Ashtavakra Defeats Bandi

Verse 1 (3.136.1)

अत्रोग्रसेनसमितेषु राजन् । समागतेष्वप्रतिमेषु राजसु । न मे विवित्सान्तरमस्ति वादिनां । महाजने हंसविवादिनामिव ॥

atrograsenasamiteṣu rājan | samāgateṣvapratimeṣu rājasu | na me vivitsāntaramasti vādināṃ | mahājane haṃsavivādināmiva

"Here, O king, among the peerless kings gathered with their mighty hosts, I can find no way to tell the debaters apart in this great crowd; they are like geese clamouring together."

Verse 2 (3.136.2)

न मोक्ष्यसे वै वदमानो निमज्जन् । जलं प्रपन्नः सरितामिवाधनः । हुताशनस्येव समिद्धतेजसः । स्थिरो भवस्वेह ममाद्य वन्दिन् ॥

na mokṣyase vai vadamāno nimajjan | jalaṃ prapannaḥ saritāmivādhanaḥ | hutāśanasyeva samiddhatejasaḥ | sthiro bhavasveha mamādya vandin

"You will not escape, Bandi, as you go on talking: you will sink like a helpless man who has fallen into a river's waters. Stand firm before me today, for I am like a fire blazing with kindled flame."

Verse 3 (3.136.3)

व्याघ्रं शयानं प्रति मा प्रबोध । आशीविषं सृक्विणी संलिहानम् । पदा हतस्येह शिरोभिहत्य । नादष्टो वै मोक्ष्यसे तन्निबोध ॥

vyāghraṃ śayānaṃ prati mā prabodha | āśīviṣaṃ sṛkviṇī saṃlihānam | padā hatasyeha śirobhihatya | nādaṣṭo vai mokṣyase tannibodha

"Do not wake a sleeping tiger, nor a venomous snake licking the corners of its mouth. If you strike the head of a snake that has been trodden on, you will not get away unbitten; understand that."

Verse 4 (3.136.4)

यो वै दर्पात्संहननोपपन्नः । सुदुर्बलः पर्वतमाविहन्ति । तस्यैव पाणिः सनखो विदीर्यते । न चैव शैलस्य हि दृश्यते व्रणः ॥

yo vai darpātsaṃhananopapannaḥ | sudurbalaḥ parvatamāvihanti | tasyaiva pāṇiḥ sanakho vidīryate | na caiva śailasya hi dṛśyate vraṇaḥ

"When a man proud of his strong body, but really very weak, strikes at a mountain, it is his own hand and nails that are torn, while no wound is seen on the rock."

Verse 5 (3.136.5)

सर्वे राज्ञो मैथिलस्य मैनाकस्येव पर्वताः । निकृष्टभूता राजानो वत्सा ह्यनडुहो यथा ॥

sarve rājño maithilasya mainākasyeva parvatāḥ | nikṛṣṭabhūtā rājāno vatsā hyanaḍuho yathā

"Beside the king of Mithila all these kings are as the other mountains are beside Mainaka: made small, like calves beside a bull."

Verse 6 (3.136.6)

यथा महेन्द्रः प्रवरः सुराणां । नदीषु गङ्गा प्रवरा यथैव । तथा नृपाणां प्रवरस्त्वमेको । वन्दिं समभ्यानय मत्सकाशम् ॥

yathā mahendraḥ pravaraḥ surāṇāṃ | nadīṣu gaṅgā pravarā yathaiva | tathā nṛpāṇāṃ pravarastvameko | vandiṃ samabhyānaya matsakāśam

"As great Indra is foremost among the gods, and as the Ganga is foremost among rivers, so you alone are foremost among kings. Bring Bandi before me."

Note on the text: Not in the critical edition's constituted text: it is passage 661* of the apparatus, after 3.134.5.

Verse 7 (3.136.7)

एवमष्टावक्रः समितौ हि गर्ज- । ञ्जातक्रोधो वन्दिनमाह राजन् । उक्ते वाक्ये चोत्तरं मे ब्रवीहि । वाक्यस्य चाप्युत्तरं ते ब्रवीमि ॥

evamaṣṭāvakraḥ samitau hi garja- | ñjātakrodho vandinamāha rājan | ukte vākye cottaraṃ me bravīhi | vākyasya cāpyuttaraṃ te bravīmi

Thus, O king, Ashtavakra thundered in the assembly and, his anger roused, said to Bandi: "Answer what I say, and I will answer what you say."

Verse 8 (3.136.8)

एक एवाग्निर्बहुधा समिध्यते । एकः सूर्यः सर्वमिदं विभाति । एको वीरो देवराजोऽरिहन्ता । यमः पितॄणामीश्वरश्चैक एव ॥

eka evāgnirbahudhā samidhyate | ekaḥ sūryaḥ sarvamidaṃ vibhāti | eko vīro devarājo'rihantā | yamaḥ pitṝṇāmīśvaraścaika eva

"One fire alone is kindled in many ways; one sun lights up this whole world; one hero, the king of the gods, slays his foes; and Yama alone is lord of the ancestors."

Note on the text: Corrected एकोऽवीरो → एको वीरो (misprint in Wikisource; the stray avagraha turns वीरः "hero" into अवीरः "no hero", against the sense; the critical edition reads eko vīro) and पितृणाम् → पितॄणाम् (misprint; short ऋ for the genitive plural ॄ; the critical edition reads pitṝṇām).

Verse 9 (3.136.9)

द्वाविन्द्राग्नी चरतो वै सखायौ । द्वौ देवर्षी नारदपर्वतौ च । द्वावश्विनौ द्वे रथस्यापि चक्रे । भार्यापती द्वौ विहितौ विधात्रा ॥

dvāvindrāgnī carato vai sakhāyau | dvau devarṣī nāradaparvatau ca | dvāvaśvinau dve rathasyāpi cakre | bhāryāpatī dvau vihitau vidhātrā

"Two are Indra and Agni, who go about as friends; two are the divine seers Narada and Parvata; two are the Ashvins; two are the wheels of a chariot; and two, husband and wife, as the Creator ordained."

Verse 10 (3.136.10)

त्रिः सूयते कर्मणा वै प्रजेयं । त्रयो युक्ता वाजपेयं वहन्ति । अध्वर्यवस्त्रिसवनानि तन्वते । त्रयो लोकास्त्रीणि ज्योतींषि चाहुः ॥

triḥ sūyate karmaṇā vai prajeyaṃ | trayo yuktā vājapeyaṃ vahanti | adhvaryavastrisavanāni tanvate | trayo lokāstrīṇi jyotīṃṣi cāhuḥ

"Three times are these creatures born through their deeds; three yoked together carry out the Vajapeya; the adhvaryu priests perform the three pressings of soma; and three, they say, are the worlds, and three the lights."

Verse 11 (3.136.11)

चतुष्टयं ब्राह्मणानां निकेतं । चत्वारो वर्णा यज्ञमिमं वहन्ति । दिशश्चतस्रो वर्णचतुष्टयं च । चतुष्पदा गौरपि शश्वदुक्ता ॥

catuṣṭayaṃ brāhmaṇānāṃ niketaṃ | catvāro varṇā yajñamimaṃ vahanti | diśaścatasro varṇacatuṣṭayaṃ ca | catuṣpadā gaurapi śaśvaduktā

"Fourfold is the dwelling of brahmins; the four varnas carry on this sacrifice; four are the directions, and fourfold is the order of varnas; and the cow, it is always said, has four feet."

Verse 12 (3.136.12)

पञ्चाग्नयः पञ्चपदा च पङ्क्ति- । र्यज्ञाः पञ्चैवाप्यथ पञ्चेन्द्रियाणि । दृष्टा वेदे पञ्चचूडाप्सराश्च । लोके ख्यातं पञ्चनदं च पुण्यम् ॥

pañcāgnayaḥ pañcapadā ca paṅkti- | ryajñāḥ pañcaivāpyatha pañcendriyāṇi | dṛṣṭā vede pañcacūḍāpsarāśca | loke khyātaṃ pañcanadaṃ ca puṇyam

"Five are the fires; the Pankti metre has five feet; five are the sacrifices, and five the senses. In the Veda the Apsaras Panchachuda is seen; and in the world the holy Panchanada, the land of five rivers, is renowned."

Note on the text: Corrected पञ्चेनद्रियाणि → पञ्चेन्द्रियाणि (misprint in Wikisource; broken conjunct) and दृष्ट्वा → दृष्टा (misprint; the gerund leaves the line without a construction, the participle "seen" agrees with the Apsaras; the critical edition reads dṛṣṭā).

Verse 13 (3.136.13)

षडाधाने दक्षिणामाहुरेके । षट् चैवेमे ऋतवः कालचक्रम् । षडिन्द्रियाण्युत षट् कृत्तिकाश्च । षट् साद्यस्काः सर्ववेदेषु दृष्टाः ॥

ṣaḍādhāne dakṣiṇāmāhureke | ṣaṭ caiveme ṛtavaḥ kālacakram | ṣaḍindriyāṇyuta ṣaṭ kṛttikāśca | ṣaṭ sādyaskāḥ sarvavedeṣu dṛṣṭāḥ

"Some say that six cows are the fee at the laying of the sacred fires; six are these seasons that make the wheel of time; six are the senses; six are the Krittikas; and six are the Sadyaska rites found in all the Vedas."

Verse 14 (3.136.14)

सप्त ग्राम्याः पशवः सप्त वन्याः । सप्त च्छन्दांसि क्रतुमेकं वहन्ति । सप्तर्षयः सप्त चाप्यर्हणानि । सप्ततन्त्री प्रथिता चैव वीणा ॥

sapta grāmyāḥ paśavaḥ sapta vanyāḥ | sapta cchandāṃsi kratumekaṃ vahanti | saptarṣayaḥ sapta cāpyarhaṇāni | saptatantrī prathitā caiva vīṇā

"Seven are the domestic animals and seven the wild; seven metres carry a single sacrifice; seven are the seers; seven the forms of honour; and the vina is famed for its seven strings."

Note on the text: Corrected सप्तन्त्री → सप्ततन्त्री (misprint in Wikisource; a dropped akshara, which the metre also needs; the critical edition reads saptatantrī).

Verse 15 (3.136.15)

अष्टौ शाणाः शतमानं वहन्ति । तथाष्टपादः शरभः सिंहघाती । अष्टौ वसूञ्शुश्रुम देवतासु । यूपश्चाष्टास्रिर्विहितः सर्वयज्ञे ॥

aṣṭau śāṇāḥ śatamānaṃ vahanti | tathāṣṭapādaḥ śarabhaḥ siṃhaghātī | aṣṭau vasūñśuśruma devatāsu | yūpaścāṣṭāsrirvihitaḥ sarvayajñe

"Eight shanas make up a shatamana; the sharabha that kills lions has eight feet; we have heard of eight Vasus among the gods; and in every sacrifice the sacrificial post is made with eight corners."

Verse 16 (3.136.16)

नवैवोक्ताः सामिधेन्यः पितॄणां । तथा प्राहुर्नवयोगं विसर्गम् । नवाक्षरा बृहती संप्रदिष्टा । नवैव योगो गणनामेति शश्वत् ॥

navaivoktāḥ sāmidhenyaḥ pitṝṇāṃ | tathā prāhurnavayogaṃ visargam | navākṣarā bṛhatī saṃpradiṣṭā | navaiva yogo gaṇanāmeti śaśvat

"Nine, it is said, are the kindling verses in the rites of the ancestors; ninefold, they say, is the work of creation; the Brihati metre is declared to have nine syllables; and from the combinations of nine all reckoning ever proceeds."

Verse 17 (3.136.17)

दिशो दशोक्ताः पुरुषस्य लोके । सहस्रमाहुर्दशपूर्णं शतानि । दशैव मासान्बिभ्रति गर्भवत्यो । दशेरका दशदाशा दशार्हाः ॥

diśo daśoktāḥ puruṣasya loke | sahasramāhurdaśapūrṇaṃ śatāni | daśaiva māsānbibhrati garbhavatyo | daśerakā daśadāśā daśārhāḥ

"Ten, it is said, are the directions of a man in the world; a thousand, they say, is ten full hundreds; pregnant women carry for ten months; and ten are the Dasherakas, ten the Dashas, ten the Dasharhas."

Note on the text: Corrected भर्गवत्यो → गर्भवत्यो (misprint in Wikisource; transposed letters; the critical edition reads garbhavatyo) and दशैरका → दशेरका (misprint; ऐ for ए in the people's name; the critical edition reads daśerakā). दशार्हाः (critical edition: daśārṇāḥ) is a recension variant and is kept.

Verse 18 (3.136.18)

एकादशैकादशिनः पशूना- । मेकादशैवात्र भवन्ति यूपाः । एकादश प्राणभृतां विकारा । एकादशोक्ता दिवि देवेषु रुद्राः ॥

ekādaśaikādaśinaḥ paśūnā- | mekādaśaivātra bhavanti yūpāḥ | ekādaśa prāṇabhṛtāṃ vikārā | ekādaśoktā divi deveṣu rudrāḥ

"Eleven are the victims at the Ekadashini rite; eleven are the sacrificial posts there; eleven are the changing faculties of living beings; and eleven, it is said, are the Rudras among the gods in heaven."

Verse 19 (3.136.19)

संवत्सरं द्वादशमासमाहु- । र्जगत्याः पादो द्वादशैवाक्षराणि । द्वादशाहः प्राकृतो यज्ञ उक्तो । द्वादशादित्यान्कथयन्तीह धीराः ॥

saṃvatsaraṃ dvādaśamāsamāhu- | rjagatyāḥ pādo dvādaśaivākṣarāṇi | dvādaśāhaḥ prākṛto yajña ukto | dvādaśādityānkathayantīha dhīrāḥ

"The year, they say, has twelve months; a foot of the Jagati metre has twelve syllables; the Prakrita sacrifice is said to last twelve days; and the wise speak of twelve Adityas."

Note on the text: Corrected घीराः → धीराः (misprint in Wikisource; घ for ध, leaving no word; the critical edition here reads viprāḥ, a different word, so only the letter is mended).

Verse 20 (3.136.20)

त्रयोदशी तिथिरुक्ता महोग्रा । त्रयोदशद्वीपवती मही च ॥

trayodaśī tithiruktā mahogrā | trayodaśadvīpavatī mahī ca

"The thirteenth lunar day is called the most fierce; and the earth has thirteen islands."

Note on the text: Wikisource prints speaker headings inside verse 20 (वन्द्युवाच before 20ab, लोमश उवाच before 20cd, अष्टावक्र उवाच before 20ef); the verse is split at them into three parts, all keeping number 20. This part is Bandi's half-verse.

Verse 21 (3.136.21)

एतावदुक्त्वा विरराम वन्दी । श्लोकस्यार्धं व्याजहाराष्टवक्रः ॥

etāvaduktvā virarāma vandī | ślokasyārdhaṃ vyājahārāṣṭavakraḥ

Having said this much, Bandi fell silent, and Ashtavakra spoke the other half of the verse:

Note on the text: Split from Wikisource verse 20 at the printed heading लोमश उवाच (20cd).

Verse 22 (3.136.22)

त्रयोदशाहानि ससार केशी । त्रयोदशादीन्यतिच्छन्दांसि चाहुः ॥

trayodaśāhāni sasāra keśī | trayodaśādīnyaticchandāṃsi cāhuḥ

"Keshi ran his course for thirteen days, and the Atichhandas metres, they say, begin with thirteen syllables."

Note on the text: Split from Wikisource verse 20 at the printed heading अष्टावक्र उवाच (20ef).

Verse 23 (3.136.23)

ततो महानुदतिष्ठन्निनाद- । स्तूष्णींभूतं सूतपुत्रं निशम्य । अधोमुखं ध्यानपरं तदानी- । मष्टावक्रं चाप्युदीर्यन्तमेव ॥

tato mahānudatiṣṭhannināda- | stūṣṇīṃbhūtaṃ sūtaputraṃ niśamya | adhomukhaṃ dhyānaparaṃ tadānī- | maṣṭāvakraṃ cāpyudīryantameva

Then a great uproar arose as they saw the Suta's son, Bandi, silent, his face cast down and lost in thought, while Ashtavakra was being acclaimed.

Verse 24 (3.136.24)

तस्मिंस्तथा संकुले वर्तमाने । स्फीते यज्ञे जनकस्योत राज्ञः । अष्टावक्रं पूजयन्तोऽभ्युपेयु- । र्विप्राः सर्वे प्राञ्जलयः प्रतीताः ॥

tasmiṃstathā saṃkule vartamāne | sphīte yajñe janakasyota rājñaḥ | aṣṭāvakraṃ pūjayanto'bhyupeyu- | rviprāḥ sarve prāñjalayaḥ pratītāḥ

While King Janaka's rich sacrifice was in such tumult, all the brahmins came up to Ashtavakra with joined palms, delighted, and honoured him.

Verse 25 (3.136.25)

अनेनैव ब्राह्मणाः शुश्रुवांसो । वादे जित्वा सलिले मज्जिताः प्राक् । तानेव धर्मानयमद्य वन्दी । प्राप्नोतु गृह्याशु निमज्जयैनम् ॥

anenaiva brāhmaṇāḥ śuśruvāṃso | vāde jitvā salile majjitāḥ prāk | tāneva dharmānayamadya vandī | prāpnotu gṛhyāśu nimajjayainam

"This is the man who earlier defeated learned brahmins in debate and had them drowned in the water. Let Bandi now meet the same fate today: seize him quickly and drown him."

Verse 26 (3.136.26)

अहं पुत्रो वरुणस्योत राज्ञ- । स्तत्रास सत्रं द्वादशवार्षिकं वै । सत्रेण ते जनक तुल्यकालं । तदर्थं ते प्रहिता मे द्विजाग्र्याः ॥

ahaṃ putro varuṇasyota rājña- | statrāsa satraṃ dvādaśavārṣikaṃ vai | satreṇa te janaka tulyakālaṃ | tadarthaṃ te prahitā me dvijāgryāḥ

"I am the son of King Varuna. A twelve-year sacrificial session is being held there, at the same time as your own sacrifice, Janaka. It was for that purpose that I sent the foremost of brahmins there."

Verse 27 (3.136.27)

ते तु सर्वे वरुणस्योत यज्ञं । द्रष्टुं गता इम आयान्ति भूयः । अष्टावक्रं पूजये पूजनीयं । यस्य हेतोर्जनितारं समेष्ये ॥

te tu sarve varuṇasyota yajñaṃ | draṣṭuṃ gatā ima āyānti bhūyaḥ | aṣṭāvakraṃ pūjaye pūjanīyaṃ | yasya hetorjanitāraṃ sameṣye

"They all went to see Varuna's sacrifice, and now they are coming back. I honour Ashtavakra, who deserves honour, for through him I shall rejoin my father."

Verse 28 (3.136.28)

विप्राः समुद्राम्भसि मज्जिता ये । वाचा जिता मेधया वा विदानाः । तां मेधया वाचमथोज्जहार । यथा वाचमवचिन्वन्ति सन्तः ॥

viprāḥ samudrāmbhasi majjitā ye | vācā jitā medhayā vā vidānāḥ | tāṃ medhayā vācamathojjahāra | yathā vācamavacinvanti santaḥ

"The brahmins who were drowned in the ocean's waters, wise though they were, had been beaten by mere words or by cleverness. By my understanding I have rescued that sacred speech; let the good now weigh my words."

Verse 29 (3.136.29)

अग्निर्दहञ्जातवेदाः सतां गृहान् । विसर्जयंस्तेजसा न स्म धाक्षीत् । बालेषु पुत्रेषु कृपणं वदत्सु । तथा वाचमवचिन्वन्ति सन्तः ॥

agnirdahañjātavedāḥ satāṃ gṛhān | visarjayaṃstejasā na sma dhākṣīt | bāleṣu putreṣu kṛpaṇaṃ vadatsu | tathā vācamavacinvanti santaḥ

"Agni Jatavedas, though it is his nature to burn, spared the houses of the truthful and did not consume them with his heat. In the same way the good weigh even the words of boys and young sons who plead humbly."

Note on the text: Removed a stray comma after सतां from the Wikisource text.

Verse 30 (3.136.30)

श्लेष्मातकी क्षीणवर्चाः शृणोषि । उताहो त्वां स्तुतयो मादयन्ति । हस्तीव त्वं जनक वितुद्यमानो । न मामिकां वाचमिमां शृणोषि ॥

śleṣmātakī kṣīṇavarcāḥ śṛṇoṣi | utāho tvāṃ stutayo mādayanti | hastīva tvaṃ janaka vitudyamāno | na māmikāṃ vācamimāṃ śṛṇoṣi

"Are you listening to me like one dulled by eating the shleshmataki fruit, your vigour gone? Or do praises intoxicate you? Like an elephant under the goad, Janaka, you do not hear these words of mine."

Note on the text: Restored from the critical edition (3.134.28c): Wikisource repeats स्तुतयो मादयन्ति from the second line in place of the third line's जनक वितुद्यमानो (an eye-skip); the third line now reads हस्तीव त्वं जनक वितुद्यमानो, as in the critical edition.

Verse 31 (3.136.31)

शृणोमि वाचं तव दिव्यरूपा- । ममानुषीं दिव्यरूपोऽसि साक्षात् । अजैषीर्यद्वन्दिनं त्वं विवादे । निसृष्ट एष तव कामोऽद्य वन्दी ॥

śṛṇomi vācaṃ tava divyarūpā- | mamānuṣīṃ divyarūpo'si sākṣāt | ajaiṣīryadvandinaṃ tvaṃ vivāde | nisṛṣṭa eṣa tava kāmo'dya vandī

"I hear your speech; it is divine and more than human, and you yourself are of divine form. Since you have defeated Bandi in debate, your wish is granted: here is Bandi."

Note on the text: Corrected वन्द्विनं → वन्दिनं (misprint in Wikisource; a stray व् in the conjunct; the critical edition reads bandinaṃ).

Verse 32 (3.136.32)

नानेन जीवता कश्चिदर्थो मे वन्दिना नृप । पिता यद्यस्य वरुणो मज्जयैनं जलाशये ॥

nānena jīvatā kaścidartho me vandinā nṛpa | pitā yadyasya varuṇo majjayainaṃ jalāśaye

"I have no use for Bandi alive, O king. If Varuna is his father, drown him in the lake."

Note on the text: Corrected नानन → नानेन (misprint in Wikisource; dropped vowel sign, न + अनेन; the critical edition reads nānena).

Verse 33 (3.136.33)

अहं पुत्रो वरुणस्योत राज्ञो । न मे भयं विद्यते मज्जितस्य । इमं मुहूर्तं पितरं द्रक्ष्यतेऽय- । मष्टावक्रश्चिरनष्टं कहोळम् ॥

ahaṃ putro varuṇasyota rājño | na me bhayaṃ vidyate majjitasya | imaṃ muhūrtaṃ pitaraṃ drakṣyate'ya- | maṣṭāvakraściranaṣṭaṃ kahoḷam

"I am the son of King Varuna; I have no fear of being drowned. This very moment Ashtavakra will see his father Kahoda, long lost."

Verse 34 (3.136.34)

ततस्ते पूजिता विप्रा वरुणेन महात्मना । उदतिष्ठंस्ततः सर्वे जनकस्य समीपतः ॥

tataste pūjitā viprā varuṇena mahātmanā | udatiṣṭhaṃstataḥ sarve janakasya samīpataḥ

Then the brahmins, honoured by the great-souled Varuna, all rose up from there into Janaka's presence.

Verse 35 (3.136.35)

इत्यर्थमिच्छन्ति सुताञ्जना जननकर्मणा । यदहं नाशकं कर्तुं तत्पुत्रः कृतवान्मम ॥

ityarthamicchanti sutāñjanā jananakarmaṇā | yadahaṃ nāśakaṃ kartuṃ tatputraḥ kṛtavānmama

"It is for this that people wish for sons through the act of begetting: what I could not do, my son has done."

Verse 36 (3.136.36)

उताबलस्य बलवानुत बालस्य पण्डितः । उत वाऽविदुषो विद्वान्पुत्रो जनक जायते ॥

utābalasya balavānuta bālasya paṇḍitaḥ | uta vā'viduṣo vidvānputro janaka jāyate

"To a weak man a strong son may be born, O Janaka, to a dullard a wise one, and to an unlearned man a learned son."

Note on the text: Corrected क्लवानुत → बलवानुत (misprint in Wikisource; क्ल for ब; the critical edition reads balavān uta).

Verse 37 (3.136.37)

शितेन ते परशुना स्वयमेवान्तको नृप । शिरांस्यपाहरन्नाजौ रिपूणां भद्रमस्तु ते ॥

śitena te paraśunā svayamevāntako nṛpa | śirāṃsyapāharannājau ripūṇāṃ bhadramastu te

"With your sharp axe, O king, Death himself carried off the heads of your enemies in battle. May good fortune be yours!"

Verse 38 (3.136.38)

महदौक्थ्यं गीयते साम चाग्र्यं । सम्यक्सोमः पीयते चात्र सत्रे । शुचीन्भागान्प्रतिजगृहुश्च हृष्टाः । साक्षाद्देवा जनकस्येह राज्ञः ॥

mahadaukthyaṃ gīyate sāma cāgryaṃ | samyaksomaḥ pīyate cātra satre | śucīnbhāgānpratijagṛhuśca hṛṣṭāḥ | sākṣāddevā janakasyeha rājñaḥ

"The great Aukthya chant and the foremost Saman are sung, and soma is duly drunk at this session; and the gods themselves, in person, joyfully received their pure portions here at King Janaka's sacrifice."

Note on the text: Corrected महदैक्थ्यं → महदौक्थ्यं (misprint in Wikisource; ऐ for औ, leaving no word; the edition's own commentary glosses औक्थ्यं; the critical edition reads mahad ukthyaṃ).

Verse 39 (3.136.39)

समुत्थितेष्वथ सर्वेषु राजन् । विप्रेषु तेष्वधिकं सुप्रभेषु । अनुज्ञातो जनकेनाथ राज्ञा । विवेश तोयं सागरस्योत वन्दी ॥

samutthiteṣvatha sarveṣu rājan | vipreṣu teṣvadhikaṃ suprabheṣu | anujñāto janakenātha rājñā | viveśa toyaṃ sāgarasyota vandī

When all the brahmins had risen, shining more brightly than before, Bandi, with King Janaka's leave, entered the waters of the ocean.

Verse 40 (3.136.40)

अष्टावक्रः पितरं पूजयित्वा । संपूजितो ब्राह्मणैस्तैर्यथावत् । प्रत्याजगामाश्रममेव चाग्र्यं । जित्वा वन्दिं सहितो मातुलेन ॥

aṣṭāvakraḥ pitaraṃ pūjayitvā | saṃpūjito brāhmaṇaistairyathāvat | pratyājagāmāśramameva cāgryaṃ | jitvā vandiṃ sahito mātulena

Ashtavakra paid honour to his father and was duly honoured by those brahmins; and having defeated Bandi, he returned with his uncle to their excellent hermitage.

Verse 41 (3.136.41)

ततोऽष्टावक्रं मातुरथान्तिके पिता । नदीं समङ्गां शीघ्रमिमां विशस्व । प्रोवाच चैनं स तथा विवेश । समैरङ्गैश्चापि बभूव पुण्या ॥

tato'ṣṭāvakraṃ māturathāntike pitā | nadīṃ samaṅgāṃ śīghramimāṃ viśasva | provāca cainaṃ sa tathā viveśa | samairaṅgaiścāpi babhūva puṇyā

Then, in his mother's presence, his father said to Ashtavakra, "Enter this river Samanga quickly." He entered it as he was told, and with his limbs made even, the river too became holy.

Note on the text: Not in the critical edition's constituted text: it is passage 662* (lines 1–4) of the apparatus, after 3.134.38, where the last line ends sadyaḥ ("at once") instead of पुण्या.

Verse 42 (3.136.42)

नदी समङ्गा च बभूव पुण्या । यस्यां स्नातो मुच्यते किल्बिषाद्धि । त्वमप्येनां स्नानपानावगाहैः । सभ्रातृकः सहभार्यो विशस्व ॥

nadī samaṅgā ca babhūva puṇyā | yasyāṃ snāto mucyate kilbiṣāddhi | tvamapyenāṃ snānapānāvagāhaiḥ | sabhrātṛkaḥ sahabhāryo viśasva

So the river Samanga became holy, and whoever bathes in it is freed from sin. You too, with your brothers and your wife, go into it: bathe in it, drink of it and immerse yourself.

Note on the text: Corrected विशश्व → विशस्व (misprint in Wikisource; श for स in the imperative). Not in the critical edition's constituted text: it is passage 662* (lines 5–8) of the apparatus, after 3.134.38.

Verse 43 (3.136.43)

अत्र कौन्तेय सहितो भ्रातृभिस्त्वं । सुखोषितः सह विप्रैः प्रतीतः । पुण्यान्यन्यानि शुचिकर्मैकभक्ति- । र्मया सार्धं चरितास्याजमीढ ॥

atra kaunteya sahito bhrātṛbhistvaṃ | sukhoṣitaḥ saha vipraiḥ pratītaḥ | puṇyānyanyāni śucikarmaikabhakti- | rmayā sārdhaṃ caritāsyājamīḍha

Here, son of Kunti, having stayed happily with your brothers and the brahmins, at ease in mind, you will go on with me to other holy places, devoted wholly to pure deeds, descendant of Ajamidha.