Marutta's Sacrifice, and Vyasa Urges Yudhishthira to Take the Gold

Verse 1 (14.10.1)

एवमेतद्ब्रह्मबलं गरीयो । न ब्राह्मणात्किञ्चिदन्यद्गरीयः । आविक्षितस्य तु बलं न मृष्ये । वज्रमस्मै प्रहरिष्यामि घोरम् ॥

evametadbrahmabalaṃ garīyo | na brāhmaṇātkiñcidanyadgarīyaḥ | āvikṣitasya tu balaṃ na mṛṣye | vajramasmai prahariṣyāmi ghoram

So it is: the power of a brahmin is the greater, and nothing else is greater than a brahmin. Yet I cannot endure the might of Avikshita's son; I shall hurl my dreadful thunderbolt at him.

Note on the text: Corrected द्ररीयः → द्गरीयः (misprint in Wikisource: dropped ग; CE garīyaḥ).

Verse 2 (14.10.2)

धृतराष्ट्र गच्छ प्रहितो मरुत्तं । संवर्तेन सङ्गतं तं वदस्व । बृहस्पतिं त्वमुपशिक्षस्व राज- । न्वज्रं वा ते प्रहरिष्यामि घोरम् ॥

dhṛtarāṣṭra gaccha prahito maruttaṃ | saṃvartena saṅgataṃ taṃ vadasva | bṛhaspatiṃ tvamupaśikṣasva rāja- | nvajraṃ vā te prahariṣyāmi ghoram

Dhritarashtra, go as my envoy to Marutta, who is joined with Samvarta, and tell him: "Take Brihaspati as your teacher, O king, or I shall hurl my dreadful thunderbolt at you."

Verse 3 (14.10.3)

ततो गत्वा धृतराष्ट्रो नरेन्द्रं । प्रोवाचेदं वचनं वासवस्य ॥

tato gatvā dhṛtarāṣṭro narendraṃ | provācedaṃ vacanaṃ vāsavasya

Then Dhritarashtra went to the king and delivered this message of Vasava.

Note on the text: No alignment was found. Wikisource gives only the first half (two lines) of this verse; they are CE 14.10.3a-b (tato gatvā dhṛtarāṣṭro narendraṃ / provācedaṃ vacanaṃ vāsavasya). Wikisource divides the CE's verses 14.10.3 and 14.10.4 into different couplets (see the next two verses).

Verse 4 (14.10.4)

गन्धर्वं मां धृतराष्ट्रं निबोध । त्वामागतं वक्तुकामं नरेन्द्र । ऐन्द्रं वाक्यं शृणु मे राजसिंह । यत्प्राह लोकाधिपतिर्महात्मा ॥

gandharvaṃ māṃ dhṛtarāṣṭraṃ nibodha | tvāmāgataṃ vaktukāmaṃ narendra | aindraṃ vākyaṃ śṛṇu me rājasiṃha | yatprāha lokādhipatirmahātmā

Know me as Dhritarashtra the Gandharva, come to speak to you, O lord of men. Hear the word of Indra, O lion among kings, what the great-souled lord of the worlds has said.

Note on the text: No alignment was found. Lines 1-2 = CE 14.10.3 lines 3-4 (gandharvaṃ māṃ dhṛtarāṣṭraṃ nibodha / tvām āgataṃ vaktukāmaṃ narendra); lines 3-4 = CE 14.10.4 lines 1-2 (aindraṃ vākyaṃ śṛṇu me rājasiṃha / yat prāha lokādhipatir mahātmā). Speaker corrected from व्यास (carried over from the previous verse) to the Gandharva Dhritarashtra: the verse is his direct speech.

Verse 5 (14.10.5)

बृहस्पतिं याजकं त्वं वृणीष्व । वज्रं वा ते प्रहरिष्यामि घोरम् । वचश्चेदेतन्न करिष्यसे मे । प्राहैतदेतावदचिन्त्यकर्मा ॥

bṛhaspatiṃ yājakaṃ tvaṃ vṛṇīṣva | vajraṃ vā te prahariṣyāmi ghoram | vacaścedetanna kariṣyase me | prāhaitadetāvadacintyakarmā

"Choose Brihaspati as your officiating priest, or I shall hurl my dreadful thunderbolt at you; if you will not do this word of mine" -- this much said he whose deeds are beyond thought.

Note on the text: No alignment was found. Lines 1-2 = CE 14.10.4 lines 3-4 (bṛhaspatiṃ yājakaṃ tvaṃ vṛṇīṣva / vajraṃ vā te prahariṣyāmi ghoram); lines 3-4 = CE 14.10.4 lines 5-6 (vacaś ced etan na kariṣyase me / prāhaitad etāvad acintyakarmā). The CE also has a star passage 14.10.4f*0028 (two lines) after these, not in Wikisource. Speaker corrected from व्यास to the Gandharva Dhritarashtra (his direct speech; the last line closes the quotation).

Verse 6 (14.10.6)

त्वं चैवैतद्वेत्थ पुरन्दरश्च । विश्वेदेवा वसवश्चाश्विनौ च । मित्रद्रोहे निष्कृतिर्नास्ति लोके । महत्पापं ब्रह्महत्यासमं तत् ॥

tvaṃ caivaitadvettha purandaraśca | viśvedevā vasavaścāśvinau ca | mitradrohe niṣkṛtirnāsti loke | mahatpāpaṃ brahmahatyāsamaṃ tat

You know this, and so do Purandara, the Vishvedevas, the Vasus and the Ashvins: there is no atonement in the world for betraying a friend. It is a great sin, equal to the slaying of a brahmin.

Note on the text: No alignment was found. This is CE 14.10.5 (tvaṃ caivaitad vettha puraṃdaraś ca / viśvedevā vasavaś cāśvinau ca / mitradrohe niṣkṛtir vai yathaiva / nāstīti lokeṣu sadaiva vādaḥ); lines 3-4 are a different reading in Wikisource (recension variant, kept).

Verse 7 (14.10.7)

बृहस्पतिर्याजयतां महेन्द्रं । देवश्रेष्ठं वज्रभृतां वरिष्ठम् । संवर्तो मां याजयिताऽद्य राज- । न्न ते वाक्यं तस्य वा रोचयामि ॥

bṛhaspatiryājayatāṃ mahendraṃ | devaśreṣṭhaṃ vajrabhṛtāṃ variṣṭham | saṃvarto māṃ yājayitā'dya rāja- | nna te vākyaṃ tasya vā rocayāmi

Let Brihaspati officiate for Mahendra, the best of the gods and foremost of wielders of the thunderbolt. Samvarta is to be my officiant today, O king; I do not accept your word, nor his.

Verse 8 (14.10.8)

घोरो नादः श्रूयतां वासवस्य । नभस्तले गर्जतो राजसिंह । व्यक्तं वज्रं मोक्ष्यते ते महेन्द्रः । क्षेमं राजंश्चिन्त्यतामेष कालः ॥

ghoro nādaḥ śrūyatāṃ vāsavasya | nabhastale garjato rājasiṃha | vyaktaṃ vajraṃ mokṣyate te mahendraḥ | kṣemaṃ rājaṃścintyatāmeṣa kālaḥ

Hear the dreadful roar of Vasava, thundering in the sky, O lion among kings. Mahendra will surely hurl his thunderbolt at you; think of your safety, O king, for this is the time.

Verse 9 (14.10.9)

इत्येवमुक्तो धृतराष्ट्रेण राज- । ञ्श्रुत्वा नादं नदतो वासवस्य । तपोनित्यं धर्मविदां वरिष्ठं । संवर्तं तं ज्ञापयामास कार्यम् ॥

ityevamukto dhṛtarāṣṭreṇa rāja- | ñśrutvā nādaṃ nadato vāsavasya | taponityaṃ dharmavidāṃ variṣṭhaṃ | saṃvartaṃ taṃ jñāpayāmāsa kāryam

Thus addressed by Dhritarashtra, the king heard the roar of the thundering Vasava, and told Samvarta, ever devoted to austerity and foremost among those who know dharma, of the matter.

Verse 10 (14.10.10)

पश्यात्मानं प्लवमानं त्वमारा- । दध्वा दूरं तेन न दृश्यतेऽद्य । प्रपद्येऽहं शर्म विप्रेन्द्र त्वत्तः । प्रयच्छ तस्मादभयं विप्रमुख्य ॥

paśyātmānaṃ plavamānaṃ tvamārā- | dadhvā dūraṃ tena na dṛśyate'dya | prapadye'haṃ śarma viprendra tvattaḥ | prayaccha tasmādabhayaṃ vipramukhya

See, you yourself are floating close by; the way is far, and so it is not seen today. I seek refuge and shelter in you, O best of brahmins; therefore, chief of the brahmins, grant me freedom from fear.

Verse 11 (14.10.11)

अयमायाति वै वज्री दिशो विद्योतयन्दश । अमानुषेण घोरेण सदस्यास्त्रासिता हि नः ॥

ayamāyāti vai vajrī diśo vidyotayandaśa | amānuṣeṇa ghoreṇa sadasyāstrāsitā hi naḥ

Here comes the wielder of the thunderbolt, lighting up all ten directions; the members of the assembly are terrified by this dreadful, superhuman presence.

Note on the text: Corrected वे → वै, विद्योतयन्दस → विद्योतयन्दश and घोरेणि → घोरेण (misprints in Wikisource: wrong vowel, स for श, stray ि; CE vai, daśa, ghoreṇa).

Verse 12 (14.10.12)

भयं शक्राद्व्येतु ते राजसिंह । प्रणोत्स्येऽहं भयमेतत्सुघोरम् । संस्तम्भिन्या विद्यया क्षिप्रमेव । मा भैस्त्वमस्याभिभवात्प्रतीतः ॥

bhayaṃ śakrādvyetu te rājasiṃha | praṇotsye'haṃ bhayametatsughoram | saṃstambhinyā vidyayā kṣiprameva | mā bhaistvamasyābhibhavātpratītaḥ

Let your fear of Shakra go, O lion among kings. By my art of paralysis I shall quickly drive away this most dreadful fear. Do not be afraid of his onslaught, but be assured.

Verse 13 (14.10.13)

अहं संस्तम्भयिष्यामि मा भैस्त्वं शक्रतो नृप । सर्वेषामेव देवानां क्षयितान्यायुधानि मे ॥

ahaṃ saṃstambhayiṣyāmi mā bhaistvaṃ śakrato nṛpa | sarveṣāmeva devānāṃ kṣayitānyāyudhāni me

I shall paralyse him; do not fear Shakra, O king. I have caused the weapons of all the gods to be spent.

Note on the text: Corrected यर्वेषामेव → सर्वेषामेव (misprint in Wikisource: य for स; CE sarveṣām eva).

Verse 14 (14.10.14)

दिशो वज्रं व्रजतां वायुरेतु । वर्षं भूत्वा वर्षतां काननेषु । आपः प्लवन्त्वन्तरिक्षे वृथा च । सौदामनी दृश्यते माऽपि भैस्त्वम् ॥

diśo vajraṃ vrajatāṃ vāyuretu | varṣaṃ bhūtvā varṣatāṃ kānaneṣu | āpaḥ plavantvantarikṣe vṛthā ca | saudāmanī dṛśyate mā'pi bhaistvam

Let the thunderbolt scatter into the quarters and the wind blow it away; let it turn to rain and fall on the forests. Let the waters float in the sky and the lightning be seen to no purpose. Do not be afraid.

Verse 15 (14.10.15)

वह्निर्देवस्त्रातु वा सर्वतस्ते । कामान्सर्वान्वर्षतु वासवो वा । वज्रं तथा स्थापयतां वधाय । महाघोरं प्लवमानं जलौघैः ॥

vahnirdevastrātu vā sarvataste | kāmānsarvānvarṣatu vāsavo vā | vajraṃ tathā sthāpayatāṃ vadhāya | mahāghoraṃ plavamānaṃ jalaughaiḥ

Or let the god Agni guard you on every side; let Vasava rain down every desire. Let the thunderbolt, most dreadful, drifting on floods of water, be held fast and kept from killing.

Note on the text: Corrected पुवमानं → प्लवमानं (misprint in Wikisource: broken conjunct; CE plavamānam).

Verse 16 (14.10.16)

घोरः शब्दः श्रूयते वै महास्वनो । वज्रस्यैष सहितो मारुतेन । आत्मा हि मे प्रव्यथते मुहुर्मुहु- । र्न मे स्वास्थ्यं जायते चाद्य विप्र ॥

ghoraḥ śabdaḥ śrūyate vai mahāsvano | vajrasyaiṣa sahito mārutena | ātmā hi me pravyathate muhurmuhu- | rna me svāsthyaṃ jāyate cādya vipra

A dreadful, mighty sound is heard, the roar of the thunderbolt borne on the wind. My heart trembles again and again, and I find no ease today, O brahmin.

Verse 17 (14.10.17)

वज्रादुग्राद्व्येतु भयं तवाद्य । वातो भूत्वा व्रजतु नरेन्द्र वज्रम् । भयं त्यक्त्वा वरमन्यं वृणीष्व । कं ते कामं तपसा साधयामि ॥

vajrādugrādvyetu bhayaṃ tavādya | vāto bhūtvā vrajatu narendra vajram | bhayaṃ tyaktvā varamanyaṃ vṛṇīṣva | kaṃ te kāmaṃ tapasā sādhayāmi

Let your fear of the dreadful thunderbolt go today. Let the thunderbolt turn to wind and depart, O lord of men. Give up your fear and choose another boon; what wish of yours shall I fulfil by my austerity?

Note on the text: Corrected त्वक्त्वा → त्यक्त्वा (misprint in Wikisource: व for य; CE tyaktvā).

Verse 18 (14.10.18)

इन्द्रः साक्षात्सहसाऽभ्येतु विप्र । हविर्यज्ञे प्रतिगृह्णातु चैव । स्वंस्वं हविश्चैव जुषन्तु देवा । हुतं सोमं प्रतिगृह्णन्तु चैव ॥

indraḥ sākṣātsahasā'bhyetu vipra | haviryajñe pratigṛhṇātu caiva | svaṃsvaṃ haviścaiva juṣantu devā | hutaṃ somaṃ pratigṛhṇantu caiva

Let Indra himself come at once, O brahmin, and accept the oblation at the sacrifice. Let the gods enjoy each his own offering and accept the soma that is offered.

Verse 19 (14.10.19)

अयमिन्द्रो हरिभिरायाति राज- । न्देवैः सर्वैस्त्वरितैः स्तूयमानः । मन्त्राहूतो यज्ञमिमं मयाऽद्य । पश्यस्वैनं मन्त्रविस्रस्तकायम् ॥

ayamindro haribhirāyāti rāja- | ndevaiḥ sarvaistvaritaiḥ stūyamānaḥ | mantrāhūto yajñamimaṃ mayā'dya | paśyasvainaṃ mantravisrastakāyam

Here comes Indra with his bay horses, O king, praised by all the hurrying gods. Summoned by my mantras to this sacrifice today, he comes; look at him, his body slackened by the mantras.

Note on the text: Corrected पश्यश्वैनं → पश्यस्वैनं (misprint in Wikisource: श्व for स्व; CE paśyasvainaṃ).

Verse 20 (14.10.20)

ततो देवैः सहितो देवराजो । रथे युङ्क्त्वा तान्हरीन्वाजिमुख्यान् । आयाद्यज्ञमथ राज्ञः पिपासु- । राविक्षितस्याप्रमेयस्य सोमम् ॥

tato devaiḥ sahito devarājo | rathe yuṅktvā tānharīnvājimukhyān | āyādyajñamatha rājñaḥ pipāsu- | rāvikṣitasyāprameyasya somam

Then the king of the gods, together with the gods, yoked those excellent horses to his chariot and came to the sacrifice of the boundless son of Avikshita, thirsting for his soma.

Verse 21 (14.10.21)

तमायान्तं सहितं देवसङ्घैः । प्रत्युद्ययौ सपुरोधा मरुत्तः । चक्रे पूजां देवराजाय चाग्र्यां । यथाशास्त्रं विधिवत्प्रीयमाणः ॥

tamāyāntaṃ sahitaṃ devasaṅghaiḥ | pratyudyayau sapurodhā maruttaḥ | cakre pūjāṃ devarājāya cāgryāṃ | yathāśāstraṃ vidhivatprīyamāṇaḥ

As he came with the companies of gods, Marutta went out to meet him with his household priest, and, well pleased, paid the king of the gods the highest honour as the scriptures and the rule direct.

Verse 22 (14.10.22)

सुस्वागतं ते पुरुहूतेह विद्व- । न्यज्ञोऽप्ययं सन्निहिते त्वयीन्द्र । शोशुभ्यते बलवृत्रघ्न भूयः । पिबस्व सोमं सुतमुद्यतं मया ॥

susvāgataṃ te puruhūteha vidva- | nyajño'pyayaṃ sannihite tvayīndra | śośubhyate balavṛtraghna bhūyaḥ | pibasva somaṃ sutamudyataṃ mayā

Welcome to you, Puruhuta, wise one. With you present, O Indra, this sacrifice shines all the more, slayer of Bala and Vritra. Drink the soma that I have pressed and offered.

Verse 23 (14.10.23)

शिवेन मां पश्य नमश्च तेऽस्तु । प्राप्तो यज्ञः सफलं जीवितं मे । अयं यज्ञं कुरुते मे सुरेन्द्र । बृहस्पतेरवरो जन्मना च ॥

śivena māṃ paśya namaśca te'stu | prāpto yajñaḥ saphalaṃ jīvitaṃ me | ayaṃ yajñaṃ kurute me surendra | bṛhaspateravaro janmanā ca

Look on me with kindness, and homage to you. The sacrifice has come to fruition and my life is fulfilled. This one who performs my sacrifice, O lord of the gods, is Brihaspati's younger brother.

Verse 24 (14.10.24)

जानामि ते गुरुमेनं तपोधनं । बृहस्पतेरनुजं तिग्मतेजसम् । यस्याह्वानादागतोऽहं नरेन्द्र । प्रीतिर्मेऽद्य त्वयि मन्युः प्रनष्टः ॥

jānāmi te gurumenaṃ tapodhanaṃ | bṛhaspateranujaṃ tigmatejasam | yasyāhvānādāgato'haṃ narendra | prītirme'dya tvayi manyuḥ pranaṣṭaḥ

I know him as your preceptor, rich in austerity and of keen radiance, Brihaspati's younger brother. At his call I have come, O lord of men. I am pleased with you today, and my anger is gone.

Verse 25 (14.10.25)

यदि प्रीतस्त्वमसि वै देवराज । तस्मात्स्वयं शाधि यज्ञे विधानम् । स्वयं सर्वान्कुरु भागान्सुरेन्द्र । जानात्वयं सर्वलोकश्च देव ॥

yadi prītastvamasi vai devarāja | tasmātsvayaṃ śādhi yajñe vidhānam | svayaṃ sarvānkuru bhāgānsurendra | jānātvayaṃ sarvalokaśca deva

If you are pleased, O king of the gods, then yourself direct the arrangement of the sacrifice. Yourself assign all the shares, O lord of the gods, and let all the world know it, O god.

Verse 26 (14.10.26)

एवमुक्तस्त्वाङ्गिरसेन शक्रः । समादिदेश स्वयमेव देवान् । सभाः क्रियन्तामावसथाश्च मुख्याः । सहस्रशश्चित्रभूताः समृद्धाः ॥

evamuktastvāṅgirasena śakraḥ | samādideśa svayameva devān | sabhāḥ kriyantāmāvasathāśca mukhyāḥ | sahasraśaścitrabhūtāḥ samṛddhāḥ

Thus addressed by Angirasa's descendant, Shakra himself instructed the gods: "Let assembly halls be built, and chief dwellings by the thousand, rich and marvellous."

Verse 27 (14.10.27)

क्लृप्ताः स्थूणाः कुरुतारोहणानि । गन्धर्वाणामप्सरसां च शीघ्रम् । यत्र नृत्येरन्नप्सरसः समस्ताः । स्वर्गोपमः क्रियतां यज्ञवाटः ॥

klṛptāḥ sthūṇāḥ kurutārohaṇāni | gandharvāṇāmapsarasāṃ ca śīghram | yatra nṛtyerannapsarasaḥ samastāḥ | svargopamaḥ kriyatāṃ yajñavāṭaḥ

"Let pillars be set up and stairways made quickly for the Gandharvas and apsarases, where all the apsarases may dance. Let the sacrificial ground be made like heaven."

Note on the text: Speaker set to इन्द्र (Wikisource carries व्यास over): the whole verse is Indra's command to the gods, quoted in the narration of the previous verse.

Verse 28 (14.10.28)

इत्युक्तास्ते चक्रुराशु प्रतीता । दिवौकसः शक्रवाक्यान्नरेन्द्र । ततो वाक्यं प्राह राजानमिन्द्रः । प्रीतो राजन्पूज्यमानो मरुत्तम् ॥

ityuktāste cakrurāśu pratītā | divaukasaḥ śakravākyānnarendra | tato vākyaṃ prāha rājānamindraḥ | prīto rājanpūjyamāno maruttam

Told so, the dwellers in heaven quickly and gladly did at Shakra's word, O king. Then Indra, pleased and honoured, spoke to King Marutta.

Verse 29 (14.10.29)

एष त्वयाऽहमिह राजन्समेत्य । ये चाप्यन्ये तव पूर्वे नरेन्द्र । सर्वाश्चान्या देवताः प्रीयमाणा । हविस्तुभ्यं प्रतिगृह्णन्तु राजन् ॥

eṣa tvayā'hamiha rājansametya | ye cāpyanye tava pūrve narendra | sarvāścānyā devatāḥ prīyamāṇā | havistubhyaṃ pratigṛhṇantu rājan

Having met you here, O king, I and those others, your forebears, O lord of men, and all the other deities too, pleased, let them accept your oblation, O king.

Note on the text: Corrected ये चाप्यन्ते → ये चाप्यन्ये (misprint in Wikisource: ते for ये; CE anye). Speaker set to इन्द्र (Wikisource carries व्यास over): the verse is Indra's direct speech to Marutta.

Verse 30 (14.10.30)

आग्नेयं वै लोहितमालभन्तां । वैश्वदेवं बहुरूपं हि राजन् । नीलं चोक्षाणं मेध्यमप्यालभन्तां । चलच्छिश्नं सम्प्रदिष्टं द्विजाग्र्याः ॥

āgneyaṃ vai lohitamālabhantāṃ | vaiśvadevaṃ bahurūpaṃ hi rājan | nīlaṃ cokṣāṇaṃ medhyamapyālabhantāṃ | calacchiśnaṃ sampradiṣṭaṃ dvijāgryāḥ

Let a red victim be offered to Agni, and a many-coloured one to the Vishvedevas, O king; and also a blue bull, fit for sacrifice, a vigorous one, as I have directed. Let this be done, O foremost of the twice-born.

Note on the text: Corrected निलं → नीलं and मेद्यम् → मेध्यम् (misprints in Wikisource: short ि for ी; द for ध; CE nīlaṃ, medhyam). Speaker set to इन्द्र (Wikisource carries व्यास over): Indra's direct instructions.

Verse 31 (14.10.31)

ततो यज्ञो ववृधे तस्य राज- । न्यत्र देवाः स्वयमन्नानि जह्रुः । यस्मिञ्शक्रो ब्राह्मणैः पूज्यमानः । सदस्योऽभूद्धरिमान्देवराजः ॥

tato yajño vavṛdhe tasya rāja- | nyatra devāḥ svayamannāni jahruḥ | yasmiñśakro brāhmaṇaiḥ pūjyamānaḥ | sadasyo'bhūddharimāndevarājaḥ

Then the king's sacrifice grew great, where the gods themselves carried off the food. At it Shakra, honoured by the brahmins, became a member of the assembly, the lord of the gods with his bay horses.

Verse 32 (14.10.32)

ततः संवर्तश्चैत्यगतो महात्मा । यथा वह्निः प्रज्वलितो द्वितीयः । हवींष्युच्चैराह्वयन्देवसङ्घा- । ञ्जुहावाग्नौ मन्त्रवत्सुप्रतीतः ॥

tataḥ saṃvartaścaityagato mahātmā | yathā vahniḥ prajvalito dvitīyaḥ | havīṃṣyuccairāhvayandevasaṅghā- | ñjuhāvāgnau mantravatsupratītaḥ

Then the great-souled Samvarta, standing at the altar, blazing like a second fire, called loudly upon the companies of gods and, well pleased, poured the oblations into the fire with mantras.

Note on the text: Corrected माहात्मा → महात्मा (misprint in Wikisource: stray long ā; CE mahātmā).

Verse 33 (14.10.33)

ततः पीत्वा बलभित्सोममग्र्यं । ये चाप्यन्ये सोमपा देवसङ्घाः । सर्वेऽनुज्ञाताः प्रययुः पार्थिवेन । यथाजोषं तर्पिताः प्रीतिमन्तः ॥

tataḥ pītvā balabhitsomamagryaṃ | ye cāpyanye somapā devasaṅghāḥ | sarve'nujñātāḥ prayayuḥ pārthivena | yathājoṣaṃ tarpitāḥ prītimantaḥ

Then, having drunk the choicest soma, Indra and all the other companies of soma-drinking gods, with the king's leave, went away, each satisfied and glad as he wished.

Note on the text: Corrected ये चाप्यन्ते → ये चाप्यन्ये (misprint in Wikisource: ते for ये; CE anye).

Verse 34 (14.10.34)

ततो राजा जातरूपस्य राशी- । न्पदेपदे कारयामास हृष्टः । द्विजातिभ्यो विसृजन्भूरि वित्तं । रराज वित्तेश इवारिहन्ता ॥

tato rājā jātarūpasya rāśī- | npadepade kārayāmāsa hṛṣṭaḥ | dvijātibhyo visṛjanbhūri vittaṃ | rarāja vitteśa ivārihantā

Then the delighted king had heaps of gold made at every step and, giving abundant wealth to the twice-born, shone like the lord of wealth, destroyer of foes.

Verse 35 (14.10.35)

ततो वित्तं विविधं सन्निधाय । यथोत्साहं कारयित्वा च कोशम् । अनुज्ञातो गुरुणां संनिवृत्त्य । शशास गामखिलां सागरान्ताम् ॥

tato vittaṃ vividhaṃ sannidhāya | yathotsāhaṃ kārayitvā ca kośam | anujñāto guruṇāṃ saṃnivṛttya | śaśāsa gāmakhilāṃ sāgarāntām

Then, having laid up wealth of many kinds and had his treasury filled as he wished, he took leave of his elders, came back, and ruled the whole earth to the shores of the sea.

Verse 36 (14.10.36)

एवंगुणः सम्बभूवेह राजा । यस्य क्रतौ तत्सुवर्णं प्रभूतम् । तत्त्वं समादाय नरेन्द्र वित्तं । यजस्व देवांस्तपनीयैर्विधानैः ॥

evaṃguṇaḥ sambabhūveha rājā | yasya kratau tatsuvarṇaṃ prabhūtam | tattvaṃ samādāya narendra vittaṃ | yajasva devāṃstapanīyairvidhānaiḥ

Such was the king who once lived here, at whose sacrifice that abundant gold remained. Take that wealth, O lord of men, and sacrifice to the gods with golden rites.

Verse 37 (14.10.37)

ततो राजा पाण्डवो हृष्टरूपः । श्रुत्वा वाक्यं सत्यवत्याः सुतस्य । मनश्चक्रे तेन वित्तेन यष्टुं । ततोऽमात्यैर्मन्त्रयामास भूयः ॥

tato rājā pāṇḍavo hṛṣṭarūpaḥ | śrutvā vākyaṃ satyavatyāḥ sutasya | manaścakre tena vittena yaṣṭuṃ | tato'mātyairmantrayāmāsa bhūyaḥ

Then King Pandava, delighted on hearing the words of Satyavati's son, resolved to perform his sacrifice with that wealth, and consulted his ministers again.