Indrajit Fights Unseen and Fells Rama and Lakshmana

Verse 1 (3.289.1)

ततः श्रुत्वा हतं सङ्ख्ये कुम्भकर्णं सहानुगम् । प्रहस्तं च महेष्वासं धूम्राक्षं चातितेजसम् ॥

tataḥ śrutvā hataṃ saṅkhye kumbhakarṇaṃ sahānugam | prahastaṃ ca maheṣvāsaṃ dhūmrākṣaṃ cātitejasam

Then, hearing that Kumbhakarna had been slain in battle together with his followers, and also Prahasta the great archer and the blazing Dhumraksha,

Note on the text: Restored a missing word space (श्रुत्वाहतं → श्रुत्वा हतं).

Verse 2 (3.289.2)

पुत्रमिन्द्रजितं वीरं रावणः प्रत्यभाषत । जहि रामममित्रघ्न सुग्रीवं च सलक्ष्मणम् ॥

putramindrajitaṃ vīraṃ rāvaṇaḥ pratyabhāṣata | jahi rāmamamitraghna sugrīvaṃ ca salakṣmaṇam

Ravana spoke to his heroic son Indrajit: "Slayer of foes, kill Rama, and Sugriva, and Lakshmana with them.

Note on the text: Corrected पुत्रमिनद्रजितं → पुत्रमिन्द्रजितं (misprint in Wikisource; broken conjunct, the critical edition reads putram indrajitaṃ). Restored a missing word space (जहिराममित्रघ्न → जहि राममित्रघ्न).

Verse 3 (3.289.3)

त्वया हि मम सत्पुत्र यशो दीप्तमुपार्जितम् । जित्वा वज्रधरं सङ्ख्ये सहस्राक्षं शचीपतिम् ॥

tvayā hi mama satputra yaśo dīptamupārjitam | jitvā vajradharaṃ saṅkhye sahasrākṣaṃ śacīpatim

For you, my good son, won bright glory for me when you conquered in battle the wielder of the thunderbolt, the thousand-eyed lord of Shachi.

Note on the text: Restored a missing word space (जित्वावज्रधरं → जित्वा वज्रधरं).

Verse 4 (3.289.4)

अन्तर्हितः प्रकाशो वा दिव्यैर्दत्तवरैः शरैः । जहि शत्रूनमित्रघ्न मम शस्त्रभृतां वर ॥

antarhitaḥ prakāśo vā divyairdattavaraiḥ śaraiḥ | jahi śatrūnamitraghna mama śastrabhṛtāṃ vara

Whether unseen or in plain sight, slay the enemy with your divine arrows given by boons, slayer of foes, best of those who bear arms.

Note on the text: Restored a missing word space (शस्त्रभृतांवर → शस्त्रभृतां वर).

Verse 5 (3.289.5)

रामलक्ष्मणसुग्रीवाः शरस्पर्शं न तेऽनघ । समर्थाः प्रतिसोढुं च कुतस्तदनुयायिनः ॥

rāmalakṣmaṇasugrīvāḥ śarasparśaṃ na te'nagha | samarthāḥ pratisoḍhuṃ ca kutastadanuyāyinaḥ

Rama, Lakshmana and Sugriva cannot withstand even the touch of your arrows, sinless one; how then could their followers?

Verse 6 (3.289.6)

अगता या प्रहस्तेन कुम्भकर्णेन चानघ । खरस्यापचितिः सङ्ख्ये तां गच्छस्व महाभुज ॥

agatā yā prahastena kumbhakarṇena cānagha | kharasyāpacitiḥ saṅkhye tāṃ gacchasva mahābhuja

The vengeance for Khara in battle, which Prahasta and Kumbhakarna did not achieve, sinless one, achieve it yourself, mighty-armed one.

Note on the text: Corrected गच्छ त्वे → गच्छस्व (misprint in Wikisource; त्वे is not a valid form here, the critical edition reads gacchasva).

Verse 7 (3.289.7)

त्वमद्य निशितैर्बाणैर्हत्वा शत्रून्ससैनिकान् । प्रतिनन्दय मां पुत्र पुरा जित्वेव वासवम् ॥

tvamadya niśitairbāṇairhatvā śatrūnsasainikān | pratinandaya māṃ putra purā jitveva vāsavam

Today, slaying the enemy and their armies with your sharp arrows, gladden me, my son, as you did long ago when you conquered Vasava."

Verse 8 (3.289.8)

इत्युक्तः स तथेत्युक्त्वा रथमास्थाय दंशितः । प्रययाविन्द्रजिद्राजंस्तूर्णमायोधनं प्रति ॥

ityuktaḥ sa tathetyuktvā rathamāsthāya daṃśitaḥ | prayayāvindrajidrājaṃstūrṇamāyodhanaṃ prati

Thus addressed, Indrajit said "So be it," and, clad in armour, mounted his chariot and set out swiftly for the battlefield, O king.

Note on the text: Corrected दंशिथः → दंशितः (misprint in Wikisource; थ for त, the critical edition reads daṃśitaḥ).

Verse 9 (3.289.9)

ततो विश्राव्य विस्पष्टं नाम राक्षसपुङ्गवः । आह्वयामास समरे लक्ष्मणं शुभलक्षणम् ॥

tato viśrāvya vispaṣṭaṃ nāma rākṣasapuṅgavaḥ | āhvayāmāsa samare lakṣmaṇaṃ śubhalakṣaṇam

Then that bull among rakshasas, proclaiming his name loud and clear, challenged Lakshmana of auspicious marks to battle.

Verse 10 (3.289.10)

तं लक्ष्मणोऽभ्यधावच्च प्रगृह्य सशरं धनुः । त्रासयंस्तलघोषेण सिंहः क्षुद्रमृगं यथा ॥

taṃ lakṣmaṇo'bhyadhāvacca pragṛhya saśaraṃ dhanuḥ | trāsayaṃstalaghoṣeṇa siṃhaḥ kṣudramṛgaṃ yathā

Lakshmana ran at him, grasping his bow with an arrow set to it, terrifying him with the crack of his arm-guard as a lion terrifies a small deer.

Verse 11 (3.289.11)

तयोः समभवद्युद्धं सुमहज्जयगृद्धिनोः । दिव्यास्त्रविदुषोस्तीव्रमन्योन्यस्पर्धिनोस्तदा ॥

tayoḥ samabhavadyuddhaṃ sumahajjayagṛddhinoḥ | divyāstraviduṣostīvramanyonyaspardhinostadā

Then a very great and fierce battle took place between the two, each eager for victory, both knowers of divine weapons, each vying with the other.

Note on the text: Corrected दिव्यास्त्रविदुपोः → दिव्यास्त्रविदुषोः (misprint in Wikisource; प for ष, the critical edition reads divyāstraviduṣos).

Verse 12 (3.289.12)

रावणिस्तु यदा नैनं विशेषयति सायकैः । ततो गुरुतरं यत्नमातिष्ठद्बलिनां वरः ॥

rāvaṇistu yadā nainaṃ viśeṣayati sāyakaiḥ | tato gurutaraṃ yatnamātiṣṭhadbalināṃ varaḥ

When Ravana's son could not get the better of him with his arrows, that best of the mighty made a still greater effort.

Verse 13 (3.289.13)

तत एवं महावेगैरर्दयामास तोमरैः । तानागतान्स चिच्छेद सौमित्रिर्निशितैः शरैः ॥

tata evaṃ mahāvegairardayāmāsa tomaraiḥ | tānāgatānsa ciccheda saumitrirniśitaiḥ śaraiḥ

Then in this way he pressed Lakshmana hard with javelins of great speed; but as they came on, Sumitra's son cut them down with sharp arrows.

Note on the text: The critical edition prints 3.272.13 as a three-line verse; this verse is its first two lines (with एवं for enaṃ), and its third line is the first line of the next verse.

Verse 14 (3.289.14)

ते निकृत्ताः शरैस्तीक्ष्णैर्न्यपतन्धरणीतले । सायका रावणेराजौ शतशः शकलीकृताः ॥

te nikṛttāḥ śaraistīkṣṇairnyapatandharaṇītale | sāyakā rāvaṇerājau śataśaḥ śakalīkṛtāḥ

Cut apart by the sharp arrows, they fell to the ground; and the arrows of Ravana's son in that battle were shattered into hundreds of pieces.

Note on the text: Removed a stray wiki mark (a backtick before the second line). Corrected साधका → सायका (misprint in Wikisource; ध for य, the apparatus reads sāyakā). The first line is CE 3.272.13e (with धरणीतले for vasudhātale); the second line is not in the critical edition's constituted text (found in the vulgate recension; it appears in the apparatus as 3.272.13f*1287).

Verse 15 (3.289.15)

तमङ्गदो वालिसुतः श्रीमानुद्यम्य पादपम् । अभिद्रुत्य महावेगस्ताडयामास मूर्धनि ॥

tamaṅgado vālisutaḥ śrīmānudyamya pādapam | abhidrutya mahāvegastāḍayāmāsa mūrdhani

Then the glorious Angada, son of Vali, raised a tree, rushed at Indrajit with great speed and struck him on the head.

Verse 16 (3.289.16)

तस्येन्द्रजिदसंभ्रान्तः प्रासेनोरसि वीर्यवान् । प्रहर्तुमैच्छत्तं चास्य प्रासं चिच्छेद लक्ष्मणः ॥

tasyendrajidasaṃbhrāntaḥ prāsenorasi vīryavān | prahartumaicchattaṃ cāsya prāsaṃ ciccheda lakṣmaṇaḥ

Undismayed, the valiant Indrajit tried to strike Angada in the chest with a dart, but Lakshmana cut that dart of his apart.

Verse 17 (3.289.17)

तमभ्याशगतं वीरमङ्गदं रावणात्मजः । गदयाऽताडयत्सव्ये पार्श्वे वानरपुङ्गवम् ॥

tamabhyāśagataṃ vīramaṅgadaṃ rāvaṇātmajaḥ | gadayā'tāḍayatsavye pārśve vānarapuṅgavam

As the heroic Angada, bull among monkeys, came close, Ravana's son struck him with a mace on his left side.

Note on the text: Restored a missing word space (पार्श्वेवानरपुङ्गवम् → पार्श्वे वानरपुङ्गवम्).

Verse 18 (3.289.18)

तमचिन्त्य प्रहारं स बलवान्वालिनः सुतः । ससर्जेन्द्रजितः क्रोधात्सालस्कन्धं तथाङ्गदः ॥

tamacintya prahāraṃ sa balavānvālinaḥ sutaḥ | sasarjendrajitaḥ krodhātsālaskandhaṃ tathāṅgadaḥ

Making nothing of that blow, the mighty Angada, son of Vali, hurled in his anger the trunk of a sal tree at Indrajit.

Verse 19 (3.289.19)

सोऽङ्गदेन रुषोत्सृष्टो वधायेन्द्रजितस्तरुः । जघानेन्द्रजितः पार्थ रथं साश्वं ससारथिम् ॥

so'ṅgadena ruṣotsṛṣṭo vadhāyendrajitastaruḥ | jaghānendrajitaḥ pārtha rathaṃ sāśvaṃ sasārathim

That tree, hurled in fury by Angada to kill Indrajit, smashed Indrajit's chariot together with its horses and charioteer, O Partha.

Note on the text: Corrected रुपोत्सृष्टो → रुषोत्सृष्टो (misprint in Wikisource; प for ष, the critical edition reads ruṣotsṛṣṭo).

Verse 20 (3.289.20)

ततो हताश्वात्प्रस्कन्द्य रथात्स हतसारथिः । तत्रैवान्तर्दधे राजन्मायया रावणात्मजः ॥

tato hatāśvātpraskandya rathātsa hatasārathiḥ | tatraivāntardadhe rājanmāyayā rāvaṇātmajaḥ

Then Ravana's son leapt down from the chariot whose horses and charioteer were slain, and right there, O king, he vanished by his magic.

Verse 21 (3.289.21)

अन्तर्हितं विदित्वा तं बहुमायं च राक्षसम् । रामस्तं देशमागम्य तत्सैन्यं पर्यरक्षत ॥

antarhitaṃ viditvā taṃ bahumāyaṃ ca rākṣasam | rāmastaṃ deśamāgamya tatsainyaṃ paryarakṣata

Knowing that the rakshasa, a master of many illusions, had vanished, Rama came to that spot and guarded the army.

Verse 22 (3.289.22)

स राममुद्दिश्य शरैस्ततो दत्तवरैस्तदा । विव्याध सर्वगात्रेषु लक्ष्मणं च महाबलम् ॥

sa rāmamuddiśya śaraistato dattavaraistadā | vivyādha sarvagātreṣu lakṣmaṇaṃ ca mahābalam

Then, aiming at Rama, Indrajit pierced him in every limb with his boon-given arrows, and mighty Lakshmana too.

Verse 23 (3.289.23)

तमदृश्यं शरैः शूरौ माययाऽन्तर्हितं तदा । योधयामासतुरुभौ रावणिं रामलक्ष्मणौ ॥

tamadṛśyaṃ śaraiḥ śūrau māyayā'ntarhitaṃ tadā | yodhayāmāsaturubhau rāvaṇiṃ rāmalakṣmaṇau

The two heroes, Rama and Lakshmana, fought with their arrows against Ravana's son, who stayed unseen, hidden by his magic.

Note on the text: Restored a missing word space (तमदृश्यंशरैः → तमदृश्यं शरैः).

Verse 24 (3.289.24)

स रुषा सर्वगात्रेषु तयोः पुरुषसिंहयोः । व्यसृजत्सायकान्भूयः शतशोऽथ सहस्रशः ॥

sa ruṣā sarvagātreṣu tayoḥ puruṣasiṃhayoḥ | vyasṛjatsāyakānbhūyaḥ śataśo'tha sahasraśaḥ

In his fury he loosed arrows again and again, by hundreds and by thousands, upon every limb of those two lions among men.

Verse 25 (3.289.25)

तमदृश्यं विचिन्वन्तः सृजन्तमनिशं शरान् । हरयो विविशुर्व्योम प्रगृह्य महतीः शिलाः ॥

tamadṛśyaṃ vicinvantaḥ sṛjantamaniśaṃ śarān | harayo viviśurvyoma pragṛhya mahatīḥ śilāḥ

Searching for the unseen one who was ceaselessly loosing arrows, the monkeys rose into the sky, carrying huge rocks.

Verse 26 (3.289.26)

तांश्च तौ चाप्यदृश्यः स शरैर्विव्याध राक्षसः । स भृशं ताडयामास रावणिर्मायया वृतः ॥

tāṃśca tau cāpyadṛśyaḥ sa śarairvivyādha rākṣasaḥ | sa bhṛśaṃ tāḍayāmāsa rāvaṇirmāyayā vṛtaḥ

The unseen rakshasa pierced the monkeys, and the two brothers as well, with his arrows; wrapped in his magic, Ravana's son struck them hard.

Note on the text: Restored a missing word space (सशरैर्विव्याध → स शरैर्विव्याध; the critical edition reads sa śarair vivyādha).

Verse 27 (3.289.27)

तौ शरैरर्दितौ वीरौ भ्रातरौ रामलक्ष्मणौ । पेततुर्गगनाद्भूमिं सूर्याचन्द्रमसाविव ॥

tau śarairarditau vīrau bhrātarau rāmalakṣmaṇau | petaturgaganādbhūmiṃ sūryācandramasāviva

Tormented by his arrows, the two heroic brothers Rama and Lakshmana fell to the earth, like the sun and the moon falling from the sky.

Note on the text: Corrected भ्रारौ → भ्रातरौ (misprint in Wikisource; dropped akshara त, the critical edition reads bhrātarau).