Lakshmana Slays Indrajit

Verse 1 (3.290.1)

तावुभौ पतितौ दृष्ट्वा भ्रातरौ रामलक्ष्मणौ । बबन्ध रावणिर्भूयः शरैर्दत्तवरैस्तदा ॥

tāvubhau patitau dṛṣṭvā bhrātarau rāmalakṣmaṇau | babandha rāvaṇirbhūyaḥ śarairdattavaraistadā

Seeing the two brothers Rama and Lakshmana fallen, Ravana's son bound them once more with his boon-given arrows.

Verse 2 (3.290.2)

तौ वीरौ शरजालेन बद्धाविन्द्रजिता रणे । रेजतुः पुरुषव्याघ्रौ शकुन्ताविव पञ्जरे ॥

tau vīrau śarajālena baddhāvindrajitā raṇe | rejatuḥ puruṣavyāghrau śakuntāviva pañjare

Bound in battle by Indrajit with a net of arrows, the two heroes, tigers among men, looked like two birds in a cage.

Verse 3 (3.290.3)

दृष्ट्वा निपतितौ भूमौ सर्वाङ्गेषु शराचितौ । सुग्रीवः कपिभिः सार्धं परिवार्योपतस्थिवान् ॥

dṛṣṭvā nipatitau bhūmau sarvāṅgeṣu śarācitau | sugrīvaḥ kapibhiḥ sārdhaṃ parivāryopatasthivān

Seeing them fallen on the ground, every limb covered with arrows, Sugriva and the monkeys surrounded them and stood by them:

Note on the text: Corrected परिवार्योपतस्तिवान् → परिवार्योपतस्थिवान् (misprint in Wikisource; त for थ in the perfect participle of upa-sthā). The verse is a variant of CE 3.273.3 (tau dṛṣṭvā patitau bhūmau śataśaḥ sāyakaiś citau / sugrīvaḥ kapibhiḥ sārdhaṃ parivārya tataḥ sthitaḥ).

Verse 4 (3.290.4)

सुषेणमैन्दद्विविदैः कुमुदेनाङ्गदेन च । हनुमन्नीलतारैश्च नलेन च कपीश्वरः ॥

suṣeṇamaindadvividaiḥ kumudenāṅgadena ca | hanumannīlatāraiśca nalena ca kapīśvaraḥ

the lord of the monkeys, with Sushena, Mainda and Dvivida, with Kumuda and Angada, with Hanuman, Nila and Tara, and with Nala.

Note on the text: Corrected हनुमननील- → हनुमन्नील- (misprint in Wikisource; broken conjunct in the compound, the critical edition reads hanūmannīla-).

Verse 5 (3.290.5)

ततस्तं देशमागम्य कृतकर्मा विभीषणः । बोधयामास तौ वीरौ प्रज्ञास्त्रेण प्रमोहितौ ॥

tatastaṃ deśamāgamya kṛtakarmā vibhīṣaṇaḥ | bodhayāmāsa tau vīrau prajñāstreṇa pramohitau

Then Vibhishana, who had done his work, came to that spot and, with the weapon of wisdom, roused the two heroes, who lay stupefied.

Verse 6 (3.290.6)

विशल्यौ चापि सुग्रीवः क्षणेनैतौ चकार ह । विशल्यया महौषध्या दिव्यमन्त्रप्रयुक्तया ॥

viśalyau cāpi sugrīvaḥ kṣaṇenaitau cakāra ha | viśalyayā mahauṣadhyā divyamantraprayuktayā

And in a moment Sugriva drew the arrows out of them with the great herb Vishalya, applied with divine mantras.

Verse 7 (3.290.7)

तौ लब्धसंज्ञौ नृवरौ विशल्यावुदतिष्ठताम् । उभौ गतक्लमौ चास्तां क्षणेनैतौ महारथौ ॥

tau labdhasaṃjñau nṛvarau viśalyāvudatiṣṭhatām | ubhau gataklamau cāstāṃ kṣaṇenaitau mahārathau

Their senses restored and the arrows drawn out, the two best of men rose up; in a moment both great chariot-warriors were free of weariness.

Note on the text: Corrected णेनैतौ → क्षणेनैतौ (misprint in Wikisource; dropped akshara क्ष, the critical edition reads kṣaṇenobhau and the previous verse has क्षणेनैतौ).

Verse 8 (3.290.8)

ततो विभीषणः पार्थ राममिक्ष्वाकुनन्दनम् । उवाच विज्वरं दृष्ट्वा कृताञ्जलिरिदं वचः ॥

tato vibhīṣaṇaḥ pārtha rāmamikṣvākunandanam | uvāca vijvaraṃ dṛṣṭvā kṛtāñjaliridaṃ vacaḥ

Then, O Partha, seeing Rama, the joy of the Ikshvakus, free of his distress, Vibhishana joined his palms and spoke these words:

Verse 9 (3.290.9)

अयमम्भो गृहीत्वा तु राजराजस्य शासनात् । गुह्यकोऽभ्यागतः श्वेतात्त्वत्सकाशमरिंदम ॥

ayamambho gṛhītvā tu rājarājasya śāsanāt | guhyako'bhyāgataḥ śvetāttvatsakāśamariṃdama

"By command of the king of kings, this Guhyaka has come from the White Mountain to you, tamer of foes, bringing water.

Note on the text: Corrected राजराजस् → राजराजस्य, गुह्कोऽभ्यागतः → गुह्यकोऽभ्यागतः and श्लेतात् → श्वेतात् (misprints in Wikisource; dropped akshara य twice and ल for व; the critical edition reads rājarājasya, guhyako 'bhyāgataḥ, śvetāt). Restored a missing word space (गृहीत्वातु → गृहीत्वा तु).

Verse 10 (3.290.10)

इदमम्भः कुबेरस्ते महाराज प्रयच्छति । अन्तर्हितानां भूतानां दर्शनार्थं परंतप ॥

idamambhaḥ kuberaste mahārāja prayacchati | antarhitānāṃ bhūtānāṃ darśanārthaṃ paraṃtapa

Kubera gives you this water, great king, so that you may see beings that are hidden, scorcher of foes.

Verse 11 (3.290.11)

अनेन मृष्टनयनो भूतान्यन्तर्हितान्युत । भवान्द्रक्ष्यति यस्मै च भवानेतत्प्रदास्यति ॥

anena mṛṣṭanayano bhūtānyantarhitānyuta | bhavāndrakṣyati yasmai ca bhavānetatpradāsyati

When your eyes are washed with it, you will see beings that are hidden, and so will anyone to whom you give it."

Verse 12 (3.290.12)

तथेति रामस्तद्वारि प्रतिगृह्याभिसंस्कृतम् । चकार नेत्रयोः शौचं लक्ष्मणश्च महामनाः ॥

tatheti rāmastadvāri pratigṛhyābhisaṃskṛtam | cakāra netrayoḥ śaucaṃ lakṣmaṇaśca mahāmanāḥ

Saying "So be it," Rama took that consecrated water and bathed his eyes with it, and so did great-minded Lakshmana,

Verse 13 (3.290.13)

सुग्रीवजाम्बवन्तौ च हनुमानङ्गदस्तथा । मैन्दद्विविदनीलाश्च प्रायः प्लवगसत्तमाः ॥

sugrīvajāmbavantau ca hanumānaṅgadastathā | maindadvividanīlāśca prāyaḥ plavagasattamāḥ

and Sugriva and Jambavan, Hanuman and Angada, Mainda, Dvivida and Nila, and most of the best of the monkeys.

Note on the text: Restored a missing word space (चहनुमानङ्गदस्तथा → च हनुमानङ्गदस्तथा).

Verse 14 (3.290.14)

तथा समभवच्चापि यदुवाच विभीषणः । क्षणेनातीन्द्रियाण्येषां चक्षूंष्यासन्युधिष्ठिर ॥

tathā samabhavaccāpi yaduvāca vibhīṣaṇaḥ | kṣaṇenātīndriyāṇyeṣāṃ cakṣūṃṣyāsanyudhiṣṭhira

And it came about just as Vibhishana had said: in a moment their eyes could see what lies beyond the senses, Yudhishthira.

Note on the text: Corrected चक्षुंषि → चक्षूंषि (misprint in Wikisource; short u for long ū, the critical edition reads cakṣūṃṣy). Restored a missing word space (तथासमभवच्चापि → तथा समभवच्चापि).

Verse 15 (3.290.15)

इन्द्रजित्कृतकर्मा तु पित्रे कर्म तदाऽऽत्मनः । निवेद्य पुनरागच्छत्त्वरयाऽऽजिशिरः प्रति ॥

indrajitkṛtakarmā tu pitre karma tadā''tmanaḥ | nivedya punarāgacchattvarayā''jiśiraḥ prati

Indrajit, having done his deed, reported it to his father and came back in haste to the forefront of the battle.

Note on the text: Restored a missing word space (त्वरयाऽऽजिशिरःप्रति → त्वरयाऽऽजिशिरः प्रति).

Verse 16 (3.290.16)

तमागतं तु संक्रुद्धं पुनरेव युयुत्सया । अभिदुद्राव सौमित्रिर्विभीषणमते स्थितः ॥

tamāgataṃ tu saṃkruddhaṃ punareva yuyutsayā | abhidudrāva saumitrirvibhīṣaṇamate sthitaḥ

As he came back, enraged and eager to fight again, Sumitra's son rushed at him, following Vibhishana's counsel.

Verse 17 (3.290.17)

अकृताह्निकमेवैनं जिघांसुर्जितकाशिनम् । शरैर्जघान संक्रुद्धः कृतसंज्ञोऽथ लक्ष्मणः ॥

akṛtāhnikamevainaṃ jighāṃsurjitakāśinam | śarairjaghāna saṃkruddhaḥ kṛtasaṃjño'tha lakṣmaṇaḥ

Acting on the sign he had been given, Lakshmana, enraged and bent on killing that boastful victor before he had performed his daily rite, struck him with arrows.

Verse 18 (3.290.18)

तयोः समभवद्युद्धं तदाऽन्योन्यं जिगीषतोः । अतीव चित्रमाश्चर्यं शक्रप्रह्लादयोरिव ॥

tayoḥ samabhavadyuddhaṃ tadā'nyonyaṃ jigīṣatoḥ | atīva citramāścaryaṃ śakraprahlādayoriva

Then a battle took place between the two, each striving to conquer the other, most wonderful and astonishing, like that of Shakra and Prahlada.

Note on the text: Corrected जीगीषतोः → जिगीषतोः (misprint in Wikisource; long ī for short i, the critical edition reads jigīṣatoḥ).

Verse 19 (3.290.19)

अविध्यदिन्द्रजित्तीक्ष्णैः सौमित्रिं मर्मभेदिभिः । सौमित्रिश्चानलस्पर्शैरविध्यद्रावणिं शरैः ॥

avidhyadindrajittīkṣṇaiḥ saumitriṃ marmabhedibhiḥ | saumitriścānalasparśairavidhyadrāvaṇiṃ śaraiḥ

Indrajit pierced Sumitra's son with sharp arrows that split the vitals, and Sumitra's son pierced Ravana's son with arrows that burned like fire.

Verse 20 (3.290.20)

सौमित्रिशरसंस्पर्शाद्रावणिः क्रोधमूर्च्छितः । असृजल्लक्ष्मणायाष्टौ शरानाशीविषोपमान् ॥

saumitriśarasaṃsparśādrāvaṇiḥ krodhamūrcchitaḥ | asṛjallakṣmaṇāyāṣṭau śarānāśīviṣopamān

Stung by the touch of Lakshmana's arrows and beside himself with rage, Ravana's son loosed at Lakshmana eight arrows like venomous serpents.

Verse 21 (3.290.21)

तस्येषून्पावकस्पर्शैः सौमित्रिः पत्रिभिस्त्रिभिः । वारयामास नाराचैः सौमित्रिर्मित्रनन्दनः ॥

tasyeṣūnpāvakasparśaiḥ saumitriḥ patribhistribhiḥ | vārayāmāsa nārācaiḥ saumitrirmitranandanaḥ

Sumitra's son, the joy of his friends, warded off his arrows with three feathered iron shafts that burned like fire,

Note on the text: Removed a stray wiki mark (a backtick before the second line). The first line is CE 3.273.21a (with तस्येषून् for tasyāsūn); the second line is not in the critical edition's constituted text (found in the vulgate recension; it appears in the apparatus as 3.273.21b*1293, line 1).

Verse 22 (3.290.22)

असृजल्लक्ष्मणश्चाष्टौ राक्षसाय शरान्पुनः । तथा तं न्यहनद्वीरस्तन्मे निगदतः शृणु ॥

asṛjallakṣmaṇaścāṣṭau rākṣasāya śarānpunaḥ | tathā taṃ nyahanadvīrastanme nigadataḥ śṛṇu

and Lakshmana in turn loosed eight arrows at the rakshasa. Hear from me as I tell how the hero then struck him down.

Note on the text: Removed a stray wiki mark (a quote mark after the first line). The first line is not in the critical edition's constituted text (found in the vulgate recension; apparatus 3.273.21b*1293, line 2); the second line is CE 3.273.21c (with तथा तं न्यहनद् for yathā niraharad).

Verse 23 (3.290.23)

एकेनास्य धनुष्मन्तं बाहुं देहादपातयत् । द्वितीयेन तु बाणेन भुजमन्यमपातयत् ॥

ekenāsya dhanuṣmantaṃ bāhuṃ dehādapātayat | dvitīyena tu bāṇena bhujamanyamapātayat

With one arrow he severed from the body the arm that held the bow; with the second arrow he severed the other arm.

Verse 24 (3.290.24)

तृतीयेन तु बाणेन शितधारेण भास्वता । जहार सुनसं चापि शिरो ज्वलितकुण्डलम् ॥

tṛtīyena tu bāṇena śitadhāreṇa bhāsvatā | jahāra sunasaṃ cāpi śiro jvalitakuṇḍalam

With the third, a bright arrow with a keen edge, he carried off his head with its fine nose and blazing earrings.

Verse 25 (3.290.25)

विनिकृत्तभुजस्कन्धः कबन्धाकृतिदर्शनः । पपात वसुधायां तु छिन्नमूल इव द्रुमः ॥

vinikṛttabhujaskandhaḥ kabandhākṛtidarśanaḥ | papāta vasudhāyāṃ tu chinnamūla iva drumaḥ

His arms and shoulders cut away, looking like a headless trunk, he fell to the earth like a tree cut at the root.

Note on the text: Removed stray wiki marks (` and ') around the second line and restored a missing word space (इवद्रुमः → इव द्रुमः). The first line is CE 3.273.24a (in the nominative, with कबन्धाकृतिदर्शनः for kabandhaṃ bhīmadarśanam); the second line is not in the critical edition's constituted text (found in the vulgate recension; apparatus 3.273.24b*1294).

Verse 26 (3.290.26)

तं हत्वा सूतमप्यस्त्रैर्जघान बलिनां वरः । लङ्कां प्रवेशयामासुस्तं रथं वाजिनस्तदा ॥

taṃ hatvā sūtamapyastrairjaghāna balināṃ varaḥ | laṅkāṃ praveśayāmāsustaṃ rathaṃ vājinastadā

Having slain him, that best of the mighty killed his charioteer too with his weapons; and the horses carried the chariot into Lanka.

Note on the text: Corrected बलिनं → बलिनां (misprint in Wikisource; anusvara for the long ā of the genitive plural, the critical edition reads balināṃ varaḥ) and restored missing word spaces (हत्वासूतम् → हत्वा सूतम्, बलिनंवरः → बलिनां वरः). Wikisource divides the lines differently: the first line is CE 3.273.24c, the second CE 3.273.25a.

Verse 27 (3.290.27)

ददर्श रावणस्तं च रथं पुत्रविनाकृतम् । स पुत्रं निहतं श्रुत्वा त्रासात्संभ्रान्तमानसः ॥

dadarśa rāvaṇastaṃ ca rathaṃ putravinākṛtam | sa putraṃ nihataṃ śrutvā trāsātsaṃbhrāntamānasaḥ

Ravana saw that chariot bereft of his son; and hearing that his son was slain, his mind reeling with terror,

Note on the text: Wikisource divides the lines differently: the first line is CE 3.273.25c, the second CE 3.273.26a (with श्रुत्वा for dṛṣṭvā and संभ्रान्तमानसः for saṃbhrāntalocanaḥ).

Verse 28 (3.290.28)

रावणः शोकमोहार्तो वैदेहीं हन्तुमुद्यतः । अशोकवनिकास्थां तां रामदर्शनलालसाम् । खड्गमादाय दुष्टात्मा जवेनाभिपपात ह ॥

rāvaṇaḥ śokamohārto vaidehīṃ hantumudyataḥ | aśokavanikāsthāṃ tāṃ rāmadarśanalālasām | khaḍgamādāya duṣṭātmā javenābhipapāta ha

Ravana, overcome by grief and bewilderment, set out to kill Vaidehi; taking up a sword, the evil-minded one rushed swiftly at her where she sat in the Ashoka grove, longing to see Rama.

Note on the text: Restored from the critical edition (3.273.27a): Wikisource prints a double danda after हन्तुमुद्यतः and begins the next line with the fragment ङ्गमादाय, showing that text dropped out there; restored the critical edition's line अशोकवनिकास्थां तां रामदर्शनलालसाम् and corrected ङ्गमादाय → खड्गमादाय (the lost akshara of khaḍgam). The first line is CE 3.273.26c, the last CE 3.273.27c.

Verse 29 (3.290.29)

तं दृष्ट्वा तस्य दुर्बुद्धेरविन्ध्यः पापनिश्चयम् । शमयामास संक्रुद्धं श्रूयतां येन हेतुना ॥

taṃ dṛṣṭvā tasya durbuddheravindhyaḥ pāpaniścayam | śamayāmāsa saṃkruddhaṃ śrūyatāṃ yena hetunā

Seeing the evil resolve of that wicked-minded one, Avindhya calmed him in his rage; hear by what reasoning.

Note on the text: Corrected दुर्बुद्देः → दुर्बुद्धेः (misprint in Wikisource; द for ध, the critical edition reads durbuddher). Restored a missing word space (दृष्ट्वातस्य → दृष्ट्वा तस्य).

Verse 30 (3.290.30)

महाराज्ये स्थितो दीप्ते न स्त्रियं हन्तुमर्हसि । हतैवैषा यदा स्त्री च बन्धनस्था च ते वशे ॥

mahārājye sthito dīpte na striyaṃ hantumarhasi | hataivaiṣā yadā strī ca bandhanasthā ca te vaśe

"Established as you are in a glorious great kingdom, you ought not to kill a woman. This woman is as good as dead already, since she is a captive in your power.

Note on the text: Corrected कबन्धनस्था → बन्धनस्था (misprint in Wikisource; a stray क that also breaks the metre, the critical edition reads bandhanasthā). Restored a missing word space (महाराज्येस्थितो → महाराज्ये स्थितो).

Verse 31 (3.290.31)

न चैषा देहभेदेन हता स्यादिति मे मतिः । जहि भर्तारमेवास्या हते तस्मिन्हता भवेत् ॥

na caiṣā dehabhedena hatā syāditi me matiḥ | jahi bhartāramevāsyā hate tasminhatā bhavet

Nor, in my judgment, would she truly be killed by destroying her body. Kill her husband instead; when he is slain, she will be slain.

Note on the text: Corrected दहभेदेन → देहभेदेन (misprint in Wikisource; dropped vowel sign, the critical edition reads dehabhedena). Restored a missing word space (हतास्यादिति → हता स्यादिति).

Verse 32 (3.290.32)

न हि ते विक्रमे तुल्यः साक्षादपि शतक्रतुः । असकृद्धि त्वया सेन्द्रास्त्रासितास्त्रिदशा युधि ॥

na hi te vikrame tulyaḥ sākṣādapi śatakratuḥ | asakṛddhi tvayā sendrāstrāsitāstridaśā yudhi

Not even Shatakratu himself is your equal in valour; again and again you have put the thirty gods, Indra with them, to flight in battle."

Note on the text: Corrected सन्द्राः → सेन्द्राः and त्रिदसा → त्रिदशा (misprints in Wikisource; dropped vowel sign, and स for श; the critical edition reads sendrās trāsitās tridaśā).

Verse 33 (3.290.33)

एवं बहुविधैर्वाक्यैरविन्ध्यो रावणं तदा । क्रुद्धं संशमयामास जगृहे च स तद्वचः ॥

evaṃ bahuvidhairvākyairavindhyo rāvaṇaṃ tadā | kruddhaṃ saṃśamayāmāsa jagṛhe ca sa tadvacaḥ

With many such words Avindhya calmed the enraged Ravana, and Ravana accepted his counsel.

Verse 34 (3.290.34)

निर्याणे स मतिं कृत्वा नियन्तारं क्षपाचरः । आज्ञापयामास तदा रथो मे कल्प्यतामिति ॥

niryāṇe sa matiṃ kṛtvā niyantāraṃ kṣapācaraḥ | ājñāpayāmāsa tadā ratho me kalpyatāmiti

Resolving to go out to battle, the night-roamer then commanded his charioteer: "Let my chariot be made ready."

Note on the text: Restored a missing word space (तदारथो → तदा रथो).