Gifts of Gold, Water, Ghee, Fuel, Umbrella and Cart

Verse 1 (13.100.1)

सर्वान्कामान्प्रयच्छन्ति ये प्रयच्छन्ति काञ्चनम् । इत्येवं भगवानत्रिः पितामहसुतोऽब्रवीत् ॥

sarvānkāmānprayacchanti ye prayacchanti kāñcanam | ityevaṃ bhagavānatriḥ pitāmahasuto'bravīt

"Those who give gold give all desires." So said the blessed Atri, the son of the Grandfather.

Verse 2 (13.100.2)

पवित्रं शुच्यथायुष्यं पितृणामक्षयं च तत् । सुवर्णं मनुजेन्द्रेण हरिश्चन्द्रेण कीर्तितम् ॥

pavitraṃ śucyathāyuṣyaṃ pitṛṇāmakṣayaṃ ca tat | suvarṇaṃ manujendreṇa hariścandreṇa kīrtitam

That gold is purifying, pure, life-giving, and imperishable for the ancestors. So declared Harishchandra, the king of men.

Note on the text: Corrected पितृणामक्ष्यं → पितृणामक्षयं (misprint in Wikisource; CE akṣayaṃ).

Verse 3 (13.100.3)

पानीयपरमं दानं दानानां मनुरब्रवीत् । तस्मात्कूपांश्च वापीश्च तटाकानि च खानयेत् ॥

pānīyaparamaṃ dānaṃ dānānāṃ manurabravīt | tasmātkūpāṃśca vāpīśca taṭākāni ca khānayet

Manu said that the gift of water is the highest of gifts. Therefore one should have wells, stepwells and ponds dug.

Note on the text: Corrected स्वानयेत् → खानयेत् (misprint in Wikisource; CE khānayet).

Verse 4 (13.100.4)

सर्वं विनाशयेत्पापं पुरुषस्येह कर्मणः । कूपः प्रवृत्तपानीयः सुप्रवृत्तश्च नित्यशः ॥

sarvaṃ vināśayetpāpaṃ puruṣasyeha karmaṇaḥ | kūpaḥ pravṛttapānīyaḥ supravṛttaśca nityaśaḥ

A well from which water is drawn constantly, and which is always in good use, destroys all the sin of a man's deeds here.

Note on the text: Critical edition: 13.64.4 (first line there reads ardhaṃ pāpasya harati; the vulgate has sarvaṃ vināśayet pāpam).

Verse 5 (13.100.5)

सर्वं तारयते वंशं यस्य खाते जलाशये । गावः पिबन्ति विप्राश्च साधवश्च नराः सदा ॥

sarvaṃ tārayate vaṃśaṃ yasya khāte jalāśaye | gāvaḥ pibanti viprāśca sādhavaśca narāḥ sadā

He who has had a reservoir dug, where cows, brahmanas and good people always drink, carries his whole lineage across.

Verse 6 (13.100.6)

निदाघकाले पानीयं यस्य तिष्ठत्यवारितम् । स दुर्गं विषमं कृत्स्नं न कदाचिदवाप्नुते ॥

nidāghakāle pānīyaṃ yasya tiṣṭhatyavāritam | sa durgaṃ viṣamaṃ kṛtsnaṃ na kadācidavāpnute

He at whose place water stands unrestricted in the hot season never meets any rugged or difficult path.

Verse 7 (13.100.7)

बृहस्पतेर्भगवतः पूष्णश्चैव भगस्य च । अश्विनोश्चैव वह्नेश्च प्रीतिर्भवति सर्पिषा ॥

bṛhaspaterbhagavataḥ pūṣṇaścaiva bhagasya ca | aśvinoścaiva vahneśca prītirbhavati sarpiṣā

Brihaspati, Pushan, Bhaga, the two Ashvins and Agni all take pleasure in ghee.

Verse 8 (13.100.8)

परमं भेषजं ह्येतद्यज्ञानामेतदुत्तमम् । रसानामुत्तमं चैतत्फलानां चैतदुत्तमम् ॥

paramaṃ bheṣajaṃ hyetadyajñānāmetaduttamam | rasānāmuttamaṃ caitatphalānāṃ caitaduttamam

This is the best of medicines and the best of sacrificial offerings; it is the best of savours and the best of fruits.

Verse 9 (13.100.9)

फलकामो यशस्कामः पुष्टिकामश्च नित्यदा । घृतं दद्याद्द्विजातिभ्यः पुरुषः शुचिरात्मवान् ॥

phalakāmo yaśaskāmaḥ puṣṭikāmaśca nityadā | ghṛtaṃ dadyāddvijātibhyaḥ puruṣaḥ śucirātmavān

One who wants fruit, fame and prosperity should always give ghee to the twice-born, remaining pure and self-controlled.

Verse 10 (13.100.10)

घृतं मासे आश्वयुजि विप्रेभ्यो यः प्रयच्छति । तस्मै प्रयच्छतो रूपं प्रीतौ देवाविहाश्विनौ ॥

ghṛtaṃ māse āśvayuji viprebhyo yaḥ prayacchati | tasmai prayacchato rūpaṃ prītau devāvihāśvinau

He who gives ghee to brahmanas in the month of Ashvayuja—the two Ashvin gods, pleased with him, grant beauty to the giver here.

Note on the text: Corrected विप्रभ्यो → विप्रेभ्यो (misprint in Wikisource; CE viprebhyo).

Verse 11 (13.100.11)

पायसं सर्पिषा मिश्रं द्विजेभ्यो यः प्रयच्छति । गृहं तस्य न रक्षांसि धर्षयन्ति कदाचन ॥

pāyasaṃ sarpiṣā miśraṃ dvijebhyo yaḥ prayacchati | gṛhaṃ tasya na rakṣāṃsi dharṣayanti kadācana

Rakshasas never attack the house of one who gives brahmanas milk-rice mixed with ghee.

Verse 12 (13.100.12)

पिपासया न म्रियते सोपच्छन्दश्च जायते । न प्राप्नुयाच्च व्यसनं करकान्यः प्रयच्छति ॥

pipāsayā na mriyate sopacchandaśca jāyate | na prāpnuyācca vyasanaṃ karakānyaḥ prayacchati

He who gives water-vessels does not die of thirst, is born well provided, and never meets calamity.

Verse 13 (13.100.13)

प्रयतो ब्राह्मणाग्रे यः श्रद्धया परया युतः । उपस्पर्शनषड्भागं लभते पुरुषः सदा ॥

prayato brāhmaṇāgre yaḥ śraddhayā parayā yutaḥ | upasparśanaṣaḍbhāgaṃ labhate puruṣaḥ sadā

A self-controlled man who, in the presence of a brahmana, acts with supreme faith always receives a sixth part of the merit of upasparshana.

Verse 14 (13.100.14)

यः साधनार्थं काष्ठानि ब्राह्मणेभ्यः प्रयच्छति । प्रतापनार्थं राजेन्द्र वृत्तवद्भ्यः सदा नरः ॥

yaḥ sādhanārthaṃ kāṣṭhāni brāhmaṇebhyaḥ prayacchati | pratāpanārthaṃ rājendra vṛttavadbhyaḥ sadā naraḥ

The man who always gives brahmanas of good conduct firewood for their rites and for warming themselves, O best of kings,

Verse 15 (13.100.15)

सिद्ध्यन्त्यर्थाः सदा तस्य कार्याणि विविधानि च । उपर्युपरि शत्रूणां वपुषा दीप्यते च सः ॥

siddhyantyarthāḥ sadā tasya kāryāṇi vividhāni ca | uparyupari śatrūṇāṃ vapuṣā dīpyate ca saḥ

succeeds always in his undertakings and in his many tasks, and blazes in body above his enemies.

Verse 16 (13.100.16)

भगवांश्चापि सम्प्रीतो वह्निर्भवति नित्यशः । न तं त्यजन्ति पशवः सङ्ग्रामे च जयत्यपि ॥

bhagavāṃścāpi samprīto vahnirbhavati nityaśaḥ | na taṃ tyajanti paśavaḥ saṅgrāme ca jayatyapi

The blessed Agni is ever well pleased with him, animals do not leave him, and he wins in battle too.

Note on the text: Corrected सम्प्रतो → सम्प्रीतो (misprint in Wikisource; dropped vowel sign; CE suprīto).

Verse 17 (13.100.17)

पुत्राञ्श्रियं च लभते यश्छत्रं सम्प्रयच्छति । न चक्षुर्व्याधिं लभते यज्ञभागमथाश्नुते ॥

putrāñśriyaṃ ca labhate yaśchatraṃ samprayacchati | na cakṣurvyādhiṃ labhate yajñabhāgamathāśnute

He who gives an umbrella gains sons and prosperity; he suffers no eye disease and receives a share in the sacrifice.

Note on the text: Corrected सम्प्रच्छति → सम्प्रयच्छति (misprint in Wikisource; dropped akshara; CE saṃprayacchati).

Verse 18 (13.100.18)

निदाघकाले वर्षे वा यश्छत्रं सम्प्रयच्छति । नास्य कश्चिन्मनोदाहः कदाचिदपि जायते । कृच्छ्रात्स विषमाच्चैव क्षिप्रं मोक्षमवाप्नुते ॥

nidāghakāle varṣe vā yaśchatraṃ samprayacchati | nāsya kaścinmanodāhaḥ kadācidapi jāyate | kṛcchrātsa viṣamāccaiva kṣipraṃ mokṣamavāpnute

He who gives an umbrella in the hot season or in the rains never suffers any burning of the mind, and quickly finds release from hardship and difficulty.

Verse 19 (13.100.19)

प्रदानं सर्वदानानां शकटस्य विशाम्पते । एवमाह महाभागः शाण्डिल्यो भगवानृषिः ॥

pradānaṃ sarvadānānāṃ śakaṭasya viśāmpate | evamāha mahābhāgaḥ śāṇḍilyo bhagavānṛṣiḥ

Among all gifts the gift of a cart stands out, O lord of the people. So spoke the greatly fortunate, blessed sage Shandilya.