The Marriage of Savitri and Satyavan

Verse 1 (3.296.1)

अथ कन्याप्रदाने स तमेवार्थं विचिन्तयन् । समानिन्ये च तत्सर्वं भाण्डं वैवाहिकं नृपः ॥

atha kanyāpradāne sa tamevārthaṃ vicintayan | samāninye ca tatsarvaṃ bhāṇḍaṃ vaivāhikaṃ nṛpaḥ

Then the king, with his mind on nothing but the giving of his daughter, gathered together everything needed for the wedding.

Note on the text: Corrected समानित्ये → समानिन्ये (misprint in Wikisource; CE samāninye) and restored the word space in सर्वं भाण्डं.

Verse 2 (3.296.2)

ततो वृद्धान्द्विजान्सर्वानृत्विक्सभ्यपुरोहितान् । समाहूय दिने पुण्ये प्रययौ सह कन्यया ॥

tato vṛddhāndvijānsarvānṛtviksabhyapurohitān | samāhūya dine puṇye prayayau saha kanyayā

Then, summoning all the aged brahmins, the officiating priests, the members of the court and the family priests, he set out with his daughter on an auspicious day.

Verse 3 (3.296.3)

मेध्यारण्यं स गत्वा च द्युमत्सेनाश्रमं नृपः । पद्भ्यामेव द्विजैः सार्धं राजर्षिं तमुपागमत् ॥

medhyāraṇyaṃ sa gatvā ca dyumatsenāśramaṃ nṛpaḥ | padbhyāmeva dvijaiḥ sārdhaṃ rājarṣiṃ tamupāgamat

Reaching the holy forest and Dyumatsena's hermitage, the king went on foot with the brahmins to that royal sage.

Verse 4 (3.296.4)

तत्रापश्यन्महाभागं सालवृक्षमुपाश्रितम् । कौश्यां बृस्यां समासीनं चक्षुर्हीनं नृपं तदा ॥

tatrāpaśyanmahābhāgaṃ sālavṛkṣamupāśritam | kauśyāṃ bṛsyāṃ samāsīnaṃ cakṣurhīnaṃ nṛpaṃ tadā

There he saw the illustrious blind king seated on a mat of kusha grass, resting against a sala tree.

Verse 5 (3.296.5)

स राजा तस्य राजर्षेः कृत्वा पूजां यथाऽर्हतः । वाचा सुनियतो भूत्वा चकारात्मनिवेदनम् ॥

sa rājā tasya rājarṣeḥ kṛtvā pūjāṃ yathā'rhataḥ | vācā suniyato bhūtvā cakārātmanivedanam

The king paid the royal sage the honour due to him and, speaking with careful restraint, made himself known.

Note on the text: Restored the word space in कृत्वा पूजां (run together in Wikisource).

Verse 6 (3.296.6)

तस्यार्घ्यमासनं चैव गां चावेद्य स धर्मवित् । किमागमनमित्येवं राजा राजानमब्रवीत् ॥

tasyārghyamāsanaṃ caiva gāṃ cāvedya sa dharmavit | kimāgamanamityevaṃ rājā rājānamabravīt

Dyumatsena, who knew dharma, offered him the guest-water, a seat and a cow, and then the one king asked the other, "Why have you come?"

Note on the text: Corrected तस्यार्ध्यमासं → तस्यार्घ्यमासनं and चावेद्यस → चावेद्य स (misprints in Wikisource; ध for घ, a dropped akshara and a lost word space; CE tasyārghyam āsanaṃ, gāṃ cāvedya sa).

Verse 7 (3.296.7)

तस्य सर्वमभिप्रायमितिकर्तव्यतां च ताम् । सत्यवन्तं समुद्दिश्य सर्वमेव न्यवेदयत् ॥

tasya sarvamabhiprāyamitikartavyatāṃ ca tām | satyavantaṃ samuddiśya sarvameva nyavedayat

Ashvapati told him his whole intention and what he meant to do, all of it concerning Satyavan.

Verse 8 (3.296.8)

सावित्री नाम राजर्षे कन्येयं मम शोभना । तां स्वधर्मेण धर्मज्ञ स्नुषार्थे त्वं गृहाण मे ॥

sāvitrī nāma rājarṣe kanyeyaṃ mama śobhanā | tāṃ svadharmeṇa dharmajña snuṣārthe tvaṃ gṛhāṇa me

"Royal sage, this lovely girl is my daughter, Savitri by name. You who know dharma, take her from me as your daughter-in-law, according to your own dharma."

Note on the text: No speaker heading in Wikisource; this verse is Ashvapati's direct speech (CE 3.279.8 heads it अश्वपतिरुवाच), so it is given to अश्वपति.

Verse 9 (3.296.9)

च्युताः स्म राज्याद्वनवासमाश्रिता- । श्चराम धर्मं नियतास्तपस्विनः । कथं त्वनर्हा वनवासमाश्रमे । सहिष्यति क्लेशमिमं सुता तव ॥

cyutāḥ sma rājyādvanavāsamāśritā- | ścarāma dharmaṃ niyatāstapasvinaḥ | kathaṃ tvanarhā vanavāsamāśrame | sahiṣyati kleśamimaṃ sutā tava

"Fallen from our kingdom, we have taken to life in the forest and practise dharma as ascetics under strict rule. How will your daughter, who does not deserve such a life, bear this hardship of dwelling in a forest hermitage?"

Verse 10 (3.296.10)

सुखं च दुःखं च भवाभवात्मकं । यदा विजानाति सुताऽहमेव च । न मद्विधे युज्यते वाक्यमीदृशं । विनिश्चयेनाभिगतोऽस्मि ते नृप ॥

sukhaṃ ca duḥkhaṃ ca bhavābhavātmakaṃ | yadā vijānāti sutā'hameva ca | na madvidhe yujyate vākyamīdṛśaṃ | viniścayenābhigato'smi te nṛpa

"Since my daughter knows, as I do, that happiness and sorrow come and go, words like these are not fitting toward one like me. I have come to you, O king, with my mind made up.

Note on the text: Speaker heading printed as अश्वमति (misprint); corrected to अश्वपति. Restored the word space in युज्यते वाक्यमीदृशं and corrected विनिश्चयेनाभिगतोस्मि → विनिश्चयेनाभिगतोऽस्मि (misprint in Wikisource; missing avagraha; CE abhigato 'smi).

Verse 11 (3.296.11)

आशां नार्हसि मे हन्तुं सौहृदात्प्रणतस्य च । अभितश्चागतं प्रेम्णा प्रत्याख्यातुं न माऽर्हसि ॥

āśāṃ nārhasi me hantuṃ sauhṛdātpraṇatasya ca | abhitaścāgataṃ premṇā pratyākhyātuṃ na mā'rhasi

You should not crush my hope, nor refuse me, who bow before you in friendship and have come to you in affection.

Note on the text: Speaker heading printed as अश्वमति (misprint); corrected to अश्वपति.

Verse 12 (3.296.12)

अनुरूपो हि युक्तश्च त्वं ममाहं तवापि च । स्नुषां प्रतीच्छ मे कन्यां भार्यां सत्यवतस्ततः ॥

anurūpo hi yuktaśca tvaṃ mamāhaṃ tavāpi ca | snuṣāṃ pratīccha me kanyāṃ bhāryāṃ satyavatastataḥ

You are a fitting match for me, and I for you. Accept my daughter as your daughter-in-law, and so as Satyavan's wife."

Note on the text: Speaker heading printed as अश्वमति (misprint); corrected to अश्वपति.

Verse 13 (3.296.13)

पूर्वमेवाभिलषितः संबन्धो मे त्वया सह । भ्रष्टराज्यस्त्वहमिति तत एतद्विचारितम् ॥

pūrvamevābhilaṣitaḥ saṃbandho me tvayā saha | bhraṣṭarājyastvahamiti tata etadvicāritam

"Long ago I wished for an alliance with you, but I held back, thinking, 'I have lost my kingdom.'

Note on the text: Corrected अभिलवितः → अभिलषितः (misprint in Wikisource; व for ष; CE abhilaṣitaḥ).

Verse 14 (3.296.14)

अभिप्रायस्त्वयं यो मे पूर्वमेवाभिकाङ्क्षितः । स निर्वर्ततु मेऽद्यैव काङ्क्षितो ह्यसि मेऽतिथिः ॥

abhiprāyastvayaṃ yo me pūrvamevābhikāṅkṣitaḥ | sa nirvartatu me'dyaiva kāṅkṣito hyasi me'tithiḥ

Now let this wish of mine, cherished so long, be fulfilled this very day. You are a guest most welcome to me."

Verse 15 (3.296.15)

ततः सर्वान्समानाय्य द्विजानाश्रमवासिनः । यथाविधि समुद्वाहं कारयामासतुर्नृपौ ॥

tataḥ sarvānsamānāyya dvijānāśramavāsinaḥ | yathāvidhi samudvāhaṃ kārayāmāsaturnṛpau

Then the two kings called together all the brahmins who lived in the hermitage and had the marriage performed according to rule.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच).

Verse 16 (3.296.16)

दत्त्वा सोऽश्वपतिः कन्यां यथार्हं सपरिच्छदम् । ययौ स्वमेव भवनं युक्तः परमया मुदा ॥

dattvā so'śvapatiḥ kanyāṃ yathārhaṃ saparicchadam | yayau svameva bhavanaṃ yuktaḥ paramayā mudā

Having given his daughter away with fitting gifts, Ashvapati returned to his own palace in the greatest joy.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच).

Verse 17 (3.296.17)

सत्यवानपि तां भार्यां लब्ध्वा सर्वगुणान्विताम् । मुमुदे सा च तं लब्ध्वा भर्तारं मनसेप्सितम् ॥

satyavānapi tāṃ bhāryāṃ labdhvā sarvaguṇānvitām | mumude sā ca taṃ labdhvā bhartāraṃ manasepsitam

Satyavan rejoiced at gaining a wife endowed with every virtue, and she rejoiced at gaining the husband her heart desired.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच). Corrected सा रच रतं → सा च तं (misprint in Wikisource; stray र marks, as elsewhere on this page; CE sā ca taṃ).

Verse 18 (3.296.18)

गते पितरि सर्वाणि संन्यस्याभरणानि सा । जगृहे वल्कलान्येव वस्त्रं काषायमेव च ॥

gate pitari sarvāṇi saṃnyasyābharaṇāni sā | jagṛhe valkalānyeva vastraṃ kāṣāyameva ca

When her father had gone, she put aside all her ornaments and wore only bark garments and cloth dyed ochre.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच). Restored the word space in जगृहे वल्कलान्येव.

Verse 19 (3.296.19)

परिचारैर्गुणैश्चैव प्रश्रयेण दमेन च । सर्वकामक्रियाभिश्च सर्वेषां तुष्टिमादधे ॥

paricārairguṇaiścaiva praśrayeṇa damena ca | sarvakāmakriyābhiśca sarveṣāṃ tuṣṭimādadhe

With her service and her good qualities, her gentle courtesy and her self-control, and by doing whatever each one wished, she brought contentment to them all.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच).

Verse 20 (3.296.20)

श्वश्रूं शरीरसत्कारैः सर्वैराच्छादनादिभिः । श्वशुरं देवसत्कारैर्वाचः संयमनेन च ॥

śvaśrūṃ śarīrasatkāraiḥ sarvairācchādanādibhiḥ | śvaśuraṃ devasatkārairvācaḥ saṃyamanena ca

She pleased her mother-in-law by caring for her person with clothing and every comfort, and her father-in-law by honouring him as a god and restraining her speech.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच).

Verse 21 (3.296.21)

तथैव प्रियवादेन नैपुणेन शमेन च । रहश्चैवोपचारेण भर्तारं पर्यतोषयत् ॥

tathaiva priyavādena naipuṇena śamena ca | rahaścaivopacāreṇa bhartāraṃ paryatoṣayat

In the same way she delighted her husband with loving words, with skill and calm, and with tender attentions in private.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच). Corrected नैषुणेन → नैपुणेन (misprint in Wikisource; ष for प; CE naipuṇena).

Verse 22 (3.296.22)

एवं तत्राश्रमे तेषां तदा निवसतां सताम् । कालस्तपस्यतां कश्चिदपाक्रामत भारत ॥

evaṃ tatrāśrame teṣāṃ tadā nivasatāṃ satām | kālastapasyatāṃ kaścidapākrāmata bhārata

So, as those good people lived there in the hermitage practising austerities, some time went by, O Bharata.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच).

Verse 23 (3.296.23)

सावित्र्या ग्लायमानायास्तिष्ठन्त्यास्तु दिवानिशम् । नारदेन यदुक्तं तद्वाक्यं मनसि वर्तते ॥

sāvitryā glāyamānāyāstiṣṭhantyāstu divāniśam | nāradena yaduktaṃ tadvākyaṃ manasi vartate

Yet day and night, as Savitri pined away, the words Narada had spoken stayed in her mind.

Note on the text: Speaker corrected: Wikisource carries द्युमत्सेन over from verse 13, but from verse 15 the text is narration (CE 3.279.15 heads it मार्कण्डेय उवाच). Corrected सावित्र्याग्लायमानायास् → सावित्र्या ग्लायमानायास् (restored word space) and दिवानिशम → दिवानिशम् (misprint in Wikisource; missing virama).