The Gift of Food

Verse 1 (13.98.1)

कानि दानानि लोकेऽस्मिन्दातुकामो महीपतिः । गुणाधिकेभ्यो विप्रेभ्यो दद्याद्भरतसत्तम ॥

kāni dānāni loke'smindātukāmo mahīpatiḥ | guṇādhikebhyo viprebhyo dadyādbharatasattama

O best of the Bharatas, what gifts should a king who wishes to give in this world bestow upon brahmanas of superior merit?

Verse 2 (13.98.2)

केन तुष्यन्ति ते सद्यः किं तुष्टाः प्रदिशन्ति च । शंस मे तन्महाबाहो फलं पुण्यकृतं महत् ॥

kena tuṣyanti te sadyaḥ kiṃ tuṣṭāḥ pradiśanti ca | śaṃsa me tanmahābāho phalaṃ puṇyakṛtaṃ mahat

By what do they become pleased at once, and what do they grant when they are pleased? O mighty-armed one, tell me this, and the great fruit of such meritorious giving.

Verse 3 (13.98.3)

दत्तं किं फलवद्राजन्निह लोके परत्र च । भवतः श्रोतुमिच्छामि तन्मे विस्तरतो वद ॥

dattaṃ kiṃ phalavadrājanniha loke paratra ca | bhavataḥ śrotumicchāmi tanme vistarato vada

O king, what gift bears fruit both here in this world and in the next? I wish to hear it from you; tell me in full.

Note on the text: Corrected लोकें → लोके (misprint in Wikisource; stray anusvara; CE loke).

Verse 4 (13.98.4)

इममर्थं पुरा पृष्टो नारदो देवदर्शनः । यदुक्तवानसौ वाक्यं तन्मे निगदतः शृणु ॥

imamarthaṃ purā pṛṣṭo nārado devadarśanaḥ | yaduktavānasau vākyaṃ tanme nigadataḥ śṛṇu

Long ago Narada, who sees the gods, was asked this very question. Listen as I tell you the words he spoke in reply.

Verse 5 (13.98.5)

अन्नमेव प्रशंसन्ति देवा ऋषिगणास्तथा । लोकतन्त्रं हि यज्ञाश्च सर्वमन्ने प्रतिष्ठितम् ॥

annameva praśaṃsanti devā ṛṣigaṇāstathā | lokatantraṃ hi yajñāśca sarvamanne pratiṣṭhitam

The gods and the hosts of sages praise food above all things. The order of the world and the sacrifices as well—everything rests upon food.

Verse 6 (13.98.6)

अन्नेन सदृशं दानं न भूतं न भविष्यति । तस्मादन्नं विशेषेण दातुमिच्छन्ति मानवाः ॥

annena sadṛśaṃ dānaṃ na bhūtaṃ na bhaviṣyati | tasmādannaṃ viśeṣeṇa dātumicchanti mānavāḥ

There has never been, and will never be, a gift equal to food. That is why people above all wish to give food.

Note on the text: Corrected विशेषेणि → विशेषेण (misprint in Wikisource; CE viśeṣeṇa).

Verse 7 (13.98.7)

अन्नमूर्जस्करं लोके प्राणाश्चान्ने प्रतिष्ठिताः । अन्नेन धार्यते सर्वं विश्वं जगदिदं प्रभो ॥

annamūrjaskaraṃ loke prāṇāścānne pratiṣṭhitāḥ | annena dhāryate sarvaṃ viśvaṃ jagadidaṃ prabho

Food gives strength in the world, and the life-breaths rest upon food. By food, O lord, this whole universe is sustained.

Verse 8 (13.98.8)

अन्नाद्गृहस्था लोकेऽस्मिन्भिक्षवस्तापसास्तथा । अन्नाद्भवन्ति वै प्राणाः प्रत्यक्षं नात्र संशयः ॥

annādgṛhasthā loke'sminbhikṣavastāpasāstathā | annādbhavanti vai prāṇāḥ pratyakṣaṃ nātra saṃśayaḥ

Householders in this world, and mendicants and ascetics too, live by food. From food the life-breaths arise; this is plain to see, and there is no doubt about it.

Verse 9 (13.98.9)

कुटुम्बिने सीदते च ब्राह्मणाय महात्मने । दातव्यं भिक्षवे चान्नमात्मनो भूतिमिच्छता ॥

kuṭumbine sīdate ca brāhmaṇāya mahātmane | dātavyaṃ bhikṣave cānnamātmano bhūtimicchatā

A man who desires his own prosperity should give food to a great-souled brahmana who has a family to support and is in distress, and to a mendicant.

Note on the text: Corrected कटुम्बिने → कुटुम्बिने (misprint in Wikisource; CE and the footnote reading kuṭumba-).

Verse 10 (13.98.10)

ब्राह्मणायाभिरूपाय यो दद्यादन्नमर्थिने । निदधाति निधिं श्रेष्ठं पारलौकिकमात्मनः ॥

brāhmaṇāyābhirūpāya yo dadyādannamarthine | nidadhāti nidhiṃ śreṣṭhaṃ pāralaukikamātmanaḥ

He who gives food to a suitable brahmana who asks for it lays up for himself the finest treasure for the world beyond.

Verse 11 (13.98.11)

श्रान्तमध्वनि वर्तन्तं वृद्धमर्हमुपस्थितम् । अर्चयेद्भूतिमन्विच्छन्गृहस्थो गृहमागतम् ॥

śrāntamadhvani vartantaṃ vṛddhamarhamupasthitam | arcayedbhūtimanvicchangṛhastho gṛhamāgatam

A householder who seeks his welfare should honour a guest who has come to his house, whether he is weary from the road, aged, or deserving of respect.

Note on the text: Corrected अर्ययेद् → अर्चयेद् (misprint in Wikisource; CE arcayed).

Verse 12 (13.98.12)

क्रोधमुत्पतितं हित्वा सुशीलो वीतमत्सरः । अन्नदः प्राप्नुते राजन्दिवि चेह च यत्सुखम् ॥

krodhamutpatitaṃ hitvā suśīlo vītamatsaraḥ | annadaḥ prāpnute rājandivi ceha ca yatsukham

Putting aside any anger that has risen, of good character and free from envy, the giver of food, O king, gains whatever happiness there is in heaven and here.

Verse 13 (13.98.13)

नावमन्येदभिगतं न प्रणुद्यात्कदाचन । अपि श्वपाके शुनि वा नान्नदानं प्रणश्यति ॥

nāvamanyedabhigataṃ na praṇudyātkadācana | api śvapāke śuni vā nānnadānaṃ praṇaśyati

One should never slight or turn away a guest who has arrived. Even when given to an outcaste or to a dog, a gift of food is never lost.

Verse 14 (13.98.14)

यो दद्यादपरिक्लिष्टमन्नमध्वनि वर्तते । आर्तायादृष्टपूर्वाय स महद्धर्ममाप्नुयात् ॥

yo dadyādaparikliṣṭamannamadhvani vartate | ārtāyādṛṣṭapūrvāya sa mahaddharmamāpnuyāt

He who, without causing distress, gives food to a traveller on the road—one in need, whom he has never seen before—gains great merit.

Verse 15 (13.98.15)

पितॄन्देवानृपीन्विप्रानतिथींश्च जनाधिप । यो नरः प्रीणयत्यन्नैस्तस्य पुण्यफलं महत् ॥

pitṝndevānṛpīnviprānatithīṃśca janādhipa | yo naraḥ prīṇayatyannaistasya puṇyaphalaṃ mahat

The man who pleases the ancestors, the gods, the seers, brahmanas and guests with food, O ruler of men, earns a great fruit of merit.

Verse 16 (13.98.16)

कृत्वाऽतिपातकं कर्म यो दद्यादन्नमर्थिने । ब्राह्मणाय विशेषेण न स पापेन मुह्यते ॥

kṛtvā'tipātakaṃ karma yo dadyādannamarthine | brāhmaṇāya viśeṣeṇa na sa pāpena muhyate

Even one who has committed a deadly sin, if he gives food to a petitioner, and above all to a brahmana, is not overcome by that sin.

Verse 17 (13.98.17)

ब्राह्मणेष्वक्षयं दानमन्नं शूद्रे महाफलम् । अन्नदानं हि शूद्रे च ब्राह्मणे च विशिष्यते ॥

brāhmaṇeṣvakṣayaṃ dānamannaṃ śūdre mahāphalam | annadānaṃ hi śūdre ca brāhmaṇe ca viśiṣyate

A gift made to brahmanas is imperishable; food given to a shudra bears great fruit. A gift of food stands out, whether to a shudra or to a brahmana.

Verse 18 (13.98.18)

न पृच्छेद्गोत्रचरणं स्वाध्यायं देशमेव च । भिक्षितो ब्राह्मणेनान्नं दद्यादेवाविचारतः ॥

na pṛcchedgotracaraṇaṃ svādhyāyaṃ deśameva ca | bhikṣito brāhmaṇenānnaṃ dadyādevāvicārataḥ

One should not ask about his family, his school of study, his learning or his country. When a brahmana begs for food, one should give it without inquiry.

Verse 19 (13.98.19)

अन्नदस्यान्नदा वृक्षाः सर्वकामफलप्रदाः । भवन्ति चेह चामुत्र नृपते नात्र संशयः ॥

annadasyānnadā vṛkṣāḥ sarvakāmaphalapradāḥ | bhavanti ceha cāmutra nṛpate nātra saṃśayaḥ

For the giver of food, trees that give food and every desired fruit come into being, both here and in the next world, O lord of men; there is no doubt of this.

Verse 20 (13.98.20)

आशंसन्ते हि पितरः सुवृष्टिमिव कर्षकाः । अस्माकमपि पुत्रो वा पौत्रो वाऽन्नं प्रदास्यति ॥

āśaṃsante hi pitaraḥ suvṛṣṭimiva karṣakāḥ | asmākamapi putro vā pautro vā'nnaṃ pradāsyati

The ancestors hope, as farmers hope for good rain: "A son or a grandson of ours will give food."

Verse 21 (13.98.21)

ब्राह्मणो हि महद्भूतं स्वयं देहीति याचते । अकामो वा सकामो वा दत्त्वा पुण्यमवाप्नुयात् ॥

brāhmaṇo hi mahadbhūtaṃ svayaṃ dehīti yācate | akāmo vā sakāmo vā dattvā puṇyamavāpnuyāt

A brahmana is a great being. When he himself asks, "Give," the giver gains merit, whether he gives unwillingly or willingly.

Verse 22 (13.98.22)

ब्राह्मणः सर्वभूतानामतिथिः प्रसृताग्रभुक् । विप्रा यदधिगच्छन्ति भिक्षमाणा गृहं सदा ॥

brāhmaṇaḥ sarvabhūtānāmatithiḥ prasṛtāgrabhuk | viprā yadadhigacchanti bhikṣamāṇā gṛhaṃ sadā

A brahmana is the guest of all beings and eats first of what is set out. Whenever brahmanas, begging, approach a house,

Verse 23 (13.98.23)

सत्कृताश्च निवर्तन्ते तदतीव प्रवर्धते । महाभागे कुले प्रेत्य जन्म चाप्नोति भारत ॥

satkṛtāśca nivartante tadatīva pravardhate | mahābhāge kule pretya janma cāpnoti bhārata

and go away honoured, that giving grows exceedingly; and after death, O Bharata, the giver is born into a family of great fortune.

Note on the text: Corrected सत्कताश्च → सत्कृताश्च (misprint in Wikisource; CE satkṛtāś).

Verse 24 (13.98.24)

दत्त्वा त्वन्नं नरो लोके तथा स्थानमनुत्तमम् । स्विष्टमृष्टान्नदायी तु स्वर्गे वसति सत्कृतः ॥

dattvā tvannaṃ naro loke tathā sthānamanuttamam | sviṣṭamṛṣṭānnadāyī tu svarge vasati satkṛtaḥ

A man who gives food in this world gains an unsurpassed station; one who gives well-prepared, choice food dwells honoured in heaven.

Verse 25 (13.98.25)

अन्नं प्राणा नराणां हि सर्वमन्ने प्रतिष्ठितम् । अन्नदः पशुमान्पुत्री धनवान्भोगवानपि ॥

annaṃ prāṇā narāṇāṃ hi sarvamanne pratiṣṭhitam | annadaḥ paśumānputrī dhanavānbhogavānapi

Food is the life-breath of men, and everything rests on food. The giver of food is blessed with cattle, sons, wealth and enjoyments.

Note on the text: Corrected प्रतिष्ठिम् → प्रतिष्ठितम् (misprint in Wikisource; dropped akshara; CE pratiṣṭhitam).

Verse 26 (13.98.26)

प्राणवांश्चापि भवति रूपवांश्च तथा नृप । अन्नदः प्राणदो लोके सर्वदः प्रोच्यते तु सः ॥

prāṇavāṃścāpi bhavati rūpavāṃśca tathā nṛpa | annadaḥ prāṇado loke sarvadaḥ procyate tu saḥ

He also becomes full of vitality and handsome, O king. In the world the giver of food is called a giver of life and a giver of everything.

Verse 27 (13.98.27)

अन्नं हि दत्त्वाऽतिथये ब्राह्मणाय यथाविधि । प्रदाता सुखमाप्नोति दैवतैश्चापि पूज्यते ॥

annaṃ hi dattvā'tithaye brāhmaṇāya yathāvidhi | pradātā sukhamāpnoti daivataiścāpi pūjyate

The giver who duly gives food to a brahmana guest finds happiness and is honoured even by the gods.

Verse 28 (13.98.28)

ब्राह्मणो हि महद्भूतं क्षेत्रभूतं युधिष्ठिर । उप्यते तत्र यद्बीजं तद्धि पुण्यफलं महत् ॥

brāhmaṇo hi mahadbhūtaṃ kṣetrabhūtaṃ yudhiṣṭhira | upyate tatra yadbījaṃ taddhi puṇyaphalaṃ mahat

A brahmana, Yudhishthira, is a great being and himself a field. Whatever seed is sown there bears a great fruit of merit.

Note on the text: Corrected तत्रि → तत्र (misprint in Wikisource; CE tatra).

Verse 29 (13.98.29)

प्रत्यक्षं प्रीतिजननं भोक्तुर्दातुर्भवत्युत । सर्वाण्यन्यानि दानानि परोक्षफलवन्त्युत ॥

pratyakṣaṃ prītijananaṃ bhokturdāturbhavatyuta | sarvāṇyanyāni dānāni parokṣaphalavantyuta

The joy of it is plain to see, arising for both the eater and the giver; all other gifts bear fruit that is unseen.

Verse 30 (13.98.30)

अन्नाद्धि प्रसवं यान्ति रतिरन्नाद्धि भारत । धर्मार्थावन्नतो विद्धि रोगनाशं तथाऽन्नतः ॥

annāddhi prasavaṃ yānti ratirannāddhi bhārata | dharmārthāvannato viddhi roganāśaṃ tathā'nnataḥ

From food come offspring, and from food comes delight, O Bharata. Know that dharma and wealth come from food, and so does the cure of disease.

Verse 31 (13.98.31)

अन्नं ह्यमृतमित्याह पुरा कल्पे प्रजापतिः । अन्नं भुवं दिवं खं च सर्वमन्ने प्रतिष्ठितम् ॥

annaṃ hyamṛtamityāha purā kalpe prajāpatiḥ | annaṃ bhuvaṃ divaṃ khaṃ ca sarvamanne pratiṣṭhitam

In an earlier age Prajapati called food nectar. Earth, heaven and sky—everything rests on food.

Verse 32 (13.98.32)

अन्नप्रणाशे भिद्यन्ते शरीरे पञ्च धातवः । बलं बलवतोपीह प्रणश्यत्यन्नहानितः ॥

annapraṇāśe bhidyante śarīre pañca dhātavaḥ | balaṃ balavatopīha praṇaśyatyannahānitaḥ

When food is lacking, the five elements of the body fall apart; even a strong man's strength fails here when food runs out.

Verse 33 (13.98.33)

आवाहाश्च विवाहाश्च यज्ञाश्चान्नमृते तथा । निवर्तन्ते नरश्रेष्ठ ब्रह्म चात्र प्रलीयते ॥

āvāhāśca vivāhāśca yajñāścānnamṛte tathā | nivartante naraśreṣṭha brahma cātra pralīyate

Without food, O best of men, weddings and marriages and sacrifices all cease, and the Veda itself fades away here.

Verse 34 (13.98.34)

अन्नतः सर्वमेतद्धि यत्किञ्चित्स्थाणु जङ्गमम् । त्रिषु लोकेषु धर्मार्थमन्नं देयमतो बुधैः ॥

annataḥ sarvametaddhi yatkiñcitsthāṇu jaṅgamam | triṣu lokeṣu dharmārthamannaṃ deyamato budhaiḥ

Everything that exists, moving or unmoving, comes from food. Therefore the wise should give food, for the sake of dharma and wealth, in the three worlds.

Verse 35 (13.98.35)

अन्नदस्य मनुष्यस्य बलमोजो यशांसि च । कीर्तिश्च वर्धते शश्वत्त्रिषु लोकेषु पार्थिव ॥

annadasya manuṣyasya balamojo yaśāṃsi ca | kīrtiśca vardhate śaśvattriṣu lokeṣu pārthiva

For the man who gives food, strength, vigour and fame grow, and his renown increases always in the three worlds, O king.

Verse 36 (13.98.36)

मेघेषूर्ध्वं सन्निधत्ते प्राणानां पवनः पतिः । तच्च मेघगतं वारि शक्रो वर्षति भारत ॥

megheṣūrdhvaṃ sannidhatte prāṇānāṃ pavanaḥ patiḥ | tacca meghagataṃ vāri śakro varṣati bhārata

The wind, the lord of the life-breaths, gathers the water high in the clouds, and Indra sends that water down from the clouds, O Bharata.

Verse 37 (13.98.37)

आदत्ते च रसान्भौमानादित्यः स्वगभस्तिभिः । वायुरादित्यतस्तांश्च रसान्देवः प्रवर्षति ॥

ādatte ca rasānbhaumānādityaḥ svagabhastibhiḥ | vāyurādityatastāṃśca rasāndevaḥ pravarṣati

The sun with his own rays draws up the saps of the earth; the wind carries those saps from the sun, and the god sends them down as rain.

Note on the text: Corrected भौनानादित्यः → भौमानादित्यः (misprint in Wikisource; CE bhaumam).

Verse 38 (13.98.38)

तद्यदा मेघतो वारि पतितं भवति क्षितौ । तदा वसुमती देवी स्निग्धा भवति भारत ॥

tadyadā meghato vāri patitaṃ bhavati kṣitau | tadā vasumatī devī snigdhā bhavati bhārata

When the water falls from the cloud upon the ground, then, O Bharata, the goddess Earth becomes moist.

Verse 39 (13.98.39)

ततः सस्यानि रोहन्ति येन वर्तयते जगत् । मांसमेदोस्थिशुक्राणां प्रादुर्भावस्ततः पुनः ॥

tataḥ sasyāni rohanti yena vartayate jagat | māṃsamedosthiśukrāṇāṃ prādurbhāvastataḥ punaḥ

Then the crops spring up, by which the world is sustained; and from them in turn arise flesh, fat, bone and seed.

Verse 40 (13.98.40)

सम्भवन्ति ततः शुक्रात्प्राणिनः पृथिवीपते । अग्नीषोमौ हि तच्छुक्रं सृजतः पुष्यतश्च ह ॥

sambhavanti tataḥ śukrātprāṇinaḥ pṛthivīpate | agnīṣomau hi tacchukraṃ sṛjataḥ puṣyataśca ha

From that seed living beings are born, O lord of the earth; for Agni and Soma create that seed and nourish it.

Verse 41 (13.98.41)

एवमन्नाद्धि सूर्यश्च पवनः शक्रमेव च । एक एव स्मृतो राशिस्ततो भूतानि जज्ञिरे ॥

evamannāddhi sūryaśca pavanaḥ śakrameva ca | eka eva smṛto rāśistato bhūtāni jajñire

So food, the sun, the wind and Indra are held to be one single mass, and from it the creatures of the world were born.

Verse 42 (13.98.42)

प्राणान्ददाति भूतानां तेजश्च भरतर्षभ । गृहमभ्यागतायाथ यो दद्यादन्नमर्थिने ॥

prāṇāndadāti bhūtānāṃ tejaśca bharatarṣabha | gṛhamabhyāgatāyātha yo dadyādannamarthine

He gives life and vigour to beings, O best of the Bharatas—the man who gives food to a petitioner who has come to his house.

Verse 43 (13.98.43)

नारदेनैवमुक्तोऽहमन्नदानं सदा नृप । अनसूयुस्त्वमप्यन्नं तस्माद्देहि गतज्वरः ॥

nāradenaivamukto'hamannadānaṃ sadā nṛpa | anasūyustvamapyannaṃ tasmāddehi gatajvaraḥ

Narada spoke to me thus, O king, and I have always given food. Do you too, free of resentment and free of distress, give food.

Verse 44 (13.98.44)

दत्त्वाऽन्नं विधिवद्राजन्विप्रेभ्यस्त्वमपि प्रभो । यथावदनुरूपेभ्यस्ततः स्वर्गमवाप्स्यसि ॥

dattvā'nnaṃ vidhivadrājanviprebhyastvamapi prabho | yathāvadanurūpebhyastataḥ svargamavāpsyasi

O mighty king, when you too have duly given food to brahmanas, to those who are fit to receive it, you will then attain heaven.

Verse 45 (13.98.45)

अन्नदानां हि ये लोकास्तांस्त्वं शृणु जनाधिप । भवनानि प्रकाशन्ते दिवि तेषां महात्मनाम् ॥

annadānāṃ hi ye lokāstāṃstvaṃ śṛṇu janādhipa | bhavanāni prakāśante divi teṣāṃ mahātmanām

Listen, O ruler of men, to the worlds of those who give food. In heaven the mansions of those great souls shine.

Note on the text: Wikisource divides the critical edition's three-line verse 13.62.45 differently: this verse is 13.62.45 ab and cd; the next verse takes 13.62.45 e.

Verse 46 (13.98.46)

नानासंस्थानि रूपाणि नानास्तम्भान्वितानि च । चन्द्रमण्डलशुभ्राणि किंकिणीजालवन्ति च ॥

nānāsaṃsthāni rūpāṇi nānāstambhānvitāni ca | candramaṇḍalaśubhrāṇi kiṃkiṇījālavanti ca

They are of many shapes, with many pillars, white as the disk of the moon, hung with nets of tinkling bells,

Note on the text: Critical edition: first line = 13.62.45e, second line = 13.62.46a (Wikisource re-divides the CE's verses from here to the end of the adhyaya).

Verse 47 (13.98.47)

तरुणादित्यवर्णानि स्थावराणि चराणि च । अनेकशतभौमानि सान्तर्जलचराणि च ॥

taruṇādityavarṇāni sthāvarāṇi carāṇi ca | anekaśatabhaumāni sāntarjalacarāṇi ca

bright as the young sun, some fixed and some moving, with hundreds of storeys, and holding waters and aquatic creatures within;

Note on the text: Critical edition: first line = 13.62.46c, second line = 13.62.47a.

Verse 48 (13.98.48)

वैदूर्यार्कप्रकाशानि रौप्यरुक्ममयानि च । सर्वकामफलाश्चापि वृक्षा भवनसंस्थिताः ॥

vaidūryārkaprakāśāni raupyarukmamayāni ca | sarvakāmaphalāścāpi vṛkṣā bhavanasaṃsthitāḥ

shining like lapis lazuli and the sun, made of silver and gold, with trees that give every desired fruit standing about the mansions;

Note on the text: Critical edition: first line = 13.62.47c, second line = 13.62.48a.

Verse 49 (13.98.49)

वाप्यो वीथ्यः सभाः कूपा दीर्घिकाश्चैव सर्वशः । घोषवन्ति च यानानि युक्तान्यथ सहस्रशः ॥

vāpyo vīthyaḥ sabhāḥ kūpā dīrghikāścaiva sarvaśaḥ | ghoṣavanti ca yānāni yuktānyatha sahasraśaḥ

with pools, avenues, assembly halls, wells and long lakes on every side, and thousands of yoked, rumbling vehicles;

Note on the text: Critical edition: first line = 13.62.48c, second line = 13.62.49a. (The automatic alignment pointed to 13.70.25, a similar line elsewhere.)

Verse 50 (13.98.50)

भक्ष्यभोज्यमयाः शैला वासांस्याभरणानि च । क्षीरं स्रवन्ति सरितस्तथा चैवान्नपर्वताः ॥

bhakṣyabhojyamayāḥ śailā vāsāṃsyābharaṇāni ca | kṣīraṃ sravanti saritastathā caivānnaparvatāḥ

with mountains made of food and delicacies, garments and ornaments, rivers flowing with milk, and mountains of food;

Note on the text: Critical edition: first line = 13.62.49c, second line = 13.62.50a.

Verse 51 (13.98.51)

प्रासादाः पाण्डुराभ्राभाः शय्याश्च कनकोज्ज्वलाः । तान्यन्नदाः प्रपद्यन्ते तस्मादन्नप्रदो भव ॥

prāsādāḥ pāṇḍurābhrābhāḥ śayyāśca kanakojjvalāḥ | tānyannadāḥ prapadyante tasmādannaprado bhava

palaces pale as white clouds, and couches gleaming with gold. These the givers of food attain; therefore be a giver of food.

Note on the text: Corrected कनकोञ्ज्वलाः → कनकोज्ज्वलाः (misprint in Wikisource; broken conjunct; CE kanakojjvalāḥ). Critical edition: first line = 13.62.50c, second line = 13.62.50e.

Verse 52 (13.98.52)

एते लोकाः पुण्यकृता अन्नदानां महात्मनाम् । तस्मादन्नं प्रयत्नेन दातव्यं मानवैर्भुवि ॥

ete lokāḥ puṇyakṛtā annadānāṃ mahātmanām | tasmādannaṃ prayatnena dātavyaṃ mānavairbhuvi

These are the worlds of the meritorious, great-souled givers of food. Therefore people on earth should give food with diligence.