The Slain Warriors Rise from the Ganga

Verse 1 (15.34.1)

ततो निशायां प्राप्तायां कृतसायाह्निकक्रियाः । व्यासमभ्यगमन्सर्वे ये तत्रासन्समागताः ॥

tato niśāyāṃ prāptāyāṃ kṛtasāyāhnikakriyāḥ | vyāsamabhyagamansarve ye tatrāsansamāgatāḥ

Then, when night had come and they had performed their evening rites, all who had gathered there went to Vyasa.

Verse 2 (15.34.2)

धृतराष्ट्रस्तु धर्मात्मा पाण्डवैः सहितस्तदा । शुचिरेकमनाः सार्धमृषिभिस्तैरुपाविशत् ॥

dhṛtarāṣṭrastu dharmātmā pāṇḍavaiḥ sahitastadā | śucirekamanāḥ sārdhamṛṣibhistairupāviśat

Dhritarashtra, the righteous, together with the Pandavas, pure and single-minded, sat down along with those sages.

Verse 3 (15.34.3)

गान्धार्या सह नार्यस्तु सहिताः समुपाविशन् । पौरजानपदश्चापि जनः सर्वो यथा वयः ॥

gāndhāryā saha nāryastu sahitāḥ samupāviśan | paurajānapadaścāpi janaḥ sarvo yathā vayaḥ

The women sat down together with Gandhari, and the townsfolk and country people too, all according to their age.

Verse 4 (15.34.4)

ततो व्यासो महातेजाः पुण्यं भागीरथीजलम् । अवतीर्याजुहावाथ सर्वाल्लोकान्महामुनिः ॥

tato vyāso mahātejāḥ puṇyaṃ bhāgīrathījalam | avatīryājuhāvātha sarvāllokānmahāmuniḥ

Then the greatly radiant Vyasa, the great sage, entered the holy water of the Bhagirathi and called out to all the worlds,

Note on the text: Corrected सँर्वाल्लोकान् → सर्वाल्लोकान् (misprint in Wikisource; stray candrabindu; CE reads 'sarvāṃl lokān').

Verse 5 (15.34.5)

पाण्डवानां च ये योधाः कौरवाणां च सर्वशः । राजानश्च महाभागा नानादेशनिवासिनः । प्रतीक्ष्य तस्थुस्ते सर्वे तेषामागमनं प्रति ॥

pāṇḍavānāṃ ca ye yodhāḥ kauravāṇāṃ ca sarvaśaḥ | rājānaśca mahābhāgā nānādeśanivāsinaḥ | pratīkṣya tasthuste sarve teṣāmāgamanaṃ prati

the warriors of the Pandavas and of the Kauravas on every side, and the great kings from many lands. All of them stood waiting for their coming.

Note on the text: Removed stray wiki marks (backtick / quote marks / doubled danda). Lines a-b = CE 15,040.005a,c; line c = CE star line 15,040.005d*0070_01.

Verse 6 (15.34.6)

ततः सुतुमुलः शब्दो जलान्ते जनमेजय । प्रादुरासीद्यथायोगं कुरुपाण्डवसेनयोः ॥

tataḥ sutumulaḥ śabdo jalānte janamejaya | prādurāsīdyathāyogaṃ kurupāṇḍavasenayoḥ

Then, O Janamejaya, a tremendous uproar arose from within the water, such as there had been in the armies of the Kurus and Pandavas.

Verse 7 (15.34.7)

ततस्ते पार्थिवाः सर्वे भीष्मद्रोणपुरोगमाः । ससैन्याः सलिलात्तस्मात्समुत्तस्थुः सहस्रशः ॥

tataste pārthivāḥ sarve bhīṣmadroṇapurogamāḥ | sasainyāḥ salilāttasmātsamuttasthuḥ sahasraśaḥ

Then all those kings, with Bhishma and Drona at their head, rose by thousands with their armies out of that water.

Verse 8 (15.34.8)

विराटद्रुपदौ चैव सहपुत्रौ ससैनिकौ । द्रौपदेयाश्च सौभद्रो राक्षसश्च घटोत्कचः ॥

virāṭadrupadau caiva sahaputrau sasainikau | draupadeyāśca saubhadro rākṣasaśca ghaṭotkacaḥ

Virata and Drupada, each with his sons and soldiers; the sons of Draupadi, Saubhadra, and the rakshasa Ghatotkacha;

Verse 9 (15.34.9)

कर्णदुर्योधनौ चैव शकुनिश्च महारथः । दुःशासनादयश्चैव धार्तराष्ट्रा महाबलाः ॥

karṇaduryodhanau caiva śakuniśca mahārathaḥ | duḥśāsanādayaścaiva dhārtarāṣṭrā mahābalāḥ

Karna and Duryodhana, and the great chariot-warrior Shakuni; Duhshasana and the other mighty sons of Dhritarashtra;

Verse 10 (15.34.10)

जारासन्धिर्भगदत्तो जलसन्धश्च वीर्यवान् । भूरिश्रवाः शलः शल्यो वृषसेनश्च सानुजः ॥

jārāsandhirbhagadatto jalasandhaśca vīryavān | bhūriśravāḥ śalaḥ śalyo vṛṣasenaśca sānujaḥ

Jarasandhi, Bhagadatta, and the valiant Jalasandha; Bhurishravas, Shala, Shalya, and Vrishasena with his younger brothers;

Verse 11 (15.34.11)

लक्ष्मणो राजपुत्रश्च धृष्टद्युम्नस्सहात्मजः । शिखण्डिपुत्राः सर्वे च धृष्टकेतुश्च सानुजः ॥

lakṣmaṇo rājaputraśca dhṛṣṭadyumnassahātmajaḥ | śikhaṇḍiputrāḥ sarve ca dhṛṣṭaketuśca sānujaḥ

Lakshmana the prince, and Dhrishtadyumna with his sons; all the sons of Shikhandin, and Dhrishtaketu with his younger brother;

Note on the text: Corrected सानुज ॥ → सानुजः ॥ (misprint in Wikisource; visarga dropped; CE reads 'sānujaḥ').

Verse 12 (15.34.12)

अचलो वृषकश्चैव राक्षसश्चाप्यलायुधः । बाह्लिकः सोमदत्तश्च चेकितानश्च पार्थिवः ॥

acalo vṛṣakaścaiva rākṣasaścāpyalāyudhaḥ | bāhlikaḥ somadattaśca cekitānaśca pārthivaḥ

Achala and Vrishaka, and the rakshasa Alayudha; Bahlika, Somadatta, and King Chekitana.

Verse 13 (15.34.13)

एते चान्ये च बहवो बहुत्वाद्ये न कीर्तिताः । सर्वे भासुरदेहास्ते समुत्तस्थुर्जलात्ततः ॥

ete cānye ca bahavo bahutvādye na kīrtitāḥ | sarve bhāsuradehāste samuttasthurjalāttataḥ

These and many others, who are not named because they were so many — all of them, with shining bodies, rose then from the water.

Verse 14 (15.34.14)

यस्य वीरस्य यो वेषो यो ध्वजो यच्च वाहनम् । यद्वर्म यत्प्रहरणं तेन तेन स दृश्यते ॥

yasya vīrasya yo veṣo yo dhvajo yacca vāhanam | yadvarma yatpraharaṇaṃ tena tena sa dṛśyate

Each hero appeared in his own dress, with his own banner and his own vehicle, his own armour and his own weapon.

Note on the text: Corrected यस्य् वीरस्य → यस्य वीरस्य (misprint in Wikisource; stray virama; CE reads 'yasya vīrasya'). Line a = CE 15,040.014a; line b is CE star line 15,040.014d*0071_01 (replacing CE 014c).

Verse 15 (15.34.15)

दिव्यांबरधराः सर्वे सर्वे भ्राजिष्णुकुण्डलाः । निर्वैरा निरहङ्कारा विगतक्रोधमत्सराः ॥

divyāṃbaradharāḥ sarve sarve bhrājiṣṇukuṇḍalāḥ | nirvairā nirahaṅkārā vigatakrodhamatsarāḥ

All wore divine garments and shining earrings, and were free from enmity, from pride, from anger and from envy.

Verse 16 (15.34.16)

गन्धर्वैरुपगीयन्तः स्तूयमानाश्च बन्दिभिः । दिव्यमाल्यस्रजोपेतास्तथा दिव्याप्सरोवृताः ॥

gandharvairupagīyantaḥ stūyamānāśca bandibhiḥ | divyamālyasrajopetāstathā divyāpsarovṛtāḥ

Gandharvas sang in their praise and bards extolled them; they were wreathed in divine garlands and surrounded by divine apsarases.

Note on the text: Second line differs from CE 15,040.016c (vulgate recension).

Verse 17 (15.34.17)

धृतराष्ट्रस्य च तदा दिव्यं चक्षुर्नराधिप । मुनिः सत्यवतीपुत्रः प्रीतः प्रादात्तपोबलात् ॥

dhṛtarāṣṭrasya ca tadā divyaṃ cakṣurnarādhipa | muniḥ satyavatīputraḥ prītaḥ prādāttapobalāt

And to Dhritarashtra then, O lord of men, the sage, Satyavati's son, being pleased, gave divine sight by the power of his austerity.

Verse 18 (15.34.18)

दिव्यज्ञानबलोपेता गान्धारी च यशस्विनी । ददर्श पुत्रांस्तान्सर्वान्ये चान्येऽपि मृधे हताः ॥

divyajñānabalopetā gāndhārī ca yaśasvinī | dadarśa putrāṃstānsarvānye cānye'pi mṛdhe hatāḥ

The glorious Gandhari too, endowed with the strength of divine knowledge, saw all her sons and the others who had been slain in battle.

Note on the text: Corrected मृघे → मृधे (misprint in Wikisource; घ for ध; मृध् means 'battle', CE reads 'raṇe').

Verse 19 (15.34.19)

तदद्भुतमचिन्त्यं च सुमहद्रोमहर्षणम् । विस्मितः स जनः सर्वो ददर्शानिमिषेक्षणः ॥

tadadbhutamacintyaṃ ca sumahadromaharṣaṇam | vismitaḥ sa janaḥ sarvo dadarśānimiṣekṣaṇaḥ

All the people gazed with unblinking eyes, amazed, at that wonderful, unthinkable, hair-raising sight.

Note on the text: Corrected रोमहर्षमम् → रोमहर्षणम् (misprint in Wikisource; broken akshara; CE reads 'romaharṣaṇam').

Verse 20 (15.34.20)

तदुत्सवमहोदग्रं हृष्टनारीनराकुलम् । आश्चर्यभूतं ददृशे चित्रं पटगतं यथा ॥

tadutsavamahodagraṃ hṛṣṭanārīnarākulam | āścaryabhūtaṃ dadṛśe citraṃ paṭagataṃ yathā

That festival, tumultuous with joy and crowded with delighted men and women, was seen as a marvel, like a picture painted on cloth.

Note on the text: Differs from CE 15,040.020 in the second line (CE 'dadṛśe balam āyāntaṃ citraṃ paṭagataṃ yathā'); both read as good Sanskrit.

Verse 21 (15.34.21)

धृतराष्ट्रस्तु तान्सर्वान्पश्यन्दिव्येन चक्षुषा । मुमुदे भरतश्रेष्ठ प्रसादात्तस्य वै मुनेः ॥

dhṛtarāṣṭrastu tānsarvānpaśyandivyena cakṣuṣā | mumude bharataśreṣṭha prasādāttasya vai muneḥ

And Dhritarashtra, seeing them all with divine sight, rejoiced, O best of the Bharatas, by the grace of that sage.