Arjuna Weds Subhadra

Verse 1 (1.242.1)

कुकुरान्धकवृष्णीनामपयानं च पाण्डवः । विनिश्चित्य ततः पार्थः सुभद्रामिदमब्रवीत् ॥

kukurāndhakavṛṣṇīnāmapayānaṃ ca pāṇḍavaḥ | viniścitya tataḥ pārthaḥ subhadrāmidamabravīt

Having made sure that the Kukuras, Andhakas and Vrishnis had gone away, Partha, the son of Pandu, then said this to Subhadra:

Note on the text: Not in the critical edition (found in the vulgate recension).

Verse 2 (1.242.2)

शृणु भद्रे यथाशास्त्रं हितार्थं मुनिभिः कृतम् । विवाहं बहुधा सत्सु वर्णानां धर्मसंयुतम् ॥

śṛṇu bhadre yathāśāstraṃ hitārthaṃ munibhiḥ kṛtam | vivāhaṃ bahudhā satsu varṇānāṃ dharmasaṃyutam

"Listen, gentle lady: the sages have laid down marriage according to scripture for the good of all, and among the virtuous it takes many forms for the different classes, all in keeping with dharma.

Note on the text: Not in the critical edition (found in the vulgate recension).

Verse 3 (1.242.3)

कन्यायास्तु पिता भ्राता माता मातुल एव वा । पितुः पिता पितुर्भ्राता दाने तु प्रभुतां गतः ॥

kanyāyāstu pitā bhrātā mātā mātula eva vā | pituḥ pitā piturbhrātā dāne tu prabhutāṃ gataḥ

The right to give a maiden in marriage belongs to her father, her brother, her mother or her maternal uncle, her father's father or her father's brother.

Note on the text: Not in the critical edition (found in the vulgate recension).

Verse 4 (1.242.4)

महोत्सवं पशुपतेर्द्रष्टुकामः पिता तव । अन्तर्द्वीपं गतो भद्रे पुत्रैः पौत्रैः सबान्धवैः ॥

mahotsavaṃ paśupaterdraṣṭukāmaḥ pitā tava | antardvīpaṃ gato bhadre putraiḥ pautraiḥ sabāndhavaiḥ

Your father, gentle lady, wishing to see the great festival of Pashupati, has gone to Antardvipa with his sons, grandsons and kinsmen.

Note on the text: Not in the critical edition (found in the vulgate recension).

Verse 5 (1.242.5)

मम चैव विशालाक्षि विदेशस्था हि बान्धवाः । तस्मात्सुभद्रे गान्धर्वो विवाहः पञ्चमः स्मृतः ॥

mama caiva viśālākṣi videśasthā hi bāndhavāḥ | tasmātsubhadre gāndharvo vivāhaḥ pañcamaḥ smṛtaḥ

And my own kinsmen, wide-eyed one, are in a distant land. Therefore, Subhadra, the Gandharva marriage, which is reckoned the fifth kind, is the one for us.

Note on the text: Not in the critical edition (found in the vulgate recension).

Verse 6 (1.242.6)

समागमे तु कन्यायाः क्रियाः प्रोक्ताश्चतुर्विधाः । तेषां प्रवृत्तिं साधूनां शृणु माधवि तद्यथा ॥

samāgame tu kanyāyāḥ kriyāḥ proktāścaturvidhāḥ | teṣāṃ pravṛttiṃ sādhūnāṃ śṛṇu mādhavi tadyathā

When a maiden is joined to a husband, four kinds of rite are spoken of. Hear, Madhavi, how the virtuous observe them.

Note on the text: Not in the critical edition (found in the vulgate recension).

Verse 7 (1.242.7)

वरमाहूय विधिना पित्रा दत्ता तथार्थिने । सा पत्नी तु परैरुक्ता सा वश्या तु पतिव्रता ॥

varamāhūya vidhinā pitrā dattā tathārthine | sā patnī tu parairuktā sā vaśyā tu pativratā

She whom her father gives with due rite to a suitor he has invited, at the suitor's asking, is called a patni by others; she is obedient and devoted to her husband.

Note on the text: Not in the critical edition (found in the vulgate recension).

Verse 8 (1.242.8)

भृत्यानां भरणार्थाय आत्मनः पोषणाय च । दाने गृहीता या नारी सा भार्येति स्मृता बुधैः ॥

bhṛtyānāṃ bharaṇārthāya ātmanaḥ poṣaṇāya ca | dāne gṛhītā yā nārī sā bhāryeti smṛtā budhaiḥ

The woman received in gift for the support of dependants and for one's own sustenance is known to the wise as a bharya.

Note on the text: Not in the critical edition (found in the vulgate recension).

Verse 9 (1.242.9)

धर्मतो वरयित्वा तु आनीय स्वं निवेशनम् । न्यायेन दत्तातारुण्ये दाराः पितृकृताः स्मृताः ॥

dharmato varayitvā tu ānīya svaṃ niveśanam | nyāyena dattātāruṇye dārāḥ pitṛkṛtāḥ smṛtāḥ

She whom a man lawfully asks for and brings to his own house, given in due form in her youth, is known as dara, a wife arranged by the elders.

Note on the text: Not in the critical edition (found in the vulgate recension).

Verse 10 (1.242.10)

गान्धर्वेण विवाहेन रागात्पुत्रार्थकारणात् । आत्मनाऽनुगृहीता या वश्या सा तु प्रजावती ॥

gāndharveṇa vivāhena rāgātputrārthakāraṇāt | ātmanā'nugṛhītā yā vaśyā sā tu prajāvatī

She whom a man himself accepts through the Gandharva marriage, out of love and for the sake of sons, is obedient and bears him offspring.

Note on the text: Not in the critical edition (found in the vulgate recension).

Verse 11 (1.242.11)

जनयेद्या तु भर्तारं जाया इत्येव नामतः । पत्नी भार्या च दाराश्च जाया चेति चतुर्विधाः ॥

janayedyā tu bhartāraṃ jāyā ityeva nāmataḥ | patnī bhāryā ca dārāśca jāyā ceti caturvidhāḥ

She who gives birth to her husband again is by name a jaya. So wives are of four kinds: patni, bharya, dara and jaya.

Note on the text: Not in the critical edition (found in the vulgate recension).

Verse 12 (1.242.12)

चतस्र एवाग्निसाक्ष्याः क्रियायुक्ताश्च धर्मतः । गान्धर्वस्तु क्रियाहीनो रागादेव प्रवर्तते ॥

catasra evāgnisākṣyāḥ kriyāyuktāśca dharmataḥ | gāndharvastu kriyāhīno rāgādeva pravartate

These four are witnessed by the fire and joined with rites in accordance with dharma. The Gandharva marriage, however, is without rites and proceeds from love alone.

Note on the text: Not in the critical edition (found in the vulgate recension).

Verse 13 (1.242.13)

सकामायाः सकामेन निर्मन्त्रो रहसि स्मृतः । मयोक्तमक्रियं चापि कर्तव्यं माधवि त्वया ॥

sakāmāyāḥ sakāmena nirmantro rahasi smṛtaḥ | mayoktamakriyaṃ cāpi kartavyaṃ mādhavi tvayā

It is held to take place in private, without mantras, between a willing woman and a willing man. Even this marriage without rites, Madhavi, of which I have spoken, is one you may rightly enter into.

Note on the text: Not in the critical edition (found in the vulgate recension).

Verse 14 (1.242.14)

अयनं चैव मासश्च ऋतुः पक्षस्तथा तिथिः । करणं च मुहूर्तं च लग्नसंपत्तथैव च ॥

ayanaṃ caiva māsaśca ṛtuḥ pakṣastathā tithiḥ | karaṇaṃ ca muhūrtaṃ ca lagnasaṃpattathaiva ca

The sun's half-yearly course, the month, the season, the fortnight and the lunar day, the karana, the muhurta, and a favourable ascendant as well:

Note on the text: Not in the critical edition (found in the vulgate recension).

Verse 15 (1.242.15)

विवाहस्य विशालाक्षि प्रशस्तं चोत्तरायणम् । वैशाखश्चैव मासानां पक्षाणां शुक्ल एव च ॥

vivāhasya viśālākṣi praśastaṃ cottarāyaṇam | vaiśākhaścaiva māsānāṃ pakṣāṇāṃ śukla eva ca

for a marriage, wide-eyed one, the sun's northern course is commended; among the months, Vaishakha; among the fortnights, the bright one;

Note on the text: Not in the critical edition (found in the vulgate recension).

Verse 16 (1.242.16)

नक्षत्राणां तथा हस्तस्तृतीया च तिथिष्वपि । लग्नो हि मकरः श्रेष्ठः करणानां बवस्तथा ॥

nakṣatrāṇāṃ tathā hastastṛtīyā ca tithiṣvapi | lagno hi makaraḥ śreṣṭhaḥ karaṇānāṃ bavastathā

among the lunar mansions, Hasta; among the lunar days, the third; the best ascendant is Makara, and among the karanas, Bava;

Note on the text: Not in the critical edition (found in the vulgate recension).

Verse 17 (1.242.17)

मैत्रो मुहूर्तो वैवाह्य आवयोः शुभकर्मणि । सर्वसंपदियं भद्रे अद्य रात्रौ भविष्यति ॥

maitro muhūrto vaivāhya āvayoḥ śubhakarmaṇi | sarvasaṃpadiyaṃ bhadre adya rātrau bhaviṣyati

and the muhurta for marriage is Maitra. All these favourable conditions for our auspicious rite, gentle lady, will come together tonight.

Note on the text: Not in the critical edition (found in the vulgate recension).

Verse 18 (1.242.18)

भगवानस्तमभ्येति आदित्यस्तपतां वरः । रात्रौ विवाहकालोऽयं भविष्यति न संशयः ॥

bhagavānastamabhyeti ādityastapatāṃ varaḥ | rātrau vivāhakālo'yaṃ bhaviṣyati na saṃśayaḥ

The blessed Sun, best of all that give heat, is going to his setting. Tonight will be the time for our marriage, without doubt.

Note on the text: Not in the critical edition (found in the vulgate recension).

Verse 19 (1.242.19)

नारायणोऽपि सर्वज्ञो नावबुध्येत विश्वकृत् । धर्मसङ्कटमापन्ने किं नु कृत्वा सुखं भवेत् ॥

nārāyaṇo'pi sarvajño nāvabudhyeta viśvakṛt | dharmasaṅkaṭamāpanne kiṃ nu kṛtvā sukhaṃ bhavet

Not even Narayana, the all-knowing maker of the universe, would come to know of it. When one has fallen into a dilemma of dharma, what can one do that leads to happiness?

Note on the text: Not in the critical edition (found in the vulgate recension).

Verse 20 (1.242.20)

मनोभवेन कामेन मोहितं मां प्रलापिनम् । प्रतिवाक्यं च मे देवि किं न वक्ष्यसि माधवि ॥

manobhavena kāmena mohitaṃ māṃ pralāpinam | prativākyaṃ ca me devi kiṃ na vakṣyasi mādhavi

I am bewildered by Kama, the god born of the mind, and I speak wildly. Why will you not give me an answer, goddess, Madhavi?"

Note on the text: Not in the critical edition (found in the vulgate recension).

Verse 21 (1.242.21)

अर्जुनस्य वचः श्रुत्वा चिन्तयन्ती जनार्दनम् । नोवाच किंचिद्वचनं बाष्पदूषितलोचना ॥

arjunasya vacaḥ śrutvā cintayantī janārdanam | novāca kiṃcidvacanaṃ bāṣpadūṣitalocanā

Hearing Arjuna's words, she thought of Janardana and said nothing at all, her eyes clouded with tears.

Note on the text: Not in the critical edition (found in the vulgate recension).

Verse 22 (1.242.22)

रागोन्मादप्रलापी सन्नर्जुनो जयतां वरः । चिन्तयामास पितरं प्रविश्य च लतागृहम् ॥

rāgonmādapralāpī sannarjuno jayatāṃ varaḥ | cintayāmāsa pitaraṃ praviśya ca latāgṛham

Then Arjuna, best of victors, babbling in the madness of love, went into a bower of creepers and thought of his father.

Note on the text: Not in the critical edition (found in the vulgate recension).

Verse 23 (1.242.23)

चिन्तयानं तु कौन्तेयं मत्वा शच्या शचीपतिः । सहितो नारदाद्यैश्च मुनिभिश्च महामनाः ॥

cintayānaṃ tu kaunteyaṃ matvā śacyā śacīpatiḥ | sahito nāradādyaiśca munibhiśca mahāmanāḥ

Knowing that the son of Kunti was thinking of him, the high-minded lord of Shachi, together with Shachi and with Narada and the other sages,

Note on the text: Not in the critical edition (found in the vulgate recension).

Verse 24 (1.242.24)

गन्धर्वैरप्सरोभिश्च चारणैश्चापि गुह्यकैः । अरुन्धत्या वसिष्ठेन ह्याजगाम कुशस्थलीम् ॥

gandharvairapsarobhiśca cāraṇaiścāpi guhyakaiḥ | arundhatyā vasiṣṭhena hyājagāma kuśasthalīm

with Gandharvas and Apsarases, with Charanas and Guhyakas, and with Arundhati and Vasishtha, came to Kushasthali.

Note on the text: Not in the critical edition (found in the vulgate recension).

Verse 25 (1.242.25)

चिन्तितं च सुभद्रायाश्चिन्तयित्वा जनार्दनः । निद्रयापहृतज्ञानं रौहिणेयं विना तदा ॥

cintitaṃ ca subhadrāyāścintayitvā janārdanaḥ | nidrayāpahṛtajñānaṃ rauhiṇeyaṃ vinā tadā

Janardana too, perceiving what Subhadra had in mind, left behind Rohini's son, whose senses were overcome by sleep,

Note on the text: Not in the critical edition (found in the vulgate recension).

Verse 26 (1.242.26)

सहाक्रूरेण शिनिना सत्यकेन गदेन च । वसुदेवेन देवक्या आहूकेन च धीमता ॥

sahākrūreṇa śininā satyakena gadena ca | vasudevena devakyā āhūkena ca dhīmatā

and with Akrura, Shini, Satyaka and Gada, with Vasudeva and Devaki, and with the wise Ahuka,

Note on the text: Not in the critical edition (found in the vulgate recension).

Verse 27 (1.242.27)

आजगाम पुरीं रात्रौ द्वारकां स्वजनैर्वृतः । पूजयित्वा तु देवेशो नारदादीन्महायशाः ॥

ājagāma purīṃ rātrau dvārakāṃ svajanairvṛtaḥ | pūjayitvā tu deveśo nāradādīnmahāyaśāḥ

came by night to the city of Dvaraka, surrounded by his own people. That glorious lord of the gods honoured Narada and the others,

Note on the text: Not in the critical edition (found in the vulgate recension).

Verse 28 (1.242.28)

कुशलप्रश्नमुक्त्वा तु देवेन्द्रेणाभियाचितः । वैवाहिकीं क्रियां कृष्णः स तथेत्येवमुक्तवान् ॥

kuśalapraśnamuktvā tu devendreṇābhiyācitaḥ | vaivāhikīṃ kriyāṃ kṛṣṇaḥ sa tathetyevamuktavān

asked after their welfare, and when the king of the gods requested the marriage rite of him, Krishna answered, "So be it."

Note on the text: Not in the critical edition (found in the vulgate recension).

Verse 29 (1.242.29)

आहुको वसुदेवश्च सहाक्रूरः ससात्यकिः । अभिप्रणम्य शिरसा पाकशासनमब्रुवन् । देवदेव नमस्तेऽस्तु लोकनाथ जगत्पते ॥

āhuko vasudevaśca sahākrūraḥ sasātyakiḥ | abhipraṇamya śirasā pākaśāsanamabruvan | devadeva namaste'stu lokanātha jagatpate

Ahuka and Vasudeva, with Akrura and Satyaki, bowed their heads to Indra, the chastiser of Paka, and said: "God of gods, homage to you, lord of the worlds, master of the universe!

Note on the text: Corrected नमस्तेस्तु → नमस्तेऽस्तु (misprint in Wikisource; missing avagraha in नमस्ते + अस्तु). Not in the critical edition (found in the vulgate recension).

Verse 30 (1.242.30)

वयं धन्याः स्म सहितैर्बान्धवैः सहिताः प्रभो । कृतप्रसादास्तु वयं तव वाक्येन विश्वजित् ॥

vayaṃ dhanyāḥ sma sahitairbāndhavaiḥ sahitāḥ prabho | kṛtaprasādāstu vayaṃ tava vākyena viśvajit

We are blessed, lord, together with all our kinsmen; by your word, conqueror of all, we have received your grace."

Note on the text: Not in the critical edition (found in the vulgate recension).

Verse 31 (1.242.31)

एवमुक्त्वा प्रसाद्यैनं पूजयित्वा प्रयत्नतः । महेन्द्रशासनात्सर्वे सहिता ऋषिभिस्तदा ॥

evamuktvā prasādyainaṃ pūjayitvā prayatnataḥ | mahendraśāsanātsarve sahitā ṛṣibhistadā

Having said this and won his favour, and having honoured him with care, all of them, together with the sages, at great Indra's command,

Note on the text: Not in the critical edition (found in the vulgate recension).

Verse 32 (1.242.32)

विवाहं कारयामासुः शक्रपुत्रस्य शास्त्रतः । अरुन्धती शची देवी रुग्मिणी देवकी तथा ॥

vivāhaṃ kārayāmāsuḥ śakraputrasya śāstrataḥ | arundhatī śacī devī rugmiṇī devakī tathā

had the marriage of Shakra's son performed according to scripture. Arundhati, the goddess Shachi, Rukmini and Devaki,

Note on the text: Not in the critical edition (found in the vulgate recension).

Verse 33 (1.242.33)

दिव्यस्त्रीभिश्च सहिताः सुभद्रायाः शुभाः क्रियाः । अर्जुनेऽपि तथा सर्वाः क्रिया भद्राः प्रयोजयन् ॥

divyastrībhiśca sahitāḥ subhadrāyāḥ śubhāḥ kriyāḥ | arjune'pi tathā sarvāḥ kriyā bhadrāḥ prayojayan

together with the celestial women, performed the auspicious rites for Subhadra, and likewise had all the auspicious rites performed for Arjuna.

Note on the text: Not in the critical edition (found in the vulgate recension).

Verse 34 (1.242.34)

महर्षिः काश्यपो होता सदस्या नारदादयः । पुण्याशिषः प्रयोक्तारः सर्वे ते हि तदार्जुने ॥

maharṣiḥ kāśyapo hotā sadasyā nāradādayaḥ | puṇyāśiṣaḥ prayoktāraḥ sarve te hi tadārjune

The great sage Kashyapa was the officiating priest, and Narada and the others were the overseers of the rite; all of them then pronounced holy blessings upon Arjuna.

Note on the text: Not in the critical edition (found in the vulgate recension).

Verse 35 (1.242.35)

अभिषेकं तदा कृत्वा महेन्द्रः पाकशासनिम् । लोकपालैस्तु सहितः सर्वदेवैरभिष्टुतः ॥

abhiṣekaṃ tadā kṛtvā mahendraḥ pākaśāsanim | lokapālaistu sahitaḥ sarvadevairabhiṣṭutaḥ

Then great Indra, the chastiser of Paka, accompanied by the guardians of the worlds and praised by all the gods, consecrated his son with sacred water,

Note on the text: Not in the critical edition (found in the vulgate recension).

Verse 36 (1.242.36)

किरीटाङ्गदहाराद्यैर्हस्ताभरणकुण्डलैः । भूषयित्वा तदा पार्थं द्वितीयमिव वासवम् ॥

kirīṭāṅgadahārādyairhastābharaṇakuṇḍalaiḥ | bhūṣayitvā tadā pārthaṃ dvitīyamiva vāsavam

and adorned Partha with a diadem, armlets, necklaces and the rest, with bracelets and earrings, so that he looked like a second Vasava.

Note on the text: Not in the critical edition (found in the vulgate recension).

Verse 37 (1.242.37)

पुत्रं परिष्वज्य तदा प्रीतिमाप पुरन्दरः । शची देवी तदा भद्रामरुन्धत्यादिभिस्तथा ॥

putraṃ pariṣvajya tadā prītimāpa purandaraḥ | śacī devī tadā bhadrāmarundhatyādibhistathā

Embracing his son, Purandara was filled with joy. Then the goddess Shachi, with Arundhati and the others, for Bhadra

Note on the text: Corrected शछी → शची (misprint in Wikisource; छ for च in the name Shachi). Not in the critical edition (found in the vulgate recension).

Verse 38 (1.242.38)

कारयामास वैवाह्यमङ्गलान्यादवस्त्रियः । सहाप्सरोभिर्मुदिता भूषयित्वा स्वभूषणैः ॥

kārayāmāsa vaivāhyamaṅgalānyādavastriyaḥ | sahāpsarobhirmuditā bhūṣayitvā svabhūṣaṇaiḥ

had the auspicious wedding rites performed; and the Yadava women, delighted, together with the Apsarases, adorned her with their own ornaments.

Note on the text: Not in the critical edition (found in the vulgate recension).

Verse 39 (1.242.39)

पौलोमीमिव मन्यन्ते सुभद्रां तत्र योषितः । ततो विवाहो ववृधे कृतः सर्वगुणान्वितः ॥

paulomīmiva manyante subhadrāṃ tatra yoṣitaḥ | tato vivāho vavṛdhe kṛtaḥ sarvaguṇānvitaḥ

The women there took Subhadra for Pauloma's daughter, Shachi, herself. Then the marriage went forward, performed with every excellence.

Note on the text: Not in the critical edition (found in the vulgate recension).

Verse 40 (1.242.40)

तस्याः पाणिं गृहीत्वा तु मन्त्रैर्होमपुरस्कृतम् । सुभद्रया बभौ जिष्णुः शच्या इव शचीपतिः ॥

tasyāḥ pāṇiṃ gṛhītvā tu mantrairhomapuraskṛtam | subhadrayā babhau jiṣṇuḥ śacyā iva śacīpatiḥ

Taking her hand with mantras, the fire-offering made first, Jishnu shone beside Subhadra like the lord of Shachi beside Shachi.

Note on the text: Not in the critical edition (found in the vulgate recension).

Verse 41 (1.242.41)

सा जिष्णुमधिकं भेजे सुभद्रा चारुदर्शना । पार्थस्य सदृशी भद्रा रूपेण वयसा तथा ॥

sā jiṣṇumadhikaṃ bheje subhadrā cārudarśanā | pārthasya sadṛśī bhadrā rūpeṇa vayasā tathā

Lovely Subhadra gave herself to Jishnu all the more; Bhadra was a match for Partha in beauty and in age,

Note on the text: Not in the critical edition (found in the vulgate recension).

Verse 42 (1.242.42)

सुभद्रायाश्च पार्थोऽपि सदृशो रूपलक्षणैः । इत्यूचुश्च तदा देवाः प्रीताः सेन्द्रपुरोगमाः ॥

subhadrāyāśca pārtho'pi sadṛśo rūpalakṣaṇaiḥ | ityūcuśca tadā devāḥ prītāḥ sendrapurogamāḥ

and Partha too matched Subhadra in looks and bodily marks: so said the gods then, delighted, with Indra at their head.

Note on the text: Not in the critical edition (found in the vulgate recension).

Verse 43 (1.242.43)

एवं निवेश्य देवास्ते गन्धर्वैः साप्सरोगणैः । आमन्त्र्य यादवाः सर्वे विप्रजग्मुर्यथागतम् ॥

evaṃ niveśya devāste gandharvaiḥ sāpsarogaṇaiḥ | āmantrya yādavāḥ sarve viprajagmuryathāgatam

Having thus settled the couple, the gods, with the Gandharvas and the hosts of Apsarases, took leave of all the Yadavas and departed as they had come.

Note on the text: Not in the critical edition (found in the vulgate recension).

Verse 44 (1.242.44)

यादवाः पार्थमामन्त्र्य अन्तर्द्वीपं गतास्तदा । वासुदेवस्तदा पार्थमुवाच यदुनन्दनः ॥

yādavāḥ pārthamāmantrya antardvīpaṃ gatāstadā | vāsudevastadā pārthamuvāca yadunandanaḥ

The Yadavas, taking leave of Partha, then went back to Antardvipa. Then Vasudeva, the joy of the Yadus, said to Partha:

Note on the text: Not in the critical edition (found in the vulgate recension).

Verse 45 (1.242.45)

द्वाविंशद्दिवसान्पार्थ इहोष्य भरतर्षभ । मामकं रथमारुह्य शैब्यसुग्रीवयोजितम् ॥

dvāviṃśaddivasānpārtha ihoṣya bharatarṣabha | māmakaṃ rathamāruhya śaibyasugrīvayojitam

"Stay here twenty-two days, Partha, bull among the Bharatas; then, mounting my chariot yoked with Shaibya and Sugriva,

Note on the text: Not in the critical edition (found in the vulgate recension).

Verse 46 (1.242.46)

सुभद्रया सुखं पार्थ खाण्डवप्रस्थमाविश । यादवैः सहितः पश्चादागमिष्यामि भारत । यतिवेषेण नियतो वस त्वं रुक्मिणीगृहे ॥

subhadrayā sukhaṃ pārtha khāṇḍavaprasthamāviśa | yādavaiḥ sahitaḥ paścādāgamiṣyāmi bhārata | yativeṣeṇa niyato vasa tvaṃ rukmiṇīgṛhe

go happily with Subhadra to Khandavaprastha, Partha. I shall come afterwards with the Yadavas, Bharata. Meanwhile live restrained in the guise of an ascetic, in Rukmini's house."

Note on the text: Not in the critical edition (found in the vulgate recension).

Verse 47 (1.242.47)

एवमुक्त्वा प्रचक्राम अन्तर्द्वीपं जनार्दनः । कृतोद्वाहस्ततः पार्थः कृतकार्योऽभवत्तदा ॥

evamuktvā pracakrāma antardvīpaṃ janārdanaḥ | kṛtodvāhastataḥ pārthaḥ kṛtakāryo'bhavattadā

Having said this, Janardana set out for Antardvipa. Partha, his marriage made, had then achieved his purpose.

Note on the text: Not in the critical edition (found in the vulgate recension).

Verse 48 (1.242.48)

तस्यां चोपगतो भावः पार्थस्य सुमहात्मनः । तस्मिन्भावः सुभद्राया अन्योन्यं समवर्धत ॥

tasyāṃ copagato bhāvaḥ pārthasya sumahātmanaḥ | tasminbhāvaḥ subhadrāyā anyonyaṃ samavardhata

Love for her arose in great-souled Partha, and in Subhadra love for him; their love for each other grew.

Note on the text: Not in the critical edition (found in the vulgate recension).

Verse 49 (1.242.49)

स तथा युयुजे वीरो भद्रया भरतर्षभः । अभिनिष्पन्नया रामः सीतयेव समन्वितः ॥

sa tathā yuyuje vīro bhadrayā bharatarṣabhaḥ | abhiniṣpannayā rāmaḥ sītayeva samanvitaḥ

That hero, bull among the Bharatas, was united with Bhadra, his perfect match, as Rama was with Sita.

Note on the text: Not in the critical edition (found in the vulgate recension).

Verse 50 (1.242.50)

अपि जिष्णुर्विजज्ञे तां ह्रीं श्रियं सन्नतिक्रियाम् । देवतानां वरस्त्रीणां रूपेण सदृशीं सतीम् ॥

api jiṣṇurvijajñe tāṃ hrīṃ śriyaṃ sannatikriyām | devatānāṃ varastrīṇāṃ rūpeṇa sadṛśīṃ satīm

Jishnu knew her as Modesty and Fortune in person, gracious and humble in her ways, virtuous, and equal in beauty to the finest women of the gods.

Note on the text: Not in the critical edition (found in the vulgate recension).

Verse 51 (1.242.51)

स प्रकृत्या श्रिया दीप्त्या संदिदीपे तयाऽधिकम् । उद्यत्सहस्रदीप्तांशुः शरदीव दिवाकरः ॥

sa prakṛtyā śriyā dīptyā saṃdidīpe tayā'dhikam | udyatsahasradīptāṃśuḥ śaradīva divākaraḥ

Radiant by nature with splendour and brilliance, he blazed all the more because of her, like the thousand-rayed sun rising in autumn.

Note on the text: Not in the critical edition (found in the vulgate recension).

Verse 52 (1.242.52)

सा तु तं मनुजव्याघ्रमनुरक्ता यशस्विनी । कन्यापुरगता भूत्वा तत्परा समपद्यत ॥

sā tu taṃ manujavyāghramanuraktā yaśasvinī | kanyāpuragatā bhūtvā tatparā samapadyata

And she, the illustrious one, devoted to that tiger among men, went back to the maidens' quarters and remained wholly given to him.

Note on the text: Not in the critical edition (found in the vulgate recension).