Agni Carries Indra's Message to Marutta

Verse 1 (14.9.1)

कच्चित्सुखं स्वपिषि त्वं बृहस्पते । कच्चिन्मनोज्ञाः परिचारकास्ते । कच्चिद्देवानां सुखकामोसि विप्र । कच्चिद्देवास्त्वां परिपालयन्ति ॥

kaccitsukhaṃ svapiṣi tvaṃ bṛhaspate | kaccinmanojñāḥ paricārakāste | kacciddevānāṃ sukhakāmosi vipra | kacciddevāstvāṃ paripālayanti

Brihaspati, do you sleep in comfort? Are your attendants to your liking? Do you wish the gods well, O learned one, and do the gods look after you?

Verse 2 (14.9.2)

सुखं शये शयने देवराज । तथा मनोज्ञाः परिचारका मे । तथा देवानां सुखकामोस्मि नित्यं । देवाश्च मां सुभृशं पालयन्ति ॥

sukhaṃ śaye śayane devarāja | tathā manojñāḥ paricārakā me | tathā devānāṃ sukhakāmosmi nityaṃ | devāśca māṃ subhṛśaṃ pālayanti

I sleep comfortably in my bed, O king of the gods, and my attendants are to my liking. I always wish the gods well, and the gods guard me with great care.

Verse 3 (14.9.3)

कुतो दुःखं मानसं देहजं वा । पाण्डुर्विवर्णश्च कुतस्त्वमद्य । आचक्ष्व मे ब्राह्मण यावदेता- । न्निहन्मि सर्वांस्तव दुःखकर्तॄन् ॥

kuto duḥkhaṃ mānasaṃ dehajaṃ vā | pāṇḍurvivarṇaśca kutastvamadya | ācakṣva me brāhmaṇa yāvadetā- | nnihanmi sarvāṃstava duḥkhakartṝn

Whence comes this sorrow, of the mind or of the body? Why are you pale and discoloured today? Tell me, brahmin, and I shall strike down every one of those who cause you grief.

Verse 4 (14.9.4)

मरुत्तमाहुर्मघवन्यक्ष्यमाणं । महायज्ञेनोत्तमदक्षिणेन । संवर्तो याजयतीति मे श्रुतं । तदिच्छामि न स तं याजयेत् ॥

maruttamāhurmaghavanyakṣyamāṇaṃ | mahāyajñenottamadakṣiṇena | saṃvarto yājayatīti me śrutaṃ | tadicchāmi na sa taṃ yājayet

They say, O Maghavan, that Marutta is about to perform a great sacrifice with excellent fees. I have heard that Samvarta will officiate for him. I want him not to officiate.

Verse 5 (14.9.5)

सर्वान्कामाननुयातोसि विप्र । त्वं देवानां मन्त्रयसे पुरोधाः । उभौ च ते जरामृत्यू व्यतीतौ । किं संवर्तस्तव कर्ताऽद्य विप्र ॥

sarvānkāmānanuyātosi vipra | tvaṃ devānāṃ mantrayase purodhāḥ | ubhau ca te jarāmṛtyū vyatītau | kiṃ saṃvartastava kartā'dya vipra

You have attained every desire, O brahmin; you counsel the gods as their household priest. Old age and death have both passed you by. What can Samvarta do to you now, O brahmin?

Verse 6 (14.9.6)

देवैः सह त्वमसुरान्सम्प्रणुद्य । जिघांससे चाप्युत सानुबन्धान् । यंयं समृद्धं पश्यसि तत्रतत्र । दुःखं सपत्नेषु समृद्धिभावः ॥

devaiḥ saha tvamasurānsampraṇudya | jighāṃsase cāpyuta sānubandhān | yaṃyaṃ samṛddhaṃ paśyasi tatratatra | duḥkhaṃ sapatneṣu samṛddhibhāvaḥ

Together with the gods you drove out the asuras, and even now you wish to kill them with all their kin. Wherever you see anyone prosper, the prosperity of rivals is sorrow.

Verse 7 (14.9.7)

अतोस्मि देवेन्द्र विवर्णरूपः । सपत्नो मे वर्धते तन्निशम्य । सर्वोपायैर्मघवन्संनियच्छ । संवर्तं वा पार्थिवं वा मरुत्तम् ॥

atosmi devendra vivarṇarūpaḥ | sapatno me vardhate tanniśamya | sarvopāyairmaghavansaṃniyaccha | saṃvartaṃ vā pārthivaṃ vā maruttam

That is why I am pale, O lord of the gods: my rival grows in power, and when I hear of it I wither. O Maghavan, restrain by every means either Samvarta or the king Marutta.

Verse 8 (14.9.8)

एहि गच्छ प्रहितो जातवेदो । बृहस्पतिं परिदातुं मरुत्ते । अयं वै त्वां याजयिता बृहस्पति- । स्तथाऽमरं चैव करिष्यतीति ॥

ehi gaccha prahito jātavedo | bṛhaspatiṃ paridātuṃ marutte | ayaṃ vai tvāṃ yājayitā bṛhaspati- | stathā'maraṃ caiva kariṣyatīti

Go, Jatavedas, sent by me, to hand Brihaspati over to Marutta. Say to him: "This Brihaspati will officiate for you and will make you immortal."

Verse 9 (14.9.9)

अहं गच्छामि तव शक्राद्य दूतो । बृहस्पतिं परिदातुं मरुत्ते । वाचं सत्यां पुरुहूतस्य कर्तुं । बृहस्पतेश्चापचितिं चिकीर्षुः ॥

ahaṃ gacchāmi tava śakrādya dūto | bṛhaspatiṃ paridātuṃ marutte | vācaṃ satyāṃ puruhūtasya kartuṃ | bṛhaspateścāpacitiṃ cikīrṣuḥ

I go today as your messenger, Shakra, to hand Brihaspati over to Marutta, wishing to make the word of Puruhuta true and to do honour to Brihaspati.

Verse 10 (14.9.10)

ततः प्रायाद्धूमकेतुर्महात्मा । वनस्पतीन्वीरुधश्चावमृद्नन् । कामाद्धिमान्ते परिवर्तमानः । काष्ठातिगो मातरिश्वेव नर्दन् ॥

tataḥ prāyāddhūmaketurmahātmā | vanaspatīnvīrudhaścāvamṛdnan | kāmāddhimānte parivartamānaḥ | kāṣṭhātigo mātariśveva nardan

Then the great-souled Dhumaketu set out, crushing trees and creepers, roaming at will at the close of winter, roaring like the wind and outrunning every quarter.

Note on the text: Restored the dropped first akshara: Wikisource prints तः for ततः. Corrected अवमृद्गन् → अवमृद्नन् (misprint in Wikisource: ग for न; CE avamṛdnan). The narrator here is Vyasa, who tells Marutta's story to Yudhishthira (as the page and the CE head it).

Verse 11 (14.9.11)

आश्चर्यमद्य पश्यामि रूपिणं वह्निमागतम् । आसनं सलिलं पाद्यं गां चोपानय वै मुने ॥

āścaryamadya paśyāmi rūpiṇaṃ vahnimāgatam | āsanaṃ salilaṃ pādyaṃ gāṃ copānaya vai mune

Today I see a wonder: fire has come in bodily form. Bring a seat, water, water for the feet, and a cow, O sage.

Note on the text: Corrected आश्वर्यमद्ययामि → आश्चर्यमद्य पश्यामि (misprint in Wikisource: broken conjunct and dropped syllables; CE āścaryam adya paśyāmi). The page prints the speaker as मरुत; read as मरुत्त (Marutta; CE marutta).

Verse 12 (14.9.12)

आसनं सलिलं पाद्यं प्रतिनन्दामि तेऽनघ । इन्द्रेण तु समादिष्टं विद्धि मां दूतमागतम् ॥

āsanaṃ salilaṃ pādyaṃ pratinandāmi te'nagha | indreṇa tu samādiṣṭaṃ viddhi māṃ dūtamāgatam

I gladly accept the seat, the water and the foot-water, blameless one. Know that I have come as a messenger sent by Indra.

Note on the text: Corrected पाद््रतिनन्दामि → पाद्यं प्रतिनन्दामि (misprint in Wikisource: broken conjunct and dropped letters; CE pādyaṃ pratinandāmi).

Verse 13 (14.9.13)

कच्चिच्छ्रीमान्देवराजः सुखी च । कच्चिच्चास्मान्प्रीयते धूमकेतो । कच्चिद्देवा अस्य वशे यथाव- । त्प्रब्रूहि त्वं मम कार्त्स्न्येन देव ॥

kaccicchrīmāndevarājaḥ sukhī ca | kacciccāsmānprīyate dhūmaketo | kacciddevā asya vaśe yathāva- | tprabrūhi tvaṃ mama kārtsnyena deva

Is the glorious king of the gods well and happy? Is he pleased with us, O Dhumaketu? Are the gods under his command as they should be? Tell me all of this fully, O god.

Note on the text: Restored from the critical edition (14.9.13a): Wikisource prints only कच्चिच्छ्सुखी च for the first line; restored कच्चिच्छ्रीमान्देवराजः सुखी च (CE kaccic chrīmān devarājaḥ sukhī ca). The page prints the speaker as मरुत; read as मरुत्त.

Verse 14 (14.9.14)

शक्रो भृशं सुसुखी पार्थिवेन्द्र । प्रीतिं चेच्छत्यजरां वै त्वया सः । देवाश्च सर्वे वशगास्तस्य राज- । न्संदेशं त्वं शृणु मे देवराज्ञः ॥

śakro bhṛśaṃ susukhī pārthivendra | prītiṃ cecchatyajarāṃ vai tvayā saḥ | devāśca sarve vaśagāstasya rāja- | nsaṃdeśaṃ tvaṃ śṛṇu me devarājñaḥ

Shakra is very happy, O best of kings, and he wishes for a lasting friendship with you. All the gods are under his sway, O king. Now hear from me the message of the king of the gods.

Note on the text: Restored from the critical edition (14.9.14a-b): Wikisource runs the first two lines together and garbles them (शक्रो भृशं सुसुखी पार्थरातिं चेच्छत्यजरां वै त्वया सः). Corrected पार्थरातिं → पार्थिवेन्द्र / प्रीतिं (CE pārthivendra / prītiṃ), restoring the line break. Lines 3-4 as printed.

Verse 15 (14.9.15)

यदर्थं मां प्राहिणोत्त्वत्सकाशं । बृहस्पतिं परिदातुं मरुत्ते । अयं गुरुर्याजयतां नृप त्वां । मर्त्यं सन्तममरं त्वां करोतु ॥

yadarthaṃ māṃ prāhiṇottvatsakāśaṃ | bṛhaspatiṃ paridātuṃ marutte | ayaṃ gururyājayatāṃ nṛpa tvāṃ | martyaṃ santamamaraṃ tvāṃ karotu

The reason he sent me to you, to hand Brihaspati over to Marutta, is this: "Let this preceptor officiate for you, O king, and make you, mortal though you are, immortal."

Verse 16 (14.9.16)

संवर्तोऽयं याजयिता द्विजो मां । बृहस्पतेरञ्जलिरेष तस्य । न चैवासौ याजयित्वा महेन्द्रं । मर्त्यं सन्तं याजयन्नद्य शोभेत् ॥

saṃvarto'yaṃ yājayitā dvijo māṃ | bṛhaspaterañjalireṣa tasya | na caivāsau yājayitvā mahendraṃ | martyaṃ santaṃ yājayannadya śobhet

This brahmin Samvarta is my officiant; to Brihaspati I give only this salute with folded hands. Nor would Brihaspati, having officiated for great Indra, look well today officiating for a mortal.

Note on the text: The page prints the speaker as मरुत; read as मरुत्त.

Verse 17 (14.9.17)

ये वै लोका देवलोके महान्तः । सम्प्राप्स्यसे तान्देवराजप्रसादात् । त्वां चेदसौ याजयेद्वै बृहस्पति- । र्नूनं स्वर्गं त्वं जयेः कीर्तियुक्तः ॥

ye vai lokā devaloke mahāntaḥ | samprāpsyase tāndevarājaprasādāt | tvāṃ cedasau yājayedvai bṛhaspati- | rnūnaṃ svargaṃ tvaṃ jayeḥ kīrtiyuktaḥ

Through the grace of the king of the gods you will attain the great worlds that lie in the world of the gods. If Brihaspati officiates for you, you will surely win heaven, crowned with fame.

Verse 18 (14.9.18)

तथा लोका मानुषा ये च दिव्याः । प्रजापतेश्चापि ये वै महान्तः । तेते जिता देवराज्यं च कृत्स्नं । बृहस्पतिर्याजयेच्चेन्नरेन्द्र ॥

tathā lokā mānuṣā ye ca divyāḥ | prajāpateścāpi ye vai mahāntaḥ | tete jitā devarājyaṃ ca kṛtsnaṃ | bṛhaspatiryājayeccennarendra

The human worlds and the divine worlds, and the great worlds of Prajapati as well, will all be won by you, together with the whole kingdom of the gods, O lord of men, if Brihaspati officiates for you.

Verse 19 (14.9.19)

मा स्मैव त्वं पुनरागाः कथंचि- । द्बृहस्पतिं परिदातुं मरुत्ते । मा त्वां धक्ष्ये चक्षुषा दारुणेन । संक्रुद्धोऽहं पावक त्वं निबोध ॥

mā smaiva tvaṃ punarāgāḥ kathaṃci- | dbṛhaspatiṃ paridātuṃ marutte | mā tvāṃ dhakṣye cakṣuṣā dāruṇena | saṃkruddho'haṃ pāvaka tvaṃ nibodha

Do not come back here again, not by any means, to hand Brihaspati over to Marutta. Do not make me burn you with my terrible glance; I am enraged, Pavaka, so understand this.

Note on the text: Corrected निबोधः → निबोध (misprint in Wikisource: stray visarga on the imperative; CE nibodha).

Verse 20 (14.9.20)

ततो देवानगमद्धूमकेतु- । दाहाद्भीतो व्यथितोऽश्वत्थपर्णवत् । तं वै दृष्ट्वा प्राह शक्रो महात्मा । बृहस्पतेः सन्निधौ हव्यवाहम् ॥

tato devānagamaddhūmaketu- | dāhādbhīto vyathito'śvatthaparṇavat | taṃ vai dṛṣṭvā prāha śakro mahātmā | bṛhaspateḥ sannidhau havyavāham

Then Dhumaketu went back to the gods, frightened by the threat of burning and trembling like a pipal leaf. When Shakra saw him, great-souled as he was, he spoke to the bearer of oblations in Brihaspati's presence.

Note on the text: Corrected दीहाद् → दाहाद् (misprint in Wikisource: ई for आ; CE dāhād).

Verse 21 (14.9.21)

यस्त्वं गतः प्रहितो जातवेदो । बृहस्पतिं परिदातुं मरुत्ते । तत्किं प्राह स नृपो यक्ष्यमाणः । कच्चिद्वचः प्रतिगृह्णाति तच्च ॥

yastvaṃ gataḥ prahito jātavedo | bṛhaspatiṃ paridātuṃ marutte | tatkiṃ prāha sa nṛpo yakṣyamāṇaḥ | kaccidvacaḥ pratigṛhṇāti tacca

You, Jatavedas, who went forth sent to hand Brihaspati over to Marutta: what did that king, who is about to sacrifice, say? Does he accept my word?

Note on the text: Speaker corrected from व्यास (carried over from the narration heading of the previous verse) to इन्द्र: the verse is Indra's question to Agni.

Verse 22 (14.9.22)

न ते वाचं रोचयते मरुत्तो । बृहस्पतेरञ्जलिं प्राहिणोत्सः । संवर्तो मां याजयितेत्युवाच । पुनः पुनः स मया याच्यमानः ॥

na te vācaṃ rocayate marutto | bṛhaspaterañjaliṃ prāhiṇotsaḥ | saṃvarto māṃ yājayitetyuvāca | punaḥ punaḥ sa mayā yācyamānaḥ

Marutta does not welcome your word. He sent only a salute to Brihaspati. Though I pressed him again and again, he kept saying that Samvarta would officiate for him.

Verse 23 (14.9.23)

उवाचेदं मानुषा ये च दिव्या । प्रजापतेर्ये च लोका महान्तः । तांश्चेल्लभेयं संविदं तेन कृत्वा । तथापि नेच्छेयमिति प्रतीतः ॥

uvācedaṃ mānuṣā ye ca divyā | prajāpaterye ca lokā mahāntaḥ | tāṃścellabheyaṃ saṃvidaṃ tena kṛtvā | tathāpi neccheyamiti pratītaḥ

He said: "Even if I could win the human worlds and the divine ones, and the great worlds of Prajapati, by making an agreement with him, still I would not want it." So he declared, firm in his resolve.

Verse 24 (14.9.24)

पुनर्गत्वा पार्थिवं त्वं समेत्य । वाक्यं मदीयं प्रापय स्वार्थयुक्तम् । पुनर्यद्युक्तो न करिष्यते वच- । स्त्वत्तो वज्रं सम्प्रहर्तास्मि तस्मै ॥

punargatvā pārthivaṃ tvaṃ sametya | vākyaṃ madīyaṃ prāpaya svārthayuktam | punaryadyukto na kariṣyate vaca- | stvatto vajraṃ samprahartāsmi tasmai

Go once more to the king and meet him, and give him my message, which is for his own good. If, told again, he will not do as I say, then I shall hurl my thunderbolt at him.

Verse 25 (14.9.25)

गन्धर्वराड्यात्वयं तत्र दूतो । बिभेम्यहं वासव तत्र गन्तुम् । संरब्धो मामब्रवीत्तीक्ष्णरोषः । संवर्तो वाक्यं चरितब्रह्मचर्यः ॥

gandharvarāḍyātvayaṃ tatra dūto | bibhemyahaṃ vāsava tatra gantum | saṃrabdho māmabravīttīkṣṇaroṣaḥ | saṃvarto vākyaṃ caritabrahmacaryaḥ

Let the king of the Gandharvas go there as messenger; I am afraid to go there, Vasava. Furious and fierce in his anger, Samvarta, who has practised celibacy, spoke these words to me.

Verse 26 (14.9.26)

यद्यागच्छेः पुनरेवं कथंचि- । द्बृहस्पतिं परिदातुं मरुत्ते । दहेयं त्वां चक्षुषा दारुणेन । संक्रुद्ध इत्येतदवैहि शक्र ॥

yadyāgaccheḥ punarevaṃ kathaṃci- | dbṛhaspatiṃ paridātuṃ marutte | daheyaṃ tvāṃ cakṣuṣā dāruṇena | saṃkruddha ityetadavaihi śakra

"If ever you come here again like this, to hand Brihaspati over to Marutta, I shall burn you with my terrible glance; know that I am enraged." That is what he said, O Shakra.

Verse 27 (14.9.27)

त्वमेवान्यान्दहसे जातवेदो । न हि त्वदन्यो विद्यते भस्मकर्ता । त्वत्संस्पर्शात्सर्वलोको बिभेति । अश्रद्धेयं वदसे हव्यवाह ॥

tvamevānyāndahase jātavedo | na hi tvadanyo vidyate bhasmakartā | tvatsaṃsparśātsarvaloko bibheti | aśraddheyaṃ vadase havyavāha

You burn others, Jatavedas, and there is no one but you who turns things to ashes. The whole world fears your touch, and yet what you say is hard to believe, bearer of oblations.

Verse 28 (14.9.28)

दिवं देवेन्द्र पृथिवीं च सर्वां । संवेष्टयेस्त्वं स्वबलेनैव शक्र । एवंविधस्येह सतस्तवासौ । कथं वृत्रस्त्रिदिवं प्राग्जहार ॥

divaṃ devendra pṛthivīṃ ca sarvāṃ | saṃveṣṭayestvaṃ svabalenaiva śakra | evaṃvidhasyeha satastavāsau | kathaṃ vṛtrastridivaṃ prāgjahāra

O lord of the gods, you could enfold the heaven and the whole earth by your own strength alone, Shakra. How then did Vritra seize the triple heaven from you, when you were such as this?

Verse 29 (14.9.29)

नगण्डिकाकारयोगं करेऽणुं । न चारिसोमं प्रपिबामि वह्ने । न क्षीणशक्तौ प्रहरामि वज्रं । को मेऽसुखाय प्रहरेत मर्त्यः ॥

nagaṇḍikākārayogaṃ kare'ṇuṃ | na cārisomaṃ prapibāmi vahne | na kṣīṇaśaktau praharāmi vajraṃ | ko me'sukhāya prahareta martyaḥ

In my hand I can shrink a mountain to a speck the size of a gnat. I do not drink the soma given by an enemy, Agni, and I do not hurl my thunderbolt at one whose strength is spent. What mortal could strike me and bring me sorrow?

Note on the text: The alignment found no match; the CE has the verse at 14.9.29 (na caṇḍikā jaṅgamā no kareṇur / na vārisomaṃ prapibāmi vahne / na durbale vai visṛjāmi vajraṃ / ko me 'sukhāya praharen manuṣyaḥ). Wikisource's lines 1 and 3 are a different recension reading (the page's own gloss records other readings), kept. Corrected प्रहारामि → प्रहरामि (misprint in Wikisource: stray long vowel; the page's gloss reads प्रहरामि) and मे सुखाय → मेऽसुखाय (missing avagraha, which flips the sense; CE and the next verse read ko me 'sukhāya).

Verse 30 (14.9.30)

प्रव्रजयेयं कालकेयान्पृथिव्या- । मपाकर्षन्दानवानन्तरिक्षात् । दिवः प्रह्लादमवसानमानयं । को मेऽसुखाय प्रहरेत मानवः ॥

pravrajayeyaṃ kālakeyānpṛthivyā- | mapākarṣandānavānantarikṣāt | divaḥ prahlādamavasānamānayaṃ | ko me'sukhāya prahareta mānavaḥ

I drove the Kalakeyas out of the earth, I dragged the danavas down from the sky, and I brought Prahlada from heaven to his end. What mortal could strike me and bring me sorrow?

Verse 31 (14.9.31)

यत्र शर्यातिं च्यवनो याजयिष्य- । न्सहाश्विभ्यां सोममगृह्णदेकः । तं त्वं क्रुद्धः प्रत्यषेधीः पुरस्ता- । च्छर्यातियज्ञं स्मर तं महेन्द्र ॥

yatra śaryātiṃ cyavano yājayiṣya- | nsahāśvibhyāṃ somamagṛhṇadekaḥ | taṃ tvaṃ kruddhaḥ pratyaṣedhīḥ purastā- | ccharyātiyajñaṃ smara taṃ mahendra

At the sacrifice where Chyavana, about to officiate for Sharyati, alone took soma together with the Ashvins, you in your anger forbade him. Remember that sacrifice of Sharyati, Mahendra.

Note on the text: Corrected स्म → स्मर (misprint in Wikisource: a truncated word; the imperative 'remember' is required by the sense; CE smara).

Verse 32 (14.9.32)

वज्रं गृहीत्वा च पुरन्दर त्वं । सम्प्राहार्षीश्च्यवनस्यातिघोरम् । स ते विप्रः सह वज्रेण बाहु- । मपागृह्णात्तपसा जातमन्युः ॥

vajraṃ gṛhītvā ca purandara tvaṃ | samprāhārṣīścyavanasyātighoram | sa te vipraḥ saha vajreṇa bāhu- | mapāgṛhṇāttapasā jātamanyuḥ

Taking up your thunderbolt, Purandara, you struck Chyavana a terrible blow, but that brahmin, blazing with anger born of his austerity, held your arm fast together with the thunderbolt.

Note on the text: Corrected वज्रेणि → वज्रेण (misprint in Wikisource: stray ि; CE vajreṇa).

Verse 33 (14.9.33)

ततो रोषात्सर्वतो घोररूपं । सपत्नं ते जनयामास भूयः । मदं नाम्ना चासुरं विश्वरूपं । यं त्वं दृष्ट्वा चक्षुषी संन्यमीलः ॥

tato roṣātsarvato ghorarūpaṃ | sapatnaṃ te janayāmāsa bhūyaḥ | madaṃ nāmnā cāsuraṃ viśvarūpaṃ | yaṃ tvaṃ dṛṣṭvā cakṣuṣī saṃnyamīlaḥ

Then in his rage he created a fresh rival for you, of dreadful form on every side: an asura named Mada, of every shape, at the sight of whom you shut your eyes.

Verse 34 (14.9.34)

हनुरेका जगतीस्था तथैका । दिवं गता महतो दानवस्य । सहस्रं दन्तानां शतयोजनानां । सुतीक्ष्णानां घोररूपं बभूव ॥

hanurekā jagatīsthā tathaikā | divaṃ gatā mahato dānavasya | sahasraṃ dantānāṃ śatayojanānāṃ | sutīkṣṇānāṃ ghorarūpaṃ babhūva

One jaw of that great danava rested on the earth and the other reached up to heaven. He had a thousand teeth, each a hundred yojanas long and exceedingly sharp, of fearsome shape.

Verse 35 (14.9.35)

वृत्ताः स्थूला रजतस्तम्भवर्णा । दंष्ट्राश्चतस्रो द्वे शते योजनानाम् । स त्वां दन्तान्विदशन्नभ्यधाव- । ज्जिघांसया शूलमुद्यम्य घोरम् ॥

vṛttāḥ sthūlā rajatastambhavarṇā | daṃṣṭrāścatasro dve śate yojanānām | sa tvāṃ dantānvidaśannabhyadhāva- | jjighāṃsayā śūlamudyamya ghoram

He had four round, thick tusks, silvery like pillars, each two hundred yojanas long. Gnashing his teeth, he rushed at you, raising a dreadful spear, wishing to kill you.

Verse 36 (14.9.36)

तं नापश्यस्त्वं तदा घोररूपं । सर्वे वै त्वां ददृशुर्दर्शनीयम् । यस्माद्भीतः प्राञ्जलिस्त्वं महर्षि- । मागच्छेथाः शरणं दानवघ्न ॥

taṃ nāpaśyastvaṃ tadā ghorarūpaṃ | sarve vai tvāṃ dadṛśurdarśanīyam | yasmādbhītaḥ prāñjalistvaṃ maharṣi- | māgacchethāḥ śaraṇaṃ dānavaghna

You did not see him then, of that dreadful form, but all saw you plainly. Terrified of him, with folded hands you came to the great sage for refuge, O slayer of the danavas.

Verse 37 (14.9.37)

क्षात्राद्बलाद्ब्रह्मबलं गरीयो । न ब्रह्मतः किञ्चिदन्यद्गरीयः । सोहं जानन्ब्रह्मतेजो यथाव- । न्न संवर्तं गन्तुमिच्छामि शक्र ॥

kṣātrādbalādbrahmabalaṃ garīyo | na brahmataḥ kiñcidanyadgarīyaḥ | sohaṃ jānanbrahmatejo yathāva- | nna saṃvartaṃ gantumicchāmi śakra

The power of a brahmin is greater than the power of a Kshatriya; nothing else is greater than a brahmin. Knowing the brahmin's radiance as it truly is, I do not wish to go to Samvarta, Shakra.

Note on the text: Corrected संवर्त → संवर्तं (misprint in Wikisource: dropped anusvara on the object of गन्तुम्; CE saṃvartaṃ).