The Horse Sacrifice Completed; the Earth Given and Returned

Verse 1 (14.90.1)

श्रपयित्वा पशूनन्यान्विधिवद्द्विजसत्तमाः । तं तुरङ्गं यथाशास्त्रमालभन्त द्विजातयः ॥

śrapayitvā paśūnanyānvidhivaddvijasattamāḥ | taṃ turaṅgaṃ yathāśāstramālabhanta dvijātayaḥ

Having cooked the other animals according to rule, the foremost Brahmins, the twice-born, then took hold of that horse for the sacrifice as the scriptures direct.

Note on the text: Recension variant: CE 14.91.1a reads 'śamayitvā paśūn anyān' (Wikisource 'श्रपयित्वा'); kept.

Verse 2 (14.90.2)

ततः संज्ञप्य तुरगं विधिवद्याजकर्षभाः । उपसंवेशयांचक्रुस्ततस्तां द्रुपदात्मजाम् । कलाभिस्तिसृभी राजन्यथाविधि मनस्विनीम् ॥

tataḥ saṃjñapya turagaṃ vidhivadyājakarṣabhāḥ | upasaṃveśayāṃcakrustatastāṃ drupadātmajām | kalābhistisṛbhī rājanyathāvidhi manasvinīm

Then, after the foremost priests had duly put the horse to death, they had Drupada's daughter, the high-minded lady, lie beside it in due form with the three kalas, O king.

Note on the text: Corrected तुरगंक → तुरगं (misprint in Wikisource; stray क after the anusvara; CE turagaṃ). Three-line verse = CE 14.91.2a, 2c, 2e (CE adds star 2d*0175_01, not in Wikisource).

Verse 3 (14.90.3)

उद्धृत्य तु वपां तस्य यथाशास्त्रं द्विजातयः । श्रपयामासुरव्यग्रा विधिवद्भरतर्षभ ॥

uddhṛtya tu vapāṃ tasya yathāśāstraṃ dvijātayaḥ | śrapayāmāsuravyagrā vidhivadbharatarṣabha

Then the twice-born, taking out its omentum as the scriptures direct, cooked it calmly and carefully according to rule, O best of the Bharatas.

Verse 4 (14.90.4)

तं वपाधूमगन्धं तु धर्मराजः सहानुजैः । उपाजिघ्रद्यथाशास्त्रं सर्वपापापहं तदा ॥

taṃ vapādhūmagandhaṃ tu dharmarājaḥ sahānujaiḥ | upājighradyathāśāstraṃ sarvapāpāpahaṃ tadā

Dharmaraja with his younger brothers then breathed in the smoke-scent of that omentum as the scriptures direct, which removes every sin.

Note on the text: Corrected यथासास्त्रं → यथाशास्त्रं (misprint in Wikisource; स for श; CE has yathānyāyam here, so the nearest valid word is yathāśāstram).

Verse 5 (14.90.5)

शिष्टान्यङ्गानि यान्यासंस्तस्याश्वस्य नराधिप । तान्यग्नौ जुहुवुर्धीराः समस्ताः षोडशर्त्विजः ॥

śiṣṭānyaṅgāni yānyāsaṃstasyāśvasya narādhipa | tānyagnau juhuvurdhīrāḥ samastāḥ ṣoḍaśartvijaḥ

The remaining limbs of that horse, O lord of men, were all offered into the fire by the steadfast sixteen priests.

Note on the text: Corrected तान्यग्रौ → तान्यग्नौ (misprint in Wikisource; ग्र for ग्न; CE agnau).

Verse 6 (14.90.6)

संस्थाप्यैवं तस्य राज्ञस्तं यज्ञं शक्रतेजसः । व्यासः सशिष्यो भगवान्वर्धयामास तं नृपम् ॥

saṃsthāpyaivaṃ tasya rājñastaṃ yajñaṃ śakratejasaḥ | vyāsaḥ saśiṣyo bhagavānvardhayāmāsa taṃ nṛpam

Having thus completed the sacrifice of that king, whose might was like Shakra's, the blessed Vyasa with his disciples cheered the king.

Verse 7 (14.90.7)

ततो युधिष्ठिरः प्रादात्सदस्येभ्यो यथाविधि । कोटीः सहस्रं निष्काणां व्यासाय तु वसुंधराम् ॥

tato yudhiṣṭhiraḥ prādātsadasyebhyo yathāvidhi | koṭīḥ sahasraṃ niṣkāṇāṃ vyāsāya tu vasuṃdharām

Then Yudhishthira gave the assembly priests, as was fitting, a thousand crores of nishkas, but to Vyasa he gave the earth.

Verse 8 (14.90.8)

प्रतिगृह्य धरां राजन्व्यासः सत्यवतीसुतः । अब्रवीद्भरतश्रेष्ठं धर्मराजं युधिष्ठिरम् ॥

pratigṛhya dharāṃ rājanvyāsaḥ satyavatīsutaḥ | abravīdbharataśreṣṭhaṃ dharmarājaṃ yudhiṣṭhiram

Receiving the earth, O king, Vyasa, son of Satyavati, said to Yudhishthira, the king of dharma and best of the Bharatas:

Verse 9 (14.90.9)

वसुधा भवतस्त्वेषा संन्यस्ता राजसत्तम । निष्क्रयो दीयतां मह्यं ब्राह्मणा हि धनार्थिनः ॥

vasudhā bhavatastveṣā saṃnyastā rājasattama | niṣkrayo dīyatāṃ mahyaṃ brāhmaṇā hi dhanārthinaḥ

This earth is yours, O best of kings; I give it back to you. Give me a ransom in its place, for Brahmins are seekers of wealth.

Note on the text: Corrected त्वेषां → त्वेषा (misprint in Wikisource; extra anusvara; the subject वसुधा is singular feminine, CE eṣā). Corrected धनार्थिना → धनार्थिनः (misprint in Wikisource; instrumental ending for nominative plural; CE dhanārthinaḥ).

Verse 10 (14.90.10)

युधिष्ठिरस्तु तान्विप्रान्प्रत्युवाच महामनाः । भ्रातृभिः सहितो धीमान्मध्ये राज्ञां महात्मनाम् ॥

yudhiṣṭhirastu tānviprānpratyuvāca mahāmanāḥ | bhrātṛbhiḥ sahito dhīmānmadhye rājñāṃ mahātmanām

But Yudhishthira, of great mind and wise, with his brothers, answered those Brahmins in the midst of the great-souled kings:

Verse 11 (14.90.11)

अश्वमेधे महायज्ञे पृथिवी दक्षिणा स्मृता । अर्जुनेन जिता चेयमृत्विग्भ्यः प्रापिता मया ॥

aśvamedhe mahāyajñe pṛthivī dakṣiṇā smṛtā | arjunena jitā ceyamṛtvigbhyaḥ prāpitā mayā

At a horse sacrifice, a great sacrifice, the earth is declared to be the fee. This earth, won by Arjuna, has been given by me to the priests.

Verse 12 (14.90.12)

वनं प्रवेक्ष्ये विप्राग्र्या विभजध्वं महीमिमाम् । चतुर्धा पृथिवीं कृत्वा चातुर्होत्रप्रमाणतः ॥

vanaṃ pravekṣye viprāgryā vibhajadhvaṃ mahīmimām | caturdhā pṛthivīṃ kṛtvā cāturhotrapramāṇataḥ

I shall go to the forest. Divide this earth, O foremost of Brahmins, making four parts of it in proportion to the four groups of priests.

Verse 13 (14.90.13)

नाहमादातुमिच्छामि ब्रह्मस्वं द्विजसत्तमाः । इदं नित्यं मनो विप्रा भ्रातॄणां चैव मे सदा ॥

nāhamādātumicchāmi brahmasvaṃ dvijasattamāḥ | idaṃ nityaṃ mano viprā bhrātṝṇāṃ caiva me sadā

I do not wish to take what belongs to Brahmins, O best of the twice-born. This is always my mind, O Brahmins, and my brothers' too.

Note on the text: Not matched automatically. Line a = CE 14.91.13a (variant: CE 'munisattamāḥ' for 'द्विजसत्तमाः'); line b is a recension variant of CE 14.91.13c ('idaṃ hi me mataṃ nityaṃ bhrātṝṇāṃ ca mamānaghāḥ'); kept.

Verse 14 (14.90.14)

इत्युक्तवति तस्मिंस्तु भ्रातरो द्रौपदी च सा । एवमेतदिति प्राहुस्तदभूद्रोमहर्षणम् ॥

ityuktavati tasmiṃstu bhrātaro draupadī ca sā | evametaditi prāhustadabhūdromaharṣaṇam

When he had said this, his brothers and Draupadi said, "So it is," and it made the hair stand on end.

Verse 15 (14.90.15)

ततोऽन्तरिक्षे वागासीत्साधुसाध्विति भारत । तथैव द्विजसङ्घानां शंसतां विबभौ स्वनः ॥

tato'ntarikṣe vāgāsītsādhusādhviti bhārata | tathaiva dvijasaṅghānāṃ śaṃsatāṃ vibabhau svanaḥ

Then a voice came from the sky, "Well done, well done," O Bharata, and the cry of the praising Brahmins rose in the same way.

Verse 16 (14.90.16)

द्वैपायनस्तथा कृष्णः पुनरेव युधिष्ठिरम् । प्रोवाच मध्ये विप्राणामिदं सम्पूजयन्मुनिः ॥

dvaipāyanastathā kṛṣṇaḥ punareva yudhiṣṭhiram | provāca madhye viprāṇāmidaṃ sampūjayanmuniḥ

Then Krishna Dvaipayana, the sage, again spoke to Yudhishthira in the midst of the Brahmins, honouring him:

Verse 17 (14.90.17)

दत्तैषा भवता मह्यं तां ते प्रतिददाम्यहम् । हिरण्यं दीयतामेभ्यो ब्राह्मणेभ्यो धराऽस्तु ते ॥

dattaiṣā bhavatā mahyaṃ tāṃ te pratidadāmyaham | hiraṇyaṃ dīyatāmebhyo brāhmaṇebhyo dharā'stu te

This earth was given to me by you; I give it back to you. Let gold be given to these Brahmins, and let the earth be yours.

Verse 18 (14.90.18)

ततोऽब्रवीद्वासुदेवो धर्मराजं युधिष्ठिरम् । यथाऽऽह भगवान्व्यासस्तथा त्वं कर्तुमर्हसि ॥

tato'bravīdvāsudevo dharmarājaṃ yudhiṣṭhiram | yathā''ha bhagavānvyāsastathā tvaṃ kartumarhasi

Then Vasudeva said to Dharmaraja Yudhishthira, "As the blessed Vyasa has said, so you should do."

Verse 19 (14.90.19)

इत्युक्तः स कुरुश्रेष्ठः प्रीतात्मा भ्रातृभिः सह । कोटिं कोटिं गवां प्रादाद्दक्षिणां त्रिगुणीकृताम् ॥

ityuktaḥ sa kuruśreṣṭhaḥ prītātmā bhrātṛbhiḥ saha | koṭiṃ koṭiṃ gavāṃ prādāddakṣiṇāṃ triguṇīkṛtām

Thus addressed, that best of the Kurus, glad at heart, with his brothers, gave a fee of cows, crore upon crore, made threefold.

Verse 20 (14.90.20)

न करिष्यति तल्लोके कश्चिदन्यो नराधिपः । यत्कृतं कुरुराजेन मरुत्तस्यानुकुर्वता ॥

na kariṣyati talloke kaścidanyo narādhipaḥ | yatkṛtaṃ kururājena maruttasyānukurvatā

No other lord of men will ever do in this world what the Kuru king did in following Marutta.

Verse 21 (14.90.21)

प्रतिगृह्य तु तद्द्रव्यं कृष्णद्वैपायनो मुनिः । ऋत्विग्भ्यः प्रददौ विद्वांश्चतुर्धा व्यभजंश्च ते ॥

pratigṛhya tu taddravyaṃ kṛṣṇadvaipāyano muniḥ | ṛtvigbhyaḥ pradadau vidvāṃścaturdhā vyabhajaṃśca te

Taking that wealth, the learned sage Krishna Dvaipayana gave it to the priests, and they divided it into four parts.

Verse 22 (14.90.22)

धरण्या निष्क्रयं दत्त्वा तद्धिरण्यं युधिष्ठिरः । धूतपापो जितस्वर्गो मुमुदे भ्रातृभिः सह ॥

dharaṇyā niṣkrayaṃ dattvā taddhiraṇyaṃ yudhiṣṭhiraḥ | dhūtapāpo jitasvargo mumude bhrātṛbhiḥ saha

Having given the gold as ransom for the earth, Yudhishthira, his sin shaken off and heaven won, rejoiced with his brothers.

Note on the text: Corrected दूतपापो → धूतपापो (misprint in Wikisource; द for ध; CE dhūtapāpmā).

Verse 23 (14.90.23)

ऋत्विजस्तमपर्यन्तं सुवर्णनिचयं तथा । व्यभजन्त द्विजातिभ्यो यथोत्साहं यथासुखम् ॥

ṛtvijastamaparyantaṃ suvarṇanicayaṃ tathā | vyabhajanta dvijātibhyo yathotsāhaṃ yathāsukham

The priests divided that boundless heap of gold among the Brahmins, each according to his eagerness and as pleased him.

Verse 24 (14.90.24)

यज्ञवाटे च यत्किञ्चिद्धिरण्यं अपि भूषणम् । तोरणानि च यूपांश्च घटान्पात्रीस्तथेष्टकाः । युधिष्ठिराभ्यनुज्ञाताः सर्वं तद्व्यभजन्द्विजाः ॥

yajñavāṭe ca yatkiñciddhiraṇyaṃ api bhūṣaṇam | toraṇāni ca yūpāṃśca ghaṭānpātrīstatheṣṭakāḥ | yudhiṣṭhirābhyanujñātāḥ sarvaṃ tadvyabhajandvijāḥ

Whatever gold there was in the sacrificial ground, even ornaments, the arches, the posts, the pots, the vessels and the bricks: with Yudhishthira's leave the Brahmins divided it all.

Note on the text: Corrected सवि → अपि (misprint in Wikisource; nonsense form; CE api).

Verse 25 (14.90.25)

अनन्तरं द्विजातिभ्यः क्षत्रिया जह्रिरे वसु । तथा विट्शूद्रसङ्घाश्च तथाऽन्ये म्लेच्छजातयः । कालेन महता जह्रुस्तत्सुवर्णं ततस्ततः ॥

anantaraṃ dvijātibhyaḥ kṣatriyā jahrire vasu | tathā viṭśūdrasaṅghāśca tathā'nye mlecchajātayaḥ | kālena mahatā jahrustatsuvarṇaṃ tatastataḥ

After the Brahmins the Kshatriyas carried off wealth, and the groups of Vaishyas and Shudras, and other Mlechchha peoples too; in the course of a long time they carried that gold away from here and there.

Note on the text: Removed stray wiki marks (backtick, quote and doubled danda) around line c. Recension variant: CE 25a reads 'brāhmaṇebhyaḥ' (Wikisource 'द्विजातिभ्यः'); kept.

Verse 26 (14.90.26)

ततस्ते ब्राह्मणाः सर्वे मुदिता जग्मुरालयान् । तर्पिता वसुना तेन धर्मराजेन धीमता ॥

tataste brāhmaṇāḥ sarve muditā jagmurālayān | tarpitā vasunā tena dharmarājena dhīmatā

Then all those Brahmins, gladdened and satisfied with that wealth from the wise Dharmaraja, went home.

Note on the text: Corrected धर्मिराजेन → धर्मराजेन (misprint in Wikisource; spurious ि; CE dharmarājñā). Corrected धीमिता → धीमता (misprint in Wikisource; spurious ि; cf. धीमतः in verse 38).

Verse 27 (14.90.27)

स्वमंशं भगवान्व्यासः कुन्त्यै पादाभिवादितः । प्रददौ तस्य महतो हिरण्यस्य महाद्युतिः ॥

svamaṃśaṃ bhagavānvyāsaḥ kuntyai pādābhivāditaḥ | pradadau tasya mahato hiraṇyasya mahādyutiḥ

The blessed and radiant Vyasa, whose feet Kunti had saluted, gave his own share of that great gold to her.

Verse 28 (14.90.28)

श्वशुरात्प्रीतिदायं तं प्राप्य सा प्रीतमानसा । चकार पुण्यकं तेन सुमहत्सङ्घशः पृथा ॥

śvaśurātprītidāyaṃ taṃ prāpya sā prītamānasā | cakāra puṇyakaṃ tena sumahatsaṅghaśaḥ pṛthā

Receiving that loving gift from her father-in-law, Pritha, glad at heart, performed with it a rite of merit on a very large scale, in many groups.

Note on the text: Recension variant: CE 28c reads 'cakāra puṇyaṃ loke tu sumahāntaṃ pṛthā tadā'; kept.

Verse 29 (14.90.29)

गत्वा त्ववभृथं राजा विपाप्मा भ्रातृभिः सह । सभाज्यमानः शुशुभे महेन्द्रस्त्रिदशैरिव ॥

gatvā tvavabhṛthaṃ rājā vipāpmā bhrātṛbhiḥ saha | sabhājyamānaḥ śuśubhe mahendrastridaśairiva

Having gone to the concluding bath, the king, freed from sin, shone with his brothers as he was honoured, like Mahendra among the gods.

Verse 30 (14.90.30)

पाण्डवाश्च महीपालैः समेतैरभिसंवृताः । अशोभन्त महाराज ग्रहस्तारागणैरिव ॥

pāṇḍavāśca mahīpālaiḥ sametairabhisaṃvṛtāḥ | aśobhanta mahārāja grahastārāgaṇairiva

And the Pandavas, surrounded by the assembled kings, shone, O great king, like planets among hosts of stars.

Note on the text: Removed a stray zero-width joiner after ण् in पाण्डवाश्च (invisible character; the visible text is unchanged).

Verse 31 (14.90.31)

राजभ्योऽपि ततः प्रादाद्रत्नानि विविधानि च । गजानश्वानलङ्कारान्स्त्रियो वासांसि काञ्चनम् ॥

rājabhyo'pi tataḥ prādādratnāni vividhāni ca | gajānaśvānalaṅkārānstriyo vāsāṃsi kāñcanam

He then gave jewels of many kinds even to the kings: elephants, horses, ornaments, women, garments and gold.

Note on the text: Corrected राजभ्योपि → राजभ्योऽपि (misprint in Wikisource; missing avagraha). Corrected त्रियो → स्त्रियो (misprint in Wikisource; dropped स्; CE striyo).

Verse 32 (14.90.32)

तद्धनौघमपर्यन्तं पार्थः पार्थिवमण्डले । विसृजञ्शुशुभे राजन्यथा वैश्रवणस्तथा ॥

taddhanaughamaparyantaṃ pārthaḥ pārthivamaṇḍale | visṛjañśuśubhe rājanyathā vaiśravaṇastathā

Scattering that boundless flood of wealth in the circle of kings, Partha shone, O king, like Vaishravana.

Verse 33 (14.90.33)

आनीय च तथा वीरं राजानं बभ्रुवाहनम् । प्रदाय विपुलं वित्तं गृहान्प्रास्थापयत्तदा ॥

ānīya ca tathā vīraṃ rājānaṃ babhruvāhanam | pradāya vipulaṃ vittaṃ gṛhānprāsthāpayattadā

And having summoned the hero, King Babhruvahana, and given him vast wealth, he sent him off to his home then.

Note on the text: Corrected गृहात्प्रास्थापयनत्तदा → गृहान्प्रास्थापयत्तदा (misprint in Wikisource; doubled न and ablative for accusative; CE gṛhān prāsthāpayat tadā).

Verse 34 (14.90.34)

दुःशलायाश्च तं पौत्रं बालकं भरतर्षभ । स्वराज्येऽथ पितुर्धाम्नि स्वसुः प्रीत्या न्यवेशयत् ॥

duḥśalāyāśca taṃ pautraṃ bālakaṃ bharatarṣabha | svarājye'tha piturdhāmni svasuḥ prītyā nyaveśayat

And he installed the boy, the grandson of Duhshala, O best of the Bharatas, in his own kingdom, in his father's seat, out of affection for his sister.

Note on the text: Corrected पितुर्धामान्स्वसुः → पितुर्धाम्नि स्वसुः (misprint in Wikisource; धामान् is not a form that fits the construction; locative धाम्नि (cf. CE svarājye pitṛbhir gupte) is the evident word). Corrected न्वयेशयत् → न्यवेशयत् (misprint in Wikisource; transposed letters; न्यवेशयत् "installed"). Not matched automatically. Line a is a recension variant of CE 14.91.34a ('duḥśalāyāś ca taṃ pautraṃ bālakaṃ pārthivarṣabha'); line b is a variant of CE 34c ('svarājye pitṛbhir gupte prītyā samabhiṣecayat'). Both corrections here are conjectural, from the sense.

Verse 35 (14.90.35)

नृपतींश्चैव तान्सर्वान्सुविभक्तान्सुपूजितान् । प्रस्थापयामास वशी कुरुराजो युधिष्ठिरः ॥

nṛpatīṃścaiva tānsarvānsuvibhaktānsupūjitān | prasthāpayāmāsa vaśī kururājo yudhiṣṭhiraḥ

The self-controlled Kuru king Yudhishthira sent off all those kings, well parted from and well honoured.

Verse 36 (14.90.36)

गोविन्दं च महात्मानं बलदेवं महाबलम् । तथाऽन्यान्वृष्णिवीरांश्च प्रद्युम्नाद्यान्सहस्रशः ॥

govindaṃ ca mahātmānaṃ baladevaṃ mahābalam | tathā'nyānvṛṣṇivīrāṃśca pradyumnādyānsahasraśaḥ

And great-souled Govinda, and mighty Baladeva, and other Vrishni heroes by the thousand, Pradyumna and the rest,

Note on the text: Not matched automatically. = star passage 14,091.035d*0176_01-02 (govindaṃ ca mahātmānaṃ baladevaṃ mahābalam / tathānyān vṛṣṇivīrāṃś ca pradyumnādīn sahasraśaḥ); lines a-b of the four-line star. Vulgate-only otherwise.

Verse 37 (14.90.37)

पूजयित्वा महाराज यथाविधि महाद्युतिः । भ्रातृभिः सहितो राजा प्रास्थापयदरिंदमः ॥

pūjayitvā mahārāja yathāvidhi mahādyutiḥ | bhrātṛbhiḥ sahito rājā prāsthāpayadariṃdamaḥ

having honoured them in due form, O great king, the radiant king with his brothers, the subduer of foes, sent them off.

Note on the text: Corrected प्रास्थापरयदरिंदमः → प्रास्थापयदरिंदमः (misprint in Wikisource; stray र; CE prāsthāpayad ariṃdamaḥ). Not matched automatically. = star passage 14,091.035d*0176_03-04 (pūjayitvā mahārāja yathāvidhi mahādyutiḥ / bhrātṛbhiḥ sahito rājā prāsthāpayad ariṃdamaḥ); it completes the sentence begun in the previous verse.

Verse 38 (14.90.38)

एवं बभूव यज्ञः स धर्मराजस्य धीमतः । बह्वन्नधनरत्नौघः सुरामैरेयसागरः ॥

evaṃ babhūva yajñaḥ sa dharmarājasya dhīmataḥ | bahvannadhanaratnaughaḥ surāmaireyasāgaraḥ

Thus was the sacrifice of the wise Dharmaraja: a flood of food, wealth and jewels, an ocean of sura and maireya liquors,

Note on the text: Corrected धर्मिराजस्य → धर्मराजस्य (misprint in Wikisource; spurious ि; CE dharmarājasya).

Verse 39 (14.90.39)

सर्पिःपङ्का ह्रदा यत्र बभूवुश्चान्नपर्वताः । रसालकर्दमा नद्यो बभूवुर्भरतर्षभ ॥

sarpiḥpaṅkā hradā yatra babhūvuścānnaparvatāḥ | rasālakardamā nadyo babhūvurbharatarṣabha

where there were lakes with mire of ghee, mountains of food, and streams whose mud was rasala, O best of the Bharatas.

Verse 40 (14.90.40)

भक्ष्यखाण्डवरागाणां क्रियतां भुज्यतां तथा । पशूनां वध्यतां चैव नान्तं ददृशिरे जनाः ॥

bhakṣyakhāṇḍavarāgāṇāṃ kriyatāṃ bhujyatāṃ tathā | paśūnāṃ vadhyatāṃ caiva nāntaṃ dadṛśire janāḥ

"Let the sweets and savouries, the khandava and the raga, be prepared! Let them be eaten!" and "Let the animals be slain!" -- people saw no end to such cries.

Note on the text: Not matched automatically. = CE 14.91.38 (line a identical; line b variant of CE 'nāntas tatra sma dṛśyate').

Verse 41 (14.90.41)

मत्तप्रमत्तमुदितं सुप्रीतयुवतीजनम् । मृदङ्गशङ्खनादैश्च मनोरममभूत्तदा ॥

mattapramattamuditaṃ suprītayuvatījanam | mṛdaṅgaśaṅkhanādaiśca manoramamabhūttadā

Full of the elated, the tipsy and the carefree, and of delighted young women, charming with the sound of drums and conches, it was so then.

Note on the text: Corrected नादैस्च → नादैश्च (misprint in Wikisource; स for श (CE has śabdaiś ca)).

Verse 42 (14.90.42)

दीयतां भुज्यतां चापि तत्र शब्दो महानभूत् । दीयतां दीयतां चेति दिवारात्रमवारितम् ॥

dīyatāṃ bhujyatāṃ cāpi tatra śabdo mahānabhūt | dīyatāṃ dīyatāṃ ceti divārātramavāritam

"Give!" "Eat!" -- a great clamour arose there, "Give! Give!" -- unceasing, day and night.

Note on the text: Not matched automatically. Line a ≈ CE star 14,091.040a*0177_01 (tatra śabdo mahān abhūt) with 'dīyatāṃ bhujyatāṃ ceti' from 40a; line b ≈ CE 40a/star 40a*0177_02 (pīyatāṃ dīyatāṃ ceti) with 'divārātram avāritam' from 40a.

Verse 43 (14.90.43)

तं महोत्सवसंकाशं हृष्टपुष्टजनाकुलम् । कथयन्ति स्म पुरुषा नानादेशनिवासिनः ॥

taṃ mahotsavasaṃkāśaṃ hṛṣṭapuṣṭajanākulam | kathayanti sma puruṣā nānādeśanivāsinaḥ

Men living in many lands spoke of that great gathering, like a festival, crowded with well-fed and joyful people.

Note on the text: Not matched automatically. = CE 14.91.40c and 40e (the second and third lines of the CE's three-line verse 40).

Verse 44 (14.90.44)

वर्षित्वा धनधाराभिः कामै रत्नै रसैस्तथा । विपाप्मा भरतश्रेष्ठः कृतार्थः प्राविशत्पुरम् ॥

varṣitvā dhanadhārābhiḥ kāmai ratnai rasaistathā | vipāpmā bharataśreṣṭhaḥ kṛtārthaḥ prāviśatpuram

Having rained floods of wealth, pleasures, jewels and delicacies, the best of the Bharatas, freed from sin and his aim fulfilled, entered the city.