Arjuna's Charge to Lomasha; Yudhishthira Lightens His Train

Verse 1 (3.90.1)

धनंजयेन चाप्युक्तं यत्तच्छृणु युधिष्ठिर । युधिष्ठिरं भ्रातरं मे योजयेर्धर्म्यया धिया ॥

dhanaṃjayena cāpyuktaṃ yattacchṛṇu yudhiṣṭhira | yudhiṣṭhiraṃ bhrātaraṃ me yojayerdharmyayā dhiyā

Hear too what Dhananjaya said, Yudhishthira: 'Join my brother Yudhishthira to a righteous understanding.

Verse 2 (3.90.2)

त्वं हि धर्मान्परान्वेत्थ तपांसि च तपोधन । श्रीमतां चापि जानासि धर्मं राज्ञां सनातनम् ॥

tvaṃ hi dharmānparānvettha tapāṃsi ca tapodhana | śrīmatāṃ cāpi jānāsi dharmaṃ rājñāṃ sanātanam

For you know the highest duties and the austerities, you who are rich in austerity, and you know too the eternal law of glorious kings.

Verse 3 (3.90.3)

स भवान्परमं वेद पावनं पुरुषं प्रति । तेन संयोजयेथास्त्वं तीर्थपुण्येन पाण्डवान् ॥

sa bhavānparamaṃ veda pāvanaṃ puruṣaṃ prati | tena saṃyojayethāstvaṃ tīrthapuṇyena pāṇḍavān

You know what most purifies a man; with that, the merit of the tirthas, endow the Pandavas.

Note on the text: Corrected रपावनं → पावनं (misprint in Wikisource; a stray र; the critical edition reads pāvanaṃ).

Verse 4 (3.90.4)

यथा तीर्थानि गच्छेत गाश्च दद्यात्स पार्थिवः । तथा सर्वात्मना कार्यमिति मामर्जुनोऽब्रवीत् ॥

yathā tīrthāni gaccheta gāśca dadyātsa pārthivaḥ | tathā sarvātmanā kāryamiti māmarjuno'bravīt

See to it with all your heart that the king goes to the tirthas and gives away cows.' So Arjuna told me.

Verse 5 (3.90.5)

भवता चानुगुप्तोऽसौ चरेत्तीर्थानि सर्वशः । रक्षोभ्यो रक्षितव्यश्च दुर्गेषु विषमेषु च ॥

bhavatā cānugupto'sau carettīrthāni sarvaśaḥ | rakṣobhyo rakṣitavyaśca durgeṣu viṣameṣu ca

'Protected by you, let him travel to all the tirthas. He must be guarded from rakshasas in places hard to reach and rugged.

Verse 6 (3.90.6)

दधीच इव देवेन्द्रं यथा चाप्यङ्गिरा रविम् । तथा रक्षस्व कौन्तेयान्राक्षसेभ्यो द्विजोत्तम ॥

dadhīca iva devendraṃ yathā cāpyaṅgirā ravim | tathā rakṣasva kaunteyānrākṣasebhyo dvijottama

As Dadhicha guarded the king of the gods, and as Angiras guarded the Sun, so guard the sons of Kunti from the rakshasas, best of the twice-born.

Verse 7 (3.90.7)

यातुधाना हि बहवो राक्षसाः पर्वतोपमाः । त्वयाऽभिगुप्तान्कौन्तेयान्न विवर्तेयुरन्तिकम् ॥

yātudhānā hi bahavo rākṣasāḥ parvatopamāḥ | tvayā'bhiguptānkaunteyānna vivarteyurantikam

For there are many yatudhanas, rakshasas as huge as mountains; but while you guard the sons of Kunti, they will not come near them.'

Verse 8 (3.90.8)

सोऽहमिन्द्रस्य वचनान्नियोगादर्जुनस्य च । रक्षमाणो भयेभ्यस्त्वां चरिष्यामि त्वया सह ॥

so'hamindrasya vacanānniyogādarjunasya ca | rakṣamāṇo bhayebhyastvāṃ cariṣyāmi tvayā saha

So, at the word of Indra and at Arjuna's bidding, I shall travel with you, guarding you from every danger.

Note on the text: Corrected त्वा सह → त्वया सह (misprint in Wikisource; a dropped akshara leaves the pada a syllable short; the critical edition reads tvayā saha).

Verse 9 (3.90.9)

द्विस्तीर्थानि मया पूर्वं दृष्टानि कुरुनन्दन । इदं तृतीयं द्रक्ष्यामि तान्येव भवता सह ॥

dvistīrthāni mayā pūrvaṃ dṛṣṭāni kurunandana | idaṃ tṛtīyaṃ drakṣyāmi tānyeva bhavatā saha

Twice before I have seen the tirthas, delight of the Kurus; this third time I shall see those same tirthas with you.

Verse 10 (3.90.10)

इयं राजर्षिभिर्याता पुण्यकृद्भिर्युधिष्ठिर । मन्वादिभिर्महाराज तीर्थयात्रा भयापहा ॥

iyaṃ rājarṣibhiryātā puṇyakṛdbhiryudhiṣṭhira | manvādibhirmahārāja tīrthayātrā bhayāpahā

This pilgrimage to the tirthas, which takes away fear, was made by royal sages of holy deeds, by Manu and the others, great king Yudhishthira.

Verse 11 (3.90.11)

नानृजुर्नाकृतात्मा च नाविद्यो न च पापकृत् । स्नाति तीर्थेषु कौरव्य न च वक्रमतिर्नरः ॥

nānṛjurnākṛtātmā ca nāvidyo na ca pāpakṛt | snāti tīrtheṣu kauravya na ca vakramatirnaraḥ

No man who is crooked, undisciplined, unlearned, sinful or of twisted mind bathes at the tirthas, Kauravya.

Verse 12 (3.90.12)

त्वं तु धर्ममतिर्नित्यं धर्मज्ञः सत्यसंगरः । विमुक्तः सर्वपापेभ्यो भूय एव भविष्यसि ॥

tvaṃ tu dharmamatirnityaṃ dharmajñaḥ satyasaṃgaraḥ | vimuktaḥ sarvapāpebhyo bhūya eva bhaviṣyasi

But you are ever minded to dharma, you know dharma and are true to your promise; you will be freed from all sins still more.

Verse 13 (3.90.13)

यथा भगीरथो राजा राजानश्च गयादयः । यथा ययातिः कौन्तेय तथा त्वमपि पाण्डव ॥

yathā bhagīratho rājā rājānaśca gayādayaḥ | yathā yayātiḥ kaunteya tathā tvamapi pāṇḍava

As King Bhagiratha did, as Gaya and the other kings did, as Yayati did, son of Kunti, so shall you too, Pandava.

Verse 14 (3.90.14)

न हर्षात्संप्रपश्यामि वाक्यस्यास्योत्तरं क्वचित् । यन्मां स्मरति देवेशः किं नामाभ्यधिकं ततः ॥

na harṣātsaṃprapaśyāmi vākyasyāsyottaraṃ kvacit | yanmāṃ smarati deveśaḥ kiṃ nāmābhyadhikaṃ tataḥ

For joy I can find no answer to these words. That the lord of the gods remembers me — what could be greater than that?

Verse 15 (3.90.15)

भवता संगमो यस्य भ्राता चैव धनंजयः । वासवः स्मरते यस्य को नामाभ्यधिकस्ततः ॥

bhavatā saṃgamo yasya bhrātā caiva dhanaṃjayaḥ | vāsavaḥ smarate yasya ko nāmābhyadhikastataḥ

One who has met with you, whose brother is Dhananjaya, whom Vasava remembers — who could be more blessed than he?

Note on the text: Corrected यस् → यस्य twice (misprint in Wikisource; a dropped akshara; the critical edition reads yasya in both places).

Verse 16 (3.90.16)

यच्च मां भगवानाह तीर्थानां गमनं प्रति । धौम्यस्य वचनादेषा बुद्धिः पूर्वं कृतैव मे ॥

yacca māṃ bhagavānāha tīrthānāṃ gamanaṃ prati | dhaumyasya vacanādeṣā buddhiḥ pūrvaṃ kṛtaiva me

As for what you, holy one, have told me about going to the tirthas, I had already made up my mind to it on Dhaumya's advice.

Verse 17 (3.90.17)

तद्यदा मन्यसे ब्रह्मन्गमनं तीर्थदर्शने । तदैव गन्तास्मि तीर्थान्येष मे निश्चयः परः ॥

tadyadā manyase brahmangamanaṃ tīrthadarśane | tadaiva gantāsmi tīrthānyeṣa me niścayaḥ paraḥ

So whenever you think it right to set out to see the tirthas, brahmin, I shall go to them then. That is my firm resolve.

Note on the text: Corrected तीर्तदर्शने → तीर्थदर्शने and तीर्तान्येष → तीर्थान्येष (misprints in Wikisource; त for थ).

Verse 18 (3.90.18)

गमने कृतबुद्धिं तं पाण्डवं लोमशोऽब्रवीत् । लघुर्भव महाराज लघुः स्वैरं गमिष्यसि ॥

gamane kṛtabuddhiṃ taṃ pāṇḍavaṃ lomaśo'bravīt | laghurbhava mahārāja laghuḥ svairaṃ gamiṣyasi

To the Pandava, now resolved to go, Lomasha said: 'Travel light, great king. Travelling light, you will go at your ease.'

Verse 19 (3.90.19)

भिक्षाभुजो निवर्तन्तां ब्राह्मणा यतयश्च ये ॥

bhikṣābhujo nivartantāṃ brāhmaṇā yatayaśca ye

Let the brahmins who live on alms turn back, and the ascetics too.

Note on the text: A single line under Yudhishthira's heading; it is the critical edition's 3.90.19ab, which the automatic alignment missed. Kept as printed.

Verse 20 (3.90.20)

क्षुत्तृडध्वश्रमायासशीतार्तिमसहिष्णवः । ते सर्वे विनिवर्तन्तां ये च मृष्टभुजो द्विजाः ॥

kṣuttṛḍadhvaśramāyāsaśītārtimasahiṣṇavaḥ | te sarve vinivartantāṃ ye ca mṛṣṭabhujo dvijāḥ

All who cannot bear hunger, thirst, the toil and weariness of the road and the pain of cold — let them all turn back, and the brahmins used to dainty food.

Note on the text: Not in the critical edition (found in the vulgate recension); the critical edition records it in its apparatus as lines 1–2 of 3.90.19b*0470.

Verse 21 (3.90.21)

पक्वान्नलेह्यपानानां मांसानां च विकल्पकाः । तेऽपि सर्वे निवर्तन्तां ये च सूदानुयायिनः । मया यथोचिताऽऽजीव्यैः संविभक्ताश्च वृत्तिभिः ॥

pakvānnalehyapānānāṃ māṃsānāṃ ca vikalpakāḥ | te'pi sarve nivartantāṃ ye ca sūdānuyāyinaḥ | mayā yathocitā''jīvyaiḥ saṃvibhaktāśca vṛttibhiḥ

Those who are particular about cooked food, sweets, drinks and meats — let them all turn back too, and those who follow the cooks. I have duly provided them with dependants and the means of living.

Note on the text: Corrected आजीव्यौः → आजीव्यैः (misprint in Wikisource; the au-sign for the ai-sign; Nilakantha's gloss reads आजीव्यैः and the critical edition's apparatus jīvyaiḥ). Not in the critical edition (found in the vulgate recension); the critical edition records it in its apparatus as lines 3–5 of 3.90.19b*0470.

Verse 22 (3.90.22)

ये चाप्यनुगताः पौरा राजभक्तिपुरःसराः । धृतराष्ट्रं महाराजमभिगच्छन्तु ते च वै । स दास्यति यथाकालमुचिता यस्य या भृतिः ॥

ye cāpyanugatāḥ paurā rājabhaktipuraḥsarāḥ | dhṛtarāṣṭraṃ mahārājamabhigacchantu te ca vai | sa dāsyati yathākālamucitā yasya yā bhṛtiḥ

And the townsfolk who followed me out of loyalty to their king — let them go to the great king Dhritarashtra. He will give each, in due time, the maintenance that befits him.

Note on the text: The first line is the critical edition's 3.90.19cd (पुरःसराः for puraskṛtāḥ) and the other two its 3.90.20; the automatic alignment missed them.

Verse 23 (3.90.23)

स चेद्यथोचितां वृत्तिं न दद्यान्मनुजेश्वरः । अस्मत्प्रियहितार्थाय पाञ्चाल्यो वः प्रदास्यति ॥

sa cedyathocitāṃ vṛttiṃ na dadyānmanujeśvaraḥ | asmatpriyahitārthāya pāñcālyo vaḥ pradāsyati

And if that lord of men does not give you proper maintenance, the king of the Panchalas will provide for you, out of love for us and for our good.

Note on the text: Restored a missing word space (अस्मत्प्रियहितार्थायपाञ्चाल्यो → अस्मत्प्रियहितार्थाय पाञ्चाल्यो).

Verse 24 (3.90.24)

ततो भूयिष्ठशः पौरा गुरौ भारे समाहिते । विप्राश्च यतयो मुख्या जग्मुर्नागपुरं प्रति ॥

tato bhūyiṣṭhaśaḥ paurā gurau bhāre samāhite | viprāśca yatayo mukhyā jagmurnāgapuraṃ prati

Then most of the townsfolk, weighed down as by a heavy burden, and the chief brahmins and ascetics went to Nagapura.

Verse 25 (3.90.25)

तान्सर्वान्धर्मराजस्य प्रेम्णा राजाऽम्बिकासुतः । प्रतिजग्राह विधिवद्धनैश्च समतर्पयत् ॥

tānsarvāndharmarājasya premṇā rājā'mbikāsutaḥ | pratijagrāha vidhivaddhanaiśca samatarpayat

Out of love for the King of Dharma, King Dhritarashtra, son of Ambika, received them all with due honour and satisfied them with wealth.

Verse 26 (3.90.26)

ततः कुन्तीसुतो राजा लघुभिर्ब्राह्मणैः सह । लोमशेन च सुप्रीतस्त्रिरात्रं काम्यकेऽवसत् ॥

tataḥ kuntīsuto rājā laghubhirbrāhmaṇaiḥ saha | lomaśena ca suprītastrirātraṃ kāmyake'vasat

Then the king, the son of Kunti, well content, stayed three nights in Kamyaka with Lomasha and a small band of brahmins.