgate recension).

Verse 28 (1.241.28)

कीर्तयन्ददृशे यो यः कथंचित्कुरुजाङ्गलम् । तं तमेव तदा भद्रा बीभत्सुं स्म हि पृच्छति ॥

kīrtayandadṛśe yo yaḥ kathaṃcitkurujāṅgalam | taṃ tameva tadā bhadrā bībhatsuṃ sma hi pṛcchati

Whoever had somehow seen Kurujangala and spoke of it, Bhadra would ask each and every one of them about Bibhatsu.

Note on the text: Not in the critical edition (found in the vulgate recension).

Verse 29 (1.241.29)

अभीक्ष्णश्रवणादेवमभीक्ष्णपरिपृच्छनात् । प्रत्यक्ष इव भद्रायाः पाण्डवः प्रत्यपद्यत ॥

abhīkṣṇaśravaṇādevamabhīkṣṇaparipṛcchanāt | pratyakṣa iva bhadrāyāḥ pāṇḍavaḥ pratyapadyata

From hearing of him again and again, and asking about him again and again, the Pandava became for Bhadra as though he stood before her eyes.

Note on the text: Not in the critical edition (found in the vulgate recension).

Verse 30 (1.241.30)

भुजौ भुजगसङ्काशौ ज्याघातेन किणीकृतौ । पार्थोऽयमिति पश्यन्त्या निःसंशयमजायत ॥

bhujau bhujagasaṅkāśau jyāghātena kiṇīkṛtau | pārtho'yamiti paśyantyā niḥsaṃśayamajāyata

Seeing his arms, like serpents, calloused by the strokes of the bowstring, she became certain beyond doubt: "This is Partha."

Note on the text: Corrected निःशंसयम → निःसंशयम (misprint in Wikisource; transposed letters; "without doubt"). Not in the critical edition (found in the vulgate recension).

Verse 31 (1.241.31)

यथारूपं हि शुश्राव सुभद्रा भरतर्षभम् । तथारूपमवेक्ष्यैनं परां प्रीतिमवाप सा ॥

yathārūpaṃ hi śuśrāva subhadrā bharatarṣabham | tathārūpamavekṣyainaṃ parāṃ prītimavāpa sā

For just as Subhadra had heard the bull of the Bharatas described, so she now saw him to be, and she felt the greatest joy.

Note on the text: Not in the critical edition (found in the vulgate recension).

Verse 32 (1.241.32)

सा कदाचिदुपासीनं पप्रच्छ कुरुनन्दनम् । कथं देशाश्च चरिता नानाजनपदाः कथम् ॥

sā kadācidupāsīnaṃ papraccha kurunandanam | kathaṃ deśāśca caritā nānājanapadāḥ katham

Once, as the joy of the Kurus sat near her, she asked him: "How did you travel through the countries, and how through the many lands of men?

Note on the text: Not in the critical edition (found in the vulgate recension).

Verse 33 (1.241.33)

सरांसि सरितश्चैव वनानि च कथं यते । दिशः काश्च कथं प्राप्ताश्चरता भवता सदा ॥

sarāṃsi saritaścaiva vanāni ca kathaṃ yate | diśaḥ kāśca kathaṃ prāptāścaratā bhavatā sadā

How did you come to the lakes, the rivers and the forests, ascetic? Which regions did you reach, and how, wandering all this while?"

Note on the text: Not in the critical edition (found in the vulgate recension).

Verse 34 (1.241.34)

स तथोक्तस्तदा भद्रां बहुनर्मामृतं ब्रुवन् । उवाच परमप्रीतस्तथा बहुविधाः कथाः ॥

sa tathoktastadā bhadrāṃ bahunarmāmṛtaṃ bruvan | uvāca paramaprītastathā bahuvidhāḥ kathāḥ

So asked, he spoke to Bhadra then with great delight, telling her many kinds of stories with much nectar-sweet banter.

Note on the text: Not in the critical edition (found in the vulgate recension).

Verse 35 (1.241.35)

निशम्य विविधं तस्य लोके चरितमात्मनः । तथा परिगतो भावः कन्यायाः समपद्यत ॥

niśamya vividhaṃ tasya loke caritamātmanaḥ | tathā parigato bhāvaḥ kanyāyāḥ samapadyata

Hearing of his many travels through the world, the maiden's heart became wholly bound up in him.

Note on the text: Corrected निशण्य → निशम्य (misprint in Wikisource; invalid form; निशम्य "having heard"). Not in the critical edition (found in the vulgate recension).

Verse 36 (1.241.36)

पर्वसन्धौ तु कस्मिंश्चित्सुभद्रा भरतर्षभम् । रहस्येकान्तमासाद्य हर्षमाणाऽभ्यभाषत ॥

parvasandhau tu kasmiṃścitsubhadrā bharatarṣabham | rahasyekāntamāsādya harṣamāṇā'bhyabhāṣata

On a certain festival day at the turn of the moon, Subhadra found the bull of the Bharatas alone in private and spoke to him joyfully:

Note on the text: Not in the critical edition (found in the vulgate recension).

Verse 37 (1.241.37)

यतिना चरता देशान्खाण्डवप्रस्थवासिनी । कश्चिद्भगवता दृष्टा पृथाऽस्माकं पितृष्वसा ॥

yatinā caratā deśānkhāṇḍavaprasthavāsinī | kaścidbhagavatā dṛṣṭā pṛthā'smākaṃ pitṛṣvasā

"Holy one, as you wandered through the lands, did you see our father's sister Pritha, who lives in Khandavaprastha?

Note on the text: Corrected रचता → चरता (misprint in Wikisource; transposed letters; "wandering", as चरता in verse 33). Not in the critical edition (found in the vulgate recension).

Verse 38 (1.241.38)

भ्रातृभिः प्रीयते सर्वैर्दृष्टः कच्चिद्युधिष्ठिरः । कच्चिद्धर्मपरो भीमो धर्मराजस्य धीमतः ॥

bhrātṛbhiḥ prīyate sarvairdṛṣṭaḥ kaccidyudhiṣṭhiraḥ | kacciddharmaparo bhīmo dharmarājasya dhīmataḥ

Did you see Yudhishthira, happy with all his brothers? Is Bhima, brother of the wise Dharmaraja, steadfast in dharma?

Note on the text: Not in the critical edition (found in the vulgate recension).

Verse 39 (1.241.39)

निवृत्तसमयः कच्चिदपराधाद्धनञ्जयः । नियमे कामभोगानां वर्तमानः प्रिये रतः ॥

nivṛttasamayaḥ kaccidaparādhāddhanañjayaḥ | niyame kāmabhogānāṃ vartamānaḥ priye rataḥ

Is the term that Dhananjaya took on for his offence now over? Keeping the rule of abstinence from pleasures, is he still devoted to those he loves?

Note on the text: Not in the critical edition (found in the vulgate recension).

Verse 40 (1.241.40)

क्व नु पार्थश्चरत्यद्य बहिः स वसतीर्वसन् । सुखोचितो ह्यदुःखार्हो दीर्घबाहुररिन्दमः ॥

kva nu pārthaścaratyadya bahiḥ sa vasatīrvasan | sukhocito hyaduḥkhārho dīrghabāhurarindamaḥ

Where is Partha wandering today, living away from home in one lodging after another, that long-armed tamer of foes, used to comfort and undeserving of hardship?

Note on the text: Not in the critical edition (found in the vulgate recension).

Verse 41 (1.241.41)

कच्चिच्छ्रुतो वा दृष्टो वा पार्थो भगवताऽर्जुनः । निशम्य वचनं तस्यास्तामुवाच हसन्निव ॥

kaccicchruto vā dṛṣṭo vā pārtho bhagavatā'rjunaḥ | niśamya vacanaṃ tasyāstāmuvāca hasanniva

Holy one, have you heard of Partha Arjuna, or seen him?" Hearing her words, he answered her, as if smiling:

Note on the text: Not in the critical edition (found in the vulgate recension).

Verse 42 (1.241.42)

आर्या कुशलिनी कुन्ती सहपुत्रा सहस्नुषा । प्रीयते पश्यती पुत्रान्खाण्डवप्रस्थ आसते ॥

āryā kuśalinī kuntī sahaputrā sahasnuṣā | prīyate paśyatī putrānkhāṇḍavaprastha āsate

"The noble Kunti is well, with her sons and her daughter-in-law. She is happy, seeing her sons, who live in Khandavaprastha.

Note on the text: Not in the critical edition (found in the vulgate recension).

Verse 43 (1.241.43)

अनुज्ञातश्च मात्रा च सोदरैश्च धनञ्जयः । द्वारकामावसत्येको यतिलिङ्गेन पाण्डवः ॥

anujñātaśca mātrā ca sodaraiśca dhanañjayaḥ | dvārakāmāvasatyeko yatiliṅgena pāṇḍavaḥ

With the leave of his mother and his brothers, Dhananjaya the Pandava is living alone in Dvaraka in the guise of an ascetic.

Note on the text: Not in the critical edition (found in the vulgate recension).

Verse 44 (1.241.44)

पश्यन्ती सततं कस्मान्नाभिजानासि माधवि । निशम्य वचनं तस्य वासुदेवसहोदरी ॥

paśyantī satataṃ kasmānnābhijānāsi mādhavi | niśamya vacanaṃ tasya vāsudevasahodarī

You see him all the time, Madhavi; how is it that you do not recognise him?" Hearing his words, Vasudeva's sister

Note on the text: Corrected निशण्य → निशम्य (misprint in Wikisource; invalid form; निशम्य "having heard"). Not in the critical edition (found in the vulgate recension).

Verse 45 (1.241.45)

निश्वासबहुला तस्थौ क्षितिं विलिखती तदा । ततः परमसंहृष्टः सर्वशस्त्रभृतां वरः ॥

niśvāsabahulā tasthau kṣitiṃ vilikhatī tadā | tataḥ paramasaṃhṛṣṭaḥ sarvaśastrabhṛtāṃ varaḥ

stood there, sighing deeply and scratching at the ground. Then, overjoyed, that best of all who bear weapons,

Note on the text: Not in the critical edition (found in the vulgate recension).

Verse 46 (1.241.46)

अर्जुनोऽहमिति प्रीतस्तामुवाच धनञ्जयः । यथा तव गतो भावः श्रवणान्मयि भामिनि ॥

arjuno'hamiti prītastāmuvāca dhanañjayaḥ | yathā tava gato bhāvaḥ śravaṇānmayi bhāmini

Dhananjaya, said to her lovingly, "I am Arjuna. Just as your heart has turned to me from hearing of me, lovely lady,

Note on the text: Not in the critical edition (found in the vulgate recension).

Verse 47 (1.241.47)

त्वद्गतः सततं भावस्तथा तव गुणैर्मम । प्रशस्तेऽहनि धर्मेण भद्रे स्वयमहं वृतः ॥

tvadgataḥ satataṃ bhāvastathā tava guṇairmama | praśaste'hani dharmeṇa bhadre svayamahaṃ vṛtaḥ

so my heart has always gone out to you because of your virtues. On an auspicious day, gentle one, by lawful rite, I shall be chosen by you yourself,

Note on the text: Not in the critical edition (found in the vulgate recension).

Verse 48 (1.241.48)

सत्यवानिव सावित्र्या भविष्यामि पतिस्तव ॥

satyavāniva sāvitryā bhaviṣyāmi patistava

and, like Satyavan for Savitri, I shall be your husband."

Note on the text: Printed in Wikisource as a separate one-line verse completing verse 47; kept as printed. Not in the critical edition (found in the vulgate recension).

Verse 49 (1.241.49)

एवमुक्त्वा ततः पार्थः प्रविवेश लतागृहम् । ततः सुभद्रा ललिता लज्जाभावसमन्विता ॥

evamuktvā tataḥ pārthaḥ praviveśa latāgṛham | tataḥ subhadrā lalitā lajjābhāvasamanvitā

Having said this, Partha went into the bower of creepers. Then the graceful Subhadra, overcome with shyness,

Note on the text: Not in the critical edition (found in the vulgate recension).

Verse 50 (1.241.50)

मुमोह शयने दिव्ये शयाना न तथोचिता । नाकरोद्यतिपूजां सा लज्जाभावमुपेयुषी ॥

mumoha śayane divye śayānā na tathocitā | nākarodyatipūjāṃ sā lajjābhāvamupeyuṣī

lay in a daze on her splendid couch, lying there as was not her wont; seized by shyness, she did not perform the ascetic's worship.

Note on the text: Not in the critical edition (found in the vulgate recension).

Verse 51 (1.241.51)

कन्यापुरे तु यद्वृत्तं ज्ञात्वा दिव्येन चक्षुषा । शशास रुक्मिणीं कृष्णो भोजनादि तदार्जुने ॥

kanyāpure tu yadvṛttaṃ jñātvā divyena cakṣuṣā | śaśāsa rukmiṇīṃ kṛṣṇo bhojanādi tadārjune

Knowing by his divine sight what had happened in the maidens' quarters, Krishna then told Rukmini to see to Arjuna's meals and other needs.

Note on the text: Not in the critical edition (found in the vulgate recension).

Verse 52 (1.241.52)

तदाप्रभृति तां भद्रां चिन्तयन्वै धनञ्जयः । आस्ते स्म स तदाऽऽरामे कामेन भृशपीडितः ॥

tadāprabhṛti tāṃ bhadrāṃ cintayanvai dhanañjayaḥ | āste sma sa tadā''rāme kāmena bhṛśapīḍitaḥ

From that time on Dhananjaya stayed in the garden, thinking only of Bhadra, sorely tormented by love.

Note on the text: Not in the critical edition (found in the vulgate recension).

Verse 53 (1.241.53)

सुभद्रा चापि न स्वस्था पार्थं प्रति बभूव सा । कृशा विवर्णवदना चिन्ताशोकपरायणा ॥

subhadrā cāpi na svasthā pārthaṃ prati babhūva sā | kṛśā vivarṇavadanā cintāśokaparāyaṇā

Subhadra too was ill at ease, pining for Partha; she grew thin and pale of face, given over to brooding and grief.

Note on the text: Not in the critical edition (found in the vulgate recension).

Verse 54 (1.241.54)

निश्वासपरमा भद्रा मानसेन मनस्विनी । न शय्यासनभोगेषु रतिं विन्दति केनचित् ॥

niśvāsaparamā bhadrā mānasena manasvinī | na śayyāsanabhogeṣu ratiṃ vindati kenacit

Sighing constantly, the high-minded Bhadra found no pleasure at heart in bed or seat or any enjoyment at all.

Note on the text: Not in the critical edition (found in the vulgate recension).

Verse 55 (1.241.55)

न नक्तं न दिवा शेते बभूवोन्मत्तदर्शना । एवं शोकपरां भद्रां देवी वाक्यमथाब्रवीत् । मा शोकं कुरु वार्ष्णेयि धृतिमालम्ब्य शोभने ॥

na naktaṃ na divā śete babhūvonmattadarśanā | evaṃ śokaparāṃ bhadrāṃ devī vākyamathābravīt | mā śokaṃ kuru vārṣṇeyi dhṛtimālambya śobhane

She slept neither by night nor by day, and looked like one out of her mind. Seeing Bhadra so given over to grief, the queen said to her: "Do not grieve, daughter of the Vrishnis; take heart, lovely one."

Note on the text: Not in the critical edition (found in the vulgate recension).

Verse 56 (1.241.56)

रुक्मिण्येवं सुभद्रां तां कृष्णस्यानुमते तदा । रहोगत्य तदा श्वश्रूं देवकीं वाक्यमब्रवीत् ॥

rukmiṇyevaṃ subhadrāṃ tāṃ kṛṣṇasyānumate tadā | rahogatya tadā śvaśrūṃ devakīṃ vākyamabravīt

So, with Krishna's consent, Rukmini went in private to her mother-in-law Devaki and spoke to her about Subhadra:

Note on the text: Not in the critical edition (found in the vulgate recension).

Verse 57 (1.241.57)

अर्जुनो यतिरूपेण ह्यागतः सुसमाहितः । कन्यापुरमथाविश्य पूजितो भद्रया मुदा ॥

arjuno yatirūpeṇa hyāgataḥ susamāhitaḥ | kanyāpuramathāviśya pūjito bhadrayā mudā

"Arjuna has come here in the guise of an ascetic, with great care. He entered the maidens' quarters and has been gladly honoured by Bhadra.

Note on the text: Not in the critical edition (found in the vulgate recension).

Verse 58 (1.241.58)

तं विदित्वा सुभद्रापि लज्जया परिमोहिता । दिवानिशं शयाना सा नाकरोद्भोजनादिकम् ॥

taṃ viditvā subhadrāpi lajjayā parimohitā | divāniśaṃ śayānā sā nākarodbhojanādikam

Now that she has recognised him, Subhadra lies abed day and night, overcome with shyness, and takes no food or anything else."

Note on the text: Not in the critical edition (found in the vulgate recension).

Verse 59 (1.241.59)

एवमुक्ता तया देवी भद्रां शोकपरायणाम् । तत्समीपं समागत्य श्लक्ष्णं वाक्यमथाब्रवीत् ॥

evamuktā tayā devī bhadrāṃ śokaparāyaṇām | tatsamīpaṃ samāgatya ślakṣṇaṃ vākyamathābravīt

Told this by her, the queen went to Bhadra, who was sunk in grief, and spoke to her gently:

Note on the text: Not in the critical edition (found in the vulgate recension).

Verse 60 (1.241.60)

मा शोकं कुरु वार्ष्णेयि धृतिमालम्ब्य शोभने । राज्ञे निवेदयित्वापि वसुदेवाय धीमते ॥

mā śokaṃ kuru vārṣṇeyi dhṛtimālambya śobhane | rājñe nivedayitvāpi vasudevāya dhīmate

"Do not grieve, daughter of the Vrishnis; take heart, lovely one. When I have told the wise king Vasudeva,

Note on the text: Not in the critical edition (found in the vulgate recension).

Verse 61 (1.241.61)

कृष्णायापि तथा भद्रे प्रहर्षं कारयामि ते । पश्चाज्जानामि ते वार्तां मा शोकं कुरु भामिनि ॥

kṛṣṇāyāpi tathā bhadre praharṣaṃ kārayāmi te | paścājjānāmi te vārtāṃ mā śokaṃ kuru bhāmini

and Krishna too, gentle one, I shall bring you joy. After that I shall see to your affair; do not grieve, lovely lady."

Note on the text: Not in the critical edition (found in the vulgate recension).

Verse 62 (1.241.62)

एवमुक्त्वा तु सा माता भद्रायाः प्रियकारिणी । निवेदयामास तदा भद्रामानकदुन्दुभेः ॥

evamuktvā tu sā mātā bhadrāyāḥ priyakāriṇī | nivedayāmāsa tadā bhadrāmānakadundubheḥ

Having said this, the mother, eager to do what would please Bhadra, then told Anakadundubhi about Bhadra.

Note on the text: Not in the critical edition (found in the vulgate recension).

Verse 63 (1.241.63)

रहस्येकासना तत्र भद्राऽस्वस्थेति चाब्रवीत् । आरामे तु यतिः श्रीमानर्जुनश्चेति नः श्रुतम् ॥

rahasyekāsanā tatra bhadrā'svastheti cābravīt | ārāme tu yatiḥ śrīmānarjunaśceti naḥ śrutam

Sitting with him alone and in private, she said, "Bhadra is unwell," and, "We have heard that the illustrious ascetic in the garden is Arjuna."

Note on the text: Not in the critical edition (found in the vulgate recension).

Verse 64 (1.241.64)

अक्रूराय च कृष्णाय आहुकाय च सात्यकेः । निवेद्यतां महाप्राज्ञ श्रोतव्यं यदि बान्धवैः ॥

akrūrāya ca kṛṣṇāya āhukāya ca sātyakeḥ | nivedyatāṃ mahāprājña śrotavyaṃ yadi bāndhavaiḥ

"Most wise one, let this be told to Akrura, to Krishna, to Ahuka and to Satyaki, if the kinsmen are to hear of it."

Note on the text: Corrected कृष्माय → कृष्णाय (misprint in Wikisource; misread ण). Corrected सात्येकः → सात्यकेः (misprint in Wikisource; invalid form; the name Satyaki (gen. सात्यकेः)). Not in the critical edition (found in the vulgate recension).

Verse 65 (1.241.65)

वसुदेवस्तु तच्छ्रुत्वा अक्रूराहुकयोस्तथा । निवेदयित्वा कृष्णेन मन्त्रयामास तैस्तदा ॥

vasudevastu tacchrutvā akrūrāhukayostathā | nivedayitvā kṛṣṇena mantrayāmāsa taistadā

Hearing this, Vasudeva told Akrura and Ahuka, and then, together with Krishna, took counsel with them.

Note on the text: Not in the critical edition (found in the vulgate recension).

Verse 66 (1.241.66)

इदं कार्यमिदं कृत्यमिदमेवेति निश्चितः । अक्रूरश्चोग्रसेनश्च सात्यकिश्च गदस्तथा ॥

idaṃ kāryamidaṃ kṛtyamidameveti niścitaḥ | akrūraścograsenaśca sātyakiśca gadastathā

Having settled, "This is what must be done, this is the task, this and nothing else," Akrura and Ugrasena, Satyaki and Gada,

Note on the text: Not in the critical edition (found in the vulgate recension).

Verse 67 (1.241.67)

पृथुश्रवाश्च कृष्णश्च सहिताः शिनिना मुहुः । रुक्मिणी सत्यभामा च देवकी रोहिणी तथा ॥

pṛthuśravāśca kṛṣṇaśca sahitāḥ śininā muhuḥ | rukmiṇī satyabhāmā ca devakī rohiṇī tathā

Prithushravas and Krishna, conferring again and again with Shini, and Rukmini, Satyabhama, Devaki and Rohini,

Note on the text: Not in the critical edition (found in the vulgate recension).

Verse 68 (1.241.68)

वसुदेवेन सहिताः पुरोहितमते स्थिताः । विवाहं मन्त्रयामासुर्द्वादशेऽहनि भारत ॥

vasudevena sahitāḥ purohitamate sthitāḥ | vivāhaṃ mantrayāmāsurdvādaśe'hani bhārata

together with Vasudeva, abiding by the priest's advice, planned the wedding for the twelfth day, O Bharata.

Note on the text: Not in the critical edition (found in the vulgate recension).

Verse 69 (1.241.69)

अज्ञातं रौहिणेयस्य उद्धवस्य च भारत । विवाहं तु सुभद्रायाः कर्तुकामो गदाग्रजः ॥

ajñātaṃ rauhiṇeyasya uddhavasya ca bhārata | vivāhaṃ tu subhadrāyāḥ kartukāmo gadāgrajaḥ

Without the knowledge of Rohini's son or of Uddhava, O Bharata, Gada's elder brother, wishing to bring about Subhadra's wedding,

Note on the text: Not in the critical edition (found in the vulgate recension).

Verse 70 (1.241.70)

महादेवस्य पूजार्थं महोत्सव इति ब्रुवन् । चतुस्त्रिंशदहोरात्रं सुभद्रार्तिप्रशान्तये ॥

mahādevasya pūjārthaṃ mahotsava iti bruvan | catustriṃśadahorātraṃ subhadrārtipraśāntaye

declared that there would be a great festival in worship of Mahadeva, lasting thirty-four days and nights, to relieve Subhadra's distress,

Note on the text: Not in the critical edition (found in the vulgate recension).

Verse 71 (1.241.71)

नगरे घोषयामास हितार्थं सव्यसाचिनः । इतश्चतुर्थे त्वहनि अन्तर्द्वीपं तु गम्यताम् ॥

nagare ghoṣayāmāsa hitārthaṃ savyasācinaḥ | itaścaturthe tvahani antardvīpaṃ tu gamyatām

and for the sake of Savyasachin he had it proclaimed in the city: "On the fourth day from now, all are to go to Antardvipa, the island in the sea.

Note on the text: Corrected घोषयास → घोषयामास (misprint in Wikisource; dropped akshara; the metre and the verb require घोषयामास). Not in the critical edition (found in the vulgate recension).

Verse 72 (1.241.72)

सदारैः सानुयात्रैश्च सपुत्रैः सहबान्धवैः । गन्तव्यं सर्ववर्णैश्च गन्तव्यं सर्वयादवैः ॥

sadāraiḥ sānuyātraiśca saputraiḥ sahabāndhavaiḥ | gantavyaṃ sarvavarṇaiśca gantavyaṃ sarvayādavaiḥ

Everyone must go, with wives, retinues, sons and kinsmen; people of every class must go, and all the Yadavas must go."

Note on the text: Corrected सहबाधवैः → सहबान्धवैः (misprint in Wikisource; dropped nasal; "with kinsmen"). Corrected सर्ववर्मैश्च → सर्ववर्णैश्च (misprint in Wikisource; वर्मैः is not a valid form of वर्मन्; "people of all classes"). Not in the critical edition (found in the vulgate recension).

Verse 73 (1.241.73)

एवमुक्तास्तु ते सर्वे तथा चक्रुश्च सर्वशः । ततः सर्वदशार्हाणामन्तर्द्वीपे च भारत ॥

evamuktāstu te sarve tathā cakruśca sarvaśaḥ | tataḥ sarvadaśārhāṇāmantardvīpe ca bhārata

So told, they all did exactly as bidden. Then on the island, O Bharata, for all the Dasharhas

Note on the text: Not in the critical edition (found in the vulgate recension).

Verse 74 (1.241.74)

चतुस्त्रिंशदहोरात्रं बभूव परमोत्सवः । कृष्णरामाहुकाक्रूरप्रद्युम्नशिनिसत्यकाः ॥

catustriṃśadahorātraṃ babhūva paramotsavaḥ | kṛṣṇarāmāhukākrūrapradyumnaśinisatyakāḥ

there was a great festival lasting thirty-four days and nights. Krishna, Rama, Ahuka, Akrura, Pradyumna, Shini and Satyaka,

Note on the text: Not in the critical edition (found in the vulgate recension).

Verse 75 (1.241.75)

समुद्रं प्रययुर्हृष्टाः कुकुरान्धकवृष्णयः । युक्तयन्त्रपताकाभिर्वृष्णयो ब्राह्मणैः सह ॥

samudraṃ prayayurhṛṣṭāḥ kukurāndhakavṛṣṇayaḥ | yuktayantrapatākābhirvṛṣṇayo brāhmaṇaiḥ saha

and the Kukuras, Andhakas and Vrishnis set out joyfully for the sea. In boats fitted with gear and banners, the Vrishnis along with the brahmins

Note on the text: Not in the critical edition (found in the vulgate recension).

Verse 76 (1.241.76)

समुद्रं प्रययुर्नौभिः सर्वे पुरनिवासिनः । ततस्त्वरितमागत्य दाशार्हगणपूजितम् ॥

samudraṃ prayayurnaubhiḥ sarve puranivāsinaḥ | tatastvaritamāgatya dāśārhagaṇapūjitam

and all the people of the city put out to sea. Then, coming quickly to the lotus-eyed one, honoured by the hosts of the Dasharhas,

Note on the text: Not in the critical edition (found in the vulgate recension).

Verse 77 (1.241.77)

सुभद्रा पुण्डरीकाक्षमब्रवीद्यतिशासनात् । कृत्यवान्द्वादशाहानि स्थाता स भगवानिह ॥

subhadrā puṇḍarīkākṣamabravīdyatiśāsanāt | kṛtyavāndvādaśāhāni sthātā sa bhagavāniha

Subhadra, at the ascetic's bidding, said: "That holy man has rites to keep, and will stay here for twelve days.

Note on the text: Not in the critical edition (found in the vulgate recension).

Verse 78 (1.241.78)

तिष्ठतस्तस्य कः कुर्यादुपस्थानविधिं सदा । तमुवाच हृषीकेशः कस्त्वदन्यो विशेषतः ॥

tiṣṭhatastasya kaḥ kuryādupasthānavidhiṃ sadā | tamuvāca hṛṣīkeśaḥ kastvadanyo viśeṣataḥ

While he stays, who is to attend to him at all times?" Hrishikesha said to her, "Who but you, above all others?

Note on the text: Not in the critical edition (found in the vulgate recension).

Verse 79 (1.241.79)

तमृषिं प्रत्युपस्थातुमितो नार्हति माधवि । त्वमेवास्मन्मतेनाद्य महर्षेर्वशवर्तिनी ॥

tamṛṣiṃ pratyupasthātumito nārhati mādhavi | tvamevāsmanmatenādya maharṣervaśavartinī

No one else here is fit to wait upon that seer, Madhavi. By my wish, you alone must now do the great seer's bidding,

Note on the text: Not in the critical edition (found in the vulgate recension).

Verse 80 (1.241.80)

कुरु सर्वाणि कार्याणि कीर्तिं धर्ममवेक्ष्य च । तस्य चातिथिमुख्यस्य सर्वेषां च तपस्विनाम् ॥

kuru sarvāṇi kāryāṇi kīrtiṃ dharmamavekṣya ca | tasya cātithimukhyasya sarveṣāṃ ca tapasvinām

and do all that is needed, mindful of our good name and of dharma. For that foremost of guests and for all ascetics

Note on the text: Not in the critical edition (found in the vulgate recension).

Verse 81 (1.241.81)

संविधानपरा भद्रे भव त्वं वशवर्तिनी ॥

saṃvidhānaparā bhadre bhava tvaṃ vaśavartinī

be diligent in making every arrangement, gentle one, and do as they wish."

Note on the text: Printed in Wikisource as a separate one-line verse completing verse 80; kept as printed. Not in the critical edition (found in the vulgate recension).

Verse 82 (1.241.82)

एवमादिश्य भिक्षां च भद्रां च मधुसूदनः । ययौ शङ्खप्रणादेन भेरीणां निस्वनेन च ॥

evamādiśya bhikṣāṃ ca bhadrāṃ ca madhusūdanaḥ | yayau śaṅkhapraṇādena bherīṇāṃ nisvanena ca

Having thus given his instructions about the alms, and to Bhadra, Madhusudana departed to the blare of conches and the roar of kettledrums.

Note on the text: Not in the critical edition (found in the vulgate recension).

Verse 83 (1.241.83)

ततस्तु द्वीपमासाद्य दानधर्मपरायणाः । उग्रसेनमुखाश्चान्ये विजहुः कुकुरान्धकाः ॥

tatastu dvīpamāsādya dānadharmaparāyaṇāḥ | ugrasenamukhāścānye vijahuḥ kukurāndhakāḥ

Then, reaching the island, Ugrasena and the other Kukuras and Andhakas, intent on giving gifts and on dharma, took their pleasure

Note on the text: Not in the critical edition (found in the vulgate recension).

Verse 84 (1.241.84)

पटहानां प्रणादैश्च भेरीणां निस्वनेन च । सप्तयोजनविस्तार आयतो दशयोजनम् ॥

paṭahānāṃ praṇādaiśca bherīṇāṃ nisvanena ca | saptayojanavistāra āyato daśayojanam

to the sound of tabors and the roar of kettledrums. Seven yojanas wide and ten yojanas long

Note on the text: Not in the critical edition (found in the vulgate recension).

Verse 85 (1.241.85)

बभूव स महाद्वीपः सपर्वतमहावनः । सेतुपुष्करिणीजालैराक्रीडः सर्वसात्वताम् ॥

babhūva sa mahādvīpaḥ saparvatamahāvanaḥ | setupuṣkariṇījālairākrīḍaḥ sarvasātvatām

was that great island, with its mountains and great forests, a pleasure ground for all the Satvatas with its causeways and clusters of lotus pools,

Note on the text: Not in the critical edition (found in the vulgate recension).

Verse 86 (1.241.86)

वापीपल्वलसङ्घैश्च काननैश्च मनोरमैः । वासुदेवस्य क्रीडार्थं योग्यः सर्वप्रहर्षतः ॥

vāpīpalvalasaṅghaiśca kānanaiśca manoramaiḥ | vāsudevasya krīḍārthaṃ yogyaḥ sarvapraharṣataḥ

with its many wells and ponds and its delightful woods; fit for Vasudeva's sport, it gave joy to all.

Note on the text: Not in the critical edition (found in the vulgate recension).

Verse 87 (1.241.87)

कुकुरान्धकवृष्णीनां तथा प्रियकरस्तदा । बभूव परमोपेतस्त्रिविष्टप इवापरः ॥

kukurāndhakavṛṣṇīnāṃ tathā priyakarastadā | babhūva paramopetastriviṣṭapa ivāparaḥ

It delighted the Kukuras, Andhakas and Vrishnis as well; richly furnished, it was like a second heaven.

Note on the text: Not in the critical edition (found in the vulgate recension).

Verse 88 (1.241.88)

चतुस्त्रिंशदहोरात्रं दानधर्मपरायणाः । उग्रसेनमुखाः सर्वे विजहुः कुकुरान्धकाः ॥

catustriṃśadahorātraṃ dānadharmaparāyaṇāḥ | ugrasenamukhāḥ sarve vijahuḥ kukurāndhakāḥ

For thirty-four days and nights all the Kukuras and Andhakas, led by Ugrasena, intent on giving gifts and on dharma, took their pleasure.

Note on the text: Not in the critical edition (found in the vulgate recension).

Verse 89 (1.241.89)

विचित्रमाल्याभरणाश्चित्रगन्धानुलेपनाः । विहाराभिगताः सर्वे यादवा हर्षसंयुताः ॥

vicitramālyābharaṇāścitragandhānulepanāḥ | vihārābhigatāḥ sarve yādavā harṣasaṃyutāḥ

Wearing bright garlands and ornaments, anointed with varied perfumes and unguents, all the Yadavas went out to their pleasures full of joy,

Note on the text: Not in the critical edition (found in the vulgate recension).

Verse 90 (1.241.90)

सुनृत्तगीतवादित्रै रममाणास्तदाऽभवन् । प्रतियाते दशार्हाणामृषभे शार्ङ्गधन्वनि । सुभद्रोद्वाहनं पार्थः प्राप्तकालममन्यत ॥

sunṛttagītavāditrai ramamāṇāstadā'bhavan | pratiyāte daśārhāṇāmṛṣabhe śārṅgadhanvani | subhadrodvāhanaṃ pārthaḥ prāptakālamamanyata

and amused themselves with fine dancing, singing and music. When the bull of the Dasharhas, the wielder of the Sharnga bow, had gone away, Partha judged that the time had come to carry off Subhadra as his bride.

Note on the text: Corrected सुभध्रोद्वाहनं → सुभद्रोद्वाहनं (misprint in Wikisource; the name is Subhadra). Not in the critical edition (found in the vulgate recension).