Maheshvara Describes the Pashupatas and the Worship of the Linga

Verse 1 (13.247.1)

त्रियक्ष त्रिदशश्रेष्ठ त्र्यम्बक त्रिदशाधिप । त्रिपुरान्तक कामाङ्गहर त्रिपथगाधर ॥

triyakṣa tridaśaśreṣṭha tryambaka tridaśādhipa | tripurāntaka kāmāṅgahara tripathagādhara

“O Triyaksha, best of the gods, O Tryambaka, lord of the gods, destroyer of Tripura, destroyer of the body of Kama, bearer of the Ganga of three paths,”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4325-4326.

Verse 2 (13.247.2)

दक्षयज्ञप्रशमन शूलपाणेऽरिसूदन । नमस्ते लोकपालेश लोकपालवरप्रद ॥

dakṣayajñapraśamana śūlapāṇe'risūdana | namaste lokapāleśa lokapālavaraprada

“O ender of Daksha's sacrifice, wielder of the trident, slayer of foes: I bow to you, lord of the world-guardians, giver of boons to the world-guardians.”

Note on the text: Corrected सूलपाणे → शूलपाणे (misprint in Wikisource; स for श; CE 4327 śūlapāṇe). Not in the critical edition proper (vulgate recension); parallel text in Appendix I No. 15 (after 13.134.57d), lines 4327-4328.

Verse 3 (13.247.3)

नैकशाखमपर्यन्तमध्यात्मज्ञानमुत्तमम् । अप्रतर्क्यमविज्ञेयं साङ्ख्ययोगसमन्वितम् ॥

naikaśākhamaparyantamadhyātmajñānamuttamam | apratarkyamavijñeyaṃ sāṅkhyayogasamanvitam

“The highest knowledge of the Self, many-branched and without end, beyond reasoning and beyond understanding, joined with Sankhya and Yoga,”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4329-4330.

Verse 4 (13.247.4)

भवता परिपृष्टेन शृण्वन्त्या मम भाषितम् । इदानीं श्रोतुमिच्छामि सायुज्यं त्वद्गतं विभो ॥

bhavatā paripṛṣṭena śṛṇvantyā mama bhāṣitam | idānīṃ śrotumicchāmi sāyujyaṃ tvadgataṃ vibho

“was spoken by you, when asked, to me as I listened. Now, O lord, I wish to hear about union with you.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4331-4332.

Verse 5 (13.247.5)

कथं परिचरन्त्येते भक्तास्त्वां परमेष्ठिनम् । आचारः कीदृशस्तेषां केन तुष्टो भवेद्भवान् । वर्ण्यमानं त्वया साक्षात्प्रीणयत्यधिकं हि माम् ॥

kathaṃ paricarantyete bhaktāstvāṃ parameṣṭhinam | ācāraḥ kīdṛśasteṣāṃ kena tuṣṭo bhavedbhavān | varṇyamānaṃ tvayā sākṣātprīṇayatyadhikaṃ hi mām

“How do these devotees serve you, the Supreme Lord? What is their conduct, and by what are you pleased? For when it is described by you in person, it pleases me all the more.”

Note on the text: Corrected हि मा → हि माम् (misprint in Wikisource; dropped final म्; CE 4335 hi mām). The CE prints Maheshvara's speaker label before the third line (4335); the page keeps all three lines with Uma, as the sense requires. Not in the critical edition proper (vulgate recension); parallel text in Appendix I No. 15 (after 13.134.57d), lines 4333-4335.

Verse 6 (13.247.6)

हन्त ते कथयिष्यामि मम सायुज्यमद्भुतम् । येन ते न निवर्तन्ते युक्ताः परमयोगिनः ॥

hanta te kathayiṣyāmi mama sāyujyamadbhutam | yena te na nivartante yuktāḥ paramayoginaḥ

“Come, I shall tell you of my wondrous union, by which those supreme yogis, once united with me, do not return.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4336-4337.

Verse 7 (13.247.7)

अव्यक्तोऽहमचिन्त्योऽहं पूर्वैरपि मुमुक्षुभिः । साङ्ख्ययोगौ मया सृष्टौ सर्वं चापि चराचरम् ॥

avyakto'hamacintyo'haṃ pūrvairapi mumukṣubhiḥ | sāṅkhyayogau mayā sṛṣṭau sarvaṃ cāpi carācaram

“I am unmanifest, I am beyond thought, even for the seekers of liberation before you. Sankhya and Yoga were made by me, and all this world of the moving and the unmoving as well.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4338-4339.

Verse 8 (13.247.8)

अर्चनीयोऽहमीशोऽहमव्ययोऽहं सनातनः । अहं प्रसन्नो भक्तानां ददाम्यमरतामपि ॥

arcanīyo'hamīśo'hamavyayo'haṃ sanātanaḥ | ahaṃ prasanno bhaktānāṃ dadāmyamaratāmapi

“I am to be worshipped, I am the Lord, I am imperishable and eternal. When I am pleased with my devotees, I give them even immortality.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4340-4341.

Verse 9 (13.247.9)

न मां विदुः सुरगणा मुनयश्च तपोधनाः । त्वत्प्रियार्थमहं देवि मद्विभूतिं ब्रवीमि ते ॥

na māṃ viduḥ suragaṇā munayaśca tapodhanāḥ | tvatpriyārthamahaṃ devi madvibhūtiṃ bravīmi te

“The hosts of gods do not know me, nor do the sages rich in austerity. For your pleasure, O goddess, I shall tell you of my glory.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4342-4343.

Verse 10 (13.247.10)

आश्रमेभ्यश्चतुर्भ्योऽहं चतुरो ब्राह्मणाञ्शुभे । मद्भक्तान्निर्मलान्पुण्यान्समानीय तपस्विनः ॥

āśramebhyaścaturbhyo'haṃ caturo brāhmaṇāñśubhe | madbhaktānnirmalānpuṇyānsamānīya tapasvinaḥ

“From the four orders of life, O auspicious one, I gathered four brahmins, my devotees, pure and holy ascetics,”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4344-4345.

Verse 11 (13.247.11)

व्याचख्येऽहं तथा देवि योगं पाशुपतं महत् । गृहीतं तच्च तैः सर्वं मुखाच्च मम दक्षिणात् ॥

vyācakhye'haṃ tathā devi yogaṃ pāśupataṃ mahat | gṛhītaṃ tacca taiḥ sarvaṃ mukhācca mama dakṣiṇāt

“and to them, O goddess, I explained the great Pashupata Yoga. They received all of it from my right mouth,”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4346-4347.

Verse 12 (13.247.12)

श्रुत्वा तत्त्रिषु लोकेषु स्थापितं चापि तैः पुनः । इदानीं च त्वया पृष्टो वदाम्येकमनाः शृणु ॥

śrutvā tattriṣu lokeṣu sthāpitaṃ cāpi taiḥ punaḥ | idānīṃ ca tvayā pṛṣṭo vadāmyekamanāḥ śṛṇu

“and having heard it, they established it again in the three worlds. Now, since you have asked me, I shall tell you; listen with a single mind.”

Note on the text: The second line condenses CE 4349-4350. Not in the critical edition proper (vulgate recension); parallel text in Appendix I No. 15 (after 13.134.57d), lines 4348-4350.

Verse 13 (13.247.13)

अहं पशुपतिर्नाम मद्भक्ता ये च मानवाः । सर्वे पाशुपता ज्ञेया भस्मदिग्धतनूरुहाः ॥

ahaṃ paśupatirnāma madbhaktā ye ca mānavāḥ | sarve pāśupatā jñeyā bhasmadigdhatanūruhāḥ

“I am called Pashupati; and those men who are my devotees should all be known as Pashupatas, with their bodies smeared with ash.”

Note on the text: Corrected पसुपतिर्नाम → पशुपतिर्नाम (misprint in Wikisource; स for श; CE 4351 paśupatir nāma). Not in the critical edition proper (vulgate recension); parallel text in Appendix I No. 15 (after 13.134.57d), lines 4351-4352.

Verse 14 (13.247.14)

रक्षार्थं मङ्गलार्थं च पवित्रार्थं च भामिनि । लिङ्गार्थं चैव भक्तानां भस्म दत्तं मया पुरा ॥

rakṣārthaṃ maṅgalārthaṃ ca pavitrārthaṃ ca bhāmini | liṅgārthaṃ caiva bhaktānāṃ bhasma dattaṃ mayā purā

“For protection, for blessing and for purity, O lovely one, and as a mark of my devotees, ash was given by me long ago.”

Note on the text: Corrected न पवित्रार्थं → च पवित्रार्थं (misprint in Wikisource; न would reverse the sense; CE 4353 ca pavitrārthaṃ). Not in the critical edition proper (vulgate recension); parallel text in Appendix I No. 15 (after 13.134.57d), lines 4353-4354.

Verse 15 (13.247.15)

तेन संदिग्धसर्वाङ्गा भस्मना ब्रह्मचारिणः । जटिला मुण्डिता वाऽपि नानाकारशिखण्डिनः ॥

tena saṃdigdhasarvāṅgā bhasmanā brahmacāriṇaḥ | jaṭilā muṇḍitā vā'pi nānākāraśikhaṇḍinaḥ

“With it, their whole bodies smeared with ash, they are celibate students; some are matted-haired, some shaven, some wear their hair in crests of many kinds,”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4355-4356.

Verse 16 (13.247.16)

विकृताः पिङ्गलाभाश्च नग्ना नानाप्रकारिणः । भैक्षं चरन्तः सर्वत्र निःस्पृहा निष्परिग्रहाः ॥

vikṛtāḥ piṅgalābhāśca nagnā nānāprakāriṇaḥ | bhaikṣaṃ carantaḥ sarvatra niḥspṛhā niṣparigrahāḥ

“some misshapen, some tawny in hue, some naked, in many kinds of guise, begging alms everywhere, free of desire, owning nothing,”

Note on the text: Corrected पिङ्गलाभिस्च → पिङ्गलाभाश्च (misprint in Wikisource; broken ending; CE 4357 piṅgalābhāś ca). Not in the critical edition proper (vulgate recension); parallel text in Appendix I No. 15 (after 13.134.57d), lines 4357-4358.

Verse 17 (13.247.17)

मृत्पात्रहस्ता मद्भक्ता मन्निवेशितबुद्ध्यः । चरन्तो निखिलं लोकं मम हर्षविवर्धनाः ॥

mṛtpātrahastā madbhaktā manniveśitabuddhyaḥ | caranto nikhilaṃ lokaṃ mama harṣavivardhanāḥ

“holding earthen bowls in their hands, with their minds fixed on me, they wander through the whole world and increase my joy.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4359-4360.

Verse 18 (13.247.18)

मम पाशुपतं दिव्यं योगशास्त्रमनुत्तमम् । सूक्ष्मं सर्वेषु लोकेषु विमृशन्तश्चरन्ति ते ॥

mama pāśupataṃ divyaṃ yogaśāstramanuttamam | sūkṣmaṃ sarveṣu lokeṣu vimṛśantaścaranti te

“They go about in all the worlds pondering my divine Pashupata yoga-teaching, unsurpassed and subtle.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4361-4362.

Verse 19 (13.247.19)

एवं नित्याभियुक्तानां मद्भक्तानां तपस्विनाम् । उपायं चिन्तयाम्याशु येन मामुपयान्ति ते ॥

evaṃ nityābhiyuktānāṃ madbhaktānāṃ tapasvinām | upāyaṃ cintayāmyāśu yena māmupayānti te

“For my devotees, ascetics who are thus ever devoted, I quickly think of a means by which they may come to me.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4363-4364.

Verse 20 (13.247.20)

स्थापितं त्रिषु लोकेषु शिवलिङ्गं मया मम । नमस्कारेण वा तस्य मुच्यन्ते सर्वकिल्बिषैः ॥

sthāpitaṃ triṣu lokeṣu śivaliṅgaṃ mayā mama | namaskāreṇa vā tasya mucyante sarvakilbiṣaiḥ

“I have set up my Shiva-linga in the three worlds; by bowing to it they are freed from all sins.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4365-4366.

Verse 21 (13.247.21)

इष्टं दत्तमधीतं च यज्ञाश्च बहुदक्षिणाः । शिवलिङ्गप्रणामस्य कलां नार्हन्ति षोडशीम् ॥

iṣṭaṃ dattamadhītaṃ ca yajñāśca bahudakṣiṇāḥ | śivaliṅgapraṇāmasya kalāṃ nārhanti ṣoḍaśīm

“Sacrifice, gift and study, and sacrifices with abundant fees, are not worth a sixteenth part of a bow made to the Shiva-linga.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4367-4368.

Verse 22 (13.247.22)

अर्चया शिवलिङ्गस्य परितुष्याम्यहं प्रिये । शिवलिङ्गार्चनायां तु विधानमपि मे शृणु ॥

arcayā śivaliṅgasya parituṣyāmyahaṃ priye | śivaliṅgārcanāyāṃ tu vidhānamapi me śṛṇu

“I am pleased by the worship of the Shiva-linga, dear one. Now hear from me also the rule for worshipping the Shiva-linga.”

Note on the text: Corrected विदानमपि → विधानमपि (misprint in Wikisource; dropped aspirate; CE 4370 vidhānam api). Not in the critical edition proper (vulgate recension); parallel text in Appendix I No. 15 (after 13.134.57d), lines 4369-4370.

Verse 23 (13.247.23)

गोक्षीरनवनीताभ्यामर्चयेद्यः शिवं मम । इष्टस्य हयमेधस्य यत्फलं तत्फलं भवेत् ॥

gokṣīranavanītābhyāmarcayedyaḥ śivaṃ mama | iṣṭasya hayamedhasya yatphalaṃ tatphalaṃ bhavet

“He who worships my Shiva with cow's milk and butter obtains the fruit of a horse sacrifice performed.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4371-4372.

Verse 24 (13.247.24)

घृतमण्डेन यो नित्यमर्चयेद्धि शिवं मम । स फलं प्राप्नुयान्मर्त्यो ब्राह्मणस्याग्निहोत्रिणः ॥

ghṛtamaṇḍena yo nityamarcayeddhi śivaṃ mama | sa phalaṃ prāpnuyānmartyo brāhmaṇasyāgnihotriṇaḥ

“The mortal who constantly worships my Shiva with the cream of ghee obtains the fruit of a brahmin who keeps the sacred fire.”

Note on the text: Corrected नित्यमर्चयेद्यः → नित्यमर्चयेद्धि (misprint in Wikisource; doubled relative यो … यः; CE 4373 arcayed dhi). Not in the critical edition proper (vulgate recension); parallel text in Appendix I No. 15 (after 13.134.57d), lines 4373-4374.

Verse 25 (13.247.25)

केवलेनापि तोयेन स्नापयेद्यः शिवं मम । स चापि लभते पुण्यं प्रियं च लभते नरः ॥

kevalenāpi toyena snāpayedyaḥ śivaṃ mama | sa cāpi labhate puṇyaṃ priyaṃ ca labhate naraḥ

“He who bathes my Shiva even with plain water gains merit, and also gains what is dear to him.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4375-4376.

Verse 26 (13.247.26)

सघृतं गुग्गुलु सम्यग्धूपयेद्यः शिवान्तिके । गोसवस्य तु यज्ञस्य यत्फलं तस्य तद्भवेत् ॥

saghṛtaṃ guggulu samyagdhūpayedyaḥ śivāntike | gosavasya tu yajñasya yatphalaṃ tasya tadbhavet

“He who properly burns guggulu with ghee near Shiva obtains the fruit of the gosava sacrifice.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4377-4378.

Verse 27 (13.247.27)

यस्तु गुग्गुलपिण्डेन केवलेनापि धूपयेत् । तस्य रुक्मप्रधानस्य यत्फलं तस्य तद्भवेत् ॥

yastu guggulapiṇḍena kevalenāpi dhūpayet | tasya rukmapradhānasya yatphalaṃ tasya tadbhavet

“And he who burns even a mere lump of guggulu obtains the fruit of a sacrifice in which gold is the chief gift.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4379-4380.

Verse 28 (13.247.28)

यस्तु नानाविधैः पुष्पैर्मम लिङ्गं समर्चयेत् । स हि धेनुसहस्रस्य दत्तस्य फलमाप्नुयात् ॥

yastu nānāvidhaiḥ puṣpairmama liṅgaṃ samarcayet | sa hi dhenusahasrasya dattasya phalamāpnuyāt

“He who worships my linga with flowers of many kinds obtains the fruit of giving a thousand cows.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4381-4382.

Verse 29 (13.247.29)

यस्तु देशान्तरं गत्वा शिवलिङ्गं समर्चयेत् । तस्मात्सर्वमनुष्येषु नास्ति मे प्रियकृत्तमः ॥

yastu deśāntaraṃ gatvā śivaliṅgaṃ samarcayet | tasmātsarvamanuṣyeṣu nāsti me priyakṛttamaḥ

“He who goes to another land and worships the Shiva-linga there: among all men there is none who does more to please me than he.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4383-4384.

Verse 30 (13.247.30)

एवं नानाविधैर्द्रव्यैः शिवलिङ्गं समर्चयेत् । मत्समानो मनुष्येषु न पुनर्जायते नरः ॥

evaṃ nānāvidhairdravyaiḥ śivaliṅgaṃ samarcayet | matsamāno manuṣyeṣu na punarjāyate naraḥ

“So whoever worships the Shiva-linga with substances of many kinds becomes my equal among men and is not born again.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4385-4386.

Verse 31 (13.247.31)

अर्चनाभिर्नमस्कारैरुपहारैः स्तवैरपि । भक्तो मामर्चयेन्नित्यं शिवलिङ्गेष्वतन्द्रितः ॥

arcanābhirnamaskārairupahāraiḥ stavairapi | bhakto māmarcayennityaṃ śivaliṅgeṣvatandritaḥ

“The devotee should worship me constantly in Shiva-lingas, tirelessly, with worship, bows, offerings and hymns.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4387-4388.

Verse 32 (13.247.32)

पलाशबिल्वपत्राणि राजवृक्षस्रजं तथा । अर्कपुष्पाणि मेध्यानि मत्प्रियाणि विशेषतः ॥

palāśabilvapatrāṇi rājavṛkṣasrajaṃ tathā | arkapuṣpāṇi medhyāni matpriyāṇi viśeṣataḥ

“Palasha and bilva leaves, garlands of the rajavriksha, and pure arka flowers are especially dear to me.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4389-4390.

Verse 33 (13.247.33)

फलं वा यदि वा शाकं पुष्पं वा यदि वा जलम् । दत्तं सम्प्रीणयेद्देवि भक्तैर्मद्गतमानसैः ॥

phalaṃ vā yadi vā śākaṃ puṣpaṃ vā yadi vā jalam | dattaṃ samprīṇayeddevi bhaktairmadgatamānasaiḥ

“Whether it be fruit, vegetable, flower or water, what is offered, O goddess, by devotees whose minds are set on me gives me joy.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4391-4392.

Verse 34 (13.247.34)

ममाभिपरितुष्टस्य नास्ति लोकेषु दुर्लभम् । तस्मात्ते सततं भक्ता मामेवाभ्यर्चयन्त्युत ॥

mamābhiparituṣṭasya nāsti lokeṣu durlabham | tasmātte satataṃ bhaktā māmevābhyarcayantyuta

“For one with whom I am well pleased, nothing in the worlds is hard to obtain; therefore my devotees ever worship me alone.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4393-4394.

Verse 35 (13.247.35)

मद्भक्ता न विनश्यन्ति मद्भक्ता वीतकल्मषाः । मद्भक्ताः सर्वलोकेषु पूजनीया विशेषतः ॥

madbhaktā na vinaśyanti madbhaktā vītakalmaṣāḥ | madbhaktāḥ sarvalokeṣu pūjanīyā viśeṣataḥ

“My devotees do not perish; my devotees are free from stain; my devotees are to be honoured above all in every world.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4395-4396.

Verse 36 (13.247.36)

मद्द्वेषिणश्च ये मर्त्या मद्भक्तद्वेषिणश्च वा । यान्ति ते नरकं घोरमिष्ट्वा क्रतुशतैरपि ॥

maddveṣiṇaśca ye martyā madbhaktadveṣiṇaśca vā | yānti te narakaṃ ghoramiṣṭvā kratuśatairapi

“Those mortals who hate me, or hate my devotees, go to a dreadful hell, even if they have performed a hundred sacrifices.”

Note on the text: Corrected मद्द्वेषिणश्चि → मद्द्वेषिणश्च (misprint in Wikisource; stray vowel sign; CE 4397 maddveṣiṇaś ca). The CE reads क्षिप्रम् (4398) for घोरम्; the page reading is kept. Not in the critical edition proper (vulgate recension); parallel text in Appendix I No. 15 (after 13.134.57d), lines 4397-4398.

Verse 37 (13.247.37)

एतत्ते सर्वमाख्यातं योगं पाशुपतं महत् । मद्भक्तैर्मनुजैर्देवि श्राव्यमेतद्दिनेदिने ॥

etatte sarvamākhyātaṃ yogaṃ pāśupataṃ mahat | madbhaktairmanujairdevi śrāvyametaddinedine

“I have told you all this, the great Pashupata Yoga. It should be recited every day, O goddess, to men who are my devotees.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4399-4400.

Verse 38 (13.247.38)

शृणुयाद्यः पठेद्वाऽपि ममेदं धर्मनिश्चयम् । स्वर्गं कीर्तिं धनं धान्यं स लभेत नरोत्तमः ॥

śṛṇuyādyaḥ paṭhedvā'pi mamedaṃ dharmaniścayam | svargaṃ kīrtiṃ dhanaṃ dhānyaṃ sa labheta narottamaḥ

“The best of men who hears or recites this, my settled teaching on dharma, obtains heaven, fame, wealth and grain.”

Note on the text: Not in the critical edition proper (vulgate recension); parallel text in Appendix I No. 15 (after 13.134.57d), lines 4401-4402.