Prahasta and Dhumraksha Fall; Kumbhakarna Is Woken

Verse 1 (3.287.1)

ततः प्रहस्तः सहसा समभ्येत्य विभीषणम् । गदया ताडयामास विनद्य रणकर्कशम् ॥

tataḥ prahastaḥ sahasā samabhyetya vibhīṣaṇam | gadayā tāḍayāmāsa vinadya raṇakarkaśam

Then Prahasta rushed suddenly at Vibhishana and, roaring harshly in battle, struck him with his mace.

Note on the text: Speaker set to Markandeya: Wikisource prints no speaker heading for this adhyaya, but Markandeya's telling of the Rama story continues (the critical edition heads 3.270 with mārkaṇḍeya uvāca).

Verse 2 (3.287.2)

स तयाऽभिहतो धीमान्गदया भीमवेगया । नाकम्पत महाबाहुर्हिमवानिव सुस्थिरः ॥

sa tayā'bhihato dhīmāngadayā bhīmavegayā | nākampata mahābāhurhimavāniva susthiraḥ

Struck by that mace of terrible force, the wise and mighty-armed Vibhishana did not waver, but stood as firm as the Himalaya.

Verse 3 (3.287.3)

ततः प्रगृह्य विपुलां शतघण्टां विभीषणः । अनुमन्त्र्य महाशक्तिं चिक्षेपास्य शिरः प्रति ॥

tataḥ pragṛhya vipulāṃ śataghaṇṭāṃ vibhīṣaṇaḥ | anumantrya mahāśaktiṃ cikṣepāsya śiraḥ prati

Then Vibhishana took up a great spear hung with a hundred bells, charged it with a mantra and hurled it at Prahasta's head.

Note on the text: Corrected चिक्षेपास् → चिक्षेपास्य (misprint in Wikisource; a dropped akshara; critical edition cikṣepāsya). Restored a missing word space (प्रगृह्यविपुलां → प्रगृह्य विपुलां).

Verse 4 (3.287.4)

पतन्त्या स तया वेगाद्राक्षसोऽशनिवेगया । हृतोत्तमाङ्गो ददृशे वातरुग्ण इव द्रुमः ॥

patantyā sa tayā vegādrākṣaso'śanivegayā | hṛtottamāṅgo dadṛśe vātarugṇa iva drumaḥ

Struck by that spear as it came down with the force of a thunderbolt, the rakshasa was seen with his head carried away, like a tree broken by the wind.

Note on the text: Corrected हृतोत्तामङ्गो → हृतोत्तमाङ्गो (misprint in Wikisource; the vowel sign ा misplaced; critical edition hṛtottamāṅgo).

Verse 5 (3.287.5)

तं दृष्ट्वा निहतं सङ्ख्ये प्रहस्तं क्षणदाचरम् । अभिदुद्राव धूम्राक्षो वेगेन महता कपीन् ॥

taṃ dṛṣṭvā nihataṃ saṅkhye prahastaṃ kṣaṇadācaram | abhidudrāva dhūmrākṣo vegena mahatā kapīn

Seeing the night-ranger Prahasta slain in battle, Dhumraksha charged at the monkeys with great speed.

Verse 6 (3.287.6)

तस्य मेघोपमं सैन्यमापतद्भीमदर्शनम् । दृष्ट्वैव सहसा दीर्णा रणे वानरपुङ्गवाः ॥

tasya meghopamaṃ sainyamāpatadbhīmadarśanam | dṛṣṭvaiva sahasā dīrṇā raṇe vānarapuṅgavāḥ

At the mere sight of his army bearing down like a mass of cloud, fearsome to behold, the foremost monkeys broke and scattered in the battle.

Note on the text: Corrected तस् मेघोपमं → तस्य मेघोपमं (misprint in Wikisource; a dropped akshara; critical edition tasya).

Verse 7 (3.287.7)

ततस्तान्सहसा दीर्णान्दृष्ट्वा वानरपुङ्गवान् । निर्ययौ कपिशार्दूलो हनूमान्मारुतात्मजः ॥

tatastānsahasā dīrṇāndṛṣṭvā vānarapuṅgavān | niryayau kapiśārdūlo hanūmānmārutātmajaḥ

Seeing the foremost monkeys suddenly scattered, Hanuman, tiger among monkeys and son of the Wind, went out against the foe.

Verse 8 (3.287.8)

तं दृष्ट्वाऽवस्थितं सङ्ख्ये हरयः पवनात्मजम् । महत्या त्वरया राजन्संन्यवर्तन्त सर्वशः ॥

taṃ dṛṣṭvā'vasthitaṃ saṅkhye harayaḥ pavanātmajam | mahatyā tvarayā rājansaṃnyavartanta sarvaśaḥ

Seeing the son of the Wind standing firm in battle, the monkeys all turned back with great haste, O king.

Note on the text: Corrected राजत्संन्यवर्तन्त → राजन्संन्यवर्तन्त (misprint in Wikisource; त for न in the vocative; critical edition rājan).

Verse 9 (3.287.9)

ततः शब्दो महानासीत्तुमुलो रोमहर्षणः । रामरावणसैन्यानामन्योन्यमभिधावताम् ॥

tataḥ śabdo mahānāsīttumulo romaharṣaṇaḥ | rāmarāvaṇasainyānāmanyonyamabhidhāvatām

Then a great, tumultuous, hair-raising din arose as the armies of Rama and Ravana charged at each other.

Verse 10 (3.287.10)

तस्मिन्प्रवृत्ते संग्रामे घोरे रुधिरकर्दमे । धूम्राक्षः कपिसैन्यं तद्द्रावयामास पत्रिभिः ॥

tasminpravṛtte saṃgrāme ghore rudhirakardame | dhūmrākṣaḥ kapisainyaṃ taddrāvayāmāsa patribhiḥ

In that terrible battle, with its mire of blood, Dhumraksha put the monkey army to flight with his arrows.

Note on the text: Corrected क्षूम्राक्षः → धूम्राक्षः (misprint in Wikisource; क्ष for ध in the name; critical edition dhūmrākṣaḥ).

Verse 11 (3.287.11)

तं स रक्षोमहामात्रमापतन्तं सपत्नजित् । प्रतिजग्राह हनुमांस्तरसा पवनात्मजः ॥

taṃ sa rakṣomahāmātramāpatantaṃ sapatnajit | pratijagrāha hanumāṃstarasā pavanātmajaḥ

As that foremost of rakshasas came on, Hanuman, son of the Wind, conqueror of foes, met him with force.

Verse 12 (3.287.12)

तयोर्युद्धमभूद्घोरं हरिराक्षसवीरयोः । जिगीषतोर्युधाऽन्योन्यमिन्द्रप्रह्लादयोरिव ॥

tayoryuddhamabhūdghoraṃ harirākṣasavīrayoḥ | jigīṣatoryudhā'nyonyamindraprahlādayoriva

A terrible fight broke out between those two heroes, monkey and rakshasa, each bent on conquering the other, like the fight of Indra and Prahlada.

Note on the text: Corrected युद्धमभूदधोरं → युद्धमभूद्घोरं (misprint in Wikisource; ध for घ and a lost virama; critical edition abhūd ghoraṃ). Corrected जीगीषतोर् → जिगीषतोर् (misprint in Wikisource; ी for ि; critical edition jigīṣator). Corrected प्रह्लादयोरिवं → प्रह्लादयोरिव (misprint in Wikisource; a stray anusvara).

Verse 13 (3.287.13)

गदाभिः परिघैश्चैव राक्षसो जघ्निवान्कपिम् । कपिश्च जघ्निवान्रक्षः सस्कन्धविटपैर्द्रुमैः ॥

gadābhiḥ parighaiścaiva rākṣaso jaghnivānkapim | kapiśca jaghnivānrakṣaḥ saskandhaviṭapairdrumaiḥ

The rakshasa struck the monkey with maces and iron bars, and the monkey struck the rakshasa with trees, trunks, branches and all.

Note on the text: Corrected कगदाभिः → गदाभिः (misprint in Wikisource; a stray क; critical edition gadābhiḥ). Corrected जघ्निवान्रः → जघ्निवान्रक्षः (misprint in Wikisource; a dropped क्ष; critical edition jaghnivān rakṣaḥ).

Verse 14 (3.287.14)

ततस्तमतिकोपेन साश्वं सरथसारथिम् । धूम्राक्षमवधीत्क्रुद्धो हनूमान्मारुतात्मजः ॥

tatastamatikopena sāśvaṃ sarathasārathim | dhūmrākṣamavadhītkruddho hanūmānmārutātmajaḥ

Then in towering rage Hanuman, son of the Wind, slew Dhumraksha along with his horses, his chariot and his charioteer.

Verse 15 (3.287.15)

ततस्तं निहतं दृष्ट्वा धूम्राक्षं राक्षसोत्तमम् । हरयो जातविश्रम्भा जघ्नुरन्ये च सैनिकान् ॥

tatastaṃ nihataṃ dṛṣṭvā dhūmrākṣaṃ rākṣasottamam | harayo jātaviśrambhā jaghnuranye ca sainikān

Seeing Dhumraksha, best of rakshasas, slain, the monkeys took heart, and others set about killing the enemy soldiers.

Verse 16 (3.287.16)

ते वध्यमाना हरिभिर्बलिभिर्जितकाशिभिः । राक्षसा भग्नसंकल्पा लङ्कामभ्यपतन्भयात् ॥

te vadhyamānā haribhirbalibhirjitakāśibhiḥ | rākṣasā bhagnasaṃkalpā laṅkāmabhyapatanbhayāt

Cut down by the mighty monkeys, flushed with victory, the rakshasas lost heart and fled in fear to Lanka.

Verse 17 (3.287.17)

तेऽभिपत्य पुरं भग्ना हतशेषा निशाचराः । सर्वं राज्ञे यथावृत्तं रावणाय न्यवेदयन् ॥

te'bhipatya puraṃ bhagnā hataśeṣā niśācarāḥ | sarvaṃ rājñe yathāvṛttaṃ rāvaṇāya nyavedayan

Reaching the city, the routed night-rangers who had survived the slaughter told King Ravana all that had happened.

Verse 18 (3.287.18)

श्रुत्वा तु रावणस्तेभ्यः प्रहस्तं निहतं युधि । धूम्राक्षं च महेष्वासं ससैन्यं सहराक्षसैः ॥

śrutvā tu rāvaṇastebhyaḥ prahastaṃ nihataṃ yudhi | dhūmrākṣaṃ ca maheṣvāsaṃ sasainyaṃ saharākṣasaiḥ

When Ravana heard from them that Prahasta had been slain in battle, and the great archer Dhumraksha too, with his army and his rakshasas,

Verse 19 (3.287.19)

सुदीर्घमिव निःश्वस्य समुत्पत्य वरासनात् । उवाच कुम्भकर्णस्य कर्मकालोऽयमागतः ॥

sudīrghamiva niḥśvasya samutpatya varāsanāt | uvāca kumbhakarṇasya karmakālo'yamāgataḥ

he heaved a long sigh, sprang up from his fine seat and said, 'The hour for Kumbhakarna's work has come.'

Verse 20 (3.287.20)

इत्येवमुक्त्वा विविधैर्वादित्रैः सुमहास्वनैः । शयानमतिनिद्रालुं कुम्भकर्णमबोधयत् ॥

ityevamuktvā vividhairvāditraiḥ sumahāsvanaiḥ | śayānamatinidrāluṃ kumbhakarṇamabodhayat

With these words he had Kumbhakarna, who lay asleep, heavy with slumber, woken with many kinds of loud-sounding instruments.

Verse 21 (3.287.21)

प्रबोध्य महता चैनं यत्नेनाऽऽगतसाध्वसः । स्वस्थमासीनमव्यग्रं विनिद्रं राक्षसाधिपः । ततोऽब्रवीद्दशग्रीवः कुम्भकर्णं महाबलम् ॥

prabodhya mahatā cainaṃ yatnenā''gatasādhvasaḥ | svasthamāsīnamavyagraṃ vinidraṃ rākṣasādhipaḥ | tato'bravīddaśagrīvaḥ kumbhakarṇaṃ mahābalam

When the lord of the rakshasas, gripped by fear, had roused him with great effort, and Kumbhakarna sat at ease, composed and fully awake, the ten-necked one said to the mighty Kumbhakarna:

Verse 22 (3.287.22)

धन्योसि यस्य ते निद्रा कुम्भकर्णेयमीदृशी । य इदं दारुणं कालं न जानीषे महाभयम् ॥

dhanyosi yasya te nidrā kumbhakarṇeyamīdṛśī | ya idaṃ dāruṇaṃ kālaṃ na jānīṣe mahābhayam

Fortunate are you, Kumbhakarna, to have sleep like this, that you know nothing of this cruel time of great danger.

Note on the text: Speaker set to Ravana: verses 22–27 are his direct speech to Kumbhakarna, announced in verse 21, with no printed heading.

Verse 23 (3.287.23)

एष तीर्त्वाऽर्णवं रामः सेतुना हरिभिः सह । अवमत्येह नः सर्वान्करोति कदनं महत् ॥

eṣa tīrtvā'rṇavaṃ rāmaḥ setunā haribhiḥ saha | avamatyeha naḥ sarvānkaroti kadanaṃ mahat

This Rama has crossed the ocean by a causeway with the monkeys and, scorning us all, is working great slaughter here.

Verse 24 (3.287.24)

मया त्वपहृता भार्या सीता नामास्य जानकी । तां नेतुं स इहायातो बद्ध्वा सेतुं महार्णवे ॥

mayā tvapahṛtā bhāryā sītā nāmāsya jānakī | tāṃ netuṃ sa ihāyāto baddhvā setuṃ mahārṇave

It was I who carried off his wife, Sita, the daughter of Janaka; to take her back he has come here, after bridging the great ocean.

Verse 25 (3.287.25)

तेन चैव प्रहस्तादिर्महान्नः स्वजनो हतः । तस्य नान्यो निहन्ताऽस्ति त्वामृते शत्रुकर्शन ॥

tena caiva prahastādirmahānnaḥ svajano hataḥ | tasya nānyo nihantā'sti tvāmṛte śatrukarśana

By him our great kinsmen, Prahasta and the rest, have been slain. There is no one but you who can kill him, O tormentor of foes.

Note on the text: Restored a missing word space (त्वामृतेशत्रुकर्शन → त्वामृते शत्रुकर्शन).

Verse 26 (3.287.26)

स दंशितोऽभिनिर्याहि त्वमद्य बलिनां वर । रामादीन्समरे सर्वाञ्जहि शत्रूनरिंदम ॥

sa daṃśito'bhiniryāhi tvamadya balināṃ vara | rāmādīnsamare sarvāñjahi śatrūnariṃdama

Put on your armour and march out today, best of the strong, and slay all our enemies in battle, Rama and the rest, O subduer of foes.

Note on the text: Restored missing word spaces (सदंशितोऽभिनिर्याहि → स दंशितोऽभिनिर्याहि, बलिनांवर → बलिनां वर).

Verse 27 (3.287.27)

दूषणावरजौ चैव वज्रवेगप्रमाथिनौ । तौ त्वां बलेन महता सहितावनुयास्यतः ॥

dūṣaṇāvarajau caiva vajravegapramāthinau | tau tvāṃ balena mahatā sahitāvanuyāsyataḥ

Dushana's younger brothers, Vajravega and Pramathin, will follow you with a great army.

Verse 28 (3.287.28)

इत्युक्त्वा राक्षसपतिः कुम्भकर्णं तरस्विनम् । संदिदेशेतिकर्तव्ये वज्रवेगप्रमाथिनौ ॥

ityuktvā rākṣasapatiḥ kumbhakarṇaṃ tarasvinam | saṃdideśetikartavye vajravegapramāthinau

Having said this to the mighty Kumbhakarna, the lord of the rakshasas instructed Vajravega and Pramathin in what they were to do.

Note on the text: Corrected राक्षुसपतिः → राक्षसपतिः (misprint in Wikisource; a stray ु; critical edition rākṣasapatiḥ).

Verse 29 (3.287.29)

तथेत्युक्त्वा युतौ वीरौ रावणं दूषणानुजौ । कुम्भकर्णं पुरस्कृत्य तूर्णं निर्ययतुः पुरात् ॥

tathetyuktvā yutau vīrau rāvaṇaṃ dūṣaṇānujau | kumbhakarṇaṃ puraskṛtya tūrṇaṃ niryayatuḥ purāt

Saying 'So be it' to Ravana, the two heroes, Dushana's younger brothers, went together and, with Kumbhakarna at their head, swiftly marched out of the city.

Note on the text: Corrected तथ्त्युक्त्वा → तथेत्युक्त्वा (misprint in Wikisource; a broken conjunct for ते; critical edition tathety uktvā). Corrected दूषाणानुजौ → दूषणानुजौ (misprint in Wikisource; a stray ा; critical edition dūṣaṇānujau).