The Gift of Land and Brihaspati's Teaching to Indra

Verse 1 (13.97.1)

इदं देयमिदं देयमितीयं श्रुतिचोदनात् । बहुदेयाश्च राजानः किंस्विद्देयमनुत्तमम् ॥

idaṃ deyamidaṃ deyamitīyaṃ śruticodanāt | bahudeyāśca rājānaḥ kiṃsviddeyamanuttamam

Because of the Vedic injunction, "This is to be given, that is to be given," and because kings have much to give: what is the supreme gift?

Verse 2 (13.97.2)

अति दानानि सर्वाणि पृथिवीदानमुच्यते । अचला ह्यक्षया भूमिर्दोग्ध्री कामानिहोत्तमान् ॥

ati dānāni sarvāṇi pṛthivīdānamucyate | acalā hyakṣayā bhūmirdogdhrī kāmānihottamān

Of all gifts, the gift of land is said to be the highest. The earth is unmoving and imperishable, a cow that yields the finest desires here.

Verse 3 (13.97.3)

दोग्ध्री वासांसि रत्नानि पशून्व्रीहियवांस्तथा । भूमिदः सर्वभूतेषु शाश्वतीरेधते समाः ॥

dogdhrī vāsāṃsi ratnāni paśūnvrīhiyavāṃstathā | bhūmidaḥ sarvabhūteṣu śāśvatīredhate samāḥ

She yields clothes, jewels, cattle, rice and barley. The giver of land prospers among all beings for countless years.

Verse 4 (13.97.4)

यावद्भूमेरायुरिह तावद्भूमिद एधते । न भूमिदानादस्तीह परं किञ्चिद्युधिष्ठिर ॥

yāvadbhūmerāyuriha tāvadbhūmida edhate | na bhūmidānādastīha paraṃ kiñcidyudhiṣṭhira

As long as the earth lasts, the giver of land prospers. There is nothing here higher than the gift of land, Yudhishthira.

Verse 5 (13.97.5)

अप्यल्पं प्रददुः सर्वे पृथिव्या इति नः श्रुतम् । भूमिमेव ददुः सर्वे भूमिं ते भुञ्जते जनाः ॥

apyalpaṃ pradaduḥ sarve pṛthivyā iti naḥ śrutam | bhūmimeva daduḥ sarve bhūmiṃ te bhuñjate janāḥ

We have heard that all who gave even a little of the earth gave the earth itself, and those people now enjoy the earth.

Note on the text: Matches CE 13.60.5 with variants in line 2 (Wikisource भूमिमेव ददुः सर्वे भूमिं ते भुञ्जते जनाः against CE bhūmim ete daduḥ sarve ye bhūmiṃ bhuñjate janāḥ); kept.

Verse 6 (13.97.6)

स्वकर्मैवोपजीवन्ति नरा इह परत्र च । भूमिः पतिं महादेवी दातारं कुरुते प्रियम् ॥

svakarmaivopajīvanti narā iha paratra ca | bhūmiḥ patiṃ mahādevī dātāraṃ kurute priyam

People live on their own deeds here and hereafter. The great goddess Earth makes the giver her lord and her beloved.

Verse 7 (13.97.7)

य एतां दक्षिणां दद्यादक्षयां राजसत्तम । पुनर्नरत्वं सम्प्राप्य भवेत्स पृथिवीपतिः ॥

ya etāṃ dakṣiṇāṃ dadyādakṣayāṃ rājasattama | punarnaratvaṃ samprāpya bhavetsa pṛthivīpatiḥ

O best of kings, whoever gives this imperishable gift, after becoming a man again, will once more be a lord of the earth.

Verse 8 (13.97.8)

यथा दानं तथा भोग इति धर्मेषु निश्चयः । सङ्ग्रामे वा तनुं जह्याद्दद्याच्च पृथिवीमिमाम् ॥

yathā dānaṃ tathā bhoga iti dharmeṣu niścayaḥ | saṅgrāme vā tanuṃ jahyāddadyācca pṛthivīmimām

"As the gift, so the enjoyment": this is the settled rule in the teachings of dharma. Let a man either lay down his body in battle or give this earth.

Note on the text: Corrected पृथिवीमिमांम् → पृथिवीमिमाम् (misprint in Wikisource; stray anusvara; the accusative is इमाम्, CE imām).

Verse 9 (13.97.9)

इत्येतत्क्षत्रबन्धूनां वदन्ति परमाशिषः । पुनाति दत्ता पृथिवी दातारमिति शुश्रुम ॥

ityetatkṣatrabandhūnāṃ vadanti paramāśiṣaḥ | punāti dattā pṛthivī dātāramiti śuśruma

This, they say, is the highest blessing for Kshatriyas; and we have heard that the earth, when given, purifies the giver.

Verse 10 (13.97.10)

अपि पापसमाचारं ब्रह्मघ्नमपि चानृतम् । सैव पापं प्लावयति सैव पापात्प्रमोचयेत् ॥

api pāpasamācāraṃ brahmaghnamapi cānṛtam | saiva pāpaṃ plāvayati saiva pāpātpramocayet

Even a man of sinful conduct, a killer of a brahmana, or a liar: she alone washes away his sin, and she alone would free him from sin.

Verse 11 (13.97.11)

अपि पापकृतां राज्ञां प्रतिगृह्णन्ति साधवः । पृथिवीं नान्यदिच्छन्ति पावनं जगती यतः ॥

api pāpakṛtāṃ rājñāṃ pratigṛhṇanti sādhavaḥ | pṛthivīṃ nānyadicchanti pāvanaṃ jagatī yataḥ

The good accept even from kings who have done wrong; they desire nothing but the earth, because the earth is the purifier.

Note on the text: Matches CE 13.61.11 with a variant in line 2 (Wikisource पावनं जगती यतः; CE pāvanaṃ jananī yathā); kept.

Verse 12 (13.97.12)

नामास्याः प्रियदत्तेति गुह्यं देव्याः सनातनम् । दानं वाऽप्यथवाऽदानं नामास्याः प्रथमप्रियम् ॥

nāmāsyāḥ priyadatteti guhyaṃ devyāḥ sanātanam | dānaṃ vā'pyathavā'dānaṃ nāmāsyāḥ prathamapriyam

Her name is "Priyadatta" (Given in love), the Goddess's eternal secret. Whether it be giving or not giving, this name is the first and dearest to her.

Note on the text: Line 1 is CE 13.61.12a-b; line 2 differs from CE 12c (Wikisource दानं वाऽप्यथवाऽदानं नामास्याः प्रथमप्रियम् against CE dānaṃ vāpy atha vā jñānaṃ nāmno 'syāḥ paramaṃ priyam; the commentary on the page records the variant ज्ञानं / परमप्रियम्). Recension variant, kept.

Verse 13 (13.97.13)

य एतां विदुषे दद्यात्पृथिवीं पृथिवीपतिः । पृथिव्यामेतदिष्टं स राजा राज्यमितो व्रजेत् ॥

ya etāṃ viduṣe dadyātpṛthivīṃ pṛthivīpatiḥ | pṛthivyāmetadiṣṭaṃ sa rājā rājyamito vrajet

The king who gives this earth to a learned man, since this is what the earth desires, goes from this world to a kingdom beyond.

Note on the text: Not in the critical edition's constituted text: star lines 13,061.012d*0338_01-02 (printed after 13.61.12).

Verse 14 (13.97.14)

पुनश्चासौ जनिं प्राप्य राजवत्स्यान्न संशयः । तस्मात्प्राप्यैव पृथिवीं दद्याद्विप्राय पार्थिवः ॥

punaścāsau janiṃ prāpya rājavatsyānna saṃśayaḥ | tasmātprāpyaiva pṛthivīṃ dadyādviprāya pārthivaḥ

And having taken birth again, he will certainly be a king, without doubt. Therefore, having obtained the earth, a king should give it to a brahmana.

Note on the text: Line 1 is the CE star line 13,061.012d*0338_03 (not in the constituted text); line 2 is CE 13.61.12e.

Verse 15 (13.97.15)

नाभूमिपतिना भूमिरधिष्ठेया कथञ्चन । न च वस्त्रेण वा गूहेदन्तर्धानेन वा चरेत् ॥

nābhūmipatinā bhūmiradhiṣṭheyā kathañcana | na ca vastreṇa vā gūhedantardhānena vā caret

Land should never be held by one who is not a lord of the land; nor should one hide it behind a cloth, or deal in concealment.

Note on the text: Corrected वस्त्रेणि → वस्त्रेण (misprint in Wikisource; the instrumental वस्त्रेण is required). Lines are CE 13.61.13a and 13.61.13c; line 2 has a recension variant (Wikisource न च वस्त्रेण वा गूहेत् against CE na vā pātreṇa vā gūhet); kept.

Verse 16 (13.97.16)

ये चान्ये भूमिमिच्छेयुः कुर्युरेवं न संशयः । यः साधोर्भूमिमादत्ते न भूमिं विन्दते तु सः ॥

ye cānye bhūmimiccheyuḥ kuryurevaṃ na saṃśayaḥ | yaḥ sādhorbhūmimādatte na bhūmiṃ vindate tu saḥ

Whoever else desires land should do likewise, without doubt. He who takes land from a good man does not himself obtain land.

Note on the text: Line 1 is CE 13.61.13e; line 2 is CE 13.61.14a.

Verse 17 (13.97.17)

भूमिं दत्त्वा तु साधुभ्यो विन्दते भूमिमुत्तमाम् । प्रेत्य चेह च धर्मात्मा सम्प्राप्नोति महद्यशः ॥

bhūmiṃ dattvā tu sādhubhyo vindate bhūmimuttamām | pretya ceha ca dharmātmā samprāpnoti mahadyaśaḥ

But one who gives land to the good obtains the best land. The righteous man gains great fame, hereafter and here.

Note on the text: Matches CE 13.61.14c and 14e; line 1 has a variant (Wikisource विन्दते भूमिमुत्तमाम् against CE vindate bhūmim eva hi); kept.

Verse 18 (13.97.18)

एकाहारकरीं दत्त्वा षष्ठिसाहस्रमूर्ध्वगः । तावत्या हरणे पृथ्व्या नरकं द्विगुणोत्तरम् ॥

ekāhārakarīṃ dattvā ṣaṣṭhisāhasramūrdhvagaḥ | tāvatyā haraṇe pṛthvyā narakaṃ dviguṇottaram

Having given land that provides a day's meal, one is raised on high for sixty thousand years; for seizing such land, the hell of twice that length and more.

Note on the text: Stray wiki quote marks (backtick/apostrophe) removed. Not in the critical edition's constituted text: star lines 13,061.014f*0339_01-02 (printed after 13.61.14), with a variant in line 2 (Wikisource हरणे पृथ्व्या; CE āharaṇe hṛtvā).

Verse 19 (13.97.19)

यस्य विप्रास्तु शंसन्ति साधोर्भूमिं सदैव हि । न तस्य शत्रवो राजन्प्रशंसन्ति वसुन्धराम् ॥

yasya viprāstu śaṃsanti sādhorbhūmiṃ sadaiva hi | na tasya śatravo rājanpraśaṃsanti vasundharām

The good man whose gift of land the brahmanas always speak of: his enemies, O king, do not exult over the earth.

Verse 20 (13.97.20)

यत्किञ्चित्पुरुषः पापं कुरुते वृत्तिकर्शितः । अपि गोचर्ममात्रेण भूमिदानेन पूयते ॥

yatkiñcitpuruṣaḥ pāpaṃ kurute vṛttikarśitaḥ | api gocarmamātreṇa bhūmidānena pūyate

Whatever sin a man commits when worn down by want of livelihood, he is purified by the gift of land, even if it is only the size of a cow's hide.

Verse 21 (13.97.21)

येऽपि सङ्कीर्णकर्माणो राजानो रौद्रकर्मिणः । तेभ्यः पवित्रमाख्येयं भूमिदानमनुत्तमम् ॥

ye'pi saṅkīrṇakarmāṇo rājāno raudrakarmiṇaḥ | tebhyaḥ pavitramākhyeyaṃ bhūmidānamanuttamam

Even for kings of mixed deeds and fierce actions, the gift of land should be declared the supreme means of purification.

Note on the text: Corrected सङ्गीर्णाकर्माणो → सङ्कीर्णकर्माणो (misprint in Wikisource; सङ्गीर्ण with long ā makes no word; CE saṃkīrṇakarmāṇaḥ).

Verse 22 (13.97.22)

अल्पान्तरमिदं शश्वत्पुराणा मेनिरे जनाः । यो यजेताश्वमेधेन दद्याद्वा साधवे महीम् ॥

alpāntaramidaṃ śaśvatpurāṇā menire janāḥ | yo yajetāśvamedhena dadyādvā sādhave mahīm

People of old have always thought there is little difference between the one who sacrifices with the Ashvamedha and the one who gives land to a good man.

Verse 23 (13.97.23)

अपि चेत्सुकृतं कृत्वा शङ्केरन्नपि पण्डिताः । अशंक्यमेकमेवैतद्भूमिदानमनुत्तमम् ॥

api cetsukṛtaṃ kṛtvā śaṅkerannapi paṇḍitāḥ | aśaṃkyamekamevaitadbhūmidānamanuttamam

Even if the learned should doubt the merit of some good deed, this one, the supreme gift of land, is beyond all doubt.

Verse 24 (13.97.24)

सुवर्णं रजतं वस्त्रं मणिमुक्तावसूनि च । सर्वमेतन्महाप्राज्ञो ददाति वसुधां ददत् ॥

suvarṇaṃ rajataṃ vastraṃ maṇimuktāvasūni ca | sarvametanmahāprājño dadāti vasudhāṃ dadat

Gold, silver, clothes, gems, pearls and riches: the wise man gives all of this when he gives the earth.

Verse 25 (13.97.25)

तपो यज्ञः श्रुतं शीलमलोभः सत्यसन्धता । गुरुदैवतपूजा च एता वर्तन्ति भूमिदम् ॥

tapo yajñaḥ śrutaṃ śīlamalobhaḥ satyasandhatā | gurudaivatapūjā ca etā vartanti bhūmidam

Austerity, sacrifice, learning, good conduct, freedom from greed, firmness in truth, and honouring of teachers and gods: all of these abide with the giver of land.

Note on the text: Matches CE 13.61.21 with a variant in line 2 (Wikisource एता वर्तन्ति भूमिदम्; CE nātivartanti bhūmidam); kept.

Verse 26 (13.97.26)

भर्तुनिःश्रेयसे युक्तास्त्यक्तात्मानो रणे हताः । ब्रह्मलोकगताः सिद्धा नातिक्रामन्ति भूमिदम् ॥

bhartuniḥśreyase yuktāstyaktātmāno raṇe hatāḥ | brahmalokagatāḥ siddhā nātikrāmanti bhūmidam

Those who were devoted to their master's good and gave up their lives, slain in battle, and who have gone to the world of Brahma as perfected ones, do not surpass the giver of land.

Verse 27 (13.97.27)

यथा जनित्री स्वं पुत्रं क्षीरेण भरते सदा । अनुगृह्णाति दातारं तथा सर्वरसैर्मही ॥

yathā janitrī svaṃ putraṃ kṣīreṇa bharate sadā | anugṛhṇāti dātāraṃ tathā sarvarasairmahī

As a mother always nourishes her own child with milk, so the earth, with all her essences, favours the giver.

Verse 28 (13.97.28)

मृत्युर्वैकिंकरो दण्डस्तापो वह्नेः सुदारुणः । घोराश्च वारुणाः पाशा नोपसर्पन्ति भूमिदम् ॥

mṛtyurvaikiṃkaro daṇḍastāpo vahneḥ sudāruṇaḥ | ghorāśca vāruṇāḥ pāśā nopasarpanti bhūmidam

The servant of Death, the rod of punishment, the terrible torment of fire, and the dread nooses of Varuna do not come near the giver of land.

Verse 29 (13.97.29)

पितॄंश्च पितृलोकस्थान्देवलोके च देवताः । सन्तर्पयति शान्तात्मा यो ददाति वसुन्धराम् ॥

pitṝṃśca pitṛlokasthāndevaloke ca devatāḥ | santarpayati śāntātmā yo dadāti vasundharām

He who gives the earth, with a tranquil mind, satisfies his ancestors in the world of the fathers and the gods in the world of the gods.

Verse 30 (13.97.30)

कृशाय म्रियमाणाय वृत्तिग्लानाय सीदते । भूमिं वृत्तिकरीं दत्त्वा सत्री भवति मानवः ॥

kṛśāya mriyamāṇāya vṛttiglānāya sīdate | bhūmiṃ vṛttikarīṃ dattvā satrī bhavati mānavaḥ

By giving land that yields a livelihood to one who is thin, dying, faint for want of subsistence and in distress, a man becomes the performer of a sacrificial session.

Verse 31 (13.97.31)

यथा धावति गौर्वत्सं स्रवन्ती वत्सला पयः । एवमेव महाभाग भूमिर्भरति भूमिदम् ॥

yathā dhāvati gaurvatsaṃ sravantī vatsalā payaḥ | evameva mahābhāga bhūmirbharati bhūmidam

As a loving cow runs to her calf with flowing milk, so the earth, O greatly fortunate one, nourishes the giver of land.

Note on the text: Matches CE 13.61.27 with variants in both lines (Wikisource यथा धावति गौर्वत्सं स्रवन्ती वत्सला पयः / एवमेव महाभाग भूमिर्भरति भूमिदम् against CE yathā dhāvati gaur vatsaṃ kṣīram abhyutsṛjanty uta / evam eva mahābhāga bhūmir bhavati bhūmidam); kept.

Verse 32 (13.97.32)

हलकृष्टां महीं दत्त्वा सबीजां सफलामपि । सोदकं वाऽपि शरणं तथा भवति कामदः ॥

halakṛṣṭāṃ mahīṃ dattvā sabījāṃ saphalāmapi | sodakaṃ vā'pi śaraṇaṃ tathā bhavati kāmadaḥ

He who gives land that has been ploughed, with seed and with its crop, and with water or a dwelling, becomes a granter of desires.

Note on the text: Matches CE 13.61.28 with a variant in line 2 (Wikisource सोदकं वाऽपि शरणं; CE udīrṇaṃ vāpi śaraṇam); kept.

Verse 33 (13.97.33)

ब्राह्मणं वृत्तसम्पन्नमाहिताग्निं शुचिव्रतम् । नरः प्रतिग्राह्य महीं न याति यमसादनम् ॥

brāhmaṇaṃ vṛttasampannamāhitāgniṃ śucivratam | naraḥ pratigrāhya mahīṃ na yāti yamasādanam

A man who causes a well-conducted brahmana, a keeper of the sacred fires, pure in his vows, to receive land does not go to the abode of Yama.

Verse 34 (13.97.34)

यथा चन्द्रमसो वृद्धिरहन्यहनि जायते । तथा भूमिकृतं दानं सस्येसस्ये विवर्धते ॥

yathā candramaso vṛddhirahanyahani jāyate | tathā bhūmikṛtaṃ dānaṃ sasyesasye vivardhate

As the moon grows from day to day, so a gift of land grows with every crop.

Verse 35 (13.97.35)

अत्र गाथा भूमिगीताः कीर्तयन्ति पुराविदः । याः श्रुत्वा जामदग्न्येन दत्ता भूः काश्यपाय वै ॥

atra gāthā bhūmigītāḥ kīrtayanti purāvidaḥ | yāḥ śrutvā jāmadagnyena dattā bhūḥ kāśyapāya vai

On this, those versed in ancient lore recite the songs of the Earth, hearing which the son of Jamadagni gave the earth to Kashyapa.

Verse 36 (13.97.36)

मामेवादत्त मां दत्त मां दत्त्वा मामवाप्स्यथ । अस्मिँल्लोके परे चैव तद्दत्तं जायते पुनः ॥

māmevādatta māṃ datta māṃ dattvā māmavāpsyatha | asmim̐lloke pare caiva taddattaṃ jāyate punaḥ

"Take only me; give me! Having given me, you will obtain me. In this world and in the next, what is given is born again."

Note on the text: The Earth's own song (भूमिगीताः), introduced in verse 35 and spoken in the first person; no speaker heading is printed, so it is given to the Earth. Matches CE 13.61.32 with a variant in line 2 (Wikisource तद्दत्तं जायते पुनः; CE tataś cājanane punaḥ); kept.

Verse 37 (13.97.37)

य इमां व्याहृतिं वेद ब्राह्मणो वेदसम्मिताम् । श्राद्धस्य हूयमानस्य ब्रह्मभूयं स गच्छति ॥

ya imāṃ vyāhṛtiṃ veda brāhmaṇo vedasammitām | śrāddhasya hūyamānasya brahmabhūyaṃ sa gacchati

The brahmana who knows this utterance, as sacred as the Veda, attains greatness of Brahman at the offering of a shraddha.

Note on the text: Matches CE 13.61.33 with a variant in line 1 (Wikisource ब्राह्मणो वेदसम्मिताम्; CE brāhmaṇo brahmasaṃśritaḥ); kept.

Verse 38 (13.97.38)

कृत्यानामभिशप्तानामरिष्टशमनं महत् । प्रायश्चित्तं महीं दत्त्वा पुनात्युभयतो दश ॥

kṛtyānāmabhiśaptānāmariṣṭaśamanaṃ mahat | prāyaścittaṃ mahīṃ dattvā punātyubhayato daśa

It is a great expiation, calming the evil that comes from curses and sorcery: by giving land one purifies ten forebears or descendants on either side.

Note on the text: Matches CE 13.61.34 with variants (Wikisource अरिष्टशमनं / प्रायश्चित्तं महीं दत्त्वा; CE duriṣṭaśamanaṃ / prāyaścittam ahaṃ kṛtvā); kept.

Verse 39 (13.97.39)

पुनाति य इदं वेद वेदवादं तथैव च । प्रकृतिः सर्वभूतानां भूमिर्वै शाश्वती मता ॥

punāti ya idaṃ veda vedavādaṃ tathaiva ca | prakṛtiḥ sarvabhūtānāṃ bhūmirvai śāśvatī matā

He who knows this, and the Vedic teaching about it, purifies likewise. The earth is held to be the eternal source of all beings.

Verse 40 (13.97.40)

अभिषिच्यैव नृपतिं श्रावयेदिममागमम् । यथा श्रुत्वा महीं दद्यान्नादद्यात्साधुतश्च तां ॥

abhiṣicyaiva nṛpatiṃ śrāvayedimamāgamam | yathā śrutvā mahīṃ dadyānnādadyātsādhutaśca tāṃ

After consecrating a king, one should make him hear this teaching, so that, having heard it, he gives land and does not take it from the good.

Verse 41 (13.97.41)

सोऽयं कृत्स्नो ब्राह्मणार्थो राजार्थश्चाप्यसंशयः । राजा हि धर्मकुशलः प्रथमं भूतिलक्षणम् ॥

so'yaṃ kṛtsno brāhmaṇārtho rājārthaścāpyasaṃśayaḥ | rājā hi dharmakuśalaḥ prathamaṃ bhūtilakṣaṇam

All this is for the sake of brahmanas and, without doubt, of the king; for a king skilled in dharma is the first sign of prosperity.

Verse 42 (13.97.42)

अथ येषामधर्मज्ञो राजा भवति नास्तिकः । न ते सुखं प्रबुध्यन्ति न सुखं प्रस्वपन्ति च ॥

atha yeṣāmadharmajño rājā bhavati nāstikaḥ | na te sukhaṃ prabudhyanti na sukhaṃ prasvapanti ca

Those whose king is ignorant of dharma and a disbeliever: they do not wake in comfort, nor do they sleep in comfort.

Verse 43 (13.97.43)

सदा भवन्ति चोद्विग्नास्तस्य दुश्चरितैर्नराः । योगक्षेमा हि बहवो राष्ट्रं नास्याविशन्ति तत् ॥

sadā bhavanti codvignāstasya duścaritairnarāḥ | yogakṣemā hi bahavo rāṣṭraṃ nāsyāviśanti tat

People are always anxious because of his misdeeds, and the many blessings of acquisition and security do not enter his kingdom.

Verse 44 (13.97.44)

अथ येषां पुनः प्राज्ञो राजा भवति धार्मिकः । सुखं ते प्रतिबुध्यन्ते सुसुखं प्रस्वपन्ति च ॥

atha yeṣāṃ punaḥ prājño rājā bhavati dhārmikaḥ | sukhaṃ te pratibudhyante susukhaṃ prasvapanti ca

But those whose king is wise and righteous wake in comfort, and sleep in great comfort.

Verse 45 (13.97.45)

तस्य राज्ञः शुभे राज्ये कर्मभिर्निर्वृता नराः । योगक्षेमेण वृष्ट्या च विवर्धन्ते स्वकर्मभिः ॥

tasya rājñaḥ śubhe rājye karmabhirnirvṛtā narāḥ | yogakṣemeṇa vṛṣṭyā ca vivardhante svakarmabhiḥ

In the good kingdom of such a king, people are content with their work, and flourish through security, rain and their own duties.

Note on the text: Matches CE 13.61.41 with a variant in line 1 (Wikisource तस्य राज्ञः शुभे राज्ये कर्मभिर्निर्वृता नराः; CE tasya rājñaḥ śubhair āryaiḥ karmabhir nirvṛtāḥ prajāḥ); kept.

Verse 46 (13.97.46)

स कुलीनः स पुरुषः स बन्धुः स च पुण्यकृत् । स दाता स च विक्रान्तो यो ददाति वसुन्धरां ॥

sa kulīnaḥ sa puruṣaḥ sa bandhuḥ sa ca puṇyakṛt | sa dātā sa ca vikrānto yo dadāti vasundharāṃ

He is well-born, he is a true man, he is a kinsman, he does meritorious deeds, he is a giver, he is a hero: the one who gives the earth.

Verse 47 (13.97.47)

आदित्या इव दीप्यन्ते तेजसा भुवि मानवाः । ददन्ति वसुधां स्फीतां ये वेदविदुषि द्विजे ॥

ādityā iva dīpyante tejasā bhuvi mānavāḥ | dadanti vasudhāṃ sphītāṃ ye vedaviduṣi dvije

Men who give the vast earth to a brahmana learned in the Veda shine on earth like the suns, in their radiance.

Verse 48 (13.97.48)

यथा सस्यानि रोहन्ति प्रकीर्णानि महीतले । तथा कामाः प्ररोहन्ति भूमिदानसमार्जिताः ॥

yathā sasyāni rohanti prakīrṇāni mahītale | tathā kāmāḥ prarohanti bhūmidānasamārjitāḥ

As seeds scattered on the ground sprout, so the desires won through the gift of land spring up.

Verse 49 (13.97.49)

आदित्यो वरुणो विष्णुर्ब्रह्मा सोमो हुताशनः । शूलिपाणिश्च भगवान्प्रतिनन्दन्ति भूमिदम् ॥

ādityo varuṇo viṣṇurbrahmā somo hutāśanaḥ | śūlipāṇiśca bhagavānpratinandanti bhūmidam

The Sun, Varuna, Vishnu, Brahma, Soma, Agni and the blessed bearer of the trident rejoice in the giver of land.

Verse 50 (13.97.50)

भूमौ जायन्ति पुरुषा भूमौ निष्ठां व्रजन्ति च । चतुर्विधो हि लोकोऽयं योऽयं भूमिगुणात्मकः ॥

bhūmau jāyanti puruṣā bhūmau niṣṭhāṃ vrajanti ca | caturvidho hi loko'yaṃ yo'yaṃ bhūmiguṇātmakaḥ

On the earth men are born, and in the earth they come to their end. This world of four kinds of beings is made of the qualities of the earth.

Verse 51 (13.97.51)

एषा माता पिता चैव जगतः पृथिवीपते । नानया सदृशं भूतं किञ्चिदस्ति जनाधिप ॥

eṣā mātā pitā caiva jagataḥ pṛthivīpate | nānayā sadṛśaṃ bhūtaṃ kiñcidasti janādhipa

She is the mother and the father of the world, O lord of the earth. Nothing here is like her, O ruler of men.

Note on the text: The CE star lines 13,061.047d*0341_01-02 that follow this verse in the critical edition are not in Wikisource and are not added.

Verse 52 (13.97.52)

अत्राप्युदाहरन्तीममितिहासं पुरातनम् । बृहस्पतेश्च संवादमिन्द्रस्य च युधिष्ठिर ॥

atrāpyudāharantīmamitihāsaṃ purātanam | bṛhaspateśca saṃvādamindrasya ca yudhiṣṭhira

On this they cite an ancient account: the dialogue between Brihaspati and Indra, Yudhishthira.

Verse 53 (13.97.53)

इष्ट्वा क्रतुशतेनाथ महता दक्षिणावता । मघवा वाग्विदांश्रेष्ठं पप्रच्छेदं बृहस्पतिम् ॥

iṣṭvā kratuśatenātha mahatā dakṣiṇāvatā | maghavā vāgvidāṃśreṣṭhaṃ papracchedaṃ bṛhaspatim

Having performed a hundred great sacrifices with abundant fees, Maghavan asked Brihaspati, best of the eloquent, this question.

Verse 54 (13.97.54)

भगवन्केन दानेन स्वर्गतः सुखमेधते । यदक्षयमहार्यं च तद्ब्रूहि वदतांवर ॥

bhagavankena dānena svargataḥ sukhamedhate | yadakṣayamahāryaṃ ca tadbrūhi vadatāṃvara

"Venerable one, by what gift does one reach heaven and prosper in comfort? Tell me, best of speakers, what gift is imperishable and cannot be taken away."

Note on the text: Indra's question: no speaker heading is printed; given to Indra, with verses 53 and 55 as the narrator's frame.

Verse 55 (13.97.55)

इत्युक्तः स सुरेन्द्रेण ततो देवपुलोहितः । बृहस्पतिर्बृहत्तेजाः प्रत्युवाच शतक्रतुम् ॥

ityuktaḥ sa surendreṇa tato devapulohitaḥ | bṛhaspatirbṛhattejāḥ pratyuvāca śatakratum

Thus addressed by the lord of the gods, Brihaspati, the priest of the gods, of great splendour, answered Shatakratu.

Note on the text: Corrected इत्युक्तृः → इत्युक्तः (misprint in Wikisource; इत्युक्तृः is no word; CE ity uktaḥ).

Verse 56 (13.97.56)

सुवर्णदानं गोदानं भूमिदानं च वृत्रहन् । विद्यादानं च कन्यानां दानं पापहरं परम् । दददेतान्महाप्राज्ञः सर्वपापैः प्रमुच्यते ॥

suvarṇadānaṃ godānaṃ bhūmidānaṃ ca vṛtrahan | vidyādānaṃ ca kanyānāṃ dānaṃ pāpaharaṃ param | dadadetānmahāprājñaḥ sarvapāpaiḥ pramucyate

The gift of gold, the gift of cows and the gift of land, O slayer of Vritra, and the gift of learning and the gift of girls in marriage are supreme gifts that remove sin. The wise man who gives these is freed from all sins.

Note on the text: Stray wiki quote marks (backtick/apostrophe) removed. A three-line verse. Line 2 is the CE star line 13,061.052b*0342_01 (not in the constituted text); lines 1 and 3 are CE 13.61.52a and 52c. Brihaspati's speech runs from here to verse 96; no heading is printed, and Bhishma resumes at the printed heading before verse 97.

Verse 57 (13.97.57)

न भूमिदानाद्देवेन्द्र परं किञ्चिदिति प्रभो । विशिष्टमिति मन्येऽहं यथा प्राहुर्मनीषिणः ॥

na bhūmidānāddevendra paraṃ kiñciditi prabho | viśiṣṭamiti manye'haṃ yathā prāhurmanīṣiṇaḥ

There is nothing, O lord of the gods, higher than the gift of land. So I hold it to be the best, mighty one, as the wise declare.

Note on the text: Corrected यता → यथा (misprint in Wikisource; यता is no word; CE yathā).

Verse 58 (13.97.58)

ब्राह्मणार्थे गवार्थे वा राष्ट्रघातेऽथ स्वामिनः । कुलस्त्रीणां परिभवे मृतास्ते भूमिपैः समाः ॥

brāhmaṇārthe gavārthe vā rāṣṭraghāte'tha svāminaḥ | kulastrīṇāṃ paribhave mṛtāste bhūmipaiḥ samāḥ

Those who die for a brahmana, for cows, when the realm is struck down, for their master, or at the insult to women of good family, are on a par with the lords of the earth.

Note on the text: Stray wiki quote marks (backtick/apostrophe) removed. Not in the critical edition's constituted text: star lines 13,061.053d*0343_01-02 (printed after 13.61.53), with a variant in the last word (Wikisource भूमिपैः समाः; CE bhūmidaiḥ saha).

Verse 59 (13.97.59)

ये शूरा निहता युद्धे स्वर्याता रणगृद्धिनः । सर्वे ते विबुधश्रेष्ठ नातिक्रामन्ति भूमिदम् ॥

ye śūrā nihatā yuddhe svaryātā raṇagṛddhinaḥ | sarve te vibudhaśreṣṭha nātikrāmanti bhūmidam

The heroes who were slain in battle, eager for the fight, and went to heaven: all of them, O best of the gods, do not surpass the giver of land.

Verse 60 (13.97.60)

भर्तुर्निःश्रेयसे युक्तास्त्यक्तात्मानो रणे हताः । ब्राह्मलोकगता युक्ता नातिक्रामन्ति भूमिदम् ॥

bharturniḥśreyase yuktāstyaktātmāno raṇe hatāḥ | brāhmalokagatā yuktā nātikrāmanti bhūmidam

Those devoted to their lord's good who gave up their lives and fell in battle, and have gone to the world of Brahma, do not surpass the giver of land.

Verse 61 (13.97.61)

पञ्च पूर्वा हि पुरुषाः षडन्ये वसुधां गताः । एकादश ददद्भूमिं परित्रातीह मानवः ॥

pañca pūrvā hi puruṣāḥ ṣaḍanye vasudhāṃ gatāḥ | ekādaśa dadadbhūmiṃ paritrātīha mānavaḥ

Five of the earlier forebears and six others have gone to the earth; the man who gives land rescues all eleven here.

Verse 62 (13.97.62)

रत्नोपकीर्णां वसुधां यो ददाति पुरंदर । स मुक्तः सर्वकलुषैः स्वर्गलोके महीयते ॥

ratnopakīrṇāṃ vasudhāṃ yo dadāti puraṃdara | sa muktaḥ sarvakaluṣaiḥ svargaloke mahīyate

He who gives the earth strewn with jewels, O Purandara, is freed from all stains and is honoured in the world of heaven.

Verse 63 (13.97.63)

महीं स्फीतां ददद्राजन्सर्वकामगुणान्विताम् । राजाधिराजो भवति तद्धि दानमनुत्तमम् ॥

mahīṃ sphītāṃ dadadrājansarvakāmaguṇānvitām | rājādhirājo bhavati taddhi dānamanuttamam

A king who gives a broad earth endowed with every desirable quality becomes an emperor; for that is the supreme gift.

Verse 64 (13.97.64)

सर्वकामसमायुक्तां काश्यपीं यः प्रयच्छति । सर्वभूतानि मन्यन्ते मां ददातीति वासव ॥

sarvakāmasamāyuktāṃ kāśyapīṃ yaḥ prayacchati | sarvabhūtāni manyante māṃ dadātīti vāsava

When one gives the earth that is endowed with all desires, all beings think, "He is giving me," O Vasava.

Verse 65 (13.97.65)

सर्वकामदुघां धेनुं सर्वकामगुणान्विताम् । ददाति यः सहस्राक्ष स्वर्गं याति स मानवः ॥

sarvakāmadughāṃ dhenuṃ sarvakāmaguṇānvitām | dadāti yaḥ sahasrākṣa svargaṃ yāti sa mānavaḥ

The man who gives the cow that yields every desire and is endowed with every desirable quality goes to heaven, O thousand-eyed one.

Note on the text: Matches CE 13.61.60 with a variant in line 1 (Wikisource सर्वकामगुणान्विताम्; CE sarvakāmapurogamām); kept.

Verse 66 (13.97.66)

मधुसर्पिःप्रवाहिण्यः पयोदधिवहास्तथा । सरितस्तर्पयन्तीह सुरेन्द्र वसुधाप्रदम् ॥

madhusarpiḥpravāhiṇyaḥ payodadhivahāstathā | saritastarpayantīha surendra vasudhāpradam

Rivers flowing with honey and ghee, with milk and curds, delight the giver of land here, O lord of the gods.

Note on the text: Corrected तपर्यन्तीह → तर्पयन्तीह (misprint in Wikisource; तपर्यन्ति is no form; CE tarpayanti).

Verse 67 (13.97.67)

भूमिप्रदानान्नृपतिर्मुच्यते सर्वकिल्बिषात् । न हि भूमिप्रदानेन दानमन्यद्विशिष्यते ॥

bhūmipradānānnṛpatirmucyate sarvakilbiṣāt | na hi bhūmipradānena dānamanyadviśiṣyate

By the gift of land a king is freed from every sin; no other gift surpasses the gift of land.

Verse 68 (13.97.68)

ददाति यः समुद्रान्तां पृथिवीं शस्त्रनिर्जिताम् । तं जनाः कथयन्तीह यावद्धरति गौरियम् ॥

dadāti yaḥ samudrāntāṃ pṛthivīṃ śastranirjitām | taṃ janāḥ kathayantīha yāvaddharati gauriyam

He who gives the earth bounded by the oceans, won by his weapons: people speak of him here as long as this earth endures.

Note on the text: Corrected समुन्द्रान्तां → समुद्रान्तां (misprint in Wikisource; the nasal is misplaced; CE samudrāntām).

Verse 69 (13.97.69)

पुण्यामृद्धिरसां भूमिं यो ददाति पुरंदर । न तस्य लोकाः क्षीयन्ते भूमिदानगुणान्विताः ॥

puṇyāmṛddhirasāṃ bhūmiṃ yo dadāti puraṃdara | na tasya lokāḥ kṣīyante bhūmidānaguṇānvitāḥ

He who gives holy, fertile earth, O Purandara, never loses his worlds, won by the merit of the gift of land.

Verse 70 (13.97.70)

सर्वदा पार्थिवेनेह सततं भूतिमिच्छता । भूर्देया विधिवच्छक्र पात्रे सुखमभीप्सुना ॥

sarvadā pārthiveneha satataṃ bhūtimicchatā | bhūrdeyā vidhivacchakra pātre sukhamabhīpsunā

A king who always seeks prosperity should give land, duly and to a worthy recipient, O Shakra, if he wishes for happiness.

Note on the text: Corrected सुखमभीप्सुनां → सुखमभीप्सुना (misprint in Wikisource; the instrumental agreeing with पार्थिवेन is required; CE abhīpsatā).

Verse 71 (13.97.71)

अपि कृत्वा नरः पापं भूमिं दत्त्वा द्विजातये । समुत्सृजति तत्पापं जीर्णां त्वचमिवोरगः ॥

api kṛtvā naraḥ pāpaṃ bhūmiṃ dattvā dvijātaye | samutsṛjati tatpāpaṃ jīrṇāṃ tvacamivoragaḥ

Even after committing sin, a man who gives land to a twice-born casts off that sin as a snake sheds its old skin.

Verse 72 (13.97.72)

सागरान्सरितः शैलान्काननानि च सर्वशः । सर्वमेतन्नरः शक्र ददाति वसुधां ददत् ॥

sāgarānsaritaḥ śailānkānanāni ca sarvaśaḥ | sarvametannaraḥ śakra dadāti vasudhāṃ dadat

Oceans, rivers, mountains and forests everywhere: a man gives all of this, O Shakra, when he gives the earth.

Verse 73 (13.97.73)

तटाकान्युदपानानि स्रोतांसि च सरांसि च । स्नेहान्सर्वरसांश्चैव ददाति वसुधां ददत् ॥

taṭākānyudapānāni srotāṃsi ca sarāṃsi ca | snehānsarvarasāṃścaiva dadāti vasudhāṃ dadat

Tanks, wells, streams and lakes, oils and every kind of essence: he gives all of this when he gives the earth.

Verse 74 (13.97.74)

ओषधीर्वीर्यसम्पन्नानगान्पुष्पफलान्वितान् । काननोपलशैलांश्च ददाति वसुधां ददत् ॥

oṣadhīrvīryasampannānagānpuṣpaphalānvitān | kānanopalaśailāṃśca dadāti vasudhāṃ dadat

Potent herbs, trees laden with flowers and fruit, forests, rocks and mountains: he gives all of this when he gives the earth.

Verse 75 (13.97.75)

अग्निष्टोमप्रभृतिभिरिष्ट्वा च स्वाप्तदक्षिणैः । न तत्फलमवाप्नोति भूमिदानाद्यदश्नुते ॥

agniṣṭomaprabhṛtibhiriṣṭvā ca svāptadakṣiṇaiḥ | na tatphalamavāpnoti bhūmidānādyadaśnute

Even after sacrificing with the Agnishtoma and other sacrifices, with fees fully paid, one does not win the fruit that comes from the gift of land.

Verse 76 (13.97.76)

दाता दशानुगृह्णाति दश हन्ति तथा क्षिपन् । पूर्वदत्तां हरन्भूमिं नरकायोपगच्छति ॥

dātā daśānugṛhṇāti daśa hanti tathā kṣipan | pūrvadattāṃ haranbhūmiṃ narakāyopagacchati

The giver favours ten; one who flings the gift away destroys ten. He who takes back land given earlier goes to hell.

Verse 77 (13.97.77)

न ददाति प्रतिश्रुत्य दत्त्वाऽपि च हरेत्तु यः । स बद्धो वारुणैः पाशैस्तप्यते मृत्युशासनात् ॥

na dadāti pratiśrutya dattvā'pi ca harettu yaḥ | sa baddho vāruṇaiḥ pāśaistapyate mṛtyuśāsanāt

He who promises and does not give, or having given takes it back, is bound by the nooses of Varuna and tormented by the command of Death.

Note on the text: Corrected मृत्युसासनात् → मृत्युशासनात् (misprint in Wikisource; सासन is no word; CE mṛtyuśāsanāt). Matches CE 13.61.72 with a variant in line 1 (Wikisource न ददाति प्रतिश्रुत्य दत्त्वाऽपि च हरेत्तु यः; CE na dadāti pratiśrutya dattvā vā harate tu yaḥ); kept.

Verse 78 (13.97.78)

आहिताग्निं सदायज्ञं कृशवृत्तिं प्रियातिथिम् । ये भरन्ति द्विजश्रेष्ठं नोपसर्पन्ति ते यमम् ॥

āhitāgniṃ sadāyajñaṃ kṛśavṛttiṃ priyātithim | ye bharanti dvijaśreṣṭhaṃ nopasarpanti te yamam

Those who support the best of brahmanas, a keeper of the sacred fires, ever at sacrifice, living on little and fond of guests, do not approach Yama.

Note on the text: Matches CE 13.61.73 with a variant in line 1 (Wikisource कृशवृत्तिं; CE kṛśabhṛtyam); kept.

Verse 79 (13.97.79)

ब्राह्मणेष्वनृणीभूतः पार्थिवः स्यात्पुरंदर । इतरेषां तु वर्णानां तारयेत्कृशदुर्बलान् ॥

brāhmaṇeṣvanṛṇībhūtaḥ pārthivaḥ syātpuraṃdara | itareṣāṃ tu varṇānāṃ tārayetkṛśadurbalān

A king should be free of debt to brahmanas, O Purandara; and he should rescue the thin and weak of the other castes.

Verse 80 (13.97.80)

नाच्छिन्द्यात्स्पर्शितां भूमिं परेण त्रिदशाधिप । ब्राह्मणस्य सुरश्रेष्ठ कृशवृत्तेः कदाचन ॥

nācchindyātsparśitāṃ bhūmiṃ pareṇa tridaśādhipa | brāhmaṇasya suraśreṣṭha kṛśavṛtteḥ kadācana

One should never take away land that another has settled on a brahmana of slender means, O lord of the Thirty, O best of the gods.

Note on the text: Matches CE 13.61.75 with a variant in line 2 (Wikisource ब्राह्मणस्य सुरश्रेष्ठ कृशवृत्तेः कदाचन; CE brāhmaṇāya suraśreṣṭha kṛśabhṛtyāya kaś cana); kept.

Verse 81 (13.97.81)

यथाश्रु पतितं तेषां दीनानामथ सीदताम् । ब्राह्मणानां हृते क्षेत्रे हन्यात्त्रिपुरुषं कुलम् ॥

yathāśru patitaṃ teṣāṃ dīnānāmatha sīdatām | brāhmaṇānāṃ hṛte kṣetre hanyāttripuruṣaṃ kulam

When a field is taken from brahmanas who are wretched and sinking in distress, the tears that fall from them destroy the family for three generations.

Note on the text: Line 1 opens यथाश्रु where CE has athāśru; the sense is the same, kept as printed.

Verse 82 (13.97.82)

भूमिपालं च्युतं राष्ट्राद्यस्तु संस्थापयेत्पुनः । तस्य वासः सहस्राक्ष नाकपृष्ठे महीयते ॥

bhūmipālaṃ cyutaṃ rāṣṭrādyastu saṃsthāpayetpunaḥ | tasya vāsaḥ sahasrākṣa nākapṛṣṭhe mahīyate

He who restores to the kingdom a king driven out of it is honoured for his dwelling in the heights of heaven, O thousand-eyed one.

Verse 83 (13.97.83)

सुनिर्मितां सुविक्रीतां सुभृतां स्थापयेन्नृप । इक्षुभिः सन्ततां भूमिं यवगोधूमसालिनीम् ॥

sunirmitāṃ suvikrītāṃ subhṛtāṃ sthāpayennṛpa | ikṣubhiḥ santatāṃ bhūmiṃ yavagodhūmasālinīm

Let a king give land well made, well bought and well kept, thick with sugar-cane, rich in barley and wheat,

Note on the text: Stray wiki quote marks (backtick/apostrophe) removed. Line 1 corresponds to the CE star line 13,061.065d*0345_01 (printed after 13.61.65: sunirmitāṃ suvikrītāṃ subhṛtāṃ vāpi yan nṛpaḥ); line 2 is CE 13.61.78a with a variant (Wikisource यवगोधूमसालिनीम्; CE yavagodhūmasaṃkulām).

Verse 84 (13.97.84)

गोश्ववाहनपूर्णां वा यो ददाति वसुन्धराम् । विमुक्तः सर्वपापेभ्यः स्वर्गलोके महीयते ॥

gośvavāhanapūrṇāṃ vā yo dadāti vasundharām | vimuktaḥ sarvapāpebhyaḥ svargaloke mahīyate

or full of cattle, horses and vehicles: whoever gives such earth is freed from all sins and honoured in the world of heaven.

Note on the text: Stray wiki quote marks (backtick/apostrophe) removed. Line 1 is CE 13.61.78c (with a variant: Wikisource गोश्ववाहनपूर्णां वा; CE gośvavāhanasaṃpūrṇāṃ bāhuvīryasamārjitām); line 2 is the CE star line 13,061.078d*0348_01 (not in the constituted text).

Verse 85 (13.97.85)

निधिगर्भां ददद्भूमिं सर्वरत्नपरिच्छदाम् । अक्षयाँल्लभते लोकान्भूमिसत्रं हि तस्य तत् ॥

nidhigarbhāṃ dadadbhūmiṃ sarvaratnaparicchadām | akṣayām̐llabhate lokānbhūmisatraṃ hi tasya tat

Giving land with a treasure in its womb and fitted with every jewel, he wins imperishable worlds; for that is his land-sacrifice.

Note on the text: Corrected तस्य तत → तस्य तत् (misprint in Wikisource; final त् lost its virama; CE tasya tat).

Verse 86 (13.97.86)

विधूय कलुषं सर्वं विरजाः सम्मतः सताम् । लोके महीयते सद्भिर्यो ददाति वसुन्धराम् ॥

vidhūya kaluṣaṃ sarvaṃ virajāḥ sammataḥ satām | loke mahīyate sadbhiryo dadāti vasundharām

Shaking off every stain, free from dust, esteemed by the good, the giver of land is honoured in the world by the good.

Verse 87 (13.97.87)

यथाऽप्सु पतितः शक्र तैलबिन्दुर्विसर्पति । तथा भूमिकृतं दानं सस्येसस्ये विवर्धते ॥

yathā'psu patitaḥ śakra tailabindurvisarpati | tathā bhūmikṛtaṃ dānaṃ sasyesasye vivardhate

As a drop of oil spreads when it falls on water, O Shakra, so a gift of land grows with every crop.

Verse 88 (13.97.88)

ये रणाग्रे महीपालाः शूराः समितिशोभनाः । वध्यन्तेऽभिमुखाः शक्र ब्रह्मलोकं व्रजन्ति ते ॥

ye raṇāgre mahīpālāḥ śūrāḥ samitiśobhanāḥ | vadhyante'bhimukhāḥ śakra brahmalokaṃ vrajanti te

Kings who, brave and shining in the fray, are slain in the front of battle facing the foe go to the world of Brahma, O Shakra.

Verse 89 (13.97.89)

नृत्तगीतपरा नार्यो दिव्यमाल्यविभूषिताः । उपतिष्ठन्ति देवेन्द्र यथा भूमिप्रदं दिवि ॥

nṛttagītaparā nāryo divyamālyavibhūṣitāḥ | upatiṣṭhanti devendra yathā bhūmipradaṃ divi

Women given to dance and song, adorned with heavenly garlands, wait upon the giver of land in heaven, O lord of the gods.

Verse 90 (13.97.90)

मोदते च सुखं स्वर्गे देवगन्धर्वपूजितः । यो ददाति महीं सम्यग्विधिनेह द्विजातये ॥

modate ca sukhaṃ svarge devagandharvapūjitaḥ | yo dadāti mahīṃ samyagvidhineha dvijātaye

He rejoices in happiness in heaven, honoured by gods and gandharvas, who rightly gives land to a twice-born in the proper manner.

Verse 91 (13.97.91)

शतमप्सरसश्चैव दिव्यमाल्यविभूषिताः । उपतिष्ठन्ति देवेन्द्र ब्रह्मलोके धराप्रदम् ॥

śatamapsarasaścaiva divyamālyavibhūṣitāḥ | upatiṣṭhanti devendra brahmaloke dharāpradam

A hundred apsarases adorned with heavenly garlands wait upon the giver of land in the world of Brahma, O lord of the gods.

Note on the text: Line 1 is CE 13.61.85a; line 2 corresponds to the CE star lines 13,061.085c*0349_01-02 and the variant of 85c.

Verse 92 (13.97.92)

उपतिष्ठन्ति पुण्यानि सदा भूमिप्रदं नरम् । शङ्खं भद्रासनं छत्रं वराश्वा वरवाहनम् ॥

upatiṣṭhanti puṇyāni sadā bhūmipradaṃ naram | śaṅkhaṃ bhadrāsanaṃ chatraṃ varāśvā varavāhanam

Meritorious things always attend the man who gives land: a conch, a fine seat, an umbrella, fine horses and fine mounts.

Note on the text: Line 1 is CE 13.61.85c (variant: Wikisource पुण्यानि; CE sadā … naram); line 2 is CE 13.61.86a, with a variant in the last word (Wikisource वरवाहनम्; CE varavāraṇāḥ, which the page's commentary also records).

Verse 93 (13.97.93)

भूमिप्रदानात्पुष्पाणि हिरण्यनिचयास्तथा । आज्ञा सदाऽप्रतिहता जयशब्दा वसूनि च ॥

bhūmipradānātpuṣpāṇi hiraṇyanicayāstathā | ājñā sadā'pratihatā jayaśabdā vasūni ca

From the gift of land come flowers and heaps of gold, commands that are never obstructed, shouts of victory, and wealth.

Note on the text: Line 1 is CE 13.61.86c; line 2 is CE 13.61.87a.

Verse 94 (13.97.94)

भूमिदानस्य पुण्यानि फलं स्वर्गः पुरन्दर । हिरण्यपुष्पाश्चौषध्यः कुशकाञ्चनशाद्वलाः ॥

bhūmidānasya puṇyāni phalaṃ svargaḥ purandara | hiraṇyapuṣpāścauṣadhyaḥ kuśakāñcanaśādvalāḥ

These are the merits of the gift of land, and its fruit is heaven, O Purandara: herbs with golden flowers, kusha grass, gold and green meadows.

Note on the text: Line 1 is CE 13.61.87c; line 2 is CE 13.61.88a.

Verse 95 (13.97.95)

अमृतप्रसवां भूमिं प्राप्नोति पुरुषो ददत् ॥

amṛtaprasavāṃ bhūmiṃ prāpnoti puruṣo dadat

Giving the earth, a man obtains the earth that brings forth ambrosia.

Note on the text: A single line, as printed (13-97-95a only): it is CE 13.61.88c. Wikisource's division of the preceding verses is shifted by a half-verse against the CE, so nothing is missing.

Verse 96 (13.97.96)

नास्ति भूमिसमं दानं नास्ति मातृसमो गुरुः । नास्ति सत्यसमो धर्मो नास्ति दानसमो निधिः ॥

nāsti bhūmisamaṃ dānaṃ nāsti mātṛsamo guruḥ | nāsti satyasamo dharmo nāsti dānasamo nidhiḥ

There is no gift equal to land; no teacher equal to a mother; no dharma equal to truth; no treasure equal to giving.

Verse 97 (13.97.97)

एतदाङ्गिरसाच्छ्रुत्वा वासवो वसुधामिमाम् । वसुरत्नसमाकीर्णां ददावाङ्गिरसे तदा ॥

etadāṅgirasācchrutvā vāsavo vasudhāmimām | vasuratnasamākīrṇāṃ dadāvāṅgirase tadā

Having heard this from the son of Angiras, Vasava then gave this earth, strewn with wealth and jewels, to the son of Angiras.

Verse 98 (13.97.98)

य इदं श्रावयेच्छ्राद्धे भूमिदानस्य संस्तवम् । न तस्य रक्षसां भागो नासुराणां भवत्युत ॥

ya idaṃ śrāvayecchrāddhe bhūmidānasya saṃstavam | na tasya rakṣasāṃ bhāgo nāsurāṇāṃ bhavatyuta

He who recites this praise of the gift of land at a shraddha: no share falls there to the Rakshasas or the Asuras.

Verse 99 (13.97.99)

अक्षयं च भवेद्दत्तं पितृभ्यस्तन्न संशयः । तस्माच्छ्राद्धेष्विदं विद्वान्भुञ्जतः श्रावयेद्द्विजान् ॥

akṣayaṃ ca bhaveddattaṃ pitṛbhyastanna saṃśayaḥ | tasmācchrāddheṣvidaṃ vidvānbhuñjataḥ śrāvayeddvijān

What is given to the ancestors becomes imperishable, without doubt. Therefore the learned man should have this recited to the twice-born who are eating at shraddhas.

Verse 100 (13.97.100)

इत्येतत्सर्वदानानां श्रेष्ठमुक्तं तवानघ । मया भरतशार्दूल किं भूयः श्रोतुमिच्छसि ॥

ityetatsarvadānānāṃ śreṣṭhamuktaṃ tavānagha | mayā bharataśārdūla kiṃ bhūyaḥ śrotumicchasi

So I have told you, sinless one, this best of all gifts, O tiger of the Bharatas. What more do you wish to hear?