The Fruits of Austerity and Gifts: Bhishma's Teaching on the Bed of Arrows

Verse 1 (13.92.1)

मुह्यामीति निशम्याद्य चिन्तयानः पुनःपुनः । हीनां पार्थिवसिंहैस्तैः श्रीमद्भिः पृथिवीमिमाम् ॥

muhyāmīti niśamyādya cintayānaḥ punaḥpunaḥ | hīnāṃ pārthivasiṃhaistaiḥ śrīmadbhiḥ pṛthivīmimām

Hearing it said today, I cry out, "I am bewildered!", as I brood again and again on this earth, now emptied of those glorious lions among kings.

Note on the text: Aligned by hand to CE 13.57.1 (the automatic alignment missed it). Recension variants kept: line 1 मुह्यामीति (CE muhyāmīva); line 2 पार्थिवसिंहैस्तैः (CE pārthivasaṃghātaiḥ).

Verse 2 (13.92.2)

प्राप्य राज्यानि शतशो महीं जित्वाऽपि भारत । कोटिशः पुरुषान्हत्वा परितप्ये पितामह ॥

prāpya rājyāni śataśo mahīṃ jitvā'pi bhārata | koṭiśaḥ puruṣānhatvā paritapye pitāmaha

Though I have won hundreds of kingdoms and conquered the whole earth, O Bharata, I am tormented, grandsire, for I have slain men by the crore.

Verse 3 (13.92.3)

का नु तासां वरस्त्रीणामवस्थाऽद्य भविष्यति । या हीनाः पतिभिः पुत्रैर्मातुलैर्भ्रातृभिस्तथा ॥

kā nu tāsāṃ varastrīṇāmavasthā'dya bhaviṣyati | yā hīnāḥ patibhiḥ putrairmātulairbhrātṛbhistathā

What will now become of those noble women who have been left without husbands, sons, maternal uncles and brothers?

Verse 4 (13.92.4)

वयं हि तान्कुरुन्हत्वा ज्ञातींश्च सुहृदोऽपि च । अवाक्शीर्षाः पतिष्यामो नरके नात्र संशयः ॥

vayaṃ hi tānkurunhatvā jñātīṃśca suhṛdo'pi ca | avākśīrṣāḥ patiṣyāmo narake nātra saṃśayaḥ

Having slain those Kurus, our kinsmen and friends as well, we shall fall headfirst into hell; of that there is no doubt.

Note on the text: Corrected नात्रं → नात्र (misprint in Wikisource; stray anusvara; CE nātra).

Verse 5 (13.92.5)

शरीरं योक्तुमिच्छामि तपसोग्रेण भारत । उपदिष्टमिहेच्छामि तत्त्वतोऽहं विशाम्पते ॥

śarīraṃ yoktumicchāmi tapasogreṇa bhārata | upadiṣṭamihecchāmi tattvato'haṃ viśāmpate

I wish to subdue my body by fierce austerity, O Bharata; and I wish to be instructed in it truly, O lord of men.

Verse 6 (13.92.6)

युधिष्ठिरस्य तद्वाक्यं श्रुत्वा भीष्मो महामनाः । परीक्ष्य निपुणं बुद्ध्या युधिष्ठिरमभाषत ॥

yudhiṣṭhirasya tadvākyaṃ śrutvā bhīṣmo mahāmanāḥ | parīkṣya nipuṇaṃ buddhyā yudhiṣṭhiramabhāṣata

Hearing Yudhishthira's words, the great-minded Bhishma, having weighed them carefully with his understanding, answered Yudhishthira.

Note on the text: Page heading वैशम्पायन उवाच (CE 13.57.6 likewise vaiśaṃpāyana uvāca).

Verse 7 (13.92.7)

रहस्यमद्भुतं चैव शृणु वक्ष्यामि भारत । या गतिः प्राप्यते येन प्रेत्यभावे विशाम्पते ॥

rahasyamadbhutaṃ caiva śṛṇu vakṣyāmi bhārata | yā gatiḥ prāpyate yena pretyabhāve viśāmpate

Listen, O Bharata, I shall tell you a wondrous secret: what state is reached, and by what means, in the life after death, O lord of men.

Note on the text: Corrected वेन → येन (misprint in Wikisource; व for य; CE yena). Aligned by hand to CE 13.57.7. Speaker: the page prints the heading वैशम्पायन उवाच before v. 6 only, and the CE does the same; but vv. 7-41 are Bhishma's own speech (he says "I shall tell you..."), so they are given to Bhishma until the next printed heading (v. 42). Recension variants kept: line 1 ends वक्ष्यामि भारत (CE vakṣyāmi yat tvayi); line 2 येन प्रेत्यभावे विशाम्पते (CE yena pretyabhāveṣu bhārata).

Verse 8 (13.92.8)

तपसा प्राप्यते स्वर्गस्तपसा प्राप्यते यशः । आयुःप्रकर्षो भोगाश्च लभ्यन्ते तपसा विभो ॥

tapasā prāpyate svargastapasā prāpyate yaśaḥ | āyuḥprakarṣo bhogāśca labhyante tapasā vibho

By austerity heaven is won, by austerity fame; length of life and enjoyments are gained through austerity, O mighty one.

Verse 9 (13.92.9)

ज्ञानं विज्ञानमारोग्यं रूपं सम्पत्तथैव च । सौभाग्यं चैव तपसा प्राप्यते भरतर्षभ ॥

jñānaṃ vijñānamārogyaṃ rūpaṃ sampattathaiva ca | saubhāgyaṃ caiva tapasā prāpyate bharatarṣabha

Knowledge, discernment, health, beauty, prosperity and good fortune are all gained through austerity, O best of the Bharatas.

Verse 10 (13.92.10)

धनं प्राप्नोति तपसा मौनं ज्ञानं प्रयच्छति । उपभोगांस्तु दानेन ब्रह्मचर्येण जीवितम् ॥

dhanaṃ prāpnoti tapasā maunaṃ jñānaṃ prayacchati | upabhogāṃstu dānena brahmacaryeṇa jīvitam

Through austerity one gains wealth; silence bestows knowledge; enjoyments come through giving, and long life through celibacy.

Verse 11 (13.92.11)

अहिंसायाः फलं रूपं दीक्षाया जन्म वै कुले । फलमूलाशनाद्राज्यं स्वर्गः पर्णाशनाद्भवेत् ॥

ahiṃsāyāḥ phalaṃ rūpaṃ dīkṣāyā janma vai kule | phalamūlāśanādrājyaṃ svargaḥ parṇāśanādbhavet

The fruit of non-violence is beauty, and of initiation birth in a good family; from living on fruits and roots comes a kingdom, and from living on leaves, heaven.

Note on the text: Corrected पर्णशनाद् → पर्णाशनाद् (misprint in Wikisource; dropped ā-mātrā in the sandhi पर्ण + अशन).

Verse 12 (13.92.12)

पयोभक्षो दिवं याति दानेन द्रविणाधिकः । गुरुशुश्रूषया विद्या नित्यश्राद्धेन सन्ततिः ॥

payobhakṣo divaṃ yāti dānena draviṇādhikaḥ | guruśuśrūṣayā vidyā nityaśrāddhena santatiḥ

One who lives on milk goes to heaven; through giving one grows rich; through serving the teacher one gains learning, and through daily offerings to the ancestors, offspring.

Verse 13 (13.92.13)

गवाढ्यः शाकदीक्षाभिः स्वर्गमाहुस्तृणाशनात् । स्त्रियस्त्रिषवणस्नानाद्वायुं पीत्वा क्रतुं लभेत् ॥

gavāḍhyaḥ śākadīkṣābhiḥ svargamāhustṛṇāśanāt | striyastriṣavaṇasnānādvāyuṃ pītvā kratuṃ labhet

Through the vows of living on vegetables one becomes rich in cattle; they say that living on grass leads to heaven; bathing at the three junctures of the day brings women, and drinking only air wins a sacrifice.

Note on the text: Corrected त्रिषवण्सनानाद् → त्रिषवणस्नानाद् (misprint in Wikisource; garbled; CE triṣavaṇasnānād).

Verse 14 (13.92.14)

नित्यस्नायी दीर्घजीवी सन्ध्ये तु द्वे जपन्द्विजः । मन्त्रं साधयतो राजन्नाकपृष्ठमनाशने ॥

nityasnāyī dīrghajīvī sandhye tu dve japandvijaḥ | mantraṃ sādhayato rājannākapṛṣṭhamanāśane

A twice-born who bathes daily and recites the prayers at both twilights lives long; for one who perfects a mantra, O king, and for one who fasts, the summit of heaven is won.

Note on the text: Aligned by hand to CE 13.57.14. Recension variants kept: line 1 नित्यस्नायी दीर्घजीवी (CE nityasnāyī bhaved dakṣaḥ); line 2 मन्त्रं साधयतो राजन् (CE maruṃ sādhayato rājyaṃ).

Verse 15 (13.92.15)

स्थण्डिलेषु शयानानां गृहाणि शयनानि च । चीरवल्कलवासोभिर्वासांस्याभरणानि च ॥

sthaṇḍileṣu śayānānāṃ gṛhāṇi śayanāni ca | cīravalkalavāsobhirvāsāṃsyābharaṇāni ca

Those who sleep on bare ground gain houses and beds; those who wear rags and bark garments gain fine clothes and ornaments.

Note on the text: Corrected वासांस्याभाणानि → वासांस्याभरणानि (misprint in Wikisource; dropped र; CE ābharaṇāni).

Verse 16 (13.92.16)

शय्यासनानि यानानि योगयुक्ते तपोधने । अग्निप्रवेशे नियतं ब्रह्मलोके महीयते ॥

śayyāsanāni yānāni yogayukte tapodhane | agnipraveśe niyataṃ brahmaloke mahīyate

Beds, seats and vehicles come to an ascetic devoted to yoga; and one who steadfastly enters the fire is honoured in the world of Brahma.

Verse 17 (13.92.17)

रसानां प्रतिसंहारात्सौभाग्यमिह विन्दति । आमिषप्रतिसंहारात्प्रजा ह्यायुष्मती भवेत् ॥

rasānāṃ pratisaṃhārātsaubhāgyamiha vindati | āmiṣapratisaṃhārātprajā hyāyuṣmatī bhavet

By giving up flavours one finds good fortune in this world; by giving up meat one's offspring become long-lived.

Verse 18 (13.92.18)

उदवासं वसेद्यस्तु स नराधिपतिर्भवेत् । सत्यवादी नरश्रेष्ठ दैवतैः सह मोदते ॥

udavāsaṃ vasedyastu sa narādhipatirbhavet | satyavādī naraśreṣṭha daivataiḥ saha modate

One who lives in the water becomes a lord of men; a truthful man, O best of men, rejoices with the gods.

Verse 19 (13.92.19)

कीर्तिर्भवति दानेन तथाऽऽरोग्यमहिंसया । द्विजशुश्रूषया राज्यं द्विजत्वं चापि पुष्कलम् ॥

kīrtirbhavati dānena tathā''rogyamahiṃsayā | dvijaśuśrūṣayā rājyaṃ dvijatvaṃ cāpi puṣkalam

Giving brings fame, and non-violence brings health; serving the twice-born brings a kingdom and a full birth as a twice-born.

Verse 20 (13.92.20)

पानीयस्य प्रदानेन कीर्तिर्भवति शाश्वती । अन्नस्य तु प्रदानेन तृप्यन्ते कामभोगतः ॥

pānīyasya pradānena kīrtirbhavati śāśvatī | annasya tu pradānena tṛpyante kāmabhogataḥ

By giving water one wins lasting fame; by giving food one is satisfied with every desired enjoyment.

Verse 21 (13.92.21)

सान्त्वदः सर्वभूतानां सर्वशोकैर्विमुच्यते । देवशुश्रूषया राज्यं दिव्यं रूपं निगच्छति ॥

sāntvadaḥ sarvabhūtānāṃ sarvaśokairvimucyate | devaśuśrūṣayā rājyaṃ divyaṃ rūpaṃ nigacchati

One who speaks kindly to all beings is freed from every sorrow; by serving the gods one gains a kingdom and a divine form.

Verse 22 (13.92.22)

दीपालोकप्रदानेन चक्षुष्मान्बुद्धिमान्भवेत् । प्रेक्षणीयप्रदानेन स्मृतिं मेधां च विन्दति ॥

dīpālokapradānena cakṣuṣmānbuddhimānbhavet | prekṣaṇīyapradānena smṛtiṃ medhāṃ ca vindati

By giving the light of lamps one becomes keen-sighted and wise; by giving things pleasing to the eye one gains memory and understanding.

Verse 23 (13.92.23)

गन्धमाल्यप्रदानेन कीर्तिर्भवति पुष्कला । केशश्मश्रू धारयतामग्र्या भवति सन्ततिः ॥

gandhamālyapradānena kīrtirbhavati puṣkalā | keśaśmaśrū dhārayatāmagryā bhavati santatiḥ

By giving perfumes and garlands abundant fame is won; for those who keep their hair and beards, the line of descendants becomes the foremost.

Note on the text: Corrected धारंयता → धारयता (misprint in Wikisource; stray anusvara; CE dhārayatām).

Verse 24 (13.92.24)

उपवासं च दीक्षां च अभिषेकं च पार्थिव । कृत्वा द्वादशवर्षाणि वीरस्थानाद्विशिष्यते ॥

upavāsaṃ ca dīkṣāṃ ca abhiṣekaṃ ca pārthiva | kṛtvā dvādaśavarṣāṇi vīrasthānādviśiṣyate

Fasting, initiation and ablution practised for twelve years, O king, are surpassed by the hero's station.

Verse 25 (13.92.25)

दासीदासमलङ्कारान्क्षेत्राणि च गृहाणि च । ब्रह्मदेयां सुतां दत्त्वा प्राप्नोति मनुजर्षभ ॥

dāsīdāsamalaṅkārānkṣetrāṇi ca gṛhāṇi ca | brahmadeyāṃ sutāṃ dattvā prāpnoti manujarṣabha

By giving a daughter in marriage in the Brahma manner one obtains male and female servants, ornaments, fields and houses, O best of men.

Verse 26 (13.92.26)

क्रतुभिश्चोपवासैश्च त्रिदिवं याति भारत । लभते च शिवं ज्ञानं फलपुष्पप्रदो नरः ॥

kratubhiścopavāsaiśca tridivaṃ yāti bhārata | labhate ca śivaṃ jñānaṃ phalapuṣpaprado naraḥ

Through sacrifices and fasts one goes to the third heaven, O Bharata; and a man who gives fruits and flowers gains auspicious knowledge.

Note on the text: Aligned by hand to CE 13.57.26. Recension variant kept: line 2 लभते च शिवं ज्ञानं फलपुष्पप्रदो नरः (CE labhate ca ciraṃ sthānaṃ balipuṣpaprado naraḥ).

Verse 27 (13.92.27)

सुवर्णशृङ्गैस्तु विराजितानां । गवां सहस्रस्य नरः प्रदानात् । प्राप्नोति पुण्यं दिवि देवलोक- । मित्येवमाहुर्दिवि वेदसङ्घाः ॥

suvarṇaśṛṅgaistu virājitānāṃ | gavāṃ sahasrasya naraḥ pradānāt | prāpnoti puṇyaṃ divi devaloka- | mityevamāhurdivi vedasaṅghāḥ

A man who gives a thousand cows adorned with golden horns wins merit and a place in the heavenly world of the gods; so the assemblies of the Vedas in heaven declare.

Note on the text: Aligned by hand to CE 13.57.27 (two long CE lines = Wikisource's four lines: CE 27a = lines 1-2, 27c = lines 3-4). Recension variants kept: विराजितानां / नरः प्रदानात् / वेदसङ्घाः (CE vibhūṣitānāṃ / naraḥ pradātā / munidevasaṃghāḥ).

Verse 28 (13.92.28)

प्रयच्छते यः कपिलां सवत्सां । कांस्योपदोहां कनकाग्रशृङ्गीम् । तैस्तैर्गुणैः कामदुघाऽस्य भूत्वा । नरं प्रदातारमुपैति सा गौः ॥

prayacchate yaḥ kapilāṃ savatsāṃ | kāṃsyopadohāṃ kanakāgraśṛṅgīm | taistairguṇaiḥ kāmadughā'sya bhūtvā | naraṃ pradātāramupaiti sā gauḥ

One who gives a tawny cow with her calf, with a bronze milk-pail and her horn-tips gilded, finds that cow, made by those very qualities into the wish-fulfilling cow, coming to him, the giver.

Verse 29 (13.92.29)

यावन्ति रोमाणि भवन्ति धेन्वा- । स्तावत्फलं प्राप्य स गोप्रदानात् । पुत्रांश्च पौत्रांश्च कुलं च सर्व- । मासप्तमं तारयते परत्र ॥

yāvanti romāṇi bhavanti dhenvā- | stāvatphalaṃ prāpya sa gopradānāt | putrāṃśca pautrāṃśca kulaṃ ca sarva- | māsaptamaṃ tārayate paratra

Through the gift of a cow he gains as much reward as the cow has hairs, and he carries across to the other world his sons and grandsons and his whole family, up to the seventh generation.

Note on the text: Aligned by hand to CE 13.57.29 (two long CE lines = four Wikisource lines). Recension variant kept: line 2 तावत्फलं प्राप्य स गोप्रदानात् (CE tāvat phalaṃ prāpnute gopradātā).

Verse 30 (13.92.30)

सदक्षिणां काञ्चनचारुशृङ्गीं । कांस्योपदोहां द्रविणोत्तरीयाम् । धेनुं तिलानां ददतो द्विजाय । लोका वसूनां सुलभा भवन्ति ॥

sadakṣiṇāṃ kāñcanacāruśṛṅgīṃ | kāṃsyopadohāṃ draviṇottarīyām | dhenuṃ tilānāṃ dadato dvijāya | lokā vasūnāṃ sulabhā bhavanti

For one who gives a Brahmin a cow made of sesame, with lovely golden horns, a bronze milk-pail and a covering of wealth, together with the sacrificial fee, the worlds of the Vasus become easy to reach.

Verse 31 (13.92.31)

स्वकर्मभिर्मानवं संनिरुद्धं । तीव्रान्धकारे नरके पतन्तम् । महार्णवे नौरिव वायुयुक्ता । दानं गवां तारयते परत्र ॥

svakarmabhirmānavaṃ saṃniruddhaṃ | tīvrāndhakāre narake patantam | mahārṇave nauriva vāyuyuktā | dānaṃ gavāṃ tārayate paratra

When a man, bound by his own deeds, is falling into hell in dense darkness, the gift of cows carries him across in the other world, like a ship driven by the wind on the great ocean.

Note on the text: Corrected मंहार्णवे → महार्णवे (misprint in Wikisource; stray anusvara; CE mahārṇave).

Verse 32 (13.92.32)

यो ब्रह्मदेयां तु ददाति कन्यां । भूमिप्रदानं च करोति विप्रे । ददाति चान्नं विधिवच्च यश्च । स लोकमाप्नोति पुरंदरस्य ॥

yo brahmadeyāṃ tu dadāti kanyāṃ | bhūmipradānaṃ ca karoti vipre | dadāti cānnaṃ vidhivacca yaśca | sa lokamāpnoti puraṃdarasya

One who gives a daughter in marriage in the Brahma manner, gives land to a Brahmin, and gives food according to rule, attains the world of Indra.

Verse 33 (13.92.33)

नैवेशिकं सर्वगुणोपपन्नं । ददाति वै यस्तु नरो द्विजाय । स्वाध्यायचारित्र्यगुणान्विताय । तस्यापि लोकाः कुरुषूत्तरेषु ॥

naiveśikaṃ sarvaguṇopapannaṃ | dadāti vai yastu naro dvijāya | svādhyāyacāritryaguṇānvitāya | tasyāpi lokāḥ kuruṣūttareṣu

A man who gives a twice-born, devoted to study and good conduct, household furnishings complete in every quality, wins, for himself too, the worlds among the Northern Kurus.

Verse 34 (13.92.34)

धुर्यप्रदानेन गवां तथा वै । लोकानवाप्नोति नरो वसूनाम् । स्वर्गाय चाहुस्तु हिरण्यदानं । ततो विशिष्टं कनकप्रदानम् ॥

dhuryapradānena gavāṃ tathā vai | lokānavāpnoti naro vasūnām | svargāya cāhustu hiraṇyadānaṃ | tato viśiṣṭaṃ kanakapradānam

By giving a draught-ox among cattle a man wins the worlds of the Vasus; for heaven, they say, one should give gold, and better than that is the gift of fine gold.

Note on the text: Aligned by hand to CE 13.57.34 (two long CE lines = four Wikisource lines). Recension variants kept: गवां तथा वै (CE gavāṃ tathāśvair); स्वर्गाय चाहुस्तु (CE svargāya cāhur hi).

Verse 35 (13.92.35)

छत्रप्रदानेन गृहं वरिष्ठं । यानं तथोपानहसम्प्रदाने । वस्त्रप्रदानेन फलं सुरूपं । गन्धप्रदानात्सुरभिर्नरः स्यात् ॥

chatrapradānena gṛhaṃ variṣṭhaṃ | yānaṃ tathopānahasampradāne | vastrapradānena phalaṃ surūpaṃ | gandhapradānātsurabhirnaraḥ syāt

By giving an umbrella one gains the best of houses; by giving sandals, a vehicle; by giving clothing, a handsome form; and by giving perfume a man becomes fragrant.

Note on the text: Corrected वस्रप्रदानेन → वस्त्रप्रदानेन (misprint in Wikisource; broken conjunct; CE vastrapradānena). Aligned by hand to CE 13.57.35 (two long CE lines = four Wikisource lines); the text otherwise agrees with the CE.

Verse 36 (13.92.36)

पुष्पोपगं वाऽथ फलोपगं वा । यः पादपं स्पर्शयते द्विजाय । सश्रीकमृद्धं बहुरत्नपूर्णं । लभत्ययत्नोपगतं गृहं वै ॥

puṣpopagaṃ vā'tha phalopagaṃ vā | yaḥ pādapaṃ sparśayate dvijāya | saśrīkamṛddhaṃ bahuratnapūrṇaṃ | labhatyayatnopagataṃ gṛhaṃ vai

One who presents to a twice-born a tree bearing flowers or fruit gains, without effort, a splendid house, prosperous and full of many jewels.

Verse 37 (13.92.37)

भक्ष्यान्नपानीयरसप्रदाता । सर्वान्समाप्नोति रसान्प्रकामम् । प्रतिश्रयाच्छादनसम्प्रदाता । प्राप्नोति तान्येव न संशयोऽत्र ॥

bhakṣyānnapānīyarasapradātā | sarvānsamāpnoti rasānprakāmam | pratiśrayācchādanasampradātā | prāpnoti tānyeva na saṃśayo'tra

A giver of food, drink and savoury things obtains every savour in abundance; a giver of shelter and clothing obtains those very things, of this there is no doubt.

Note on the text: Corrected प्रतिश्रयाच्छानसम्प्रदाता → प्रतिश्रयाच्छादनसम्प्रदाता (misprint in Wikisource; dropped द; CE pratiśrayācchādanasaṃpradātā). Aligned by hand to CE 13.57.37 (two long CE lines = four Wikisource lines). Recension variant kept: भक्ष्यान्नपानीयरसप्रदाता (CE bhakṣānnapānīyarasapradātā).

Verse 38 (13.92.38)

स्रग्धूपगन्धाननुलेपनानि । स्नानानि माल्यानि च मानवो यः । दद्याद्द्विजेभ्यः स भवेदरोग- । स्तथाऽभिरूपश्च नरेन्द्रलोके ॥

sragdhūpagandhānanulepanāni | snānāni mālyāni ca mānavo yaḥ | dadyāddvijebhyaḥ sa bhavedaroga- | stathā'bhirūpaśca narendraloke

A man who gives twice-born men garlands, incense, perfumes, ointments, baths and flower wreaths becomes free from disease and handsome in the world of kings.

Verse 39 (13.92.39)

बीजैरशून्यं शयनैरुपेतं । दद्याद्गृहं यः पुरुषो द्विजाय । पुण्याभिरामं बहुरत्नपूर्णं । लभत्यधिष्ठानवरं स राजन् ॥

bījairaśūnyaṃ śayanairupetaṃ | dadyādgṛhaṃ yaḥ puruṣo dvijāya | puṇyābhirāmaṃ bahuratnapūrṇaṃ | labhatyadhiṣṭhānavaraṃ sa rājan

A man who gives a twice-born a house with no lack of grain and fitted with beds, pleasing in its merit and full of many jewels, obtains the best of dwellings, O king.

Verse 40 (13.92.40)

सुगन्धचित्रास्तरणोपधानं । दद्यान्नरो यः शयनं द्विजाय । रूपान्वितां पक्षवतीं मनोज्ञां । भार्यामयत्नोपगतां लभेत्सः ॥

sugandhacitrāstaraṇopadhānaṃ | dadyānnaro yaḥ śayanaṃ dvijāya | rūpānvitāṃ pakṣavatīṃ manojñāṃ | bhāryāmayatnopagatāṃ labhetsaḥ

A man who gives a twice-born a bed fragrant and with bright coverlets and pillows obtains a wife of noble family, beautiful and charming, who comes to him without effort.

Verse 41 (13.92.41)

पितामहस्यानवरो वीरशायी भवेन्नरः । नाधिकं विद्यते यस्मादित्याहुः परमर्षयः ॥

pitāmahasyānavaro vīraśāyī bhavennaraḥ | nādhikaṃ vidyate yasmādityāhuḥ paramarṣayaḥ

A man who lies as a hero is not inferior to the Grandsire; there is nothing higher than that, say the great sages.

Verse 42 (13.92.42)

तस्य तद्वचनं श्रुत्वा प्रीतात्मा कुरुनन्दनः । नाश्रमेऽरोचयद्वासं वीरमार्गाभिकाङ्क्षया ॥

tasya tadvacanaṃ śrutvā prītātmā kurunandanaḥ | nāśrame'rocayadvāsaṃ vīramārgābhikāṅkṣayā

Hearing his words, the delighted descendant of the Kurus no longer liked the thought of living in a hermitage, for he longed for the hero's path.

Verse 43 (13.92.43)

ततो युधिष्ठिरः प्राह पाण्डवान्पुरुषर्षभ । पितामहस्य यद्वाक्यं तद्वो रोचत्विति प्रभुः ॥

tato yudhiṣṭhiraḥ prāha pāṇḍavānpuruṣarṣabha | pitāmahasya yadvākyaṃ tadvo rocatviti prabhuḥ

Then Yudhishthira, the lord, said to the Pandavas, O best of men: "Let what the grandsire has said be pleasing to you."

Verse 44 (13.92.44)

ततस्तु पाण्डवाः सर्वे द्रौपदी च यशस्विनी । युधिष्ठिरस्य तद्वाक्यं बाढमित्यभ्यपूजयन् ॥

tatastu pāṇḍavāḥ sarve draupadī ca yaśasvinī | yudhiṣṭhirasya tadvākyaṃ bāḍhamityabhyapūjayan

Then all the Pandavas and the glorious Draupadi honoured Yudhishthira's words, saying, "So be it."