Subhadra Reminds Krishna of His Promise

Verse 1 (14.67.1)

उत्थितायां पृथायां तु सुभद्रा भ्रातरं तदा । दृष्ट्वा चुक्रोश दुःखार्ता वचनं चेदमब्रवीत् ॥

utthitāyāṃ pṛthāyāṃ tu subhadrā bhrātaraṃ tadā | dṛṣṭvā cukrośa duḥkhārtā vacanaṃ cedamabravīt

When Pritha had risen, Subhadra, seeing her brother, cried out in her grief and spoke these words.

Verse 2 (14.67.2)

पुण्डरीकाक्ष पश्य त्वं पौत्रं पार्थस्य धीमतः । परिक्षीणेषु कुरुषु परिक्षीणं गतायुषम् ॥

puṇḍarīkākṣa paśya tvaṃ pautraṃ pārthasya dhīmataḥ | parikṣīṇeṣu kuruṣu parikṣīṇaṃ gatāyuṣam

"Lotus-eyed one, look at the grandson of wise Partha: when the Kurus were perishing, he too has perished, his span of life ended.

Note on the text: Corrected परिक्षीणां → परिक्षीणं (misprint in Wikisource; feminine ending does not agree with पौत्रं; critical edition parikṣīṇaṃ).

Verse 3 (14.67.3)

इषीका द्रोणपुत्रेण भीमसेनार्थमुद्यता । सोत्तरायां निपतिता विजये मयि चैव ह ॥

iṣīkā droṇaputreṇa bhīmasenārthamudyatā | sottarāyāṃ nipatitā vijaye mayi caiva ha

"The reed weapon that Drona's son raised for Bhimasena's sake fell upon Uttara, and upon me too, in the matter of Vijaya (Arjuna).

Note on the text: Corrected द्रोणपुत्रेणि → द्रोणपुत्रेण (misprint in Wikisource; stray final vowel; critical edition droṇaputreṇa).

Verse 4 (14.67.4)

सेयं ज्वलन्ती हृदये मयि तिष्ठति केशव । यन्न पश्यामि दुर्धर्ष सहपुत्रं तु तं प्रभो ॥

seyaṃ jvalantī hṛdaye mayi tiṣṭhati keśava | yanna paśyāmi durdharṣa sahaputraṃ tu taṃ prabho

"That fire stays burning in my heart, Keshava, because I cannot see him, invincible lord, together with his son.

Note on the text: Corrected तिष्टति → तिष्ठति (misprint in Wikisource; ष्ट for ष्ठ; critical edition tiṣṭhati). Wikisource reads "सहपुत्रं तु तं"; the critical edition has "mama putrasutaṃ vibho" (my son's son). Recension variant, kept.

Verse 5 (14.67.5)

किंनु वक्ष्यति धर्मात्मा धर्मराजो युधिष्ठिरः । भीमसेनार्जुनौ चापि माद्रवत्याः सुतौ च तौ ॥

kiṃnu vakṣyati dharmātmā dharmarājo yudhiṣṭhiraḥ | bhīmasenārjunau cāpi mādravatyāḥ sutau ca tau

"What will righteous Yudhishthira, the king of dharma, say, and Bhimasena and Arjuna, and Madri's two sons?

Verse 6 (14.67.6)

श्रुत्वाऽभिमन्योस्तनयं जातं च मृतमेव च । मुषिता इव वार्ष्णेय द्रोणपुत्रेण पाण्डवाः ॥

śrutvā'bhimanyostanayaṃ jātaṃ ca mṛtameva ca | muṣitā iva vārṣṇeya droṇaputreṇa pāṇḍavāḥ

"On hearing of Abhimanyu's son, born and yet dead, the Pandavas will be like men robbed by Drona's son, descendant of Vrishni.

Verse 7 (14.67.7)

अभिमन्युः प्रियः कृष्ण पितॄणां नात्र संशयः । ते श्रुत्वा किंनु वक्ष्यन्ति द्रोणपुत्रास्त्रनिर्जिताः ॥

abhimanyuḥ priyaḥ kṛṣṇa pitṝṇāṃ nātra saṃśayaḥ | te śrutvā kiṃnu vakṣyanti droṇaputrāstranirjitāḥ

"Abhimanyu was dear to his fathers, Krishna; there is no doubt of that. Defeated by the weapon of Drona's son, what will they say on hearing this?

Verse 8 (14.67.8)

भविता नः परं दुःखं किंनु मन्ये जनार्दन । अभिमन्योः सुतं कृष्ण मृतं जातमरिंदम ॥

bhavitā naḥ paraṃ duḥkhaṃ kiṃnu manye janārdana | abhimanyoḥ sutaṃ kṛṣṇa mṛtaṃ jātamariṃdama

"What greater sorrow can come to us, I wonder, Janardana, than this: Abhimanyu's son, born dead, Krishna, O tamer of foes?

Verse 9 (14.67.9)

साऽहं प्रसादये कृष्ण त्वामद्य शिरसा नता । पृथेयं द्रौपदी चैव ताः पश्य पुरुषोत्तम ॥

sā'haṃ prasādaye kṛṣṇa tvāmadya śirasā natā | pṛtheyaṃ draupadī caiva tāḥ paśya puruṣottama

"So I, bowing my head, entreat you today, Krishna. Look at Pritha here and at Draupadi, best of men.

Verse 10 (14.67.10)

यदा द्रोणसुतो गर्भान्पाण्डूनां हन्ति माधव । तदा किल त्वया द्रौणिः क्रुद्धेनोक्तोऽरिमर्दन ॥

yadā droṇasuto garbhānpāṇḍūnāṃ hanti mādhava | tadā kila tvayā drauṇiḥ kruddhenokto'rimardana

"When Drona's son was destroying the Pandavas' unborn children, Madhava, you were enraged, and you said to Drauni, slayer of foes:

Verse 11 (14.67.11)

अकामं त्वां करिष्यामि ब्रह्मबन्धो नराधम । अहं संजीवयिष्यामि किरीटितनयात्मजम् ॥

akāmaṃ tvāṃ kariṣyāmi brahmabandho narādhama | ahaṃ saṃjīvayiṣyāmi kirīṭitanayātmajam

"'I shall defeat your wish, you disgrace to the Brahmins, lowest of men. I shall bring to life the son of Kiritin's son.'

Verse 12 (14.67.12)

इत्येतद्वचनं श्रुत्वा जानानाऽहं बलं तव । प्रसादये त्वां दुर्धर्ष जीवतामभिमन्युजः ॥

ityetadvacanaṃ śrutvā jānānā'haṃ balaṃ tava | prasādaye tvāṃ durdharṣa jīvatāmabhimanyujaḥ

"Hearing those words, and knowing your power, I entreat you, invincible one, that Abhimanyu's son may live.

Note on the text: Corrected इत्येद्वचनं → इत्येतद्वचनं (misprint in Wikisource; dropped akshara; critical edition ity etad vacanaṃ).

Verse 13 (14.67.13)

यद्येतत्त्वं प्रतिश्रुत्य न करोषि वचः शुभम् । सकलं वृष्णिशार्दूल मृतां मामवधारय ॥

yadyetattvaṃ pratiśrutya na karoṣi vacaḥ śubham | sakalaṃ vṛṣṇiśārdūla mṛtāṃ māmavadhāraya

"If, having promised this, you do not make your good word true, tiger of the Vrishnis, then consider me wholly dead.

Note on the text: Corrected वच शुभम् → वचः शुभम् (misprint in Wikisource; missing visarga; critical edition vacaḥ śubham).

Verse 14 (14.67.14)

अभिमन्योः सुतो वीर न संजीवति यद्ययम् । जीवति त्वयि दुर्धर्ष किं करिष्याम्यहं त्वया ॥

abhimanyoḥ suto vīra na saṃjīvati yadyayam | jīvati tvayi durdharṣa kiṃ kariṣyāmyahaṃ tvayā

"If Abhimanyu's son does not come to life, hero, then while you live, invincible one, what shall I do with you?

Verse 15 (14.67.15)

संजीवयैनं दुर्धर्ष मृतं त्वमभिमन्युजम् । सदृशाक्षसुतं वीर सस्यं वर्षन्निवाम्बुदः ॥

saṃjīvayainaṃ durdharṣa mṛtaṃ tvamabhimanyujam | sadṛśākṣasutaṃ vīra sasyaṃ varṣannivāmbudaḥ

"Revive this dead son of Abhimanyu, invincible one, hero, the son of the like-eyed one, as a cloud rains upon the crops.

Note on the text: Corrected वर्षन्निवांम्बुदः → वर्षन्निवाम्बुदः (misprint in Wikisource; anusvara before म् is not valid; critical edition varṣann ivāmbudaḥ).

Verse 16 (14.67.16)

त्वं हि केशव धर्मात्मा सत्यवान्सत्यविक्रमः । स तां वाचमृतां कर्तुमर्हसि त्वमरिंदम ॥

tvaṃ hi keśava dharmātmā satyavānsatyavikramaḥ | sa tāṃ vācamṛtāṃ kartumarhasi tvamariṃdama

"You, Keshava, are righteous in soul, truthful, and true in valour. You ought to make that word of yours come true, tamer of foes.

Verse 17 (14.67.17)

इच्छन्नपि हि लोकांस्त्रीञ्जीवयेथा मृतानिमान् । किं पुनर्दयितं जातं स्वस्रीयस्यात्मजं मृतम् ॥

icchannapi hi lokāṃstrīñjīvayethā mṛtānimān | kiṃ punardayitaṃ jātaṃ svasrīyasyātmajaṃ mṛtam

"If you wished, you could bring back to life the dead of all three worlds. How much more, then, the beloved child born to your nephew, now dead?

Verse 18 (14.67.18)

प्रभावज्ञाऽस्मि ते कृष्ण तस्मात्त्वां याचयाम्यहम् । कुरुष्व पाण्डुपुत्राणामिमं परमनुग्रहम् ॥

prabhāvajñā'smi te kṛṣṇa tasmāttvāṃ yācayāmyaham | kuruṣva pāṇḍuputrāṇāmimaṃ paramanugraham

"I know your power, Krishna, and that is why I ask this of you. Grant this supreme favour to the sons of Pandu.

Verse 19 (14.67.19)

स्वसेति वा महाबाहो हतपुत्रेति वा पुनः । प्रपन्ना मामियं चेति दयां कर्तुमिहार्हसि ॥

svaseti vā mahābāho hataputreti vā punaḥ | prapannā māmiyaṃ ceti dayāṃ kartumihārhasi

"Because I am your sister, mighty-armed one, or because I am a mother whose son has been slain, or because I have come to you for refuge, you ought to show mercy."