Ravana Marches Out: The Single Combats

Verse 1 (3.286.1)

ततो निविशमानांस्तान्सैनिकान्रावणानुगाः । अभिजग्मुर्गणाऽनेके पिशाचक्षुद्ररक्षसाम् ॥

tato niviśamānāṃstānsainikānrāvaṇānugāḥ | abhijagmurgaṇā'neke piśācakṣudrarakṣasām

Then, as those troops were settling into camp, Ravana's followers came against them — many bands of pishachas and lesser rakshasas:

Note on the text: Corrected गणाऽनके → गणाऽनेके (misprint in Wikisource; a lost vowel sign — the Wikisource commentary divides it गणा अनेके; the critical edition has the different reading gaṇān eke).

Verse 2 (3.286.2)

पर्वणः पतनो जम्भः खरः क्रोधवशो हरिः । प्ररुजश्चारुजश्चैव प्रघसश्चैवमादयः ॥

parvaṇaḥ patano jambhaḥ kharaḥ krodhavaśo hariḥ | prarujaścārujaścaiva praghasaścaivamādayaḥ

Parvana, Patana, Jambha, Khara, Krodhavasha, Hari, Praruja, Aruja, Praghasa and others like them.

Verse 3 (3.286.3)

ततोऽभिपततां तेषामदृश्यानां दुरात्मनाम् । अन्तर्धानवधं तज्ज्ञश्चकार स विभीषणः ॥

tato'bhipatatāṃ teṣāmadṛśyānāṃ durātmanām | antardhānavadhaṃ tajjñaścakāra sa vibhīṣaṇaḥ

As those evil ones attacked while unseen, Vibhishana, who knew the art, destroyed their power of invisibility.

Verse 4 (3.286.4)

ते दृश्यमाना हरिभिर्बलिभिर्दूरपातिभिः । निहताः सर्वशो राजन्महीं जग्मुर्गतासवः ॥

te dṛśyamānā haribhirbalibhirdūrapātibhiḥ | nihatāḥ sarvaśo rājanmahīṃ jagmurgatāsavaḥ

Now visible, they were cut down on every side by the mighty monkeys, who could leap great distances, and fell lifeless to the earth, O king.

Verse 5 (3.286.5)

अमृष्यमाणः सबलो रावणो निर्ययावथ । राक्षसानां बलैर्घोरैः पिशाचानां च संवृतः ॥

amṛṣyamāṇaḥ sabalo rāvaṇo niryayāvatha | rākṣasānāṃ balairghoraiḥ piśācānāṃ ca saṃvṛtaḥ

Unable to bear this, Ravana marched out with his forces, surrounded by fearsome hosts of rakshasas and pishachas.

Note on the text: Restored a missing word space (पिशाचानांच → पिशाचानां च). Line 1 is the critical edition's 3.269.5ab; line 2 is not in the critical text but appears in its apparatus (3.269.5b*1279, line 1). Unmatched by the automatic alignment.

Verse 6 (3.286.6)

युद्धशास्त्रविधानज्ञ उशना इव चापरः । व्यूह्य चौशनसं व्यूहं हरीनभ्यवहारयत् ॥

yuddhaśāstravidhānajña uśanā iva cāparaḥ | vyūhya cauśanasaṃ vyūhaṃ harīnabhyavahārayat

Versed in the rules of the science of war like a second Ushanas, he drew up his forces in the array of Ushanas and closed in on the monkeys.

Note on the text: Restored a missing word space (व्यूह्यचौशनसं → व्यूह्य चौशनसं). Line 1 is not in the critical text but appears in its apparatus (3.269.5b*1279, line 2); line 2 is the critical edition's 3.269.5cd (with हरीनभ्यवहारयत् for harīn sarvān ahārayat). Unmatched by the automatic alignment.

Verse 7 (3.286.7)

राघवस्तु विनिर्यान्तं व्यूढानीकं दशाननम् । बार्हस्पत्यं विधं कृत्वा प्रतिव्यूह्य ह्यदृश्यत ॥

rāghavastu viniryāntaṃ vyūḍhānīkaṃ daśānanam | bārhaspatyaṃ vidhaṃ kṛtvā prativyūhya hyadṛśyata

Seeing ten-faced Ravana marching out with his ranks in array, Raghava drew up the array of Brihaspati and stood forth to meet him.

Verse 8 (3.286.8)

समेत्य युयुधे तत्र ततो रामेण रावणः । युयुधे लक्ष्मणश्चापि तथैवेन्द्रजिता सह ॥

sametya yuyudhe tatra tato rāmeṇa rāvaṇaḥ | yuyudhe lakṣmaṇaścāpi tathaivendrajitā saha

Then Ravana met Rama and fought him there, and Lakshmana likewise fought with Indrajit.

Verse 9 (3.286.9)

विरूपाक्षेण सुग्रीवस्तारेण च निखर्वटः । पौण्ड्रेण च नलस्तत्र पटुशः पनसेन च ॥

virūpākṣeṇa sugrīvastāreṇa ca nikharvaṭaḥ | pauṇḍreṇa ca nalastatra paṭuśaḥ panasena ca

Sugriva fought with Virupaksha, Nikharvata with Tara, Nala with Paundra, and Patusha with Panasa.

Note on the text: Corrected निस्वर्वटः → निखर्वटः (misprint in Wikisource; स्व for ख in the name; critical edition nikharvaṭaḥ). Corrected पदुशः → पटुशः (misprint in Wikisource; द for ट in the name; critical edition paṭuśaḥ). Wikisource's पौण्ड्रेण (critical edition tuṇḍena) is kept as a recension variant.

Verse 10 (3.286.10)

विषह्यं यं हि यो मेने स स तेन समेयिवान् । युयुधे युद्धवेलायां स्वबाहुबलमाश्रितः ॥

viṣahyaṃ yaṃ hi yo mene sa sa tena sameyivān | yuyudhe yuddhavelāyāṃ svabāhubalamāśritaḥ

Each closed with whatever foe he judged he could withstand, and fought in that hour of battle, relying on the strength of his own arms.

Verse 11 (3.286.11)

स संप्रहारो ववृधे भीरूणां भयवर्धनः । रोमसंहर्षणो घोरः पुरा देवासुरे यथा ॥

sa saṃprahāro vavṛdhe bhīrūṇāṃ bhayavardhanaḥ | romasaṃharṣaṇo ghoraḥ purā devāsure yathā

That clash grew, swelling the fear of the timid — terrible and hair-raising, like the war of the gods and asuras of old.

Verse 12 (3.286.12)

रावणो राममानर्च्छच्छक्तिशूलासिवृष्टिभिः । निशितैरायसैस्तीक्ष्णै रावणं चापि राघवः ॥

rāvaṇo rāmamānarcchacchaktiśūlāsivṛṣṭibhiḥ | niśitairāyasaistīkṣṇai rāvaṇaṃ cāpi rāghavaḥ

Ravana assailed Rama with showers of spears, lances and swords, and Raghava assailed Ravana with sharp, keen arrows of iron.

Verse 13 (3.286.13)

तथैवेन्द्रजितं यत्तं लक्ष्मणो मर्मभेदिभिः । इन्द्रजिच्चापि सौमित्रिं बिभेद बहुभिः शरैः ॥

tathaivendrajitaṃ yattaṃ lakṣmaṇo marmabhedibhiḥ | indrajiccāpi saumitriṃ bibheda bahubhiḥ śaraiḥ

Likewise Lakshmana pierced the watchful Indrajit with arrows that struck the vitals, and Indrajit pierced the son of Sumitra with many arrows.

Verse 14 (3.286.14)

विभीषणः प्रहस्तं च प्रहस्तश्च विभीषणम् । खगपत्रैः शरैस्तीक्ष्णैरभ्यवर्षद्गतव्यथः ॥

vibhīṣaṇaḥ prahastaṃ ca prahastaśca vibhīṣaṇam | khagapatraiḥ śaraistīkṣṇairabhyavarṣadgatavyathaḥ

Vibhishana rained sharp arrows fletched with bird feathers on Prahasta, and Prahasta on Vibhishana, neither of them flinching.

Verse 15 (3.286.15)

तेषां बलवतामासीन्महास्त्राणां समागमः । विव्यथुः सकला येन त्रयो लोकाश्चराचराः ॥

teṣāṃ balavatāmāsīnmahāstrāṇāṃ samāgamaḥ | vivyathuḥ sakalā yena trayo lokāścarācarāḥ

Such was the meeting of great weapons between those mighty ones that all three worlds, with all that moves and does not move, trembled.